15મી ગુજરાત વિધાનસભાનું ત્રણ દિવસીય ચોમાસુ સત્ર 18 કલાક અને 32 મિનિટની કામગીરી સાથે સંપન્ન થયું છે. આ ટૂંકા સત્ર દરમિયાન 182 માંથી માત્ર 52 ધારાસભ્યોએ જ જુદી-જુદી ચર્ચામાં ભાગ લીધો હતો અને કુલ 7 સરકારી વિધેયક પસાર કરવામાં આવ્યા હતા. આ ઉપરાંત ગૃહમાં 135 તારાંકિત પ્રશ્નો રજૂ થયા હતા જેમાંથી 29 પ્રશ્નો પર મૌખિક ચર્ચા થઈ શકી હતી, જ્યારે 152 અતારાંકિત પ્રશ્નોમાંથી 88 પ્રશ્નો મેજ પર મૂકાયા હતા અને વિવિધ સમિતિના પાંચ અહેવાલો પણ ગૃહ સમક્ષ રજૂ કરાયા હતા.

જો તમારો મોબાઈલ નંબર તમારા ડ્રાઇવિંગ લાયસન્સ સાથે નોંધાયેલો નથી અથવા તો જૂનો નંબર બંધ થઈ ગયો છે, તો તમારે તાત્કાલિક ધોરણે તેને અપડેટ કરાવવો ખૂબ જ આવશ્યક છે. તાજેતરના અહેવાલો અનુસાર, પરિવહન વિભાગ દ્વારા ડ્રાઇવિંગ લાયસન્સમાં મોબાઈલ નંબર અપડેટ કરવા માટે 25 સપ્ટેમ્બર અંતિમ તારીખ નક્કી કરવામાં આવી હોવાનું કહેવાય છે. જો આ નિર્ધારિત સમયમર્યાદા સુધીમાં જરૂરી સુધારા કરવામાં નહીં આવે, તો તમારું લાયસન્સ સસ્પેન્ડ પણ થઈ શકે છે.

ડ્રાઇવિંગ લાયસન્સમાં મોબાઈલ નંબર અને તાજેતરનો ફોટો અપડેટ ન હોવાથી ઘણી વહીવટી અને કાનૂની સમસ્યાઓ સર્જાઈ શકે છે. જ્યારે ટ્રાફિક પોલીસ વાહન ચેકિંગ દરમિયાન તમને રોકે છે, ત્યારે તેઓ ડિજિટલ માધ્યમથી તમારા લાયસન્સની ચકાસણી કરે છે. જો તેમાં તમારો સાચો નંબર નોંધાયેલો નહીં હોય, તો તમને ઇ-ચલણ અથવા આરટીઓ તરફથી મળતી અન્ય મહત્ત્વની વિભાગીય માહિતી સમયસર મળતી નથી.

કેન્દ્રીય ગૃહ મંત્રી અમિત શાહે તાજેતરમં જાહેરાત કરી કે, 2029 લોકસભાની ચૂંટણી પહેલા દેશના NDA શાસિત તમામ 21 રાજ્યોમાં યુનિફોર્મ સિવિલ કોર્ડ લાગૂ કરી દેવામાં આવશે. આ પછી NDAના સાથી પક્ષોમાં UCC વિશે ચર્ચા શરૂ થઇ છે. ભાજપનું તો સંપૂર્ણ સમર્થન છે. ઉપરાંત TDP. શિવસેવા શિંદે, હિંદુસ્તાન આવામ મોર્ચાએ તો ખુલ્લેઆમ સમર્થન જાહેર કરી દીધું છે.

બોલિવુડ અભિનેતા અમિતાભ બચ્ચને અંધેરી વેસ્ટમાં પોતાના એક ફલેટના 3 રૂમ ભાડે આપ્યા છે જેનું મહિને ભાડુ સાંભળીને ચોંકી જશો.આ ફલેટનો કારપેટ એરિયા 8428 સ્કવેર ફીટ છે અને મહિને ભાડુ 33 લાખ રૂપિયા નક્કી કરવામાં આવ્યું છે. 5 વર્ષ માટે કરાર થયા છે.

અમિતાભ બચ્ચન 5 વર્ષમાં ભાડા પેટે જ 21.88 કરોડની કમાણી કરશે. સિક્યોરીટી ડિપોઝીટ પેટે 1.98 કરોડ રૂપિયા મેળવ્યા છે.

ટુનેટીવ નામની એક ન્યુટ્રીશ્યન કંપનીની અમિતાભ બચ્ચને પોતાનો ફલેટ ભાડે આપ્યો છે. આ ઉપરાંત અમિતાભ બચ્ચને તાજેતરમાં જ અયોધ્યામાં 2.67 એકર જમીન માટે 35 કરોડ રૂપિયાનું રોકાણ કર્યું છે.

ગુજરાતના ગિફ્ટ સિટી પાસે બચ્ચને 2007માં 7 કરોડમાં જમીન ખરીદેલી જેની વેલ્યૂઆજે 204 કરોડ રૂપિયા છે.

કર્ણાટકના ફુડ સેફ્ટી એન્ડ ડ્રગ એડમિનિસ્ટ્રેશને મોટી કાર્યવાહી કરી છે. અમેઝોન, સ્વીગી ઇન્સ્ટામાર્ટ અને બિગ બાસ્કેટના ફુડ લાયસન્સ રદ કરી દેવામાં આવ્યા છે. એક નાગરિકની ફરિયાદને આધારે જ્યારે અધિકારીઓએ તપાસ કરી તો આ ઓનલાઇન પ્લેટફોર્મ પર ધતૂરાના ફળ અને બીજ કે ઝેરી હોય છે તેને ખાદ્ય પદાર્થના લીસ્ટમાં રાખવામા આવી હતી.

ઓથોરિટીએ કહ્યું કે, બીજા આદેશ સુધી આ ત્રણેય પ્લેટફોર્મના ફુડ લાયસન્સ રદ કરી દેવામાં આવ્યા છે. મતલબ કે માત્ર કર્ણાટકમાં જ આ ઓનલાઇન પ્લેટફોર્મના ફુડ લાયસન્સ રદ કરાયા છે. આખા દેશમા નહીં.

ધતૂરાનું ફળ કે બીજ ખાય શકાતું નથી. તેનો રોગાની સારવાર માટે ઉપયોગ થઇ શકે છે.ભગવાન શિવને પ્રિય માનવામાં આવે છે.

રાજસ્થાન હાઇકોર્ટે GEN Z, GEN ALFA, GEN BITAના કલ્યાણ અને ભવિષ્ય અંગે સુઓમોટો દાખલ કરીને કેન્દ્ર અને રાજ્ય સરકારને સ્ટેટસ અને એક્શન રિપોર્ટ રજૂ કરવાનો આદેશ આપ્યો છે.

જસ્ટીસ અનૂપ કુમાર ધાંડની બેન્ચે આદેશમાં કહ્યું છે કે, શાળા-કોલેજ, યુનિવર્સિટીમાં અભ્યાસ કરી રહેલી પેઢી જ દેશનું ભવિષ્ય છે.તેમને મળતું શિક્ષણ, વાતાવરણ, તકો દેશનું ભવિષ્ય નક્કી કરશે. કોર્ટે ગ્રામિણ શાળાઓ, સરકારી શાળાઓમા પાયાની સુવિધાના અભાવ વિશે ચિંતા વ્યકિત કરી છે. બાળકોની વધી રહેલા સ્ક્રીન ટાઇમ વિશે પણ વાત કરી છે અને બાળકોના સ્કીન ટાઇમ ઘટાડવા નીતિ ઘડવા માટેનો પણ આદેશ આપવામાં આવ્યો છે. કોર્ટે કહ્યું કે, આજના જમાનામાં ટેકલોનોજી સમયની માંગ છે, પરંતુ પરંપરાગત શિક્ષણ પણ ન ભુલાવુ જોઇએ.

કેન્દ્રના રોડ ટ્રાન્સ્પોર્ટ મંત્રાલયે સેન્ટ્ર્લ મોટર વ્હીકલ રૂલ્સ સુધારા ડ્રાફ્ટ દ્વારા કેટલાક સુધારા માટે પ્રસ્તાવ મુક્યો છે. કેન્દ્ર સરકાર વાહનોની હેડલાઇટ કેટલી તેજ હોવી જોઇએ, કયા મોડમાં આપોઆપ ચાલુ થવી જોઇએ અને સામેથી આવતા વાહન ચાલકો પર કેટલી ગ્લેર પડે છે તેના નિયમો વધુ કડક કરવાની તૈયારી કરી રહી છે. આ ફેરફારોનો હેતુ રાત્રીના સમયે થતા અક્સમાતો ઘટાડવાનો છે.

જે પ્રસ્તાવ રજૂ થયો છે તેમાં હાઇ બીમની તીવ્રતા ઘટાડાશે, સફેદ LED લાઇટના કલર ટેમ્પરેર નિયંત્રિત થશે, નવી કારમાં હાઇ બીમ વોર્નિંગ આવી શકે છે અને ભારે વાહનો પર ફરજિયાત રિફલેક્ટીવ ટેપ ફરજિયાતની દરખાસ્ત છે. આગળ કયુ વાહન ચાલી રહ્યું છે તે રિફલેક્ટીવ ટેપ પરથી ખબર પડશે.

રાજકોટમાં આવેલી લોધિકા સહકારી સંઘમાં 8 સપ્ટેમ્બરે ચૂંટણીની તારીખ જાહેર થઇ છે અને 9 સપ્ટેમ્બરે પરિણામ જાહેર થશે. 16 બેઠકો પર મતદાન થશે. આમ તો આ ચૂંટણી એકદમ નાની છે, પરંતુ રાજકારણના 2 દિગ્ગજો સામ સામે હોવાને કારણે ચૂંટણી પ્રતિષ્ઠાનો જંગ બની ગઇ છે.

સોધિકા સહકારી સંઘની ચૂંટણીમાં ભાજપના ધારાસભ્ય જયેશ રાદડીયા અને ભાજપ સંગઠનના મહામંત્રી પ્રશાંત કોરાટ સામે સામે એકબીજાના ગ્રુપના ઉમેદવારોને સમર્થનમાં ઉતરી ગયા છે.રાદડીયાને ભાજપે છેલ્લાં કેટલાંક સમયથી સાઇડ લાઇન કરી દીધા છે.

પ્રશાંત કોરાટ અરવિંદ રૈયાણીને સમર્થન કરી રહ્યા છે, જ્યારે જયેશ રાદડીયા નિતીન ઢાંકેચાને સમર્થમાં ઉતરેલા છે. જો આ ચૂંટણીમાં જયેશ રાદડીયાનું ગ્રુપ હારશે તો તેમની રહી સહી પ્રતિષ્ઠાને ધક્કો પહોંચશે. પ્રશાતં કોરાટ અત્યારે સંગઠનમાં એક્ટીવ છે.

ભાજપના રાષ્ટ્રીય અધ્યક્ષ નિતીન નબીને પોતાની ટીમની જાહેરાત કરી દીધી એટલે એમનું કામ પુરુ થયુ હવે ચર્ચા શરૂ થઇ છે પ્રધાનમંત્રી નરેન્દ્ર મોદીની ટીમમાં બદલાવની. કેન્દ્ર સરકારના મંત્રી મંડળની નવી ટીમ જાહેર થઇ શકે છે. ભાજપ સંગઠનના બદલાવને મંત્રી મંડળના વિસ્તરણ સાથે જોડીને જોવામાં આવી રહ્યું છે.

ભાજપના 3 મોટા પુભાવી ચહેરા અનુરાગ ઠાકુર, તેજસ્વી સૂર્યા અને રાઘવ ચઢ્ઢાને સંગઠનમાં કોઇ જવાબદારી સોંપવામાં નથી આવી. રાજકારણના જાણકારોનું કહેવું છે કે આનો મતલબ એ હોય શકે કે અનુરાગ, તેજસ્વી અને રાઘવ ચઢ્ઢાને મોદી મંત્રી મંડળમાં સ્થાન મળી શકે છે. અનુરાગ હિમાચલ પ્રદેશથી સાંસદ છે અને પૂર્વ મંત્રી રહી ચૂક્યા છે. રાઘવ આમ આદમી પાર્ટીના રાજ્યસભા સાંસદ હતાઅને આમ આદમી પાર્ટી છોડીને ભાજપમાં આવ્યા છે એટલે એમને ઇનામ મળવાનું નક્કી છે. કર્ણાટકની ચૂંટણીને ધ્યાનમાં રાખીને તેજસ્વીને પણ મંત્રી મંડળમાં સ્થાન મળી શકે છે.

મધ્ય પ્રદેશની દુનિયાભરમાં જાણીતી પન્ના ડાયમંડ માઇન્સમાંથી એક આદિવાસી પરિવારનું નસીબ ચમકી ગયું છે. 2 વર્ષ પહેલાં આ જ પરિવારને 93 લાખનો રફ ડાયમંડ મળ્યો હતો હવે આ વખતે 30 લાખ રૂપિયાનો રફ ડાયમંડ મળ્યો છે. આ વખતે મળેલો હીરો 11.12 કેરેટનો એક જ હીરો છે.

પન્ના જિલ્લામા રહેતા રાકેશ આદિવાસીએ એપ્રિલ 2026માં સરકાર પાસેથી નાની હીરાની ખાણની લીઝ લીધી હતી. એપ્રિલ મહિનાથી તેના પરિવાર અને સગાઓ આ માઇન્સમાં માટી ખોદી રહ્યા હતા. આખરે એક ચળકતો પત્થર મળ્યો જે તપાસ કરતા ખબર પડી કે 11.12 કેરેટનો રફ ડાયમંડ છે અને તેની અંદાજીત કિંમત 30 લાખ રૂપિયા છે. 2024માં રાકેશને 93 લાખ રૂપિયાનો હીરો મળ્યો હતો.

જેમ એન્ડ જ્વેલરી એક્સ્પોર્ટ પ્રમોશન કાઉન્સીલ (GJEPC)ના મુંબઇમાં IIJS શોથી ઉદ્યોગકારોના ચહેરા ઝગમગી ઉઠ્યા છે, કારણકે, પ્રદર્શનને જબરદસ્ત પ્રતિસાદ મળ્યો. કાઉન્સીલને 50000 વિઝિટર્સ આવે તેવી ધારણા હતી અને તેને બદલે 62000 વિઝિટર્સ આવ્યા અને 6 દિવસના શોમાં 2 લાખ કરોડનો બિઝનેસ થયો છે.IIJS 2026 પહેલા અમેરિકામાં યોજાયેલા JCK લાસવેગાસ શોમાં પણ ભારે પ્રતિસાદ જોવા મળ્યો હતો.

GJEPCના ચેરમેન કિરીટ ભણશાલીએ કહ્યું કે, આ વખતે જેમ એન્ડ જ્વેલરી ઉદ્યોગની દિવાળી ઘણી સારી જવાની છે, કારણકે પ્રદર્શનમાં બધાને ફુલ ઓર્ડર મળ્યા છે. લગભગ 2 લાખ કરોડ રૂપિયાનો બિઝનેસ થયો છે.

દરેક સેગમેન્ટમાં સારો પ્રતિસાદ રહ્યો, ભલે પછી નેચરલ ડાયમંડ હોય, લેબગ્રોન ડાયમંડ હોય, જ્વેલરી હોય કે ટેક્નોલોજી હોય. વિદેશી બાયર્સમાં પણ ખાસ્સો ઉત્સાહ જોવા મળ્યો.

જો તમે ઓનલાઇન ખાવાની વસ્તુઓ મંગાવતા હો તો સાવધાન થઇ જજો, મહારાષ્ટ્ર ફુડ એન્ડ ડ્રગ એડમિનિસ્ટ્રેશને મુંબઇમાં બ્લિન્કીટના એક ગોડાઉન અને રિલાયન્સના આઉટલેટમા દરોડા પાડયા હતા.

મલાડ વેસ્ટમાં બ્લિન્કીટના એક ડાર્કરૂમમાં જ્યારે FDAએ દરોડા પાડ્યા ત્યારે ત્યાંની ગંદકી જોઇને અધિકારીઓ ચોંકી ગયા હતા. શાકભાજી, ફળો અને ખાવાની વસ્તુઓમાં ઠેર ઠેર વાંદા ફરતા હતા. ઘમા પેકેટ આઉટ ડેટેડ હતા,કોલ્ડ સ્ટોરેજ પાસે પણ ભારે ગંદકી હતી. અધિકારીઓએ તાત્કાલિક આ ડાર્કરૂમનું ફુડ લાયસન્સ રદ કરી દીધું છે.

મહારાષ્ટ્રના બુલઢાણામાં એક રિલાયન્સના એક આઉટેલમાં કાજકતરીના બોક્સમાં ફુગ ચઢી ગઇ હતી અને જીવાતો ફરતી હતી. 54 બોક્સ લેબોરેટરીમાં મોકલવામાં આવ્યા છે. રિપોર્ટ આવ્યા પછી કાર્યવાહી કરવામાં આવશે.