છોકરીઓમાં હેન્ડ બેગને લઈને ખૂબ ક્રેઝ જોવા મળે છે. એક શાનદાર બેગ લુક સ્ટાઇલમાં સ્ટેટસ પણ બતાવે છે. તેના માટે લોકો હજારોથી લઈને લાખો ખર્ચ કરે છે, પરંતુ હેન્ડ બેગની કિંમત એટલી બધી છે કે તમે એક લક્ઝરી બંગલો ખરીદી શકો છો. આ વાત સાંભળીને હેરાન જરૂર થઈ જશો, પરંતુ સાચી વાત છે. ફ્રેન્ચ બ્રાન્ડ હર્મિસ દ્વારા બનાવવામાં આવેલી ઓરિજિનલ બિર્કિન બેગને હરાજીમાં વેચવામાં આવી હતી. ખૂબ જૂની હોવા છતા તે અત્યંત દુર્લભ બેગની હરાજીમાં ઘણા રેકોર્ડ તૂટ્યા. શરૂઆતમાં જ એક મિલિયનનો રેકોર્ડ બનવા દરમિયાન તેના પર ઘણી બોલી લગાવવામાં આવી હતી. માત્ર 10 મિનિટની હરાજીમાં જાપાનના એક વ્યક્તિએ આ કાળા હેન્ડ બેગને 8.6 મિલિયન યુરો એટલે કે 10 મિલિયન ડોલરમાં ખરીદી હતી. તમને જણાવી દઈએ કે તેની ભારતીય કિંમત લગભગ 86 કરોડ રૂપિયા છે.

આટલી ઊંચી કિંમતે વેચાયેલી આ બેગ બનાવવાની કહાની પણ ખૂબ જ ખાસ છે. આ બેગ સ્ટેટસ અને એક્સક્લૂઝિવિટીનું પ્રતિક બની ગઈ છે. આ બેગ ફેશનની દુનિયામાં ખૂબ જ ખાસ સ્થાન ધરાવે છે કારણ કે તેનો ઉપયોગ બ્રિટિશ સિંગર અને એક્ટ્રેસ જેન બિર્કિન દ્વારા કરવામાં આવતો હતો. લોકો તેને ઈન્વેસ્ટમેન્ટ પીસ તરીકે ખરીદે છે, કેમ કે આ સમય સાથે બેગની કિંમત વધતી રહે છે. તો ચાલો જાણીએ કે આવું કેમ છે.

હર્મિસ દ્વારા આ બેગ ફર્સ્ટ બિર્કિન બેગ, બ્રિટિશ એક્ટ્રેસ અને સિંગર જેન બિર્કિન માટે ડિઝાઇન કરવામાં આવી હતી. તેની કહાની પણ ખૂબ જ રસપ્રદ છે. વાત વર્ષ 1984ની છે જ્યારે હર્મિસના પૂર્વ અધ્યક્ષ જીન-લુઇ દુમાસ પેરિસથી લંડન જતી ફ્લાઇટમાં એક્ટ્રેસ બિર્કિનની બાજુની સીટ પર બેઠા હતા, આ દરમિયાન જેન બિર્કિન (જે તે સમયે 3 બાળકોની માતા હતી), તેણે કહ્યું કે તેને પોતાની જરૂરિયાત મુજબ, એક  એવી બેગ મળી રહી નથી, જેમાં તે બધી વસ્તુઓ સરળતાથી રાખી શકે. અને આ કારણે તેણે પોતાની સાથે એક મોટી બાસ્કેટ રાખી હતી, જે ફ્લાઇટ લેવા દરમિયાન ભૂલથી પડી ગઈ. ત્યારબાદ જેન બિર્કિને કહ્યું કે તે એક એવી બેગ ઈચ્છે છે, જે તેના સુટકેસના અડધા સાઇઝની હોય. હર્મિસે આ બેગ એક વર્ષ બાદ 1985માં બનાવી આપી.

હર્મેસે આ બેગ બાદ જેન બિર્કિનને 4 બેગ ભેટમાં આપી હતી, પરંતુ આ બેગ ખૂબ જ ખાસ છે કારણ કે સ્ટાઇલ આઇકોન બિર્કિને 1985-1994 સુધી લગભગ રોજ તેનો ઉપયોગ કર્યો અને આ કારણે લક્ઝરી સ્ટેટસની અલ્ટિમેટ સિંબલ બની ગઈ. એવું પણ કહેવામાં આવે છે કે બિર્કિન તેને ચેરિટી માટે દાન કરતી હતી. વર્ષ 1994માં સિંગર જેન બિર્કિને તેને એઇડ્સ અનુસંધાન માટે વેચી દીધી હતી અને ત્યારબાદ આ બેગ ઘણા લોકો પાસે જઇ ચૂકી છે. જો કે, તેને ન્યૂયોર્કના મ્યૂઝિયમ ઓફ મોર્ડન આર્ટ અને લંડનમાં વિક્ટોરિયા અને આલ્બર્ટ મ્યૂઝિયમની હરાજીમાં તેને પબ્લિકલી પ્રદર્શિત કરવામાં આવી હતી.

વર્ષ 2023મા 76 વર્ષની ઉંમરે જેન બિર્કિને આ દુનિયાને અલવિદા કહી દીધી અને તેણે તેના થોડા સમય અગાઉ મજાકમાં કહ્યું હતું કે લોકો તેને આ આઇકોનિક સ્ટાઈલ ઇન્સ્પિરેશન માટે સૌથી વધુ યાદ કરશે અને જ્યારે હું મરી જઈશ તો લોકો કદાચ માત્ર એ બેગ બાબતે જ વાત કરશે.’ ખરેખર, આ બેગ આજે સૌથી વધુ ઓળખાતી મોંઘી એક્સેસરીઝમાંથી એક બની ગઈ છે.

કેમ ખાસ છે આ બેગ?

ઓરિજિનલ બિર્કિન બાદ તેની ઘણી બેગ બની, પરંતુ આ હેન્ડબેગની ધાતુની રિંગ્સ, હાર્ડવેર જેવા શોલ્ડર સ્ટ્રેપ અને અન્ય ડિટેલ્સને ક્યારેય કોપી કરવામાં આવી નહોતી, એટલે કે તે સિંગલ પીસ છે. સૌથી ખાસ વાત એ છે કે સિંગરના નામની ઇનિશિયલ્સ એટલે કે નામના અક્ષરો ‘J.B.’ લખેલા છે. સાથે જ શોલ્ડર સ્ટ્રેપ પર સિલ્વર નેઇલ ક્લિપરની એક પેર લટકાવવામાં આવી છે. વાસ્તવમાં જેન બિર્કિનને પોતાના  બારીક કાપેલા નખ ગમતા હતા અને આ કારણે તે આ ક્લિપરને પોતાની સાથે ઉપયોગ માટે રાખતી હતી. આ બેગ એક રોયલ્ટી ક્રિએટ કરે છે, કેમ કે આ જૂની બેગ પર બિર્કિનની ડેઇલી લાઈફસ્ટાઈલના નિશાન ઉપલબ્ધ છે. તેમાં માનવતાવાદી સંસ્થાઓ ‘મેડિસિન ડુ મોન્ડે’ અને ‘યુનિસેફ’ના 2 સ્ટીકરને કારણે રંગ ઊડવાનું પણ સામેલ છે.

દેશની મોટી ફાર્મા કંપનીની 4.35 લાખ કરોડની વારસદાર આ ગુજરાતી છોકરી અત્યારે ચર્ચામાં છે. દુનિયાની ચોથા નંબરની સૌથી મોટી જેનરીક કંપની સન ફાર્માના માલિક દિલીપ સંઘવીની દીકરી વિધી સંઘવી અત્યારે ચર્ચામાં છે.

વિધી દેશની ઉભરતી બિઝનેસ વુમન અને સામાજીક કાર્યકર છે. વિધીએ પેન્સીલવેન્યાની પ્રતિષ્ઠીત યુનિવર્સિટીની વોર્ટન સ્કુલમાંથી ઇકોનોમિક્સમાં ગ્રેજયુએશન કર્યુ હતું અને પિતાની કંપની સન ફાર્મામાં માર્કેટીંગના કામથી જોડાઇ હતી આજે વિધી સન ફાર્માંમાં વાઇસ પ્રેસિડન્ટ છે. તે એક મન ટોક્સ નામની NGO ચલાવે છે.

મુકેશ અંબાણી પરિવાર સાથે વિધીનું કનેકશન એ રીતે છે કે વિધીના લગ્ન ગોવાના જાણીતા ઉદ્યોગપતિ પરિવારના વિવેક સલગાંવકર સાથે થયા છે. વિધીના સસરાના નાનાભાઇ દત્તરાજ સલગાંવકરના મુકેશ અંબાણીની બહેન સાથે લગ્ન થયા છે. એટલે વિધી અને મુકેશ અંબાણીના વેવાઇના સંબંધ છે.

મુંબઇના વર્લીમાં સી- ફેસ પ્રોજેક્ટમાં 185 કરોડ રૂપિયાનું પેન્ટહાઉસ ખરીદનાર સીમા સિંહ અત્યારે સોશિયલ મીડિયામાં ચર્ચામાં છે.સીમાએ 30મા માળે 14866 સ્કેવર ફીટનો ફ્લેટ ખરીદી લીધો છે.

સાથે સીમાએ 9 પાર્કીંગ સ્પેસ પણ ખરીદી છે,જેના પેટે તેણીએ 9.25 કરોડ રૂપિયાની સ્ટેમ્પ ડ્યુટી ભરી છે.

સીમા અલ્કેમ લેબોરેટરની પ્રમોટર છે, જે શેરબજારમા લિસ્ટેડ કંપની છે અને હેડક્વાર્ટર મુંબઇમાં છે. કંપનીનું માર્કેટ કેપ  64,278 કરોડ રૂપિયા છે.

બિહારના જહાનાબાદના મૂળ રહેવાસી સંપ્રદા સિંહ અને વાસુદેવ નારાયણ કે જેમણે એલ્કેમ લેબોરેટરીની સ્થાપના કરેલી તેમની બીજી પેઢીની સીમા વહુ છે. તેના પતિનું નામ મૃત્યુંજય સિંહ છે. સીમા સિંહ પોતે  NGO પણ ચલાવે છે. જૂન 2024માં સીમાએ કંપનીમોનો પોતાનો 0. 3 ટકા હિસ્સો વેચ્યો હતો જે પેટે 177 કરોડ રૂપિયાની રકમ હાથમાં આવી હતી.

મુકેશ અંબાણીએ એક મહિલાને રિલાયન્સ ઇન્ડસ્ટ્રીઝમાં મોટી જવાબદારી સોંપી છે. પહેલીવાર એવું બન્યું કે અંબાણી પરિવારની બહારની કોઇ વ્યકિતને મોટો હોદ્દો મળ્યો હોય. મુકેશ અંબાણીએ જાતે આ મહિલાની એપોઇન્ટમેન્ટ કરી છે.સોશિયલ મીડિયામાં લોકો મુકેશ અંબાણીના વખાણ કરી રહ્યા છે.

રિલાયન્સમાં મોટું પદ મેળવનાર મહિલાનું નામ છે ઇરા બ્રિન્દ્રા જે 47 વર્ષની છે અને અમેરિકાની મેડટ્રોનિકમાં તે  HR હેડ અને વાઇસ પ્રેસિડન્ટની પોસ્ટ પર હતી. એ સિવાય અનેક મોટી કંપનીઓમાં ઇરા કામ કરી ચૂકી છે.

રિલાયન્સમાં તેને પીપુલ લીડરશીપ એન્ડ ટેલેન્ટના નવા ગ્રુપ પ્રેસિડન્ટની જવાબદારી મળી છે. ઇરા પોતે આકાશ અંબાણી, ઇશા, અનંત અંબાણી સાથે કામ કરશે.

ઇરા દિલ્હીમાં  લેડી શ્રીરામ કોલેજમાંથી ગ્રેજ્યુએટ થઇ હતી અને નેધરલેન્ડમાં તેણે MBA કર્યું હતું.

સુપ્રીમ કોર્ટે મધ્ય પ્રદેશ હાઇકોર્ટના એક ચુકાદાની નિંદા કરીને સખત ટીપ્પણી કરી છે. કોર્ટે કહ્યું કે, જો પુરુષોને પણ પિરિયડસ આવે તો ખબર પડે કે મહિલાઓએ કેટલી યાતના ભોગવવી પડતી હોય છે. મધ્ય પ્રદેશ હાઇકોર્ટે કેટલીક મહિલા જજોને તેમના પ્રદર્શનના આધારે બરતરફ કરી દીધા હતા.

સુપ્રીમ કોર્ટના મહિલા ન્યાયાધીશ બી.વી. નાગરત્ના અને કોટિશ્વર સિંહની બેંચે સુનાવણી વખતે કહ્યું કે, એ કહેવું બહુ આસાન છે કે ડીસમીસ-ડીસમીસ અને ઘરે બેસી જાઓ. પરંતુ જ્યારે ન્યાયાધીશો માનસિક અને શારિરીક રીતે પીડિત હોય ત્યારે તેમના કેસના નિકાલનો દર માપદંડ ન હોય શકે. ખાસ કરીને જ્યારે મહિલા  માનસિક અને શારિરિક રીતે પીડિત છે તો તમે એમ ન કહી શકો કે તેઓ ધીમા છે. મહિલા જ્યારે ગર્ભપાતમાંથી પસાર થાય ત્યારે તેની શું યાતના હોય છે એ અમને ખબર છે.

મુકેશ અંબાણીના પુત્રી ઇશા અંબાણી અનેક વખત ચર્ચામાં રહે છે, રિલાયન્સ રિટેલનો બિઝનેસ હોય કે સંતાનોની વાત હોય ઇશા લાઇમ લાઇટમા રહે છે. પરુંત ઇશાના નણંદ નંદીની પિરામલ પણ બિઝનેસ વુમન તરીકે જાણીતી છે અને 83752 કરોડનો બિઝનેસ સંભાળે છે.

ઇશાના લગ્ન આનંદ પિરામલ સાથે થયેલા છે અને આનંદની બહેન અને ઇશાની નણંદ નંદીની ઓક્સફર્ડ યુનિવર્સિટીમાંથી ગ્રેજ્યુએટ થયેલી છે અને પિરામલ એન્ટરપ્રાઇઝીસ અને પિરામલ ફાર્માની ચેરપર્સન છે.

નંદિનીની અંગત સંપત્તિ અંગે કોઈ જાહેર વિગતો નથી. જો કે, તેના પિતા અજય પીરામલ પાસે 3.5 અબજ ડોલર એટલે કે લગભગ 23,307 કરોડ રૂપિયાની સંપત્તિ છે.અને પિરામલ ગ્રુપનું માર્કેટ કેપ 83752 કરોડ રૂપિયા છે.નંદિની બિઝનેસની સાથે સમાજસેવા પણ મોટા પાયે કરે છે. પિરામલ ફાઉન્ડેશનની એડવાઇઝર છે.

તમે ઘણીવાર ભારતની 10 સૌથી અમીર મહિલાઓ વિશે હંમેશા સાંભળ્યું હશે. પરંતુ, શું તમે જાણો છો કે આમાંથી 3 એવી મહિલાઓ છે, જેમની વાર્તા કરોડો મહિલાઓ માટે પ્રેરણા બની શકે છે. અપાર સંપત્તિ હોવા છતાં, જીવનસાથીથી મોટી સંપત્તિ કોઈ ન હોઈ શકે. આ ત્રણેય મહિલાઓ પાસે અઢળક પૈસા અને મિલકત છે પરંતુ તેમના જીવનસાથીનો સાથ નથી. દેશની આ 3 સૌથી અમીર મહિલાઓ તેમના પતિના અવસાન બાદ તેમનો બિઝનેસ સંભાળી રહી છે. આ મહિલાઓએ કૌટુંબિક અને વ્યવસાય બંને મોરચે હિંમતનું ઉદાહરણ સ્થાપિત કર્યું છે. આ અમીર મહિલાઓના નામ છે સાવિત્રી જિંદાલ, રેખા ઝુનઝુનવાલા અને વિનોદ રાય ગુપ્તા.

આ ત્રણ મહિલાઓ ભારતની 10 સૌથી ધનિક મહિલાઓની યાદીમાં ટોચના સ્થાને છે. આમાં સાવિત્રી જિંદાલ પ્રથમ સ્થાને, રેખા ઝુનઝુનાવા બીજા સ્થાને અને વિનોદ રાય ગુપ્તા ત્રીજા સ્થાને છે. ચાલો તમને તેની વાર્તા અને સફળ બિઝનેસ સામ્રાજ્ય વિશે જણાવીએ...

સાવિત્રી જિંદાલ: જિંદાલ ગ્રૂપના એમેરિટસ ચેરપર્સન સાવિત્રી જિંદાલ, ભારતની સૌથી ધનિક મહિલા છે. 2005માં તેમના પતિ ઓમપ્રકાશ જિંદાલના અવસાન પછી તેમણે જિંદાલ ગ્રુપનું બિઝનેસ સામ્રાજ્ય સંભાળ્યું હતું. ફોર્બ્સ અનુસાર, 2024માં ભારતના ટોપ 10 ધનિક લોકોની યાદીમાં સાવિત્રી જિંદાલ એકમાત્ર મહિલા અબજોપતિ છે. સાવિત્રી જિંદાલની કુલ સંપત્તિ 36 અબજ ડૉલર છે અને ભારતીય રૂપિયામાં આ રકમ 3 લાખ કરોડથી વધુ છે.

રેખા ઝુનઝુનવાલાઃ આ યાદીમાં બીજું નામ રેખા ઝુનઝુનવાલાના છે, જે શેરબજારના દિવંગત રોકાણકાર રાકેશ ઝુનઝુનવાલાની પત્ની છે. ઓગસ્ટ 2022માં રાકેશ ઝુનઝુનવાલાના મૃત્યુ પછી, રેખા ઝુનઝુનવાલાને અબજો રૂપિયાનો સ્ટોક પોર્ટફોલિયો વારસામાં મળ્યો. રેખા ઝુનઝુનવાલાએ દેશની 29 મોટી કંપનીઓમાં રોકાણ કર્યું છે, જેમાં ટાઇટન, ટાટા મોટર્સ અને ક્રિસિલનો સમાવેશ થાય છે. ફોર્બ્સ અનુસાર, રેખા ઝુનઝુનવાલાની કુલ સંપત્તિ 7.8 અબજ ડૉલર એટલે કે રૂ. 65,000 કરોડથી પણ વધુ છે.

વિનોદ રાય ગુપ્તાઃ આ યાદીમાં ત્રીજા સ્થાને હેવેલ્સ ઈન્ડિયાની માલિક વિનોદ રાય ગુપ્તા છે. 78 વર્ષના વિનોદ રાય ગુપ્તાની કુલ સંપત્તિ 5.7 બિલિયન US ડૉલર છે. ભારતીય રૂપિયામાં આ રકમ 47000 કરોડથી વધુ પણ છે. તેમને આ વિશાળ વ્યાપાર સામ્રાજ્ય તેના સ્વર્ગસ્થ પતિ સમરા રાય ગુપ્તા પાસેથી વારસામાં મળ્યું હતું. હાલમાં વિનોદ રાય ગુપ્તા તેમના પુત્ર અનિલ રાય ગુપ્તા સાથે મળીને આ જાણીતી વિદ્યુત કંપનીનું સંચાલન કરી રહ્યા છે.

(Utkarsh Patel) આ સંસારમાં બાળક સ્વરૂપે માનવ જન્મે અને પ્રત્યે માનવને મોટેભાગે પ્રથમ ઘડતર માતા પિતા પાસેથી જ મળે.

હા માતા-પિતા પોતે જ તેમના બાળકોના ભવિષ્ય માટે જવાબદાર હોય છે.

જે માતા-પિતા પોતાના બાળકોનો હાથ પકડીને ચાલવાનું નથી શીખવાડતા તેમના બાળકો ક્યારેય ચાલવાનું નથી શીખતા,

અને

જે માતા-પિતા પોતાના બાળકોનો હાથ છોડતા જ નથી એમના બાળકો ક્યારેય દોડવાનું નથી શીખી શકતા.

હાથ પકડો તમારા બાળકનો અનેક પછી હાથ એને ખબર ના પડે એમ છોડી દો!!

બાળકને ચાલતા શીખવાડો એને કહો તુ દોડ હવે હું તારી સાથે જ છું પાછળ વળીને ના જોઈશ.

આ હાથ પકડવાના દૃષ્ટાંતનું તાત્પર્ય ભાવાર્થ એ છે કે...

બાળકને એના જીવનમાં ઉપયોગી એવી દરેક નવી આવડત કેળવવામાં માતા-પિતાએ એને સાથ આપવો જ જોઈએ પરંતુ એ સાથ મર્યાદિત હોવો જોઈએ, આવડત કેળવાઈ ગયા પછી એને માત્ર હુંફ આપવી કે હા હું તારી સાથે જ છું તું આગળ વધ.

બાળકો પર વિશ્વાસ મુકવો જોઈએ અને એની દિશા યોગ્ય છેને એ આપણે બસ દૂરથી ધ્યાન રાખવું જોઈએ તો એને ક્યાંક વાળતા ફાવે અને એને ક્યાંક સથવારાની જરૂર પડેને તો આપણે હાજર રહી સાથ આપી શકીએ.

હું મોટેભાગે કોઇ વિષયની સમજમાં મારા જીવનની જ વાત કરતો આવ્યો કેમ કે કોઈકની વાત આપણે શું કામ કરવી જ્યારે આપણે પોતે જ યોગ્ય હોઈએ... હવે સંક્ષિપ્તમાં મારા જીવનની વાત.

મારા માતા-પિતાએ મને મારી બધી જ સારી નબળી વાતોમાં મને ટેકો કર્યો.

જીવનમાં ભણતર, સમાજસેવા, બાળપણ, યુવાનીમાં મને જેમ ફાવે તેમ જીવવા દીધો, વેપાર... કહો કે સમગ્ર જીવન વ્યવસ્થાઓમાં મને બધી જ સ્વતંત્રતા આપી. પણ તેઓની મને ખબર ના પડે એમ મારી પ્રત્યેક વાત પર ધ્યાન હોય આજેય હોય અને ક્યાંક ચૂક થતી જણાય એટલે એમની હાજરીનો અનુભવ મને કરાવે!

ટૂંકમાં ઘોડાને દોડવા દેવામાં આવે પણ લગામ તો માલિક પાસે હોય. દોડનાર ઘોડાને દોડવાની ખૂબ મજા આવે પણ ખીણ કે ખાડો આવે ત્યારે માલિક લગામ ખેચી ભાન કરાવે કે થોભીજા.

બસ આવું જ કંઈક મારું જીવન.

આપણું જ લોહી છે આપણા બાળકો.

જે માતા-પિતાના લોહીમાં સંસ્કાર હશે એજ એમના બાળકોમાં આવવાના એટલે માતા-પિતાએ પ્રથમ તો સ્વયં શું છે એ સમજી લેવું જોઈએ અને પછી એ મુજબનો સુધારા સાથેનો નવો અવતાર બાળકો સ્વરૂપે જીવે આ સંસારમાં એ કરવું જોઈએ અને એ મુજબ પોતાના બાળકોનું ઘડતર કરવું જોઈએ.

અગત્યનું:

તમારા બાળકો તમારા ઘડપણની ટેકા રૂપ લાકડી બને એવી નબળી અપેક્ષાથી બાળકોને મુક્ત કરો. એમને એમના જીવનમાં આગળ વધવા ટેકો કરો પણ એમને તમારા આધારીત કરશો નહીં.

(સુદામા)

કેમ બાકી ખરું કહ્યું કે?

આપણે ત્યાં આ વાત સંભળાવવામાં (sarcasm) અનેકવાર ઉપયોગમાં લેવાય છે.

છોકરી જ્યારે કહ્યાગરી શાંત હોય ત્યારે વખાણ રૂપે કહેવાય કે... ગાય જેવી છે.

છોકરો જ્યારે શાંત કહ્યાગરો હોય ત્યારે નિંદા રૂપે કહેવાય કે... ગધેડા જેવો છે, જેમ હંકારો એમ જાય અને જેમ કહો એમ ભાર ઉપાડે!

હવે હું મારો સ્પષ્ટ દૃષ્ટિકોણ રજૂ કરું...

દીકરીના વખાણ થાયને કે ગાય જેવી છે ત્યારે હું સમજી જાઉં છું કે એ દીકરીના બધા જ સપનાં રગદોડાય ગયા હાશે, એ ક્યાંક મન મનાવતી હશે, ક્યાંક મજબૂર હશે... એટલે એ ગાય જેવી કહેવાય છે! દીકરીને ગાય જેવી પવિત્ર ઉપમા અપાય તે સારું પણ મજબૂર કરીને ગાય જેવી ઉપમા અપાય એનો હું સ્પષ્ટ પણે નિંદક છું અને એવી દીકરીઓને હું એક ભાઈ વાલી તરીકે સાથ આપવામાં કંઈ જ ખોટુ સમાજતો નથી.

દીકરીઓને જીવવા દો... એમના સપનાં પૂરા કરવા દો.

હવે વાત કરીએ શાંત કહ્યાગરા છોકરાની. આવા સહજ સરળ સ્વભાવના છોકરાઓને ગધેડાની ઉપમા નિંદાત્મક રીતે આપવામાં આવે છે! આ સારા સંસ્કારને નિંદાત્મક રીતે ગધેડા જેવા મૂગા પશુ સાથે શું કામે સરખાવામાં આવે છે એ મને આજ સુધી નથી સમજાતું.

વાત કરવી જોઈશે મુંગા નિર્દોષ ગધેડાની.

ગધેડું શબ્દનો આપણો સમાજ નિંદાત્મક રીતે એની ઉપમા આપવા માટે ઉપયોગ કરે. ખરું ને? તમે પણ ક્યારેક ગુસ્સામાં કોઇકને કહ્યું કે કહેતા હશો... ગધેડા જેવો છે!

કેમ ભાઈ આ ગધેડા સાથે તમને શું વાંધો છે?

એક મુંગા પશુ ગધેડાએ તમારું શું બગાડ્યું?

ગધેડાએ તમારા સામાનનું વજન ઉપાડી તમારી વ્યવસ્થાઓ સાચવી એ તમને નથી દેખાતું?

પાવાગઢ, અંબાજી ગબ્બર, વૈષ્ણોદેવી કંઇક બીજા ગિરીમથકો પર ગધેડા સામાન પહોચાડી પ્રવાસન સ્થળો અને માતાજીના સ્થાનકોની વ્યવસ્થા જાળવે એ તમે નથી જોયું?

આ કહ્યાગરું મુંગુ પ્રાણી જેને આપણે ગધેડું નામ આપ્યું છે એને પ્રેમથી ગધેડું કહોને. એ ખૂબ સારું છે. નિર્દોષ છે. શાકાહારી છે. તમને ઉપયોગી સેવા કરે તેવું છે.

તમે ઘોડો પાળો તો તમારો સમાન ભાર ઉંચકે?

તમે કૂતરાને પાળો તો તમારું વજન ઊંચકે?

સૌના ગુણ અલગ... ઘોડો સારો, કૂતરો પણ સારો પણ ગધેડું પણ સારું છે. કહોને ગધેડું સારું, બિચારાની નિંદા શું કામ કરો. વફાદારીમાં ગધેડું પણ કંઈ ઓછું નથી.

હું આપને જણાવું, ગુજરાત સરકારમાં એક ખુબ ઉચ્ચ અધિકારી શ્રી જેમનું અહીં નામ નથી જણાવી રહ્યો તેઓ એમના ઘરે ગધેડા પાળતા. એવા સરસ ચોખ્ખા, નિર્દોષ અને ખુશ ખુશાલ રમતા ગધેડા જોઈને અને એમના ઉછેર વિશે સંભાળીને મને આશ્ચર્ય થતું!

એમના એ પાલકભાવને ખૂબ આદરભાવે હું સદૈવ મારી લાગણીઓથી બિરદાવું છું. ગર્વ થાય આવા લોકો પર જેઓ લાગણીઓને સમજે.

મારી એક વ્યક્તિગત્વ વાત પણ અહીં કહીશ.

જેમની સાથે મારે કંઈ જ લેવા-દેવા નથી, નથી હું જેમનો પ્રતિસ્પર્ધી, નથી મારે કોઇ વેપારી લેવડ-દેવડ કે બીજું કંઈ છતાં મને કેટલાક લોકો અવારનવાર ગધેડો કહે છે!

મારા જીવનમાં મારા આદર્શ એવા આપણા દેશના હાલના બે શિર્ષસ્થ નેતૃત્વના કહ્યાગરા ગધેડા તરીકે કેટલાક નિંદકો અવારનવાર મારી નિંદા કરે અને કહે કે...

ઉત્કર્ષ પટેલ તો ***** નું કહ્યાગરું ગધેડું છે! એ લોકો જેમ કહે તેમ મજૂરી કરે અને ભાર ઉપાડે.

મારા નીંદકો આવું કહે ત્યારે એ નીંદકો માટે ગુસ્સાનો ભાવ કે તિરસ્કારનો ભાવ હું રાખતો નથી કેમકે હું સમજું છું કે મારે મારી સંબંધોની ખાનદાની વફાદારી નિભાવવાની છે અને મારા માટે ગધેડાની ઉપમા એ વખાણ બરાબર છે નહીં કે નિંદા, તિરસ્કાર.

અગત્યનું...

જ્યારે જ્યારે

છોકરી ગાય જેવી કહેવાય ત્યારે એ દીકરીની ચિંતા કરવી

અને

છોકરો ગધેડા જેવો કહેવાય ત્યારે સમજી જવું કે એ છોકરો સંયમી, કહ્યાગરો અને સારો જ હશે.

વિશેષમાં મૂંગા પ્રાણીને વધુ તિરસ્કાર ના કરશો, એને પ્રેમથી જતન કરજો.

(સુદામા)

(Utkarsh Patel) મારા મતે આ સંસારમાં દીકરી એટલે જીવનો ટુકડો. નસીબવંતા લોકોને ત્યાં જ દીકરી જન્મે. અને દીકરી જન્મે એટલે પિતાનો જીવ પડીકે બંધાય, દીકરીનો બાપ જીવે ત્યાં સુધી એનો જીવ રહે દીકરીમાં. મા થોડી કાઠી બને કેમકે એ પણ કોઈકની દીકરી હોય અને બધું સહન કરી ચૂકી હોય પિતાનું ઘર મુકીને આવે ત્યારે. પણ બાપનું હૈયું હંમેશાં દીકરી માટે હંમેશાં વ્યથિત અને ભીનું રહે.

દીકરી નાની હોય ત્યારથી ઘરમાં ઝાંઝર ખખડે એમ ખડખડાટ મલકાતી હોય. એનું હાસ્ય એટલે જાણે બાપના જીવનમાં ઉનાળાના તડકામાં શીતળ છાયડો. ક્યારેક જમાદારની જેમ પિતા પર રોફ જમાવે અને ક્યારેક લાડકી બની જીદે ચઢીને ધાર્યુ કરાવે એ દીકરી.

દીકરી ભણવા જાય કે ફળિયામાં રમવા જાય માતા પિતાનો જીવ ત્યાં જ હોય જ્યાં દીકરી હોય. દીકરી નાની હોય કે પછી મોટી થઇને શાળા કોલેજ જતી હોય માનો જીવ સતત એની કાળજી લેવામાં પરોવાયેલો હોય! દીકરીના સુખી જીવન માટે જાણે કેટલાય સપના જોતો હોય અને એ સપના પૂરા કરવા રાત દિવસ મજૂરી કરે તેને કહેવાય દીકરીનો બાપ.

જીવનભરની શ્રમની ભેગી કરેલી મૂડી દીકરીના વિવાહમાં વાપરતો બાપ દીકરીને પારકે ઘરે જવા દે દુનિયાના રીતરિવાજ મુજબ. હૈયું ભારે હોય છતાંયે  વ્હાલિ દીકરીને પારકાનું ઘર પોતાનું કરવા વિદાય આપે તે દીકરીના મા બાપ. દીકરી વિદાય તો થાય પણ મા બાપનું હૈયું તો દીકરીની નજીક જ હોય.

દીકરી એટલે બાપના જીવનો ટુકડો અને માનો પડછાયો! દીકરીમાં મા અને બાપ બંનેવની આભા છલકાતી હોય! દીકરી ભલે દૂર હોય પણ એના હૈયામાં સતત મા બાપની લાગણીની ચિંતા હોતી હોય છે અને આજના સંસારમાં દીકરાઓ ખોટું ના લગાડશો પણ તમારા કરતા દીકરીઓ મા બાપની કાળજી લેવામાં હંમેશાં અગ્રેસર રહે છે. વંદન છે આ દિકરીઓને જે પારકાને પોતાના બનાવી એ સંસારમાં લક્ષ્મી રૂપે જીવે અને પોતાના મા બાપની લાગણી પણ કરે.

અગત્યનું:

દીકરીઓની કાળજી લેજો પછી એ તમારી દીકરી હોય કે તમારી પત્ની રૂપે આવેલી કોઈક બાપની દીકરી હોય. દીકરીને હૈયાની નજીક રાખજો.

(સુદામા)

ગંભીર સેરેબ્રલ પાલ્સી (75 ટકા) અને માનસિક મંદતાથી પીડાતી હોવા છતાં, હેત્વી ફ્રી-હેન્ડ પેઇન્ટિંગ કરે છે અને કોયડાઓ ઉકેલે છે. તે ચાલવામાં અસમર્થ છે અને દૈનિક પ્રવૃત્તિઓ માટે વ્હીલચેરનો ઉપયોગ કરે છે.

તેણે ફ્રી-હેન્ડ પેઇન્ટિંગની 250 કૃતિઓ બનાવી છે, જેના માટે તેને ઇન્ડિયા બુક ઓફ રેકોર્ડ્સ, ઇન્ટરનેશનલ બુક ઓફ વર્લ્ડ રેકોર્ડ્સ, લંડન બુક ઓફ રેકોર્ડ્સ, ગુજરાત બુક ઓફ રેકોર્ડ્સ, સ્ટાર બુક ઓફ રેકોર્ડ્સ, ઈન્ડિયાસ મોસ્ટ ટેલેન્ટેડ એચિવર્સ એવોર્ડ, ઈન્ડિયાસ મોસ્ટ ટેલેન્ટેડ એચિવર્સ એવોર્ડ, મોસ્ટ ઇન્સ્પાયરિંગ આર્ટિસ્ટ ઓફ ધ યર -2023, પ્રાઇડ ઓફ ઇન્ડિયા એવોર્ડ, મધર ટેરેસા મેમોરિયલ એવોર્ડ અને ભારત નારી રત્ન સન્માન-2023 થી સન્માનિત કરવામાં આવી છે.

તેણે પોતાનીં માસિક વિકલાંગતા પેન્શન સ્પંદન સ્પેશિયલ ચાઇલ્ડ કેર ઇન્સ્ટિટ્યૂટને દાનમાં આપ્યું છે, જેથી માનસિક વિકલાંગ બાળકોને ફળો, મીઠાઈઓ અને જ્યુસ મળી રહે.

તે 800 સબ્સ્ક્રાઇબર્સ સાથે "સ્પેશિયલ ચાઇલ્ડ એજ્યુકેશન એક્ટિવિટી હેતવી ખીમસુરીયા" નામની યુટ્યુબ ચેનલની પણ માલિકી ધરાવે છે.

ગુજરાતના મુખ્યમંત્રી દ્વારા પ્રસ્તુત આસામની યુ.એસ. આર્ટ ગેલેરી દ્વારા તેનું સન્માન કરવામાં આવ્યું હતું. તેની સર્જનાત્મક ક્ષમતા માટે, નવભારત રાષ્ટ્રીય જ્ઞાનપીઠ ઇન્સ્ટિટ્યૂટ (ઇન્ડિયાઝ મોસ્ટ ટેલેન્ટેડ કિડ્સ એચિવર્સ એવોર્ડ -2022) દ્વારા તેને સન્માનિત કરવામાં આવી હતી અને એવોર્ડ એનાયત કરવામાં આવ્યો હતો. "યુનિવર્સ" નામની તેની પેઇન્ટિંગને પસંદ કરવામાં આવી હતી અને 2022 માં મણિકર્ણિકા આર્ટ ગેલેરીમાં બ્રોન્ઝ પ્રાઇઝ આપવામાં આવ્યો હતો. તેને 27 ટ્રોફીની સાથે 25 સુવર્ણ, 4 રજત અને 1 કાંસ્ય ચંદ્રક જેવા અનેક પ્રમાણપત્રો પ્રાપ્ત થયા છે.

બ્રિટનની એક મહિલાએ નાનકડા કામથી શરૂઆત કરી હતી આજે બ્રિટનની ટોપ ધનવાન મહિલાઓમાં સામેલ છે. વર્ષ 2023માં આ મહિલાએ જે સેલરી પેકેજ મેળવ્યું છે તે ગૂગલના CEO સુંદર પિચાઇ, બ્રિટનના પ્રધાનમંત્રી રૂષી સૂનક કરતા પણ વધારે છે.

આ મહિલાનું નામ છે ડેનિઝ કોટ્સ. ડેનિઝે રમતા રમતા કરોડા રૂપિયાની કમાણી કરી લીધી છે. તેણે Bet365 નામથી બેટિંગ એપ શરૂ કરી હતી. વર્ષ 2023માં ડેનિઝને સેલરી પેકેજ પેટે 2324 કરોડ રૂપિયા મળ્યા હતા. જ્યારે ગૂગલના CEO સુંદર પિચાઇનું સેલરી પેકેજ 1876 કરોડ રૂપિયા છે, બ્રિટનના પ્રધાનમંત્રી રૂષિ સૂનકને 2.09 કરોડ મળે છે. એમેઝોનના એંડી જોન્સને 10.77 કરોડ રૂપિયા મળે છે. ડેનિઝના પ્લેટફોર્મ પર દુનિયાભરના 9 કરોડ લોકો આવે છે.