વાળ ખરવા એ એક સામાન્ય સમસ્યા બની ગઈ છે અને મોટાભાગના લોકો આ સમસ્યાનો સામનો કરી રહ્યા છે. પરંતુ જો તમારા વાળ જરૂરિયાત કરતા વધુ ખરતા હોય તો સ્થિતિ ગંભીર હોઈ શકે છે. જો તમારા વાળ સામાન્ય કરતા વધુ અને જગ્યાએ-જગ્યાએ ખરતા હોય તો તમે એલોપેસિયાના શિકાર હોઈ શકો છો.

શું છે એલોપેસિયા?

પુરુષોમાં હેર લોસને તેમની વધતી ઉંમર સાથે જોડી દેવામાં આવે છે, પરંતુ એલોપેસિયામાં એવું નથી હોતું. પુરુષ હોય કે મહિલા, કોઈને પણ એલોપેસિયાની ફરિયાદ હોઈ શકે છે. આ બીમારીમાં વાળ માત્ર સ્કાલ્પમાંથી જ નહીં પરંતુ શરીરના કોઈપણ ભાગમાંથી ખરવા માંડે છે. જીનેટિક્સના આધાર પર એલોપેસિયામાં સૌથી વધુ વાળ માથા પરથી ખરે છે. દરેક મહિલા અને પુરુષના રોજ 100 વાળ ખરવા સામાન્ય વાત છે, પરંતુ વધુ પડતા વાળ ખરવા એ સારો સંકેત નથી.

એલોપેસિયાના લક્ષણ

મોટાભાગના લોકોના વાળ દર મહિને અડધો ઈંચ સુધી વધે છે અને વાળનો 90 ટકા હિસ્સો આપમેળે જ વધ્યા કરે છે, જ્યારે 10 ટકા હિસ્સો નિષ્ક્રિય રહે છે. બે કે ત્રણ મહિના બાદ વાળનો આ 10 ટકા નિષ્ક્રિય હિસ્સો પણ ખરવા માંડે છે અને તેની જગ્યાએ નવા વાળ આવવા માંડે છે. આ પ્રક્રિયા સતત ચાલ્યા જ કરે છે.

એલોપેસિયામાં વાળ ખરવાને કારણે માથાની ત્વચા પર ગોળાકાર પેચ બનવા માંડે છે. વાળ ખરવા અને હેર લોસ બંને અલગ-અલગ હોય છે. સ્ટ્રેસ, પ્રેગ્નેન્સી, ડિવોર્સ અથવા દુઃખ પણ વાળ ખરવાનું કારણ બની શકે છે. જ્યારે હેર લોસ થવા પર નવા વાળ ઉગવાના બંધ થઈ જાય છે. ખરાબ હેરસ્ટાઈલ, હોર્મોનમાં ગડબડ, સર્જરી, બીમારી અને ન્યુટ્રિશનની ઉણપને કારણે એલોપેસિયા થઈ શકે છે.

આથી, જો તમારા પણ વધુ પડતા હેર લોસ થઈ ગયા હોય, તો ઊંટવૈદું કરવાને બદલે યોગ્ય હેસ સ્પેશ્યાલિસ્ટ પાસે જઈને ચેકઅપ કરાવ્યા બાદ તેનો ઈલાજ કરવો વધુ હિતાવહ છે.

જો તમે ગોરા થવા માટે કોઈ વેબસાઈટ પરથી ફેરનેસ ક્રીમ ઓર્ડર કરીને તેનો ઉપયોગ કરતા હો તો આ સમાચાર તમારા માટે છે. તમારે અત્યારથી જ સાવધાન થઈને આ ક્રીમોથી દૂર થઈ જવુ જોઈએ. લોકોના મનમાં ગોરા થવાની ભાવના જન્માવીને ઈ-કોમર્સ સાઈટ્સ દુનિયાભરમાં હાઈ મર્ક્યુરી મિક્સ્ડ ફેરનેસ ક્રીમ વેચી રહી છે. જે તમારા સ્વાસ્થ્ય માટે ખતરનાક સાબિત થઈ શકે છે. પહેલા આવી ક્રીમોથી લોકોને સાઈડ ઈફેક્ટ થવાની ફરિયાદો આવી હતી. ત્યારબાદ મિનામાતા કન્વેશન ઓન મર્ક્યુરીમાં કોસ્મેટિક્સમાં મર્ક્યુરીની મર્યાદા નક્કી કરવામાં આવી હતી. ત્યારે કહેવામાં આવ્યું હતું કે, 1 કિલો કોસ્મેટિક્સ અથવા ક્રીમ બનાવવામાં મહત્તમ 1 મિલિગ્રામ મર્ક્યુરીનો ઉપયોગ થશે. એટલે કે કોસ્મેટિક્સમાં મર્ક્યુરીનો હિસ્સો 10 લાખમો (PPM) હશે.

ક્રીમોમાં મર્ક્યુરીની લિમિટ નક્કી કરવાની સાથે જ કન્વેશને વધુ મર્ક્યુરીવાળા પ્રોડક્ટના ઈમ્પોર્ટ અને એક્સપોર્ટ પર પણ પ્રતિબંધ લગાવી દીધો હતો. 2013માં ઘણા દેશોમાં તો ક્રીમમાં મર્ક્યુરીના યુઝ પર જ પ્રતિબંધ લગાવી દેવામાં આવ્યો હતો. પરંતુ, હાલમાં જ ઝીરો મર્ક્યુરી વર્કિંગ ગ્રુપની તપાસમાં જાણવા મળ્યું છે કે, આશરે 47% સ્કિન ક્રીમમાં મર્ક્યુરીની માત્રા 10 હજાર PPM થી 50 હજાર PPM સુધી છે. એટલે કે નક્કી કરવામાં આવેલી લિમિટ કરતા 10 હજારથી 50 હજાર ગણી વધારે છે.

આ તપાસ ઝીરો મર્ક્યુરી ગ્રુપ તરફથી કરવામાં આવી હતી. તેણે 40 ઈ-કોમર્સ સાઈટ પર એશિયા, યુરોપ, અમેરિકા અને આફ્રિકાના 17 દેશોમાં વેચવામાં આવી રહેલા 271 પ્રકારના ફેરનેસ કોસ્મેટિક્સ પ્રોડક્ટ્સના સેમ્પલ લીધા. તેમા 129 સેમ્પલ તો યુરોપના 16 દેશોમાંથી લેવામાં આવ્યા હતા, જેમા 30 વેબસાઈટ્સ પરથી લેવામાં આવેલા કોસ્મેટિક સેમ્પલોમાં ઉચ્ચ સ્તરનું મર્ક્યુરી મળી આવ્યું. જણાવી દઈએ કે, 55 કરતા વધુ દેશોના 110 કરતા વધુ હેલ્થ અને પર્યાવરણ પર કામ કરનારા NGOએ ઈ-કોમર્સ સાઈટો પર વેચવામાં આવી રહેલા ઉત્પાદનો પર સવાલ ઉઠાવ્યા છે.

4 વર્ષમાં આશરે 45% વધી જશે કોસ્મેટિક માર્કેટ

ફેરનેસ કોસ્મેટિક્સનું દુનિયાભરમાં હાલ 8 અબજ ડૉલર (આશરે 61 હજાર કરોડ રૂપિયા)નું માર્કેટ છે. એક રિપોર્ટ અનુસાર, આવનારા ચાર વર્ષોમાં આ માર્કેટ વધીને 11.8 અબજ ડૉલર (આશરે 90 હજાર કરોડ રૂપિયા)નું થઈ જશે. એટલે કે આ માર્કેટમાં આશરે 45 ટકાનો ગ્રોથ આવી શકે છે.

ગત મહિને Appleના CEO ટિમ કૂકના ઘરને Apple Maps અને Google Maps પર બ્લર કરી દેવામાં આવ્યું હતું કારણ કે, એવી જાણકારી મળી હતી કે એક મહિલા ટિમ કુકનો પીછો કરી રહી છે. પરંતુ, શું તમે જાણો છો કે, એવી ઘણી જગ્યાઓ છે, જેને Google Maps પર દર્શાવી નથી શકાતી. ધ સનના રિપોર્ટ અનુસાર, Google 10 કરતા વધુ લોકેશન્સને પોતાના મેપ પરથી હટાવી ચુક્યુ છે. તમે પણ તે જગ્યાઓ વિશે માહિતી મેળવી લો.

Prison de Mountlucon, France: Google મધ્ય ફ્રાન્સમાં આવેલી જેલને સેન્સર કરી ચુક્યુ છે. આવુ 2018માં ફ્રાન્સ સરકારના નિવેદન પર સુરક્ષાના કારણોને લઈ કરવામાં આવ્યું હતું.

Moruroa, French Polynesia: દક્ષિણ પ્રશાંત મહાસાગરમાં આવેલો મોરુરોઆ એક નાનકડો પ્રવાલદ્વીપ (Atoll) છે. તેને શા માટે પ્રતિબંધિત કરવામાં આવ્યો, તેનું કારણ તો સ્પષ્ટ નથી પરંતુ કહેવામાં આવે છે કે આઈલેન્ડનો ન્યૂક્લિયર ઈતિહાસ રહ્યો છે.

2207 Seymour Avenue, Ohio: Ariel Castro નામના વ્યક્તિએ વર્ષ 2002થી લઈને 2004ની વચ્ચે કેટલીક છોકરીઓને કિડનેપ કરીને ઓહિયો સ્થિત ઘરમાં રાખી હતી. તેણે છોકરીઓને મે 2013 સુધી બંધક બનાવીને રાખી હતી. આ જગ્યાને પણ Google Maps પર બેન કરી દેવામાં આવે છે.

House in Stockton-on-Tees: બ્રિટનમાં આવેલા Princeport Road પર સ્થિત Stockton-on-Tees Google Maps પર બ્લર છે.

Jeannette Island, Russia: બરફથી ઢંકાયેલો રહેતો આઈલેન્ડ 1.2 માઈલ લાંબો છે. માનવામાં આવે છે કે, રશિયા અને અમેરિકામાં તનાતનીના કારણે આ આઈલેન્ડ Google Maps પર બ્લર છે.

North Korea: નોર્થ કોરિયાના ઘણા હિસ્સા Google પર બ્લર છે.

Amchitka Island- Alaska: 50, 60 અને 70ના દાયકામાં Amchitka Island પર અમેરિકાનું ન્યૂક્લિયર ટેસ્ટિંગ થતું હતું. પરંતુ, Google Maps પર તેના ઘણા હિસ્સા બ્લર છે. અમેરિકાએ અહીં ઘણા અંડરગ્રાઉન્ડ ન્યૂક્લિયર ટેસ્ટ કર્યા છે.

Greek military Base: ગ્રીસની રાજધાની એથેન્સમાં આવેલું આ મિલિટ્રી બેઝ પણ Google Maps પર સંપૂર્ણરીતે પિક્સલેટ છે. આવુ સુરક્ષા કારણોને લઈ કરવામાં આવ્યું છે.

French nuclear facility: ફ્રાન્સમાં આવેલું The AREVA La Hague nuclear fuel reprocessing facility પણ Google પર બ્લર છે. તે 1976માં ખોલવામાં આવ્યું હતું. અહીંથી ઘણા દેશોને ન્યૂક્લિયર ફ્યૂઅલ આપવામાં આવે છે.

Polish Special Forces base: પોલેન્ડની સ્પેશિયલ ફોર્સ કમાન્ડની ટ્રેનિંગ અહીં થાય છે. તે પણ Google Maps પર બ્લર છે.

Patio de los Naranjos, Spain: સ્પેનમાં આવેલું Patio de los Naranjos આ જગ્યા સરકારી ઓફિસોની પાસે છે. તે બ્લર શા માટે છે, તે કારણ તો સ્પષ્ટ નથી.

Tim Cook’s House: Appleએ પોતાની મેપ સર્વિસમાં એક અદ્રશ્ય દીવાલ ટિમ કુકના ઘરના કારણે દર્શાવી હતી. એવામાં હવે કોઈપણ ટિમ કુકનું ઘર પબ્લિકલી ના જોઈ શકે. તેમજ Google Maps પર પણ તેમના ઘરના હિસ્સાને પિક્સલેટ કરવામાં આવ્યો હતો. CultOfMac અનુસાર, ટિમ કુકના ઘરની કિંમત આશરે 25 કરોડ કરતા પણ વધુ છે. Apple કંપનીના બોસનું ઘર કેલિફોર્નિયાના પાલો આલ્ટોમાં છે.

દુનિયાની સૌથી મોંઘી જેલનું નામ ગ્વાંતાનમો બે જેલ છે. કેદીઓ પર અત્યાચાર માટે કુખ્યાત રહેલી ક્યૂબાની આ જેલ ગ્વાંતાનમોની ખાડીમાં સ્થિત છે. તેને કારણે જ આ જેલનું નામ ગ્વાંતાનમો બે જેલ રાખવામાં આવ્યું છે.

મીડિયા રિપોર્ટ અનુસાર, આ જેલમાં હાલ 40 કેદીઓ છે અને દરેક કેદી પર વાર્ષિક આશરે 94 કરોડ રૂપિયાનો ખર્ચ કરવામાં આવે છે. તમને એ જાણીને નવાઈ લાગશે કે આ જેલમાં આશરે 1800 સૈનિક તહેનાત છે. આ જેલમાં એક કેદી પર નજર રાખવા માટે આશરે 45 સૈનિકોની નિયુક્તિ કરવામાં આવી છે. જ્યારે આ સૈનિકો પર દર વર્ષે 540 મિલિયન ડૉલર (આશરે 3900 કરોડ રૂપિયા) ખર્ચ કરવામાં આવે છે.

હવે તમે વિચારી રહ્યા હશો કે, આખરે આ જેલમાં કેદીઓને એવી કઈ સુરક્ષા આપવામાં આવે છે, જેના પર આટલો બધો ખર્ચો કરવામાં આવે છે. તો તમને જણાવી દઈએ કે, દુનિયાની આ સૌથી મોંઘી જેલમાં માત્ર એ જ અપરાધીઓને રાખવામાં આવે છે, જે ખૂબ જ ખતરનાક હોય.

મીડિયા રિપોર્ટ અનુસાર, આ જેલમાં કુલ 3 ઈમારતો, 2 ગુપ્ત મુખ્યાલય અને 3 હોસ્પિટલ છે. આ ઉપરાંત, અહીં વકીલો માટે અલગ કમ્પાઉન્ડ બનાવવામાં આવ્યા છે, જેથી કેદી પોતપોતાના વકીલ સાથે અલગથી વાત કરી શકે. આ જેલમાં કેદીઓ માટે ચર્ચ અને સિનેમા હોલની વ્યવસ્થા પણ કરવામાં આવી છે. કેદીઓ માટે અહીં ખાવાનાથી લઈને જીમ અને પ્લે સ્ટેશનની પણ સુવિધા છે.

અમેરિકામાં થયેલા 9/11 હુમલાના માસ્ટરમાઈન્ડ ખાલિદ શેખ મોહમ્મદ પણ આ જ જેલમાં બંધ છે. ક્યૂબાના દક્ષિણ-પૂર્વી તટ પર અમેરિકાએ 1898માં ગ્વાંતાનમો બેને નેવી બેઝ બનાવ્યું હતું, પરંતુ બાદમાં તેને ડિટેન્શન સેન્ટર બનાવી દેવામાં આવ્યું. અમેરિકાના પૂર્વ રાષ્ટ્રપતિ જ્યોર્જ ડબલ્યૂ બુશે અહીં એક કમ્પાઉન્ડ બનાવડાવ્યું, જ્યાં આતંકીઓને રાખવામાં આવતા હતા. તેને કેમ્પ એકસ-રે નામ આપવામાં આવ્યું હતું.

આ જેલના કેપ્ટન અને વકીલ બ્રાયન એલ. માઈજરનું કહેવું છે કે, આ જેલમાં અલગ-અલગ સમય પર આશરે 770 પુરુષ (યુદ્ધબંધી) રહી ચુક્યા છે. વર્ષ 2003માં અહીં કેદીઓની સંખ્યા 677 સુધી પહોંચી ગઈ હતી. જ્યારે વર્ષ 2011માં અહીં છેલ્લીવાર કોઈ કેદીને લાવવામાં આવ્યો હતો.

પૂર્વ અમેરિકી રાષ્ટ્રપતિ જ્યોર્જ ડબલ્યૂ બુશના કાર્યકાળ દરમિયાન અહીંથી 540 કેદીઓને છોડી મુકવામાં આવ્યા હતા. જ્યારે ઓબામાના પ્રશાસને 200 કેદીઓને આઝાદ કર્યા હતા.

કહેવાય છે કે, ભારતીય રેલવે દેશની જીવન રેખા છે. ભારતીય રેલવે અને તેની સાથે સંકળાયેલી ઘણી વાતો લોકો માટે ચર્ચાનો વિષય બની જાય છે. હાલમાં જ ભોપાલના હબીબગંજ રેલવે સ્ટેશનનું નામ બદલ્યા બાદ હવે ઈંદોરના પાતાલપાની સ્ટેશનનું નામ પણ બદલવામાં આવી રહ્યું છે. આ સ્ટેશનનું નામ બદલીને ટંટ્યા મામા રેલવે સ્ટેશન કરવામાં આવી રહ્યું છે. પરંતુ, નામ બદલવા કરતા વધુ ચર્ચા આ રેલવે સ્ટેશનની રહસ્યમયી વાતોને લઈને છે. ભારતમાં એવા ઘણા રેલવે સ્પોટ છે, જે વિજ્ઞાનના આ યુગમાં પણ રહસ્યમયી છે. મધ્ય પ્રદેશ સરકારે 4 ડિસેમ્બરે ટંટ્યા મામાના બલિદાન દિવસ પર એક મોટા કાર્યક્રમનું આયોજન કર્યું હતું. એવામાં આ સ્ટોરી ત્યારથી શરૂ થાય છે, જ્યારે અંગ્રેજોએ ટંટ્યા ભીલને ફાંસી આપ્યા બાદ તેમના શવને પાતાલપાનીના કાલાકુંડ રેલવે ટ્રેકની પાસે દફનાવી દીધુ હતું. કહેવાય છે કે, ટંટ્યા મામાનું શરીર તો નષ્ટ થઈ ગયુ, પરંતુ તેમની આત્મા અમર થઈ ગઈ.

અંગ્રેજો સામે લડનારા ટંટ્યા ભીલના મંદિરને સલામી આપવા માટે ટ્રેન બે મિનિટ માટે અહીં અટકાવી દેવામાં આવે છે. કહેવાય છે કે, સલામી બાદ જ ટ્રેનમાં સવાર યાત્રી સહી સલામત પોતાની મંઝિલ સુધી પહોંચી શકે છે. અહીં રહેતા લોકોનું માનવુ છે કે, જો ટ્રેન અટકીને સલામી ના આપે તો તે દુર્ઘટનાગ્રસ્ત થઈ જાય છે અને પછી ઊંડી ખાઈમાં પડી જાય છે. ઘણા લોકો તો એ વાતને પણ માને છે કે, જો ટ્રેનને અટકાવવામાં ના આવે તો ટ્રેન જ બંધ થઈ જાય છે. આ વાતને માનતા રેલવેએ પણ તેને અઘોષિત નિયમ માનીને નિયમ બનાવી લીધો છે. હવે જ્યારે પણ અહીંથી કોઈ ટ્રેન પસાર થાય તો તે અટકીને અને ટ્રેનનો હોર્ન વગાડીને જ આગળ વધે છે.

પાતાલપાની અને કાલાકુંડની વચ્ચે અહીં એક મંદિર છે, જે અંગ્રેજોને હંફાવનારા મધ્ય પ્રદેશના ટંટ્યા મામા ભીલનું છે. અંગ્રેજોએ તેમને ફાંસી આપ્યા બાદ તેમના શવને પાતાલપાનીના જંગલોમાં કાલાકુંડ રેલવે ટ્રેકની પાસે દફનાવી દીધુ હતું. સ્થાનિક લોકોનું માનવુ છે કે, ટંટ્યા મામાનું શરીર તો નષ્ટ થઈ ગયુ, પરંતુ તેમની આત્મા હજુ પણ આ જંગલોમાં રહે છે. કહેવાય છે કે, તેમના શવને દફનાવ્યા બાદથી રેલવે દુર્ઘટનાઓ શરૂ થઈ ગઈ હતી. એવામાં સ્થાનિક લોકોએ અહીં ટંટ્યા મામાનું મંદિર બનાવ્યું. જોકે, રેલવે અધિકારી આ સ્ટોરીને ખોટી ગણાવે છે, તેમનું કહેવુ છે કે, અહીંથી કાલાકુંડ સુધી રેલવે ટ્રેક ખૂબ જ ખતરનાક છે, આથી પાતાલપાનીમાં ટ્રેનોને અટકાવીને બ્રેક ચેક કરવામાં આવે છે. જોકે, અહીં મંદિર છે એટલે ત્યાં માથુ નમાવીને આગળ વધીએ છીએ.

કોણ હતા ટંટ્યા મામા ભીલ

ઈતિહાસકારોના જણાવ્યા અનુસાર, ખંડવા જિલ્લાના પંધાના તાલુકાના બડદામાં 1842ની આસપાસ ભાઉસિંહને ત્યાં ટંટ્યાનો જન્મ થયો હતો. પિતાએ ટંટ્યાને લાઠી તેમજ તીર-કમાન ચલાવાવનું પ્રશિક્ષણ આપ્યું. ટંટ્યાએ ધર્નુવિદ્યામાં પારંગતતા હાંસલ કરવાની સાથે લાઠી ચલાવવામાં પણ મહારત હાંસલ કરી. યુવાવસ્થામાં જ અંગ્રેજોના સહયોગી સાહૂકારોના ત્રાસથી કંટાળીને તેઓ પોતાના સાથીઓ સાથે જંગલમાં કૂદી પડ્યા અને વિદ્રોહ કરવા માંડ્યા. ટંટ્યા એક ગામથી બીજા ગામ ફરતા રહ્યા. તેઓ ધનવાનો પાસેથી માલ લૂંટીને તે ગરીબોમાં વહેંચવા માંડ્યા. લોકોના સુખ-દુઃખમાં સહયોગી બનવા માંડ્યા. આ ઉપરાંત, ગરીબ કન્યાઓના લગ્ન કરાવ્યા, નિર્ધન તેમજ નિઃસહાયોની મદદ કરવાને કારણે ટંટ્યા મામા સૌના પ્રિય બની ગયા. જેને કારણે તેમની પૂજા થવા માંડી.

13 વર્ષીય અનુષ્કા જોલીને તેની એપ માટે 50 લાખ રૂપિયાનું ફંડિંગ આપવામાં આવ્યું છે. રિયાલિટી શો શાર્ક ટેન્ક ઈન્ડિયા પર તેને આ ફંડિંગ આપવામાં આવ્યું છે. અનુષ્કા જોલીએ એન્ટી બુલિંગ એપ કવચનો આઈડિયા જજોની સામે રજૂ કર્યો હતો. કવચ એપનો આઈડિયા ખૂબ જ સિંપલ છે. તેના દ્વારા દેશના બાળકો અને સ્કૂલો સુધી પહોંચીને તેમને એન્ટી બુલિંગ વિશે માહિતગાર કરવાનો ઈરાદો છે. તેમા વેબિનાર અને વન ઓન વન ટોક દ્વારા બુલિંગ વિરુદ્ધ જાગૃત કરવામાં આવશે.

કવચ એપ દ્વારા પેરેન્ટ્સ અને સ્ટુડન્ટ્સ બુલિંગની ઘટના અંગે રિપોર્ટ કરી શકે છે. તેઓ પોતાની ઓળખ છુપાવીને પણ આવુ કરી શકે છે. તેના દ્વારા સ્કૂલ અને કાઉન્સિલરને આવી ઘટનાઓમાં દખલ આપીને એક્શન લેવાની તક આપવામાં આવશે. સૌથી રસપ્રદ વાત એ છે કે, આ પહેલીવાર નથી જ્યારે અનુષ્કા જોલી બુલિંગ વિરુદ્ધ કંઈક કરી રહી છે. શાર્ક ટેન્ક ઈન્ડિયા પર તેણે પોતાની જર્ની વિશે જણાવતા કહ્યું હતું કે, આ પહેલીવાર ત્યારે થયુ જ્યારે તેના મિત્રોએ તેની મજાક ઉડાવી હતી.

ત્યારબાદ તેણે એન્ટી બુલિંગ સ્ક્વોર્ડ (ABS) બનાવી. તેના દ્વારા એજ્યુકેશનલ ઈન્સ્ટિટ્યૂટ, સોશિયલ ઓર્ગેનાઈઝેશન અને એક્સપર્ટ્સને મદદ મળી. તેણે અત્યારસુધીમાં 100 કરતા વધુ સ્કૂલ અને કોલેજના 2000 કરતા વધુ બાળકોની મદદ કરી છે. 13 વર્ષીય અનુષ્કા જોલી એન્ટી બુલિંગ સ્ક્વોર્ડ ડિજિટલ પ્લેટફોર્મને છેલ્લાં ત્રણ વર્ષોથી ચલાવી રહી છે. ન્યૂઝ એજન્સી PTIના એક રિપોર્ટ અનુસાર, અનુષ્કા જોલીએ જણાવ્યું કે, આવી ઘટનાઓની ફરિયાદ નથી કરવામાં આવતી જેને કારણે તેનું સમાધાન નથી મળતું.

 

 

 

View this post on Instagram

A post shared by Pathways School Gurgaon (@pathways.gurgaon)

આ કારણે તેને એન્ટી બુલિંગ એપ કવચ (KAVACH) બનાવવાનો આઈડિયા આવ્યો. આ આઈડિયા શાર્ક ટેન્ક ઈન્ડિયાના જજોને ખૂબ જ પસંદ આવ્યો અને તેમણે 50 લાખ રૂપિયા આ એપમાં ઈન્વેસ્ટ કરવા માટે ચેક પણ આપ્યો. આ એપમાં ઈન્વેસ્ટ કરીને તેને વધુમાં વધુ બાળકો અને વિદ્યાર્થીઓ સુધી ફેલાવવામાં આવશે. શાર્ક ટેન્ક ઈન્ડિયાની પહેલી સિઝન હાલમાં જ પૂર્ણ થઈ છે. તેમા 50000 એપ્લિકેશન્સ આવી હતી, જેમાંથી 198 કેન્ડિડેટને સિલેક્ટ કરીને તેમના પર એક સીરિઝ બનાવવામાં આવી હતી. આ શોમાં દેશના જાણીતા આંત્રપ્રિન્યોર્સ જજ બનીને આવ્યા હતા અને તેમણે લોકોને પોતાના બિઝનેસમાં આગળ વધવા માટે મેન્ટોરની ભૂમિકા નિભાવી હતી.

ગૌતમ અદાણી હવે માત્ર ભારત જ નહીં પરંતુ એશિયાના સૌથી ધનવાન વ્યક્તિ બની ગયા છે. Forbesના રિયલટાઈમ બિલિયોનેર લિસ્ટ અનુસાર, આજે તેમનું નેટવર્થ ભલે 76.6 બિલિયન ડૉલરનું થઈ ચુક્યુ છે અને તેઓ દુનિયાના બીજા સૌથી ધનવાન વ્યક્તિ બની ગયા છે, તેમની શરૂઆત સામાન્ય લોકોની જેમ એકદમ નાનાપાયેથી થઈ છે. અદાણીએ વ્યવસાયની શરૂઆત માત્ર પાંચ લાખ રૂપિયાથી કરી હતી અને ધીમે-ધીમે વિશાળ સામ્રાજ્ય ઊભુ કરી દીધુ.

અદાણી ગ્રુપના ચેરમેન ગૌતમ અદાણીની આ સફળતાની પાછળ તેમની મહેનત, ચતુરાઈ, કુશળતા, નેટવર્કિંગ જેવા ગુણ છે. કોલેજનો અભ્યાસ પૂર્ણ ન કરનારા ગૌતમ અદાણીની સ્ટોરી હીરાના વ્યવસાયથી શરૂ થાય છે. તેઓ 16 વર્ષની ઉંમરમાં મુંબઈ ચાલ્યા ગયા અને હીરાનો વ્યવસાય શીખવા માંડ્યા. બાદમાં તેઓ 1981માં ગુજરાત પાછા આવી ગયા અને પોતાના ભાઈની પ્લાસ્ટિકની ફેક્ટરીમાં કામ કરવા માંડ્યા.

વ્યવસાય જગતમાં તેમણે પહેલું મોટું પગલું 1988માં મુક્યુ, જ્યારે તેમની પહેલી કંપની અદાણી એક્સપોર્ટ્સની શરૂઆત થઈ. માત્ર પાંચ લાખ રૂપિયાની પૂંજી સાથે શરૂ થયેલી આ કંપની બાદમાં અદાણી એન્ટરપ્રાઈઝીસ બની. અદાણી ગ્રુપની ફ્લેગશિપ કંપની અદાણી એન્ટરપ્રાઈઝીસ લિમિટેડને 1994માં શેરબજારમાં ઉતારવાથી બૂસ્ટ મળ્યું. જ્યારે 1991માં તત્કાલિન નાણામંત્રી મનમોહન સિંહે ભારતમાં આર્થિક ઉદારીકરણનો રસ્તો તૈયાર કર્યો, તો તેનાથી દેશના વ્યવસાય જગતમાં વ્યાપક બદલાવ આવ્યા. ત્યારબાદ ઘણા નવા વ્યવસાયીઓને આગળ વધવાની તક મળી. આ બદલાવે માત્ર રિલાયન્સ ઈન્ડસ્ટ્રીઝને જ નહીં, પરંતુ અદાણી પરિવારને પણ મલ્ટીનેશનલ અને ડાયવર્સિફાઈડ બિઝનેસ ઊભો કરવામાં મદદ મળી.

ગૌતમ અદાણી વિશે છેલ્લાં કેટલાક વર્ષોથી એ અનુમાન લગાવવામાં આવી રહ્યું છે કે તેઓ જલ્દી જ મુકેશ અંબાણીને પાછળ છોડી દેશે. આજે એ બધા જ અનુમાન સાચા સાબિત થઈ ચુક્યા છે. વ્યવસાય જગતના જાણકાર અદાણીની સરખામણી મુકેશ અંબાણીના પિતા ધીરુભાઈ અંબાણીની સાથે કરે છે. ધીરુભાઈ અંબાણીની જેમ ગૌતમ અદાણી પણ પહેલી પેઢીના બિઝનેસમેન છે. તેમને મુકેશ અંબાણીની જેમ વારસામાં વિશાળ વ્યવસાય સામ્રાજ્ય નથી મળ્યું, પરંતુ તેમણે ધીરુભાઈએની જેમ પોતાની મહેનત અને પ્રતિભાથી આ મુકામ હાંસલ કર્યું છે. ભલે લોકો ગૌતમ અદાણીની ટીકા કરતા હોય, પરંતુ સત્ય તો એ છે કે ભારતથી લઈને ઓસ્ટ્રેલિયા સુધી તેમના લોકો વખાણ કરે છે. ગૌતમ અદાણી પોતે કહી ચુક્યા છે કે, તેમને કોઈ ખાસ રાજકીય પક્ષ સાથે લગાવ નથી. તમામ પાર્ટીઓમાં તેમના મિત્રો છે અને તેઓ માત્ર એ જ નેતાઓની સાથે કામ કરવાનું પસંદ કરે છે, જેમની પાસે આવનારી પેઢી માટે વિઝન હોય છે.

ગૌતમ અદાણીને હંમેશાંથી જ વિઝનને પસંદ કરનારા બિઝનેસ લીડર માનવામાં આવે છે. દુનિયા ભલે તેમની સંપત્તિના વધવા અથવા ઓછાં થવા પર નજર રાખતા હોય, પરંતુ તેઓ પોતે તેના પર ધ્યાન નથી આપતા. એક ઈન્ટરવ્યૂમાં તેમણે કહ્યું હતું કે, જ્યારે પૈસા આવે ત્યારે વધુ પડતા ખુશ અને પૈસા જાય ત્યારે દુઃખી ના થવુ જોઈએ. વર્ષ 1995 ગૌતમ અદાણી માટે ખૂબ જ સફળ સાબિત થયુ, જ્યારે તેમની કંપનીને મુંદ્રા પોર્ટના સંચાલનનો કોન્ટ્રાક્ટ મળ્યો. ગુજરાત સરકારે કચ્છમાં મુંદ્રા પોર્ટ તેમજ એસઈઝેડનું સંચાલન કોઈ પ્રાઈવેટ કંપનીને આપવાનો નિર્ણય કર્યો. ગૌતમ અદાણીને તેનું નિયંત્રણ મળ્યું અને આજે તે પ્રાઈવેટ ક્ષેત્રનું સૌથી મોટું પોર્ટ બની ગયુ છે.

અમિતાભ બચ્ચન અને અભિષેક બચ્ચન મીડિયામાં અવાર-નવાર એકબીજાને સપોર્ટ કરતા દેખાય છે. અમિતાભ પોતાના દીકરાને લઈને હંમેશાં એક પ્રાઉડ ફાધર હોવાના પુરાવા આપે છે. પરંતુ, જો વાત દીકરાના સારા માટેની હોય તો તેઓ તેને ખિજવાવામાં પણ પાછળ નથી રહેતા.

અભિષેકે હાલમાં જ પોતાના નાનપણ વિશે વાત કરતા એક કિસ્સા વિશે જણાવ્યું હતું, જ્યારે તેણે અભ્યાસ ન કરવા માટે પપ્પા અમિતાભ બચ્ચનના ગુસ્સાનો સામનો કરવો પડ્યો હતો. અભિષેકે એક લેટેસ્ટ ઈન્ટરવ્યૂ દરમિયાન જ્યારે તેને અભ્યાસને લઈને સવાલ પૂછ્યો તો તેણે આ વાતનો ખુલાસો કર્યો હતો કે અમિતાભ બચ્ચન ઘરે દીકરાની ભૂલ સાથે કઈ રીતે ડીલ કરે છે.

આરજે સિદ્ધાર્થ કન્નને એક્ટર સાથે વાતચીત દરમિયાન પૂછ્યું કે, જ્યારે તેના ખરાબ ગ્રેડ આવતા હતા તો શું ત્યારે તેણે પપ્પા અમિતાભના ગુસ્સાનો સામનો કરવો પડતો હતો? તેના જવાબમાં એક્ટરે કહ્યું, વાટ તો નથી લાગી પરંતુ બેસીને સમજાવવામાં આવ્યો છે કે જો દીકરા, અમે આટલો સંઘર્ષ કરીને પૈસા કમાઈએ છીએ, મહેનત કરીને ભણાવી-ગણાવી રહ્યા છીએ. તેનો મતલબ એ નથી કે તું ત્યાં મસ્તી કરે. તારે જવાબદાર બનવુ પડશે.

અભિષેકે આગળ જણાવ્યું, મારા પપ્પાએ મારા પર ક્યારેય હાથ નથી ઉપાડ્યો, કે ઊંચા અવાજે વાત પણ નથી કરી અને તેની ક્યારેય જરૂર પણ નથી પડી. તેઓ માત્ર આરામથી બોલતા હતા અને આખા ઘરને સમજમાં આવી જતું હતું. અભિષેકે માતા જયા બચ્ચનને લઈને કહ્યું કે, તેમણે ઘણીવાર અભિષેકને મારવાનો પ્રયત્ન કર્યો, પરંતુ પોતાની સ્ફ્રુર્તિના કારણે અભિષેક હંમેશાં તેમના હાથમાંથી બચીને નીકળી જતો હતો.

જણાવી દઈએ કે, અભિષેક બચ્ચને પોતાનો અભ્યાસ સ્વિટ્ઝરલેન્ડમાંથી કર્યો છે અને તે માત્ર રજાઓમાં ઘરે આવતો હતો, આ દરમિયાન તે સંપૂર્ણ પ્રયાસ કરતો હતો કે તેનો રિપોર્ટ કાર્ડ તેના પિતા સુધી ના પહોંચે. પોતાના મસ્તીખોર મિજાજ વિશે અભિષેકે કહ્યું કે, હું પોસ્ટમેનની રાહ જોતો હતો અને વિચારતો હતો કે રિપોર્ટ કાર્ડ મળતા જ હું તેને સંતાડી દઈશ.

ત્યાં સુધી તેને સંતાડી રાખીશ જ્યાં સુધી તે પાછો સ્વિટ્ઝર્લેન્ડ ના ચાલ્યો જાય. પરંતુ, એક દિવસ પપ્પાના હાથમાં મારો રિપોર્ટ કાર્ડ આવી ગયો અને તેઓ પોતાના સ્ટડી રૂમમાં બેસીને જોરજોરમાં તે વાંચી રહ્યા હતા. હું વિચારી રહ્યો હતો કે તેમના હાથમાં મારો રિપોર્ટ કાર્ડ કઈ રીતે આવ્યો? શું તેમણે પોસ્ટમેનને લાંચ આપી હશે? શું તેઓ મારા કરતા પહેલા જાગી ગયા હશે?

બાળકને દૂધ પીવાડ્યા બાદ માતા ઈચ્છે છે કે, બાળક બે-અઢી કલાકની ઉંઘ પૂરી કરી લે, જેથી તે ઘરના તમામ કામ પૂરા કરી શકે. પરંતુ, બાળક દર અડધા-એક કલાકમાં ઉઠીને રડે અને માતાએ તેને વારંવાર ખોળામાં લઈને દૂધ પીવડાવવુ પડે છે. અડધા કલાકની ઉંઘ લઈને બાળક ફરી ભૂખથી રડવા માંડે છે. આ સ્થિતિમાં માતા બાળકને ક્લસ્ટર ફીડિંગ કરાવે છે. આવુ શા માટે થાય છે, આ અંગે મધરહુડ હોસ્પિટલની લેક્ટેશન એક્સપર્ટ આરતી પ્રિયદર્શિનીએ માહિતી આપી હતી.

શું છે ક્લસ્ટર ફીડિંગ?

નવજાત બાળકને એકવાર દૂધ પીવડાવ્યા બાદ બે-અઢી કલાક સુધી તે આરામથી સૂઈ જાય છે. પરંતુ, ક્લસ્ટર ફીડિંગની સ્થિતિ ત્યારે બને છે જ્યારે બાળકને થોડી-થોડીવારમાં ભૂખ લાગવા માંડે છે. તે અડધાથી એક કલાકની વચમાં ભૂખના કારણે રડે છે. નવજાત શિશુમાં જ્યારે શારીરિક અને માનસિક વિકાસ ઝડપથી થાય છે, ત્યારે તેને ભૂખ વધુ અને વારંવાર લાગે છે.

ક્લસ્ટર ફીડિંગમાં જોવા મળે છે કે, બાળક એકવારમાં વધુ દૂધ નથી પીતું, આથી તેને થોડી-થોડીવારમાં ભૂખ લાગે છે. આ બદલાવ બાળકના જન્મના ત્રીજા, છઠ્ઠા અઠવાડિયા અથવા બાળકના ત્રણ મહિનાના થઈ ગયા બાદ જોવા મળે છે. બાળકના વારંવાર રડવાને તેની શારીરિક મુશ્કેલી ના સમજો. શિશુના થોડીથોડીવારમાં જાગવા અને રડવાનું કારણ માત્ર ભૂખ હોય છે. બાળક જો દૂધ પીને શાંત થાય, તો પરિવારના સભ્યોએ કોઈપણ પ્રકારની ચિંતા ના કરવી જોઈએ.

ક્લસ્ટર ફીડિંગના શું છે ફાયદા?

• દરે થોડીવારમાં બાળકને ફીડ કરાવવાને કારણે માતાના બ્રેસ્ટ મિલ્ક ઓછું નથી થતું.
• બાળકને જલ્દી અને થોડી વધુ ભૂખ લાગે છે, આથી માતાએ પોતાના ખાન-પાનનું વિશેષ ધ્યાન રાખવુ જોઈએ.
• બાળક દર થોડીવારમાં દૂધ પીએ છે, આથી તેમનો શારીરિક અને માનસિક વિકાસ વધુ સારો થાય છે.
• વધુ સમય માતા સાથે વિતાવવાના કારણે બાળક વધુ સુરક્ષિત અનુભવે છે, જે તેના વિકાસમાં મદદ કરે છે.

શિશુ ક્લસ્ટર ફીડ ક્યારે કરે છે?

• જ્યારે બાળક વધુ રમતિયાળ હોય.
• ચિડિયાપણું અને બેચેની હોય.
• શિશુ જ્યારે એકસાથે ફીડ ના લે.
• વારંવાર પેશાબ કરવો.

શિશુ ક્યારે કરે છે ક્લસ્ટર ફીડ?

બાળકના ક્લસ્ટર ફીડ માટે કોઈ નિશ્ચિત સમય નથી. આ એ વાત પર નિર્ભર કરે છે કે શિશુને પોતાનું પેટ ભરેલું લાગે છે કે નહીં. બાળકને ક્લસ્ટર ફીડ કરાવવાનું શિડ્યૂલ નક્કી ના કરો, કારણ કે તેનાથી જરૂરિયાત ના હોવા પર તેમને ઓવરફીડિંગ થઈ શકે છે.

લગ્ન બાદ દુલ્હનની વિદાઈનો સમય ખૂબ જ ભાવુક હોય છે. ત્યાં હાજર દરેક વ્યક્તિની આંખમાં આંસુ આવી જતા હોય છે. દીકરીની વિદાઈ વખતે કઠણ કાળજાનો વ્યક્તિ પણ પીગળી જતો હોય છે. પરંતુ, સોશિયલ મીડિયા પર એક એવો વીડિયો સામે આવ્યો છે, જેમા એક દુલ્હન પોતાની વિદાઈના સમયે હસતી અને નાચતી દેખાઈ હતી. આ વીડિયો એક દુલ્હનની વિદાઈનો છે. જેમા વિદાઈના સમયે તે ડાન્સ કરી રહી છે. આ વીડિયોની ખાસ વાત એ છે કે, જે ગીત પર તે ડાન્સ કરી રહી છે, તે ખૂબ જ રસપ્રદ છે. દુલ્હને ગાડી વાલા આયા ઘર સે કચરા નિકાલ ગીત પર ડાન્સ કર્યો.

વાયરલ થઈ રહેલા વીડિયોમાં દુલ્હનના ગેટઅપમાં માનસી ગોસ્વામી છે, જે વ્યવસાયે મેકઅપ આર્ટિસ્ટ છે. તેના ઈન્સ્ટાગ્રામ અકાઉન્ટ પર લગ્નના ઘણા બધા વીડિયો અને ફોટા છે. આ વીડિયોમાં વિદાઈ સમારોહ દરમિયાન દુલ્હન બનેલી માનસીનો ડાન્સ જોઈ ત્યાં હાજર દરેક વ્યક્તિ હસતી દેખાઈ હતી. દુલ્હન પોતે પણ હસતી અને નાચતી દેખાઈ હતી. 

View this post on Instagram

A post shared by Wedding Planning_witty Wedding (@witty_wedding)

વીડિયોના કેપ્શનમાં લખ્યું છે- ટ્વીસ્ટ સાથે વિદાઈ, અત્યારસુધીની સૌથી ઈમોશનલ વિદાઈ. વાસ્તવિક જીવનની આ મજેદાર વિદાઈનો સીન જોઈને તમારા ચહેરા પર પણ સ્મિત આવી જશે. હાલ, દુલ્હનનો આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે.

આ વીડિયોને ઈન્સ્ટાગ્રામ પર Witty_Wedding નામના પેજ પર અપલોડ કરવામાં આવ્યો છે, જેને પાંચ લાખ કરતા વધુ વ્યૂઝ મળી ચુક્યા છે. વીડિયોની શરૂઆતમાં દુલ્હન હસતી અને મજાક કરતી દેખાઈ હતી, આથી ત્યાં હાજર લોકોએ તેને વિદાઈ પર રડવાનું કહેતા તે રડવાની એક્ટિંગ કરતી દેખાઈ, પછી તે ખડખડાટ હસવા માંડી. કારણ કે, બેકગ્રાઉન્ડમાં ગાડી વાલા આયા ઘર સે કચરા નિકાલ ગીત વાગ્યું. આ સાંભળીને સૌ કોઈ હસી રહ્યું હતું અને દુલ્હન ડાન્સ કરી રહી હતી.

વીડિયો પર યુઝર્સે તમામ પ્રકારની પ્રતિક્રિયાઓ આપી છે. એક યુઝરે લખ્યું- કાશ દરેક દીકરી આવી રીતે જ ખુશ થઈને જાય. એક અન્ય યુઝરે કમેન્ટ કરી- ખૂબ જ સરસ. કેટલાક લોકોએ ગીતના સિલેક્શન પર સવાલ ઉઠાવ્યા તો કેટલાક લોકોએ તેને ખૂબ જ રસપ્રદ ગણાવ્યું.

આમ તો આપણે સોશિયલ મીડિયા પર ઘણા જેન્ડર રિવીલ વીડિયોઝ જોયા જ છે. જેમા કપલ પિંક અને બ્લૂ કલરનો ઉપયોગ કરીને જાણે છે કે, આવનારું બાળક છોકરો છે કે પછી છોકરી છે. ગુલાબી રંગ આવે તો સમજી જવાનું કે દીકરી છે અને ભૂરો રંગ આવે તો દીકરો.

એક એવો જ વીડિયો આજે સોશિયલ મીડિયા પર ખૂબ જ વાયરલ થઈ રહ્યો છે. દુબઈમાં સ્થિત સીરિયાઈ પ્રભાવિત કપલ અનસ અને અસલા મારવાહએ જેન્ડર રિવીલ ઈવેન્ટનું આયોજન કર્યું હતું.

ખાસ વાત એ છે કે, આ કાર્યક્રમને દુનિયાની સૌથી મોટી ઈમારત બુર્જ ખલીફામાં આયોજિત કરવામાં આવ્યો હતો. જ્યાં દંપતિએ પોતાના બીજા બાળકના જેન્ડરને રિવીલ કર્યું. દુબઈમાં યોજાયેલા આ કાર્યક્રમનો વીડિયો અને ફોટા સોશિયલ મીડિયા પર ખૂબ જ વાયરલ થઈ રહ્યા છે અને લોકોનું ધ્યાન પોતાની તરફ ખેંચી રહ્યા છે.

સામે આવેલા વીડિયોમાં દંપતિ ખૂબ જ ઉત્સાહિત દેખાઈ રહ્યું છે. બુર્જ ખલીફાની ઈમારત ગુલાબી અને ભૂરી લાઈટ્સમાં જગમગાતી ખૂબ જ સુંદર દેખાઈ રહી હતી. એક મિનિટ બાદ જ ઈમારતમાં 1થી 10 સુધીની ગણતરી શરૂ થઈ જાય છે.

ઈમારત પર સ્ટાર્સ અને ઘણી તસવીરો દેખાવા માંડે છે. આ જોતા કપલ ખૂબ જ ભાવુક થવા માંડે છે. તેના થોડાં સમય બાદ જ બુર્જ ખલીફા ભૂરા રંગની લાઈટમાં ચમકવા માંડે છે અને અંતે લખેલું આવે છે, ઈટ્સ અ બોય એટલે કે તે છોકરો છે. જે જોઈને દંપતિ અને તેમની સાથે હાજર લોકો ખુશ થઈ જાય છે અને એકબીજાને ભેટવા માંડે છે. આ જોઈ તમામની આંખોમાં ખુશીના આંસુ આવી જાય છે. 

عايلة انصالة شكرا لكم على حبكم!! شكرا لانكم جزء من حياتنا، قصتنا و كل شي نسويه! We love you! ITS A BOY? @emaardubai @burjkhalifa @mydubai @thedubaimall @namshi thank you for welcoming us here, being a part of our family, and most importantly this amazing surprise! Too much love❤️ #الحمدلله #thankyouEmaar #biggestbabyrevealever #anasalaBKReveal

A post shared by Anas Marwah | انس مروة (@anasmarwah) on Sep 9, 2020 at 11:14am PDT

જણાવી દઈએ કે, આમ તો જેન્ડર રિવીલ પાર્ટી વિદેશોમાં ખૂબ જ પ્રચલિત છે. ખૂબ જ ધૂમધામથી આ ઈવેન્ટનું આયોજન કરવામાં આવે છે. જ્યાં તેમના પરિવારજનો અને નજીકના મિત્રો સામેલ થાય છે. ત્યાં સુધી કે પાર્ટીનો હિસ્સો બાળકો પણ હોય છે. પરંતુ ઘણા લોકો તેનો વિરોધ કરે છે. લોકોનું કહેવું છે કે, આ બધું એક પ્રકારનો દેખાડો છે. જ્યારે ઘણા લોકો તેને ખૂબ જ ખતરનાક માને છે. આમ તો વિદેશોમાં આ આયોજનને ખૂબ જ ખુશી અને ગ્રાન્ડ સ્તર પર સેલિબ્રેટ કરવામાં આવે છે.

સ્ટ્રેસ ફ્રી રહેવા માટે દુનિયાભરના લોકો અલગ-અલગ રીત અપનાવે છે. દુનિયાભરના બિઝનેસ ટાયકૂન ધ્યાન કરે છે. પરંતુ, દુનિયાની સૌથી મોટી ટેક કંપનીઓમાંથી એક Googleના CEO સુંદર પિચાઈ અલગ રીતે પોતાને રિલેક્સ કરે છે. પિચાઈએ ખુલાસો કર્યો છે કે, તેઓ કામના સ્ટ્રેસને ઓછો કરવા માટે NSDR (નોન સ્લીપ ડીપ રેસ્ટ)નો સહારો લે છે. પિચાઈએ જણાવ્યું કે, એક પોડકાસ્ટ દ્વારા તેમને આ વાતની જાણકારી મળી હતી. તેમા ઊંઘ્યા વિના ગાઢ આરામ દ્વારા તમે તમારા શરીરને ફરીથી કામ કરવા લાયક બનાવી લો છો. પિચાઈએ જણાવ્યું કે, જ્યારે પણ મને ધ્યાન કરવામાં મુશ્કેલી થાય છે ત્યારે હું NSDR સંબંધી વીડિયોઝ શોધુ છું. 10, 20, 30 મિનિટના આ વીડિયો દ્વારા NSDR કરવાનો પ્રયત્ન કરું છું.

શું હોય છે NSDR?

NSDRને સ્ટેનફોર્ડ ન્યૂરોસાયન્સના પ્રોફેસર એન્ડ્ર્યૂ હ્યૂબરમેને શોધી હતી. NSDRમાં વ્યક્તિ આંખ બંધ કરીને બેડ અથવા જમીન પર સૂઈ જાય છે. પછી કોઈ એક વસ્તુ પર પોતાનું ધ્યાન કેન્દ્રિત કરવાનો પ્રયત્ન કરે છે. હ્યૂબરમેનના જણાવ્યા અનુસાર, NSDR લોકોને આરામ કરવા, વધુ સરળતાથી સુવા, સ્ટ્રેસ અને ચિંતાને ઓછી કરવા, દુઃખાવાને ઓછો કરવા અને ત્યાં સુધી કે શીખવામાં ઝડપ લાવવામાં મદદ કરી શકે છે.

આ ટેકનિક એક પ્રકારે યોગનિંદ્રા જેવી છે. પ્રાચીનકાળમાં સૌથી પહેલા ઋગ્વેદમાં તેનો ઉલ્લેખ મળે છે. તેમજ ઉપનિષદોમાં પણ તેનો ઉલ્લેખ છે.

ભારતની દેન છે યોગનિંદ્રાઃ ઋગ્વેદમાં ઉત્પત્તિનો ઉલ્લેખ

સ્ટેપ 1: કોઈ શાંત અને ઓછાં અજવાળાવાળા સ્થાન પર મેટ પાથરીને પીઠના બળે સૂઈ જાઓ. શરીરને સંપૂર્ણરીતે ઢીલુ છોડી દો. હથેળીઓ ખોલીને આકાશ તરફ રાખો.

સ્ટેપ 2: ઊંડા શ્વાસ લો, પછી સામાન્ય શ્વાસ લેતા-લેતા ધ્યાન જમણા પગના પંજા પર કેન્દ્રિત કરો. આ દરમિયાન મનમાં સારા વિચારો આવે તો તેને અટકાવવાનો પ્રયત્ન ના કરો.

સ્ટેપ 3: હવે પોતાનું ધ્યાન પંજાથી ઘૂંટણ, પછી જાંઘ પર લાવો. આ જ પ્રક્રિયા ડાબા પગ સાથે કરો. આમ કરતા-કરતા ગળું, છાતી વગેરે પર ધ્યાન કેન્દ્રિત કરો.

સ્ટેપ 4 : ઊંડા શ્વાસ લો અને થોડીવાર આ જ સ્થિતિમાં સૂઈ રહો. હવે ધ્યાન આસપાસના વાતાવરણ પર લઈ જાઓ અને જમણી તરફ પડખું ફરી ડાબી નાસિકામાંથી શ્વાસ છોડો.

સ્ટેપ 5: આવુ કરવાથી શારીરિક તાપમાન નીચે જશે. થોડીવાર બાદ ધીરેથી ઉઠીને બેસી જાઓ અને ધીમે-ધીમે જ પોતાની આંખો ખોલો. આ સમગ્ર પ્રક્રિયામાં 10-15 મિનિટ જેટલો સમય લાગશે.