ભારતમાં એક અનોખો વિશ્વ રેકોર્ડ બન્યો છે. કલ્પના બાલન નામની 26 વર્ષની મહિલાના મોઢામાં કુલ 38 દાંત છે, જે સામાન્ય માણસ કરતાં 6 વધુ છે. આ કારણે તેમનું નામ Guinness World Records માં નોંધાયું છે. કોઇ વ્યક્તિના મોઢામાં વધારે દાંત હોય તો શું તે પડાવી દેવા જોઇએ કે રાખવામાં કોઇ વાંધો નથી. 

સામાન્ય રીતે એક યુવાન વ્યક્તિના મોઢામાં 32 દાંત હોય છે. પરંતુ કલ્પના બાલનના મોઢામાં 4 વધારાના દાંત નીચેના જડબામાં અને 2 વધારાના દાંત ઉપરના જડબામાં છે. તેમના વધારાના દાંત કિશોરાવસ્થામાં ધીમે-ધીમે ઉગવા લાગ્યા હતા. તેમને ખાસ પીડા તો નથી, પરંતુ ખોરાક ખાતી વખતે ઘણીવાર ખોરાક દાંત વચ્ચે ફસાઈ જાય છે. 

વધારાના દાંત કેમ થાય છે?

આ સ્થિતિને Hyperdontia અથવા supernumerary teeth કહેવામાં છે. આમાં સામાન્ય કરતાં વધુ દાંત વિકસે છે. વિશ્વના લગભગ 3–4% લોકોમાં આ સમસ્યા જોવા મળે છે. 

શું છે કારણો:

વધારા દાંત હોવાનો જુદા જુદા કારણો છે જેમાં દાંતના ટૂથ બડ્સનો વધારાનો વિકાસ થવો, જિનેટિક કારણ અને કેટલીક વખત ટૂથ બડ્સ બે ભાગમાં વહેંચાઈ જવાથી વધુ દાંત ઉગી આવતા હોય છે. 

વધારાના દાંત રાખવા જોઈએ કે કાઢી નાખવા?

આવી બાબતમાં સામાન્ય રીતે જુદા જુદા માપદંડોથી નિર્ણય લેવામાં છે. વધારાના દાંત ક્યારે રાખી શકાય તેનો નિર્ણય એ આધારે લેવાય છે કે જો તે પીડા ન આપતા હોય તો રહેવા દઇ શકાય આ ઉપરાંત ચાવવાની પ્રક્રિયામાં અવરોધ ન કરે, અન્ય દાંતને ખસેડતા ન હોય અથવા ચેપ અથવા સડવાનું જોખમ ન હોય. જોકે, તેમણે નિયમિત ચેક-અપ કરાવવાની સલાહ આપવામાં છે.

જ્યારે કાઢવા જરૂરી

સામાન્ય રીતે દાંત કાઢવાની સલાહ ત્યારે અપાય છે જો ખોરાક ફસાવાની સમસ્યા હોય, દાંત વાંકા થવા લાગે, ચાવવાની તકલીફ થાય,  ઇન્ફેક્શન અથવા સડવાનું જોખમ વધે. ઘણા કેસમાં સર્જરી દ્વારા વધારાના દાંત સરળતાથી દૂર કરી શકાય છે.

વધારાના દાંત હોવું દુર્લભ છે, પરંતુ દરેક કેસમાં તેમને કાઢી નાખવાની જરૂર નથી. જો તેઓ કોઈ સમસ્યા ન કરતા હોય તો ડોક્ટર દેખરેખ હેઠળ રાખી શકાય, પરંતુ દાંતની ગોઠવણી, સ્વચ્છતા અને આરોગ્ય માટે ઘણીવાર તેમને કાઢવાની સલાહ આપવામાં આવે છે.

દરેક માતા–પિતાને ઈચ્છા હોય છે કે તેમનું બાળક દિવસની શરૂઆત એક સુંદર સ્મિતથી કરે અને તેનું મન પણ શાંત અને સંતુલિત બને તો તેના માટે માત્ર 2 મિનિટની જરૂર છે.   હું ડેન્ટિસ્ટ તરીકે જોઉં છું કે મોટાભાગના લોકો — બાળકો પણ — ધ્યાન વગર દાંત સાફ કરે છે. બ્રશ કરવું એક રોજિંદું કામ બની ગયું છે — પણ જો આપણે એમાં થોડું  ધ્યાન લાવીએ તો એ નાનું કાર્ય પણ મનને શાંત કરનાર બની શકે છે.

બ્રશિંગમાં જાગૃતતા લાવો

સવારે જ્યારે તમે બ્રશ કરો છો, ત્યારે મન ક્યાંક બીજે હોય છે — ફોનમાં, દિવસની યોજના બનાવવામાં. પણ જો તમે થોડો સમય રોકાઈ, શ્વાસ લો અને દરેક બ્રશના ફરવાનો અહેસાસ કરો, જડબાને રીલેક્સ રાખો, ખભા આરામમાં રાખો — તો એ બે મિનિટની ક્રિયા મેડિટેશન જેવી બની જાય છે.

જાગૃત બ્રશિંગથી જડબામાં આરામ આવે છે, મન શાંત થાય છે અને શરીર “રિલેક્સ” સ્થિતિમાં જાય છે. આ ફક્ત દાંતની નહીં, પરંતુ મનની પણ કાળજી છે.

મોં અને મનનો સંબંધ

આપણે સામાન્ય રીતે દાંત, દાઢ અને સફાઈ પર ધ્યાન આપીએ છીએ, પણ મોં અને મન વચ્ચેનો સંબંધ ખૂબ ગાઢ છે. બાળકોમાં જડબાનું ટેન્શન અથવા રાત્રે દાંત કચરવાની ટેવ — આ બધા તણાવના સંકેત છે. સાંજે શાંતિથી બ્રશ કરવાથી આ ટેન્શન દૂર થાય છે અને ઊંઘ પણ સુધરે છે.

બાળકો માટે માઇન્ડફુલ બ્રશિંગને મજેદાર બનાવો

માતા–પિતાઓ પૂછે છે: “મારુ બાળક તો મુશ્કેલીથી બ્રશ કરે છે, એમાં માઇન્ડફુલનેસ કેવી રીતે લાવું?”

જવાબ સરળ છે — એને રમૂજી બનાવો. બે મિનિટનું ગીત વગાડો, બાળકને કહો “બબલ્સને સાંભળો” અથવા “દાંત ગણો.”

પરિવાર સાથે મળીને આ કરવાથી એ મજા અને શાંતિ બંને આપે છે. બાળકો જોયેલી ક્રિયા શીખે છે — તમે શાંત થઈને બ્રશ કરશો, તો તેઓ પણ એ રીતે કરશે.

હળવાશથી બ્રશ કરવાનું વિજ્ઞાન

જોરથી બ્રશ કરવાથી દાંતનું એનામેલ ખરાબ થાય છે. માઇન્ડફુલ બ્રશિંગ આટોમેટિક રીતે દબાણને નિયંત્રિત કરે છે. શ્વાસ લેતાં લેતાં ધીમેથી બ્રશ કરવાથી દાંત અને મન બંનેને આરામ મળે છે.

શાંતિનું સ્મિત

ઝડપભર્યા જીવનમાં બે મિનિટનું ધ્યાન મોટું લાગે, પરંતુ એ બે મિનિટમાં જ દિવસની શરૂઆતની શાંતિ મળે છે.જો તમારું બાળક આ રીતે બ્રશ કરવાનું શીખશે, તો એ ફક્ત સ્વચ્છ દાંત નહીં, પણ શાંત મન પણ મેળવશે. ટૂથબ્રશ ફક્ત દાંત સાફ કરવા માટે નથી —તે આપણને યાદ અપાવે છે કે આરોગ્ય અને શાંતિ જાગૃતિથી શરૂ થાય છે.

તાજેતરના અમદાવાદ પ્લેન ક્રેશ માં દેશ દ્રવિત થઈ ગયો. ભીષણ આગના કારણે તમામ મૃતદેહો એટલા બળીને ખાખ થઈ ગયા કે ઓળખ શક્ય રહી ન હતી.  આવી વિકટ પરિસ્થિતિમાં ડીએનએ પરીક્ષણ જ એકમાત્ર આશરો બન્યું — અને તે પણ ફક્ત દાંતમાંથી મળેલા ડીએનએ પરથી.

દુઃખની વાત એ છે કે જે બાળકોના premolar દાંત હજી આવ્યા ન હતા, તેમની ઓળખ આજ સુધી થઇ શકી નથી. આ ઘટના માત્ર હૃદયને પીડા આપનારી જ નથી — પણ એ એક મોટો પ્રશ્ન ઉભો કરે છે: શું આપણે આપણા દાંતની સાચી રીતે સંભાળ રાખીએ છીએ?

દાંત - ઓળખના રક્ષક

ઘણાં લોકો જાણતા નથી કે દાંત માત્ર ખાવા કે સ્મિત માટે નહીં, પણ અંતિમ ઓળખ માટે પણ મહત્વપૂર્ણ હોય છે. જ્યારે આખું શરીર આગ, પાણી કે સમયને ને કારણે નાશ પામે છે ત્યારે દાંતમાં ડીએનએ સુરક્ષિત રહે છે. તેથી જ વિશ્વભરમાં ફોરેન્સિક ઓડોન્ટોલોજી — દાંતના રેકોર્ડ દ્વારા ઓળખ — માન્ય વિજ્ઞાન છે.

દાંતની સાચી રીતે કેવી રીતે સંભાળ રાખવી?

1. રોજ બે વખત બ્રશ કરો — સવારે અને રાત્રે.
2. ડેન્ટલ ફ્લોસનો ઉપયોગ કરો — દાંતની વચ્ચેની સફાઈ માટે.
3. દર 6 મહિને દાંતના ડોક્ટર પાસે તપાસ કરાવો
4. ખાંડ, તમાકુ અને પાન મસાલાથી દૂર રહો
5. દાંતના રેકોર્ડ અને X-Ray સાચવી રાખો — ખાસ કરીને બાળકોના.

બાળકોના દાંત અને ઓળખ

અમદાવાદ દુર્ઘટનામાં, ઘણા બાળકોના  સ્થાયી પ્રીમોલર દાંત આવ્યા નહોતા, જેથી દાંતમાંથી ડીએનએ લેવાઈ શકાયું નહીં. આ એક દુઃખદ હકીકત છે, જે ઘણા માતાપિતા માટે જીવનભરનું દુખ બની ગયું છે. બાળકોના દૂધના દાંત જે સમયે પડે, તેને સાચવો અને તેમની ડેન્ટલ હિસ્ટ્રી રેકોર્ડ રાખો. એ કોઇક દિવસ તેમના માટે જીવનમાં મૂલ્યવાન બની શકે છે.

આપણે હૃદય, ફેફસાં કે કિડનીની તો ઘણી કાળજી લઈએ છીએ, પણ દાંતને અવગણીએ છીએ. પરંતુ આ દુર્ઘટનાએ બતાવ્યું કે દાંત માત્ર તમારું સ્મિત જ બચાવે છે તેમ કહેવું પુરતું નથી — પરંતુ કદાચ તમારા અસ્તિત્વની ઓળખ પણ બચાવી શકે છે.

દાંત સામાન્ય અંગ નથી. એ તમારા શરીરનો જીવંત ભાગ છે — અને કદાચ તમારી છેલ્લી ઓળખ બની શકે છે. આજથી જ શરૂઆત કરો — તમારા દાંતની સાચી કાળજી લો. માત્ર જીવન માટે નહીં, પરંતુ જીવન પછી માટે પણ.

કેટલીક વખત મોઢા દ્વારા શ્વાસ લેવું સામાન્ય લાગતું હોય, પરંતુ બાળકમાં નિયમિત મોઢા દ્વારા શ્વાસ લેવું તેમના વિકાસમાં અનેક મુશ્કેલીઓ ઊભી કરી શકે છે. સમયસર તેની ઉપર પગલા લેવાથી તેમને ભવિષ્યમાં આવનારી મુશ્કેલીઓથી બચાવી શકે છે.

1. ચહેરા અને દાંતની સમસ્યાઓ

લાંબો ચહેરો: મોઢા દ્વારા શ્વાસ લેવાથી ચહેરાના હાડકાઓના વિકાસને અસર થાય છે.

પાછળ જતી ચિન અને વાંકા દાંત: જીભની ભૂમિકા બદલાતા ચહેરાનું બંધારણ બદલાય છે, અને ઓર્થોડોન્ટિક સારવારની જરૂર પડે છે.

 2. ઊંઘ અને વર્તન પર અસર

સ્લીપ એપ્નિયા: ઊંઘ દરમિયાન ઓક્સિજનની અછતથી આરોગ્ય પર અસર થાય છે.

થાક અને ધ્યાનની ખામી: ઊંઘની ગુણવત્તા ખરાબ હોય તો બાળક દિવસ દરમિયાન ચીડિયું અને બેધ્યાન રહે છે.

ઓવરએક્ટિવ વર્તન: ADHD જેવા લક્ષણો વધી શકે છે.

3. દિમાગના વિકાસ પર અસર

યાદશક્તિમાં ઘટાડો: મોઢા દ્વારા શ્વાસ લેતાં બાળકોમાં શીખવામાં મુશ્કેલી રહેતી હોય છે.

મગજના કાર્યમાં ઘટાડો: બ્રેઇન સ્કેન દ્વારા એ જાણવામાં આવ્યું છે કે મોઢા શ્વાસથી મગજના ચોક્કસ વિસ્તારોમાં પ્રવૃત્તિ ઓછી થાય છે.

4. બોલવામાં અને ગળવામાં મુશ્કેલી

ઉચ્ચારની સમસ્યા અને મોડું બોલવાનું શરૂ કરવું:  ઉચ્ચારની સમસ્યા થઇ શકે છે.

ગળવામાં તકલીફ: જીભની અયોગ્ય સ્થિતિને કારણે ભોજન યોગ્ય રીતે ગળાતું નથી.

5. રોગપ્રતિકારક શક્તિ અને શ્વાસના રોગો

વારંવાર ઠંડી અને શ્વાસ રોગો: મોઢા દ્વારા શ્વાસ લેતાં નાકનો કુદરતી ફિલ્ટર ફંકશન ગુમાવે છે.

એલર્જી અને દમની સમસ્યા વધી શકે: અનફિલ્ટર્ડ હવા સીધી ફેફસાં સુધી પહોંચી જાય છે.

 શું કરવું:

ડૉક્ટરની સલાહ લો: તમારા બાળકમાં મોઢાથી શ્વાસ લેવાની ટેવ જૂઓ તો બાળકને ડોક્ટરને બતાવો

મૂળ કારણો શોધો: એલર્જી, મૂટા ટૉન્સિલ્સ અથવા નાકના અવરોધ દૂર કરો.

નાકથી શ્વાસ લેવાની ટેવ પાડો: બાળકોને nose-breathing માટે પ્રેરણા આપો.

માયો ફંક્શનલ થેરાપી :  અ થેરાપી મોં અને ચહેરાના મસલ્સ મજબૂત બનાવે છે.

તમારું બાળક જો મોઢાથી શ્વાસ લેતું હોય કે રાત્રે મોઢું ખોલીને સૂતું હોય તો ચેતી જજો. તેની સ્કૂલનું રીઝલ્ટ બગડી શકે છે.  સામાન્ય રીતે અવગણવામાં આવે છે મોઢાથી શ્વાસ લેવામાં કોઇ વાંધો નથી. પરંતુ થઇ રહેલા સંશોધનો બતાવે છે કે તે માનસિક કાર્યક્ષમતા માટે ગંભીર ચિંતાનો વિષય બની રહી છે. તાજેતરના એક અભ્યાસમાં ફંક્શનલ એમઆરઆઈ (fMRI) ની મદદથી જાણવા મળ્યું છે કે મોઢાથી શ્વાસ લેવાના કારણે મગજના મહત્વપૂર્ણ ભાગો જેવા કે વર્કિંગ મેમરી, ધ્યાન અને શીખવાની ક્ષમતા પર નકારાત્મક અસર થાય છે.

મોઢાથી શ્વાસ લેવું એ સામાન્ય રીતે એલર્જી કે કાકડા ફૂલી જવાના કારણે નાક બંધ થવાથી થાય છે.  સામાન્ય લોકો પણ દૈનિક જીવન દરમિયાન આશરે 17% સમય મોઢાથી શ્વાસ લે છે. જો કે, લાંબા ગાળા સુધી મોઢાથી શ્વાસ લેવામાં આરોગ્યના ઘણા પાસાઓ, ખાસ કરીને દાંત, ફેફસા અને હવે મગજની કામગીરીને અસર થાય છે.

વિશેષજ્ઞો પહેલાથી જાણતા હતા કે મોઢાથી શ્વાસ લેવાના કારણે મોં સૂકાઈ જાય છે. લાળનું ઉત્પાદન ઘટે છે. તેના કારણે દાંત, પેઢા અને ચહેરાના આકારમાં ફેરફાર થાય છે. વધુમાં, મોઢાની હવા યોગ્ય રીતે ફિલ્ટર અને ગરમ ન થવાથી શ્વસનતંત્રની સમસ્યાઓ પણ ઊભી થાય છે.

હવે નવા અભ્યાસમાં જોવા મળ્યું છે કે મોઢાથી શ્વાસ લેતા બાળકોમાં ધ્યાન અને વર્કિંગ મેમરી સંબંધિત કાર્યોમાં તેમનું પ્રદર્શન ઘટે છે. પુખ્ત વયના લોકોમાં પણ સુગંધ સંબંધિત યાદશક્તિ પર અસર જોવા મળી છે.

ફંક્શનલ એમઆરઆઈ દ્વારા એવી માહિતી મળી કે જ્યારે વ્યક્તિ મોઢાથી શ્વાસ લે છે ત્યારે ડાબી સેરેબેલમ અને ઈન્ફિરિયર પેરાઈટલ જાયરસ જેવા મગજના ભાગો – જે યાદશક્તિ અને ધ્યાન માટે મહત્વપૂર્ણ છે – તે નોંધપાત્ર રીતે નિષ્ક્રિય રહે છે.

આ અભ્યાસ એ સૂચવે છે કે મોઢાથી શ્વાસ લેવું એ માત્ર દાંતની સમસ્યા નથી, પણ તે શૈક્ષણિક ક્ષમતા, ધ્યાન કેન્દ્રિત કરવું અને એકાગ્રતાને પણ અસર પહોંચાડે છે. નિષ્ણાતો માતાપિતા, શિક્ષકો અને ડોકટરોને સલાહ આપવામાં આપે છે કે મોઢાથી શ્વાસ લેવાની આદતને ગંભીરતાથી લો અને જરૂર પડે ત્યારે યોગ્ય સારવાર લો.

સિટ્રોન ઇન્ડિયાએ તાજેતરમાં તેનું નવું C3 પેટ્રોલ મોડલ લોન્ચ કર્યું હતું, જેને ભારતીય બજારમાં સારો પ્રતિસાદ મળ્યો હતો. હવે કંપનીએ આ રેન્જમાં પોતાની નવી ઇલેક્ટ્રિક કાર Citroen Oli EV કોન્સેપ્ટ મોડલ રજૂ કર્યું છે. તેને વૈશ્વિક સ્તર પર લાવવામાં આવ્યું છે અને એવું કહેવામાં આવી રહ્યું છે કે જ્યારે તે ભારતમાં આવશે, ત્યારે તે સસ્તા વિકલ્પમાં Tata Tiago EV સાથે સ્પર્ધા કરશે. આ જ સમયે, આ ઇલેક્ટ્રિક કાર 400 કિમીની રેન્જ આપવામાં સક્ષમ છે. 

Citroen Oli EV બેટરી અને રેન્જ 

Citroen Oli EV ની બેટરી રેન્જમાં આવતા, ઓટોમેકર દાવો કરે છે કે Oli વેરિઅન્ટને 400 કિમી સુધીની ડ્રાઇવિંગ રેન્જ પ્રદાન કરવા માટે માત્ર 40kWh બેટરીની જરૂર પડશે. તેની ટોપ સ્પીડ 110 kmph સુધી મર્યાદિત રહેશે. તે જ સમયે, બેટરી પેક માત્ર 23 મિનિટમાં 20 થી 80 ટકા સુધી ચાર્જ થઈ જશે. Oli EV માં વપરાતી બેટરી સરળતાથી નાશ કરી શકાય છે. આ રીતે તે પર્યાવરણ માટે પણ સારું સાબિત થાય છે.

ઉપલબ્ધ સુવિધાઓની લાંબી સૂચિ

Citroen Oli EV પ્રીમિયમ સુવિધાઓથી સજ્જ છે. આ વાહનની લંબાઈ 4,200 mm, ઊંચાઈ 1,650 mm અને પહોળાઈ 1,900 mm છે. ચળકતી નારંગી ફ્રન્ટ સીટો એક મજબૂત ટ્યુબ્યુલર ફ્રેમમાંથી બનાવવામાં આવી છે, જેમાં બેઝ કુશન 100 ટકા રિસાયકલ પોલિએસ્ટરમાંથી બનાવવામાં આવે છે. ડેશબોર્ડમાં એક જ બીમ છે જે તેની પહોળાઈમાં સ્ટીયરિંગ કોલમ અને વ્હીલ્સ સુધી વિસ્તરે છે. હૂડ કાર્બન-ફાઇબર ફિનિશ સાથે આવે છે અને તેની બંને બાજુ વેન્ટ્સ છે. આ સિવાય, સીધા આગળની વિન્ડશિલ્ડ ડિઝાઇન જોઈ શકાય છે. ઇલેક્ટ્રિક કારને સપાટ છત પર કાળી રેલ સિવાય લંબચોરસ આકારના વિંગ મિરર્સ, C-આકારના હેડલેમ્પ્સ અને ટેલ લેમ્પ્સ મળે છે.

Citroen Oli EV ની અપેક્ષિત કિંમત 

નવી Citroen Oli ઇલેક્ટ્રિક કારની કિંમત વિશે વાત કરીએ તો, જો તે ભારતમાં આવે છે, તો તે 10-12 લાખ રૂપિયા (એક્સ-શોરૂમ, દિલ્હી) ની રેન્જમાં હોવાની અપેક્ષા છે. અનુમાન લગાવવામાં આવી રહ્યું છે કે તેનું લોન્ચિંગ 2023ના પહેલા ક્વાર્ટરમાં થઈ શકે છે. તે જ સમયે, તે હરીફ તરીકે Tata Tiago EV અને MGની એન્ટ્રી-લેવલ ઇલેક્ટ્રિક કાર સાથે સ્પર્ધા કરશે.

BCCI દ્વારા જસપ્રીત બૂમરાહને લઈને એક અપડેટ આપવામાં આવી છે, જે પીઠની ઈજાને કારણે આગામી T20 વર્લ્ડ કપમાંથી બહાર થઈ ગયો હતો. BCCI દ્વારા જારી કરવામાં આવેલા એક નિવેદનમાં કહેવામાં આવ્યું છે કે, ઝડપી બોલર મોહમ્મદ સિરાજને દક્ષિણ આફ્રિકા સામેની બાકીની બે ટી20 મેચ માટે તેના સ્થાને સમાવેશ કરવામાં આવ્યો છે. સિરાજ હાલમાં કાઉન્ટી ક્રિકેટ રમી રહ્યો છે અને પોતાની બોલિંગથી ખુબ ધૂમ મચાવી રહ્યો છે. 

આ પહેલા ઓસ્ટ્રેલિયા સામેની શ્રેણીની શરૂઆત પહેલા મોહમ્મદ શમીના કોરોના પોઝિટિવ હોવાના કારણે ઉમેશ યાદવનો સમાવેશ કરવામાં આવ્યો હતો ત્યારે ટીમના કેપ્ટન રોહિત શર્માએ કહ્યું હતું કે તે કેટલીક મેચો માટે સિરાજને પાછો બોલાવવા માંગતા નથી પરંતુ હવે બૂમરાહના કારણે ટીમને સિરાજની જરૂર પડી રહી છે. 

જોકે, BCCI દ્વારા વર્લ્ડ કપમાં બૂમરાહના રિપ્લેસમેન્ટ વિશે કોઈ માહિતી આપવામાં આવી નથી. ગુરુવારે, પીટીઆઈના હવાલાથી કહેવામાં આવ્યું હતું કે પીઠની ઈજાને કારણે બૂમરાહ આગામી T20 વર્લ્ડ કપમાં ભાગ લઈ શકશે નહીં. એશિયા કપ પછી, બૂમરાહે ઓસ્ટ્રેલિયા સામેની T20 શ્રેણીમાં પુનરાગમન કર્યું પરંતુ દક્ષિણ આફ્રિકા સામેની T20 શ્રેણીની પ્રથમ મેચમાં તેને પ્લેઈંગ ઈલેવનમાં સમાવેશ કરવામાં આવ્યો ન હતો. 

BCCI તરફથી કહેવામાં આવ્યું છે કે મેડિકલ ટીમ બૂમરાહ પર નજર રાખી રહી છે. અગાઉ, દીપક હુડ્ડા પણ ઈજાના કારણે દક્ષિણ આફ્રિકા સામેની શ્રેણીમાંથી બહાર થઈ ગયો હતો અને શ્રેયસ અય્યર અને શાહબાઝ અહેમદને ટી20 ટીમમાં સામેલ કરવામાં આવ્યા હતા. દક્ષિણ આફ્રિકા સામેની બીજી મેચ 2 ઓક્ટોબરે ગુવાહાટીમાં અને ત્રીજી અને છેલ્લી મેચ 4 ઓક્ટોબરે ઈન્દોરમાં રમાશે, ત્યારબાદ ટીમ ઈન્ડિયા વર્લ્ડ કપ માટે ઓસ્ટ્રેલિયા જવા રવાના થશે.

દક્ષિણ આફ્રિકા સામે T20

ટીમ રોહિત શર્મા (કેપ્ટન), કેએલ રાહુલ (વાઈસ-કેપ્ટન), વિરાટ કોહલી, સૂર્યકુમાર યાદવ, ઋષભ પંત (ડબ્લ્યુકે), દિનેશ કાર્તિક (ડબ્લ્યુકે), આર અશ્વિન, યુઝવેન્દ્ર ચહલ, અક્ષર પટેલ, અર્શદીપ સિંહ, હર્ષલ પટેલ, દીપક ચહર, ઉમેશ યાદવ, શ્રેયસ ઐયર, શાહબાઝ અહેમદ, મોહમ્મદ સિરાજ આ બધા ક્રિકેટરોનો ટીમમાં સમાવેશ કરવામાં આવ્યો છે. 

બૂમરાહ તાજેતરમાં ઈજામાંથી બહાર આવ્યો હતો

નોંધનીય છે કે જસપ્રીત બૂમરાહ થોડા સમય પહેલા ટીમ ઈન્ડિયામાં પાછો ફર્યો હતો. ત્યાર બાદ તેણે ઓસ્ટ્રેલિયા સામે ટી20 સીરીઝમાં બે મેચ રમી હતી. પરંતુ આ બે મેચમાં જસપ્રીત બૂમરાહનું પ્રદર્શન શાનદાર રહ્યું ન હતું. દરમિયાન તે હવે પ્રેક્ટિસ સેશન દરમિયાન ઈજાગ્રસ્ત થયો છે. જસપ્રીત બૂમરાહની ઈજા ટી-20 વર્લ્ડ કપમાં ટીમ ઈન્ડિયા માટે ટેન્શન વધારી શકે છે. ટીમ ઈન્ડિયા થોડા દિવસો બાદ ઓસ્ટ્રેલિયા જવા રવાના થવાની છે. પરંતુ તે પહેલા જસપ્રીત બૂમરાહની આ રીતે વારંવાર થતી ઈજા ટીમ ઈન્ડિયાનું ટેન્શન વધારી શકે છે.

અબજોપતિ મુકેશ અંબાણીના પુત્ર અને ભારતની સૌથી મોટી ટેલિકોમ કંપની Jioના માલિક આકાશ અંબાણીનું નામ ટાઈમ મેગેઝિન દ્વારા વિશ્વના ઉભરતા સ્ટાર્સ Time 100 નેક્સ્ટની યાદીમાં સામેલ કરવામાં આવ્યું છે. આ યાદીમાં તે એકમાત્ર ભારતીય નો સમાવેશ કરવામાં આવ્યો છે. જો કે આ યાદીમાં ભારતીય-અમેરિકન બિઝનેસમેન આમ્રપાલી ગાનનું નામ પણ સામેલ કરવામાં આવ્યુ છે. 

ટાઈમ પત્રિકા એ તેમના પર ટિપ્પણી કરતા લખ્યું છે કે પ્રતિષ્ઠિત ભારતીય ઔદ્યોગિક ગૃહ રિલાયન્સના વંશ જ આકાશ અંબાણી પાસે હંમેશા બિઝનેસમાં વૃદ્ધિની અપેક્ષા રાખવામાં આવે છે. તે તેના માટે સખત મહેનત પણ કરી રહી છે. તેમજ ઔદ્યોગિક ક્ષ્રેત્રને આગળ પણ ધપાવી રહ્યા છે. 

જુનિયર અંબાણીની ઉંચી ઉડાન 

30 વર્ષીય આકાશ અંબાણીને જૂનમાં 426 મિલિયન સબ્સ્ક્રાઇબર્સ સાથે ભારતની સૌથી મોટી ટેલિકોમ કંપની Jioના ચેરમેન તરીકે બઢતી આપવામાં આવી હતી. 2022માં તેને Jioના બોર્ડમાં સ્થાન આપવામાં આવ્યું હતું. ટાઈમે તેની પ્રશંસા કરી છે અને લખ્યુ છે કે તે ત્યારથી લઈને આજ સુધી કેટલાય અબજ ડોલરના રોકાણમાં નિમિત્ત બન્યા છે. તેમાં Google અને Facebook સાથે કરવામાં આવનારી ડીલનો પણ સમાવેશ કરવામાં આવે છે. TIME એ વિશ્વના 100 ઉભરતા નેતાઓની ટાઈમ 100 નેક્સ્ટ લિસ્ટ પસંદ કરી છે જેઓ વેપાર, મનોરંજન, રમતગમત, રાજકારણ, આરોગ્ય અને વિજ્ઞાનના ભવિષ્યને આકાર આપી રહ્યા છે. અને દેશના ભવિષ્યને ઉજ્વળ બનાવી રહ્યા છે. 

કોણ કોણ છે આ યાદીમાં 

ટાઈમની પ્રખ્યાત યાદીમાં અમેરિકન ગાયક SZA, અભિનેત્રી સિડની સ્વીની, બાસ્કેટબોલ ખેલાડી જા મોરાન્ટ, સ્પેનિશ ટેનિસ ખેલાડી કાર્લોસ અલ્કારાઝ, અભિનેતા અને ટેલિવિઝન વ્યક્તિત્વ કેકે પામર અને પર્યાવરણીય કાર્યકર્તા ફરવિઝા ફરહાનનો સમાવેશ થાય છે.

તેમની દેખરેખ હેઠળ Jioનું 5G 

Reliance Jioનું 5G રોલઆઉટ આકાશ અંબાણીની દેખરેખ હેઠળ થઈ રહ્યું છે. કંપની દિવાળી સુધીમાં દિલ્હી, મુંબઈ અને કેટલાક અન્ય મહાનગરોમાં 5G સેવા શરૂ કરવાની યોજના ધરાવે છે. ભારતીય ટેલિકોમ ઉદ્યોગમાં Jio એકમાત્ર એવી કંપની છે જેણે 700 MHz સ્પેક્ટ્રમ બેન્ડ ખરીદ્યું છે. એવો દાવો કરવામાં આવી રહ્યો છે કે આ એકમાત્ર સ્પેક્ટ્રમ બેન્ડ છે જેના પર સ્ટેન્ડ-અલોન 5G નેટવર્ક એટલે કે ટ્રુ 5G ચાલી શકે છે. 

ભારતીય મૂળ આમ્રપાલી ગણ કોણ છે

આમ્રપાલી એડલ્ટ કન્ટેન્ટ બનાવવાની સાઈટ OnlyFans ની CEO છે. સપ્ટેમ્બર 2020 માં, તેણી સાઇટ પર ચીફ માર્કેટિંગ અને કોમ્યુનિકેશન ઓફિસર તરીકે જોડાઈ. તેમના નેતૃત્વ હેઠળ OnlyFans એ સલામતી અને પારદર્શિતા કેન્દ્ર શરૂ કર્યું છે.

બાંધવગઢ ફોરેસ્ટ રિઝર્વમાં ઐતિહાસિક વારસો મળી આવ્યો છે. આમાં 26 મંદિરો અને 26 ગુફાઓ છે. અહીં 2 બૌદ્ધ મઠો છે. બે સ્તૂપ છે. અહીં 24 લેખિત શિલાલેખ, 46 કલાકૃતિઓ અને 19 જળાશયો છે. ASIએ 85 વર્ષ બાદ આ શોધ ફરી શરૂ કરી છે. અહીં પ્રાચીન ગુફાઓ પણ છે. શિવલિંગ અને વિષ્ણુ દશાવતારની મૂર્તિઓ મળી પણ આવી છે.

મધ્યપ્રદેશના બાંધવગઢ ફોરેસ્ટ રિઝર્વમાં 9મી સદીના મંદિરો અને બૌદ્ધ મઠો મળી આવ્યા છે. આ તમામ ઐતિહાસિક ધરોહર 175 ચોરસ કિલોમીટર વિસ્તારમાં મળી આવી છે. આ તમામ અવશેષો બે હજાર વર્ષ જૂના છે. ભારતીય પુરાતત્વ સર્વેક્ષણ (ASI) એ અહીં 26 મંદિરો, 26 ગુફાઓ, 2 મઠો, 2 સ્તૂપ, 24 શિલાલેખ, 46 કલાકૃતિઓ અને 19 જળ સંરચનાઓનો સમાવેશ કર્યો છે. ગુફાઓમાં બૌદ્ધ ધર્મ સાથે જોડાયેલી ઘણી ઐતિહાસિક અને રસપ્રદ માહિતી સામે મળી આવી છે.

ASIએ જણાવ્યું કે બાંધવગઢ ટાઈગર રિઝર્વમાં 26 ગુફાઓ મળી આવી છે. કેટલીક ગુફાઓમાં બૌદ્ધ ગુફા સમયના પુરાવા પણ મળી આવ્યા છે. અમને બૌદ્ધ ધર્મ સાથે સંકળાયેલા અને બૌદ્ધ ધર્મથી જોડાયેલા સંબંધ હોવાના પણ પુરાવા મળી આવ્યા છે. મહારાષ્ટ્રમાં જે પ્રકારની ગુફાઓ છે, ત્યાં પણ આવી ગુફાઓ છે. ASI જબલપુર સર્કલની ટીમ દ્વારા આ કામગીરી કરવામાં આવી છે.

ગુફાઓમાં બ્રાહ્મી લિપિના ઘણા શિલાલેખો છે, જેમાં મથુરા, કૌશામ્બી, પવત, વેજભારદા, સપ્તનાયરિકા જેવા અનેક જિલ્લાઓના નામનો ઉલ્લેખ છે. આ શ્રી ભીમસેના, મહારાજા પોથાસિરી, મહારાજા ભટ્ટદેવના સમયના છે. ASIને ગુફાઓ સાથે 26 પ્રાચીન મંદિરો મળ્યા છે. ભગવાન વિષ્ણુની નિદ્રાધીન મુદ્રાની મૂર્તિ સાથે વરાહની મોટી મૂર્તિઓ મળી આવી છે.

આ મંદિરો લગભગ 2 હજાર વર્ષ જૂના છે. પ્રથમ તબક્કામાં હાથ ધરાયેલા સર્વેમાં જોવા મળેલી આ હેરિટેજથી ખુશ, ASI હવે આગામી તબક્કાની તૈયારી કરી રહ્યા છે. જબલપુર ઝોનના ASI સુપરિન્ટેન્ડેન્ટ શિવકાંત બાજપાઈએ જણાવ્યું કે આ ગુફાઓ માનવ નિર્મિત છે. આ ગુફાઓમાં બૌદ્ધ ધર્મ સાથે જોડાયેલી ઘણી મહત્વપૂર્ણ તથ્યો મળી આવી છે. 

બાજપાઈએ કહ્યું કે અહીં મળી આવેલ બૌદ્ધ સ્તૂપ અને માનૌતિ સ્તૂપ ધરાવતો સ્તંભ ઐતિહાસિક દૃષ્ટિકોણથી મહત્વપૂર્ણ છે. વિશ્વનો સૌથી મોટો વરાહ પણ મળી આવ્યો છે જે 6.4 મીટર ઉંચો છે. આ પહેલા મળેલી સૌથી મોટી વરાહ મૂર્તિની ઊંચાઈ 4.26 મીટર હતી. આ સિવાય મુગલ કાલી અને શર્કી શાસનના સમયના સિક્કા પણ મળી આવ્યા છે. 

બાંધવગઢનો ઐતિહાસિક ઉલ્લેખ નારદ પંચરાત્ર અને શિવ પુરાણમાં છે. એવું કહેવાય છે કે ભગવાન રામે અયોધ્યા પરત ફરતી વખતે આ વિસ્તાર તેમના નાના ભાઈ લક્ષ્મણને ભેટમાં આપ્યો હતો. આ પ્રદેશમાંથી મેળવેલા પ્રાચીન રેકોર્ડ દર્શાવે છે કે તે ખૂબ લાંબા સમય સુધી મઘ રાજવંશ હેઠળ હતો. ASIએ 1938માં બાંધવગઢ ફોરેસ્ટ રિઝર્વમાં ગુફાઓ પણ શોધી કાઢી હતી.

ઓસ્ટ્રેલિયામાં આયોજિત થનારી T20 વર્લ્ડ કપની ટીમમાં સંજુ સેમસનને ભલે સ્થાન આપવામાં ન આવે, પરંતુ ટીમ ઈન્ડિયામાં તેના સ્થાનને લઈને ઘણી ચર્ચા થઈ રહી છે. ટીમ ઈન્ડિયા જ્યારે પ્રથમ T20 મેચ માટે તિરુવનંતપુરમ પહોંચી ત્યારે તેના પ્રશંસકોએ ટીમની સામે સંજુ-સંજુના નારા લગાવ્યા હતા. કોઈને ખબર નથી કે તે ટીમ ઈન્ડિયામાં ક્યારે પુનરાગમન કરી શકશે કારણ કે દક્ષિણ આફ્રિકા સામેની T20 શ્રેણીમાં પણ તેનું નામ નથી અને સેમસન ઝિમ્બાબ્વે સામેની શ્રેણીમાં ટીમનો છેલ્લો ભાગ હતો.

પરંતુ BCCI પ્રમુખ સૌરવ ગાંગુલી તેના ભવિષ્ય વિશે શું કહે છે તે સાંભળીને સંજુના ચાહકો ખુશ થઈ જશે. સૌરવ ગાંગુલીના મતે ભારતીય ટીમના પ્લાનમાં સંજુ સેમસન પણ હાજર છે. એટલું જ નહીં, તેણે એ વાત પણ સુનિશ્ચિત કરી કે તે દક્ષિણ આફ્રિકા સામેની વન-ડે શ્રેણીમાં ટીમનો ભાગ પણ હશે. લખનૌમાં 6 ઓક્ટોબરથી ODI સીરિઝ શરૂ થવા જઈ રહી છે.

તિરુવનંતપુરમ T20 મેચ પહેલા તેણે કહ્યું હતું કે "સંજુ સારું રમી રહ્યો છે. તે ભારત માટે માત્ર T20 વર્લ્ડ કપ જ ચૂક્યો છે. તે ભારતીય ટીમની યોજનામાં છે અને તે હવે દક્ષિણ આફ્રિકા સામેની ODI ટીમનો ભાગ પણ છે. તેણે IPLમાં પોતાની ફ્રેન્ચાઈઝી માટે શાનદાર કામ કર્યું છે અને કેપ્ટન્સી પણ બહુ શાનદાર રીતે કરી છે.

સંજુએ તેની કેપ્ટનશીપ હેઠળ કર્યું હતું ક્લીન સ્વીપ  સંજુએ તાજેતરમાં જ તેની કેપ્ટનશીપ હેઠળ ન્યુઝીલેન્ડ A ટીમ સામે 3 મેચની શ્રેણી 3-0થી જીતી હતી. તેણે આ શ્રેણીમાં પણ શાનદાર બેટિંગ કરી હતી અને તે ભારત A માટે સૌથી વધુ રન બનાવનાર ખેલાડી પણ બન્યો હતો. તેણે 3 મેચમાં 60ની એવરેજ અને 88.89ની સ્ટ્રાઈક રેટથી 120 રન બનાવ્યા હતા. આ પહેલા પીટીઆઈ સાથે વાત કરતા સંજુએ કહ્યું હતું કે અત્યારે ટીમમાં જગ્યા બનાવવી એક સૌથી મોટો પડકાર છે કારણ કે સ્પર્ધા ઘણી વધી ગઈ છે.

તમને જણાવી દઈએ કે ભારત અને દક્ષિણ આફ્રિકા વચ્ચે 3 મેચની ODI સીરિઝ 6 ઓક્ટોબરથી શરૂ થવાની છે, જેની પ્રથમ મેચ લખનૌના એકાના સ્ટેડિયમમાં રમાશે. આ શ્રેણી દરમિયાન સંજુ સેમસન સારું પ્રદર્શન કરીને ભારતની ODI ટીમમાં પોતાનું સ્થાન નિશ્ચિત કરવાનો પ્રયાસ કરશે, જેથી તે આવતા વર્ષે ભારતમાં રમાનારી ODI વર્લ્ડ કપની ટીમમાં જગ્યા બનાવી શકે.

કન્યાકુમારીથી શરૂ થઈને કાશ્મીરમાં સમાપ્ત થઈ રહેલી કોંગ્રેસની 'ભારત જોડી યાત્રા' હાલમાં કેરળમાં ચાલી રહી છે. રાહુલ ગાંધીએ બુધવારે પદયાત્રા દરમિયાન એક નાનકડી છોકરીને મળેલી પોતાની એક ખૂબ જ સુંદર તસવીર ટ્વીટ કરી હતી, જેમાં તેઓ બાળકીને પોતાના ખોળામાં પકડે છે અને તેની પ્રતિક્રિયા પર હસી રહ્યા છે. તેણે આ તસવીર સાથેના કેપ્શનમાં લખ્યું, 'હું આવી ક્ષણો માટે 1000 માઈલ પણ ચાલી શકું છું.'  રાહુલ ગાંધીને લોકોના નેતા તરીકે રજૂ કરવાનો આ એક ઉત્તમ પ્રયાસ કરી રહ્યા છે. 

રાહુલ ગાંધીએ 8 સપ્ટેમ્બરે તમિલનાડુથી ભારત જોડો યાત્રા શરૂ કરી હતી. ત્યારથી, 52 વર્ષીય નેતાની વિવિધ શહેરોમાં પદયાત્રા દરમ્યાન બાળકો સાથે વાતચીત કરતી વખતે ઘણી તસવીરો સોશ્યલ મીડિયા પર ઝડપથી વાયરલ થઈ રહી છે. ગઈકાલે કોંગ્રેસના નેતાને મળવા માટે ઉત્સાહિત એક યુવતીનો વીડિયો વાયરલ થયો હતો. માર્ચ દરમ્યાન રાહુલ ગાંધી સાથે જોડાવાની મંજૂરી મળ્યા બાદ તેણી ખુશીના આંસુ વહાવતી જોવા મળી હતી. કોંગ્રેસના ભારત જોડો ટ્વિટર હેન્ડલ પર આ વીડિયો શેર કરવામાં આવ્યો છે, જેની સાથે લખ્યું છે કે, 'કોઈ કેપ્શનની જરૂર નથી. માત્ર પ્રેમ.'

થોડા દિવસો પહેલા રાહુલ ગાંધીની મુલાકાત દરમ્યાન બીજી પણ વાયરલ ક્ષણ આવી, જ્યારે કેરળની શાળાની છોકરીઓના જૂથ દ્વારા તેમને કોરિયન પોપ, અને કે-પૉપ, અને વૈશ્વિક સનસનાટી ભર્યા BTS સાથે પરિચય કરાવવામાં આવ્યો હતો. આ મીટિંગનો વીડિયો શેર કરતા રાહુલ ગાંધીએ લખ્યું, 'આ યુવતીઓ સાથે સુખદ વાતચીત કરી, કેરળની BTS આર્મી કોણ છે!' કોંગ્રેસની ભારત જોડી યાત્રા 150 દિવસની છે. આ દરમ્યાન રાહુલ ગાંધીના નેતૃત્વમાં કોંગ્રેસના નેતાઓ અને કાર્યકરો કન્યાકુમારીથી કાશ્મીર સુધીનું 3,570 કિલોમીટરનું અંતર કાપશે. રાહુલ ગાંધી રાજ્યોના વિવિધ શહેરો અને નગરોમાં અમુક કિલોમીટરની પદયાત્રાઓ પણ કરશે જેમાંથી યાત્રા પસાર થશે, જેમ કે તેઓ હવે તમિલનાડુ પછી કેરળમાં કરી રહ્યા છે.

નવા પ્રમુખની શોધ માટે કોંગ્રેસની અંદર ચાલી રહેલા સંઘર્ષની પૃષ્ઠભૂમિમાં આ મુલાકાત થઈ રહી છે. રાજસ્થાનના મુખ્યપ્રધાન અશોક ગેહલોતને વફાદાર ધારાસભ્યોએ બળવો કર્યા પછી છેલ્લા અઠવાડિયે પાર્ટીમાં નાટકીય વિકાસ જોવા મળ્યો હતો. ધારાસભ્યોએ કહ્યું કે જો ગેહલોત કોંગ્રેસના અધ્યક્ષ તરીકે ચૂંટાય છે, તો તેઓ તેમના કટ્ટર હરીફ સચિન પાયલટને મુખ્યમંત્રી તરીકે સ્વીકારશે નહીં. ગાંધી પરિવાર આ ઘટનાક્રમથી ખૂબ નારાજ હોવાનું કહેવાય છે, જ્યારે ગેહલોતે તેમાં કોઈ ભૂમિકા ન હોવાનુ નકારી કાઢ્યુ છે. અશોક ગેહલોત પાર્ટી ચીફ સોનિયા ગાંધીને મળવા માટે દિલ્હી આવ્યા હતા.       

દિલ્હી હાઈકોર્ટે બુધવારે એક મહત્વપૂર્ણ ચુકાદામાં, રાષ્ટ્રીય રાજધાનીમાં ગુટકા, પાન મસાલા, તમાકુ અને સમાન ઉત્પાદનોના ઉત્પાદન, સંગ્રહ, વિતરણ અથવા વેચાણ પર પ્રતિબંધ મૂકતી વિવિધ સૂચનાઓને રદ કરી હતી. આ સંદર્ભે વર્ષ 2015થી અત્યાર સુધીમાં ફૂડ સેફ્ટી કમિશનર દ્વારા સાત નોટિફિકેશન બહાર પાડવામાં આવ્યા હતા. 

બેન્ચે કહ્યું કે આ બંધારણની કલમ 14નું ઉલ્લંઘન

જસ્ટિસ ગૌરાંગ કંઠની ખંડપીઠે અવલોકન કર્યું હતું કે ફૂડ સેફ્ટી એન્ડ સ્ટાન્ડર્ડ એક્ટ, 2006ની જોગવાઈઓ હેઠળ નિર્ધારિત સામાન્ય સિદ્ધાંતોને અનુસર્યા વિના વર્ષ દર-વર્ષે યાંત્રિક રીતે નોટિફિકેશન જારી કરવામાં આવે છે. ધૂમ્રપાન રહિત તમાકુ વચ્ચેનું વર્ગીકરણ સ્પષ્ટપણે બંધારણની કલમ 14નું ઉલ્લંઘન છે. ઉપર જણાવેલા અવલોકનો અને આદેશો ફ્લેવર અને સુગંધિત તમાકુ બંનેના ઉત્પાદન અને વેચાણના વ્યવસાય સાથે સંકળાયેલી વિવિધ સંસ્થાઓની અરજીઓ પર પસાર કરવામાં આવી હતી. સંસ્થાઓએ દાવો કર્યો હતો કે તેઓએ કાયદા હેઠળ તમામ જરૂરી લાઇસન્સ અને પરવાનગીઓ મેળવી લીધી છે. જે પરવાનગી મેળવી જોઈએ એ આ અરજદારોઓ મેળવી લીધી છે.

અરજદારોએ કરી હતી આ દલીલ

અરજદારોએ અયોગ્ય સૂચનાઓને એ આધાર પર પડકારી હતી કે ઉપરોક્ત સૂચનાઓ ફૂડ સેફ્ટી એન્ડ સ્ટાન્ડર્ડ એક્ટની વિરુદ્ધ છે કારણ કે ફૂડ સેફ્ટી કમિશનરે કહ્યુ હતુ કે દિલ્હી સરકારને આ હેઠળ ચાવવાની અને તમાકુના ઉત્પાદન અથવા વેચાણ પર આવા નિયંત્રણો લાદવાની સત્તા નથી. તેમણે એમ પણ કહ્યું હતું કે તમાકુ ઉત્પાદન સિગારેટ અને અન્ય તમાકુ ઉત્પાદનો અધિનિયમ (COTPA) હેઠળ સુનિશ્ચિત ઉત્પાદન છે અને FSSA ના કાર્યક્ષેત્ર હેઠળ તેને ખોરાક તરીકે ગણી શકાય નહીં. જેથી અરજદારોએ આવી દલીલ કરી હતી.

બીજી તરફ, ફૂડ સેફ્ટી કમિશનરે એવી દલીલ કરી હતી કે જાહેર આરોગ્ય અને કલ્યાણના હિતમાં FSSAની કલમ 30(2)(a) ને ધ્યાનમાં રાખીને અસ્પષ્ટ સૂચનાઓ જારી કરવાની તેમની સત્તામાં આવે છે. જો કે, ફૂડ સેફ્ટી અને ધોરણો (વેચાણ પર પ્રતિબંધ અને પ્રતિબંધો) નિયમો, 2011 ના રેગ્યુલેશન 2.3.4 નો અભ્યાસ કરીને, બેન્ચે અવલોકન કર્યું કે તેનો હેતુ કોઈપણ ખાદ્ય ઉત્પાદનોમાં તમાકુ અથવા નિકોટીનના ઘટકો તરીકે ઉપયોગને પ્રતિબંધિત કરવાનો ન હતો. અને વિતરણ પર નિયંત્રણો ક્યારેય લાદતો નથી.