પાકિસ્તાનના પૂર્વ ઝડપી બોલર શોએબ એખ્તરે પોતાના કરિયર દરમિયાન બોલથી કહેર મચાવી રાખ્યો હતો. શોએબ અખ્તરની આગ જેવી બોલે ઘણા બેટ્સમેનોને હેરાન કર્યા છે. આ વચ્ચે તેણે એક જૂનો કિસ્સો યાદ કર્યો છે, જેમાં તેનો મુકાબલો ઓસ્ટ્રેલિયાના પૂર્વ કેપ્ટન રિકી પોન્ટિંગ સાથે થયો હતો. શોએબ અખ્તરે એક ઈન્ટરવ્યુ દરમિયાન વર્ષ 1999માં પર્થના રમાયેલી મેચને યાદ કરી હતી. જ્યારે શોએબ અખ્તરે રિકી પોન્ટિંગને એક ખતરનાક બાઉન્સર બોલ નાખી હતી.

Got plenty of questions the other day after calling the Flintoff over the best I'd faced.

This from @shoaib100mph was the fastest spell I'd ever faced and trust me Justin wasn't backing up too far at the other end. pic.twitter.com/JhhuEwXrAc

— Ricky Ponting AO (@RickyPonting) April 15, 2020

આ સીરિઝમાં પાકિસ્તાન બે મેચ હારી ચૂકી હતી તે સમયે શોએબ અખ્તરે પર્થમાં ઓસ્ટ્રેલિયાઈ બેટ્સમેનને પોતાનો નિશાનો બનાવવાનું શરૂ કરી દીધું હતું. શોએબ અખ્તરે કહ્યું હતું કે ટેસ્ટ મેચ દરમિયાન મને લાગ્યું હતું કે કોઈને દર્દ પહોંચાડીએ. આથી મેં ઘણી સ્પીડથી બોલ ફેંકવાનું શરૂ કર્યું હતું. હું જોવા ઈચ્છતો હતો કે શું રિકી પોન્ટિંગ મારી સ્પીડને ઝેલી શકશે. પૂર્વ પાકિસ્તાની બોલરે કહ્યું કે આ જ કારણ હતું કે મેં બાઉન્સર બોલ નાખવાનું શરૂ કરી દીધું જેથી હું તેને મારી પેસથી બીટ કરી શકું. શોએબ અખ્તરે આગળ કહ્યું છે કે રિકી પોન્ટિંગના બદલે જો કોઈ બીજો બેટ્સમેન હોતે તો કદાચ હું તેનું માથું પણ ફોડી ચૂક્યો હોતે કારણ કે તે બોલ એટલી સ્પીડે હતી કે કોઈના માટે પણ તેને રમવું સરળ ન હતું.

આ સ્પેલનો એક વીડિયો રિકો પોન્ટિંગ પણ પોતાના ટ્વીટર અકાઉન્ટ પર થોડા સમય પહેલા શેર કરી ચૂક્યો છે. આ સ્પેલનો વીડિયો ટ્વીટ કરીને રિકી પોન્ટિંગે લખ્યું છે-શોએર અખ્તરનો આ સ્પેલ અત્યાર સુદીનો સૌથી ખતરનાક સ્પેલ હતો, જેને હું રમ્યો છું. 

વિચારો કે તમારું નામ કોવિડ કપૂર રાખવામાં આવ્યું હોય અને કોવિડ મહામારીના કારણે હવે તમારું નામ સૌને અજીબ લાગવા લાગ્યું હોય. બેંગ્લોરના કોવિડ કપૂરને દુર્ભાગ્યથી દુનિયાનું આ સૌથી અનોખું નામ મળ્યું છે. કોફી શોપમાં જ્યારે તેનું નામ જોરથી બોલવામાં આવે છે તો દરેક લોકો ચોંકી જાય છે. કોવિડ કપૂરે હાલમાં જ દુનિયાના સૌથી અનોખા અને આજના સમયમાં સૌથી દુર્ભાગ્યપૂર્ણ માનવામાં આવી રહેલા નામના રાખવાના કારણે થનારી એ મુશ્કેલીઓનો મીડિયામાં ખુલાસો કર્યો છે, જેનો તેણે છેલ્લા 4 વર્ષથી સામનો કરવો પડી રહ્યો છે.

બેંગ્લોરના કોવિડ કપૂરનું કહેવું છે કે તે જ્યાં પણ જાય છે, તેનું નામ સાંભળતા જ લોકો ચકિત થઈ જાય છે. પરંતુ તે માને છે કે આ એટલું પણ ખરાબ નથી. કોવિડ કપૂરનું કહેવું છે કે પોતાના નામના કારણે હવે તે હંમેશા કોરાના વાયરસ સાથે જોડાઈ ગયો છે. કોવિડ કપૂર માટે કોરોના મહામારીના શરૂઆતના સમયમાં તેનો સામનો કરવો એટલો સરળ ન રહ્યો હતો. પહેલા તો તેને સાર્વજનિક જગ્યાઓ પર તેમના નામની સાથે બનેવવામાં આવેલા મજાકને લઈને ખોટું લાગ્યું હતું.

એક ટ્રાવેલ એજન્સીના માલિક 31 વર્ષના કપૂરે કહ્યું છે કે, મારા માટે છેલ્લા બે વર્ષ ઘણા ખરાબ રહ્યા હતા. જ્યારે WHO એ કોરાના મહામારીનું ઓફિશિયલ નામની જાહેરાત કરી ત્યારે કોવિડ કપૂરને અહેસાસ થયો કે આ મહામારીનું નામ અને તેનું નામ તો ઘણા હદ સુધી એક જ છે. આ અંગે કોવિડ કપૂર કંઈ કરી શકે તેમ નથી. તેમ છત્તાં આ એક ઘણો જ મનોરંજક સંયોગ હતો. કોવિડ કપૂરે મીડિયાને કહ્યું કે જ્યારે 2019ના અંતમાં પહેલી વખત કોરોના વાયરસનો દુનિયાની સામે ખુલાસો થયો હતો. તે સમયે તેના મિત્રો અને પરિવારના લોકો વચ્ચે મજાક અને મીમ્સની ન ખતમ થનારો સિલસિલો શરૂ થઈ ગયો હતો.

પરંતુ કોવિડ કપૂરને આ વાતનો અંદાજો નહીં હતો કે તેના નામ પર ચાલી રહેલો મજાક ટૂંક સમયમાં તેના ઘર અને મિત્રોની સીમા પાર કરીને સાર્વજનુક જગ્યાઓ પર પણ પહોંચી જશે. ટૂંકમાં જ તેને અહેસાસ થઈ ગયો કે જ્યારે કોઈ રેસ્ટોરન્ટમાં તેનું નામ બોલાવવામાં આવે છે, તો બીજા ગ્રાહકો તેને ઘુરવા લાગે છે. કપૂરે કહ્યું કે, ક્યારેક ક્યારેક જ્યારે મારા મિત્રો સાર્વજનિક રસ્તાઓ પર મારું નામ જોરથી લે છે તો લોકો મને કન્ફ્યુઝ નજરોથી જોતા હતા. જે ઘણી વખત હસવું અપાવે તેવું હતું.

એક મહિલાનો હાથ શાર્ક માછલીના મોં જેવો થઈ ગયો છે. તેણે પોતાના હાથનો ફોટો શેર કર્યો છે અને કહ્યું છે- મને આ વાતનો અંદાજો નહીં હતો કે મારો હાથ એર શાર્કના માથા જેવો દેખાવા લાગશે. અસલમાં આ મહિલાને એક જીવલેણ બીમારીએ જકડી લીધી છે. આ 34 વર્ષની મહિલાનું નામ સેન્ડી કેમ્પો છે. તે પોતાના બે બાળકો સાથે રહે છે. એક દિવસ અચાનક તેને કિડનીમાં સખત દુખાવો ઉપડ્યો હતો.

જેના પછી તે હોસ્પિટલ ચેકઅપ કરાવવા પહોંચી હતી. જ્યાં તેને પેઈન કિલર આપીને ઘરે પાછી મોકલી દેવામાં આવી હતી. પરતું પછીના દિવસે તેને ફરીથી દુખાવો ઉપડતા તે હોસ્પિટલ આવી હતી. જેના પછી તે બેહોશીની હાલતમાં બે અઠવાડિયા સુધી હોસ્પિટલમાં રહી હતી. ડૉક્ટરની માનીએ તો સેન્ડીને આ દુખાવો કિડની સ્ટોનના કારણે થઈ રહ્યો હતો. જેના લીધે તેને ઈન્ફેક્શન થઈ ગયું હતું. જેના પછી આ ઈન્ફેક્શને સેપ્સિસનું રૂપ ધારણ કરી લીધું હતું. જણાવી દઈએ કે સેપ્સિસ એક જીવલેણ કન્ડીશન છે, જ્યાં બોડી પોતાના જ ટિશુ અને ઓર્ગન પર અટેક કરવા લાગે છે. તેના કારણે સેન્ડીની આંગળીઓ કાપીને અલગ કરવી પડી હતી.

પછીથી ડૉક્ટરોએ તેના હાથને પેટના એક ભાગ સાથે સાંધી દીધો હતો. જેનાથી તેના હાથમાં લોહી પહોંચતું રહે. જ્યારે સેન્ડીના હાથને પેટમાંથી બહાર કાઢવામાં આવ્યો તો તે એકદમ અલગ દેખાઈ રહ્યો હતો. બ્રિટનના પીટરબરોની રહેનારી સેન્ડીએ આ અંગે એક વીડિયો બનાવ્યો છે. જેમાં તેણે કહ્યું છે કે તેનો હાથ એક શાર્ક માછલીના મોં જેવો દેખાવા લાગ્યો છે. જ્યારે મેં મારા હાથને પહેલી વખત જોયો અને અંગૂઠાને હલાવવાની કોશિશ કરી તો હું હેરાન રહી ગઈ હતી.

આ શાર્કની જેમ લાગી રહ્યો હતો. તેણે વિચાર્યું ન હતું કે તેનો આ વીડિયો વાયરલ થઈ જશે. સેન્ડીના આ વીડિયોને 60 મિલિયન કરતા વધારે વ્યુઝ મળી ચૂક્યા છે. આ વીડિયોને 2.1 મિલિયન લોકોએ પસંદ કર્યો છે. તેણે કહ્યું હતું કે સેપ્સિસના કારણે મેં ઘણું બધું ગુમાવ્યું છે. મારો હાથ, મારો સંબંધ, સ્વતંત્રતા. આથી હું ઈચ્છું છું કે આવી બીમારી કોઈને ન થાય.હું આ અંગે લોકોમાં જાગૃતતા લાવવા ઈચ્છું છું. વર્ષના આશરે 11 મિલિયન લોકોના મોત આ બીમારીના કારણે થાય છે અને તેમાં પણ મોટાભાગના બાળકો હોય છે.  

રશિયન સોશિયલ મીડિયા સ્ટાર અનાસ્તાસિયા રેડઝિંસ્કાયા માત્ર 7 વર્ષની ઉંમરમાં ઈન્ટરનેટ સ્ટાર બની ગઈ છે. અનાસ્તાસિયા સોશિયલ મીડિયાના કારણે દર મહિને એક કરોડ રૂપિયાથી વધારે કમાણી કરી રહી છે. કે 140 કરોડ રૂપિયાથી વધુની સંપત્તિની માલિક બની ગઈ છે. માત્ર 7 વર્ષની ઉંમરમાં અનાસ્તાસિયા યુટ્યૂબની સૌથી મોટા ક્રિએટર્સમાંની એક બની ગઈ છે. કેટલાંક રિપોર્ટ્સ પ્રમાણે, ગયા વર્ષે તેણે આશરે 200 કરોડ રૂપિયાની કમાણી કરી હતી. અનાસ્તાસિયાને આ ચોંકાવનારી સફળતા પાછળ તેના માતા-પિતાનું સૌથી મોટું યોગદાન છે.

ડેલી સ્ટારના રિપોર્ટ પ્રમાણે, અનાસ્તાસિયા રેડઝિંસ્કાયા પોતાના લક્ઝરી ફેમિલી હોલિડેના આધાર પર કન્ટેન્ટ બનાવે છે. જેને તે યુટ્યૂબ અને ઈન્સ્ટાગ્રામ જેવા સોશિયલ મીડિયા પ્લેટફોર્મ પર અપલોડ કરતી રહે છે. તેમનું ઈન્સ્ટાગ્રામ અકાઉન્ટ બાળકો પર કેન્દ્રિત પૌષ્ટિક સામગ્રી અને આકર્ષક હોલિડે અને મોંઘી પ્રાઈવેટ જેટ યાત્રાઓના ફોટાનું એક મિક્સ મિશ્રણ છે. કરોડોની સંખ્યામાં ફોલોઅર્સ તેના કન્ટેન્ટને પસંદ કરે છે. જેનાથી અનાસ્તાસિયાને મોટી કમાણી થાય છે.

અસલમાં 2014માં જન્મયા પછી તરત અનાસ્તાસિયામાં સેરેબ્રલ પાલ્સી નામની ન્યૂરોલોજીકલ ડિસઓર્ડરની ખબર પડી હતી. જેના કારણે તેના માતા પિતા એન્ના અને સર્ગેઈએ પોતાની નોકરી છોડી દીધી અને પુત્રી માટે એક યુટ્યૂબ ચેનલ લાઈક નાસત્યા શરૂ કરી હતી. તેમનો મુખ્ય હેતુ ચેનલને અનાસ્તાસિયા માટે એક એજ્યુકેશનલ પ્રોજેક્ટના રૂપમાં શરૂ કરવામાં આવ્યો હતો પરંતુ છેલ્લા કેટલાંક વર્ષોની અંદર તેનાથી તેઓ પૈસા કમાવવા લાગ્યા હતા. અહીંથી અનાસ્તાસિયાના માતા પિતાનું મન બદલાયું અને તેઓ અલગ અલગ રીતના કન્ટેન્ટ ક્રિએટ કરવા લાગ્યા. ગયા વર્ષે અગાસ્તાસિયા યુટ્યૂબથી સૌથી વધુ પૈસા કમાનારા કન્ટેન્ટ ક્રિએટર્સના ટોપ 10 લિસ્ટમાં નંબર 6 પર પહોંચી હતી.

4 વર્ષ પહેલા અપલોડ કરવામાં આવેલો વીડિયોને 90 કરોડથી વધારે વ્યુઝ મળી ચૂક્યા છે. જ્યારે લાઈક નાસત્યા યુટ્યૂબ અકાઉન્ટ પર છોકરીના 86 મિલિયન સબસ્ક્રાઈબર્સ થઈ ચૂક્યા છે. ચેનલને અત્યાર સુધીમાં 6900 કરોડથી વ્યુઝ મળી ચૂક્યા છે. આપણે ત્યાં પણ એવા ઘણા લોકો છે જે સોશિયલ મીડિયા અને યુટ્યૂબ દ્વારા કરોડો રૂપિયાની કમાણી કરતા થઈ ગયા છે. તેમાં મુખ્ય કારણ છે તેમનું કન્ટેન્ટ. જો તમારું કન્ટેન્ટ બધા કરતા અલગ હશે તો લોકો તેને પસંદ કરશે જ.

બોલિવુડની એક્ટ્રેસ સારા અલી ખાન ફિલ્મ ઈન્ડ્સ્ટ્રીની સૌથી વધુ ચર્ચિત અભિનેત્રીઓમાંની એક છે. તે પોતાના કામની વચ્ચે પણ વેકેશનની મજા માણવાનું ભૂલતી નથી. ક્યારેક તેની માતા અમૃતા સિંહ સાથે, ક્યારેક ભાઈ ઈબ્રાહિમ સાથે તો ક્યારેક પોતાના ગર્લ ગ્રુપ સાથે વેકેશન એન્જોય કરતી જોવા મળે છે. સારા તેના આ વેકેશનના ફોટોઝસોશિયલ મીડિયા પર શેર કરવાનું ભૂલતી નથી.

 

 

 

View this post on Instagram

A post shared by Sara Ali Khan (@saraalikhan95)

હાલમાં સારા તેની ગર્લ ગેંગ સાથે ફરીથી એક વખત માલદીવ્સમાં વેકેશનની મજા માણતી જોવા મળી છે. તે અહીં પુલમાં ઘણી મસ્તી કરતી જોવા મળી છે. તેણે માલદીવ્સથી આ મસ્તીના ફોટોઝ ઈન્સ્ટાગ્રામ પર શેર કર્યા છે. સારા અલી ખાને બિકીની પહેરેલા ફોટોઝ શેર કર્યા છે. સારા આ ફોટોઝમાં મલ્ટી કલરની બિકીની પહેરેલી જોવા મળે છે અને સ્વિમીંગ પુલના કિનારે ઉભી રહીને પોઝ આપતી જોવા મળી છે. સાથે જ તેણે પોતાના મિત્રો સાથેના ફોટોઝ પણ શેર કર્યા છે. આ ફોટોઝની સાથે તેણે એક વીડિયો પણ શેર કર્યો છે, જેમાં સનસેટ થતો જોવા મળે છે.

 

 

 

View this post on Instagram

A post shared by Sara Ali Khan (@saraalikhan95)

ફોટોઝ અને વીડિયો શેર કરતા સારા અલી ખાને લખ્યું છે કે, ઉપર સ્કાઈ છે અને નીચે સેન્ડ. આસપાસ સમુદ્ર છે અને હું ફ્લોની સાથે આગળ વધતી રહેવા ઈચ્છું છું. સારા અલી ખાન માટે માલદીવ્સ વેકેશન એન્જોય કરવાનું ફેવરિટ ડેસ્ટીનેશન બની ગયેલું લાગે છે. સારાને ફરવાનું ઘણું પસંદ છે અને પોતાની ટ્રિપ અંગે પોતાના ફેન્સને જણાવવાનું ભૂલતી નથી. થોડા દિવસો પહેલા જ સારા અલી ખાન જ્હાન્વી કપૂર સાથે કેદારનાથના દર્શને ગયેલી જોવા મળી હતી.

કોચિંડાના કલર બદલવાની વાત તો આપણે બધાએ સાંભળી જ છે પરંતુ, ક્યારેય કોઈ પહાડને કલર બદલતા જોયો છે. સાંભળીને ચોંકી ગયા ને કે ભઈ પહાડ તે કંઈ રીતે કલર બદલી શકે. પરંતુ આ વાત એકદમ સાચી છે. પહેલી વખતમાં સાંભળતા વિચિત્ર જરૂર લાગશે પરંતુ, ઓસ્ટ્રેલિયામાં એક પહાડ રોજ સવારથી સાંજ સુધી આવું જ કરે છે. તે રોજ કલર બદલે છે અને દરેક મોસમમાં તેનો મિજાજ આવો જ જોવા મળે છે.

આ પહાડ ઓસ્ટ્રેલિયાના ઉત્તરીય વિસ્તારમાં છે. તે યુનિસેફની વર્લ્ડ હેરિટેજ સાઈટ્સમાંથી એક છે. ઓસ્ટ્રેલિયાના આ વિસ્તારમાં સામાન્ય રીતે દેશના જનજાતીય લોકો રહે છે. આ પહાડને ઉલુરુ પહાડ અથવા આર્યસ રોક કહેવામાં આવે છે. આ પહાડ અંગે આશરે 150 વર્ષ પહેલા જાણવા મળ્યું હતું. 1873માં તેની ઓળખ એક અંગ્રેજ જબલ્યુજી ગોસે કરી હતી. જોકે તે વખતે હેનરી આર્યસ વડાપ્રધાન હતા, તેથી તેનું નામ આર્યસ રોક રાખવામાં આવ્યું હતું પરંતુ, સ્થાનિક લોકો તેને ઉલુરુ પહાડ તરીકે જ ઓળખે છે.

આ ઈંડાકાર પહાડ 335 મીટર ઊંચો છે અને તેની ગોળાઈ 07 કિલોમીટર છે જ્યારે પહોળાઈ 2.4 કિમી છે. સામાન્ય રીતે આ પહાડનો રંગ લાલ હોય છે. તેના રંગોમાં ચમત્કારી બદલાવ સૂરજના નીકળવાના સમયે અને સાંજના સૂર્યાસ્તના સમયે હોય છે. જ્યારે સવારે સૂરજના કિરણો તેની પર પડે છે તો લાગે છે કે પહાડ પર આગ લાગી છે અને તેમાંથી પર્પલ કલર અને એકદમ લાલ ચટ્ટાક રંગના કિરણો નીકળી રહ્યા છે.

આ જ રીતે સાંજે સૂરજના આથમવાના સમયે લાલ કલરના આ પહાડ પર ઘણી વખત પર્પલ કલરના પડછાયા જોવા મળે છે. સવારથી લઈને સાંજ સુધી તેનો કલર ક્યારેક પીળો, ક્યારેક નારંગી, તો ક્યારેક લાલ થઈ જાય છે. ક્યારેક તે પર્પલ કલરનો પણ થઈ જાય છે. અસલમાં આ ચમત્કાર નથી પરંતુ, આવું તેની ખાસ સંચરનાને કારણે થાય છે. તેના પથ્થરની સંરચના વિશેષ રીતની છે. સૂરજના આવનારા કિરણોના દિવસભર બદલાતા કોણ અને મોસમમાં બદલાવ પર તેનો રંગ બદલાતો રહે છે. આ પહાડી બલુઆ પથ્થર એટલે કે સેન્ડ સ્ટોનમાંથી બનેલો છે, જેને કોંગ્લામેરેટ પણ કહેવામાં આવે છે.

સવારે અને સાંજે સૂર્યમાંથી આવતા પ્રકાશમાં લાલ અને નારંગી કલર વધારે માત્રામાં હોય છે કારણ કે બીજા રંગ વાયુમંડળ દ્વારા વેર વિખેર કરી દેવામાં આવે છે. આ બે રંગોના કારણે અને બલુઆ પથ્થરની વિશેષ સંરચનાને કારણે આ પહાડ લાલ અને નારંગી દેખાય છે. બપોરના સમયે સૂર્યના પ્રકાશમાં બીજા કેટલાંક રંગ પણ વધારે આવવા લાગે છે, ત્યારે તે પોતાનો રંગ બદલે છે. રંગોમાં બદલાવને લીધે પ્રાચીન સમયમાં અહીં રહેનારા લોકો તેને ભગવાનનું ઘર માનતા હતા. તળેટીમાં બનેલી ગુફાઓમાં પૂજા કરતા હતા, હવે તો આ પહાડ સુધી પહોંચવા માટે રસ્તાઓ બનાવી દેવામાં આવ્યા છે. હવે આ પહાડ ટુરિસ્ટ સ્પોટ બની ગયો છે.

ઓસ્ટ્રેલિયાની સરકારે આ પહાડની પાસે 487 વર્ગના ક્ષેત્રમાં માઉન્ટ ઓલ્ગા રાષ્ટ્રીય પાર્ક બનાવી દીધો છે. આ પાર્કમાં કાંગારૂ, બેંડીકુટ, વાબાલી અને યુરો જેવા વિચિત્ર જાનવરોને પણ રાખવામાં આવ્યા છે. અહીં અલગ અલગ પ્રકારના વૃક્ષો પણ રોપવામાં આવ્યા છે. દર વર્ષે હજારોની સંખ્યામાં લોકો આ પહાડને જોવા માટે આવે છે. કેટલાંક લોકો ઘણા કિમી દૂર બેસીને આખો દિવસ તેના બદલાતા કલરને જોતા રહે છે. તો કેટલાંક લોકો અહીં ટ્રેકિંગ પણ કરે છે. દુનિયામાં આના જેવો રંગ બદલતો પહાડ બીજે ક્યાંય નથી.     

બોલિવુડ એક્ટર બોબી દેઓલ પર બનાવવામાં આવેલા મીમ્સ ઘણા હીટ થયેલા જોવા મળ્યા છે. સોશિયલ મીડિયા પર તેના અલગ અલગ નામથી ફેન પેજ છે. જેની પર બોબી દેઓલ સાથે જોડાયેલા હજારો મીમ્સ તમને મળી જશે. એક્ટર પ્રત્યેની આ દિવાનગી માત્ર ભારતમાં જ નહીં, પરંતુ બોર્ડરની પેલે પાર પણ જોવા મળશે.

This one got me ?…
The real hero is our team giving their best shot to make #India proud at the #Olympics! Here's wishing good luck to each one of them! ?? #Tokyo2020 https://t.co/P3iL7nFbyx

— Bobby Deol (@thedeol) July 31, 2021

થોડા મહિના પહેલાના ડેટા જોવામાં આવે તો બોબી દેઓલ પર બનેલા મીમ્સ ટ્વિટર અકાઉન્ટ બોબીવુડએ ઘણા બનાવેલા જોવા મળશે. આ અકાઉન્ટના મીમ્સ ઘણી ચર્ચામાં પણ આવ્યા હતા. આ ટ્વિટર અકાઉન્ટ બોબી દેઓલને ભગવાન માનવાની સાથે તેની સુપ્રીમસીને પણ દર્શાવે છે. ઘણા લોકો આ ટ્વિટર અકાઉન્ટ અંગે જાણે છે, પંરતુ લોકોને કદાચ જ ખબર હશે કે 22 હજારથી વધારે ફોલોઅર્સ ધરાવતું આ અકાઉન્ટ સરહદ પાર પડોશી દેશ પાકિસ્તાનના કરાચીમાં રહેતો એક વ્યક્તિ ઓપરેટ કરે છે. જેનું નામ છે અબ્દુલ અહદ જાવેદ.

Gupt: The Hidden Truth (1997) pic.twitter.com/Jj4QvQlyWD

— Bobbywood (@Bobbywood_) April 18, 2021

નેગેટીવીટીને દૂર કરવા માટે આ અકાઉન્ટ માત્ર એક વારમાં જ એવી એક પોસ્ટથી જ અપડેટ થાય છે. બોલિવુડનો મતલબ છે દેશ અને દુનિયામાં ખુશી ફેલાવવાનું. ઈન્ડિયન એક્સપ્રેસ.કોમ સાથે વાતચીત કરતા આ અકાઉન્ટ ચલાવનાર જાવેદ કહે છે કે, મને લાગે છે કે દુનિયામાં ઘણી નકારાત્મકતા ભરાઈ ચૂકી છે. દરરોજ આપણે એક ખરાબ ન્યૂઝ અંગે સાંભળીએ છીએ. દુનિયાના કોઈ પણ ખૂણામાં કંઈક ને કંઈક ખરાબ થતું જોવા મળે છે. ખાસ કરીને પેનડેમિક દરમિયાન આપણે બધા ઘણું બધુ આવું જોયું છે. તેવામાં મેં વિચાર્યું કે લોકોને હસવા માટેનું કારણ કેમ ન બની શકું. સૌને હસાવી શકાય.

“Bobbywood is all about spreading happiness and positivity”.

Thank you @ridaalodhii https://t.co/ufuytRFW0Y

— Bobbywood (@Bobbywood_) April 19, 2021

વર્ષની શરૂઆતથી જ આ અકાઉન્ટ લોકોના ધ્યાનમાં આવવા લાગ્યું. દર વખતે તે કોઈ પણ વાત પર બોબી દેઓલ પર એકદમ યોગ્ય એવા મોમેન્ટ લઈને શેર કરતો હતો. બાદલ એક્ટરને થર્ડ એમ્પાયર બનાવવાથી લઈને કોવિડ-19 RC-PCR ટેસ્ટ કંઈ રીતે બોબી દેઓલે 90ના શતકમાં જ વિચારી લીધી હતી, તે સિવાય બીજા ઘણા મીમ્સ આ અકાઉન્ટ અપલોડ કરે છે અને લોકોના મોઢા પર હાસ્ય લાવે છે. બોબી દેઓલે પોતે પણ તેના આ મીમ્સને શેર કર્યું છે. પરંતુ જાવેદનું કહેવું છે કે જ્યાં સુધી તે બોબી દેઓલ સાથે કામ ન કરી લે ત્યાં સુધી બોબીની આ અપ્રુવલ પણ પૂરતી નથી.

અરબ સાગરમાં આવેલો આ આઈલેન્ડ, જેને પાકિસ્તાનના હીડન જેમ(છૂપાયેલો ખજાનો) કહેવામાં આવે છે. આ બલૂચિસ્તાનના તટથી આશરે  કિમીથી દૂર છે. લગભગ 7 કિમી લાંબો અને 2.5 કિમી પહોળો આ આઈલેન્ડ લગભગ તદ્દન વેરાન છે. અહીં ચારો તરફ સફેદ ચટ્ટાનો છે, જેનાથી આગળ સમુદ્રનું ટ્રાન્સપરન્ટ બ્લૂ રંગનુ પાણી શરૂ થાય છે. આ જગ્યાને જોઈને એવું લાગે છે કે જાણે મેડીટેરેનીયન સમુદ્રના કિનારે ઉભા છીએ. આ એસ્ટોલા આઈલેન્ડને સ્થાનીય જજીરા હફતા તલાર(સાત પહાડોના આઈલેન્ડ)ના નામથી પણ જાણવામાં આવે છે. લાંબા સમયથી આ પાકિસ્તાનમાં લોકોથી અજાણ રહ્યો હતો. મોટાભાગના દરેક લોકો માટે અજાણ્યા એવા આ આઈલેન્ડ પર કોઈ પણ ટ્રાવેલરને પસંદ આવે તેવી બધી વસ્તુઓ છે. એતો અહીંનો રસ્તો એટલો દુર્ગમ છે જેનાથી આઈલેન્ડની સુંદરતા હજુ પણ એવી જ છે.

તમારે એસ્ટોલા જવું હોય તો કરાચીથી પાસની સુધી 7 કલાકનું ડ્રાઈવ કરવું પડે છે. પાસની, અરબ સાગરનું એક સમુદ્રી બંદર છે. જે એસ્ટોલાથી લગભગ 40 કિમી દૂર છે. પાસનીથી આશરે 3 કલાક બોટમાં સફર કર્યા પછી એસ્ટોલા આઈલેન્ડ પહોંચી શકાય છે. દ્વીપ પર કોઈ સુવિધા નથી. એક જૂનુ લાઈટ હાઉસ અને એક નાનકડી મસ્જિદ જ છે. તે સિવાય અહીં કોઈ સુવિધા મળતી નથી. આઈલેન્ડ પર આવનારા લોકો સામાન્ય રીતે સમુદ્ર તટ પર જ ધામા નાખે છે. અહીં આવનારા પર્યટકો સમુદ્રમાં તરવા અને તેના ઊંડા પાણીમાં ડૂબકી મારવાની મજા માણે છે. પાકિસ્તાની માછીમારો સપ્ટેમ્બરથી મે મહિના સુધી એસ્ટોલાને પોતાનું ઘર બનાવે છે.

તેઓ અહીં ઝીંગા, ક્રેબ્સ અને સીપ પકડવા માટે આવે છે. એસ્ટોલાની મુલાકાત લેવાનો આ પરફેક્ટ સમય છે. આખો દિવસ સામાન્ય હવા ચાલે છે. સમુદ્રના પાણીનો રંગ અને પેટર્ન પણ લહેરો સાથે બદલાય છે. અહીં પાણી એટલું સાફ છે કે સમુદ્રમાં લગભગ 20 ફૂટ નીચે સુધી જોઈ શકાય છે. પરંતુ જૂન થી ઓગષ્ટમાં ચોમાસાની સીઝન હોવાને લીધે એસ્ટોલાની મુલાકાત લેવાનું અઘરું પડી જાય છે. આ સમ. દરમિયાન સમુદ્રમાં ઉથલ પાછલ જોવા મળે છે. તાજા પાણીની કમીને લઈને એસ્ટોલા મોટેભાગે બંજર છે. સિવાય થોડી ઝાડીઓ અને ઘાસ સિવાય અહીં કોઈ વૃક્ષો જોવા મળશે નહીં. પરંતુ આઈલેન્ડની આસપાસનું પાણી સમુદ્ર જીવો જેવા કે કોરલ, ડોલ્ફિન, વ્હેલ અને વિભિન્ન પ્રકારની માછલીની પ્રજાતિઓથી ભરેલી છે. રેતીવાળા સમુદ્ર કિનારો ઘણા પક્ષીઓની પ્રજાતિઓના પ્રજનન માટે મેદાન તરીકે કામ કરે છે.

પરંતુ દુર્ભાગ્યવશ માછલી પકડવા માટેની કાયદાકીય અને ગેરકાયેદસરની ગતિવિધીઓને કારણે અહીં ઘણું નુકસાન પહોંચ્યુ છે. માછીમારો કિનારે કચરો અને તૂટેલી જાળીઓને અહીં જ છોડીને જતા રહે છે, જે કોરલમાં ફસાઈ જાય છે અને તેમને નુકસાન પહોંચાડે છે. સુટી ગુલ નામનું પક્ષી, જેના માટે આ જગ્યા પ્રજનન માટેનું મુખ્ય સ્થાન હતું, જે ઉંદરોના વધતા ત્રાસને કારણે બદલાઈ ગયું છે. તેના ઉકેલ માટે આઈલેન્ડ પર છોડવામાં આવેલી બિલાડીઓ કાંચબાના બિલને ખોદી નાખે છે અને તેમના ઈંડાની સાથે તેમના બાળકોને પણ ખાઈ જાય છે. 2017માં એસ્ટોલા આઈલેન્ડને પાકિસ્તાનનો પહેલો સમુદ્ર સંરક્ષિત ક્ષેત્ર જાહેર કરવામાં આવ્યો હતો. પરંતુ હજી પણ અહીં પ્રદૂષણની સમસ્યાથી નિપટવા માટે કોઈ યોજના તૈયાર નથી.        

અમેરિકામાં રહેનારી 21 વર્ષની મોડલ ક્લેયર બ્રિઝેસને કોવિડના ઈલાજ દરમિયાન પોતાના બંને પગ ગુમાવવા પડ્યા છે. તેણે બંને વેક્સીન લીધી હોવા છત્તા તેને કોરાના થઈ ગયો. થોડા દિવસો પહેલા જ તેને હોસ્પિટલમાંથી રજા આપવામાં આવી છે. તે આશરે 2 મહિના સુધી કોરોનાના કારણે હોસ્પિટલમાં એડમિટ હતી. કઠીન પરિસ્થિતિમાંથી બહાર નીકળી અને પોતે જીવીત હોવાથી બ્રિજેસ ઘણી ખુશ છે.

 

 

 

View this post on Instagram

A post shared by Carolyn Claire Bridges (@clurby)

ડેલી મેલના કહેવા પ્રમાણે, મોડલ અને પર્વતારોહી ક્લેયક બ્રિજેસ ફ્લોરિડામાં રહે છે. તેણે કોરોનાની વેક્સીનના બંને ડોઝ લઈ લીધા હતા. પરંતુ જાન્યુઆરીની શરૂઆતમાં તે કોવિડ પોઝિટીવ મળી આવી હતી. કોરોના થયા પછીથી જ હ્રદય રોગથી પીડિત બ્રિજેસની હાલત ઘણી ખરાબ થવા લાગી હતી. 1તેને હોસ્પિટલમાં એડમિટ કરવામાં આવી હતી. જેમાં તેની તપાસ કરવામાં આવતા ખબર પડી કે બ્રિજેસને કોવિડની સાથે માયોકાર્ડિટિસ, સાયનોટિક, એસિડોસિસ, રબડોમાયોલિસિસ અને નિમોનિયા થયો છે.

કોરોનાથી સંક્રમિત થયા પછી ક્લેયર બ્રિજેસને લીવર ડેમેજ, કિડની ફેલ, Rhabdomyolysis જેવી મુશ્કેલીઓમાંથી પણ પસાર થવું પડ્યું હતું. પ્રતિબંધિત લોહીના પ્રવાહથી તેના પગને ઘણું નુકસાન પહોંચી રહ્યું હતું. જેના લીધે ડૉક્ટરોએ બ્રિજેસના બંને પગ કાપવાનો નિર્ણય લેવો પડ્યો હતો. રિપોર્ટ પ્રમાણે, બ્રિજેસનો જન્મ મહાધમની વાલ્વ સ્ટેનોસિસની સાથે થયો હતો. નવ વર્ષની ઉંમરમાં તેની ઓપન હાર્ટ સર્જરી કરવામાં આવી હતી. તે જન્મથી જ તમામ શારિરીક મુશ્કેલીઓનો સામનો કરતી આવી છે. પરંતુ કોવિડે તેની લાઈફ બદલી નાખી છે.

આટલી બધી મુશ્કેલીઓનો સામનો કરવા છત્તાં તેણે લાઈફથી હાર માની નથી. આટલી બધી કપરી પરિસ્થિતિનો સામનો કરવા છત્તાં તે હજુ પણ પોતાની લાઈફની મજા માણી રહેલી જોવા મળી છે. તેણે હાલમાં થોડા દિવસો પહેલા જ તેના 21મા જન્મદિવસની ઉજવણી કરી છે. બ્રિજેસના પિતાએ કહ્યું છે કે તે જીવીત બચી ગઈ, તેના માટે તે ઘણી ખુશ છે. વ્હીલચેરમાં બેઠેલી બ્રિજેસનો હસતા ઘણા ફોટા સામે આવ્યા છે.

દર વર્ષે 8 માર્ચના રોજ આંતરરાષ્ટ્રીય સ્તરે મહિલા દિવસની ઉજવણી કરવામાં આવે છે. આજના સમયે મહિલાઓ પુરુષો સાથે કદમ પર કદમ મિલાવીને ચાલી રહી છે અને પોતાની ઓળખ બનાવી રહી છે. આ વાત કહેવી સહેજ પણ ખોટી નથી કે મહિલાઓનું જીવન ઘણું સંઘર્ષ ભર્યુ હોય છે. તે પુત્રી, વહુ, માતા, સાસુ, દાદી સુધીની દરેક જવાબદારી ઘણી સારી રીતે નિભાવે છે. પોતાની જવાબદારી નિભાવતા નિભાવતા તે પોતાના સ્વાસ્થ્ય પર યોગ્ય ધ્યાન આપતી નથી. પરંતુ તેમણે પોતાના સ્વાસ્થ્ય પર પણ ધ્યાન આપવું જોઈએ. માટે દરેક ઉંમરની મહિલાઓએ પોતાના સ્વાસ્થ્ય પર ધ્યાન આપવા માટે આ કામો ચોક્કસથી કરવા જોઈએ.

તણાવ ઓછો કરો

એક્સપર્ટ કહે છે કે મોટેભાગની મહિલાઓ સ્ટ્રેસ હેઠળ જીવતી હોય છે. જેની અસર તેમના સ્વાસ્થ્ય પર થતી હોય છે. અમે સમજી શકીએ છે કે જવાબદારી, કરિયર વગેરેના કારણે સ્ટ્રેસ સામાન્ય વાત છે પરંતુ સ્ટ્રેસ લેવાથી કોઈ સમસ્યાનો હલ આવાનો નથી. આથી સ્ટ્રેસને લેતા પોતાની મુશ્કેલી પરિવાર સાથે શેર કરે અને તેનું હલ કાઢવું જોઈએ. સ્ટ્રેસથી ઈનફર્ટીલિટી, ડિપ્રેશન, એન્ઝાયટી અને હ્રદય રોગના હુમલાનો ખતરો વધી જાય છે. આ માટે મેડિટેશન અને યોગ કરવા જોઈએ.

પૂરતી માત્રામાં પાણી પીઓ

સ્વાસ્થ્યને સારું બનાવવા માટે સૌથી મોટા કારણોમાંથી એક છે, શરીરને હાઈડ્રેટ રાખવું. શરીરનો લગભગ 60 ટકા ભાગ પાણીથી બન્યો છે. જેનો અર્થ છે કે તમારા શરીરમાં અંગો અને કોશિકાઓને સારી રીતે કામ કરવા માટે પાણીની માત્રા પૂરતી હોવું જરૂરી છે. પૂરતા પાણીથી તમારા સ્વાસ્થ્યની સાથે ત્વચાને પણ ગ્લો મળે છે. રોજનું 5-6 લિટર પાણી પીવું જોઈએ.

7-8 કલાકની ઊંઘ લો

શરીર માટે પૂરતી ઊંઘ ફાયદાકારક છે કારણ કે એક્સપર્ટ્સ કહે છે કે ઊંઘ સમગ્ર સ્વાસ્થ્ય માટે ઘણું મહત્ત્વપુર્ણ છે. સારી ઊંઘ લેવાથી મસ્તિષ્ક અને શરીર રીસેટ થાય છે. મહિલાઓમાં ઘણી વખત જોવામાં આવ્યું છે કે તે ઘરના કામ, બાળકોના ભણતર માટે તે મોડે સુધી જાગે છે અને ફરી જલદીથી ઉઠે છે. જેના કારણે પૂરતી ઊંઘ મળતી નથી.

હેલ્ધી ફૂડ ખાઓ

ટ્રેન્ડી ડાયેટ અને જંક અથવા ફાસ્ટ ફૂડ ખાવાનું બધાને ગમતું હોય છે. પરંતુ આ વસ્તુઓ શરીરને ઘણું નુકસાન પહોંચાડે છે. આથી પુરુષોની સાથે મહિલાઓને પણ હેલ્ધી ખાવાનું ખાવાની સલાહ આપવામાં આવે છે. તાજા ફળો અથવા શાકભાજી, આખું અનાજ, બ્રાઉન રાઈસ, ઓટ્સને પોતાના ડાયેટમાં સામેલ કરવા જોઈએ.

પોતાના શરીરને સાંભળો

સારા સ્વાસ્થ્ય માટે પોતાના શરીરને સાંભળવું ઘણું જરૂરી છે. જો તમારું શરીર તમને સિગ્નલ આપી રહ્યું છે કે તે ઘણું થાકી ચૂક્યું છે, તેને ન્યૂટ્રિશનની જરૂર છે અને છત્તાં તમે કામ કરશો અથવા ખાવાનું નહીં ખાઓ તો તમારા શરીરને નુકસાન પહોંચી શકે છે.

રોજ 20-30 મિનિટ ચાલો

સ્વસ્થ રહેવા માટે કલાકો જીમમાં વિતાવવાની જરૂર નથી. તેના બદલે તમે રોજ 20-30 મિનિટ ચાલશો તો પણ શરીરને તેના ઘણા ફાયદા થશે. જો તમારી પાસે સમય છે તો તમે કાર્ડિયો, વેઈટ ટ્રેનિંગ અથવા હોમ વર્કઆઉટ પણ કરી શકો છો.

વર્ષમાં એક વખત ડોક્ટરની મુલાકાત લો

કેટલાંક એક્સપર્ટ કહે છે કે મહિલાઓએ વર્ષમાં એક વખત તેમના ડોક્ટરની મુલાકાત લઈને રુટીન ચેકઅપ કરાવવા જોઈએ. આ સિવાય પોતાના ખાવાનામાં ફાઈબરની માત્રા વધારવી જોઈએ.તે સિવાય જે ફૂડ્સમાં ભરપૂર માત્રામાં વિટામિન અને મીનરલ્સ હોય તેને ખાવામાં ઉમેરવા જોઈએ. તેની સાથે સૌથી જરૂરી વસ્તુ કોઈ પણ મુશ્કેલી આવે હંમેશા ખુશ રહેવું જોઈએ.

એક્ટ્રેસ ઉર્ફી જાવેદ આજના સમયમાં સોશિયલ મીડિયા સેન્સેશન છે. તેની અતરંગી ફેશન સ્ટાઈલ ચર્ચામાં બનેલી રહે છે. જોકે ઘણી વખત તે વોર્ડરોબ માલફંક્શનના કારણે ટ્રોલર્સના નિશાના પર પણ આવે છે પરંતુ એક્ટ્રેસને તેનાથી કોઈ ફરક પડતો નથી. તેનું મન જે કહે ઉર્ફી તે જ કરવાનું પસંદ કરે છે. ઘણી યંગ એજમાં તે સ્લટ શેમ થઈ ચૂકી છે. હાલમાં જ એક ઈન્ટરવ્યુમાં ઉર્ફી જાવેદે આ ઘટના અંગે વાત કરી હતી.

 

 

 

View this post on Instagram

A post shared by Uorfi (@urf7i)

ઉર્ફીએ કહ્યું હતું કે તે જ્યારે 15 વર્ષની હતી તો તેનો ફોટો પોર્ન સાઈટ પર કોઈએ અપલોડ કરી દીધો હતો. જેના પછી તેના જ પરિવારે તેને સ્લટ શેમ કરી હતી. સિટીના લોકો પણ તેમાં સામેલ થયા હતા. લખનૌમાં આ ઘટના ઘટી હતી. આરજે અનમોલ અને અમૃતા રાવ સાથે વાત કરતી વખતે ઉર્ફી જાવેદે કહ્યું હતું કે, હું લખનૌમાં હતી અને 15 વર્ષની હતી. મેં ઓફ શોલ્ડર ટોપ પહેર્યું હતું. તે જમાનામાં લખનૌમાં કોઈ આ રીતના કપડાં પહેરતા ન હતા અને મળતા પણ ન હતા. તેવામાં મેં મારા એક ટોપને ઉપરથી કાપીને તેને ઓફ શોલ્ડર બનાવ્યું હતું. મેં ફેસબુક પર આ ટોપ પહેરીને ફોટો અપલોડ કર્યો હતો અને કોઈએ આ ફોટો પોર્ન સાઈટ પર અપલોડ કરી દીધો હતો.

ઉર્ફી જાવેદે આગળ કહ્યું હતું કે, તે એક સાધારણ ટ્યૂબ ટોપ હતું. તેમાં કંઈ જ ખરાબ કે ખોટું ન હતું. પરંતુ લોકોએ મને ઘણી ખરાબ વાતો કહી હતી. આખું શહેર, ટાઉન અને મારા પરિવારના લોકો પણ તેમાં સામેલ હતા. તેમણે કહ્યું કે તે આ શું પહેર્યું છે, તારી ભૂલ છે. એક તો તું છોકરી છે અને આવું પહેર્યું છે અને તારામાં આટલી હિંમત ક્યાંથી આવી કે તેને પહેરીને તેણે ફેસબુક પર ફોટો પણ અપલોડ કરી દીધો. અમૃતા રાવ અને આરજે અનમોવે ઉર્ફી જાવેદને પૂછ્યું હતું કે, તેણે આ સ્થિતિને કેવી રીતે હેન્ડલ કરી હતી.

તેની પર ઉર્ફીએ જવાબ આપ્યો કે મને ખબર નહીં હતી કે હું કેવી રીતે આ સ્થિતિનો સામનો કરું. હું આ બધાને કેવી રીતે ફેસ કરીશ. તમને ખબર નથી હોતી કે તમે કેટલાં મજબૂત છો, જ્યાં સુધી આવી કોઈ સ્થિતિમાં નથી આવતા. આવી સ્થિતિમાં તમારી પાસે બે જ ઓપ્શન હોય છે. યા તો લડો યા મરો. મારી અંદર મરવાની હિંમત ન હતી આથી મેં તેમની સામે લડવાનું પસંદ કર્યું હતું અને આજે પણ હજુ એ જ કરી રહી છું.

હાલમાં વાતાવરણ વિભાગ દ્વારા ગરમી માટે અલગ અલગ રાજ્યો અને શહેરમાં અલગ અલગ સિગ્નલ આપવામાં આવી રહી છે. ગરમીનો પારો 41 ડિગ્રી સે.ની આસપાસ જવાની ચેતવણી આપવામાં આવી છે. તેવામાં સરકાર દ્વારા ગરમીથી બચવા માટેના વિવિધ ઉપાયો જણાવવામાં આવ્યા છે. તેમાં પહેલી વાત પોતાના શરીરને હાઈડ્રેટ કરવાની છે. લૂમાંથી બચવા માટે તમારા શરીરને હાઈડ્રેટ રાખવું ઘણું જરૂરી છે અને તેના માટે તમે લીંબુ પાણી અથવા રસના જેવા પ્રવાહીનું સેવન કરી શકો છો. આ સાથે હાલમાં ડાયેટમાં પીવામાં આવતા ડિટોક્સ વોટરની પણ ઘણી બોલબાલા છે.

પાણીને ડિટોક્સ કરીને પીવાના ઘણા ફાયદા છે. આ શરીરમાં થનારી ઘણી મુશ્કેલીઓમાંથી છૂટકારો અપાવે છે. સાથે જ જો તમે તેને રોજ પીશો તો તમારી બોડી સખત ગરમીમાં પણ હાઈડ્રેટ રહેશે. આજકાલ લોકો વજન ઓછું કરવા માટે ઘણા અખતરાઓ કરતા હોય છે. તેવામાં જો કોઈ ડિટોક્સ વોટરનું સેવન કરે તો આ પાણી તમારા શરીરમાંથી નકામા કચરાને બહાર કાઢવામાં ઘણું મદદગાર સાબિત થઈ શકે છે. સાથે જ તે તમારા ડાઈજેશન સિસ્ટમને પણ યોગ્ય કરે છે.

કાકડી ડિટોક્સ વોટરઃ

1 નંગ કાકડી

એડધો લીટર પાણી

સિંધવ પાવડર

1 નંગ લીંબુ

ફૂદીનાના પાંદડા

બનાવવાની રીતઃ

સૌથી પહેલા કાકડીની સ્લાઈસ કરી તેને અડધા લીટર પાણીમાં નાખો. પછી તેમાં સ્વાદ પ્રમાણે લીંબુ, સિંધવ નાખો. પછી 4-5 કલાક માટે ફ્રીઝમાં ઠંડુ કરવા મૂકો. પછી તેને બહાર કાઢો અને ફૂદીનાના પાન ખાનીને રોજ સવારે ખાલી પેટે પીવો અથવા આખો દિવસ પણ તમે આ પાણી પી શકો છો.

એપલ સિનેમન ડિટોક્સ વોટરઃ

2 સફરજન

તજના 2 ટુકડા

અડધો લીટર પાણી

લીંબુ

બનાવવાની રીતઃ

સૌથી પહેલા સફરજનની સ્લાઈસ કરો. પછી તેને પાણીમાં નાખો. હવે આ પાણીમાં લીંબુની પણ સ્લાઈસ અને તજના ટુકડા નાખો. તેને મિક્સ કરીને 4-5 કલાક માટે ફ્રીઝમાં ઠંડુ કરવા મૂકો. તેને સવારે ભૂખ્યા પેટે પૂવો. આ પાણી પીવાથી સતત કોઈ બીમારીઓ દૂર રહે છે. તેને પીવાથી તમારી કિડની ઘણી સાફ રહેશે. તજ તમારા શરીરમાંથી ટોક્સિન હટાવવામાં મદદ કરશે.