સોશિયલ મીડિયા પર જંગલ સફારીને એક વીડિયો જોરશોરથી શેર થઈ રહ્યો છે. જે જોતા રૂવાડાં ઊભા થઈ જાય એમ છે. કારણ કે આ વીડિયોમાં એવું જોવા મળ્યું છે કે, એક સિંહ પ્રવાસીઓની કાર સુધી આવી જાય છે. વીડિયોમાં જોતા એવું લાગે છે કે, તે પ્રવાસીઓ પર હુમલો કરી દેશે. સિંહ પ્રવાસીઓની કારની એટલી નજીક પહોંચી જાય છે કે, એને જોઈને એવું લાગે છે કે, તે શિકાર કરવાની તૈયારી કરી રહ્યો છે. પણ વીડિયો આગળ જોતા એ વાત સમજાય છે કે, કોઈ કારણ વગર સિંહ હુમલો કરતો હતો.

આ વીડિયો ક્યારનો છે એ અંગે કોઈ વિગત સામે આવી નથી. રૂવાડાં ઊભા કરી દેતો સિંહનો આ વીડિયો આફ્રિકાના Sabi Sabi Reserveનો હોવાનું જાણવા મળ્યું છે. સોશિયલ મીડિયા પર વાયરલ થઈ રહેલા આ વીડિયોમાં જંગલ સફારીનો આનંદ માણવા માટે નીકળેલા પ્રવાસીઓ એક કારમાં બેઠા છે. નાની કેડી પર બે કાર સામસામે આવી જાય છે. એ જ સમયે બે કાર વચ્ચેથી સિંહ લટાર મારતો આવે છે. ગાડીની બોનેટ પાસે બેઠેલા વ્યક્તિની એકદમ નજીક આવી જાય છે. એટલો નજીક કે સિંહને જોઈને વ્યક્તિના હોંશ ઉડી જાય છે.

સિંહ જેવો એની નજીક જાય છે ત્યારે વ્યક્તિ પોતાના શ્વાસ રોકીને પથ્થર બનીને બેસી રહે છે. એક પણ ક્ષણ માટે તે હલતો નથી. વ્યક્તિને આવી રીતે જોઈને સિંહ પણ કંઈ કરવાના બદલે ત્યાંથી ચાલતી પકડે છે. રૂવાડાં ઊભા કરી દેતો વીડિયો ઈન્સ્ટાગ્રામ પર Richard.Degouveiaનામના પેજ પર પોસ્ટ કરાયો છે.

જેના કેપ્શનમાં એવું લખ્યું છે કે, ટ્રેકર્સ સીટ પર જ્યારે સિંહ આવે ત્યારે તમે કેવું મહેસુસ કરો છો? Sabi Sabi Reserveના પ્રાણીને વર્ષોથી ખબર છે કે, તે પોતાની આસપાસ વાહનોની હાજરીને કોઈ ધ્યાન આપતા નથી. એવું કહી શકાય છે કે, અહીં દુનિયાના અવિશ્વસનીય કહી શકાય એવા ખેલ જોવા મળશે.

 

 

 

View this post on Instagram

A post shared by Richard De Gouveia (@richard.degouveia)

અત્યાર સુધીમાં આ વીડિયો પર 83000 થી વધારે લાઈક્સ મળ્યા છે. લાખો વ્યૂ મળી ચૂક્યા છે. ઘણા યુઝર્સે આના પર કોમેન્ટ કરી છે એક વ્યક્તિએ એવું લખ્યું કે, જેવો સિંહ પ્રવાસીઓની કાર વચ્ચે આવ્યો તો મારા શ્વાસ થંભી ગયા હતા. બીજા એક યુઝર્સે કહ્યું કે, બની શકે છે કે, સિંહે થોડા સમય પહેલા જ શિકાર કર્યો હોય. એને ભૂખ ન લાગી હોય અન્યથા આ પ્રાણી ગમે એનું કામ મિનિટોમાં તમામ કરી શકે એમ છે.

એક સામાન્ય માણસનું જીવન મજૂરી કરતા કરતા પૂર્ણ થઈ જાય છે. પણ એ જ વ્યક્તિ અચાનક હેડલાઈન્સમાં આવી જાય તો? એ પાછળનું કારણ જાણવાનું રસપ્રદ બની રહે છે. આવો એક કિસ્સો કેરળમાંથી સામે આવ્યો છે. જ્યાં 60 વર્ષના એક મજૂરનો એ ફોટો સોશિયલ મીડિયા પર વાયરલ થઈ રહ્યો છે. આ ફોટોમાં મજૂરનો એક ગ્લેમર લુક જોવા મળ્યો છે. જેના પર અનેક યુઝર્સ પોતાની પ્રતિક્રિયા આપતા એના વખાણ કરી રહ્યા છે. કોઝિકોડમાં રહેતા મમ્મિક્કા મજૂરીકામ કરે છે.

પણ એક ફોટોગ્રાફરે એનું મેકઓવર કરી નાંખ્યું હતું. સોશિયલ મીડિયા પર એનો ફોટો વાયરલ થતા હવે એને એક મોડલ તરીકેની ઓળખ મળી રહી છે. આ ફોટોમાં એનો સ્વેગ અને એટિટ્યુડ દેખાઈ રહ્યો છે. આ મજૂરનો ફોટો શારિક વાયલિલે ક્લિક કર્યો છે. જેણે મમ્મિક્કામાં એક મોડલ પાસે હોવી જોઈએ એવી ટેલેન્ટ જોઈ.

પછી તેને એક લેટેસ્ટ ફોટોશુટ પ્રોજેક્ટનો એક ભાગ બનાવાયો હતો. પછી એનો લુક અને ડેશિગ ફોટો સોશિયલ મીડિયા પર વાયરલ થઈ ગયો હતો. હાલમાં એના લુકને લઈ પ્રશંસા પ્રાપ્ત થઈ રહી છે. સોશિયલ મીડિયા પર હાલ આ મજૂરને જે લોકો પસંદ કરી રહ્યા છે એની સંપૂર્ણ ક્રેડિટ શારિકને જાય છે. એક લોકલ પેઢીએ પ્રમોશનલ ફોટોશુટ માટે મમ્મિકાને સુટ બુટ પહેરાવી દીધા હતા. આ ઉપરાંત Ipad સાથે એના નવા લુકનો ફોટો ક્લિક કરવામાં આવ્યો હતો. એ પછી શારિકે પોતાના સોશિયલ મીડિયા પેજ પર એનો ફોટો પોસ્ટ કર્યો હતો. જે પછીથી અભિનેતા વિનાયકન સાથેની સમાનતાને લઈને વાયરલ થયો હતો.

 

 

 

View this post on Instagram

A post shared by Ｓｈａｒｅｅｋ Ｖａｙａｌｉｌ Ｓｈｋ ? (@shk_digital)

મમ્મિક્કા પોતાની લૂંગી અને શર્ટને કારણે ઓળખાય છે. હવે એનો આ મોડલ અવતાર લોકોને પસંદ પડી રહ્યો છે. જેના પર અનેક લોકો પોતાની પ્રતિક્રિયા આપી રહ્યા છે. જ્યારે ફોટોગ્રાફર શારિક પાસે આ એસાઈમેન્ટ આાવ્યું ત્યારે એનો મેકઅપ મજનસે કર્યો હતો. પછી એનું મેકઓવર કરવામાં આવ્યું હતું. આશિક ફુઆદ અને શબીબ વાયલીલ આસિ. મેકઅપ આર્ટિસ્ટ તરીકે રહ્યા હતા. મજૂર હાલમાં પોતાની આ સફળતાથી ખુશ છે. એમનું એવું કહેવું છે કે, નિયમિત નોકરી સાથે આ પ્રકારની ઓફર્સ મળતી રહે તો એને મોડલિંગ કરવામાં કોઈ વાંધો નથી. હાલમાં આ શ્રમિકનું એક ઈન્સ્ટાગ્રામ પર પેજ પણ છે. જ્યાં સાદા કપડાંમાં અને મેકઓવર સાથે એમ બંને લુકમાં જોવા મળે છે.

સિંગલ ચાઈલ્ડની પોલીસી અપનાવનાર ચીનની વસ્તી પર ગત વર્ષે એક મોટું વસ્તી સંકટ ઊભું થયું હતું. છેલ્લા ઘણા સમયથી ચીન સિંગલ ચાઈલ્ડ પોલીસી પર કામ કરી રહ્યું છે. ચીનની કુલ વસ્તીમાં વૃદ્ધોની સંખ્યા મોટા પાયે વધવા લાગી હતી. આ સ્થિતિથી ગભરાઈને ચીન સરકારે હવે વધુ બાળકો પેદા કરવા યુગલોને પ્રોત્સાહન આપ્યું છે. આ મામલે હવે ચીનની એક કંપનીએ અનોખી ઓફર આપી છે.

ત્રીજું બાળક પેદા કરવા પર કંપનીએ પોતાના કર્મચારીઓને એક વર્ષની રજા અને 11.50 લાખ રૂપિયા બોનસ પેટે આપવાની ઓફર કરી છે. ચીનના અખબાર નેશનલ બિઝનેસ ડેઈલીના રીપોર્ટ અનુસાર ચીનમાં બેબી બોનસ, એક્સિડન્ટ પેઈડ લીવ્સ, ટેક્સમાં છૂટછાટ, બાળકોનો ઉછેર કરવા માટે સબસીડી જેવું પ્રોત્સાહન આપવામાં આવી રહ્યું છે. આ બધા પ્રયાસ એટલા માટે કારણ કે, યુગલ ત્રીજુ બાળક પેદા કરે. સરકાર સિવાય કંપનીઓ પણ પોતાની તરફથી અનેક પ્રકારના ઓફર અને બોનસ આપી રહી છે.

ટેક કંપની Beijinig Dabeinong Technology Groupએ પોતાના કર્મચારીઓને ત્રીજુ બાળક પેદા કરવા પર ઓફર આપી છે. કંપનીએ આ માટે કર્મચારીઓને 90,000 યુઆન એટલે કે, આશરે 11.50 લાખ રૂપિયા રોકડ સિવાય એક વર્ષની રજાનું એલાન કર્યું છે. મહિલા કર્મચારીઓ માટે આ રજા 12 મહિનાની નક્કી કરાઈ છે. જ્યારે પેરેન્ટલ લીવ 9 મહિના સુધીની આપવામાં આવે છે. એટલું જ નહીં કંપની પહેલા અને બીજા બાળક માટે પણ બોનસ આપી રહી છે. કંપની પહેલા બાળક માટે 30 હજાર યુઆન એટલે કે આશરે 3.54 લાખ રૂપિયા બીજા બાળક માટે 60 હજાર યુઆન એટલે કે આશરે 7 લાખ રૂપિયા બોનસ પેટે આપી રહી છે.

માત્ર કંપની જ નહીં ચીનની જુદા જુદા પ્રાંતની સરકાર પણ બાળકો પેદા કરવા માટે બોનસ આપી રહી છે. તાજેતરમાં Panzhihua શહેર તંત્રએ બીજા અથવા ત્રીજા બાળક માટે મહિનાના 500 યુઆન એટલે કે આશરે 6 હજાર રૂપિયા બોનસ આપવાની જાહેરાત કરી છે. આ સિવાય ચીનની સેન્ટ્રલ સરકારે પણ 98 દિવસની મેટરનિટી લીવ પણ મંજૂર કરી દીઘી છે. જોકે, સુપરપાવર બનવા માટે દોટ મૂકતું ચીન હાલમાં પોતાની વૃદ્ધ વસ્તીના આંકડા સામે લડી રહ્યું છે. ચીનમાં યુવાનો નથી એના કરતા વધારે વૃદ્ધો એના દરેક પ્રાંતમાં છે. આ દ્રષ્ટિકોણથી એની વસ્તી ઘણી વધારે છે. 

પાડોશી રાજ્ય રાજસ્થાનમાંથી એક લૂંટેરી દુલ્હનનો કિસ્સો સામે આવ્યો છે. લૂંટેરી દુલ્હનનો ભોગ બનનાર 25 વર્ષીય યુવક રાજસ્થાનના ઝાલૌરનો રહેવાસી છે. તેણે રૂ.17 લાખની મોટી રકમ ચૂકવીને 23વર્ષની કન્યા સાથે ફેરા ફર્યા હતા. પણ વરરાજાના ક્યાં ખબર હતી કે દુલ્હન 15 દિવસમાં ફરાર થઈ જવાની છે. લૂંટાયેલા યુવકે પોલીસની મદદ લીધી હતી. પોલીસે કન્યાની શોધખોળ શરૂ કરી છે. જોકે હજુ સુધી લૂંટેરી દુલ્હનનો પત્તો મળ્યો નથી.

પરંતુ તેનો દલાલ પોલીસના હાથે ઝડપાઈ ગયો છે. પોલીસે આ વ્યક્તિની આકરી ઢબે પૂછપરછ શરૂ કરી દીધી છે. આ સાથે જ દુલ્હનની શોધમાં પોલીસે સમગ્ર ગુજરાતમાં તપાસનો ધમધમાટ શરૂ કર્યો છે. પોલીસના જણાવ્યા અનુસાર લગભગ સાત મહિના જૂનો આ મામલો છે. ઝાલૌર જિલ્લાના બગોડા પોલીસ સ્ટેશન વિસ્તારના જુની બાલીનો રહેવાસી યુવક લૂંટેરી દુલ્હનની જાળમાં ફસાઈ ગયો હતો. તા.2 જૂન, 2021 ના રોજ, જુની બાલીના રહેવાસી હરિસિંહે પોલીસ ફરિયાદ નોંધાવી હતી.

પોલીસ ફરિયાદમાં તેણે જણાવ્યું કે તેના લગ્ન ફેબ્રુઆરી 2021માં થયા હતા. લગ્ન કરાવવાના નામે એક દલાલે તેની પાસેથી રૂ.17 લાખ લીધા હતા. લગ્નના 15 દિવસ બાદ દુલ્હન પીયરમાં ગઈ હતી. પરંતુ તે પછી તે ક્યારેય પાછી ફરી નથી. દુલ્હન વિશે ખબર પડી તો જાણવા મળ્યું કે, યુવક સાથે મોટી છેત્તરપિંડી થઈ છે. લગ્ન એક પ્રકારનું નાટક હતું.

પોલીસ સ્ટેશનમાં કેસ નોંધાયા બાદ પોલીસ અધિક્ષક હર્ષવર્ધન અગ્રવાલાની સૂચનાથી બગોડા પોલીસ અધિકારી છત્તરસિંહના નેતૃત્વમાં એક ટીમ તૈયાર કરવામાં આવી હતી. દુલ્હન અને દલાલની શોધખોળ શરૂ કરવામાં આવી હતી. સોમવારે સાત મહિનાની લાંબી દોડધામ બાદ પોલીસે ગુજરાતના પાટણના સિદ્ધપુર વિસ્તારમાં હાથદેથલીમાં રહેતા મુખ્ય દલાલ અંદુજી ઉર્ફે ઈન્દુભાઈ, પુત્ર બચ્ચુ દરબાર ઠાકુરને આ કેસમાં રંગે હાથે ઝડપી લીધો હતો.

મંગળવારે આરોપીને ભીનમાલ કોર્ટમાં રજૂ આવ્યો હતો. પણ આ કેસમાં હજુ સુધી દુલ્હનનો કોઈ પત્તો મળ્યો નથી. રાજસ્થાન પોલીસ ગુજરાતના જુદા જુદા સ્થળે તપાસ કરી રહી છે. પોલીસ તપાસમાં સામે આવ્યું છે કે લગ્ન દરમિયાન બતાવેલા યુવતીના દસ્તાવેજો પણ નકલી છે. રાજસ્થાનમાં છેલ્લા કેટલાય સમયથી લૂંટેરી દુલ્હન અને તેના દલાલોએ પોતાની મજબૂત માયાજાળ બનાવી છે. તેઓ અવિવાહિત યુવકોને ફસાવે છે. જેઓ અહીં લગ્ન કરી શકતા નથી. પછી મોટી રકમ લઈને નકલી દુલ્હન સાથે લગ્ન કરાવે છે. પછી દુલ્હન પતિના ઘરેથી ગણતરીના દિવસોમાં પૈસા લઈને ફરાર થઈ જાય છે.

બિહારમાં પકડૌઆ લગ્ન વિશે તો સાંભળ્યું હશે. પણ બિહારના સમસ્તીપુરના સદર અનુમંડળ વિસ્તારમાં મોરવામાં એક અનોખી કહી શકાય એવી ઘટના બની હતી. જેમાં મુદ્દો ટોક ઓફ ધ ટાઉન બની રહ્યો છે. વરરાજા જેવો બનેલો વ્યક્તિ પોતાની બહેનને સાસરે મૂકવા માટે ગયો હતો. આ દરમિયાન બહેનની નણંદના લગ્નને લઈને વર્ષોથી ચિંતામાં રહેલા પરિવારજનોને બીજો કોઈ રસ્તો દેખાયો ન હતો.

અન્ય જગ્યા જ્યાં સગપણની વાત થતી હતી ત્યાં પણ મોટી રકમનો કરિયાવર માંગવામાં આવતો હતો. પણ બહેનને મૂકવા ગયેલા ભાઈને સાસરિયવાળાએ પકડી લીધો હતો. પછી જબરદસ્તીથી મંદિરમાં લઈ ગયા અને બહેનની નણંદ સાથે લગ્ન કરાવી દીધા હતા. દલસિંહ સરાયના સાઠાનો રહેવાસી યુવક વિનોદ કુમાર પોતાની બહેનને સાસરે મૂકવા માટે ગયો હતો. આ દરમિયાન સાસરિયા વાળાએ એમને પકડી લીધો અને મોડવા ખુદનેશ્વર મંદિરમાં લઈ ગયા હતા. જ્યાં યુવક કંઈ સમજે એ પહેલા જ એને સાફો પહેરાવી લગ્ન મંડપમાં બેસાડી દેવામાં આવ્યો હતો. નણંદને પણ દુલ્હનના ડ્રેસમાં એની બાજુમાં બેસાડી દેવામાં આવી હતી. પછી પરાણે માળા પહેરાવી દેવાઈ અને નણંદનો સેથો એના હાથે પૂરાવી દેવામાં આવ્યો. પણ યુવકે આ લગ્નની ના પાડી દીધી હતી. વિનોદ કુમારે એવું કહ્યું કે, જબરદસ્તી કરીને લગ્ન કરાવી દેવાયા છે. મેં મારા મનથી લગ્ન કર્યા નથી. એના લગ્નનો એક વીડિયો પણ સોશિયલ મીડિયા પર વાયરલ થયો હતો. જેમાં યુવકનો પરાણે હાથ પકડીના હાર પહેરાવાઈ રહ્યો છે.

બીજી બાજુ યુવતી પણ મૌન બનીને શાંતિથી ઊભી છે. યુવકે કહ્યું હતું કે, તે પોતાની મરજીથી લગ્ન કરશે. તે આ લગ્નનો સ્વીકાર નહીં કરે.બીજી બાજુ બહેનના સાસરિયાવાળાએ કહ્યું કે, છોકરો બધુ છુપાવી રહ્યો છે. પરિવારજનોએ કહ્યું કે, જ્યારે પણ યુવક બહેન સાથે સાસરિયામાં આવતો ત્યારે નણંદ અને આ યુવક ચોરીછુપીથી મળતા હતા. બંને વચ્ચે પ્રેમ પ્રસંગ ચાલી રહ્યો છે.

એટલા માટે પરિવારજનોએ બંનેના લગ્ન કરાવી નાંખ્યા હતા. હાલ તો યુવક દુલ્હનનો મૂકીને એના ગામ પરત ફર્યો છે. જ્યારે યુવતી એના પરિવારમાં છે. આ ઘટના બાદ બંનેના પરિવારજનો વચ્ચે સમધાનની વાત ચાલી રહી છે. જ્યારે યુવક આ રીતે થયેલા લગ્નથી ખુશ નથી. હવે બંને પરિવાર ભેગા થઈને આ મુદ્દો ઉકેલવા માટે પ્રયાસ કરી રહ્યા છે.

ગુજરાત રાજ્યમાં આમ તો દારૂબંધી છે. પણ દરરોજ એટલી મોટી માત્રામાં દારૂ અને અન્ય મુદ્દામાલ જપ્ત થાય છે કે, ન પૂછોવાત. આ તમામની રકમની સરેરાશ કાઢવામાં આવે તો દેશના ચોક્કસ ભાગના ટેક્સટેક્સના પૈસા પણ બચાવી શકાય. વલસાડ જિલ્લા પાલે આવેલા સંઘ પ્રદેશ દમણ અને દાદરા નગર હવેલીમાં વિદેશીની દારૂ છૂટ છે. અને ત્યાં પીવાય પણ છે. જોકે આ બંને સંઘ પ્રદેશથી સુયોજિત પ્લાન રચી મોટાપાયે ગુજરાતમાં દારૂ ઘુસાડવામાં આવે છે. પણ ઘણી વખત ભેજાબાજ એવી યુક્તિ અજમાવે છે કે, પોલીસ પણ ધંધે લાગી જાય છે.

વલસાડ પોલીસે ચેક પોસ્ટ પર બાઝનજર રાખીને આ બુટલેગરોના ઈરાદો પર પાણી નહીં પણ એસિડ નાંખી દીધું હોય એવો કિસ્સો સામે આવ્યો છે. આ વખતે ભેજાબાજોએ એ જે કીમિયો અપનાવ્યો છે તે જાણી ને પોલીસ પણ ચોકી ઉઠી. આ વખતે પારડીના ખડકી-મોતીવાડા હાઈવે પર વાપીથી વલસાડ જતા ટ્રકની પોલીસને ચોક્કસ બાતમી મળી હતી. આ ટ્રેકમાં મોટી માત્રામાં દારૂ ભર્યો હોવના નક્કી વાવડ હતા. પાર્સલની સેવા આપતા ટ્રકમાં દારૂનો જથ્થો ભરીને લઇ જતા ત્રણ આરોપીઓની વલસાડ LCBની ટીમે કાયદેસરની ધરપકડ કરી છે. આ સાથે રૂ. 30. 93 લાખના મુદ્દામાલ જપ્ત કરી લીધો છે. ટીમ જ્યારે પેટ્રોલિંગ માં હતી તે દરમિયાન મળેલી ચોક્કસ બાતમીના આધારે પારડી નેશનલ હાઈવે 48 પર એપીકલ હોટલ સામે મુંબઇથી સુરત જવાના રસ્તે ટ્રેક ઉપર ટાટા ટ્રકને રોકી તપાસ કરતા અંદરથી દારૂના બોક્સ મળી આવ્યા હતા. જેમાં અંગ્રેજી દારૂની બોટલ હતી.

વલસાડ LCBએ ચેકિંગ દરમિયાન મુકેશસીંગ સાલીકસીંગ અને જગન્નાથ ઉર્ફે આસુ પાંડુરંગ પાટીલની ધરપકડ કરી છે. આ પૈકી એક આરોપી યુપી અને બીજો સુરતનો રહેવાસી છે. મૂળ મહારાષ્ટ્રના છે. ત્રણેય આરોપી ની ધરપકડ કરી હતી કાયદેસરની પ્રક્રિયા કરવામાં આવી છે. આ ટ્રક માં 400 બોક્સમાં ભરેલ દારૂ ની 15 હજાર બોટલની કિંમત 20 લાખ 76 હજાર ઉપજે છે. કુલ રૂ. 30 લાખ 93 હજાર નો મુદ્દામાલ કબ્જે લીધો છે. દારૂની ખેપ મારવા માટે આ વખતે ભેજાબાજોએ ટ્રકની બોડી તેમજ ખોટી નંબર પ્લેટનો ઉપયોગ કરી પોલીસને ગેરમાર્ગે દોરવાનો પ્રયાસ કર્યો હતો. તેમજ ટ્રકનો કલર બદલી પોસ્ટ પણ લખી જેથી પહેલી નજરે જોનારાને કોઈ ખ્યાલ ન આવે. આ રીતે પોલીસને ગેરમાર્ગે દોરવાનો પ્રયાસ પણ કરતા હતા. ઝડપાયેલા આ બંને આરોપી જગન્નાથ અને પાંડુરંગ પાટીલ રીઢા ગુનેગાર છે. બંને અંકવાર જેલની હવા ખાઈ ચુક્યા છે. વાપી ,વલસાડ અને સુરત પોલીસ સ્ટેશનના આ ત્રણેયના નામ બોલે છે. હવે પોલીસે રીમાન્ડ લેવા તજવીજ શરૂ કરી છે. આ ઉપરાંત આ સ્ટોક કોને ડિલિવર કરવાનો હતો એ અંગે ખુલાસા થશે

એક બાજુ સરકાર ‘બેટી બચાઓ, બેટી પઢાઓ’ જેવા અભિયાન ચલાવી રહી છે. પણ મહાનગરમાં છાના ખૂણે ગર્ભમાં જ દીકરીની હત્યા કરવા સોપારી અપાઈ રહી છે. આ સમગ્ર કૌભાંડનો પર્દાફાશ થયો છે. હોસ્પિટલ અને માતા પિતાની મિલિભગતથી ગર્ભ પરિક્ષણથી લઈ પુત્રીઓને ગર્ભમાં જ મારી નાંખવા રીતસરના કાંડ ચાલી રહ્યા છે. લિંગ પરીક્ષણ, ગર્ભપાત અને પુત્રીઓની હત્યા કરી ફેંકવા માટેના જુદા જુદા ભાવ નક્કી થાય છે.

આ માટે હોસ્પિટલમાં પણ એક ચોક્કસ પ્રકારની ટીમ કામ કરી રહી છે. જે માતા પિતા દીકરી રાખવા ન માગતા હોય તેઓ ભાવિ માતા પિતા સાથે સંપર્ક કરીને એક પ્રકારનો સોદો કરે છે. ડૉક્ટરને એજન્ટ પણ કમિશન લઈને આ પ્રકારના ગોરખધંધા કરવામાં સંડોવાયેલા હોય છે. આવા એજન્ટ દીકરી ન ઈચ્છા માતા-પિતા અને ગર્ભ પરિક્ષણ કરાવવા માગતા વાલીઓને શોધે છે. આ માટે મોટાભાગે એજન્ટ યુપી અને મહારાષ્ટ્રના લોકો ટાર્ગેટ કરે છે. આ સંપૂર્ણ કામગીરી ગુપ્ત રાખવામાં આવે છે. મહિલાના ગર્ભમાં રહેલા બાળકના પરીક્ષણ માટે મહિલાને હોસ્પિટલના કર્મચારી એક અજાણ્યા સ્થળે લઈ જાય છે. પતિને પણ આ અંગે જાણ કરાતી નથી. ગર્ભ પરિક્ષણથી લઈને ગર્ભપાત સુધીની જવાબદારી આવી હોસ્પિટલ ઉઠાવે છે. આ ઉપરાંત ભૃણને પણ ફેકવા માટેની વ્યવસ્થા કરી આપે છે. જેથી તંત્રની નજર ત્યાં સુધી પહોંચે નહીં. આના પર એક ન્યૂઝ વેબસાઇટે સ્ટીંગ ઓપરેશન કર્યુું હતું, જેમાં ચોંકાવનારી વાતો સામે આવી હતી.

દર વર્ષે રાજ્યભરમાં સરેરાશ 15 થી 20 પુત્રીઓની ગર્ભમાં જ હત્યા કરીને ભૃણ ચોક્કસ જગ્યાએ ફેંકી દેવામાં આવે છે. આ માટે ચોક્કસ પ્રકારના ઑપરેશન અંતર્ગત સામેથી એક મહિલા એવું કહે છે કે, મહિલાને તમામ રીપોર્ટ લઈને બોલાવો, વધુ મોડું થશે તો મહિલાને તકલીફ થશે. એક મહિલા એવું કહે છે કે, મારે બે દીકરીઓ છે પણ જોઈતી નથી. આ માટે એક વાત કરવી છે. સામે તબીબ કહે છે કે, હોસ્પિટલ આવી જજો, બધુ થઈ જશે. પછી ડૉક્ટર આ મહિલાને મળે છે અને કહે છે કે, તમારે શું કરવાનું છે. ડૉક્ટર કહે છે કે, આ માટે અમે ચોક્કસ નિયમ અનુસાર કામ કરીએ છીએ.

ગર્ભવતી હોય ત્યારે સમયગાળો 3થી 10 મહિનાનો હોવો જોઈએ. મહિલાને સાથે લઈ જઈશું અને તપાસ પણ થશે. આ માટે મહિલાની તમામ વિગત જોઈશે. આ માટે તપાસનો ખર્ચો રૂ.12500, ગર્ભપાત માટે રૂ.17000 થશે. બીજા કોઈ ગ્રાહક શોધી લાવે તો એજન્ટને રૂ.5000 વધારે મળે છે. જે માટે તબીબ ગર્ભવતી મહિલા પાસેથી વધારે પૈસા માંગીને ખંખેરે છે. જુદા જુદા રેટ માટે જુદા જુદા ભાવ નક્કી કરાય છે. જેમ કે, ગર્ભ પરીક્ષણ માટે રૂ.8000થી 10,000, ગર્ભપાત માટે રૂ.17000થી 20,000, ભૃણ ફેંકવા માટે 4000થી 5000 રૂપિયાનો સોદો થાય છે. વર્ષ 2021 અને 2022માં 20 નવજાત શિશુઓને રસ્તા અથવા કચરામાં ફેંકી દેવામાં આવ્યા છે.

જેમાંથી 14 બાળકી અને બાકીના 6 છોકરાઓ હતા. કેટલાક તો ઈલાજ દરમિયાન મૃત્યું પામ્યા હતા. જે વ્યક્તિ એજન્ટનું કામ કરે છે એનો સંપર્ક કરતા જાણવા મળ્યું કે, ગર્ભ લાંબા સમય સુધી રહેશે તો મુશ્કેલી પડશે. ગર્ભપાતમાં તકલીફ થાશે. ચેકઅપના નામે અનેક વખત ફોન કરવામાં આવે છે. આ માટે તે રૂ.30,000થી 35000નો ખર્ચ થશે એવું કહે છે.

તબીબો સાથે વાતચીતમાંથી જાણવા મળ્યું છે કે, સુરતમાં આ પ્રકારના કામ માટે પણ સ્પર્ધા ચાલી રહી છે. આમા ફસાઈ જવાનું જોખમ હોવાથી અજાણ્યા લોકો સાથે વાત કરવાનું તબીબો ટાળે છે. એજન્ટથી આવતા ગ્રાહકો મોટાભાગે યુપી અને મહારાષ્ટ્રના હોય છે. ડીલ થયા બાદ એમને ગામડેથી બોલાવાય છે.

સોશિયલ મીડિયા આવતા સામાન્ય લોકોને એટલી મોટી તાકાત મળી છે કે, તે કોઈ પણ સેલિબ્રિટી સાથે ડાયરેક્ટ વાત કરી શકે છે. પણ સેલિબ્રિટી એનો રીપ્લાય કરે એ નહીં એની કોઈ ગેરેન્ટી નથી. એટલું જ નહીં લોકો પોતાની ફરિયાદ પણ કરી શકે છે અને વખાણ પણ કરતા રહે છે. ક્યારેક ફની કોમેન્ટ કરીને હસાવી પણ દે છે. ભારત અને વેસ્ટ ઈન્ડિઝ સામે મેચ યોજાવવાની છે. આ પહેલા પૂર્વ ક્રિકેટર તથા કોમેન્ટેટર આકાશ ચોપરા પર એક ચાહક નારાજ થઈ ગયો છે.

આ ક્રિકેટ પ્રેમીએ આકાશ ચોપડાને કહ્યું કે, તમે કોમેન્ટ્ર કરવાનું બંધ કરી દો. આ કોમેન્ટ બાદ પૂર્વ ક્રિકેટરે જોરદાર જવાબ આપ્યો છે. આકાશે ટીમ ઈન્ડિયાના વ્હાઈટ બોલ ફોર્મેટમાં એપ્રોચને લઈને એક આર્ટિકલ લખ્યો હતો. જેના પર એક ક્રિકેટપ્રેમીએ કોમેન્ટ કરી હતી. સંદીપ કુમાર નામના યુઝરે એવું લખ્યું કે, આકાશજી, તમે કોમેન્ટ્રી કરવાનું બંધ કરી દો, ટીમ ઈન્ડિયા ઝડપથી જીતના ટ્રેક પર આવી જશે. ભારતીય ક્રિકેટર્સ ઘણા રનનો ઢગલો કરી દેશે. તમે શાંતિથી બેસો અને પોતાનું મુલ્યાંકન કરો. કારણ કે જ્યારે તમે કોમેન્ટ્રી કરવા માટે આવો છો ત્યારે ઈન્ડિયાની વિકેટ પડવા લાગે છે. એટલે કોમેન્ટ્રી કરવાનું બંધ કરી દો. આકાશે આ અંગે રીપ્લાય કર્યો કે, કોઈ પણ વસ્તુને જોવા માટે એકથી વધારે રસ્તાઓ હોય છે. આકાશે આ આર્ટિકલમાં ટીમ ઈન્ડિયાના વ્હાઈટ બોલ ફોર્મેટમાં પોતાની રણનીતિ બદલવાની સલાહ આપી છે. આ ઉપરાંત યોગ્ય સ્ટ્રેટજી પર વિચાર કરવાની સલાહ આપી છે. ટીમ ઈન્ડિયા માત્ર ચોક્કસ કહેવાતા બોલર્સ કે બેટ્સમેન પર આધારિત ન રહે. લડવાનું એક ઝનુન પેદા કરે. ટીમ ઈન્ડિયાના ઓપનિંગ બેટ્સમેન રહી ચૂકેલા આકાશે ક્રિકેટમાંથી નિવૃતિ લીધી છે.

There’s always more than one ways to look at issues…Sandeep ji has worked out the reasons too ?? https://t.co/eJWX5DUIw0

— Aakash Chopra (@cricketaakash) January 31, 2022

છેલ્લા ઘણા સમયથી તે કોમેન્ટ્રી બોક્સમાંથી કોમેન્ટ્રી કરી રહ્યા છે. હિન્દી અને અંગ્રેજીમાં એની કોમેન્ટ્રી ખરેખર સારી છે. તે પોતાના બ્લોગ પર ઘણી વાર ટીમ ઈન્ડિયાની ભૂલ અને રણનીતિનો ઉલ્લેખ કરે છે.આ સાથે સોશિયલ મીડિયા પર ટિપ્પણીઓ પણ કરે છે. જોકે, એની દરેક કોમેન્ટ અને પોસ્ટ લાખો ક્રિકેટ ચાહકો ફોલો કરે છે. સામે એને રીપ્લાય પણ કરે છે.

સૌરાષ્ટ્રના રાજકોટ જિલ્લામાંથી એક અસાધારણ કહી શકાય એવી ઘટના સામે આવી છે. જેમાં એક ગધેડીની સીમંત  વિધિ કરવામાં આવી હતી. આ ઘટના જ્યારે સામે આવી ત્યારે આસપાસના ઉપલેટાના કોલકી ગામે ગામના લોકો તો ઠીક રાજકોટ સુધી તમામ લોકો ચોંકી ગયા હતા. કદાચ આને ભારતની પહેલી ઘટના માનવામાં આવે છે. ગધેડીની સીમંત  વિધિ કરવામાં આવતા ગામના લોકોની કુતુહલતાનો પાર રહ્યો ન હતો.

સૌરાષ્ટ્ર્ પંથકમાં હાલારી ગધેડાઓની સંખ્યામાં સતત ઘટાડો થઈ રહ્યો છે. ગઘેડાઓની સંખ્યા ઘટીને માત્ર 439 રહી ગઈ છે. આ હાલારી ગધેડાઓને રાષ્ટ્રીય સ્તરે માન્યતા મળી ગઈ છે. એવામાં હાલારી ગધેડાઓના સંરક્ષણ હેતું ભૂજની એક સંસ્થા તરફથી આ કાર્યક્રમનું આયોજન કરવામાં આવ્યું હતું. આ સંસ્થાનું નામ સહજીવન સંસ્થા છે. સીમંત  વિધિ કરવામાં આવતા આસપાસમાંથી અનેક લોકો ઉમટી પડ્યા હતા. આ વિધિ કરવા પાછળનો હેતુ હાલારી ગધેડાની પ્રજાતિને બચાવવા માટેનો છે. આને ઘણા લોકો એક સંસ્કાર વિધી માની રહ્યા છે. એટલું જ નહીં ગધેડીની પૂજા કરી લાલ રંગની ચુંદડી પણ ઓઢાડવામાં આવી હતી. જે રીતે નવી પુત્રવધૂને સીમંત  પ્રસંગે શગુન કરવામાં આવે છે એ જ રીતે ગધેડીને પણ શગુન આપવામાં આવ્યું હતું. ગધેડાના માલિકે આ તમામ વસ્તુઓને સ્વીકારીને લોકોનો આભાર વ્યક્ત કર્યો છે. જોકે, હાલારી ગધેડાઓની પ્રજાતિ લુપ્ત થઈ રહી છે એને બચાવવા માટે આ પ્રકારના પગલાં લેવામાં આવી રહ્યા છે. ખાસ કરીને આ પ્રકારની અનોખી વિધિ કરીને પશુ પાલકો વચ્ચે આ પ્રજાતિને બચાવવા માટેનો સંદેશો આપવામાં આવ્યો છે.

જોકે, ન માત્ર હાલારી ગધેડા પણ પશુની કેટેગરીમાં ઘણી એવી પ્રજાતિઓને બચાવવા માટે પ્રયાસ થઈ રહ્યા છે. આ ઉપરાંત જુદા મેચ થતા પ્રાણીઓમાં બ્રીડ તૈયાર કરીને પ્રજાની મૂળ જાતિને સાચવવા માટે પણ પ્રયાસ શરૂ થયા છે. પણ હાલારી ગધેડાઓની સંખ્યા મર્યાદિત થઈ રહી છે. ખાસ કરીને આ પ્રજાતિ સચવાય તો ખેડૂતો સહિત અનેક પશુપાલકોને માલની હેરાફેરી માટે આ ગધેડાઓ ઉપયોગી પુરવાર થઈ શકે છે. કારણ કે તે શારીરિક રીતે મજબુત હોય છે. આવી ખડતલ જાતિ લાંબા સમય સુધી ટકે એવો આ પશુપાલકોનો પ્રયાસ રહ્યો છે.

આમ તો અનેક પ્રકારના મશરૂમ જોવા મળે છે. પણ ક્યારેય જંગલમાં રાત્રે રોશની આપતા છોડ વિશે જોયું કે સાંભળ્યું છે ખરા? પણ આ વાત સાચી છે કે, રોશનીવાળો છોડ પણ હોય છે. ગોવાના જંગલમાંથી રોશનીવાળું મશરૂમ મળ્યું છે. જેને બાયો લ્યુમિનિસેન્ટ મશરૂમ કહે છે. ગોવાના જંગલ વિસ્તારમાં આ એક દુર્લભ રોશની આપતું મશરૂમ છે. જે રાત્રીના અંધારામાં લીલા રંગમાં અને રીંગણી રંગમાં ચમકતું જોવા મળે છે.

રોશની આપતું આ મશરૂમ ગોવાના મ્હાડેઈ વાઈલ્ડલાઈફ સેન્ચુરીમાં જોવા મળ્યું છે. આ સેન્ચુરીને મોલેમ નેશનલ પાર્ક અથવા મહાવીર વાઈલ્ડ લાઈફ સેન્ચુરી પણ કહે છે. આ સેન્ચુરી ગોવાના પશ્ચિમી ઘાટ પર સ્થિત છે. દિવસના સમયે આ મશરૂમ એક સામાન્ય મશરૂમ જેવું દેખાય છે. પણ રાત્રે એમાંથી રોશની નીકળે છે.

વન્ય જીવ નિષ્ણાંત કહે છે કે, મશરૂમની આ પ્રજાતિને Mycena Genus-માયસેના જીનસ કહે છે. જેમાંથી રાત્રીના સમયે થોડી રોશની નીકળે છે. આ મશરૂમમાંથી રાત્રે એટલા માટે રોશની નીકળે છે જેથી તે કીડાની મદદથી અન્ય જગ્યાઓ પર ફેલાઈ શકે. જેથી આ પ્રકારના મશરૂમનું ઉત્પાદન વધે. રોશની છોડતા મશરૂમ પોતાના વિસ્તરણ માટે કીટકની મદદ લે છે. જેથી તે જંગલમાં અન્ય જગ્યાએ ફેલાઈ શકે. આ માટે તે છોડની છાલ, પાંદડા, જમીનમાંથી ભેજનો ઉપયોગ કરે છે. આ એક ખાસ પ્રકારની ફૂગ-Fungi છે.

અત્યાર સુધીમાં રોશની આપતા મશરૂમની 50 પ્રજાતિઓની જાણકારી સામે આવી છે. ગોવાના જંગલમાંથી મળી આવેલા મશરૂમ માત્ર ચોમાસાની સીઝનમાં જ જોવા મળે છે. આ છોડના વિકાસ માટે જમીનના ભેજની જરૂર પડે છે. તાપમાન પણ 21 ડિગ્રીથી લઈને 27 ડિગ્રી વચ્ચે હોવું જોઈએ. ગોવાની મહાવીર વાઈલ્ડલાઈફ સેન્ચુરીમાં ચોમાસાની સીઝનમાં આ છોડની સંખ્યામાં નોધપાત્ર વધારો થાય છે. જંગલમાં આ છોડને શોધવા પડતા નથી.

પણ રાત્રીના સમયે જંગલમાં જવું પડે છે. આ પ્રકારના મશરૂમની જાણકારી ત્યારે મળી જ્યારે ગોવાના બિચોલીમ તાલુકાના મેનકુરેમ વિસ્તારની સંસ્કૃતિ નાયક જંગલમાં ફરવા માટે આવી હતી. તેમણે અહીં રોશની આપતા મશરૂમ જોયા હતા. આ પછી તેમણે તાત્કાલિક વનવિભાગને જાણકારી આપી.

ત્યાર બાદ નિષ્ણાંતોએ એના ફોટા પાડીને જાણકારી એકઠી કરી હતી. સંસ્કૃતિએ એવું પણ કહ્યું કે, અગાઉ મને આ પ્રકારના મશરૂમની કોઈ પ્રકારની જાણકારી ન હતી. જ્યારે જંગલમાં પહેલી વખત કોઈ છોડને ચમકતો જોયો તો હું પણ ચોંકી ગઈ. ત્યારે એના મૂળ અને પાંદડા પણ ચમકી રહ્યા હતા. જેમાંથી લીલા રંગનો એક પ્રકાશ નીકળતો હતો. નજીક જઈનો જોયું તો એ મશરૂમ હતા.

આ પછી વન્ય નિષ્ણાંતોએ એક ખાસ અભ્યાસ કરીને આ અંગે માહિતી એકઠી કરી હતી. પણ જેમ જેમ દિવસ ઉઘડતો જાય છે એમ આ રોશની બંધ થતી જાય છે. રોશની આપતા એ મશરૂમ સામાન્ય મશરૂમ જેવા જ દેખાવા લાગે છે. 

પતિ અને પત્ની વચ્ચેના અનેક એવા કિસ્સાઓ આપણે વાંચ્યા કે જોયા હશે. પણ ચીનમાંથી એક એવો કિસ્સો સામે આવ્યો છે કે, માન્યમાં નહીં આવે. પણ આ હકીકત બીજું કોઈ નહીં પણ એ વ્યક્તિ પોતે કહી રહી છે. આ વ્યક્તિ ચીનનો રહેવાસી છે, જેનું નામ વેઈ જિયાંગુઓ છે. જિઆંગુઓ કહે છે કે તે ઘરે પાછો નહીં જાય, કારણ કે ત્યાં તેને કોઈ આઝાદી મળતી નથી. આ એક 60 વર્ષીય વ્યક્તિ છેલ્લા 14 વર્ષથી એરપોર્ટ પર રહે છે. તેણે પોતાનું ઘર છોડી દીધું છે. તે વ્યક્તિ કહે છે કે પરિવારના સભ્યો તેને દારૂ અને સિગારેટ છોડી દેવા માટે કહેતા હતા, તેથી તે ઘર છોડીને એરપોર્ટ પર રહેવા લાગ્યો હતો.

હકીકતમાં, જિયાંગુઓની પત્ની અને તેના પરિવારે તેને કહ્યું હતું કે જો તે ઘરે જ રહેવા માંગે છે, તો એણે સિગારેટ અને દારૂ છોડવો પડશે. તેથી તેણે ઘર છોડવાનું સ્વીકાર્યું પરંતુ સિગારેટ અને દારૂ છોડ્યો નહીં જિયાંગુઓનું ઘર એરપોર્ટથી લગભગ 19 કિલોમીટર દૂર છે. વર્ષ 2008માં તેણે ઘર છોડી દીધું હતું. તાજેતરના એક વીડિયોમાં વેઈ જિઆંગુઓએ જણાવ્યું કે તેને એરપોર્ટ પર રોકાવું ગમે છે, કારણ કે તેને અહીં ઠંડી નથી લાગતી. જિયાંગુઓએ અહીં એક નાનું રસોડું પણ બનાવ્યું છે.

તેનો ખર્ચ દર મહિને મળતી સરકારી સબસિડીથી થાય છે. જિયાંગુઓ એરપોર્ટ પર આવતા કોઈપણ મુસાફરને હેરાન કરતા નથી, તેથી જ ત્યાંનો સ્ટાફ તેને ત્યાંથી હટાવી રહ્યો નથી. તે છેલ્લા 14 વર્ષથી બેઇજિંગ એરપોર્ટ પર તેની સ્લીપિંગ બેગ અને કેટલાક સામાન સાથે રહે છે. આ વ્યક્તિ છેલ્લા 14 વર્ષથી બેઈજિંગના ઈન્ટરનેશનલ એરપોર્ટના વેઈટિંગ એરિયામાં રહે છે. શરૂઆતમાં તેમણે કેટલાક દિવસો રેલવે સ્ટેશન પર પસાર કર્યા હતા. આ વ્યક્તિ ત્યાં જ સૂઈ રહેતો હતો. જિયાંગુઓ કહે છે કે,તે એરપોર્ટ પર કોઈ પ્રકારના રોકટોક વગર ખાઈ પી શકે છે અને રહી શકે છે. હવે તે ઘરે પાછો ફરવા માગતો નથી.

Family getting on your nerves? Have you considered moving out...and moving to the airport? https://t.co/XI0iHEBVWw#IHIF

— WoodyAndWilcox (@woodyandwilcox) March 29, 2022

કારણ કે કંઈ પણ ખાવા કે પીવાની આઝાદી એને ઘરમાં મળતી નથી. આ ઉપરાંત પત્ની પણ ટોક ટોક કરે છે. એરપોર્ટ પર તે નુડલ્સ ખાતો હોય એવો ફોટો પણ સામે આવ્યો છે. સૌથી ખાસ વાત એ છે કે, ઈન્ટરનેશનલ એરપોર્ટમાંથી પસાર થતી કોઈ વ્યક્તિને તે હેરાન નથી કરતો. સ્ટાફ સાથે પણ કો ઓપરેટ કરે છે.

ગુજરાત હાઈકોર્ટે એક કેસમાં માતા અને દીકરીનું મિલન કરાવતો આદેશ આપ્યો છે. ગુજરાત હાઈકોર્ટે એક કેસમાં એવું અવલોકન કર્યું કે, જો વ્યક્તિ સરકારી કર્મી હોય અને સર્વિલ લૉ લાગુ પડે તો ભલે કોઈ પણ ધર્મનો હોય પ્રસ્તુત કેસમાં રૂબિકા નામની અરજદાર મહિલાએ પોલીસ વિભાગમાં ફરજ અદા કરતા ફરહાન (નામ બદલ્યું છે) સાથે બીજા લગ્ન કર્યા હતા. પણ પતિએ પહેલી પત્નીને કોઈ રીતે છૂટાછેડા આપ્યા ન હતા. છતાં અરજદાર રૂહી (નામ બદલ્યું છે) સાથે લગ્ન કરી ફરીથી સંસાર માંડ્યો.

જેનાથી એમને ત્યાં એક બાળકીને જન્મ થયો.પછી રૂહી અને પતિ વચ્ચે મોટી માથાકુટ થઈ હતી. કારણ કે પતિ પહેલી પત્ની સાથે રહેવા માટે જતો રહ્યો હતો. જેના થોડા દિવસો બાદ જ બીજી પત્ની તરફથી જન્મેલી બાળકીની પતિએ કસ્ટડી લઈ લીધી હતી. 15 મહિનાની બાળકીની કસ્ટડી પરત મેળવવા રૂહીએ ગુજરાત હાઈકોર્ટ સામે આ અરજી કરી હતી. જેમાં કોર્ટે વચગાળાનો આદેશ કરી 15 મહિનાની બાળકીની કસ્ટડી ફરી અરજદાર રૂહીને સોપી. અહીં અરજદારની ઉંમર 31 વર્ષની છે. જ્યારે એનો પતિ ફરહાન 59 વર્ષનો છે. આણંદ ટ્રાફિક શાખામાં પોલીસ કોન્સ્ટેબલ તરીકે ડ્યૂટી કરે છે. હાલ તે નિવૃતિના આરે છે. અરજદાર રૂહીએ અગાઉ જેની સાથે લગ્ન કર્યા હતા. એને છૂટાછેડા આપી દીધા હતા. પહેલા લગ્નથી એને બે બાળકો હતા. પછી ફરહાનના સંપર્કમાં આવી એની સાથે ફરીથી લગ્ન કર્યા. ફરહાનને પહેલી પત્નીથી કોઈ સંતાન ન હતા. પણ બીજી પત્ની સાથે રહેવા ગયો પછી બીજી પત્ની રૂહીથી બાળકીનો જન્મ થયો. થોડા સમયમાં બીજી પત્ની રૂહી અને પહેલા લગ્નથી આવેલા બે બાળકોને ઘરેથી કાઢી મૂક્યા. જ્યારે રૂહીએ નવી દીકરીને જન્મ આપ્યો એની કસ્ટડી ફરહાને લઈ લીધી. પહેલે નીચલી કોર્ટેમાં આ અંગે અરજી કરવામાં આવી હતી. પણ આવી અરજી ફગાવી દેતા હાઈકોર્ટના દ્વાર ખખડાવ્યા હતા.

રૂહીએ પોતાની બાળકીની કસ્ટડી મેળવવા હેબિયસ કોર્પસની અરજી દાખલ કરી હતી. આ મામલે ગુજરાત હાઈકોર્ટ વચગાળાના આદેશ અંતર્ગત 15 મહિનાની બાળકીને એની માતાને સોંપી દેવાનો હુકમ કર્યો છે. આ કેસની વધુ સુનાવણી તા21 માર્ચે શરૂ થશે. અરજદારના વકીલ મહેશ પૂજારાએ કહ્યું કે, રૂહીના બીજા પતિએ પહેલી પત્નીને છૂટાછેડા દીધા વગર લગ્ન કર્યા છે. પહેલી જોડેથી કોઈ સંતાન ન હતું એટલે બીજા લગ્ન કર્યા. પછી બાળકીનો જન્મ થયો હતો.