આજના જમાનામાં પણ લોકોમાં પ્રામાણિક્તા જોવા મળી આવે છે. એક વ્યક્તિ પાસે માત્ર 3 રૂપિયા હતા. તેને બસ સ્ટોપ પાસેથી 40 હજાર રૂપિયા મળી આવ્યા હતાં. તેમ છતાં તેનું ઈમાન ડગમગાયું નહિ. તેણે તે 40 હજાર રૂપિયા તેના માલિકને પરત કરી દીધા.

મહારાષ્ટ્રના સતારામાં રહેનારા ધનાજી જગદાલેને દિવાળીના દિવસે દહીવાડી બસ સ્ટેશન પાસેથી 40 હજાર રૂપિયા મળી આવ્યા હતાં. ત્યાર પછી તેમણે આસપાસના લોકોને પૂછ્યું કે, આ રૂપિયા તેમના છે. પહેલા તો કઈ બોલ્યું નહિ. ત્યાર પછી ટેન્શનમાં દેખાતો એક વ્યક્તિ તેમની પાસે આવ્યો. તેણે જણાવ્યું કે તેની વાઈફની સર્જરી છે અને તે પૈસા તે તેની સારવાર માટે લઈ જઈ રહ્યો હતો.

જગદાલેની પ્રામાણિક્તા જોઈને તે વ્યક્તિએ તેને 1000 રૂપિયા આપવાનો પ્રયત્ન કર્યો, પણ જગલાદેએ તે રૂપિયા લીધા નહિ. તેમણે કહ્યું કે, તેમની પાસે માત્ર 3 રૂપિયા છે. ગામ જવા માટે 10 રૂપિયા લાગે છે. માટે તેમણે માત્ર 7 રૂપિયા જ તે વ્યક્તિ પાસેથી લીધા.

સતારાના BJPના ધારાસભ્ય શિવેન્દ્રરાજ ભોંસલે જેવા અન્ય નેતાઓ જગદાલેની પ્રામાણિક્તાની ચર્ચા કરી રહ્યા છે. જગદાલેને તેમની પ્રામાણિક્તા માટે સન્માનિત પણ કરવામાં આવ્યા. જોકે, જગદાલેએ કોઈ પણ પ્રકારનું રોકડ ઈનામ લીધું નહિ.

ચીનમાં એક એવી ટોયલેટ સીટનું પ્રદર્શન કરવામાં આવ્યું, જેની કિંમત અને તેને બનાવવા માટે ઉપયોગમાં લેવાયેલી વસ્તુઓ જાણી તમારા હોંશ ઉડી જશે. હાલમાં ચીનમાં એક એક્સપો ચાલી રહ્યું છે. જેમાં વિભિન્ન પ્રકારની વસતુઓને પ્રદર્શનમાં મૂકવામાં આવી છે. આમાં હોંગકોંગ જ્વેલરી કંપની કોરોનેટ તરફથી કિંમતી ટોયલેટ સીટનું પ્રદર્શન કરવામાં આવ્યું.

9.23 કરોડ રૂપિયાની કિંમતઃ

આ ટોયલેટ સીટને ખરા સોનાથી બનાવવામાં આવ્યું છે. સાથે જ તેમાં 40,815 નાના હીરો પણ જડવામાં આવ્યા છે. આ હીરા ટોયલેટ સીટમાં બૂલેટપ્રૂફ કાચની અંદર જડવામાં આવ્યા છે. લોકો આ જોઈને હેરાનીમાં મૂકાયા હતા. કંપની અનુસાર આ ટોયલેટ સીટ ઘણી કિંમતી છે. જેની કિંમત 13 લાખ અમેરિકન ડૉલર છે. એટલે કે લગભગ 9.23 કરોડ રૂપિયા છે.

A toilet studded with 40,815 diamonds worth over $1,200,000 is exhibited at the 2nd #CIIE in Shanghai. A guitar made of a 400-carat diamond and 18K white gold is also on display, with an estimated value of about $2 million. pic.twitter.com/uPYt6tSHMs

— People's Daily, China (@PDChina) November 5, 2019

ગિટાર પણ બનાવ્યુઃ

આ જ કંપનીએ કિંમતી ગિટાર પણ બનાવ્યું છે. જેને 400 કેરેટ હીરા અને વ્હાઈટ ગોલ્ડથી બનાવ્યો છે. જેની કિંમત 20 લાખ અમેરિકન ડૉલર છે. જે લગભગ 14.20 કરોડ રૂપિયા છે.

કંપની આ કિંમતી વસ્તુઓને વેચવાની નથી. ગિનીસ વર્લ્ડ રેકોર્ડમાં સામેલ થવાના પ્રયાસ માટે આ વસ્તુઓ બનાવવામાં આવી છે. કંપનીનો દાવો છે કે આ ટોયલેટ સીટ પર અન્ય ટોયલેટ કરતા વધારે હીરા જડેલા છે. કંપની પાસે પહેલેથી જ મોબાઈલ, સનગ્લાસ, ઘડિયાળ, મોબાઈલ કેસ અને હેન્ડબેગમાં હીરા જડેલ વસ્તુઓનો રેકોર્ડ પહેલાથી જ છે. કંપનીએ આ બધી વસ્તુઓને વેચવાની કોઈ યોજના બનાવી નથી. બલ્કે તેનું મ્યૂઝિમય બનાવી તેને પ્રદર્શનમાં મૂકવા માંગે છે.

ફિલ્મોને સમાજનો અરીસો ગણવામાં આવે છે. પણ મોટેભાગે ફિલ્મો હકીકતોથી પરે હોય છે. એ જ કારણ છે કે કલાકારો ફિલ્મોમાં શાનદાર પરિધાનોમાં જોવા મળે છે. જે સામાન્ય નાગરિકે જોયા જ હોતા નથી. એમાંથી મોટાભાગના પરિધાનો ઐતિહાસિક ફિલ્મોના હોય છે. પણ મસાલા ફિલ્મોમાં પણ અજીબ સ્ટાઈલના વોડરોબ જોવા મળે છે. પણ શું તમે વિચાર્યું છે કે, જ્યારે જે-તે ફિલ્મોનું શૂટિંગ પૂરુ થયા બાદ તે ફિલ્મોના આઉટફિટનું થાય છે શું?

યશરાજ ફિલ્મની સ્ટાઈલિસ્ટ આયશા ખન્નાએ જણાવ્યું હતું કે, આમાંથી મોટાભાગના પરિધાનોને સાચવીને મૂકી દેવામાં આવે છે. અને તેના પર ફિલ્મના નામનું લેબલ લગાવી દેવામા આવે છે. ત્યારબાદ આ પરિધાનોને મિક્સ મેચ કરીને જૂનિયર કલાકારોને અન્ય ફિલ્મોમાં પહેરાવવામાં આવે છે. જોકે, એ વાતનું ખાસ ધ્યાન રાખવામાં આવે છે કે દર્શકોને ખબર ન પડે કે ડ્રેસ અન્ય કોઈ ફિલ્મમાં આગળ પહેરવામાં આવ્યો છે.

જોકે, દરેક ડ્રેસની સાથે આવું કરવામાં આવતું નથી. અમુક ખાસ ડ્રેસ એવા પણ હોય છે જે તેમના માટે યાદગાર હોય છે. માટે તેઓ પોતાની પાસે પણ રાખી લે છે. બોલિનુડમાં ઘણાં સ્ટાર્સ એવા છે જેમને ફિલ્મ પ્રત્યે ખાસ લાગણી હોવાને કારણે તેની યાદગીરીના રૂપમાં ફિલ્મમાં પહેરેલા ડ્રેસ પોતાની પાસે રાખી લે છે.

એવું પણ જોવામાં આવ્યું છે કે જ્યારે કોઈ હાઈપ્રોફાઈલ સેલિબ્રિટી ડિઝાઈનર કોઈ ફિલ્મ માટે ડ્રેસ ડિઝાઈન કરે છે તો તેઓ ફિલ્મ પૂરી થયા પછી તેમણે ડિઝાઈન કરેલા ડ્રેસ પરત લઈ લેતા હોય છે. દેવદાસ અને બોમ્બે વેલવેટમાં પણ કલાકારોએ પહેરેલા કપડાને તેમના જે-તે ડિઝાઈનરોએ પરત લઈ લીધા હતા.

 આ ઉપરાંત અમુક ડ્રેસીસની નીલામી પણ કરવામાં આવે છે. જેથી તેના દ્વારા ચેરિટી માટે પૈસા એકત્રિત કરી શકાય. તમને જણાવી દઈએ કે ફિલ્મ રોબોટમાં એશ્વર્યા રાય અને રજનીકાંત દ્વારા પહેરેલા પરિધાનોનું એક સંસ્થા માટે પૈસા એકત્રિત કરવાના હેતુથી ઓનલાઈન ઓક્શન કરવામાં આવ્યું હતું.

જોકે, હવે તો બોલિવુડની અદાકારાઓ પોતાના અંગત જીવનમાં પહેરેલા ડિઝાઈનર ડ્રેસીસનું પણ ઓનલાઈન ઓક્શન કરે છે. તેઓ કોઈ સ્પેશ્યિલ કારણ માટે આ રીતનું ઓક્શન કરે છે. જેમાં દીપિકા પાદુકોણ અને આલિયા ભટ્ટનો સમાવેશ થાય છે.

અરુણાચલ પ્રદેશના તવાંગમાં MI-17 હેલીકોપ્ટર 6 ઓક્ટોબર 2017ના રોજ ક્રેશ થઈ ગયું હતું. જેમાં સ્ક્વાડ્રન લીડર શિશિર તિવારી શહીદ થઈ ગયા હતાં. તેમની યાદમાં તેમના માતા-પિતા, સવિતા તિવારી અને વાયુસેનામાં ગૃપના કેપ્ટન પદેથી નિવૃત્ત શરદ તિવારીએ તેમના દીકરાની યાદમાં 'શહીદ સ્ક્વાડ્રન લીડર શિશિર તિવારી ચેરિટેબલ ટ્રસ્ટ'ની શરૂઆત કરી.

આ ટ્રસ્ટના માધ્યમથી ગરીબ બાળકોને ફ્રીમાં શિક્ષા આપવાનું શરૂ કરવામાં આવ્યું. તેની સાથે જ આ બાળકોના ખાવા-પીવાની વ્યવસ્થા પણ કરવામાં આવે છે. તેમને ત્યાં લગભગ 350 જેટલા બાળકો ભણવા માટે આવે છે. તેમની આ સ્કૂલ બે શિફ્ટમાં કામ કરે છે. ગરીબ બાળકો માટે તે ફ્રી છે. જે બાળકોનું નામ સ્કૂલ લિસ્ટમાં નથી આવતું તેમને તે તૈયાર કરે છે. અને જે બાળકો પહેલેથી જ સ્કૂલમાં ભણી રહ્યા છે તેમને તે સ્કૂલ પછી ભણાવે છે.

આ દરેક બાળકો એવા ઘરોમાંથી આવે છે, જેમના માતા-પિતા મજૂરી, રિક્ષા ચલાવવી કે પછી ઘરેલૂ કામ કરતા હોય છે. જેને કારણે તેઓ પોતાના બાળકોના ભણતર માટે ધ્યાન આપી શકતા નથી. એવામાં સવિતા અને તેમના 25 વોલંટિયર્સની ટીમ એ વાતનું ધ્યાન રાખે છે કે બાળકોનું હોમવર્ક સારી રીતે થાય. ત્યાં તેમને ગણિત, વિજ્ઞાન, અંગ્રેજી જેવા વિષયો ભણાવવામાં આવે છે.

સવિતા તિવારી કહે છે, જ્યારે તમે કંઈક સારું કામ કરો છો, ત્યારે દરેકને તે વાત ગમતી નથી. ઘણાં લોકોએ અમને રોકવાની કોશિશ કરી હતી. કારણ કે તેમને લાગતું હતું કે આ બાળકો જ્યાંથી આવ્યા છે તેમણે ત્યાં જ રહેવું જોઈએ. તેમને શિક્ષા આપવાનું શું કામ છે. પણ હું તેમની વાતોને ધ્યાન પર નથી લેતી.

શિક્ષાની સાથે આ બાળકોને સામાજિક અને વ્યવહારુ કામ પણ શીખવવામાં આવે છે. તેમના પ્રયાસોને જોઈને હવે તેમના મિત્રો અને સગા સંબંધીઓ પણ તેમના આ અભિયાનમાં જોડાયા છે અને બાળકો માટે પુસ્તકો, સ્ટેશનરી જેવી વસ્તુઓ ડોનેટ કરીને મદદ કરવાનો પ્રયત્તન કરે છે.

પાકિસ્તાનના પૂર્વ ફાસ્ટ બોલર શોએબ અખ્તરને વિશ્વ ક્રિકેટનો સૌથી ખતરનાક બોલર માનવામાં આવતો હતો. અખ્તર પોતાની સ્પીડ અને આક્રમકતાથી બેટ્સમેનોને પ્રેશરમાં લાવતો હતો. સાથે જ ઘણીવાર પોતાની ઘાતક બોલિંગથી બેટ્સમેનોને ઈંજર્ડ પણ કર્યા છે. અખ્તરે પોતાના કરિયરના દિવસોમાં ઘણાં ભારતીય બેટ્સમેનોને પણ ચકમો આપ્યો છે. હાલમાં જ તેણે ખુલાસો કર્યો કે કયા એ બે ભારતીય બેટ્સમેનો હતા, જે તેને આખો દિવસ થકવતા હતા અને તેણે એ બે ખેલાડીઓને ક્રિકેટમાંથી નિવૃત્તિ લેવાનું એક કારણ પણ ગણાવ્યા.

46 વર્ષીય પાકિસ્તાની બોલરે હંમેશા સચિન તેંદુલકર અને રાહુલ દ્રવિડ જેવા ભારતના દિગ્ગજ બેટ્સમેનોની પ્રશંસા કરી છે. રાવલપિંડી એક્સપ્રેસના નામથી જાણીતા અખ્તરે હાલમાં જ ખુલાસો કર્યો કે આ બંને ભારતીય મહાન ખેલાડીઓ તેનો ખૂબ સામનો કરતા હતા અને આ બાબત તેને નિરાશ કરતી હતી.

IPL 2022માં આજે રમાનારી કેકેઆર અને પંજાબ કિંગ્સની વચ્ચે થનારી મેચનો પ્રીવ્યૂ કરતા અખ્તરે કહ્યું કે, મારી નિવૃત્તિનું એક મોટું કારણ એ પણ હતું કે હવે હું જલદી નહોતો ઊઠી શકતો. હું પાછલા 25 વર્ષોથી સવારે 6 વાગ્યાથી જાગી રહ્યો હતો અને પછી સચિન તથા દ્રવિડ જેવા બેટ્સમેનો સામે બોલિંગ કરતો હતો. જેઓ મને આખો દિવસ થકવતા હતા. તો આ મારા રિટાયરમેન્ટનું એક મુખ્ય કારણ હતું કે બસ હવે સવારમાં વહેલું ઉઠાતું નથી.

હરભજન સિંહે હાલમાં અખ્તરનો ઉલ્લેખ કર્યો હતો. તેણે કહ્યું હતું કે, જ્યારે હું પાકિસ્તાન ટૂર પર ગયો હતો ત્યારે બધા ખેલાડીઓ બસ દ્વારા મેદાનમાં આવ્યા હતા. જોકે એક ખેલાડીએ જોન અબ્રાહમની જેમ લેધર જેકેટ અને હેલમેટ પહેરીને એન્ટ્રી કરી હતી. અમે લોકો હેરાન હતા કે કોઇ બાઈક પર સવાર થઇને મેદાને કઇ રીતે આવી શકે છે. પણ તેમણે જેવું હેલમેટ ઉતાર્યું તો અમને ખબર પડી કે તે શોએબ અખ્તર હતા. આખી ટીમ બસમાં આવી હતી પણ તેમણે તેમના અંદાજમાં એન્ટ્રી લીધી હતી.

હરભજન સિંહે આ વાત તેના 2004ના પાકિસ્તાન પ્રવાસને યાદ કરતા કહી હતી.

જ્યારથી નોઇડામાં દોડનારા યુવાન પ્રદીપ મહેરાનો મોડી રાતે દોડવાનો વીડિયો વાયરલ થયો, ત્યારથી ઘણાં સોશિયલ મીડિયા યૂઝર્સે પ્રદીપને નાણાકીય સહાય કરવાની રજૂઆત કરી છે. એવામાં હવે રિટેલ બ્રાન્ડ શોપર્સ સ્ટોપે પ્રદીપને તેની માતાની સારવાર માટે અને તેના સપના પૂરા કરવામાં મદદ કરવા માટે 2.5 લાખ રૂપિયાનો ચેક આપ્યો છે.

હોસ્પિટલમાં ચાલી રહી છે પ્રદીપની માતાની સારવાર

જણાવીએ કે પ્રદીપની માતાને ટીબી છે અને તેમની હોસ્પિટલમાં સારવાર ચાલી રહી છે. શોપર્સ સ્ટોપની આ મદદની લોકો ઘણી પ્રશંસા કરી રહ્યા છે.

સેનામાં સામેલ થવાનું સમણુ

વાયરલ વીડિયોમાં પ્રદીપ મોડી રાતે નોઇડામાં રસ્તા પર દોડતો જોવા મળ્યો હતો. જેની પાસે નાની બેગ અને હાથમાં મોબાઈલ ફોન હતો. જ્યારે તેને કારમાં ઘર સુધી પહોંચાડવાની વાત કહેવામાં આવી તો પ્રદીપે મદદ લેવાની ના પાડી દીધી અને કહ્યું તે સેનામાં જોડાવવા ગે છે. માટે પોતાને શારીરિક રીતે ટ્રેઇન્ડ(સક્ષમ) કરવા માટે સેક્ટર 16થી પોતાના ઘર બરોલા સુધી રોજ રાતે લગભગ 10 કિમી દોડે છે. એ પૂછવા પર કે તે શા માટે મોડી રાતે ભાગી રહ્યો છે, તો પ્રદીપ કહે છે કે, સેનામાં સામેલ થવા માટે. ભાગતા ભાગતા પ્રદીપે એવું પણ કહ્યું કે, સવારે તેણે કામ પર જવાનું હોય છે અને ભોજન બનાવવાનું હોય છે. માટે સવારે દોડવાનો સમય મળતો નથી.

Midnight runner #PradeepMehra is overwhelmed with all the love and support.
Yesterday, @shoppersstop gave a cheque of 2.5L ₹ to him for his mother’s treatment and pursue his dreams.
God bless you guys❤️ pic.twitter.com/uRxck0S2bf

— Vinod Kapri (@vinodkapri) March 30, 2022

Watch #PradeepMehra’s 20 second SPRINT to lift your Monday SPIRITS ❤️ https://t.co/UnHRbJPdNa pic.twitter.com/nLAVZxwauq

— Vinod Kapri (@vinodkapri) March 21, 2022

વીડિયો વાયરલ થવા પહેલા કહી હતી આ વાત

પ્રદીપે વીડિયોમાં કહ્યું કે, તેની માતા અલ્મોડા હોસ્પિટલમાં દાખલ છે. જ્યારે તે પોતે નોઇડામાં પોતાના મોટા ભાઈ સાથે રહે છે. જે એક કંપનીમાં રાતની શિફ્ટ દરમિયાન કામ કરે છે. જ્યારે તેને કહેવામાં આવ્યું કે વીડિયો ક્લિપ વાયરલ થઇ જશે તો પ્રદીપે જવાબ આપ્યો, કોણ ઓળખવાનું છે!

ચા વિના કોઈપણ વ્યક્તિને ચાલતું નથી. તેની આદત પડી જાય છે. પણ એ વાત પણ ખોટી નથી કે ચાથી વધારે રિફ્રેશિંગ પીણુ અન્ય કોઈ નથી. ભારતમાં મોટાભાગની વસતી સવારે ચા પીએ છે. એ જ કારણ છે કે દેશમાં તો ઠીક પણ વિદેશોમાં પણ લોકો મસાલા ચાના ચાહકો છે. તેમાં પણ આદુ વાળી મસાલા ચા!! એક વિદેશી મહિલા ભારત ફરવા આવી હતી, ટપરી પર ચા પીધી. પાછી વિદેશ પરત ફરી અને તેની દુનિયા જ બદલાઈ ગઈ.

દેશી ચા વેચી બની કરોડપતિઃ

બ્રૂક અડી નામની આ અમેરિકન મહિલા દેશી ચા વેચીને કરોડપતિ બની ગઈ છે. તેની ‘ભક્તિ ચા’ થી આખી દુનિયા પરિચીત છે. બ્રૂક ચાનો વેપાર કરે છે. 2007માં તેણે ‘ભક્તિ ચા’ નામથી કંપનીની શરૂઆત કરી હતી. અમેરિકાના કોલોરાડોમાં તેણે આ કંપનીની શરૂઆત કરી. તેના આ બિઝનેસને લગભગ 14 વર્ષ થવા આવ્યા છે. તે કોલોરાડોની જાણીતી કરોડપતિ છે.

દેશી ચાનો સ્વાદ નહીં છોડી શકીઃ

બ્રૂક 2002માં ભારત ફરવા માટે આવી હતી. તેણે દેશના ઘણાં પશ્ચિમી રાજ્યોનો પ્રવાસ કરેલો. થાક દૂર કરવા માટે લોકોએ તેને ચા પીવાની સલાહ આપી હતી. બ્રૂકે ચા પીવાની શરૂઆત કરી. ચા નો સ્વાદ તે છોડી શકી નહીં. તે સમજી ગઈ કે આ સ્વાદમાં એવું કંઇ છે જે વિદેશમાં પણ લોકોને ખૂબ પસંદ આવશે.

2007માં ‘ભક્તિ ચા’ કંપનીની શરૂઆતઃ

અમેરિકા પરત ફર્યા બાદ બ્રૂકે ચાના ફ્લેવરને વિકસાવવાની શરૂઆત કરી. તેણે ચા કઈ રીતે બનાવાય તે પણ શીખ્યું. 2006માં તેને ભારતીય ચાનો સ્વાદ યાદ આવવા લાગ્યો. કારણ કે અમેરિકામાં તેને ભારતીય ટેસ્ટની ચા કશે નહીં મળી. માટે બ્રૂકે નક્કી કર્યું કે તે પોતાની કંપનીની શરૂઆત કરશે અને ચા વેચશે. તેણે કારમાં ચા વેચવાનું શરૂ કર્યું. તેને નામ આપ્યું ‘ભક્તિ’.

આજે 200 કરોડથી વધારાનો છે બિઝનેસઃ

ધીમે ધીમે ચાનો સ્વાદ અમેરિકાના સ્થાનિક લોકોને પણ ખૂબ પસંદ આવ્યો. સાઈડ બિઝનેસ એટલી ઝડપથી આગળ વધી ગયો કે બ્રૂકે પોતાની નોકરી પણ છોડી દીધી. અને 2007માં કંપની રજિસ્ટર્ડ કરાવી. 2008માં પોતાના બિઝનેસમાં અન્ય લોકોને સામેલ કર્યા. આજની તારીખમાં બ્રૂકની કંપની માત્ર ચા વેચીને 200 કરોડથી વધારેનો બિઝનેસ કરી રહી છે.

મધ્ય પ્રદેશના ખરગોન જિલ્લાના મંડલેશ્વરની લક્ષ્મી નારાયણ એક્સટેંશન કોલોનીએ એક નોખી પહેલ શરૂ કરી છે. અહીંના રહેવાસીઓ રોજ બેથી ત્રણ કલાક મોબાઈલ અને ટીવી ચલાવતા નથી. કોલોનીની દરેક મહિલાઓ, પુરુષો અને બાળકો અલગ અલગ રમતો રમે છે કે એક્ટિવીટીઓ કરે છે. શનિવારે સંગીત પ્રોગ્રામનું આયોજન કરે છે.

પાછલા અમુક વર્ષોમાં સૌ કોઇ મોબાઈલ અને ટીવીમાં એટલા વ્યસ્ત થઇ ગયા છે કે ઘરની અંદર જ પરિવારના સભ્યો સાથે પણ વાત કરવાની તસ્દી લેતા નથી. એકબીજા સાથેનું અંતર વધી રહ્યું છે. થોડા સમય માટે મોબાઈલ અને ટીવીથી દૂર રહે તો વ્યક્તિ બેચેન થઇ જાય છે.

આ કોલોનીના રહેવાસી નવીન કુમાર જણાવે છે કે, તેમના અને કોલોનીના અમુક બાળકો સાંજના સમયે ઘરની બહાર રમતા રહેતા હતા. તેમને જોઇ મનમાં આવ્યું કે, આપણે પણ સાંજના સમયે મોબાઈલ અને ટીવીની દુનિયાથી બહાર નીકળી શારીરિક કે માનસિક રીતે પોતાને સ્વસ્થ રાખીએ. આ હેતુને લઇ કોલોનીના 7-8 પરિવારના લોકોએ નક્કી કર્યું કે હવેથી રોજ તેઓ રાતે 8 થી 10 વાગ્યા સુધી બે કલાક મોબાઈલનો ઉપયોગ કરશે નહીં.

કોલોનીના લોકો રોજ રાતે 8 વાગ્યે ઘરની બહાર નીકળે છે અને અન્ય એક્ટીવિટીઓ કરે છે. આ દરમિયાન કોઇ ફુટબોલ, બેડમિંટન કે સાઇકલિંગ કરે છે. મહિલાઓ ચેર રેસ રમે છે. અઠવાડિયાના એક દિવસ સંગીતનો પ્રોગ્રામ થાય છે. આ કોલોનીમાં 250થી વધારે પરિવાર રહે છે.

ફાયદા શું

કોલોનીના લોકોનું કહેવું છે કે, તેમની આ પહેલથી તેઓ સ્વસ્થ અને પોઝિટિવ એનર્જી અનુભવે છે. આ ઉપરાંત તેઓ સમયસર સૂઈ જાય છે. સમયથી ઊઠી જાય છે. આખો દિવસ કામ કર્યા પછી સાંજે રમવા માટે ઉત્સુક રહે છે.

કોલોનીની મહિલાઓ અનુસાર, પહેલા ઘરનું કામ કર્યા પછી તેઓ મોબાઈલમાં વ્યસ્ત થઇ જતા હતા. પણ હવે આ પહેલ પછી બધી મહિલાઓ અલગ અલગ રમત રમે છે. એકબીજા સાથે પરસ્પર સંબંધ પણ સારા થયા છે. જીવનમાં પરિવર્તન આવ્યું છે. બાળકો હવે મોબાઈલના સ્થાને શારીરિક રમત રમવાનું પસંદ કરે છે.

સોશિયલ મીડિયા સ્ટાર લોગન પોલનું રેસલ મેનિયામાં ડેબ્યૂ ચોંકાવનારું રહ્યું. શોમાં એન્ટ્રી દરમિયાન તે દુનિયાનો સૌથી મોંઘો પોકેમોન કાર્ડ પહેરી આવ્યો. તેની કિંમત 45 કરોડ રૂપિયાથી વધારે કહેવામાં આવી રહી છે. આ ખૂબ જ રેયર પિકાચુ ગ્રાફિક કાર્ડ છે.

WWEએ ટ્વીટર પર એક વીડિયો શેર કર્યો છે. જેમાં 27 વર્ષના અમેરિકન યૂટ્યૂબર લોગન એરિનામાં પ્રવેશ કરતો જોવા મળે છે. આ દરમિયાન તેના ગળમાં પોકેમોન કાર્ડ લટકતો જોવા મળે છે. લોગનને તેના આ કાર્ડ માટે ગીનીસ વર્લ્ડ રેકોર્ડમાં પણ સ્થાન મળ્યું છે.

લોગન પોલમે આ પ્રતિષ્ઠિત PSA ગ્રેડ 10 પિકાચુ ઈલસ્ટ્રેટર કાર્ડ 40 કરોડ રૂપિયાના રેકોર્ડ બ્રેકિંગ ટ્રેડ પછી મળ્યો છે. પોલે આ કાર્ડ 22 જુલાઈ 2021માં ખરીદ્યો હતો. એક પ્રાઈવેટ સેલમાં આ કાર્ડ લેવામાં આવ્યો છે.

Congratulations to @LoganPaul on achieving his first Guinness World Records title!

His PSA 10 Pikachu Illustrator is the most expensive Pokémon card sold in a private auction - $5,275,000

Read more: https://t.co/ghZiQ0yQO3 pic.twitter.com/opulLbzTsY

— Guinness World Records (@GWR) April 3, 2022

PSA ગ્રેડ 10 પિકાચુ ઈલસ્ટ્રેટર કાર્ડને મેળવવા માટે લોગન પોલે પોતાનો ગ્રેડ 9 પિકાચુ કાર્ડ આપવો પડ્યો. જેને લગભગ 9.6 કરોડ રૂપિયામાં ઈટલીના મેટ એલને ખરીદ્યો હતો. આ ઉપરાંત ગ્રેડ 10 કાર્ડ માટે તેને લગભગ 30 કરોડ રૂપિયા પણ આપવા પડ્યા હતા. પીએસએની પ્રાઇસ ગાઈડ અનુસાર, તેની કિંમત લગભગ 45 કરોડ રૂપિયા છે.

.@LoganPaul wearing the most expensive @Pokemon card in the world right now at #WrestleMania! ??? pic.twitter.com/ZnCTZD8ln9

— WWE (@WWE) April 3, 2022

લોગન પોલે ગીનીસ વર્લ્ડ રેકોર્ડ સાથે વાત કરતા કહ્યું કે, પિકાચુ ઈલસ્ટ્રેટર દુનિયાનું સૌથી પ્રતિષ્ઠિત અને ખૂબ જ રેયર પોકેમોન કાર્ડ છે. વર્ષ 1998ના ઈલેસ્ટ્રેશન કોન્ટેસ્ટના માત્ર 39 વિજેતાઓને આ મળ્યો હતો. જેમાંથી માત્ર એકને જ પરફેક્ટ 10 ગ્રેડ મળ્યો હતો. જેને લોગન પોલે ખરીદ્યો હતો.

તમિલનાડુના સાલેમમાં એક એવો કિસ્સો સામે આવ્યો છે, જેને વાંચી તમે પણ આશ્ચર્યમાં પડી જશો. અહીંના નિવાસી વી બૂબાથીએ પાઇ-પાઇ ભેગી કરીને પોતાની પસંદગીની બજાજ ડોમિનોર 400 ખરીદી છે. યુવાને 3 વર્ષ સુધી રોજ 1 રૂપિયાના સિક્કા ભેગા કર્યા અને આ બાઇક ખરીદી છે. મજાની વાત તો એ છે કે, ડીલપશિપે આ સિક્કાની ગણતરી પણ શરૂ કરી છે. 1 રૂપિયાના એટલા સિક્કા હતા કે ડીલરશિપને તેને ગણવામાં 10 કલાકનો સમય લાગ્યો. આ જાણકારી ભારત એજન્સીના મેનેજર મહાવિકરાંતે આપી છે.

ચિલ્લરોએ સપનુ પૂરુ કર્યું

બૂબાથી બીસીએથી ગ્રેજ્યુએટ છે અને તેણે 4 વર્ષ પહેલા પોતાની યૂટ્યુબ ચેનલ શરૂ કરતા પહેલા એક ખાનગી કંપનીમાં કમ્પ્યૂટર ઓપરેટરનું કામ કર્યું હતું. 3 વર્ષ પહેલા બજાજ ડોમિનોર 400 ખરીદવી તેનું સપનું હતું. પણ તે સમય બાઇક 2 લાખ રૂપિયાની હતી અને તેની પાસે આટલા રૂપિયા નહોતા. તેણે પોતાની યૂટ્યૂબ ચેનલ દ્વારા મળનારા પૈસાથી એક એક કરીને 1 રૂપિયાના સિક્કા જમા કરવાનું શરૂ કર્યું જેથી પોતાનું સપનું સાકાર કરી શકે. વી બૂબાથી કહે છે કે, મેં લગભગ 3 વર્ષ સુધી મંદિર, હોટલ્સ એટલું જ નહીં ચાની લારીઓ પાસેથી નોટના બદલે સિક્કા લીધા.

કિંમત વધવાની જાણકારી નહોતી

તેને બાઇક ખરીદવા પહેલા જાણ થઇ કે બજાજ ડોમિનોર 400ની ઓનરોડ કિંમત 2.6 લાખ રૂપિયા સુધી જઇ રહી છે. ત્યારે તેણે પોતે જમા કરેલા સિક્કાની ગણતરી શરૂ કરી અને નસીબથી તે રકમ તેનું સપનું પૂરુ કરવા માટે પર્યાપ્ત હતી. યુવક તે રૂપિયા લઇ ભારત એજન્સીના મેનેજર મહાવિકરાંતની પાસે પહોંચ્યો અને બાઇકની કિંમત સિક્કા દ્વારા ચૂકવવાની વાત કરી.

શરૂઆતમાં મેનેજરે ના પાડી દીધી અને કહ્યું કે, 2 હજાર રૂપિયાની નોટ થવા પર 1 લાખ રૂપિયા ગણવા પર બેંક 140 રૂપિયા કમીશન ચાર્જ કરે છે. પણ ત્યાર પછી બૂબાથીનું સપનું પૂરુ થતા જોઇ મેનેજરી પરવાનગી આપી દીધી.

ટીપે ટીપે સરોવર ભરાય અને ટીપે ટીપે ઘડો ભરાય આ કહેવતને બૂબાથીનો આ કિસ્સો સાર્થક કરે છે.

રશ્મિકા મંદાના અને વિજય દેવરકોંડાની ડેટિંગની અફવા પાછલા ઘણાં સમયથી ચર્ચામાં છે. જ્યાં અભિનેત્રી પોતાની આવનારી ફિલ્મ ‘એનિમલ’ના પ્રમોશનમાં રણબીર કપૂર સાથે વ્યસ્ત છે. તો રણબીરે બંનેના સંબંધ વિશે ચોંકાવનારો ખુલાસો કર્યો છે, જ્યારે રશ્મિકા અને રણબીર ડિરેક્ટર સંદીપ વાંગા સાથે એક ચેટ શોમાં પહોંચ્યા હતા.

અભિનેતા નંદમુરી બાલકૃષ્ણના શોના એક સેગમેન્ટમાં સંદીપ અને રશ્મિકાને ફિલ્મ અર્જુન રેડ્ડી અને એનિમલની વચ્ચે એક ફિલ્મ સિલેક્ટ કરવા કહેવામાં આવ્યું. ત્યારે રણબીરે રશ્મિકાને ચીડવવાનું શરૂ કરી દીધું. કારણ કે અભિનેત્રીએ જણાવવાનું હતું કે વિજય દેવરકોંડા અને રણબીર કપૂરમાંથી કોણ બેસ્ટ એક્ટર છે. કોણ રીલ હીરો છે અને કોણ રીયલ હીરો છે. જ્યારે રશ્મિકાએ આ સવાલનો જવાબ આપવાની ના પાડી દીધી, તો નંદમુરીએ સંદીપને વિજયને ફોન કરવા કહ્યું, પણ વિજયે કોલ મિસ કરી દીધો. રણબીરે પછી કહ્યું, સર...રશ્મિકાને ફોન કરવા દો, વિજય સંદીપનો ફોન નહીં ઉઠાવશે. આ સાંભળતા જ રશ્મિકા શરમાઈ ગઇ.

રશ્મિકાને વિજયે ફોન કર્યો

રણબીરે સેટ પર રશ્મિકાનો ફોન માગ્યો અને કહ્યું કે, તે વિજયને કોલ કરે. પણ અભિનેતાએ તેનો ફોન ઉઠાવ્યો નહીં. બલ્કે ડિરેક્ટર સંદીપ વાંગાને કોલબેક કર્યો. તો રશ્મિકાને પણ ફોન આવ્યો. જેવું રશ્મિકાએ હેલ્લો કહ્યું તો વિજયે પૂછ્યું કે....શું ચાલી રહ્યું છે? તો રશ્મિકાએ શરમતા કહ્યું કે બધુ સારું છે. સાથે જ ચેતવણી પણ આપી કે ફોન સ્પીકર પર છે તો તે સાવચેતીથી વાત કરે.

 

 

 

View this post on Instagram

A post shared by virosh

ત્યાર બાદ રણબીરે કહ્યું, વિજય..બાલા રસને જલન થઇ રહી છે. તો વિજયે કહ્યું કે, બાલા સર રશ્મિકાને પ્રેમ કરે છે. વિજયને પૂછવામાં આવ્યું કે તે કોને પ્રેમ કરે છે. તો અભિનેતાએ ડિરેક્ટર સંદીપ વાંગાનું નામ લીધું. જેને સાંભળતા જ લોકો હસવા લાગ્યા. ત્યાર બાદ રણબીરે વિજયને જણાવ્યું કે, રશ્મિકાને અર્જુન રેડ્ડી અને એનિમલના પોસ્ટર વચ્ચે સિલેક્ટ કરવા કહેવામાં આવ્યું હતું. તેનો જવાબ આપતા રશ્મિકાએ કહ્યું કે, મેં રીલિઝના પહેલા દિવસે અર્જુન રેડ્ડી જોઇ હતી. માટે મારો અર્જુન રેડ્ડીની સાથે સંબંધ છે અને એનિમલ મારી ફિલ્મ છે, માટે મને આ બંને પસંદ છે.

 

 

 

View this post on Instagram

A post shared by virosh

જ્યારે રણબીર અને શોના હોસ્ટે તેને પૂછ્યું કે શું કનેક્શન છે તો રશ્મિકા શરમાઈ ગઇ. રણબીરે આગળ કહ્યું કે, સર..ખરેખર તો આ એક સંયોગ છે કે સંદીપ પહેલીવાર રશ્મિકાને વિજયની ટેરેસ પર અર્જુન રેડ્ડીની સક્સેસ પાર્ટીમાં મળ્યા હતા. જેનાથી રશ્મિકા ચોંકી ગઇ અને બોલી કે આ બધી જાણકારી આપવી જરૂરી નથી. ફોન ખતમ થયા પછી રણબીરે રશ્મિકા તરફ ઈશારો કરતા કહ્યું કે, આટલો નેચરલ બ્લશ આવ્યો.

દેશની સૌથી મોટી કાર નિર્માતા કંપની મારુતિ સુઝુકીએ વર્ષના અંતમાં એક મોટો ઝટકો આપ્યો છે. મારુતિ સુઝુકી જાહેરાત કરી છે કે, તે પોતાની કારની કિંમતો વધારવા જઇ રહ્યા છે. જે 1 જાન્યુઆરી 2024થી લાગૂ થશે. એક પ્રેસ રીલિઝમાં, મારુતિ સુઝુકીએ કહ્યું કે, કમોડિટી પ્રાઈસ અને ખર્ચ વધવાને કારણે કંપનીએ આ નિર્ણય લેવો પડ્યો છે. કંપનીએ આગળ કહ્યું કે, ખર્ચ ઓછો કરવા અને કિંમતોમાં ભાવવધારાની ભરપાઈ માટે કરવામાં આવેલા પ્રયાસો છતાં ગ્રાહકોને અમુક કારોની ખરીદીમાં કિંમત વધારાનો ભાર ઉઠાવવો પડી શકે છે.

એવું માનવામાં આવી રહ્યું છે કે મારુતિના દરેક મોડલોની કિંમતોમાં વધારો થઇ શકે છે. જોકે કાર નિર્માતા કંપનીએ હજુ સુધી પોતાના મોડલો પર કિંમત વધારી જાહેરાત કરી નથી.

કિંમતોમાં વધારો દરેક કાર મોડલોમાં અલગ અલગ થવાની આશા છે. મારુતિ સુઝુકીએ છેલ્લીવાર 1 એપ્રિલ 2023ના રોજ પોતાની દરેક કારોની કિંમતોમાં 0.8 ટકાનો વધારો કર્યો હતો. મારુતિ સુઝુકી ઉપરાંત અન્ય કાર નિર્માતા કંપનીઓ પણ પ્રાઈસ હાઈકનું એલાન કરી ચૂકી છે. હાલમાં જ જર્મન લગ્ઝરી કાર નિર્માતા કંપની AUDIએ પણ કિંમતોમાં વધારાની જાહેરાત કરી હતી.

AUDIએ વધતા ઈનપુટ કોસ્ટ અને પરિચાલન ખર્ચાનો હવાલો આપતા કહ્યું હતું કે, તેઓ જાન્યુઆરી 2024થી ભારતમાં પોતાના વાહોનોની કિંમતોમાં 2 ટકા સુધીનો વધારો કરશે. ઓડી ઈન્ડિયાએ કહ્યું કે, કિંમતોમાં વધારે 1 જાન્યુઆરી 2024થી પ્રભાવી થશે અને દરેક મોડલ રેંજમાં ભાવ વધારો થશે.

જણાવીએ કે, વર્ષના અંતમાં પ્રાઈસ હાઈકની જાહેરાત કરવી એક સામાન્ય પ્રક્રિયા છે. સામાન્ય રીતે દર વર્ષે વાહન નિર્માતા કંપનીઓ નવા વર્ષની શરૂઆત પહેલા પોતાના વાહનોની કિંમતને અપડેટ કરે છે. જોકે, આ વધારો ખૂબ જ ન્યૂનતમ હોય છે અને સામાન્ય રીતે મારુતિ સુઝુકી જેવી બ્રાન્ડ્ઝની કારોની કિંમતમાં લગભગ 20 હજાર રૂપિયા સુધીનો વધારો જોવા મળે છે. હવે એ જોવાનું રસપ્રદ રહેશે કે મારુતિ સુઝુકી આ વખતે કારોની કિંમતમાં કેટલો વધારો કરે છે.