ફિલ્મ મેકર ઈમ્તિયાઝ અલીએ સેટ પર વુમન સેફટી અને ફિલ્મ ઇન્ડસ્ટ્રીમાં થનારા કાસ્ટિંગ કાઉચ પર વાત કરી. જે દરમિયાન તેમણે કરીના કપૂરનો પણ ઉલ્લેખ કર્યો અને ઉદાહરણ આપતા સમજાવ્યું કે જબ વી મેટના સેટ પર કઈ રીતે તે એકદમ સુરક્ષિત હોવાનો અનુભવ કરી રહી હતી.

બોલીવુડમાં કાસ્ટિંગ કાઉચનું ચલણ વર્ષો જુનું છે. કોઈક જ વાર અભિનેતા તેમજ અભિનેત્રી આ વિષે શોકિંગ ખુલાસાઓ કરે છે. પ્રોડ્યુસરો-ડાયરેક્ટરો અથવા અભિનેતાઓ પર ફિલ્મોમાં કામ અપાવવાના બહાને લોકોનો ફાયદો ઉઠાવવાની વાત કહેવામાં આવે છે. જેને કારણે ઘણી બદનામી પણ થાય છે.

આ સમગ્ર બાબતે ફિલ્મ મેકર ઈમ્તિયાઝ અલીએ પોતાનો અભિપ્રાય આપ્યો છે, IFFIની ઇવેન્ટમાં સામેલ થયેલા ઈમ્તિયાઝના જણાવ્યા મુજબ આ ખુબ ફાયદાકારક નથી. તેમણે જણાવ્યું કે તેઓ પણ આવા કિસ્સાઓ ઘણા સાંભળે છે, જ્યાં લોકોના મનમાં કામની જગ્યાએ કોમ્પ્રોમાઈઝનો ડર બેઠોલો છે. પરંતુ જ્યાં સુધી તેઓ જાણે છે ત્યાં સુધી કોમ્પ્રોમાઈઝ એ વધારે મદદ કરતું નથી. કોમ્પ્રોમાઈઝ કરવાનો ફાયદો નથી.

ઈમ્તિયાઝ બોલ્યો હું જોઈ રહ્યો છું, હું ૧૫-૨૦ વર્ષથી હિન્દી ફિલ્મ ઇન્ડસ્ટ્રીમાં ડાયરેક્ટર છું. મેં પણ ઘણું સાંભળ્યું છે કાસ્ટિંગ કાઉચ વિષે, અથવા જો તમે કહી રહ્યા છો કે ઇન્ડસ્ટ્રીમાં કોઈ છોકરી આવે છે કામ માટે તો તેને ડર લાગે છે. તો હું તમને જણાવું કે જે મહિલા ના નથી કહી શકતી તેના ચાન્સ વધતા નથી. એવું નથી કે જે છોકરી કોમ્પ્રોમાઈઝ કરી લેશે તેને તે રોલ પાક્કું મળી જ જશે. એક્સપ્લોઇટ કરવા વાળા ઘણા હશે. જો કોઈ છોકરી ના કહી શકે છે, પોતાની ઈજ્જત કરે છે ત્યારે જ કોઈ બીજા માણસો પણ તેની ઈજ્જત કરશે.

ઈમ્તિયાઝ વધુમાં જણાવે છે કે, હું અને અન્ય ઘણા બધા લોકો એવું પણ વિચારે છે કે શું અમે આ વ્યક્તિને સીરિયસલી લઇ રહ્યા છે કે નહીં. શું મારા મનમાં એ વ્યક્તિ માટે રિસ્પેક્ટ છે જેથી હું તેને કાસ્ટ કરી શકું. આ એક ગેરસમજ છે કે જો તમે કોમ્પ્રોમાઈઝ કરશો તો તમારા ચાન્સીસ ફિલ્મ ઇન્ડસ્ટ્રીમાં વધશે. મેં આનું ઊંધું જ જોયું છે. જે કોમ્પ્રોમાઈઝ કરે છે તેઓ તેમની કારકિર્દીને પણ કોમ્પ્રોમાઈઝ કરી નાખે છે.

જ્યારે લાઈટમેન્સથી ઘેરાય કરીના આ સાથે જ ઇમ્તિયાઝે સેટ પર વુમન સેફ્ટીને લઈને પણ વાત કરી. આ દરમિયાન તેમણે કરીના કપૂરનો પણ ઉલ્લેખ કર્યો અને ઉદાહરણ આપતા સમજાવ્યું કે જબ વી મેટના સેટ પર તે બિલકુલ સુરક્ષિત હતી.

ઈમ્તિયાઝે કહ્યું કે મારી એક જર્ની રહી છે. મેં નાના તેમજ મોટા ગામડાઓમાં પણ કામ કર્યું છે મેં થીયેટરમાં પણ કામ કર્યું છે. પછી હું ફિલ્મોમાં આવ્યો.મારો વિશ્વાસ કરો મુંબઈની ફિલ્મ ઇન્ડસ્ટ્રી જેવું આપણી મહિલાઓ સાથે વર્તન કરે છે તે ખૂબ જ સરાહનીય છે. જો એક ફિલ્મ યુનિટમાં 200 લોકો કામ કરે છે તો તે ખૂબ જ સુરક્ષિત હોય છે. હું તમને મારી ફિલ્મનું ઉદાહરણ આપીને સમજાવું છું. એક સીન હતો જેમાં કરીના ઉપરના બર્થ પર સુતેલી હતી પરંતુ સીન શરૂ થવા પહેલા લાઇટમેન કહે છે કે અહીં હજી વધુ લાઈટોની જરૂર પડશે

મેં કરીનાને કહ્યું કે તું અહીં આવી જા, જ્યારે કામ પૂરું થઈ જશે ત્યારે ફરીથી સુઈ જજે. ત્યારે હવે તમે બધા જાણો જ છે કે કરીના ફિલ્મ ઇન્ડસ્ટ્રીની જ દીકરી છે, તે એક સ્ટાર કિડ્સ છે. તેણે આ બધું જોયું છે. એને કદાચ ફિલ્મ એથિક્સ વિશે મારા કરતાં પણ વધુ જાણકારી છે. તો તેણે કહ્યું કે નહીં નહીં તેમને આવવા દો તેમનું કામ કરવા દો, લાઈટ સેટ કરવા દો, તમે પડદો લગાવી દો. હવે ત્યાં ત્રણ માણસો કામ કરી રહ્યા છે, પડદો લાગેલો છે અને કરીના ત્યાં સુતેલી છે. હું પૂછી રહ્યો છું કે કરીના તુ શ્યોર છે ? પરંતુ કરીના મારો પોઇન્ટ નથી સમજી રહી, તે કમ્ફર્ટેબલ છે. કોણ હવે વારંવાર-ઉતરશે અને ચડશે હું અહીં બરાબર છું. હું ચોંકી ગયો હતો

ઈમ્તિયાઝે વાત વાતમાં જણાવી દીધું કે મહિલાઓ કેટલી સુરક્ષિત છે ઇન્ડસ્ટ્રીમાં. ડાયરેક્ટરના મુજબ એવા ઘણા કિસ્સાઓ છે જ્યાં એ સાબિત થાય છે કે કોઈને કોઈ સમસ્યા નથી. બધા આરામથી કામ કરી રહ્યા છે.

શરદ પવારે 6 દાયકાઓથી વધુ મહારાષ્ટ્રથી લઈને કેન્દ્ર સુધીની રાજકીય ઇનિંગ સફળતા પૂર્વક પાર પાડી છે. પરંતુ, મહારાષ્ટ્ર વિધાનસભા ચૂંટણી અંતર્ગત તેમની પાર્ટીને જનતાએ નકારી દીધી છે. અહિયાં સુધી કે તેમના ગઠબંધન મહાવિકાસ અઘાડીને પણ મોટી હારનો સામનો કરવો પડ્યો છે. તેના કયા કારણ રહ્યા કે શરદ પવારે આટલી અપમાનજનક હાર મેળવવી પડી, જો કે, હાલમાં જ તેમણે પોતાની રાજકીય ઇનિંગને વિરામ આપવાના સંકેત આપ્યા હતા.

હાલમાં જ મહારાષ્ટ્રમાં ચુનાવ પ્રચારના છેલ્લા તબક્કાના સમયે રાષ્ટ્રવાદી કોંગ્રેસ પાર્ટીના (શરદ પવાર જૂથ) પ્રમુખ શરદ પવારે કહ્યું હતું કે, મારી સાથે દુશ્મની લેવું ભાડી પડી શકે છે. જે લોકોએ મારી સાથે વિશ્વાસઘાત કર્યો છે તેઓને સબક શીખવવું જરૂરી છે. આજે જ્યારે મહારાષ્ટ્ર ચૂંટણીના પરિણામો સામે આવ્યા તો શરદ પવારની પાર્ટીએ ખૂબ જ કપડી હારનો સામનો કરવો પડ્યો છે. શરદ પવારની પાર્ટીને આશરે 12 સીટો પર જીત મળે તેવું લાગી રહ્યું છે. આ મોટી હાર બાદ એ સવાલ ઉઠવા લાગ્યો છે કે, શું 84 વર્ષના શરદ પવાર હવે રાજનીતિમાંથી સન્યાસ લેશે? શું આ તેઓની અંતિમ ચૂંટણી બનીને રહી જશે? રાજનીતિની અંતિમ બાજીમાં કઈ રીતે હારી ગયા ? તે સમજીએ. છેલ્લી બાજીમાં સરદ પવારે કઈ રીતે હાર મેળવી.

મહારાષ્ટ્રમાં વિધાનસભા ચૂંટણીના વોટિંગ પહેલા NCPના સંસ્થાપક શરદ પવારે રાજનીતિમાંથી સંન્યાસના સંકેત આપ્યા હતા. પવારે કહ્યું હતું કે, હવે તેઓ ચૂંટણી નહીં લડશે, જોકે પાર્ટી સંગઠનના કામ જોતા રહેશે. એટલે કે NCP ચિફના પદ પર કામ કરતા રહેશે. 84 વર્ષના શરદ પવારે બારામતીમાં મંગળવારે કહ્યું, 'કોઈક જગ્યાએ તો થોભવું જ પડશે. મારે હવે ચૂંટણી નથી લડવી. હવે નવા લોકોએ આગળ આવવું જોઈએ. મેં અત્યાર સુધી 14 વાર ચૂંટણી લડી છે. હવે મને સત્તા નથી જોઈતી. હું સમાજ માટે કામ કરવા માંગુ છું. વિચાર કરીશ કે રાજ્યસભા જવું કે નહીં.' હવે મહારાષ્ટ્ર ચૂંટણીના પરિણામો પછી તેઓની પાર્ટીને આશરે 12 સીટો પર જ જીત મળતી દેખાઈ રહી છે. એવામાં માનવામાં આવી રહ્યું છે કે આ ચૂંટણી તેઓ માટે છેલ્લી હશે.

શરદ પવારનું પૂરું નામ શરદચંદ્ર ગોવિંદરાવ પવાર છે. તેઓ 4 વખત મહારાષ્ટ્રના મુખ્યમંત્રી રહી ચૂક્યા છે. તેઓ પીવી નરસિમ્હા રાવના મંત્રીમંડળમાં રક્ષામંત્રીના રૂપમાં કેન્દ્રીય મંત્રી પરિષદમાં પણ રહ્યા છે. નરસિમ્હા રાવ અને મનમોહનસિંહના મંત્રીમંડળમાં તેઓ કૃષિ મંત્રી પણ રહી ચૂક્યા છે.

1960માં શરદ પવારે કોંગ્રેસ માંથી પોતાની રાજનીતિક કારકિર્દીની શરૂઆત કરી. 1960માં કોંગ્રેસી નેતા કેશવરાવ જેઘેનું મૃત્યુ થયું અને બારામતી લોકસભા સીટ ખાલી થઈ ગઈ. પેટા ચૂંટણીમાં પીજેન્ટ્સ એન્ડ વર્કસ પાર્ટી ઓફ ઇન્ડિયા એટલે કે PWPએ શરદના મોટાભાઈ વસંતરાવ પવારને ટિકિટ આપી, જો કે કોંગ્રેસે ગુલાબરાવ જેઘેને ઉમેદવાર બનાવ્યા. તે સમયે બાઈબી ચૌહાણ મહારાષ્ટ્રના CM હતા. તેઓએ બારામતી સીટને પોતાની સાખનો મુદ્દો બનાવી લીધો હતો. શરદ પવાર પહેલીવાર બારામતીથી ધારાસભ્ય બન્યા શરદ પવાર પોતાની પુસ્તક 'અપની શર્તો પર'માં લખે છે કે મારો ભાઈ કોંગ્રેસની સામે ઉમેદવાર હતો. દરેક લોકો વિચારી રહ્યા હતા કે હું શું કરીશ? ખૂબ જ મુશ્કેલ સ્થિતિ હતી. ભાઈ વસંતરાવ મારી મુશ્કેલી સમજી ગયા. તેઓએ મને બોલાવ્યો અને કહ્યું કે તું કોંગ્રેસની વિચારધારા માટે સમર્પિત છે. મારી સામે પ્રચાર કરવામાં સંકોચ નહીં કર. ત્યાર બાદ પછી મેં કોંગ્રેસના ચૂંટણી પ્રચારમાં ખુબ મહેનત કરી અને ગુલાબરાવ જેઘેની જીત થઈ. આશરે 27 વર્ષની ઉંમરમાં શરદ પવાર 1967માં બારામતી વિધાનસભા વિસ્તારના ધારાસભ્ય બન્યા. છેલ્લા પાંચ દાયકાઓમાં શરદ પવાર 14 ચૂંટણી જીતી ચૂક્યા છે.

10 જૂન, 2023ના રોજ શરદ પવારે દીકરી સુપ્રિયા સુલે અને પ્રફુલ પટેલણે પાર્ટીના નવા કાર્યકારી અધ્યક્ષ બનાવી દીધા. શરદના આ નિર્ણયથી અજીત પવાર નારાજ થઈ ગયા. બરાબર બે મહિના પછી 2 જુલાઈ 2023ના રોજ અજિત પવારે 8 ધારાસભ્યોની સાથે પોતાની NCP પાર્ટી સાથે બળવો કરી દીધો. શિંદે સરકારમાં ડેપ્યુટી CM બનનારા અજીત પવારે NCP પર પોતાના દાવો કરી દીધો છે. 29 વર્ષ પહેલા બનેલી NCP પાર્ટી નાબુદ થવાના આરે પહોંચી ગઈ છે. અજીત પવારે 40થી વધુ ધારાસભ્યોનું સમર્થન હોવાનો દાવો કર્યો. ચુનાવ આયોગે 6 ફેબ્રુઆરી 2024ના રોજ કહ્યું કે અજીત પવાર જૂથ જ ખરું NCP છે.

6 મહિના સુધી ચાલેલી 10 સુનવણી પછી પાર્ટીનું નામ અને ચૂંટણી ચિન્હ ઘડિયાળ અજીત જૂથને આપી દેવામાં આવ્યું. આ પછી આયોગે શરદ પવારના જૂથ માટે NCP શરદચંદ્ર પવાર નામ આપ્યું. આ પાર્ટીનું ચૂંટણી ચિન્હ ટ્રમ્પેટ છે. આ રીતે NCP પાર્ટી તૂટીને બે ભાગોમાં વહેંચાઈ ગઈ તો બંને પાર્ટીની કમાન પવાર પરિવારના હાથમાં જ રહી.

મહારાષ્ટ્ર વિધાનસભાની ચૂંટણીમાં વર્સોવા સીટ ચર્ચાનો વિષય બની ગઈ છે. નગીના સાંસદ ચંદ્રશેખર આઝાદની પાર્ટી આઝાદ સમાજ પાર્ટી તરફથી ચૂંટણી લડનારા એક્ટર એઝાઝ ખાનને અત્યાર સુધી કુલ 155 વોટ મળ્યા છે જોકે ઇન્સ્ટાગ્રામ પર તેના ફોલોઅર્સની સંખ્યા 5.6 મિલિયન છે.

મહારાષ્ટ્ર વિધાનસભા ચૂંટણીમાં પરિણામો માટે મતોની ગણતરી શરૂ ગઈ છે. ત્યાં BJP પાર્ટી ગઠબંધન મહાયુતી સત્તાને અકબંધ રાખવામાં સફળ થતી દેખાઈ રહી છે. ત્યાંની વર્સોવા સીટની વાત કરીએ તો જ્યારે આ ન્યુઝ લખાય રહ્યા છે ત્યાં સુધીમાં મળેલી માહિતી અનુસાર શિવસેના UBT ઉમેદવાર હારુન ખાન 65396 મતોની સાથે આગળ ચાલી રહ્યા છે. જયારે ભાજપની ભારતી લવેકર 63796 વોટોની સાથે બીજા નંબર પર છે. પરંતુ એક ઉમેદવારના કારણે આ સીટ ચર્ચાનો વિષય બની ગઈ છે. વાત જાણે એમ છે કે, આ સીટ પરથી બિગ બોસના એક્સ કન્ટેસ્ટન્ટ, એક્ટર અને પોતાને મુંબઈનો ભાઈ જાન જણાવનારા એઝાઝ ખાન ચૂંટણીના મેદાનમાં હતો.

તેણે નગીના સાંસદ ચંદ્રશેખર આઝાદની પાર્ટી આઝાદ સમાજ પાર્ટી (કાંશીરામ) તરફથી ચૂંટણી લડી હતી. પરંતુ તે ખૂબ જ મુશ્કેલીથી મતોના મામલામાં ત્રણ અંકો સુધી પહોંચી શક્યો છે.

ઇન્સ્ટાગ્રામ પર 5.6 મિલિયનથી વધુ અને ફેસબુક પર 4.1 મિલિયન એટલે કે કુલ 10 મિલિયન ફોલોઅર્સ ધરાવનારા એઝાઝ ખાન 18 રાઉન્ડની કાઉન્ટિંગ બાદ પણ ફક્ત 155 વોટ મેળવી શક્યો છે. આ આંકડો નોટાથી પણ ખૂબ જ પાછળ છે. નોટાને પણ અત્યાર સુધીમાં 1216 મત મળી ચૂક્યા છે. આ સીટ પર 20 નવેમ્બરના રોજ 51.2% મતદાન થયું હતું.

અહીં તમને જણાવી દઈએ કે, આ એ જ એઝાઝ ખાન છે જેણે એક સમયે યુટ્યુબર કૈરી મિનાટી પાસે પોતાને રોસ્ટ કરવા માટેથી ઓન કેમેરા માફી મંગાવી હતી. જો કે, એક સમયે યુટ્યુબર કૈરી મિનાટીએ ‘બિગ બોસ સિઝન 7’ ના કન્ટેસ્ટન્ટ એઝાઝ ખાનને ખૂબ જ ખરાબ રીતે રોસ્ટ કર્યો હતો. આ સાથે જ થોડા સમય પહેલા જ્યારે એઝાઝનો કૈરી મિનાટી સાથે સામનો થયો તો યુટ્યુબર કૈરીના રિએક્શન ખૂબ જ ભયભીત લાગી રહ્યા હતા.

આ વીડિયોમાં કૈરી માસ્ક અને ટોપી પહેરીને પોતાનો ચહેરો છુપાવી રહી હોય તેવું દેખાઈ રહ્યું હતું. એઝાઝ ખાને તેને ઓળખી લીધી હતી. વીડિયોમાં એઝાઝ કૈરીનું માસ્ક નીચે ઉતારીને બોલે છે, ‘આ કૈરી છે... કૈરીએ મને રોસ્ટ કર્યો હતો. હવે મારા ફ્રેન્ડ્સને સોરી બોલી દે’. આ બાબત પર કૈરીએ કહ્યું ‘સર પ્લીઝ’. ત્યારે એઝાઝે કહ્યું હતું - દરેક દળમાં હાથ નહીં નાખવું, દરેકમાં ઉંદર નથી હોતા, કોઈક દળમાં સાપ પણ હોઈ શકે છે.’ ત્યારે કૈરીએ કહ્યું હતું કે ‘તમને ખરાબ લાગ્યું હોય તો સોરી.’

હેમંત સોરેને કહ્યું, ‘અમે અમારું હોમવર્ક કરી લીધું હતું અને અમારા લક્ષ્યો નક્કી કરી લીધા હતા. અમે જાણતા હતા કે આ ખૂબ જ મુશ્કેલ જંગ થવાની છે. આથી જ અમે અમારી ટીમની સાથે જમીન પર કામ કરવા માટે નીકળી પડ્યા હતા. આ ખૂબ જ સારું ટીમ વર્ક હતું અને અમે એ મેસેજ આપ્યો જે અમે આપવા માંગતા હતા.’

ઝારખંડમાં મુખ્યમંત્રી હેમંત સોરેન બીજી વાર પરત ફરી રહ્યા છે. ઝારખંડ મુક્તિ મોરચાના નેતૃત્વ વાળા ગઠબંધન વિધાનસભાની 81 સીટોમાંથી 57 પર આગળ ચાલી રહ્યા છે. શનિવારે બપોરે જીત સુનિશ્ચિત થયા બાદ એક સમાચાર પત્ર સાથે વાત કરતા સમયે હેમંત સોરેને આ જીતનો શ્રેય પોતાની પત્ની કલ્પના સોરેન અને તેમની ટીમને આપ્યો.

હેમંત સોરેને કહ્યું અમે અમારું હોમવર્ક કરી લીધું હતું અને અમારા લક્ષ્યો નક્કી કરી લીધા હતા. અમે જાણતા હતા કે આ ખૂબ જ મુશ્કેલ જંગ થવાની છે. આ માટે અમે અમારી ટીમ સાથે જમીન પર કામ કરવા માટે નીકળી પડ્યા હતા. આ ખૂબ જ સારું ટીમ વર્ક હતું અને અમે એ સંદેશ આપ્યો જે અમે આપવા માંગતા હતા.’

તેમણે કહ્યું કે, ‘તમે જોયું હશે કે લોકસભા ચૂંટણીમાં અમે કેવું પ્રદર્શન કર્યું (JMM-કોંગ્રેસ ગઠબંધને 14 માંથી પાંચ સીટો જીતી હતી ) જો હું જેલની બહાર હોત તો અમે હજી પણ સારું પ્રદર્શન કરતે. તે સમયે મારી પત્ની કલ્પના સોરેન ‘વન મેન આર્મી’ના રૂપમાં કામ કરી રહી હતી, આ વખતે અમે બે હતા.

‘મતદાતા અને નેતાઓનો સંબંધ વિદ્યાર્થી અને શિક્ષક જેવો હોવો જોઈએ’

BJPએ પોતાના ચૂંટણીના પ્રચારમાં બાંગ્લાદેશી ઘુસપેઠીઓનો મુદ્દો જોરશોરથી ઉઠાવ્યો હતો. જે બાબતે બોલતા હેમંત સોરેને કહ્યું, ‘મુખ્ય વાત એ છે કે સાંભળનારા લોકો કોણ છે અને તેઓ આનાથી શું લે છે. મતદાતા અને નેતા વચ્ચેનો સંબંધ એક શિક્ષક અને વિદ્યાર્થી જેવો હોવો જોઈએ. શિક્ષકે વિદ્યાર્થીની આવશ્યકતાઓને સમજવી જોઈએ.’

‘આવી ચૂંટણી ક્યારેય નથી જોઈ’

હેમંતે કહ્યું, લોકોએ જોયું કે કઈ રીતે છેલ્લા પાંચ વર્ષમાં અમે તેઓ સાથે રહ્યા તેઓએ અમને ખૂબ જ નજદીકથી જોયા. દરેક મુદ્દાઓ કે જે મતદાતાઓના મગજમાં ચાલી રહ્યા હોય, અમે સુનિશ્ચિત કર્યું કે અમે એ સવાલોના જવાબ આપ્યા છે. અમે એ વસ્તુઓ પર ધ્યાન કેન્દ્રિત કર્યું કે જે ભાજપ ખોટું કરી રહી હતી અને એ વાત પર જોર આપ્યું કે અમે શું સાચું કરી રહ્યા છે.’

તેમને પૂછવામાં આવ્યું કે શું તમે જણાવશો કે આ ચૂંટણીમાં જીત મેળવવા માટેથી તમારા પર ખૂબ જ દબાણ હતું? તેમણે કહ્યું, ‘ખુબ જ વધારે, હું તમને જણાવી નથી શકતો કે કેટલું દબાણ હતું... આ ખૂબ જ મુશ્કેલ હતું. મને નથી લાગતું કે મેં આવી કોઈ ચૂંટણી ક્યારેય જોઈ છે અને મને નથી લાગતું કે ક્યારેય ફરી જોઈશ.’

અક્ષય કુમારની ગણતરી હાલના સમયમાં બોલિવુડના સફળ અભિનેતાઓમાં કરાઈ છે. અક્ષય કુમાર દર વર્ષે ઘણી હિટ ફિલ્મો આપે છે. હાલમાં તેમની લગભગ અડધો ડઝન ફિલ્મો લાઇમ લાઈટમાં છે. તેનું કહેવું છે કે તે એવી ફિલ્મો કરે છે જે એક નિયંત્રિત બજેટમાં બને છે અને જેનું શૂટિંગ સમય મર્યાદામાં પૂરું થઇ જાય છે.

અક્ષય કુમાર માટે બજેટનું શું મહત્ત્વ છે?

બજેટ તેના માટે ફિલ્મ નિર્માણનું એક મહત્ત્વપૂર્ણ પાસું કેવી રીતે બની રહે છે, તે વિષયમાં વાત કરતા અક્ષય કુમાર કહે છે કે 'હું બજેટ હિટ તો ફિલ્મ હિટ'  એમાં વિશ્વાસ રાખું છું. મેં કોઈ દિવસ પૈસા બરબાદ નથી કર્યા અને બધાના સમયનું સન્માન કરું છું. મેં મારા સાથી અભિનેતાઓ અને ક્રુના સમયનું સમ્માન કરું છું, જેથી સમય મને ફરી સન્માન આપી શકે.

મેં કોઈ એક્ટર નથી જે.....

એક ફિલ્મમાં કામ કરવાના પોતાના માપદંડો શેર કરતા અક્ષય કહે છે કે, કોઈ પણ ફિલ્મને કોઈ  50 દિવસોથી વધારે સમય નથી આપી શકતું અને જો તમે આ સમયમાં ફિલ્મની શૂટિંગ કરો છો, તો તમારું બજેટ હંમેશાં નિયંત્રણમાં રહેશે. હું કરી શકું છું. હું આવી ફિલ્મોમાં કામ નહીં કરીશ, જેમાં 100 દિવસોથી વધારે શૂટિંગની જરૂરિયાત હોય. અક્ષય કુમાર એવો પણ દાવો કરે છે કે તે એક મેથડ એક્ટર નથી તેમજ કહે છે કે હું પોતાને એક રૂમમાં બંધ કરવા વાળાઓમાંનો નથી. મારા માટે એક્ટિંગ કરો અને ઘરે જતા રહો એ ફંડો કામ કરે છે.

રાજસ્થાનના બુંદી જિલ્લાના 3 ગામડામાં પંચ પટેલોનું તુઘલકી ફરમાન ચાલી રહ્યું છે. ત્યાંના ગામોમાં પંચ પટેલોએ કંજર સમાજની યુવતીઓના લગ્ન પર બંધન લગાવી રાખ્યું છે. જેને પગલે ત્યાંની યુવતીઓ ખોટું કામ કરવા માટે મજબુર બની છે. રાજસ્થાનના આ ત્રણ ગામોમાં પંચ પટેલો દ્વારા છોકરીઓના લગ્ન કરવા નથી કરવા દેવામાં આવતા. તેમજ આ પંચ પટેલો દ્વારા ત્યાંની છોકરીઓને શારીરિક સંબંધો બાંધવા માટે મજબુર કરવામાં આવે છે. આ સાથે જ આ ગામડાંની યુવતીઓના જો લગ્ન કરાવવા હોય તો યુવતિના પરિવાર દ્વારા પંચ પટેલોને 1 લાખ રૂપિયાનો દંડ આપવા માટે મજબુર કરવામાં આવે છે. એટલે કે આ ત્રણ ગામની યુવતીઓએ લગ્ન કરવા માટે 1 લાખ રૂપિયાનો દંડ ચૂકવવો પડે છે.

આ પંચ પટેલોની મનમાનીને પગલે ત્યાંની છોકરીઓ થોડાં રૂપિયા માટે દેહવ્યાપાર કરે છે. આવી યુવતીઓને દેહવ્યાપારના ધંધામાથી બહાર કાઢવા માટે કલેક્ટર રેણુ જયપાલે ઓપરેશન અસ્મિતા શરૂ કર્યું છે. જેને પગલે હવે કંજર સમાજની યુવતીઓ પોતાના પ્રેમી સાથે લગ્ન કરવા લાગી છે. પંચ પટેલો પર પણ સકંજો કસવામાં આવી રહ્યો છે.

પંચ પટેલ અને આ કુરીતિઓને દૂર કરવા માટે બુંદી જિલ્લાના કલેક્ટર રેણુ જયપાલ દ્વારા ઓપરેશન અસ્મિતા શરૂ કરવામાં આવ્યું છે. જેને પગલે હમણાં સુધી શારીરિક સબંધો માટે મજબુર થતી યુવતીઓ પોતાના પ્રેમી સાથે લગ્ન કરીને પોતાના નવા જીવનની શરૂઆત કરી રહી છે. બુંદી કલેક્ટરે આ યુવતીઓ માટે ઓપરેશન અસ્મિતા ચલાવીને તેમને લગ્નમાં બાંધવાની શરૂઆત કરી દીધી છે. બૂંદીના 3 ગામો ડબલાંના શંકરપુરા, બુન્દીની નજીક આવેલું ગામ રામનગર અને ઇન્દ્રગઢ મોહનપુરામાં કંજર સમાજના લોકો રહે છે.

અહીં થોડા રૂપિયા માટે યુવતીઓ પોતાનું શરીર વેચવા માટે મજબુર છે, કેમકે પંચ પટેલોની સામે તેઓના પરિવાર અને તેમની એક પણ નથી ચાલતી. અહીંયાની છોકરીઓને બાળપણથી જ દેહવ્યાપારના ધંધામાં ધકેલી દેવામાં આવે છે. આ ધંધામાં આ યુવતીઓ માટે બંધનો પણ ઘણા લગાવવામાં આવે છે. જો કોઈ લગ્ન કરવા માગે તો પંચ પટેલ સૂચન આપે છે કે પહેલા 1 લાખ રૂપિયાનો દંડ ભરો, ત્યારપછી જ લગ્ન કરી શકે છે. આ બંધનને કારણે અહીંની યુવતીઓ લગ્ન પણ નથી કરી શકતી.

સમુહ લગ્નની તૈયારી કરી રહ્યું છે તંત્ર

હવે ઓપરેશન અસ્મિતાને પગલે આ યુવતીઓના લગ્ન અને ઘર ગ્રહસ્તી શરૂ કરવાનો રસ્તો ખુબ જ સરળ થઇ ગયો છે. બૂંદીમાં હમણાં સુધીમાં 3થી 4 લગ્નો કંજરની યુવતીઓના તેમના પ્રેમી સાથે જિલ્લા તંત્રની સામે જ કરાવવામાં આવ્યા છે. જિલ્લા કલેક્ટરે કહ્યું કે, આ અભિયાનથી ધીમે-ધીમે કુરીતિઓને દૂર કરવા માટે લગ્ન પર વધુમાં વધુ ધ્યાન આપવામાં આવશે. આ સિવાય સમૂહ લગ્નની પણ તંત્ર દ્વારા તૈયારી કરવામાં આવી રહી છે. એક-એક લગ્ન તો થવા લાગ્યા છે. પરંતુ સમૂહ લગ્નમાં એક સાથે અનેક યુવતીઓના લગ્ન થવાથી ઘણી યુવતીઓને આ કુરીતિમાંથી બહાર કાઢવામાં આવશે. સાથે જ પંચ પટેલો પર પણ સકંજો કસવામાં આવશે.

બાઇક રેસિંગ જોઈને તેના ચાહકોને ઘણી મજા આવે છે. પરંતુ બાઈકરો આ બધું પોતાના જીવને જોખમમાં મુકીને કરતા હોય છે. બાઈક રેસિંગ દરમ્યાન બાઈકરો પોતાના જીવ સાથે રમત રમીને બાઈક રેસિંગ કરતા હોય છે. જ્યારે કોઈ ઘટના બને છે ત્યારે બાઈકરોએ ઘણી મુશ્કેલીઓનો સામનો કરવો પડતો હોય છે. ત્યારે આવી જ એક ભયાનક ઘટના રવિવારે ઇન્ડોનેશિયાના મંડાલીકા ઇન્ટરનેશનલ સ્ટ્રીટ સર્કિટમાં બનવા પામી છે.

ઇન્ડોનેશિયા ગ્રાન્ડ પ્રિકસ પહેલા વોર્મ-અપ કરાવવામાં આવી રહ્યું હતું. તે દરમ્યાન સ્પેનના બાઈકર રેસર અને છ વારના વર્લ્ડ ચેમ્પિયન રહી ચૂકેલા માર્ક માર્ક્વેઝની( Marc Marquez) બાઈકનું ભયાનક અકસ્માત થયો. આ અકસ્માતને પગલે માર્ક માર્ક્વેઝની બાઈક ઘણા મીટર દુર ઘસડાઈને પડી.

અકસ્માત બાદ માર્ક માર્ક્વેઝને તરત જ હોસ્પિટલમાં દાખલ કરાવવામાં આવ્યો

#MOTOGPxTLT
Marc Marquez.
"Un moustro totalmente"
Verdaderamente muy muy FUERTE el muchacho.

Vamos campeón ANIMO....
(Será para la próxima, Argentina) pic.twitter.com/Wa9XajD73P

— EL CENSURADO (@Censuradoxtw) March 20, 2022

આ સમગ્ર ઘટનાનો વિડીયો પણ સોશિયલ મીડિયા પર વાયરલ થયો છે. જે વિડીયોમાં તમે જોઈ શકો છો કે બાઈકની સાથે રેસર માર્ક પણ જમીન પર ઘસડાઈને ઘણા મીટર દૂર સુધી ઘસડાઈ જાય છે. ત્યાર બાદ માર્ક પોતે રસ્તા પરથી ઉભો થાય છે અને રોડની સાઈડમાં જતો રહે છે. જોકે આ સમગ્ર ઘટના બન્યા બાદ માર્કને તરત જ નજીકમાં આવેલ એક હોસ્પિટલમાં સારવાર માટે દાખલ કરાવવામાં આવે છે. જ્યાં સારવાર મળતા માર્કનો જીવ બચી જાય છે. પરંતુ તે ઈન્ડોનેશિયા ગ્રાન્ડ પ્રિકસમાંથી બહાર થઇ જાય છે.

વળાંકના સમયે બાઈકનું બેલેન્સ બગડ્યું

જે સમયે આ ઘટના બનવા પામી હતી તે સમયે માર્ક પોતાની બાઇકને ટ્રેક પર આશરે 180 કિલોમીટરની ઝડપથી ચલાવી રહ્યો હતો. જે દરમ્યાન રોડ પર વળાંક લેતી વખતે બાઈકનું બેલેન્સ ખોડ્વાયું અને અકસ્માત થતા હોન્ડા બાઇક લેફ્ટ હાથની તરફ ઘણા મીટરો દુર સુધી ઘસડાઇને પડી.

આ સમગ્ર ઘટનામાં બાઇકના સ્પેરપાર્ટસ પણ છુટા પડી ગયા. માર્ક માર્ક્વેઝ( Marc Marquez) હોન્ડા ટીમ માટે રેસિંગ કરતો હતો. ત્યારે આ સમગ્ર બાબતે ટીમ દ્વારા કહેવામાં આવ્યું હતું કે અમને તપાસ કરાવ્યા પછી જાણવા મળ્યું છે કે માર્ક માર્ક્વેઝ( Marc Marquez) હાલમાં ફીટ નથી તેમજ ડોકટરો દ્વારા તેને થોડા દિવસો માટે આરામની સલાહ આપવામાં આવી છે.

ખુબ જ ઓછા સમયમાં પોતાના ફેશન સેન્સને કારણે ઉર્ફી જાવેદે ફેશન ઇન્ડસ્ટ્રીમાં પોતાની જગ્યા બનાવી લીધી છે. ખાસ વાત એ છે કે ઉર્ફીના ડ્રેસ બીજું કોઈ નહી પણ ઉર્ફી પોતે જ ડિઝાઇન કરે છે અને આ ડ્રેસને સીવે પણ પોતે જ છે. ઉર્ફી જેટલું પોતાના ડ્રેસિંગ સેન્સને કારણે લાઇમલાઈટમાં રહે છે એટલું જ પોતાની પર્સનલ જિંદગીને લઈને પણ ચર્ચામાં રહે છે. હાલમાં જ એક ઈન્ટરવ્યૂમાં ઉર્ફીએ કહ્યું હતું કે, 2500 રૂપિયા કમાવવા માટે તેણે આ હદ સુધી જવું પડ્યું હતું.

ફક્ત 6 જ મહિના ગઈ કોલેજ

ઉર્ફી જાવેદે એક ઇન્ટરવ્યૂમાં પોતાની જિંદગીને લઈને ઘણા ખુલાસા કર્યા છે. ઉર્ફી જાવેદે જણાવ્યૂ કે તેણે 12મા ધોરણ સુધીનો અભ્યાસ કર્યો છે અને સ્કુલ પછી તે ફક્ત 6 મહિના માટે કોલેજ ગઈ હતી. એમાં પણ તે કોલેજમાં બંક મારીને ઓડીશન માટે ઘણી વાર જતી રહેતી હતી.

2500 રૂપિયા હતી પહેલી આવક

ઇન્ટરવ્યૂમાં ઉર્ફી જાવેદે (Urfi Javed) કહ્યું કે પૈસાની એટલી વધુ અછત હતી કે, તે કોઈ પણ પ્રકારનો નાનો રોલ કરવા તૈયાર થઇ ગઈ હતી. પોતાની પહેલી આવક વિશે વાત કરતા સમયે ઉર્ફી જાવેદે કહ્યું કે, હું ઓડીશન આપવા ગઈ હતી લીડ રોલ માટે પરંતુ મેકર્સે મને એક દિવસનો રોલ ઓફર કર્યો. મેકર્સે તેને કહ્યું હતું કે સીનમાં એક છોકરો હશે. તેના પર તારે ચઢી જવાનું છે. સાંભળવામાં આ થોડું અજુગતું લાગતું હતું, પરંતુ પૈસાની એટલી વધુ જરૂરત હતી કે હું એ આ ઓફર સ્વીકારી લીધી અને કામ કર્યું. મને ઘણી વાર પસ્તાવો થાય છે કે હું પૈસા માટે કેટલા નાના-નાના રોલમાં કામ કરી ચુકી છું.

સાડી પહેરીને લખ્યું આવું કેપ્શન

આ પહેલા ઉર્ફી જાવેદે સોશિયલ મીડિયા પર એક વીડીયો શેર કર્યો હતો. આ વીડિયોમાં ઉર્ફી સાડી પહેરીને દેખાઈ આવી. ઉર્ફી એ જે વીડીયો શેર કર્યો હતો તેના બેકગ્રાઉન્ડમાં એક ગીત વાગી રહ્યું હતું. આ ગીતના શબ્દો છે 'ચોલી કે પીછે ક્યા હે'. જો કે ઉર્ફી ના આ વીડીયોમાં ગીતની પાછળની લાઈન સંભરાઈ રહી હતી. તે લાઈન છે, 'બેગમ બગૈર બાદશાહ કિસ કામ કા'. ત્યારે ઉર્ફી એ આ વીડીયો શેર કરીને કેપ્શનમાં લખ્યું હતું કે, 'બાદશાહ બગૈર બેગમ બડે કામ કી'.

પોંડિચેરીના એક સામાજિક કાર્યકર્તાએ એક ખુલાસો કર્યો છે કે, અભિનેતા વિજય સેતુપતિએ ચૂપચાપ રાજ્યમાં એક લાખથી વધુ લોકોને રોજગારી અપાવવામાં મદદ કરી છે. આ કાર્યકર્તા વીરરાહવન, વલ્લલર વેલાઈ વૈપુ સેવા ઈયક્કમ નામની એક બિન-સરકારી સંગઠન ચલાવે છે. જે યુવકોને ફ્રીમાં રોજગાર સેવાઓ આપે છે અને તેમને માર્ગદર્શન પૂરું પાડે છે.

આ NGOએ પોંડિચેરી અને તામિલનાડુના ઘણા જિલ્લાઓમાં ઘણી કંપનીઓને કર્મચારી શોધવામાં મદદ કરી છે. વીરરાહવને શરૂઆતમાં વર્ષ 2016મા પાર્ટ-ટાઈમ ધોરણે લોકોની મદદ કરવાનું શરૂ કર્યું હતું. તે સમયે તેણે પોતે શરૂ કરેલા ત્રણ વોટ્સએપ ગ્રુપના માધ્યમથી લોકોને રોજગાર શોધવામાં મદદ કરી, આમ 2019 સુધીમાં તેઓએ લગભગ 3,300 લોકોને સુરક્ષિત નોકરી અપાવવામાં મદદ કરી હતી.

તેઓની સેવા પર કોઈનું ધ્યાન નહીં ગયું, ત્યારે જ વીરરાહવનને 'નમ્મા ઉરુ હીરો' (આપણા ગામનો હીરો) નામના એક ટેલિવિઝન શોમાં ભાગ લેવા માટે આમંત્રિત કરવામાં આવ્યા, જે શોના હોસ્ટ વિજય સેતુપતિ હતા. અને તેઓ વીરરાહવનની સેવાઓથી પ્રભાવિત થયા.

વીરરાહવન કહે છે કે શો પૂરો થયા પછી, વિજય સેતુપતિએ મને કહ્યું કે, તેઓ પૂર્ણ સમય માટે આ સેવા પૂરી પાડવામાં તેઓને થતી તમામ મદદ કરવા માટે પૂરી કોશિશ કરશે. તેમની વાત પર વિશ્વાસ કરીને વીરરાહવને પોતાની શિક્ષકની નોકરીમાથી રાજીનામું આપવાનો નિર્ણય કર્યો, જે કાર્યક્રમમાં વીરરાહવને ભાગ લીધો હતો, તે કાર્યક્રમ માર્ચ 2019મા એક લોકપ્રિય ટીવી ચેનલ પર પ્રસારિત કરવામાં આવ્યો હતો.

કાર્યક્રમ પ્રસારિત થયાના તરત બાદ મને કર્મચારી અને યુવાનોને રોજગાર માટે શોધી રહેલી મોટાભાગની કંપનીઓએ ફોન કરવાના શરૂ કરી દીધા, જ્યારે મેં આ વાત તરફ વિજય સેતુપતિનું ધ્યાન આકર્ષિત કર્યું, તો તેણે તરત જ પોંડિચેરીમાં એક કાર્યાલયની સ્થાપના કરવામાં અને તેને ચલાવવા માટે લોકોની ભરતી કરવામાં મારી મદદ કરી. તમામ સરકારી નીતિ-નિયમોનું પાલન કરવામાં આવ્યું અને 'વલ્લલર વેલાઈ વૈપુ સેવઈ ઈયક્કમ'નામનું એક યોગ્ય સેવા સંગઠન અસ્તિત્વમાં આવી.

આ સાથે જ વિજય સેતુપતિ દ્વારા કરવામાં આવેલી મદદ કોઈ સાધારણ મદદ નથી, તેઓ દર મહિને મને અને મારા તમામ કર્મચારીઓને સમય પર પગાર ચૂકવે છે, જેને કારણે કર્મચારીઓની શોધ કરનારી કંપની અને રોજગારની શોધ કરી રહેલા યુવાનોને ફાયદો થયો છે. 20 માર્ચ 2022 સુધીમાં 1,00,133 શિક્ષિત યુવાઓએ અમારી સેવાઓનો લાભ લીધો છે અને તેઓને યોગ્ય રોજગાર મળ્યો છે. ખાનગી સંસ્થાઓમાં ખાલી જગ્યાઓ વિશે માહિતી આપવા ઉપરાંત, આ NGO સરકારી વિભાગોમાં ખાલી જગ્યાઓની જાણકારી પણ આપે છે. આ સિવાય આ સંસ્થા દ્વારા એવા લોકોને પણ મદદ કરવામાં આવે છે કે, જે લોકો સ્વરોજગાર શરૂ કરવા માગતા હોય.

આપણે સૌ જાણીએ છે કે, ખરાબ ટાયરો સાથે ગાડી ચલાવવી પોતાની સુરક્ષા સાથે રમત કરવા જેવું છે, પરંતુ ઘણા લોકોને એ ખબર નથી હોતી કે ગાડીના ટાયર ક્યારે બદલવા જોઈએ. ત્યારે આ સમસ્યાનો ઉકેલ એક ટાયર કંપની દ્વારા લાવવામાં આવ્યો છે. ત્યારે શું છે આ ઉપાય અને કઈ ગાડીઓમાં લગાવી શકાય છે આ ટાયર તેના વિશે અમે તમને અહીં જણાવીશું.

ગાડીની સેફટી માટે તેના ટાયર સારા હોવા ખૂબ જ જરૂરી હોય છે. આ માટે તેને યોગ્ય સમયે બદલવા પણ પડે છે. પરંતુ આ ટાયરોને ક્યારે બદલવા જોઈએ તે જાણવું ઘણા લોકો માટે સરળ કામ નથી. એવામાં ખરાબ ટાયરની સાથે ગાડી ચલાવવું ખતરનાક સાબિત થઈ શકે છે, ત્યારે લોકોની આ સમસ્યા પર એક ટાયર કંપનીએ જે રીતે ટૂથબ્રશ બદલીએ છે તે રીતે ટાયર બદલવાના સોલ્યુશનની શોધ કરી છે, ત્યારે જાણો કઈ રીતે કામ કરે છે આ ઉપાય.

ટૂથબ્રશની જેમ આ રીતે બદલી શકાશે ગાડીના ટાયર

માર્કેટમાં ઘણા એવા ટૂથબ્રશ આવે છે કે, જેમાં વચ્ચે સામાન્ય રંગથી અલગ રંગની પીંછીઓ આપવામાં આવે છે. જ્યારે આ અલગ રંગવારી પીંછીઓનો રંગ ઝાંખો પડવા લાગે છે, ત્યારે ટૂથબ્રશ બદલવાની સલાહ આપવામાં આવે છે. આજ ઉપાયને થોડો ટ્વિસ્ટ કરીને ટાયર બનાવનારી કંપની Ceat દ્વારા ટાયર બદલવાના સાચા સમયની શોધ કરવા માટે એક ઉપાય શોધી કાઢ્યો છે.

ટાયર ઘસાતાની સાથે જ દેખાવા લાગશે પીળી પટ્ટી

કંપનીએ હાલમાં એવા ટાયર લોન્ચ કર્યા છે કે, જેમાં ટાયરની વચ્ચેના ભાગમાં એક અલગ રંગની પટ્ટી આપવામાં આવી છે. પરંતુ આમાં અલગ વાત એ છે કે જ્યારે તમે નવું ટાયર લેશો ત્યારે આ અલગ રંગની પટ્ટી તમને બિલકુલ પણ દેખાશે નહીં. પરંતુ જેમ-જેમ તમારી ગાડીના ટાયરનો ઉપયોગ થતો જશે તેમ આ પટ્ટી દેખાવા લાગશે અને જ્યારે આ પીળી પટ્ટી પૂરે-પૂરી દેખાવા લાગશે, ત્યારબાદ ગ્રાહકને ખબર પડી જશે કે તેઓની ગાડીનું ટાયર ઘસાઈ ગયું છે. આમ આ પીળા રંગની પટ્ટી જોઇને ગ્રાહકને ટાયર બદલવાનો ખ્યાલ આવી જશે.

આ ગાડીઓમાં લગાવી શકાશે આ ટાયર

હાલમાં આ કંપનીએ આ ટાયરોને બે સાઈઝમાં લોન્ચ કર્યા છે. આ ટાયરો હાલમાં 15 ઇંચ ટોયોટા ઇનોવા(Toyota Innova) અને 16 ઇંચ ટોયોટા ઇનોવા ક્રિસ્ટા(Toyota Innova Crysta)માટે લોન્ચ કરવામાં આવ્યા છે. શક્યતા છે કે આ કંપની આવનારા દિવસોમાં અન્ય ગાડીઓ માટે પણ આ પ્રકારના ટાયર લોન્ચ કરી શકે છે.

આજે અમે તમને દેશના એકમાત્ર એવા રેલવે સ્ટેશન વિશે જણાવવા જઈ રહ્યા છે કે, જ્યાં જવા માટે વિઝા અને પાસપોર્ટની જરૂરત પડે છે. આ સ્ટેશન 24 કલાક ગુપ્તચર અને સુરક્ષા એજન્સીઓથી ઘેરાયેલું રહે છે.  

ભારતીય રેલવે (Indian Railway) દુનિયાનું ચોથું અને એશિયાનું બીજું સૌથી મોટું રેલ નેટવર્ક છે. મીડિયા રિપોર્ટ મુજબ, ભારતમાં કુલ 8338 રેલવે સ્ટેશન છે, જે આખા દેશમાં ફેલાયેલ છે. પરંતુ શું તમે જાણો છો કે, દેશમાં એક એવું રેલવે સ્ટેશન પણ છે, જ્યાં જવા માટે તમને વિઝા અને પાસપોર્ટની જરૂરત પડે છે. જો કોઈ અહીં વિઝા વગર જાય છે તો તેને જેલમાં પણ જવું પડી શકે છે.

24 કલાક રહે છે સુરક્ષા

આ રેલવે સ્ટેશનનું નામ અટારી (Atari) છે. હવે આ સ્ટેશનને અટારી શ્યામ સિંહ (Atari Shyam Singh) સ્ટેશનના નામથી ઓળખવામાં આવે છે. ત્યાં જવા માટે પાકિસ્તાની વિઝા ફરજીયાત કરી દેવામાં આવ્યા છે. ગુપ્તચર અને સુરક્ષા એજન્સીઓથી 24 કલાક ઘેરાયેલા આ રેલવે સ્ટેશન પર વિઝા વગર જનારા દેશના કોઈ પણ નાગરિક સામે ફોરેન એક્ટ-14 (વિઝા વગર આ રેલવે સ્ટેશન પર આવવાના આરોપ) અંતર્ગત ફરિયાદ દાખલ કરવામાં આવે છે અને જેની જમાનત ખુબ જ મુશ્કેલીથી થાય છે. 

સમજૌતા એક્સપ્રેસને બતાવવામાં આવતી હતી લીલી ઝંડી

આ રેલવે સ્ટેશનથી દેશની સૌથી VVIP ટ્રેન સમજૌતા એક્સપ્રેસને લીલી ઝંડી બતાવવામાં આવતી હતી. તમને જણાવી દઈએ કે, સમજૌતા એક્સપ્રેસ કાશ્મીરમાંથી કલમ 370 દુર કરવામાં આવ્યા બાદથી બંધ છે. આ દેશનું પહેલું રેલવે સ્ટેશન છે જ્યાં ટ્રેનને લીલી ઝંડી બતાવવા માટે સરહદ કર વિભાગની સાથો-સાથ ટ્રેનમાં બેઠેલા મુસાફરોની પરવાનગી લેવામાં આવે છે. આ રેલવે સ્ટેશનથી ટીકીટ લેનારા તમામ લોકોનો પાસપોર્ટ નંબર લખવામાં આવે છે અને તેમને કન્ફર્મ સીટ મળે છે.  

 
દેશનું છેલ્લું રેલવે સ્ટેશન

અટારી (Atari) પંજાબમાં હિન્દુસ્તાનનું છેલ્લું રેલવે સ્ટેશન છે. જેની એક બાજુ અમૃતસર તો બીજી બાજુ લાહૌર આવેલું છે. આ સ્ટેશન એટલું મોટું નથી, પરંતુ આ સ્ટેશનની ભૂમિકા ખુબ મોટી છે. ટ્રેન બંધ થયા પછી પણ આ સ્ટેશન પર જરૂરી કામ ચાલતું રહે છે, પરંતુ અહિયાં તે છતાં પણ લોકોને સરળતાથી જવાની પરવાનગી નથી મળતી.

કચ્ચા બદામ ગીત યાદ છે ? મગફળી વેચવાવાળા વ્યકિતનું ગીત 'કચ્ચા બદામ' જોત જોતામાં સોશિયલ મીડિયા પર ખુબજ પ્રખ્યાત થઇ ગયું હતું. ભુબન બાદયાકર નામના વ્યકતિએ આ ગીત ગાયું હતું. વાયરલ થયા પછી આ ગીત પર દેરક સોશિયલ મીડિયા પ્લેટફોર્મ પર રીલ્સ બનાવવામાં આવ્યા. મજા તો ત્યારે આવી જયારે એક પાકિસ્તાની સિંગરે કચ્ચા બદામને કોપી કરીને રમઝાન અને રોઝા પર ગીત બનાવી દીધું. લોકોએ કચ્ચા બદામના પાકિસ્તાન વર્ઝનને ખરાબ રીતે ટ્રોલ કરી દીધું.

આવું પહેલીવાર નથી થયું જયારે પાકિસ્તાને ઇન્ડિયાના ગીત અથવા મ્યુઝીકને કૉપી કર્યું હોઈ. બોલીવુડે પણ ઘણીવાર પાકિસ્તાની ગીતોને કૉપી કરીને તેના હીટ થવાનું ક્રેડિટ લીધું છે. જેમાંથી ઘણા ગીત તો એવા છે જેનું ઓરીજનલ વર્ઝન સાંભળીને તમે પણ ચોંકી ઉઠશો. ઘણા ગીતો નુસરત ફતેહ અલી ખાનના છે, ઘણા નુરજહાંના છે તો ઘણા અન્ય પાકિસ્તાની કલાકારોના છે.

મુન્ની બદનામ હુઈ

મલાઈકા અરોરા પર ફિલ્માવામાં આવેલું દબંગ ફિલ્મનું ગીત 'મુન્ની બદનામ હુઈ'નું ઓરીજનલ ગીત પાકિસ્તાની છે. આ ગીતના ગીતકાર અને સંગીત નિર્દેશક લલિત પંડિત હતા. ત્યારે આનું ઓરીજનલ ગીત 'લડકા બદનામ હુઆ હસીના તેરે લિયે'ને ઉમર શરીફે ગાયું છે.

દિલ દિલ હિન્દુસ્તાન

યાદોની મોસમ ફિલ્મનું ગીત 'દિલ દિલ હિન્દુસ્તાન'ને સિંગર વિજય બેનેડીકટે ગાયું છે. આના મ્યુઝીક ડાયરેક્ટર આનંદ મિલિંદ અને ગીતકાર સલાલુહુદ્દીન પરવેઝ છે. બોલીવુડના આ ગીતને પાકિસ્તાનના ઓરીજનલ ગીત 'દિલ દિલ પાકિસ્તાન'માંથી કોપી કરવામાં આવ્યું છે.

કિતના પ્યારા તુજે રબને બનાયા - રાજા હિન્દુસ્તાની

રાજા હિન્દુસ્તાની ફિલ્મનું ગીત 'કિતના પ્યારા તુજે રબને બનાયા'ના મ્યુઝીક ડાયરેક્ટર નદીમ શ્રવણ છે અને ગીતકાર સમીર છે. આ ગીતનું ઓરીજનલ વર્ઝન નુસરત ફતેહ અલી ખાને ગાયું છે. નુસરત ફતેહઅલી ખાનનું આ ગીત 'કિન્ના સોળા તેનૂ રબને બનાયા' ખુબજ પ્રખ્યાત છે. આ ગીતને ઘણા મ્યુઝિક વિડીયોમાં પણ લેવામાં આવ્યું હતું.

મુજે એક પલ ચૈન ના આવે - જુદાઈ

જુદાઈ ફિલ્મનું ગીત 'મુજે એક પલ ચૈન ના આવે'ના બોલ સમીરે લખ્યા હતા, જો કે આને નદીમ શ્રવણે મ્યુઝીક આપ્યું હતું. રસપ્રદ વાત તો એ છે કે આ ગીત પણ પાકિસ્તાની ગીતનું કૉપી વર્ઝન છે. નુસરત ફતેહ અલી ખાને 'સાનું એક પલ ચૈન ના આવે' ગાયું હતું. આ ગીતને પછી રેઈડ ફિલ્મમાં પણ લેવામાં આવ્યું હતું.

યે જો હલ્કા હલ્કા સુરૂર હૈ - સૌતન કી બેટી

આ ગીત જીતેન્દ્ર-રેખાની ફિલ્મ 'સૌતન કી બેટી'નું ગીત હોય કે પછી આયુષ્માન ખુરાના અને એમી જેક્સનનો મ્યુઝીક વીડીયો હોય, બંને વર્ઝનમાં 'યે જો હલ્કા હલ્કા સુરૂર હૈ' ગીતને ખુબ જ પસંદ કરવામાં આવ્યું. સૌતન કી બેટી ફિલ્મમાં આ ગીતના મ્યુઝીક ડાયરેક્ટર વેદ્પાલ હતા અને ગીતકાર સાવન કુમાર. જયારે આયુષ્યમાન ખુરાનાના મ્યુઝીક વીડિયોમાં નુસરત ફતેહઅલી ખાનને ક્રેડીટ આપવામાં આવ્યું છે. આ ગીતને ઓરીજનલી નુસરત ફતેહ અલી ખાને ગાયું હતું.

તૂ ચીજ બડી હૈ મસ્ત મસ્ત - મોહરા

મોહરા ફિલ્મનું ગીત 'તૂ ચીજ બડી હૈ મસ્ત મસ્ત' પણ પાકિસ્તાની કવ્વાલી નંબર 'દમ મસ્ત કલંદર'માંથી ચોરવામાં આવ્યું છે. નુસરત ફતેહઅલી ખાનના અવાજમાં આ કવ્વાલીના શબ્દો 14મી સદીના કવિ અમીર ખુસરોએ લખ્યા હતા જેમાં 18મી સદીના કવિ બુલ્લેશાહે થોડા બદલાવ કર્યા.

મેરા પિયા ઘર આયા - યારાના

યારાના ફિલ્મનું ગીત 'મેરા પિયા ઘર આયા ઓ રામજી' બોલીવુડના સુપરહિટ ગીતોમાંથી એક છે. માધુરી દિક્ષિત પર ફિલ્માવવામાં આવેલા આ ગીતના કમ્પોઝર અને મ્યુઝીક ડાયરેક્ટર અનુ મલિક છે. રસપ્રદ વાત તો એ છે કે આ ગીત ઓરીજનલી પાકિસ્તાની ગીતથી ઇન્સ્પાયર્ડ છે. નુસરત ફતેહ અલી ખાને 18મી સદીના બાબા બુલ્લેશાહથી પ્રેરિત થઈને 'મેરા પિયા ઘર આયા' કવ્વાલી પર્ફોમ કરી હતી. બસ પછી શું મેરા પિયા ઘર આયા પ્રખ્યાત થઇ ગયું.

હવા હવા એ હવા - મુબારકા

મુબારકા ફિલ્મનું ગીત 'હવા હવા એ હવા' પણ પાકિસ્તાની ગીતથી ઇન્સ્પાયર્ડ છે. આ ગીત હસન જહાંગીરે ગાયું છે. આ પાકિસ્તાની ગીતનો બોલીવુડે પણ પોતાની ફિલ્મોમાં ઉપયોગ કર્યો છે.  

અચ્છા સિલા દિયા તૂને મેરે પ્યાર કા - બેવફા સનમ

બોલીવુડ ફિલ્મ બેવફા સનમનું ગીત 'અચ્છા સિલા દિયા તૂને મેરે પ્યાર કા' ઘણું હીટ ગીત છે. આ ગીત દરેક તૂટેલા દિલવાળાના મોઢા પર રહે છે. આ ગીત પણ નુરજહાંએ ગાયેલા પાકિસ્તાની ગીત 'કોઈ નવા લારા લા કે મેનૂ રોલ જા'થી પ્રેરિત છે.

આહૂં આહૂં આહૂં - લવ આજકલ (2009)

વર્ષ 2009માં રીલીઝ સૈફ અલી ખાન અને દીપિકા પાદુકોણની ફિલ્મ લવ આજકલમાં એક ગીત ઘણું શાનદાર હતું. 'આહૂં આહૂં આહૂં...' જો કે આ ગીતના બોલ કઈ આ રીતે હતા - 'તૂ આજા દિલ જાનિયા.....' આ ગીત પાકિસ્તાની સિંગર શૌકત અલીના ગીત 'કડી તે હંસ બોલ...'માંથી કૉપી કરવામાં આવ્યું હતું.

ચોલી કે પીછે કયા હૈ - ખલનાયક

ખલનાયક ફિલ્મનું ગીત 'ચોલી કે પીછે કયા હૈ'ને લક્ષ્મીકાંત પ્યારેલાલે કમ્પોઝ કર્યું છે અને આના શબ્દો આનંદ બક્સીએ લખ્યા છે. આ બોલીવુડ ગીત પાકિસ્તાની ગાયિકા નૂર જહાંના ગીત 'રાત દે 12 બજે' ગીતમાંથી કોપી કરવામાં આવ્યું છે.

આ લિસ્ટ હજી પૂરું નથી થયું. એવા ઘણા બોલીવુડ ગીત જે ઘણા પાકિસ્તાની ગીતોમાંથી અને ઘણા હિન્દી ગીતો જે પાકિસ્તાની સિનેમામાં સાંભળી શકાય છે.