મુંબઈના કિંગ્સ સર્કલ ખાતે સ્થિત GSB સેવા મંડળે તેના 72મા ગણેશોત્સવની ઉજવણી પૂર્વે ભગવાન મહાગણપતિની ભવ્ય મૂર્તિનું અનાવરણ કર્યું છે. GSB મહાગણપતિની આ મૂર્તિ 66 કિલોથી વધુ શુદ્ધ સોનું, 335 કિલો ચાંદી અને કિંમતી રત્નોથી સુશોભિત કરવામાં આવી છે. આ મૂર્તિને શ્રદ્ધા, ભક્તિ અને પરંપરાનું પ્રતિક માનવામાં આવે છે. GSB સેવા મંડળનો સમૃદ્ધ આધ્યાત્મિક વારસો રહ્યો છે.

અત્યાર સુધીમાં અહીં 1 લાખથી વધુ ધાર્મિક વિધિઓ અને સેવાકાર્યો સંપન્ન થયા છે. ગણેશોત્સવ દરમિયાન 'સેવા' અને 'અન્નદાન' પર વિશેષ ભાર મૂકવામાં આવે છે. અન્નદાન માટેનું રસોડું દરરોજ લગભગ 40 હજાર ભક્તોને ભોજન પીરસે છે, જ્યારે સમગ્ર ઉત્સવ દરમિયાન અન્નદાનની આ પહેલ 2 લાખથી વધુ લોકો સુધી પહોંચે છે.

https://twitter.com/PTI_News/status/2098804026871521689?s=20

તો, આ વર્ષે સમગ્ર ઉત્સવ માટે ₹703.27 કરોડનું વિક્રમી વીમા કવચ મેળવવામાં આવ્યું છે, જેમાં મહાગણપતિની મૂર્તિ અને સંબંધિત સંપત્તિઓનો સમાવેશ થાય છે. આ અગાઉ, મંડળે વર્ષ 2025માં ₹474 કરોડ અને વર્ષ 2024માં ₹400 કરોડનું વીમા કવચ મેળવ્યું હતું. GSB સેવા મંડળને આ વર્ષના ગણેશોત્સવ દરમિયાન મોટી સંખ્યામાં ભક્તોના આગમનની અપેક્ષા છે.

https://twitter.com/ANI/status/2098821251477455040?s=20

મંડળના જણાવ્યા અનુસાર, ભક્તોની સુરક્ષા અને સુવિધા સુનિશ્ચિત કરવી એ તેમની પ્રાથમિક જવાબદારી છે. આ વર્ષે મંડળે પર્યાવરણ સંરક્ષણની દિશામાં પણ પગલાં લીધાં છે. પરંપરાગત અને છાપેલી રસીદો બંધ કરી દેવામાં આવી છે અને સમગ્ર પ્રક્રિયાને ડિજિટલ બનાવવામાં આવી છે. કાગળનો બગાડ ઘટાડીને પર્યાવરણને અનુકૂળ રીતે ગણેશોત્સવની ઉજવણી કરવાના પ્રયાસો કરવામાં આવ્યા છે.

મંડળના મહાગણપતિની ભવ્ય સજાવટ હંમેશાં ખૂબ જ પ્રશંસાનો વિષય રહી છે. આ વર્ષે પણ મહાગણપતિની મૂર્તિ અને તેની ભવ્ય સજાવટ જોવાલાયક છે. પાંચ દિવસીય મુખ્ય ગણેશોત્સવની ઉજવણી 14 સપ્ટેમ્બરથી 18 સપ્ટેમ્બર દરમિયાન યોજાનાર છે.

કેનેડાના સરે શહેરમાં ભારતીય મૂળની મહિલા અને તેના ભાડૂઆત વચ્ચેનો વિવાદ સોશિયલ મીડિયા પર વાયરલ થયો છે. આ ઘટનાની શરૂઆત ઘરની બહાર બાર્બેક્યૂ કરવાથી થઈ હતી, પરંતુ મામલો એટલો વણસી ગયો કે ભાડૂઆતે મહિલા પર હેરાનગતિ કરવાનો, પરવાનગી વિના ઘરમાં પ્રવેશવાનો અને તેની વસ્તુઓમાં દખલગીરી કરવાનો આરોપ લગાવ્યો. ત્યારબાદ પોલીસે મહિલાને કસ્ટડીમાં લઇ લીધી. હવે, મહિલાએ પણ સામે આવીને કહ્યું છે કે આ સમગ્ર મામલામાં તે પોતે જ પીડિત છે.

આખરે ઝઘડો કેવી રીતે શરૂ થયો?

અહેવાલો અનુસાર, ભાડૂઆત તેના મિત્ર સાથે ઘરની બહાર બાર્બેક્યૂ કરી રહ્યો હતો. આ દરમિયાન મકાન માલકિન રાજ તિવાના ત્યાં પહોંચ્યા અને બાર્બેક્યૂ અંગે વાંધો ઉઠાવ્યો. મહિલાનું કહેવું કે બાર્બેક્યુથી તેમની મિલકતને નુકસાન થઈ શકે છે; વીડિયોમાં તેઓ દીવાલ પરના ડાઘ કે નિશાન તરફ ઈશારો કરતા જોવા મળે છે. ભાડૂઆતે આનો વિરોધ કર્યો. તેનું કહેવું છે કે તે ભાડાથી રહે છે અને પોતાના મિત્રો સાથે રસોઈ બનાવી શકે છે. બંને વચ્ચે આ વાતચીતને લઇને બોલાચાલી થવા લાગી.

 

 

 

 

 

View this post on Instagram

 

 

 

 

 

 

 

 

 

 

 

A post shared by Gully Gupshup (@gully.gupshup)

વિવાદ દરમિયાન, રાજ તિવાનાએ બાર્બેક્યૂ ગ્રીલ પરથી ખોરાક હટાવવાનું શરૂ કર્યું. વાયરલ વીડિયોમાં તે લાકડાના ટુકડાનો ઉપયોગ કરીને ગ્રીલ પરથી ખોરાક હટાવતી જોવા મળે છે. ભાડૂઆતે વિરોધ કરતા કહ્યું કે તેઓ માત્ર રસોઈ બનાવી રહ્યા હતા. ત્યારબાદ બહેસ વધુ ઉગ્ર બની જાય છે. અહીંથી મામલો સોશિયલ મીડિયા પર ઝડપથી ફેલાવા લાગ્યો. ઘટના બાદ, ભાડૂઆતે ઓનલાઈન અનેક વીડિયો પોસ્ટ કર્યા અને દાવો કર્યો કે આ તેમની સાથે થયેલા વિવાદોમાંથી માત્ર એક હતો.

ભાડૂઆતે આરોપ લગાવ્યો કે મકાન માલિકિન વારંવાર તેની ભાડાની જગ્યામાં દખલગીરી કરતા હતા. તેણે પોસ્ટ કરેલા અન્ય એક વીડિયોમાં મહિલાને ઘરમાં પ્રવેશતી જોઈ શકાય છે. ભાડૂઆતે તેમને બહાર જવા કહ્યું અને ભારપૂર્વક કહ્યું કે પરવાનગી વિના તેના ઘરમાં પ્રવેશવાનો કોઈ અધિકાર નથી.

વધુ એક વીડિયોમાં ભાડૂઆતે દાવો કર્યો કે તેના ઘરનો દરવાજો કાઢી નાખવામાં આવ્યો હતો. તેનું કહેવું હતું કે,આનાથી તે પોતાની જગ્યા અને સામાનને યોગ્ય રીતે સુરક્ષિત પણ કરી શકતો નહોતો. ભાડૂઆતે એવો પણ આરોપ લગાવ્યો કે અન્ય લોકો તેની ભાડાની જગ્યામાં ઘૂસી આવ્યા હતા અને તાળા બદલવા જેવી ઘટનાઓ થઇ. જોકે, આ વીડિયો અને આરોપો સમગ્ર મામલાની સ્વતંત્ર રીતે પુષ્ટિ થતી નથી; વીડિયો મુખ્યત્વે ભાડૂઆતનો દૃષ્ટિકોણ રજૂ કરે છે.

વિવાદ ઉગ્ર બન્યા બાદ પોલીસ ઘટનાસ્થળે પહોંચી હતી. બાદમાં સોશિયલ મીડિયા પર એક વીડિયો સામે આવ્યો જેમાં પોલીસ અધિકારીઓ રાજ તિવાનાને કસ્ટડીમાં લેતા જોવા મળે છે. ફુટેજમાં અધિકારીઓ તેની ધરપકડ કરવાની વાત કહે છે અને તેના હાથોમાં હાથકડી પહેરાવવામાં આવતી પણ જોઈ શકાય છે. શરૂઆતના અહેવાલોમાં ધરપકડ અંગેની સંપૂર્ણ કાનૂની વિગતોનો અભાવ હતો, પરંતુ બાદમાં પોલીસ સાથેના તથ્યો પણ સામે આવ્યા હતા.

આ ઘટનાને સોશિયલ મીડિયા પર કેટલાક લોકોએ આ ઘટનાને બીફ અને ધાર્મિક વિવાદો સાથે જોડીને શેર કરી હતી; પરંતુ, સરે પોલીસ સર્વિસે ફેક્ટ-ચેકિંગ વેબસાઇટ 'બૂમ'ને જણાવ્યું હતું કે આ કેસનો બીફ, માંસ, ધર્મ કે વિચારધારા સાથે કોઈ સંબંધ નથી. પોલીસના જણાવ્યા અનુસાર, આ મકાનમાલિક અને ભાડૂઆત વચ્ચેનો ચાલતો આવતો વિવાદ હતો. પોલીસ આ સંપત્તિ પર અનેકવાર પહોંચી હતી અને બંને પક્ષોએ અલગ-અલગ સમયે પોલીસની મદદ માંગી હતી.

 

 

 

 

 

View this post on Instagram

 

 

 

 

 

 

 

 

 

 

 

A post shared by Tiwanafarmservivor (@tiwanafarmservivor)

આ કેસમાં નવો વળાંક ત્યારે આવ્યો જ્યારે રાજ તિવાનાએ પોતાનો પક્ષ રજૂ કરતો એક વીડિયો જાહેર કર્યો. તેણે ભાડૂઆતના આરોપોને નકારી કાઢ્યા અને દાવો કર્યો કે સોશિયલ મીડિયા પર ઘટનાની માત્ર એક જ બાજુ રજૂ કરવામાં આવી રહી છે. મહિલાનું કહેવું છે કે ભાડૂઆતે ઘણા મહિનાઓથી ભાડું ચૂકવ્યું નહોતું અને મિલકતને પણ નુકસાન પહોંચાડ્યું હતું. તેનો દાવો છે કે વાયરલ થયેલા વીડિયોમાં એડિટિંગ કરીને તેમને ખોટી રીતે રજૂ કરવામાં આવ્યા હતા અને તે આ પરિસ્થિતિમાં પીડિત છે.

તો, સત્ય શું છે?

હાલમાં, આ સમગ્ર મામવે બંને પક્ષોની કહાની અલગ-અલગ છે. ભાડૂઆતનો દાવો છે કે મકાન માલિકિને તેને હેરાન કર્યા, તેની ભાડાની જગ્યામાં પરવાનગી વિના પ્રવેશ કર્યો અને તેમના રહેવાના અધિકારમાં દખલગીરી કરી. બીજી તરફ, મકાનમાલિકનો દાવો છે કે ભાડૂઆતે ભાડું ચૂકવ્યું નથી અને મિલકતને નુકસાન પહોંચાડ્યું છે. તેનો દાવો છે કે સોશિયલ મીડિયા પર તેની વિરુદ્ધ એકતરફી વાત ફેલાવવામાં આવી રહી છે.

ભારતીય ક્રિકેટ કંટ્રોલ બોર્ડ (BCCI) ખેલાડીઓને અપાતા વાર્ષિક સેન્ટ્રલ કોન્ટ્રાક્ટના નિયમોમાં મોટો ફેરફાર કરવાની તૈયારી કરી રહ્યું છે. જેની સીધી અસર ખેલાડીઓ પર પડશે. અત્યાર સુધી, ખેલાડીઓને તેમના શાનદાર પ્રદર્શન અને વરિષ્ઠતાના આધારે કરાર મળતા હતા. જોકે, હવે BCCI 'મેચ માટે ઉપલબ્ધતા'ને પણ એક મહત્ત્વપૂર્ણ માપદંડ બનાવવાનું વિચારી રહ્યું છે. સરળ શબ્દોમાં કહીએ તો, બોર્ડ એ જોશે કે કોઈ ખેલાડી કેટલી મેચો રમવા માટે ફિટ અને ઉપલબ્ધ હતો.

તાજેતરના મહિનાઓમાં, ટીમ ઈન્ડિયાના ઘણા મુખ્ય ખેલાડીઓ વારંવાર ઈજાઓનો શિકાર બન્યા છે, જેના કારણે તેઓ મહત્ત્વપૂર્ણ મેચો રમી શક્યા નથી. આ બાબતને ધ્યાનમાં રાખીને બોર્ડ ઈચ્છે છે કે ખેલાડીઓ શક્ય તેટલી વધુ મેચો માટે ફિટ રહે. BCCI હાલમાં આખી સીઝન દરમિયાન ખેલાડીની ફિટનેસ અને ઉપલબ્ધતા પર નજર રાખવા માટે એક ફોર્મ્યૂલા પર ચર્ચા કરી રહ્યું છે. બોર્ડ મર્યાદા નક્કી કર શકે છે કે, સેન્ટ્રલ કોન્ટ્રાક્ટ મેળવવા માટે ખેલાડીએ ઓછામાં ઓછી કેટલી મેચ રમવા માટે ઉપલબ્ધ રહેવું જોઇએ.

શું આ નિયમ અત્યારે લાગુ કરવામાં આવ્યો છે?

'સ્પોર્ટ્સ તક' સાથે વાત કરતા, BCCIના એક સૂત્રએ જણાવ્યું હતું કે આ વિચાર હજુ પ્રારંભિક તબક્કામાં છે. હાલમાં ચર્ચાઓ માત્ર બોર્ડની આંતરિક વાતચીત ચાલી રહી છે, એ ચેક કરવામાં આવી રહ્યું છે કે એવા નિયમને લાગૂ કરવા યોગ્ય અને શક્ય હશે કે નહીં. હજુ સુધી કોઈ અંતિમ નિર્ણય લેવામાં આવ્યો નથી. જોકે, જો આ નિયમને મંજૂરી આપવામાં આવે છે, તો ભવિષ્યમાં ટીમ ઈન્ડિયાના ખેલાડીઓ માટે માત્ર સારું પ્રદર્શન કરવું પૂરતું નહીં હોય; આકર્ષક અને કરોડો રૂપિયાના કરાર મેળવવા માટે ટીમ માટે ફિટ રહેવું એ પૂર્વશરત બની જશે.

ભાવનગરમાં લઠ્ઠાકાંડને હજુ મહિનો પણ થયો નથી ત્યાં હાદાનગર વિસ્તારમાં રેલવે કોલોનીના એક સરકારી ક્વાર્ટરમાંથી નકલી રોયલ સ્ટેગ દારૂ બનાવતી ફેક્ટરી ઝડપાઈ છે. લોકલ ક્રાઇમ બ્રાન્ચ અને બોરતળાવ પોલીસે સંયુક્ત દરોડો પાડીને ઘટનાસ્થળેથી રેલવે કર્મચારી અક્ષયરાજસિંહ ગોહિલ, તેના ભાગીદાર વિજય ઉર્ફે મયંક મકવાણા અને તેમના પગારદાર કર્મચારી જીતેન્દ્ર ખાવડીયાને ઝડપી લીધા હતા. સાથે જ ફેક્ટરીમાંથી નકલી દારૂ ભરેલી રોયલ સ્ટેગની 17 બોટલ, સ્ટીકરો, કેમિકલના કેરબા સહિતનો મુદ્દામાલ જપ્ત કર્યો હતો.

ન્યૂઝ18 ગુજરાતીના અહેવાલ મુજબ, LCB પોલીસે રેલવે કર્મચારી અક્ષયરાજસિંહના સરકારી ક્વાર્ટર પર રેડ કરી હતી. તપાસ દરમિયાન સ્થળ પરથી વિદેશી દારૂના ચપટા, Imperial Blueની બોટલના સ્ટીકરો તેમજ બોટલોને સીલ-પેક કરવા માટેના મશીનો મળી આવ્યા હતા. આ ઉપરાંત દારૂ બનાવવાની પ્રક્રિયામાં ઉપયોગમાં લેવાતું હોવાનું જણાવાયેલું કેમિકલ પણ સ્થળ પરથી મળ્યું હતું. પોલીસની પ્રાથમિક તપાસમાં આ સરકારી ક્વાર્ટરમાંથી જ ડુપ્લિકેટ વિદેશી દારૂ તૈયાર કરી તેને બોટલમાં ભરીને પેક કરવાની કામગીરી થતી હોવાની વિગતો સામે આવી છે. દરોડા દરમિયાન પોલીસે સ્થળ પરથી મુદ્દામાલ કબજે કરી આગળની કાર્યવાહી હાથ ધરી છે. 

પોલીસ તપાસમાં સામે આવ્યું કે, LCBની તપાસમાં અક્ષયરાજસિંહ અને વિજય ઉર્ફે મયંક ભાગીદારીમાં દારૂ બનાવવાની ફેક્ટરી ચલાવતા હોવાનો ખુલાસો થયો છે. જ્યારે જીતેન્દ્ર ખાવડીયાને પગારદાર કર્મચારી તરીકે રાખવામાં આવ્યો હતો.

દિવ્યભાસ્કરના અહેવાલ મુજબ, પોલીસ પૂછપરછમાં ઝડપાયેલા આરોપી અક્ષયરાજસિંહે ખુલાસો કર્યો હતો કે, તેના બનેવી રામદેવસિંહ ઝાલા (રહે. મોરબી) માર્ફતે રાજસ્થાનના અર્જૂનસિંહ સોઢા અને સૂર્યપ્રતાપસિંગ રાઠોડ (રહે. બ્યાવર, રાજસ્થાન) સાથે સંપર્ક થયો હતો. રાજસ્થાનના અજીતસિંગ ઉર્ફે બન્ના રાઠોડે પાર્સલ માર્ફતે દારૂ બનાવવાની સામગ્રી મોકલી આપી હતી અને સૂર્યપ્રતાપસિંગે ભાવનગર આવીને બનાવટી દારૂ બનાવી બોટલિંગ કરી આપ્યું હતું. તૈયાર થયેલ દારૂનું વેચાણ વિજય ઉર્ફે મયંક મારફતે સ્થાનિક બુટલેગરોને કરવામાં આવતું હતું. 

માહિતી પણ સામે આવી છે કે, પૂછપરછ દરમિયાન આરોપીઓએ કેરબામાં રહેલું કેમિકલ ઢોળી નાખ્યું હોવાનું સ્વીકાર્યું હતું. જોકે, કેમિકલ સહિત કબજે કરાયેલા તમામ મુદ્દામાલની તપાસ બાદ ડુપ્લિકેટ દારૂ બનાવવાની સમગ્ર પ્રક્રિયા અને તેમાં સંડોવાયેલા અન્ય લોકો અંગે વધુ વિગતો બહાર આવી શકે છે. LCB પોલીસે રેલવે કર્મચારી સહિત ત્રણ શખ્સોની ધરપકડ કરી છે અને તેમની પાસેથી મળેલા મુદ્દામાલના આધારે વધુ તપાસ શરૂ કરી છે. પોલીસ દ્વારા આરોપીઓ સામે ફરિયાદ નોંધવાની કાર્યવાહી હાથ ધરવામાં આવી રહી છે.

હાલ બોરતળાવ પોલીસ મથકમાં આ ત્રણેય શખ્સો સામે પ્રોહિબિશન સહિતની કલમો હેઠળ ગુનો નોંધવાની કાર્યવાહી હાથ ધરાઈ છે. આ દારૂ કેટલા સમયથી બનાવવામાં આવતો હતો અને બજારમાં કેટલો માલ વેચાયો છે તે અંગે ક્રાઇમ બ્રાન્ચે સઘન તપાસ શરૂ કરી છે.

આ કેસમાં 7 શખ્સો હજુ પણ ફરાર છે. પકડાયેલા વિજય ઉર્ફે મયંક નામના શખસે ખાટડીના બુટલેગર શક્તિસિંહ અને મંત્રેશ કોમ્પલેક્સ પાસે રહેતા ભાવેશ સોલંકી અને ચિત્રાના શરદ લીંબા ચાવડાને દારૂની બોટલો વેચાણ માટે આપી હતી. પકડાયેલો જીતેન્દ્ર ખાવડીયા ઈંગ્લિશ દારૂ બનાવવા અને તેના સાધનો અને સામગ્રી માટે દેખરેખ કરતો હતો. આ મામલે રાજસ્થાન, મોરબી, ભાવનગર શહેર અને જિલ્લાના મળી કુલ 10 વ્યક્તિઓના નામ સામે આવ્યા છે.

ઉલ્લેખનીય છે કે ભાવનગર લઠ્ઠાકાંડમાં 14 લોકોના મોત બાદ પણ બુટલેગરો સુધરવાનું નામ નથી લેતા. ભાવનગરમાં અગાઉ લઠ્ઠાકાંડ બાદ દારૂના ગેરકાયદે નેટવર્ક સામે પોલીસની કામગીરી ચર્ચામાં રહી હતી. ત્યારે ફરી એક વખત સરકારી ક્વાર્ટરમાંથી જ ડુપ્લિકેટ વિદેશી દારૂ બનાવવાનું યુનિટ ઝડપાતા પોલીસ અને વહીવટી તંત્રની કામગીરી સામે પણ સવાલો ઊભા થયા છે. હવે તપાસમાં આ દારૂ ક્યાં સપ્લાય થતો હતો અને આ નેટવર્કમાં અન્ય કોણ સંડોવાયેલું છે તે જોવું મહત્ત્વનું રહેશે.

બિહારના કટિહારમાં શિક્ષણ વિભાગને લગતી એક અજીબોગરીબ ઘટના સામે આવી છે. પ્રાણપુર બ્લોકની 'નયા પ્રાથમિક શાળા દીઘાપાર'ના ગ્રામજનોએ દાવો કર્યો છે કે તેમની આખી શાળા ચોરાઈ ગઈ છે. ગ્રામજનોએ એક બેઠક યોજી અને પછી ઢોલ-નગારા સાથે કટિહાર જિલ્લા મુખ્યાલયે પહોંચીને અધિકારીઓ સમક્ષ ફરિયાદ રજૂ કરી હતી.

આદિવાસી બહુલ ગામના રહેવાસીઓએ સબ-ડિવિઝનલ ઓફિસર (SDO), સબ-ડિવિઝનલ પોલીસ ઓફિસર (SDPO) અને જિલ્લાના અન્ય વરિષ્ઠ અધિકારીઓને મળીને આ મામલાના ઝડપી ઉકેલની માંગ કરી હતી. ગ્રામજનો દ્વારા એક ઔપચારિક લેખિત ફરિયાદ પણ રજૂ કરવામાં આવી હતી. ફરિયાદમાં જણાવવામાં આવ્યું હતું કે ગ્રામજનોના સહયોગથી 'નયા પ્રાથમિક શાળા દીઘાપાર'ના મકાનના નિર્માણ માટે જમીન ઉપલબ્ધ કરાવવામાં આવી હતી.

સરકારી દસ્તાવેજોનો ઉલ્લેખ કરતા ફરિયાદીઓએ જણાવ્યું હતું કે શાળાના નિર્માણ માટે 2024માં ટેન્ડર પ્રક્રિયા હાથ ધરવામાં આવી હતી. તેમણે દાવો કર્યો હતો કે ત્યારબાદ મકાનના નિર્માણ માટે ₹44.85 લાખની રકમ ફાળવવામાં આવી હતી. બિહાર ઈ-પ્રોક્યોરમેન્ટના રેકોર્ડ્સમાં ટેન્ડર નંબર 2024_BSEB_314680-1 હેઠળ, 25 માર્ચ, 2025ના રોજ મકાન નિર્માણ પૂર્ણ થયાનું પ્રમાણપત્ર જાહેર કરવાની વાત કહેવામાં આવી હતી.

ગ્રામજનોની ફરિયાદ મુજબ, બાંધકામ એજન્સીને ત્રણ હપ્તામાં ચૂકવણી કરવામાં આવી હતી. પ્રથમ હપ્તો 18 એપ્રિલ, 2024ના રોજ ₹15 લાખ, બીજો હપ્તો 28 સપ્ટેમ્બર 2024ના રોજ ₹15 લાખ (બીજો હપ્તો) અને ત્રીજો હપ્તો 12 માર્ચ, 2025ના રોજ ₹14.85 લાખની અંતિમ ચૂકવણી કરવામાં આવી. આમ, કુલ ₹44.85 લાખની ચૂકવણી કરવામાં આવી હોવાનો દાવો કરવામાં આવ્યો હતો.

પરંતુ, શાળાના મકાન માટે નિર્ધારિત સ્થળ પરની સ્થિતિ તદ્દન અલગ હતી. ગ્રામજનોના જણાવ્યા અનુસાર, તે સ્થળ નદીના ટાપુ જેવી પરિસ્થિતિ છે અને ત્યાં બાંધકામના નામે એક પણ ઈંટ મૂકવામાં આવી નથી. આના આધારે, જનપ્રતિનિધિઓ અને સ્થાનિક લોકોએ ફરિયાદ નોંધાવી હતી કે વાસ્તવિક બાંધકામ થયા વિના જ દસ્તાવેજોના આધારે મોટી રકમ ફાળવી દેવામાં આવી હતી. આ બાબતને ગંભીરતાથી લઈને, સદર SDM સૂરજ કુમારે ગ્રામજનો સાથે મુલાકાત કરી અને ખાતરી આપી કે તેઓ પોતે સ્થળની મુલાકાત લઈને તપાસ કરશે. ભ્રષ્ટાચાર સામે 'ઝીરો-ટોલરન્સ' નીતિના સરકારી દાવાઓ વચ્ચે, આટલી મોટી રકમના ગેરવહીવટના આરોપે વહીવટી અધિકારીઓનું ધ્યાન ખેંચ્યું છે.

ત્યારબાદ, SDM સૂરજ કુમાર અને જિલ્લા શિક્ષણ અધિકારી રાહુલ ચંદ્ર ચૌધરીએ તપાસ કરવા માટે સ્થળની મુલાકાત લીધી. ગ્રામજનોની હાજરીમાં દસ્તાવેજોની ઝીણવટભરી તપાસ કરવામાં આવી હતી. તપાસમાં જાણવા મળ્યું કે શાળાના નિર્માણ માટે કોઈ ટેન્ડર બહાર પાડવામાં આવ્યું નહોતું, પ્રોજેક્ટ માટે કોઈ ભંડોળ ફાળવવામાં આવ્યું નહોતું અને જે રકમનો ઉલ્લેખ કરવામાં આવ્યો હતો તે ક્યારેય ઉપાડવામાં આવી ન હતી.

જાહેરાત ટૂંકમાં, શાળાના નિર્માણ અને ₹44.85 લાખની ચૂકવણી અંગેનો સમગ્ર દાવો ભ્રામક સાબિત થયો. તપાસ દરમિયાન કોઈ નાણાકીય અનિયમિતતા જોવા મળી નહોતી. દસ્તાવેજો અને રેકોર્ડ્સની ચકાસણી કર્યા પછી અધિકારીઓએ ગ્રામજનોને વાસ્તવિક પરિસ્થિતિથી વાકેફ કર્યા.

તપાસમાં એ પણ બહાર આવ્યું કે જે ટેન્ડરનો ઉલ્લેખ કરવામાં આવી રહ્યો હતો તે અગાઉ જ રદ કરવામાં આવ્યું હતું. ત્યારબાદ, વધુ એક આશ્ચર્યજનક વિગત સામે આવી. શાળાના મુખ્ય શિક્ષક ભાનુપ્રતાપ સિંહના જણાવ્યા અનુસાર, કેટલાક સ્થાનિક યુવાનોએ ChatGPTનો ઉપયોગ કરીને આ દસ્તાવેજો બનાવ્યા હતા અને તેને લોકો વચ્ચે ફેલાવીને મૂંઝવણની પરિસ્થિતિ ઊભી કરી હતી.

કટિહારના જિલ્લા મેજિસ્ટ્રેટ (DM) આશુતોષ દ્વિવેદીએ પણ સમગ્ર બાબત અંગે સ્થિતિ સ્પષ્ટ કરી હતી. તેમણે જણાવ્યું હતું કે SDO અને DEOએ વ્યક્તિગત રીતે આ કેસની તપાસ કરી હતી. તેમના મતે સંબંધિત ટેન્ડર અગાઉ જ રદ કરવામાં આવ્યું હતું અને તપાસમાં કોઈ પણ પ્રકારની અનિયમિતતા જોવા મળી નહોતી.

DMએ કહ્યું હતું કે અમુક વ્યક્તિઓ દ્વારા ભ્રામક માહિતી ફેલાવવામાં આવી હતી. તપાસ બાદ પરિસ્થિતિ સંપૂર્ણપણે સ્પષ્ટ થઇ ગઇ છે અને પુષ્ટિ કરી છે કે શાળાના નિર્માણના નામે કોઈ ગેરરીતિ થઈ નથી. વહીવટી તપાસમાં ₹44.85 લાખના ગેરવહીવટનો આરોપ પણ પાયાવિહોણો સાબિત થયો છે.

આમ, જે ફરિયાદને લઈને ગ્રામજનો ઢોલ-નગારા સાથે વહીવટીતંત્રના દરવાજા સુધી પહોંચ્યા હતા, તે બનાવટી દસ્તાવેજોને કારણે ઊભી થયેલી ગેરસમજ સાબિત થઈ. વહીવટીતંત્ર હવે તપાસ કરી શકે છે કે આ બનાવટી કાગળો તૈયાર કરવા અને ફેલાવવા પાછળ કોનો હાથ હતો.

ભારે ગરમી અને બફારા બાદ ફરી એક વખત મેઘરાજાની પધરામણી થઈ છે, જેને કારણે ધરતીપુત્રોને રાહત મળી છે. ગુજરાતમાં શનિવારથી મેઘરાજાએ ફરી રંગ જમાવ્યો છે. ગત 24 કલાકમાં 13 સપ્ટેમ્બરના સવારે 6.30 કલાક સુધી 193 તાલુકામાં મેઘમહેર થઈ છે. જેમાં સૌથી વધુ તાપીના ઉકાઈમાં 11 ઇંચથી વધારે વરસાદ ખાબક્યો છે. આ સાથે આજે સવારે બે કલાકમાં (સવારે 4:00 થી 6:00 વાગ્યા સુધીમાં) 93 તાલુકામાં વરસાદ નોંધાયો છે. જેમાં સૌથી વધુ નર્મદાના દેડિયાપાડામાં 3.15 ઇંચ વરસાદ નોંધાયો છે. ત્યારે

12 સપ્ટેમ્બરે સવારે 6થી આજે 13 સપ્ટેમ્બર સવારે 6 વાગ્યા સુધીમાં રાજ્યના 193 તાલુકામાં વરસાદ નોંધાયો છે. જેમાં સૌથી વધુ તાપીના ઉકાઈમાં 12 ઈંચ, સુરતના ઉંમરપાડામાં 8.5 ઈંચ વરસાદ વરસ્યો છે. જ્યારે આજે 13 સપ્ટેમ્બરે સવારે 6થી 8 વાગ્યા સુધીમાં રાજ્યના 84 તાલુકામાં વરસાદ નોંધાયો છે. જેમાં સૌથી વધુ ડેડીયાપાડા અને વાગરા તાલુકામાં દોઢ ઈંચથી વધુ વરસાદ વરસી ચૂક્યો છે. જ્યારે 18 તાલુકામાં અડધા ઈંચથી વધુ વરસાદ ખાબક્યો છે.

24 કલાકના વરસાદી આંકડા જોઈએ તો, સુરતના ચોર્યાસીમાં 4.41, ડાંગ આહવામાં 4.37 ઇંચ, દેડિયાપાડામાં 4.25 ઇંચ વરસાદ નોંધાયો છે. આ સાથે ત્રણ ઇંચથી વધારે વરસાદની વાત કરીએ તો, તિલકવાડા, ધોધા, અંકલેશ્વર, નર્મદાના ચીખલી અને ઉચ્છલમાં ત્રણ ઇંચથી વધારે વરસાદ પડ્યો છે.

શનિવારે લાંબા સમય બાદ મધ્ય અને દક્ષિણ ગુજરાતના 100થી વધુ તાલુકામાં વરસાદ વરસ્યો. જો કે, સૌરાષ્ટ્ર-કચ્છના જિલ્લાઓ હજી પણ કોરાધાકોડ હોય ખેડૂતો વરસાદની રાહ જોઈ રહ્યા છે. ત્યારે આજે હવામાન વિભાગે 2 જિલ્લામાં રેડ, 6 જિલ્લામાં ઓરેન્જ અને 12 જિલ્લામાં યલો એલર્ટ જાહેર કરી ભારેથી અતિભારે વરસાદની આગાહી કરી છે.

રાજ્યમાં સીઝનનો સરેરાશ 75 ટકા વરસાદ વરસી ચૂક્યો છે. જો કે, 25 જિલ્લામાં હજી પણ 1 ટકાથી લઈ 88 ટકા સુધી વરસાદની ઘટ વર્તાઈ રહી છે. આગામી બે દિવસ રાજ્યમાં ભારે વરસાદની આગાહી હોય આ ઘટ પૂરાવાની સૌ કોઈ આશા સેવી રહ્યા છે.

આજે અને આવતીકાલે હવામાન વિભાગે કયા કયા જિલ્લાઓ માટે ભારેથી અતિભારે વરસાદની ચેતવણી આપી છે તે અંગેની આગાહી જોઈએ.

હવામાન વિભાગની આગાહી મુજબ ભાદરવાના પ્રારંભે જ રાજ્યમાં ભારે વરસાદનો રાઉન્ડ શરૂ થઈ ચૂક્યો છે.  હવામાન વિભાગ દ્વારા ગુજરાત માટે આજે 13મી સપ્ટેમ્બર બપોરે 1:00 વાગ્યા સુધીનું નાઉકાસ્ટ જાહેર કરવામાં આવ્યું છે. રાજ્યના દક્ષિણ અને પૂર્વ-મધ્ય ભાગોમાં અત્યંત ભારે વરસાદનું રેડ અને ઓરેન્જ ઍલર્ટ જાહેર કરવામાં આવ્યું છે. બીજી તરફ છોટા ઉદેપુર અને અમરેલી જિલ્લામાં મેઘરાજાએ પુનઃ પધરામણી કરતા ખેડૂતો અને ગ્રામજનોમાં ખુશીની લહેર દોડી ગઈ છે.

હવામાન વિભાગે આપેલા વેધર મેપ પ્રમાણે, આજે 13 સપ્ટેમ્બરે દક્ષિણ ગુજરાતમાં વરસાદનું જોર વધુ વધવાની શક્યતા છે. નવસારી, વલસાડ, દમણ અને દાદરા-નગર હવેલીમાં ભારેથી અતિભારે વરસાદની સંભાવના સાથે રેડ એલર્ટ જાહેર કરવામાં આવ્યું છે. તો અમરેલી, ભાવનગર, ભરૂચ, સુરત, તાપી, ડાંગમાં ઓરેન્જ એલર્ટની સાથે અતિભારે વરસાદની આગાહી આપવામાં આવી છે.આજે સૌરાષ્ટ્રના પોરબંદર, જૂનાગઢ, ગીરસોમનાથ, રાજકોટ, બોટાદ, અમદાવાદ, આણંદ, વડોદરા, પંચમહાલ, દાહોદ, વડોદરા, છોટાઉદેપુર અને નર્મદામાં યલો એલર્ટની સાથે ભારે વરસાદની આગાહી આપવામાં આવી છે.

આવતીકાલે એટલે સપ્તાહની શરૂઆત અને સોમવારે 14 સપ્ટેમ્બરના રોજ દક્ષિણ ગુજરાત ઉપરાંત સૌરાષ્ટ્ર અને મધ્ય ગુજરાતમાં વરસાદી રાઉન્ડ સક્રિય રહેવાની આગાહી છે. કચ્છ, મોરબી, સુરેન્દ્રનગર, જામનગર, રાજકોટ, બોટાદ, અમરેલી, ભાવનગર, દ્વારકા, ભરૂચ, સુરત, તાપી અને ડાંગમાં યલો એલર્ટની સાથે ભારે વરસાદની આગાહી આપવામાં આવી છે. આ સાથે પોરબંદર, જૂનાગઢ, ગીરસોમનાથ, નવસારી અને વલસાડમાં ઓરેન્જ એલર્ટની સાથે અતિભારે વરસાદની આગાહી આપવામાં આવી છે.

'ટોક્સિક' હવે બોક્સ ઓફિસ સફરના અંતિમ તબક્કામાં પહોંચી ગઈ છે. ફિલ્મની કમાણી એટલી ધીમી પડી ગઈ છે કે તે એક ડેમાં ₹1 કરોડની કમાણી કરવા માટે પણ સંઘર્ષ કરી રહી છે. સ્વાભાવિક છે કે દરેકના મનમાં એ જ સવાલ છે કે, આખરે 'ટોક્સિક' હિટ થઇ કે ફ્લોપ? ચાલો, ફિલ્મની કમાણી અને બજેટના આંકડાઓ પર એક નજર કરીએ.

'ટોક્સિક'– 16 દિવસનું બોક્સ ઓફિસ કલેક્શન (ભારત)

ડે 1: ₹101.10 કરોડ

ડે 2: ₹37.65 કરોડ

ડે 3: ₹27.20 કરોડ

ડે 4: ₹25.15 કરોડ

ડે 5: ₹23.00 કરોડ

ડે 6: ₹7.65 કરોડ

ડે 7: ₹7.85 કરોડ

ડે 8: ₹5.45 કરોડ

ડે 9: ₹4.25 કરોડ

ડે 10: ₹1.75 કરોડ

ડે 11: ₹2.28 કરોડ

ડે 12: ₹2.42 કરોડ

ડે 13: ₹0.75 કરોડ

ડે 14: ₹0.75 કરોડ

ડે 15: ₹0.60 કરોડ

ડે 16: ₹0.39 કરોડ.

બજેટ, વર્લ્ડવાઇડ કમાણી અને બોક્સ ઓફિસનું ગણિત

આ લેખ લખાયો તે સમયના ઉપલબ્ધ ડેટા મુજબ, 'ટોક્સિક' ફિલ્મે ભારતમાં ₹248.37 કરોડનું નેટ કલેક્શન કર્યું છે. આ સાથે જ, ફિલ્મે વિદેશી બજારોમાંથી અંદાજે ₹43.50 કરોડની કમાણી કરી છે. તો ફિલ્મનું વર્લ્ડવાઇડ ગ્રોસ કલેક્શન ₹339.79 કરોડ જણાવવામાં આવી રહ્યું છે.

જ્યાં સુધી બજેટની વાત છે, તો આ ફિલ્મનું નિર્માણ ખર્ચ ₹500 કરોડથી ₹1,000 કરોડના મોટા બજેટમાં બનાવવામાં આવી છે. જોકે, જો આપણે અંદાજના નીચલા સ્તરને એટલે કે ₹500 કરોડના બજેટને આધાર માનીએ, તો પણ ફિલ્મની કમાણી અપેક્ષા કરતા પાછળ નજરે પડી રહી છે.

કેટલા કરોડનું નુકસાન થયું

કોઇ નાના કે મધ્યમ બજેટની ફિલ્મ માટે ₹339.79 કરોડની વર્લ્ડવાઇડ કમાણી શાનદાર માનવામાં આવે છે, પરંતુ 'ટોક્સિક' (Toxic) જેવી મોટા બજેટ અને મોટા સ્ટારવાળી ફિલ્મ માટે આ આંકડો નિરાશાજનક છે. જો ફિલ્મનું બજેટ ₹500 કરોડ માનવામાં આવે ​​અને વર્લ્ડવાઇડ ગ્રોસ કલેક્શન ₹339.79 કરોડ હોય, તો બંને વચ્ચે લગભગ ₹160.21 કરોડનો તફાવત છે. એટલે કે માત્ર આ આંકડાઓના આધારે જોતા ફિલ્મ તેના ખર્ચથી ખૂબ પાછળ રહી ગઈ છે.

પ્રભાસની 'આદિપુરુષ' (Adipurush) સાથે આ આંકડાઓની સરખામણી કરવામાં આવે ત્યારે સ્થિતિ વધુ રસપ્રદ બની જાય છે. લગભગ ₹550 કરોડના બજેટમાં બનેલી 'આદિપુરુષ'એ વિશ્વભરમાં આશરે ₹393 કરોડની કમાણી કરી હતી. આ હિસાબે બજેટ અને કમાણી વચ્ચે લગભગ ₹157 કરોડનો તફાવત હતો. તેની સરખામણીમાં, ₹500 કરોડના બજેટ અને ₹339.79 કરોડની વૈશ્વિક કમાણી સાથે 'ટોક્સિક' માટે આ તફાવત લગભગ ₹160.21 કરોડ છે. આમ, આ ગણતરી મુજબ, 'ટોક્સિક'ને થયેલું આર્થિક નુકસાન 'આદિપુરુષ' કરતા પણ વધારે જણાય છે.

ફિલ્મ હિટ થઇ કે ફ્લોપ

ઓક્ટોબર અને ડિસેમ્બર 2026ની વચ્ચે ઉત્તર હિંદ મહાસાગરમાં ત્રણ ઉષ્ણકટિબંધીય ચક્રવાત (tropical cyclones) સર્જાઈ શકે છે. ISROના જણાવ્યા અનુસાર, 'પાવર ડિસિપેશન ઈન્ડેક્સ' (PDI) દ્વારા માપવામાં આવતી આ વાવાઝોડાંની કુલ શક્તિ અંદાજે 13.06 x 10⁶ knots³ રહેવાનો અંદાજ છે. આ છેલ્લા 44 વર્ષમાં આવેલા વાવાઝોડાંની તીવ્રતા કરતા લગભગ 83% વધારે છે, એટલે કે આ વખતે ચોમાસા પછીની ઋતુ (post-monsoon season) દરમિયાન ચક્રવાતની પ્રવૃત્તિ વધુ હોઈ શકે છે.

આ આગાહી સમુદ્ર અને વાતાવરણીય પરિસ્થિતિઓ અંગેના ઘણા વર્ષોના ડેટા પર આધારિત છે. આનાથી અંદાજો લગાવી શકાય છે કે, આગામી મહિનાઓમાં ચક્રવાતની ગતિવિધિ કેવી રહી શકે છે, જેનો ફાયદો દરિયાકાંઠાના રહેવાસીઓ, સરકાર અને રાહત-બચાવ ટીમોને અગાઉથી તૈયારી કરવામાં મદદ મળી શકે છે. જોકે, તેનાથી કોઈ ખાસ ચક્રવાતની તારીખ કે સ્થાન અંગેની વિગતવાર માહિતી મળતી નથી.

ISROની આગાહી મુજબ, 2026ની ચોમાસા પછીની ઋતુ દરમિયાન ઉત્તર હિંદ મહાસાગરમાં 3 ચક્રવાતી વાવાઝોડાં સર્જાઈ શકે છે. PDI દ્વારા કોઇ ચક્રવાતની તાકતનું આનુમાન લગાવી શકાય છે, તેમા તોફાનનો પવન કેટલો તેજ છે અને કેટલા સમય સુધી તેની શક્તિ જાળવી રાખે છે. સરળ શબ્દોમાં કહીએ તો, PDIનું ઊંચું હશે, વાવાઝોડાની પ્રવૃત્તિની એટલી મજબૂત હોઇ શકે છે.

આ આગાહી તૈયાર કરવા માટે, લગભગ 40 વર્ષના હવામાન અને સમુદ્ર સાથે જોડાયેલા આંકડા જોવામાં આવ્યા હતા. તેમાં વિવિધ વાતાવરણીય અને દરિયાઈ સ્થિતિઓ અંગેની માહિતીનો સમાવેશ થાય છે. આ આંકડાઓથી એ સમજવા પ્રયાસ કરવામાં આવ્યો હતો કે કઇ પરિસ્થિતિમાં વધુ ચક્રવાતી વાવાઝોડાં સર્જાઈ શકે અને તેની સંભવિત તાકત કેવી રહી શકે છે. આ માટે એવા ફેક્ટર્સ પણ જોવામાં આવ્યા, જેનો ચક્રવાતની રચના અને તેની તીવ્રતાને અસર કરે છે. જાન્યુઆરીથી ઓગસ્ટ દરમિયાન એકત્રિત કરાયેલા ડેટાના આધારે ચોમાસા પછીની ઋતુ (ઓક્ટોબરથી ડિસેમ્બર) માટે ચક્રવાતની પ્રવૃત્તિનું અનુમાન લગાવવામાં આવ્યું હતું.

ઉત્તર હિંદ મહાસાગરની આસપાસ આવેલા ભારત સહિતના અનેક દેશોના દરિયાકાંઠાના વિસ્તારો ચક્રવાતની ઝપેટમાં આવે છે. એટલે જો, કોઈ ચોક્કસ ઋતુ દરમિયાન ચક્રવાતની પ્રવૃત્તિ વધુ હોઈ શકે છે તેવો અગાઉથી સંકેત મળવાથી વધુ સારી તૈયારી કરવામાં મદદ મળે છે.

સરકાર અને સ્થાનિક વહીવટીતંત્ર રાહત અને બચાવ ટીમોને તૈયાર રાખી શકે છે. માછીમારોને દરિયામાં જતા પહેલા ચેતવણી આપી શકાય છે. જરૂર પડ્યે દરિયાકાંઠાના વિસ્તારોના રહેવાસીઓને સુરક્ષિત સ્થળોએ ખસેડવાની તૈયારીઓ પણ કરી શકાય છે.

જોકે, આ આગાહી કોઈ એક ચક્રવાતની ચોક્કસ તારીખ, માર્ગ કે તે ક્યાં ત્રાટકશે (લેન્ડફોલ) તે અંગેની માહિતી આપતી નથી; તે માત્ર આ સીઝન દરમિયાન ચક્રવાતની એકંદરે પ્રવૃત્તિનો અંદાજ પૂરો પાડે છે. વર્ષ 2026 માટેનો PDI અંદાજ છેલ્લા 44 વર્ષોમાં સરેરાશ કરતા ખૂબ વધારે છે. એવામાં, ઓક્ટોબર અને ડિસેમ્બર વચ્ચે ઉત્તર હિંદ મહાસાગરમાં ચક્રવાતની પ્રવૃત્તિ પર નજર રાખવી ખૂબ જરૂરી રહેશે.

થોડા દિવસો અગાઉ જૂનાગઢના ભવનાથ ખાતે યોજાતા મહાશિવરાત્રી મેળાના સાંસ્કૃતિક કાર્યક્રમોના ખર્ચને લઈને હવે સવાલો ઉઠ્યા હતા. RTIથી મળેલી વિગતોના આધારે 2025માં કલાકારો પાછળ આશરે ₹7 લાખ, જ્યારે 2026માં આ ખર્ચ ₹1 કરોડને પાર પહોંચ્યો હોવાનો દાવો કરવામાં આવ્યો છે. એક જ વર્ષમાં કલાકારોના મહેનતાણામાં થયેલા મોટા વધારાને લઈને પારદર્શિતા સામે સવાલો ઉભા થયા હતા. મહેતાણાના વિવાદ બાદ હવે મેળામાં VVIP લોકોને સ્થળ સુધી લઈ જવા માટે વાહનો પાછળ 20 લાખ રૂપિયાનો તોતિંગ ખર્ચ કરાયો હોવાની વિગતો સામે આવી છે. આશ્ચર્યની વાત એ છે કે, કયા VIPએ કયા વાહનમાં મુસાફરી કરી તેની કોઈ લોગબુક જ તૈયાર કરવામાં ન આવી. ખર્ચની જે રીતે ચૂકવણી કરવામાં આવી છે તે પણ શંકાસ્પદ લાગી રહી છે ત્યારે વિપક્ષે ઉચ્ચસ્તરીય તપાસની માંગ કરી છે.

દિવ્યભાસ્કરના અહેવાલ મુજબ, ​જૂનાગઢ મહાનગરપાલિકાના વિરોધ પક્ષના નેતા લલિત પરસાણા દ્વારા જૂનાગઢ RTO કચેરી પાસે RTI હેઠળ માહિતી માંગવામાં આવી હતી. જૂનાગઢની RTO કચેરી દ્વારા શિવરાત્રી મેળા 2026 દરમિયાન VVIP લોકો તેમજ સામાન્ય નાગરિકો માટે લક્ઝુરિયસ વાહન સેવાઓ ભાડે રાખવામાં આવી હતી, જેનો કુલ ખર્ચ 35,58,044 રૂપિયા થયો છે.

જૂનાગઢ મનપાના વિરોધ પક્ષના નેતા લલિત પરસાણાએ આક્ષેપો કરતા કહ્યું કે, જ્યારે મેળા અંગે માહિતી માંગવામાં આવી ત્યારે તંત્ર દ્વારા અલગ-અલગ અને શંકાસ્પદ જવાબો આપવામાં આવ્યા. RTO કચેરી દ્વારા કરવામાં આવેલા કુલ 35,58,044 રૂપિયાના વાહન ખર્ચમાંથી માત્ર VVIP લોકો માટે જ અર્બનિયા અને અન્ય લક્ઝરી ગાડીઓ પાછળ 20,00,000 રૂપિયાથી વધુનો માતબર ખર્ચ વેડફી નાખવામાં આવ્યો છે. લલિત પરસાણાએ સવાલ કરતા કહ્યું કે, શિવરાત્રીના મેળામાં જે નેતાઓ અને VVIP લોકો આવ્યા હતા તે જો પગપાળા પહોંચ્યા હતા, તો પછી વાહનોમાં આટલો મોટો ખર્ચ કઈ રીતે થયો?

એક બાજુ રાજ્ય સરકાર એવા મોટા દાવો કરતી હતી કે, મેળામાં VVIP કલ્ચર નાબૂદ કરવામાં આવશે અને મેળો સામાન્ય જનતા માટે યોજાશે. પરંતુ વાસ્તવિકતામાં VVIP લોકો માટે અર્બનિયા ગાડીઓ ભાડે રાખીને 20,00,000 રૂપિયાથી વધુનો ખર્ચ કરાયો, જ્યારે બીજી તરફ કડકડતી ઠંડીમાં દૂર-દૂરથી આવેલા સામાન્ય શ્રદ્ધાળુઓ, વૃદ્ધો અને દિવ્યાંગો માટે યોગ્ય વાહન સુવિધા ન હોવાથી તેઓ ચાલીને જવા મજબૂર બન્યા હતા અને રઝળી પડીને ભારે હેરાન-પરેશાન થયા હતા. નાના અન્નક્ષેત્રો અને જનસુવિધા પાછળ જે ખર્ચ થવો જોઈતો હતો તે કરવામાં આવ્યો નથી અને VIP લોકોની સરભરા પાછળ સરકારી નાણાંનો વેડફાટ કરાયો છે.

​વાહનોના બિલોમાં જ મોટું કૌભાંડ છતું થાય છે. એક અર્બનિયા ગાડીના એક દિવસના અને પાંચ દિવસના ભાડાના બિલોમાં ગરબડ અને મોટો તફાવત દર્શાવવામાં આવ્યો છે. કોઈ પણ સરકારી કે ભાડાના વાહનો માટે લોગબુક અને રજિસ્ટર નિભાવવું કાયદાકીય રીતે ફરજિયાત હોય છે, તેમ છતા કચેરી દ્વારા લોગબુક નિભાવવામાં આવી નથી.

VVIP લોકો માટે લકઝુરિયસ સુવિધા માટે કરેલો ખર્ચ

સરસ્વતી અશ્વ ફાર્મને જાગી ગયો સેવા બદલ પ્રતિ બગિના 20 હજાર અને કુલ ખર્ચ 8,00,000 લાખ ચૂકવાયો, જ્યારે સાંઈ ટુર્સ એન્ડ ટ્રાવેલ્સને ટેમ્પો ટ્રાવેલર્સ સેવા માટે 3,37,894 રૂપિયા, આશુતોષ ટ્રાવેલ્સને 15 અર્બેનિયા/17 ટેમ્પો ટ્રાવેલર માટે 17,17,650 રૂપિયા, કેશુભાઈ ભારાઈને 50 રિક્ષાના  7,12,500 રૂપિયા આમ કુલ RTO ઓફિસ દ્વારા 35,68,044 રૂપિયાનો ખર્ચ લક્ઝુરિયસ સુવિધા માટે કરવામાં આવ્યો હતો

જૂનાગઢમાં મહાશિવરાત્રિના પર્વ પર યોજાતા શિવરાત્રિ મેળામાં સાંસ્કૃતિક કાર્યક્રમ પાછળ સરકારે કરેલા લખલૂંટ ખર્ચને લઈ વિવાદ વકર્યો છે. આ ખર્ચમાં કેટલાક કલાકારોના મહેનતાણામાં એક જ વર્ષમાં અનેક ગણો વધારો થયાનો પણ દાવો કરવામાં આવ્યો છે. ABP અસ્મિતાના અહેવાલ મુજબ, 2025 અને 2026 બંને વર્ષમાં કાર્યક્રમોમાં ભાગ લેનારા 6 કલાકારોને અગાઉની સરખામણીએ 2026માં 3થી 20 ગણું વધુ મહેનતાણું ચૂકવવામાં આવ્યું હોવાનું RTIની વિગતોમાં સામે આવ્યું છે. કેટલાક કલાકારોને અગાઉ 5 હજાર રૂપિયા જેટલી રકમ ચૂકવવામાં આવી હતી, જે એક વર્ષ બાદ વધીને 1 લાખ રૂપિયા સુધી પહોંચી હોવાનું જણાવાયું છે.

આ ઉપરાંત 2025માં અઘોરી ગ્રુપને આશરે 1.50 લાખ રૂપિયા ચૂકવાયા હતા, જ્યારે 2026માં આ રકમ 10 લાખ રૂપિયા થઈ હોવાનો દાવો કરવામાં આવ્યો છે. મોટા કલાકારોમાંથી એક કલાકારને 24 લાખ રૂપિયાની ચૂકવણી કરવામાં આવી હોવાનો પણ અહેવાલમાં ઉલ્લેખ છે.

આ વધારાને લઈ જ્યારે જિલ્લા યુવા વિકાસ અધિકારીને સવાલ કર્યો તો કમિટીએ અને વડી કચેરીએ નક્કી કર્યાનો જવાબ આપી જવાબદારી ખંખેરવાનો પ્રયાસ કર્યો. આ જ મેળામાં ભાજપના ધારાસભ્ય અને ગાયિકા મૈથિલી ઠાકુરને 24 લાખ રૂપિયા જેવી માતબર રકમ ચૂકવવામાં આવી હતી.

આ સમગ્ર મામલે જૂનાગઢ ઉતારા મંડળના પ્રમુખ ભાવેશ વેકરિયાએ સરકાર પાસે શ્વેતપત્ર જાહેર કરવાની માગ કરી છે. તેમનું કહેવું છે કે ભવનાથ અને ગિરનાર પૈસા કમાવવાનું સાધન નહીં પરંતુ શ્રદ્ધા અને સમર્પણનું પવિત્ર ધામ છે. અગાઉના વર્ષોની સરખામણીમાં કલાકારોને ચૂકવવામાં આવેલી રકમમાં આટલો મોટો તફાવત કેમ આવ્યો તે અંગે સરકાર સ્પષ્ટતા કરે તેવી તેમણે માગ કરી છે.

ભાવેશ વેકરિયાએ સમગ્ર મામલાની તપાસ કરીને જો કોઈ ગેરરીતિ થઈ હોય તો જવાબદાર લોકો સામે કડક પગલાં લેવાની પણ માગ કરી છે.

બીજી તરફ, જૂનાગઢ જિલ્લા યુવા વિકાસ અધિકારી એન.ડી. વાળાના જણાવ્યા મુજબ 2026ના મિની કુંભ અને મહાશિવરાત્રી મેળા દરમિયાન સ્થાનિક કલાકારોની પસંદગી સ્થાનિક સાંસ્કૃતિક કમિટી દ્વારા નિયમ મુજબ કરવામાં આવી હતી અને કમિટીએ નક્કી કરેલી રકમ પ્રમાણે જ ચૂકવણી કરવામાં આવી છે.

મોટા કલાકારોની પસંદગી અને તેમને કરવામાં આવેલી લાખોની ચૂકવણી અંગે અધિકારીએ જણાવ્યું કે આ પ્રક્રિયા વડી કચેરી સ્તરેથી કરવામાં આવી હતી અને તેમાં સ્થાનિક કચેરીની કોઈ ભૂમિકા નહોતી. તેમના જણાવ્યા મુજબ GeM પોર્ટલ મારફતે બે એજન્સીઓની પસંદગી કરવામાં આવી હતી. કાર્યક્રમ દરમિયાન બહારથી આવતા અધિકારીઓ, મહેમાનો અને અન્ય વ્યવસ્થાઓ માટે પણ ખર્ચ થયો હોવાનું તેમણે જણાવ્યું છે.

હવે સવાલ એ છે કે એક જ વર્ષમાં સાંસ્કૃતિક કાર્યક્રમોના ખર્ચમાં આટલો મોટો વધારો શા માટે થયો? કલાકારોના મહેનતાણામાં થયેલા મોટા ફેરફાર પાછળનું કારણ શું છે? અને RTIમાં સામે આવેલી વિગતો અંગે સરકાર સત્તાવાર રીતે શું સ્પષ્ટતા કરે છે, તેના પર સૌની નજર રહેશે.

રાતનો સમય હતો. ઘરમાં બધા સૂતા હતા. એક રૂમમાં પત્ની હતી અને બીજા રૂમમાં ત્રણ દીકરીઓ. કોઈને ખ્યાલ પણ નહોતો કે આવતીકાલની સવાર સુધીમાં આ પરિવારની કહાની આખા જયપુરને હચમચાવી નાખશે. પોલીસના જણાવ્યા અનુસાર, મોડી રાત્રે પરિવારનો મોભી એક પથ્થર લઇને ઉઠ્યો અને પછી... સવાર સુધીમાં ઘરમાંથી ચાર મૃતદેહો મળી આવ્યા. મૃતકોમાં એક મહિલા અને તેની ત્રણ દીકરીઓ હતી.

આરોપ  ઘરના એ વ્યક્તિ પર છે, જે તે ત્રણ દીકરીઓના પિતા હતો. પોલીસ તપાસ દરમિયાન સામે આવેલો ઘટનાક્રમ વધુ ચોંકાવનારો છે. આરોપ છે કે પત્ની અને ત્રણ દીકરીઓની હત્યા કર્યા પછી, આરોપીએ સવારે દૂધ લીધુ, વૃદ્ધ પિતાને ચા બનાવીને પીવડાવી અને પછી ઘર ફરાર થઇ ગયો.

આ ઘટના જયપુરના કરધની વિસ્તારમાં બની હતી. શુક્રવારે સવારે લગભગ 10 વાગ્યે પોલીસને ગોવિંદ વાટિકામાં ચાર લોકોની હત્યાની માહિતી મળી હતી. સમાચાર મળતા જ પોલીસ ઘટનાસ્થળે પહોંચી અને ઘરની તપાસ શરૂ કરી. રાહુલ ઝાની પત્ની ગીતા ઝાનો મૃતદેહ પહેલા માળના એક રૂમમાંથી મળી આવ્યો હતો. ત્યારબાદ પોલીસ ગ્રાઉન્ડ ફ્લોર પર ગઈ, જ્યાં બે અલગ-અલગ રૂમમાંથી ત્રણ દીકરીઓના મૃતદેહો મળી આવ્યા હતા.

નંદિની (23), રાધિકા (18) અને ગૌરી (14)... એક જ ઘરમાં માતા અને તેની ત્રણ દીકરીઓના મૃત્યુના સમાચારથી સમગ્ર વિસ્તારમાં હાહાકાર મચી ગયો હતો. DCP (વેસ્ટ) પ્રશાંત કિરણના જણાવ્યા અનુસાર, પ્રાથમિક તપાસમાં આશંકા છે કે આ ગુનો મોડી રાત્રે આચરવામાં આવ્યો હતો. પોલીસનું માનવું છે કે તે સમયે ચારેય પીડિતો ગાઢ નિદ્રામાં હતા. આરોપ છે કે રાહુલ ઝા તેમની પાસે ગયો અને પથ્થર વડે તેમના પર હુમલો કર્યો.

ચારેય પીડિતોના માથા અને ચહેરા પર ગંભીર ઈજાના નિશાન મળી આવ્યા હતા. પોલીસને ઘટનાસ્થળેથી એક પથ્થર પણ મળ્યો છે, જે ગુનામાં વપરાયેલું હથિયાર હોવાની શંકા છે. તપાસકર્તાઓ હવે તે રાત્રિના ઘટનાક્રમને ફરીથી સમજવા માટે ઘટનાસ્થળેથી મળેલા પુરાવાઓને જોડી રહ્યા છે. પોલીસ તપાસ દરમિયાન સામે આવેલી ઘટનાક્રમની વિગતો મુજબ, હત્યાઓ બાદ પણ રાહુલ ઝાનું વર્તન સામાન્ય રહ્યું હતું. સવારે લગભગ 7:00 વાગ્યે, તે દૂધ લેવા માટે દૂધવાળા પાસે ગયો અને ત્યારબાદ ઘરે પાછો ફર્યો. તેણે તેના વૃદ્ધ પિતા લક્ષ્મીનાથ માટે ચા બનાવી અને તેને પીવડાવી. પછી તે ઘરની બહાર નીકળી ગયો.

જરા કલ્પના કરો, જે ઘરમાં થોડા કલાકો પહેલાં જ ચાર લોકોએ જીવ ગુમાવ્યો હતો, તે જ ઘરમાં ચા બનાવવામાં આવી રહી હતી. પોલીસ હવે આ સમગ્ર ઘટનાક્રમની તપાસ કરી રહી છે. તપાસમાં જાણવા મળ્યું છે કે રાહુલ ઝા શેર ટ્રેડિંગના વ્યવસાય સાથે સંકળાયેલો હતો અને થોડા દિવસો પહેલા જ ગુજરાતથી જયપુર ગયો હતો.

તેની પત્ની ગીતા ઝા ઘરના પહેલા માળે બુટિક ચલાવતી હતી, જ્યારે તેમની મોટી દીકરી નંદિની અભ્યાસની સાથે ખાનગી નોકરી કરતી હતી. જોકે, શુક્રવારની સવારે જે તસવીર સામે આવી, તેણે સમગ્ર પરિવારને હચમચાવી નાખ્યો. પત્ની અને ત્રણ દીકરીઓ હવે જીવિત નથી, અને જે રાહુલ ઝા પર હત્યાનો આરોપ છે, તે ફરાર હતો.

તપાસ દરમિયાન પોલીસને વધુ એક વિગત જાણવા મળી છે. ઘટનાના લગભગ ત્રણ દિવસ પહેલા રાહુલ ઝાએ પાડોશી પાસેથી 25,000 રૂપિયા ઉછીના લીધા હતા. પોલીસ હવે આ માહિતીને પણ તપાસમાં સામેલ કરી રહી છે. શું રાહુલ આર્થિક મુશ્કેલીનો સામનો કરી રહ્યો હતો? શું કોઈ કૌટુંબિક વિવાદ ચાલી રહ્યો હતો? શું તેને શેર ટ્રેડિંગમાં નુકસાન થયું હતું? કે પછી હત્યાઓ પાછળ કોઈ અન્ય કારણ હતું? આ પ્રશ્નોના જવાબ હજુ મળ્યા નથી. પોલીસ આર્થિક મુશ્કેલી અને કૌટુંબિક વિવાદ સહિતના વિવિધ પાસાઓથી આ કેસની તપાસ કરી રહી છે. હાલમાં, જયપુર પોલીસ આરોપી રાહુલ ઝાની સઘન શોધખોળ કરી રહી છે.

સુરત જેવા શહેરમાં આજકાલ વાઇફ સ્વેપિંગનું દુષણ વધ્યું છે, ઉત્રાણ વિસ્તારમાંથી પરિણીતા પર પતિ દ્વારા વાઇફ સ્વેપિંગ માટે દબાણ કરવામાં આવ્યું હોવાનો આક્ષેપ કરાયો છે. આ મામલે લાંબી રસાકસી બાદ આખરે પરિણીતાએ પોલીસ સ્ટેશનનો દરવાજો ખખડાવ્યો છે.

ગુજરાત ફર્સ્ટના અહેવાલ મુજબ, કતારગામ વિસ્તારમાં રહેતી 30 વર્ષીય યુવતીના લગ્ન વર્ષ 2018માં સુરતના ઉત્રાણ વિસ્તારમાં રહેતા સંદીપ સાથે થયા હતા. લગ્નજીવનની શરૂઆત બાદ તેમને 4 વર્ષનો એક પુત્ર પણ છે. જોકે, લગ્નનાં થોડા જ સમય બાદ પરિણીતાને જાણ થઈ હતી કે તેનો પતિ સંદીપ ચારિત્ર્યહીન છે અને તેના એક-બે નહીં પરંતુ 5-6 જેટલી અલગ-અલગ યુવતીઓ સાથે અનૈતિક સંબંધો છે. આ બાબતની જાણ થતાં જ ઘરમાં અવારનવાર કંકાસ શરૂ થયો હતો. દરમિયાન, પરિણીતાના હાથે પતિ સંદીપના કેટલાક આપત્તિજનક વીડિયો પણ લાગી ગયા હતા, જેને લઈને વિવાદ વધુ વકર્યો હતો.

પતિના અનૈતિક સંબંધોનો વિરોધ કરવાને બદલે સંદીપે પોતાની તમામ હદો વટાવી દીધી હતી અને પત્ની પર વાઇફ સ્વેપિંગ માટે અકુદરતી સંબંધ બાંધવો અને અમાનવીય દબાણ કરવાનું શરૂ કર્યું હતું. પતિના મોઢેથી આવી ગંદી ઓફર સાંભળીને આશ્ચર્યચકિત થઇ ગયેલી પરિણીતાએ તેનો ભારે વિરોધ કર્યો હતો. જેથી ઉશ્કેરાયેલા પતિ સંદીપે તેને માર માર્યો હતો. આ સમગ્ર અત્યાચાર અંગે પરિણીતાએ પોતાના સાસુ, સાસરા અને દેરાણીને પણ જાણ કરી હતી અને ન્યાયની આશા રાખી હતી. પરંતુ, આશ્ચર્યજનક રીતે દેરાણીએ પોતાના જેઠનો પક્ષ લઈને એવું નિવેદન આપ્યું હતું કે આધુનિક સમયમાં આવી પાર્ટીઓ અને વાઇફ સ્વેપિંગ હવે કોમન બાબત છે, અને વાતને ટાળી દીધી હતી.

સંબંધોની તમામ મર્યાદાઓ અને ગરિમાને લજવનારી આ ઘટનાથી કંટાળીને આખરે પરિણીતાએ લગ્નના દોઢ વર્ષ જેવા લાંબા સમય બાદ કતારગામ પોલીસ સ્ટેશનમાં જઈને પોતાના પતિ સહિત કુલ 5 જેટલા લોકો વિરુદ્ધ સત્તાવાર પોલીસ ફરિયાદ નોંધાવી છે. પરિણીતા દ્વારા કરવામાં આવેલા આ ગંભીર આક્ષેપો અને ફરિયાદના આધારે કતારગામ પોલીસે ગુનો નોંધીને આગળની સઘન તપાસના ચક્રો ગતિમાન કર્યા છે.

સુરત જિલ્લામાં ડાઇંગ, પ્રિન્ટિંગ, એમ્બ્રોઇડરી, ઝરી અને લૂમ્સ સહિતના વિવિધ ઔદ્યોગિક ક્ષેત્રોમાં કામ કરી રહેલા 10 લાખથી વધુ કામદારોના થઈ રહેલા શોષણ સામે મજદૂર યુનિયન દ્વારા આંદોલન શરૂ કરવામાં આવ્યું છે. આજે સુરતમાં એમ્બ્રોડરી ફેક્ટરીઓમાં કામ શ્રમિકો કરતા મોટી સંખ્યામાં કલેક્ટર કચેરીએ પહોંચીને હલ્લાબોલ કર્યો છે. તેમની માગ છે કે, રવિવારની રજા અને 8 કલાકની નિશ્ચિત નોકરીના સમય કરવામાં આવે. જ્યાં સુધી આ માંગણીઓ સંતોષવામાં નહીં આવે ત્યાં સુધી કલેક્ટર કચેરી ન છોડવાનો મક્કમ નિર્ણય શ્રમિકોએ કર્યો છે. એક મજૂરે આક્ષેપ લગાવ્યો પોલીસવાળા અમારો ફોટો પાડીને ધમકીઓ આપી રહ્યા છે શા માટે અમારા ફોટાઓ પાડી રહ્યા છે. પોલીસ સમજાવવાનો પ્રયાસ કરી રહી છે કે સોમવારે કલેકટર મળશે. પરંતુ મજૂરો કહી રહ્યા છે કે સોમવાર સુધી અમે અહીંયા બેસશું.

દિવ્યભાસ્કરના અહેવાલ મુજબ, એક સમયે પોલીસને શંકા ગઈ કે એક મજૂર ખિસ્સામાં પથ્થર લઈને પહોંચ્યો છે, ત્યારે તેને ચેક કરવા માટે કહ્યું ત્યારે સામે મજૂરોએ હાથ જોડીને કહ્યું અમે તમારા હક માટે આવ્યા છીએ, કોઈ તમાશો કરવા માટે આવ્યા નથી. મજૂર સંઘના આગેવાનો મજૂરોને સમજાવવાનો પ્રયાસ કરી રહ્યા છે કે એક મોકો આપો પરંતુ મજૂરો માનવા તૈયાર નથી અને સૂત્રોચ્ચા ચાલુ કરી દીધી છે તેઓ તેમના આગેવાનનું પણ માનવા તૈયાર નથી તેમણે તેમની માંગ સાથે અડગ જોવા મળી રહ્યા છે.

શ્રમિકોએ કહ્યું કે, તારીખ પર તારીખ નથી જોઈતી અમારે હિસાબ જોઈએ છે અમે અમારો હક માંગીએ છીએ અમે નથી ભીખ માંગતા નારા સાથે મજૂરોનો ઉગ્ર વિરોધ કરી રહેલા મજૂરોને સમજાવવાનો પ્રયાસ કરવામાં આવી રહ્યો છે પરંતુ તેઓ સમજવા તૈયાર નથી અને એક જ માંગ સાથે અટક છે કે અમારી માંગ પૂર્ણ નહીં થાય તો અમે ક્યાંય જઈશું નહીં. અમને રવિવારની રજા અને પૂરો પગાર મળવો જોઈએ'

અરવિંદ રાજ વિશ્વકર્માએ જણાવ્યું કે, એક જ માગ છે કે દર રવિવારે રજા મળવી જોઈએ. અમે પણ માણસ છીએ અને રોજના 12-12 કલાક કામ કરીએ છીએ. તેથી રવિવારની રજા મળવી જોઈએ અને પૂરો પગાર પણ મળવો જોઈએ. હાલમાં ખાવા-પીવાનો કે રસોઈ બનાવવાનો પણ સમય નથી મળતો અને ઊંઘ પણ પૂરી થતી નથી. અમને અઠવાડિયામાં એક દિવસ એટલે કે રવિવારે રજા મળવી જ જોઈએ.

આ ઉપરાંત તેમણે કહ્યું કે, પ્રશાસન તરફથી માત્ર તારીખ પર તારીખ જ મળી રહી છે, જેવી રીતે અદાલતમાં સની દેઓલનો ડાયલોગ છે; બીજું કશું જ થઈ રહ્યું નથી. તેમને તારીખ પર તારીખ નથી જોઈતી, માત્ર રવિવારની રજા જોઈએ છે. છેલ્લા એક મહિનાથી આવું જ ચાલી રહ્યું છે અને કોઈ તેમની વાત સાંભળતું નથી, સામાન્ય જનતાની કોઈને પડી નથી. જો તેમની આ માગણી સંતોષવામાં નહીં આવે, તો તેઓ આગળ વધીને રસ્તા રોકી દેશે, ચક્કાજામ કરશે અને જે કંઈ પણ કરવું પડશે તે તમામ આંદોલન કરશે. મજૂરોનો ઉગ્ર વિરોધ મજૂરોને સમજાવવાનો પ્રયાસ કરવામાં આવી રહ્યો છે પરંતુ તેઓ સમજતા નથી અને એક જ માંગ સાથે અટક છે કે અમારી માંગ પૂર્ણ નહીં થાય તો અમે ક્યાંય જઈશું નહીં.

અગાઉ આપવામાં આવેલી આવેદનપત્રની મુદત પૂરી થવા છતાં તંત્ર દ્વારા કોઈ સંતોષકારક કાર્યવાહી કે પ્રત્યુત્તર ન મળતા શ્રમિકોમાં રોષ ભભૂકી ઉઠ્યો છે. આ અંગે મજદૂર યુનિયનના પ્રતિનિધિ અજય ડી. દુબેએ જણાવ્યું હતું કે, જો આગામી 30 તારીખ સુધી અમારી માંગણીઓ અને ન્યાયી હકોનું નિરાકરણ નહીં લાવવામાં આવે, તો અમે અમારા વૈધાનિક અધિકારોનો ઉપયોગ કરીને ભૂખ હડતાલ અને ધરણા પર બેસવાની ફરજ પડીશું. સરકારી કાયદાઓનો અમલ સંબંધિત વિભાગો દ્વારા કરાવવામાં આવે અને કામદારોને ન્યાય મળે તે માટે યુનિયન ઉગ્ર આંદોલન કરશે.

કલેક્ટરે સોમવારે ચર્ચા માટે બોલાવ્યા હોવા છતા શ્રમિકો જવા માટે તૈયાર ન થયા, ત્યારે SP વિજય મલ્હોત્રાએ સ્પષ્ટ શબ્દોમાં ચેતવણી આપી હતી કે, જે શ્રમિકોને સોમવારે મીટિંગમાં આવવું હોય તેઓ અત્યારે જ નીકળી જાય, પરંતુ જેમને પોલીસ કે વહીવટી તંત્ર સાથે ઘર્ષણ કે સંઘર્ષ જ કરવો છે તેઓ પોતાના સ્થાને જ રોકાઈ રહે.

DCP નકુમે કહ્યું કે, જો અમારું ના માન્યા તો અમારી સાથે ઘર્ષણ થશે, એફઆઈઆર દાખલ થશે. એસીપી વિજય મલ્હોત્રાએ કહ્યું, તમારી માગણીઓને તમારા આગેવાને કલેક્ટર સમક્ષ રજૂ કરી દીધી છે. તમે અહીંથી સ્થળ ખાલી કરો.