સાઉથ ગુજરાત સોલાર એસોસેયિશન દ્વારા મંગળવારે એક પ્રેસ કોન્ફરન્સનું આયોજન કરવામાં આવ્યું હતું. જેમાં સરકારની નવી પોલીસીને કારણે સોલાર ઉદ્યોગ મુશ્કેલીમાં મુકાઇ રહ્યો છે તેવી ચિંતા વ્યક્ત કરવામાં આવી હતી.

 કેન્દ્ર સરકાર 1 જૂન, 2026થી સોલાર ઉદ્યોગ માટે નવો અને વધુ કડક નિયમ અમલમાં મૂકી રહી છે. આ નિયમનો સીધો અસર સોલાર સિસ્ટમના ખર્ચ પર પડી શકે છે. કાર દ્વારા લાગુ થનારા નવા નિયમ મુજબ હવે ફક્ત સોલાર પેનલ્સ જ નહીં, પરંતુ પેનલ્સમાં વપરાતા સોલાર સેલ્સ પણ સરકારની મંજૂર યાદીમાં સામેલ હોવા જરૂરી બનશે. અત્યાર સુધી ALMM List-I હેઠળ માત્ર સોલાર પેનલ્સ માટે મંજૂરી જરૂરી હતી, પરંતુ હવે ALMM List-II હેઠળ સોલાર સેલ્સ માટે પણ સરકારી ધોરણો ફરજિયાત કરવામાં આવ્યા છે. સરકારનું કહેવું છે કે આ નિર્ણયનો મુખ્ય હેતુ બજારમાં નીચી ગુણવત્તાવાળા વિદેશી અને ખાસ કરીને ચાઇનીઝ સોલાર પ્રોડક્ટ્સ પર નિયંત્રણ લાવવાનો છે. સાથે જ “મેક ઇન ઇન્ડિયા” અભિયાનને પ્રોત્સાહન આપીને સ્થાનિક ઉત્પાદકોને વધુ તક આપવા પર પણ સરકાર ભાર મૂકી રહી છે.

 એસોસિયેશનનુ કહેવું છે કે,માત્ર દક્ષિણ ગુજરાત નહી, પરંતુ આખા દેશના સોલાર બિઝનેસ સાથે સંકળાયેલા લોકો મુશ્કેલીમાં છે. પ્રોજેક્ટ ઠપ્પ થઇ ગયા ચે. નિયમો ફરજિયાત થવાને કારણે પ્રોજેક્ટ ખર્ચમાં 25થી 30 ટકાનો વધારો થયો છે. સોલાર ઉદ્યોગ દ્વારા 8 મુદ્દા ઉઠાવવામાં આવ્યા છે.

સુરતના વેડ રોડ વિસ્તારમાં આવેલા નાસિર નગરમાં ડિમોલિશન બાબતે ભારે હોબાળો થતા હવે સુરત મહાનગર પાલિકાએ 6 સભ્યોની હાઇ પાવર કમિટીની જાહેરાત કરી છે જે ડિમોલિશન કાંડની તપાસ કરશે. નવાઇની વાત એ છે કે, સુરત મહાનગર પાલિકાના કમિશ્નર, સ્ટેન્ડિગ ચેરમેન અને અધિકારીઓએ વારંવાર એવું કહ્યું છે કે, નારિસર નગરમાં પાલિકાએ ડિમોલિશન કર્યું જ નથી તો પછી કમિટી બનાવવાની જરૂર કેમ પડી?

પાલિકાએ એમ એમ. ગજજર, એમ.એમ. ડોકટર, એમ.ડી, ચાવડા, આર. ડી ગાંજાવાલા અને મોહસીન એ કાગઝી એમ 6 સભ્યોની કમિટી બનાવી છે જે તપાસ કરશે.

આમા એમ.ડી. ચાવડા,કમલેશ વસાવા અને આર.ડી. ગાંજાવાલા સામે આ પહેલા વિવાદો થયા છે. તો આવા વિવાદિત અધિકારીઓની કમિટી ડિમોલિશન કાંડની તટસ્થ તપાસ કેવી રીતે કરી શકશે? એ એક મોટો સવાલ છે.

સુરતની વનિતા વિશ્રામ મહિલા યુનિવર્સિટી ના વિજ્ઞાન અને ટેકનોલોજી ફેકલ્ટીના ડીન ડૉ. મનીષા બી. વ્યાસને નેપાળના કાઠમંડુમાં આંતરરાષ્ટ્રીય આયુષ કોન્ક્લેવ 4.0 માં આયુષ લિજેન્ડરી એવોર્ડ થી સન્માનિત કરવામાં આવી રહ્યા છે.

શિક્ષણ, સંશોધન, પોષણ વિજ્ઞાન, મહિલા સશક્તિકરણ અને શૈક્ષણિક નેતૃત્વ ક્ષેત્રોમાં ત્રણ દાયકાથી વધુ સમયથી ઉત્કૃષ્ટ યોગદાનને માન્યતા આપવા માટે આ સન્માન આપવામાં આવી રહ્યું છે. શિક્ષણ, આરોગ્ય, સંશોધન અને સમુદાય વિકાસ દ્વારા, હજારો વિદ્યાર્થીઓ અને સમગ્ર સમાજને ડો. મનીષા વ્યાસે એક નવી દિશા આપી છે.

આ સન્માન CIVIC કાઉન્સિલ ફોર ઇન્ટિગ્રેટિવ વૈધ્ય ઇનોવેશન એન્ડ કોલાબોરેશન દ્વારા NCC - નેપાળ ચેમ્બર ઓફ કોમર્સસાથે ભાગીદારીમાં અને લેજેન્ડ્સ વર્લ્ડ રેકોર્ડ્સ ના નેજા હેઠળ 12થી 14 જૂન કાર્યક્રમ આયોજિત કરવામાં આવ્યો છે. ડો. મનીષા વ્યાસ 9 જૂને નેપાળ જવા રવાના થયા છે.

હવામાન વિભાગે કહ્યું કે, દક્ષિણ-પશ્ચિમ ચોમાસાએ ભારત તરફ આગળ વધવાનું શરૂ કરી દીધુ છે. હાલમાં તે આંદામાન-નિકોબાર દ્વિપ સમુહના દક્ષિણ છેડા ઇન્દીરા પોઇન્ટથી લઇને ઉત્તરી છેડા પર લેન્ડ ફોલ સુધી પહોંચી ગયું છે.

હવામાન વિભાગનું કહેવું છે કે ભારતમાં સામાન્ય રીતે ચોમાસાની શરૂઆત 1 જૂનથી કેરળથી થતી હોય છે. પરંતુ આ વખતે કેરળમાં ચોમાસાની એન્ટ્રી 22થી 26 વચ્ચે થઇ શકે છે. જો કે આ વખતે વરસાદમાં લાંબા બેક પણ જોવા મળશે. જે ચોમાસુ આખા દેશમાં 35 દિવસમાં કવર થાય તેને બદલે આ વખતે આખા દેશને કવર કરતા લગભગ 70 દિવસ લાગી શકે છે. હવામાન વિભાગે સાથે એમ પણ કહ્યું છે કે આગામી દિવસોમાં ગુજરાતમાં તાપમાનમાં 3 ડિગ્રીનો ઘટાડો જોવા મળશે.

સુપ્રીમ કોર્ટમાં મંગળવારે રખડતા કુતરાઓ પર સુનાવણી ચાલી હતી. કોર્ટે કહ્યું કે જે ખતરનાક અને બિમાર કુતરાઓ છે તેમને દયા મોત આપો કારણકે, માનવ જીવનનું રક્ષણ કરવું વધારે મહત્ત્વનું છે. સાથે સાથે સુપ્રીમ કોર્ટે એમ પણ કહ્યુ કે જે અધિકારીઓ આ સુચનાનું ઉલ્લંઘન કરશે તેની સામે અવમાનનાનો કેસ પણ ચલાવવો જોઇએ.

સુપ્રીમ કોર્ટે મંગળવારે નવેમ્બર 2025ના સુપ્રીમ કોર્ટના જુના આદેશમાં કોઇ પણ પ્રકારનો ફેરફાર કરવાનો સ્પષ્ટ ઇન્કાર કરી દીધો હતો,જેમાં કહેવાયુ હતું કે, શાળા-કોલેજો, હોસ્પિટલ, બસ-રેલવે સ્ટેશન જેવા જાહેર સ્થળો પર રખડતા કુતરાઓને હટાવીને શેલ્ટર હોમમાં મોકલી દેવાયા હતા.

અગાઉના ચુકાદામાં સુપ્રીમ કોર્ટ કહ્યું હતું કે જો રખડતા કુતરાના કરડવાને કારણે જો કોઇ વ્યક્તિ ઇજાગ્રસ્ત થશે અથવા મોત થશે તો નગર પાલિકા અને ડોગ ફીડર્સ પણ જવાબદાર રહેશે.

સુરતની ધી વરાછા કો-ઓપ. બેંક લિ.,“શિડયુલ્ડ બેંક” નો પ્રતિષ્ઠિત દરજ્જો પ્રાપ્ત થયો છે. અગાઉથી “મલ્ટી સ્ટેટ કો-ઓપરેટિવ બેંક” તરીકે સફળતાપૂર્વક કાર્યરત રહેલી બેંક હવે “મલ્ટી સ્ટેટ શિડયુલ્ડ કો-ઓપરેટિવ બેંક” તરીકે એક ઐતિહાસિક સિદ્ધિ પ્રાપ્ત કરી છે.

વર્ષ 1995માં સ્થાપિત થયેલી ધી વરાછા કો-ઓપ. બેંક લિ. એ માત્ર 30 વર્ષના ટૂંકા ગાળામાં સતત સહકારી ક્ષેત્રમાં આગવી ઓળખ અને પ્રતિષ્ઠા પ્રાપ્ત કરી છે. ગુજરાતમાં કુલ 211 અર્બન કો-ઓપ. બેંક છે. જેમાંથી કુલ 7 બેંકો શિડયુલ્ડ બેંક છે. વર્ષ 2000 પછી ગુજરાતમાં કો-ઓપ. બેંકોમાં વરાછા કો-ઓપ. બેંક એક માત્ર બેંક છે જેને “મલ્ટી સ્ટેટ શિડયુલ્ડ કો-ઓપરેટિવ બેંક” નો દરજ્જો પ્રાપ્ત થયો છે.

વરાછા કો-ઓપ. બેંકની મજબૂત નાણાકીય સ્થિતિ દર્શાવતા તા. 31 માર્ચ 2026ના રોજ પૂર્ણ થયેલ નાણાકીય વર્ષમાં • કુલ થાપણો : ₹4,411.11 કરોડ,• કુલ ધિરાણ : ₹2,571.31 કરોડ,• મૂડી ભંડોળ : ₹447.23 કરોડ,• કુલ બિઝનેસ : ₹6,982.42 કરોડનો થયો છે.

ધી વરાછા કો.ઓ. બેંકના ચેરમેન નરેન્દ્ર કુકડીયાએ પત્રકાર પરિષદમાં કહ્યું હતું કે, શિડ્યુલ બેંકનો મતલબ છે કે હવે અમારી બેંક માટે અનેક દરવાજા ખુલી ગયા છે. હવે અમારી બેંક ડિમેટ ખાતા ખોલી શકશે, RERA એકાઉન્ટ ખોલી શકશે, જે સહકારી સંસ્થાઓ છે તેમને શિડ્યુલ બેંકમા જ ડિપોઝીટ મુકવાનો નિયમ છે તો હવે આવી સહકારી સંસ્થાઓ વરાછા બેંકમાં થાપણો મુકી શકશે, ફોરેન એક્સ્ચેન્જનું કામ પણ વરાછા બેંક કરી શકશે.

વરાછા બેંક હવે મહારાષ્ટ્ર અને કેન્દ્ર શાસિત પ્રદેશમાં શાખા ખોલી શકશે.

ભારતમાં રાજકીય પાર્ટી બનવી એ કોઇ નવાઇની વાત નથી પરંતુ સોશિયલ મીડિયમાં એક રાજકીય પાર્ટી જબરદસ્ત ચર્ચાનો વિષય બની છે. આ પાર્ટીનું નામ કોક્રોચ જનતા પાર્ટી આપવામાં આવ્યું છે અને માત્ર 3 જ દિવસની અંદર આ પાર્ટીમાં 70000 લોકો સભ્ય બની ગયા છે.

આમ આદમી પાર્ટીના પૂર્વ સોશિયલ મીડિયા કાર્યકર અભિજીત દિપકના મગજની ઉપજ છે. કોક્રોચ પાર્ટીની વેબસાઇટ પણ બનાવવામા આવી છે.

સુપ્રીમ કોર્ટના ચીફ જસ્ટીસ સુર્યકાંતે તાજેતરમા બેરોજગાર લોકો માટે કોક્રોચ શબ્દનો ઉપયોગ કર્યો હતો જેના અનુસંધાનમાં બેરોજગાર અને ઉપેક્ષિત લોકો માટે આ પાર્ટી બનાવવામાં આવી છે. TMCના સાસંદ મહુવા મોઇત્રા પણ આ પાર્ટીમાં જોડાતા વધારે ચર્ચા જામી છે.

2026માં 5 રાજયોની વિધાનસભાની ચૂંટણીમાં સાયલન્ટ શિફ્ટ જોવા મળ્યું. ભલે બંગાળ, આસામ, પુડેચેરીમાં ભાજપે સરકાર બનાવી હોય, પરંતુ મોટો લાડવો કોંગ્રેસને મળ્યો છે.ભલે 4 રાજ્યોમાં કોંગ્રેસ સત્તા પર ન આવી, પરંતુ પોતાની ખોવાયેલી જમીન પાછી મેળવવામાં કોંગ્રેસને સફળતા મળી.

10 વર્ષ પછી કોંગ્રેસ કેરલમામાં પાછી ફરી અને સરકાર બનાવશે.કોંગેસે સાબિત કરી દીધુ કે સાઉથમાં તેનો કિલ્લો ભેદવો સહેલો નથી. તેલંગાણા, કર્ણાટક અને હવે કેરલમમાં સરકાર બનાવશે. આસામમાં અત્યાર સુધી બદરૂદ્દીન અજમલની પાર્ટી AIUDFનો દબદબો હતો. 2026માં આ પાર્ટીનો અંત આવી ગયો. મુસ્લિમ મતદારો અત્યાર સુધી કોંગ્રેસ અને અજમલની પાર્ટી વચ્ચે વ્હેંચાયેલા હતા, પરંતુ હવે અલ્પસંખ્યક વોટ બેંક કોંગ્રેસ પાસે આવી ગઇ છે.બધી પ્રાદેશિક પાર્ટીઓ ખતમ થવા માંડી છે એટલે ઇન્ડિયા ગઠબંધન પર કોંગ્રેસનો દબદબો વધશે.

પશ્ચિમ બંગાળમાં ભાજપે જીત મેળવી અને 208 બેઠકો સાથે હવે સરકાર બનાવશે. મમતાને ઘરે બેસાડવામાં 5ના 5 મુખ્ય પાત્રો હતા.

પહેલું મુખ્ય પાત્ર હતું કેન્દ્રીય ગૃહ મંત્રી અમિત શાહ જેમણે 2021માં ભાજપની હારમાંથી જીતના કારણો શોધ્યા અને બંગાળ પર ફોકસ કર્યું. બીજુ પાત્ર હતું સુનિલ બસંલ જેમને અમિત શાહે 2023થી બંગાળમાં મોકલી દીધા હતા અને અત્યાર સુધી ત્યાં રહ્યા અને તેમણે ગ્રાઉન્ડ લેવલે કામ કરીને 2025માં પ્લાન તૈયાર કર્યો. ત્રીજી પાત્ર આઇટી સેલના પ્રમુખ અમિત માલવિયા જેમણે 3000 સોશિયલ મીડિયા ઇન્ફલુઅન્સરનું નેટવર્ક તૈયાર કર્યું. ચોથું પાત્ર શિવપ્રકાશ સિંહ હતું જેમણે સંઘના ગ્રાઉન્ડ વર્કનો હિસાબ રાખ્યો અને ભાજપ સાથે તાલમેલ રાખ્યો. પાંચમું પાત્ર ભૂપેન્દ્ર યાદવ જેમણે બુથ સ્તરને મજુબત બનાવવાનું કામ કર્યું.

દક્ષિણ ગુજરાતના ઉદ્યોગ જગત અને રોકાણકારો માટે નાણાકીય મેનેજમેન્ટ અને રોકાણની નવી દિશાઓ ખોલવા માટે ‘ધી સધર્ન ગુજરાત ચેમ્બર ઓફ કોમર્સ એન્ડ ઈન્ડસ્ટ્રી’ (SGCCI) અને ‘જૈન ઈન્ટરનેશનલ ટ્રેડ ઓર્ગેનાઈઝેશન’ (JITO) સુરત દ્વારા સંયુક્તપણે ‘વેલ્થ એક્ષ્પો 2026’નું ભવ્ય આયોજન કરવામાં આવ્યું છે.

 આ એક્ષ્પો આગામી 8, 9 અને 10 મે, 2026 દરમિયાન સરસાણા સ્થિત સુરત ઇન્ટરનેશનલ એક્ઝિબિશન એન્ડ કન્વેન્શન સેન્ટર (SIECC) ખાતે યોજાશે. આ એક્ષ્પોનું ગરિમાપૂર્ણ ઉદ્‌ઘાટન 8 મે 2026 ના રોજ સવારે 10:00 વાગ્યે અબાક્કસ એસેટ મેનેજમેન્ટના સ્થાપક સુનિલ સિંઘાનિયાના વરદ્‌ હસ્તે કરવામાં આવશે.

ચેમ્બરના પ્રમુખ નિખિલ મદ્રાસીએ જણાવ્યું હતું કે, “સુરત હવે માત્ર ઉત્પાદનનું કેન્દ્ર જ નથી રહ્યું, પણ તે એક મોટા ઇન્વેસ્ટમેન્ટ હબ તરીકે પણ ઉભરી રહ્યું છે. ‘વેલ્થ એક્ષ્પો 2026’ દ્વારા અમે સ્થાનિક ઉદ્યોગકારો અને એમએસએમઈને અગ્રણી ફાઇનાન્સિયલ ઇન્સ્ટિટ્યૂશન્સ, લીઝિંગ કંપનીઓ અને ફિનટેક ઇનોવેટર્સ સાથે એક જ મંચ પર લાવવાનો પ્રયાસ કર્યો છે. આ એક્ષ્પો ઉદ્યોગોને જરૂરી મૂડી અને રોકાણકારોને સાચું માર્ગદર્શન પૂરું પાડવામાં સેતુરૂપ સાબિત થશે. તેમાં એઆઈએફ જેવા રોકાણના નવા માર્ગો વિશે જાણીતા નિષ્ણાતો માર્ગદર્શન આપશે.”

JITO સુરતના મિલન પરીખે જણાવ્યું હતું કે, “નાણાકીય સાક્ષરતા અને યોગ્ય દિશામાં રોકાણ એ આજના સમયની માગ છે.આ એક્ષ્પોમાં અમે દેશના જાણીતા નિષ્ણાતોને આમંત્રિત કર્યા છે જેઓ ભારતની ‘ગ્રોથ સ્ટોરી’ અને ‘જીઓ પોલિટિક્સ’ની અસરો વિશે ઊંડાણપૂર્વક સમજ આપશે. રોકાણકારો માટે રોકાણના વિવિધ માર્ગો સમજીને માહિતગાર નિર્ણય લેવાની આ એક અનોખી તક છે.

આ એક્ષ્પો બેન્કો, એનબીએફસી, ઇન્સ્યુરન્સ, સ્ટોક માર્કેટ અને લીઝિંગ કંપનીઓનું વિશાળ પ્રદર્શન બની રહેશે અને ગુજરાતનું નાણાકીય ક્ષેત્રનું સૌથી મોટું એક્ઝિબિશન હશે. એસએમઈ, સ્ટાર્ટઅપ્સ અને કોર્પોરેટ્‌સ માટે રોકાણ, આઈપીઓ અને ફાયનાન્સિંગની વિશેષ તકો રહેશે. ફિનટેક ઇનોવેશન્સ અને ડિજિટલ બેન્કિંગ સોલ્યુશન્સ, પેનલ ડિસ્કશન્સ, વર્કશોપ્સ અને નોલેજ સેશન યોજાશે.

 આ એક્ષ્પોમાં વન–ટુ–વન બિઝનેસ મીટિંગ અને રોકાણકારો સાથે સીધી મુલાકાત કરી શકાશે.

8 મે 2026, શુક્રવાર

• સવારે 11:00 કલાકે: સુનિલ સિંઘાનિયા (સ્થાપક – અબાક્કસ એસેટ મેનેજમેન્ટ)

 વિષય: ભારતનો આગામી દાયકો - સ્માર્ટ મનીનું રોકાણ ક્યાં કરવું જોઈએ?

• બપોરે 12:00 કલાકે: કરણ દત્તા (જીઓ-પોલિટિકલ એક્સપર્ટ અને પૂર્વ સીબીઓ – એક્સિસ મ્યુચ્યુઅલ ફંડ)

 વિષય: જીઓ-પોલિટિકલ ફેરફારોને સમજો અને ફાઇનાન્શિયલ માર્કેટ્સ પર તેની વાસ્તવિક અસરને જાણો.

9 મે 2026, શનિવાર

સવારે 11:00 કલાકે: સંદીપ જૈન (સહ-સ્થાપક – ટ્રેડસ્વિફ્ટ બ્રોકિંગ પ્રાઇવેટ લિમિટેડ)

 વિષય: સ્ટોક્સ ઓળખવા પાછળની કળા અને વિજ્ઞાન.

 બપોરે 12:00 કલાકે: વિશાલ બી. મલકાન (સહ-સ્થાપક – મલકાન્સવ્યૂ)

 વિષય: RSI સાથે ટોપ ડાઉન એનાલિસિસ - 2026 માટે ટોચના સેક્ટર્સની ઓળખ.

 સાંજે 4:00 કલાકે: રાહુલ કપૂર જૈન (માઇન્ડસેટ કોચ અને લેખક)

 વિષય: વેલ્થ બિયોન્ડ “વેલ્થ”.

10 મે 2026, રવિવાર

• સવારે 11:00 કલાકે: પેનલ ડિસ્કશન – બુલ માર્કેટથી આગળ સંપત્તિ સર્જન

 વક્તાઓ: વિકાસ ખેમાણી (સ્થાપક – કાર્નેલિયન એસેટ મેનેજમેન્ટ) અને સંજય ડાંગી (સ્થાપક – ઓથમ ઇન્વેસ્ટમેન્ટ એન્ડ ઇન્ફ્રાસ્ટ્રક્ચર).

• બપોરે 12:00 કલાકે: પેનલ ડિસ્કશન – ટકાઉ સંપત્તિનું નિર્માણ: ઉદ્યોગસાહસિકોથી સંપત્તિ સર્જકો સુધી

વક્તાઓ: નિર્મલ જૈન (સ્થાપક અને ચેરમેન –આઈઆઈએફએલ હોલ્ડિંગ્સ લિમિટેડ) અને હિતેશ દોશી (ચેરમેન – વારી ગ્રૂપ).

આ એક્ષ્પોને સફળ બનાવવા માટે વિવિધ સંસ્થાઓએ સહયોગ આપ્યો છે, જેમાં મહેતા વેલ્થ, જૈનમ, નિવેશ આય, યુનિસનનો સમાવેશ થાય છે.

સુરતના રોકાણકારો, ફાઇનાન્સિયલ એડવાઇઝર્સ, સ્ટાર્ટઅપ્સ અને નાણાકીય ઉકેલ શોધતા તમામ લોકો માટે આ એક્ષ્પો આશીર્વાદરૂપ સાબિત થશે.

 આંધ્ર પ્રદેશની હાઇકોર્ટે એક મહત્ત્વનો ચુકાદો આપતા કહ્યું છેકે, જો કોઇ હિંદુ મહિલાને તેના માતિ-પિતા અથવા પોતાના પિયર પક્ષ તરફથી કોઇ સંપત્તિ ભેટમાં મળે છે અને તેનું મૃત્યુ નિસંતાન થયું હોય, વસિયત નામું ન બનાવ્યું હોય તો તે સંપત્તિ પર સાસરીયા, પતિનો હક્ક રહેતો નથી આ હક મહિલાના પિતાના કાનુની વારસદારોને મળશે.

 એક નાનીએ પોતાની પૌત્રીને સંપત્તિ ભેટમાં આપી હતી પરંતુ પૌત્રી સંતાન વિહોણી જ મરી ગઇ હતી. નાનીએ અગાઉનું ડિફ્ટ ડીડ રદ કરીને આ જ સંપત્તિ બીજી પૌત્રીને આપી. આની સામે મૃતક મહિલાના પતિએ પડકાર ફેંક્યો હતો અને કેસ જીત્યો હતો. પરંતુ મહિલાની પહેને હાઇકોર્ટમાં કેસ દાખલ કર્યો અને હાઇકોર્ટે કહ્યું કે, પતિને મિલ્કત નહીં મળશે.

વસ્તી ગણતરી-2026નો પ્રથમ તબક્કો 1 એપ્રિલ 2026થી શરૂ થઈ રહ્યો છે. કેન્દ્ર સરકારે આ માટે 33 પ્રશ્નો બહાર પાડ્યા છે. તેમાં કહેવામાં આવ્યું છે કે સ્થિર સંબંધમાં રહેતા લિવ-ઇન કપલ્સને પણ પરિણીત ગણવામાં આવશે.પ્રથમ તબક્કા માટે એક ઓનલાઈન પોર્ટલ પણ શરૂ કરવામાં આવ્યું છે, જ્યાં લોકો પોતાની માહિતી જાતે ભરી શકશે.

આ તબક્કો ‘હાઉસ લિસ્ટિંગ અને હાઉસિંગ વસ્તી ગણતરી’ કહેવાય છે. તેનો હેતુ દેશમાં ઘરો અને મૂળભૂત સુવિધાઓની માહિતી એકત્રિત કરવાનો છે, જેથી સરકાર વધુ સારી યોજનાઓ બનાવી શકે. બીજો તબક્કો ફેબ્રુઆરી 2027માં શરૂ થશે જેમાં જાતિ આધારિત વસ્તી ગણતરી કરવામાં આવશે,

ગુજરાતમાં હાઉસ લિસ્ટીંગ 20 એપ્રિલથી 19 મે સુધી ચાલશે.