ક્રિકેટ પીચ પર પોતાની ઝડપી ગતિથી દિગ્ગજ બેટ્સમેનોને ચોંકાવનારા બે શક્તિશાળી બોલર ટૂંક સમયમાં ખાખી ગણવેશમાં જોવા મળશે. બિહારના બે પુત્રો, આકાશ દીપ અને મુકેશ કુમાર, જેમણે પોતાની ઘાતક બોલિંગ અને મહેનત દ્વારા ટીમ ઈન્ડિયામાં સ્થાન મેળવ્યું હતું, હવે સંપૂર્ણપણે નવા અને શક્તિશાળી અવતારમાં દેખાવા માટે તૈયાર છે. રમતગમતને પ્રોત્સાહન આપવાની પોતાની ખાસ નીતિના ભાગ રૂપે, બિહાર સરકારે બંને ક્રિકેટરોને DSP પદ પર સીધી નિયુક્તિ આપી છે. આ સમાચારથી તેમના ચાહકોમાં ખુશીની લહેર ફેલાઈ ગઈ છે. હકીકતમાં, આ બંને ખેલાડીઓએ તેમની શાનદાર રમત દ્વારા BPSC જેવી મુશ્કેલ પરીક્ષાઓ માટે દિવસ-રાત તૈયારી કરીને દેશભરના લાખો યુવાનો જે પ્રતિષ્ઠિત પદ માટે પ્રયત્ન કરે છે તે પ્રાપ્ત કર્યું છે.

મુકેશ કુમાર અને આકાશ દીપની વાર્તા કોઈ ફિલ્મી પટકથાથી ઓછી નથી. ગોપાલગંજના રહેવાસી મુકેશ કુમારે એક સમયે ટેનિસ બોલથી ક્રિકેટ રમવાનું શરૂ કર્યું હતું. તેના પિતા ઓટો-રિક્ષા ચલાવતા હતા, અને પરિવારની આર્થિક પરિસ્થિતિ ખરાબ હતી, પરંતુ મુકેશે હાર માનવાનો ઇનકાર કર્યો હતો. એ જ રીતે, રોહતાસ જિલ્લાના આકાશ દીપ ઘણા સંઘર્ષ અને આંસુઓ સાથે અહીં સુધી પહોંચ્યો છે. તેણે પોતાના પિતા અને મોટા ભાઈ ગુમાવ્યા, પરંતુ ક્રિકેટ પ્રત્યેના તેના જુસ્સા અને ઉત્સાહે તેને આગળ વધાર્યો. આજે, તે બંને માત્ર આંતરરાષ્ટ્રીય સ્તરે ભારતનો ધ્વજ લહેરાવી રહ્યા નથી, પરંતુ બિહાર પોલીસમાં વરિષ્ઠ અધિકારીઓ પણ બન્યા છે.

જો તમને લાગે કે DSP બનવું એ ફક્ત એક સરકારી નોકરી છે, તો તમે ખોટા છો. DSPનું પદ પોલીસ વિભાગમાં ખૂબ જ મહત્વપૂર્ણ અને ગેઝેટેડ અધિકારી કક્ષાનું છે. જ્યારે DSP પોતાનો ગણવેશ પહેરે છે, ત્યારે તેના ખભા પર ત્રણ ચમકતા તારા હોય છે. આ બેજ તેની શક્તિ અને કાયદા પ્રત્યેની જવાબદારીનો અંતિમ પુરાવો છે. કેટલીકવાર, DSPને SDPO નામના સમગ્ર સબડિવિઝનની જવાબદારી સોંપવામાં આવે છે. આ પદ પર, તેઓ 4થી 5 પોલીસ સ્ટેશનનું નેતૃત્વ કરે છે. આ ઉપરાંત, DSP મોટા વિસ્તારમાં કાયદો અને વ્યવસ્થા જાળવવા, મોટા ગુનાઓની તપાસ કરવા અને નીચેના અધિકારીઓ (જેમ કે ઇન્સ્પેક્ટર અને સબ-ઇન્સ્પેક્ટર)નું નેતૃત્વ કરવા માટે જવાબદાર હોય છે. વિસ્તારમાં તેમનો દબદબો અને દરજ્જો સ્પષ્ટ દેખાય જાય છે.

દરજ્જો અને પાવરની સાથે સાથે, આ પદ માટેનો પગાર પણ ખૂબ પ્રભાવશાળી હોય છે. બિહારમાં, DSPને પગાર સ્તર 9 હેઠળ ચૂકવવામાં આવે છે. મૂળ પગાર રૂ. 53,100થી શરૂ થાય છે, જેમાં 50 ટકા મોંઘવારી ભથ્થું (DA) લગભગ રૂ. 26,550 છે. શહેર પર આધાર રાખીને, ઘર ભાડું ભથ્થું રૂ. 4,200થી રૂ. 8,400 સુધીનું હોય છે. મુસાફરી ભથ્થું રૂ. 2,000થી રૂ. 4,000 સુધીનું હોય છે. આનો અર્થ એ થાય કે દર મહિને રૂ. 85,000થી રૂ. 92,000નો કુલ પગાર હોય છે. અહીં તમને બતાવી દઈએ કે, PF અને ટેક્ષ કાપ્યા પછી, નવા DSPને દર મહિને આશરે રૂ. 70,000થી રૂ. 75,000ની ટેક હોમ સેલેરી મળે છે. જેમ જેમ અનુભવ વધે છે, તેમ તેમ આ પગાર લાખો સુધી પહોંચી શકે છે.

DSPનો અસલી પાવર ફક્ત તેમના પગારમાં જ નહીં, પરંતુ તેમને મળતા સરકારી લાભોમાં પણ રહેલો છે. અધિકારીઓ તરીકે, આકાશ દીપ અને મુકેશ કુમાર ઘણા શાનદાર લાભો મળશે. તેમને રહેવા માટે એક વૈભવી સરકારી બંગલો અથવા ક્વાર્ટર આપવામાં આવે છે. મુસાફરી અને ફરજ માટે વાદળી લાઈટવાળું સરકારી વાહન (સામાન્ય રીતે બોલેરો અથવા સ્કોર્પિયો) અને ડ્રાઇવર હંમેશા ઉપલબ્ધ હોય છે. તેમના દરજ્જા મુજબ સુરક્ષા માટે બોડીગાર્ડ્સ પણ પૂરા પાડવામાં આવે છે. પોતાના અને પરિવાર માટે ઉત્તમ તબીબી સુવિધાઓ, મફત ટેલિફોન બિલ અને વીજળી ભથ્થાં પણ આ પેકેજનો ભાગ છે.

ભારત માટે વિસ્ફોટક બેટ્સમેન હોવા ઉપરાંત, સંજુ સેમસન એક ઉત્તમ વિકેટકીપર પણ છે. તેને આંતરરાષ્ટ્રીય ક્રિકેટમાં ઘણી વખત વધારે તકો મળતી નથી. તેણે 2015માં 20 વર્ષની ઉંમરે ભારત માટે આંતરરાષ્ટ્રીય સ્તરે પદાર્પણ કર્યું હતું. જોકે, આ વિકેટકીપર-બેટ્સમેન છેલ્લા 11 વર્ષમાં ભારત માટે ફક્ત 82 આંતરરાષ્ટ્રીય મેચ રમ્યો છે. સંજુ સેમસન છેલ્લા 11 વર્ષમાં ક્યારેય ટીમ ઈન્ડિયામાં પોતાને મજબૂત રીતે સ્થાપિત કરી શક્યો નથી. ભારતની અંદર ઘણી બધી પ્રતિભાઓ હોવાને કારણે, તેને પોતાને તક મળે તે માટે લાંબો સમય રાહ જોવી પડી.

સંજુ સેમસનએ T20 વર્લ્ડ કપ 2026 ટુર્નામેન્ટમાં 5 મેચમાં 321 રન બનાવ્યા. સંજુ સેમસનના આ પ્રભાવશાળી પ્રદર્શનમાં 3 મેચમાં સતત 3 અડધી સદીનો સમાવેશ થાય છે. વેસ્ટ ઈન્ડિઝ સામે વર્ચ્યુઅલ ક્વાર્ટર ફાઇનલમાં અણનમ 97, ઇંગ્લેન્ડ સામે સેમિફાઇનલમાં 89 અને ન્યુઝીલેન્ડ સામે ફાઇનલમાં 89 રન. જ્યારે એવું લાગતું હતું કે સંજુ સેમસન ટીમમાં પોતાનું સ્થાન મજબૂત કરી ચૂક્યો છે, ત્યારે તેના ખરાબ ફોર્મને કારણે તેને તેનું સ્થાન ગુમાવવું પડ્યું. ત્યારપછી તેણે પાછા આવવા માટે સંઘર્ષ કર્યો.

આ મુશ્કેલીઓએ સંજુ સેમસનનો સંકલ્પ મજબૂત બનાવ્યો છે અને તેને પોતાની ક્ષમતાઓમાં સંપૂર્ણ વિશ્વાસ ધરાવતો એક ખૂબ જ આત્મવિશ્વાસુ બેટ્સમેન બનાવ્યો છે. હવે, તેણે પુરી રીતે પોતાની શરતો પર રમવાનું નક્કી કર્યું છે. સંજુ સેમસને એક મીડિયા ચેનલ સાથે નિખાલસતાથી વાત કરી. વિકેટકીપર-બેટ્સમેનએ જણાવ્યું હતું કે, T20 વર્લ્ડ કપ 2026 પહેલા, તેણે પોતાની રીતે સમજી વિચારીને આ 'આંધળી દોડ'નો ભાગ ન બનવાનો અને ફક્ત તેની રમતનો આનંદ માણવા પર ધ્યાન કેન્દ્રિત કરવાનો નિર્ણય લીધો હતો.

સેમસને કહ્યું, 'મને સમજાયું કે આપણા દેશમાં હંમેશા એક આંધળી દોડ ચાલતી હોય છે, અને મેં T20 વર્લ્ડ કપ 2026 પહેલા નિર્ણય લીધો હતો કે હું તેનો ભાગ નહીં બનીશ. હું ફક્ત રમતનો આનંદ માણવા માંગુ છું.' 2026ના T20 વર્લ્ડ કપ પહેલા, સેમસને T20Iમાં ભારતના પ્રથમ પસંદગીના ઓપનર તરીકે પોતાને સ્થાપિત કરવા માટે ઘણું બધું કર્યું હતું. જોકે, સંજોગો બદલાયા અને તેને બેટિંગ ક્રમમાં નીચે ધકેલી દેવામાં આવ્યો, પહેલા શુભમન ગિલની વાપસીને કારણે અને પછી ઈશાન કિશનના કારણે, અને હવે તેનું પોતાનું ફોર્મ ખરાબ થઇ જવાને કારણે.

આ ફેરફારોની સેમસનના પ્રદર્શન પર અસર પડી, અને T20 વર્લ્ડ કપ પહેલા ભારતની છેલ્લી T20I શ્રેણીમાં ખરાબ પ્રદર્શન પછી, ટીમ મેનેજમેન્ટે અભિષેક શર્મા અને ઈશાન કિશનને મોટી ટુર્નામેન્ટમાં ઇનિંગની શરૂઆત કરવાનો નિર્ણય લીધો. સેમસને કહ્યું, 'ભગવાનની કૃપાથી, મેં ઘણું બધું પ્રાપ્ત કર્યું છે. હું હવે 31 વર્ષનો છું, અને મારી પાસે ફક્ત થોડા વર્ષો બાકી છે. તેથી, મેં મારી પોતાની શરતો પર રમવાનું નક્કી કર્યું છે. કોઈ મને એ કહેશે નહીં કે કેવી રીતે બેટિંગ કરવી અથવા શું કરવું. સંજુ પોતાના નિર્ણયો જાતે લેશે. સંપૂર્ણ આદર સાથે, હું રમીશ, રમતનો આનંદ માણીશ, એક સારો ટીમનો સાથી બનીશ અને ટીમને ટેકો આપીશ, પરંતુ હું બધું મારી રીતે કરીશ.'

જ્યારે ભારત 2026 T20 વર્લ્ડ કપમાંથી બહાર થવાના આરે હતું, ત્યારે ટીમ મેનેજમેન્ટે સંજુ સેમસનને પ્લેઇંગ ઇલેવનમાં પાછો બોલાવ્યો અને તેને ઇનિંગ ઓપનિંગ કરવાની જવાબદારી સોંપી. 31 વર્ષીય સેમસને સતત 3 શાનદાર ઇનિંગ્સ રમી, જેનાથી ભારતને રેકોર્ડ ત્રીજી વખત T20 વર્લ્ડ કપ જીતવામાં મદદ મળી અને તેને 'પ્લેયર ઓફ ધ ટુર્નામેન્ટ' જાહેર કરવામાં આવ્યો. આ અનુભવોએ સેમસનને ભવિષ્યની ચિંતા કરવાને બદલે વર્તમાનમાં જીવવાનું શીખવ્યું છે.

સંજુ સેમસને કહ્યું, '2024ના વર્લ્ડ કપ પછી, મને 2026ના વર્લ્ડ કપમાં રમવાની અપેક્ષા પણ નહોતી. એક સમયે, હું 14 કે 15 સભ્યોની ટીમમાં પણ નહોતો. તો હું 2028 માટે કેવી રીતે યોજના બનાવી શકું? જો હું ટીમમાં રહ્યો, ટીમને મારી જરૂર હોય, અને હું સારું રમી રહ્યો હોઉં, તો બધું જ તેની જાતે જ યોગ્ય થઈ જશે. ભલે આવું ન પણ થાય, તો પણ હું અતિ આભારી રહીશ. આ સિદ્ધિ કોઈ મારી પાસેથી છીનવી શકશે નહીં.'

વેસ્ટ ઇન્ડીઝ ક્રિકેટ ટીમે પહેલી ટેસ્ટમાં પાકિસ્તાનને 90 રનથી કારમી હાર આપી હતી. ત્રિનિદાદના બ્રાયન લારા સ્ટેડિયમમાં રમાયેલી મેચમાં પાકિસ્તાનને 211 રનનો લક્ષ્યાંક આપવામાં આવ્યો હતો, પરંતુ બાબર આઝમની ટીમ માત્ર 120 રનમાં જ સમેટાઈ ગઈ હતી. વેસ્ટ ઇન્ડીઝે બે મેચની ટેસ્ટ શ્રેણીમાં 1-0થી લીડ મેળવી લીધી છે.

આ મેચમાં એક રસપ્રદ દ્રશ્ય જોવા મળ્યું, જ્યારે વેસ્ટ ઇન્ડીઝના એક ફિલ્ડરે જાણી જોઈને બાબર આઝમે ફટકારેલા શોટને બાઉન્ડરીની બહાર જવા દીધો હતો. આ ક્લિપ સોશિયલ મીડિયા પર વાયરલ થઈ રહી છે, અને ચાહકો આ પ્રયાસ પર સવાલ ઉઠાવી રહ્યા છે. લોકો પૂછી રહ્યા છે કે વેસ્ટ ઇન્ડીઝના ખેલાડી જેડન સીલ્સે આવું કેમ કર્યું?

આ મજાની ઘટના પાકિસ્તાનની બીજી ઇનિંગની 31મી ઓવરમાં બની હતી. પાકિસ્તાનની 9 વિકેટ પડી ગઈ હતી, અને બાબર આઝમને સાથ આપવા વાળો કોઈ બેટ્સમેન ન હતો. બીજા છેડે નંબર 11નો બેટ્સમેન મોહમ્મદ અબ્બાસ હતો. શમર જોસેફ દ્વારા ફેંકાયેલા છેલ્લા બોલ પર, બાબર આઝમે લેગ સાઈડ તરફ શોટ રમ્યો. તેનો ઈરાદો સિંગલ લેવાનો હતો, જેથી તે આગલી ઓવરમાં સ્ટ્રાઈક લઈ શકે. જોકે, જેડન સીલ્સે બાબરની યોજનાને નિષ્ફળ બનાવી દીધી. તે પહેલેથી જ બોલની નજીક પહોંચી ગયો હતો અને સરળતાથી તેને પકડી શકતો હતો, પરંતુ તેણે જાણી જોઈને બોલને બાઉન્ડરીની બહાર જવા દીધો. તે ઇચ્છતો હતો કે મોહમ્મદ અબ્બાસ આગલી ઓવરમાં સ્ટ્રાઈક પર હોય.

https://twitter.com/nibraz88cricket/status/2082342448764961056

ચાહકો સોશિયલ મીડિયા પર પ્રશ્નો ઉઠાવી રહ્યા છે. પાકિસ્તાની ચાહકો સૌથી વધુ હોબાળો મચાવી રહ્યા છે. તેઓ કહે છે કે જેડન સીલ્સે આ જાણી જોઈને કર્યું અને રમતની ભાવનાનું ઉલ્લંઘન કર્યું. કેટલાક ચાહકો તેની સામે દંડની માંગ પણ કરી રહ્યા છે. જોકે, આવું થવાની શક્યતા ઓછી છે. જેડન સીલ્સે જે કર્યું તેને ક્રિકેટની દ્રષ્ટિએ ટેક્નિકલ ચાલાકી કહેવાય છે. ICCના નિયમો અનુસાર, જો તેણે એવું વર્તન કર્યું હોત કે તે બોલને હાથમાં પકડ્યા વિના ફેંકવાની એકશન કરી હોતે તો તેને દંડ ફટકારવામાં આવ્યો હોત, પરંતુ તેણે બોલને જાણી જોઈને બાઉન્ડરીની બહાર ફોર માટે જવા દીધો. આ દ્રશ્યે ભારતીય ચાહકોને ફિલ્મ 'લગાન'ની યાદ અપાવી. અંગ્રેજ કેપ્ટને ભુવન (આમિર ખાન) સાથે પણ આવું જ કર્યું.

બીજી ઇનિંગમાં, બાબર આઝમે એકલા હાથે વેસ્ટ ઇન્ડીઝના બોલરોનો સામનો કર્યો, અણનમ 58 રન બનાવ્યા. જોકે, તેને કોઈ બેટ્સમેનનો સાથ મળ્યો નહીં, અને પાકિસ્તાન 90 રનથી મેચ હારી ગયું. હવે, બીજી ટેસ્ટમાં, બાબર અને કંપની શ્રેણી બરાબરી કરવાનું લક્ષ્ય રાખીને મેદાન પર આવશે.

કોમનવેલ્થ ગેમ્સમાં વેઈટલિફ્ટિંગમાં ભારતનો મેડલ જીતવાનો સિલસિલો ચાલુ છે, આ યાદીમાં એક નવું નામ ઉમેરાયું છે. નામ છે હરજિંદર કૌર. તે ખેલાડી છે જેણે આ વખતે તેના અગાઉના કોમનવેલ્થ ગેમ્સના બ્રોન્ઝ મેડલને સિલ્વરમાં અપગ્રેડ કર્યો છે. જોકે, આ સિલ્વર મેડલ જીતવા માટે હરજિંદર કૌરને ભારે પીડા સહન કરવી પડી હતી અને ખૂબ મુશ્કેલીઓનો સામનો કરવો પડ્યો હતો. અહીં સુધી કે તે પોતાના ડૉક્ટરની સલાહ વિરુદ્ધ ગણ ગઇ. આ બધું માત્ર એટલે કર્યું કારણ કે આ વખતે તેને નસીબ પર આધારે નહીં, મહેનતના દમ પર મેડલ જીતવા માંગતી હતી.

ચાર વર્ષ અગાઉ હરજિંદરે 71 કિગ્રા કેટેગરીમાં ભાગ લીધો હતો. જે તેનો કોમનવેલ્થ ડેબ્યૂ હતું. તે છેલ્લી લિફ્ટ સુધી ચોથા સ્થાને હતી. જો કે, ઇવેન્ટમાં ટોપમાં રહેલી નાઇજિરિયન એથ્લીટ ક્લીન એન્ડ જર્ક રાઉન્ડમાં એક પણ ક્લીન લિફ્ટ ન કરી શકી, જેના કારણે હરજિંદર ચોથા સ્થાનેથી ત્રીજા સ્થાને પહોંચી ગઈ.

આ વખતે, હરજિંદર કૌરે તેના પ્રદર્શનમાં કોઈ તક છોડી નહીં. તમે અંદાજો એ વાતથી લગાવી શકો છો કે, તેણીએ સ્પર્ધાના ત્રણેય વિભાગોમાં વ્યક્તિગત શ્રેષ્ઠ પ્રદર્શન કર્યું. તેણે સૌપ્રથમ સ્નેચમાં 101 કિગ્રાનો ભાર ઉપાડ્યો, જે તેનું એક વ્યક્તિગત શ્રેષ્ઠ છે. ત્યારબાદ તેણે ક્લીન એન્ડ જર્કમાં 126 કિગ્રા વજન ઉપાડ્યું. આ પણ તેનું વ્યક્તિગત શ્રેષ્ઠ પ્રદર્શન કર્યું. તેનું કુલ 227 કિગ્રા વજન ઉપાડવું અને આ કુલ સ્કોર પણ તેનું વ્યક્તિગત શ્રેષ્ઠ પ્રદર્શન હતું.

વજન ઉપાડતી વખતે હરજિંદર કૌરના ચહેરા પર સ્મિત હતું, પરંતુ તેની પાછળ ખૂબ પીડા છુપાવી રાખી હતી. તે ઘણા સમયથી સતત કાંડા અને પોતાની કમરમાં દુ:ખાવો અનુભવી રહી હતી. આ વર્ષની શરૂઆતમાં તેણે એક ડૉક્ટર પાસે જવાનો નિર્ણય લીધો. ડૉક્ટરે સલાહ આપી કે શક્ય તેટલો આરામ કરે. જોકે, આ વર્ષ વેઈટલિફ્ટિંગ માટે મહત્ત્વપૂર્ણ છે, કારણ કે કોમનવેલ્થ ગેમ્સ અને એશિયન ગેમ્સ બંને યોજાવાના હતા. હરજિંદર અને તેના ભાઈએ મળીને ડૉક્ટરની સલાહને અવગણીને તેની તાલીમ ચાલુ રાખવાનું નક્કી કર્યું. હરજિંદરે આ વર્ષની એશિયન ચેમ્પિયનશિપમાં બ્રોન્ઝ મેડલ જીત્યો હતો; તે જ મેડલે કોમનવેલ્થ ગેમ્સમાં તેનું સ્થાન નિશ્ચિત કરી દીધું.

હરજિંદર કૌર કોણ છે?

હરજિંદર કૌર પંજાબના નાભાના મહેશ ગામની રહેવાસી છે. તેની રમતની સફર વેઈટલિફ્ટિંગથી નહીં, પરંતુ કબડ્ડીથી શરૂ થઈ હતી. તે શાળાના દિવસોમાં કબડ્ડી રમતી અને દોરડા ખેંચમાં ભાગ લેતી હતી. તેના કોચ પરવિંદર શર્માએ જોયું કે હરજિંદરનો મસસ પાવર ખૂબ સારો હતો. હરજિન્દરે જણાવ્યું કે તે ઘરે ચારો કાપવાના મશીન પર કામ કરતી હતી. આ મશીનમાં લોખંડના બે ભારે પૈડા ફેરવવા પડતા હતા; આનાથી તેનો મસલ પાવરમાં વધારો થયો, જેના કારણે તેનું વેઇટલિફ્ટિંગની શરૂઆતમાં તેને મુશ્કેલી ન થઇ. તેણે આખરે વેઇટલિફ્ટિંગમાં તાલીમ લેવા માટે કબડ્ડી છોડી દીધી. તેણે 2022માં પોતાના પ્રથમ કોમનવેલ્થ ગેમ્સમાં બ્રોન્ઝ મેડલ જીત્યો, પરંતુ તેને સિલ્વરમાં બદલીને તેણે આશા જગાવી છે કે ગોલ્ડ મેડલ દૂર નથી.

ભારતીય ટીમનો ઝિમ્બાબ્વે પ્રવાસ પૂરો થયો છે. ટીમ ઈન્ડિયા 3-0થી જીતી ગઈ છે. હવે, શ્રીલંકા પ્રવાસની તૈયારીઓ ચાલી રહી છે, જેના માટે ભારતીય ક્રિકેટ કંટ્રોલ બોર્ડ (BCCI)એ ભારતીય ટીમની જાહેરાત કરી છે. 33 વર્ષીય સારાંશ જૈનની ટીમમાં પસંદગી કરવામાં આવી છે. ઘણા ક્રિકેટ ચાહકો માટે આ નામ અજાણ્યું હશે, કારણ કે આ ઓલરાઉન્ડર IPL દ્વારા નહીં પરંતુ ઘરેલુ ક્રિકેટ દ્વારા ટીમ ઈન્ડિયામાં આવ્યો હતો. તો ચાલો તમને જણાવી દઈએ કે તે કોણ છે.

સારાંશ જૈનને વોશિંગ્ટન સુંદરના સ્થાને ભારતીય ક્રિકેટ ટીમમાં સામેલ કરવામાં આવ્યો છે. એક એવા સમયે કે જ્યારે 15થી 20 વર્ષની ઉંમરના યુવાનો ટીમ ઈન્ડિયામાં ડેબ્યૂ કરી રહ્યા છે, ત્યારે સારાંશે 33 વર્ષની ઉંમરે ટીમ ઈન્ડિયામાં સ્થાન મેળવ્યું છે. IPL અને લાઇમલાઇટ વિના ટીમ ઈન્ડિયામાં સ્થાન મેળવવામાં તેને વર્ષો લાગ્યા. ભારતીય ટીમમાં ઈજાની ચિંતાઓ તેના માટે નસીબદાર બ્રેક સાબિત થઈ. નીતીશ કુમાર રેડ્ડી પણ ઈજાને કારણે બહાર છે, જેના કારણે સારાંશ માટે ટીમમાં આવવાનો રસ્તો સાફ થઇ ગયો.

સારાંશ જૈન સ્થાનિક સ્તરે મધ્યપ્રદેશ માટે રમે છે. ટીમ ઈન્ડિયા હંમેશા એક એવા ઓફ સ્પિનરની શોધમાં રહી છે જે નીચેના ક્રમમાં આવીને બેટિંગ પણ કરી શકે. સારાંશ જૈન એક સંપૂર્ણ વિકલ્પ સાબિત થયો. તે બોલને બંને રીતે સ્વિંગ કરે છે અને સારી રીતે બેટિંગ કરે છે. સારાંશનો જન્મ 31 માર્ચ, 1993ના રોજ મધ્યપ્રદેશના ઇન્દોરમાં થયો હતો. ઘરેલુ ક્રિકેટમાં, તે બેટ અને બોલ બંનેથી વિરોધી ટીમો માટે એક દુઃસ્વપ્ન રહ્યો છે. સારાંશે 2025-26 અને 2024-25 સીઝનમાં શાનદાર પ્રદર્શન કર્યું હતું. ગયા સીઝનમાં, તેણે 7 મેચમાં 2.64ના પ્રભાવશાળી ઇકોનોમી રેટથી 30 વિકેટ લીધી હતી. જ્યારે તે પહેલાં, તેણે 8 મેચમાં 35 વિકેટ લીધી હતી. હવે જોવાનું એ રહ્યું કે તે ડેબ્યૂ કરે છે કે નહીં. ભારત અને શ્રીલંકા વચ્ચેની ટેસ્ટ શ્રેણી 15 ઓગસ્ટથી શરૂ થઈ રહી છે.

શ્રીલંકાનો પ્રવાસ તેના માટે સુવર્ણ તક હશે. તેને શ્રીલંકાની પીચો પર ઘણો સારો અનુભવ છે. તેણે તાજેતરમાં જ ઈન્ડિયા-A સાથે શ્રીલંકાનો પ્રવાસ કર્યો હતો. તેણે શ્રીલંકા-A સામે 70 રન બનાવ્યા હતા અને 6 વિકેટ પણ લીધી હતી. 54 ફર્સ્ટ-ક્લાસ મેચોમાં, તેણે 85 ઇનિંગ્સમાં 31.76ની સરેરાશથી 2,223 રન બનાવ્યા છે, જેમાં 2 સદી અને 14 અડધી સદીનો સમાવેશ થાય છે. બોલિંગમાં, તેણે 27.31ની સરેરાશથી 188 વિકેટ લીધી છે.

ટીમ ઇન્ડિયાએ ઝિમ્બાબ્વે સામે T20 શ્રેણી 3-0 થી જીતી લીધી છે, પરંતુ હારનો મુદ્દો હજુ પણ વણઉકેલાયેલો છે. વિદેશમાં ભારતીય બેટ્સમેનોની સતત નિષ્ફળતા અંગે ચર્ચા ચાલુ છે. ઘણા ક્રિકેટ પંડિતોએ IPLને તેના માટે દોષી ઠેરવ્યું, જ્યારે અન્ય લોકોએ ભારતીય બેટ્સમેનોની ફ્લેટ પિચની આદતને જવાબદાર ગણાવી. જોકે, ગાવસ્કરે તેનાથી એક અલગ જ કારણ આપ્યું. હવે, ભારતીય દિગ્ગજ સુનીલ ગાવસ્કરે આ પાછળનું કારણ પણ જણાવ્યું છે, અને તે સમસ્યાનો ઉકેલ પણ બતાવ્યો છે.

ટીમ ઇન્ડિયા આયર્લેન્ડ અને ઇંગ્લેન્ડના પ્રવાસોમાં એક પણ T20 શ્રેણી જીતી શકી નહીં. ટીમ ઇન્ડિયાના IPL સિંહો વિદેશી પિચો પર પુરી રીતે નબળા સાબિત થયા હતા. પરિસ્થિતિ એટલી ખરાબ હતી કે ટીમ ઇન્ડિયાને આયર્લેન્ડ સામે પણ કારમી હારનો સામનો કરવો પડ્યો. ગાવસ્કરે BCCIને વિદેશી પીચો પર બેટિંગ સુધારવા માટે મહત્વપૂર્ણ સલાહ આપી હતી, જે ODI વર્લ્ડ કપ 2027માં ટીમ ઈન્ડિયા માટે ઉપયોગી થઈ શકે છે.

ગાવસ્કરે એક અંગ્રેજી અખબારમાં છપાતા પોતાના લેખમાં લખ્યું હતું કે, 'લોકો વાત કરી રહ્યા છે કે, કેવી રીતે ભારતીય બેટ્સમેન IPLમાં ફ્લેટ પીચો અને ટૂંકી બાઉન્ડ્રી પર કોઈની પણ બોલિંગ પર જોરદાર રમતા હોય છે, અને પછી તેઓની પોલ ઈંગ્લેન્ડમાં અજાણી પરિસ્થિતિઓમાં ખુલ્લી પડી જાય છે. સત્ય એ છે કે ભારતમાં પીચો સપાટ હતી, તે ઠીક છે, પરંતુ ખૂબ જ ટૂંકી બાઉન્ડ્રી બેટ્સમેનોને ફાયદો કરાવે છે, જેના ખરાબ રીતે રમેલા શોટ પણ સીમા પાર કરી શકે છે. મોટા અને લાંબા બાઉન્ડ્રીવાળા દેશોમાં, આ જ શોટ સીમા રેખાની અંદર પકડાય જાય છે.'

તેમણે BCCIને સલાહ આપી હતી કે, 'જ્યારે નવી ભારતીય સીઝન શરૂ થાય છે, ત્યારે બાઉન્ડરીનો વિસ્તાર વધારવો ખૂબ જ મહત્વપૂર્ણ છે, જેથી આવતા વર્ષના વર્લ્ડ કપ પહેલા આપણા બેટ્સમેનને તેની આદત પડી શકે. લગભગ દરેક મેદાનમાં LED જાહેરાત બોર્ડ પાછળ લોકોને ચાલવા માટે પુષ્કળ જગ્યા હોય છે, તેથી જો આ જગ્યાનો ઉપયોગ કરવામાં આવે તો, બાઉન્ડરીનો વિસ્તાર આપમેળે વધશે.'

બોલરો અંગે ગાવસ્કરે કહ્યું, 'આનાથી આપણા સ્પિન બોલરો થોડી ધીમી બોલિંગ કરી શકશે, જેનાથી તેઓ લૂપ કાઢી શકશે અને ધીમા બોલને ટર્ન કરી શકશે. હાલમાં તેઓ જે મધ્યમ ગતિની ઝડપી બોલિંગ કરે છે, તેનાથી બેટ્સમેન બોલની ઝડપી ગતિનો લાભ લઈ શકે છે, બોલને નીચે લઈ જઈને તેને સ્ટેન્ડ્સમાં જોરથી ફટકારી શકે છે. આદિલ રશીદ અને વિલ જેક્સે ભારતીય સ્પિનરો કરતાં લગભગ 8થી 10 Km/hની ઝડપે બોલિંગ કરી હતી અને તેથી તેઓ વધુ અસરકારક સાબિત થયા હતા.'

ઝિમ્બાબ્વેના પ્રવાસ દરમિયાન 15 વર્ષીય વૈભવ સૂર્યવંશીએ ટીમ ઈન્ડિયા માટે વિસ્ફોટક બેટિંગ કરી હતી. T20 સીરિઝની ત્રીજી મેચમાં વૈભવે 49 બોલમાં 81 રનની ઇનિંગ રમી; તેને માત્ર પ્લેયર ઓફ ધ મેચ તરીકે જ નહીં પરંતુ સમગ્ર સીરિઝ દરમિયાન તેના ઉત્કૃષ્ટ પ્રદર્શન માટે પ્લેયર ઓફ ધ સીરિઝનો એવોર્ડ પણ મળ્યો.

ત્રીજી T20I ના સમાપન પછી ટીમ ઈન્ડિયાના કાર્યકારી મુખ્ય કોચ VVS લક્ષ્મણે યુવા બેટ્સમેન વિશે ઘણા મહત્ત્વના ખુલાસા કર્યા. લક્ષ્મણે જણાવ્યું કે વૈભવની સફળતા રાતોરાતની કહાની નહોતી; BCCI  છેલ્લા અઢી વર્ષથી તેની પ્રગતિ પર નજીકથી નજર રાખી રહ્યું છે અને તેને ભવિષ્ય માટે તૈયાર કરી રહ્યું છે.

મેચ પછીની પ્રેસ કોન્ફરન્સમાં લક્ષ્મણે જણાવ્યું હતું કે વૈભવની પ્રતિભા સૌપ્રથમ 2024 અંડર-19 વર્લ્ડ કપ પહેલા યોજાયેલી વિજયવાડા ક્વોડ્રેંગ્યુલર સિરીઝ દરમિયાન પ્રકાશમાં આવી હતી. અમે લગભગ અઢી વર્ષ અગાઉ વૈભવને નજીકથી જોયો હતો. વિજયવાડામાં યોજાયેલી ક્વોડ્રેંગ્યુલર સિરીઝમાં તે ઇન્ડિયા-B માટે ટોચના રન-સ્કોરર્સમાંનો એક હતો. તે સમયે અમને ખ્યાલ આવ્યો કે આ ખેલાડી ભવિષ્યમાં ભારતીય ક્રિકેટ માટે ખાસ સાબિત થઈ શકે છે.

VVS લક્ષ્મણે જણાવ્યું કે ત્યારબાદ, વૈભવ સતત BCCI સેન્ટર ઓફ એક્સેલન્સ (COE) ખાતેના શિબિરોનો ભાગ રહ્યો. તેણે અંડર-19 સ્તરે રન બનાવવાનું ચાલુ રાખ્યું અને દરેક તબક્કે પોતાને સાબિત કર્યો. ભારતીય ટીમનો સપોર્ટ સ્ટાફ, ફક્ત વૈભવની રમત પર જ નહીં, પરંતુ તેના વ્યક્તિત્વ અને માનસિક તૈયારી પર બરાબર કામ કરી રહ્યો છે.

તેમણે કહ્યું કે, અમે ફક્ત ખેલાડીને જ ઓળખતા નથી; અમે વૈભવને એક વ્યક્તિ તરીકે પણ સારી રીતે સમજીએ છીએ. અમે જાણીએ છીએ કે તે કઈ પરિસ્થિતિઓમાં તે પોતાનું શ્રેષ્ઠ પ્રદર્શન કરી શકે છે. અમારો સતત પ્રયાસ એ છે કે તે મેચ પહેલા માનસિક રીતે સંપૂર્ણપણે તૈયાર રહે.

ભૂતપૂર્વ ભારતીય બેટ્સમેનના મતે વૈભવે છેલ્લા છ મહિનામાં તેની માનસિકતા અને રમતને સમજવાની ક્ષમતામાં જબરદસ્ત સુધારો દર્શાવ્યો છે. VVS લક્ષ્મણે કહ્યું કે, છેલ્લા છ મહિનામાં તેની પરિપક્વતા, રમત વાંચવાની ક્ષમતા અને મેચ પ્રત્યેની જાગૃતિમાં મોટો સુધારો થયો છે. તેથી જ તે ઉચ્ચ દબાણવાળી મેચોમાં પણ નિર્ભયતાથી રમી રહ્યો છે અને ટોચના ખેલાડીઓ સામે પોતાને સાબિત કરી રહ્યો છે.

વૈભવની પ્રશંસા કર્યા પછી, લક્ષ્મણે તેના સૌથી મોટા પડકારનો પણ ઉલ્લેખ કર્યો. તેમણે સ્પષ્ટપણે કહ્યું કે યુવા બેટ્સમેનને હજુ પણ તેની ઓવરઓલ ફિટનેસ પર સખત મહેનત કરવાની જરૂર છે. અમે ઇચ્છીએ છીએ કે વૈભવ તેની સમગ્ર ફિટનેસમાં વધુ સુધારો કરે. આપણે એ ભૂલવું ન જોઈએ કે તે ફક્ત 15 વર્ષનો છે. તેની પાસે શીખવા અને આગળ વધવા માટે પુષ્કળ સમય છે. સારી વાત એ છે કે તે તેની રમતના દરેક પાસાને સુધારવા માટે ખૂબ જ ઉત્સાહી રહે છે.

ભૂતપૂર્વ ભારતીય મુખ્ય પસંદગીકાર અને 1983ના વર્લ્ડ કપ વિજેતા ટીમના ક્રિકેટર, કૃષ્ણમાચારી શ્રીકાંતે, ટીમ ઈન્ડિયાના વર્તમાન મુખ્ય કોચ, ગૌતમ ગંભીર પર આકરા પ્રહારો કર્યા છે. તેમણે તેમની આકરી ટીકા કરી છે. અહીં તમને બતાવી દઈએ કે, ભારતના નિયમિત મુખ્ય કોચ, ગૌતમ ગંભીર હાલમાં ટીમ ઈન્ડિયા સાથે ઝિમ્બાબ્વે પ્રવાસ પર નથી. ગૌતમ ગંભીરને આરામ આપવામાં આવ્યો છે, અને તેમની જગ્યાએ VVS લક્ષ્મણ ઝિમ્બાબ્વે પ્રવાસ પર ભારતીય ટીમને કોચિંગ આપી રહ્યા છે.

કૃષ્ણમાચારી શ્રીકાંતે UK પ્રવાસ દરમિયાન નિયમિત મુખ્ય કોચ ગૌતમ ગંભીર દ્વારા લેવામાં આવેલા નિર્ણયો પર સવાલ ઉઠાવ્યા છે, જેમાં ટીમ ઈન્ડિયાના પ્લેઇંગ ઇલેવનમાંથી વૈભવ સૂર્યવંશીને બાકાત રાખવાનો પણ સમાવેશ થાય છે. પોતાની યુટ્યુબ ચેનલ પર બોલતા, કૃષ્ણમાચારી શ્રીકાંતે કહ્યું, 'વૈભવ સૂર્યવંશી પાસે શોટની વિશાળ શ્રેણી છે, છતાં તેણે ક્રોસ-બેટથી એક પણ શોટ રમ્યો નથી. આ છોકરો ખરેખર કંઈક ખાસ છે.' ગૌતમ ગંભીર આટલો મૂર્ખ કેવી રીતે હોઈ શકે કે ત્રણ નિષ્ફળતાઓ પછી તેને ટીમમાંથી બહાર કરી દીધો અને તેનો આત્મવિશ્વાસ તોડી નાંખ્યો?’

કૃષ્ણમાચારી શ્રીકાંતે આગળ કહ્યું, 'હું વૈભવ સૂર્યવંશીના સમર્પણને સલામ કરું છું. ઇંગ્લેન્ડ શ્રેણી પછી, તે ઘરે ગયો નહીં પરંતુ સીધો રાજસ્થાન રોયલ્સ કેમ્પમાં ગયો. તે શોર્ટ બોલ સામે તેની બેટિંગ પર કામ કરી રહ્યો છે, કારણ કે તે દુનિયાને સાબિત કરવા માંગે છે કે તે ખાસ છે.' કૃષ્ણમાચારી શ્રીકાંતે સતત 3 નિષ્ફળતાઓ છતાં તેની કુદરતી આક્રમક બેટિંગ શૈલી જાળવી રાખવા બદલ વૈભવ સૂર્યવંશીની પ્રશંસા કરી.

કૃષ્ણમાચારી શ્રીકાંતે કહ્યું, '250ના સ્ટ્રાઇક રેટથી રન બનાવવામાં તેની સરળતા અસાધારણ છે. સામાન્ય રીતે, ત્રણ નિષ્ફળતાઓ પછી, અન્ય ખેલાડીઓ સિંગલ્સ અને ડબલ્સ લઈને ભારતીય ટીમમાં પોતાનું સ્થાન બચાવવાનો પ્રયાસ કરતા હોય છે, પરંતુ તે નિર્ભયતાથી રમ્યો, પરિણામોની પરવા કર્યા વિના. 18 બોલમાં 50 રન બનાવવા તેના માટે હવે રમત વાત બની ગઈ છે. તે તેની મહાનતા છે.'

કૃષ્ણમાચારી શ્રીકાંતે જણાવ્યું છે કે, ઝિમ્બાબ્વે સામે ચાલી રહેલી T20I શ્રેણી ભારત માટે તેની આગામી પેઢીના ઝડપી બોલરો વિકસાવવા માટે મહત્વપૂર્ણ છે. મયંક યાદવ ઉપરાંત, બે અન્ય ઝડપી બોલરો, પ્રિન્સ યાદવ અને અશોક શર્માએ પણ ઝિમ્બાબ્વે સામેની T20I શ્રેણીની પ્રથમ મેચમાં પ્રભાવિત કર્યા હતા. પ્રિન્સ યાદવે 4 ઓવરમાં 2/19ના પ્રભાવશાળી આંકડા નોંધાવ્યા હતા, જ્યારે અશોક શર્માએ તેમના 4 ઓવરના સ્પેલમાં ઝડપી ગતિએ બોલિંગ કરી હતી.

ટીમ ઇન્ડિયા આયર્લેન્ડ અને ઇંગ્લેન્ડ સામે સતત T20I શ્રેણી ગુમાવ્યા પછી ઝિમ્બાબ્વે શ્રેણીમાં પ્રવેશી રહી છે, જેમાં તેમના સ્ટાર ઝડપી બોલર જસપ્રીત બુમરાહનો સમાવેશ થતો નથી. ઝિમ્બાબ્વે સામે પ્રથમ T20I જીતીને હારનો સિલસિલો તોડ્યા પછી, ટીમ ઇન્ડિયા 25 જુલાઈ, શનિવારના રોજ હરારેમાં બીજી T20I મેચ જીતવા માટે પ્રયત્ન કરશે.

સપ્ટેમ્બર-ઓક્ટોબરમાં વેસ્ટ ઈન્ડીઝ સામે રમાનારી ત્રણ મેચની વન-ડે સીરિઝમાં ટીમ ઈન્ડિયા પોતાના ઘણા મુખ્ય ખેલાડીઓ વિના મેદાનમાં ઉતરશે. તેનું કારણ એશિયન ગેમ્સ 2026 છે, જેની ક્રિકેટ સ્પર્ધા અને વેસ્ટ ઈન્ડીઝ સામેની વન-ડે સીરિઝ સાથે એક જ સમયે આયોજિત થશે.

ભારત અને વેસ્ટ ઈન્ડીઝ વચ્ચે ત્રણ મેચની વન-ડે સીરિઝ 27 સપ્ટેમ્બરથી 3 ઓક્ટોબર દરમિયાન યોજાવાની છે. તો, જાપાનમાં એશિયન ગેમ્સમાં પુરુષોની ક્રિકેટ સ્પર્ધા 24 સપ્ટેમ્બરથી 1 ઓક્ટોબર સુધી ચાલશે. બંને ટૂર્નામેન્ટની તારીખોના ટકરાવને કારણે ભારતીય પસંદગીકારોએ બે અલગ-અલગ ટીમો તૈયાર કરવી પડશે.

એશિયન ગેમ્સ માટે પસંદ કરાયેલી ભારતીય T20 ટીમમાં સમાવિષ્ટ કુલ 8 ખેલાડીઓ વેસ્ટ ઈન્ડીઝ સામેની વન-ડે સીરિઝ માટે ઉપલબ્ધ રહેશે નહીં. આ યાદીમાં શ્રેયસ ઐય્યર, જસપ્રીત બૂમરાહ, ઈશાન કિશન, અક્ષર પટેલ, વોશિંગ્ટન સુંદર, અર્શદીપ સિંહ, હર્ષિત રાણા અને નીતિશ કુમાર રેડ્ડીનો સમાવેશ થાય છે.

તેમાં શ્રેયસ ઐયર, જસપ્રીત બૂમરાહ, ઈશાન કિશન, અક્ષર પટેલ, વોશિંગ્ટન સુંદર અને અર્શદીપ સિંહ તાજેતરમાં ઇંગ્લેન્ડ સામેની વન-ડે સીરિઝ માટે ભારતીય ટીમનો ભાગ હતા. તો, નીતિશ કુમાર રેડ્ડી અને હર્ષિત રાણા ઇજાઓને કારણે તે સીરિઝ રમી શક્યા નહોતા.

8 મુખ્ય ખેલાડીઓની ગેરહાજરી ચોક્કસપણે પસંદગીકારો માટે પડકાર ઉભો કરશે, પરંતુ તેનાથી કેટલાક યુવા અને અનુભવી ખેલાડીઓ માટે ભારતીય ટીમમાં સ્થાન મેળવવાની સુવર્ણ તક પણ ઉભી કરશે. આવા ખેલાડીઓમાં યશસ્વી જયસ્વાલ, રૂતુરાજ ગાયકવાડ, રવિન્દ્ર જાડેજા, મોહમ્મદ સિરાજ, હર્ષ દુબે, પ્રિન્સ યાદવ, ગુરનૂર બરાર અને આયુષ બદોનીનો સમાવેશ થાય છે. જ્યારે આમાંથી કેટલાક ખેલાડીઓ પાસે ખૂબ વન-ડે અનુભવ છે, તો કેટલાક તાજેતરમાં જ ભારતીય ટીમ સાથે જોડાયા છે. શ્રેયસ ઐયર 2026 એશિયન ગેમ્સમાં ભારતનું નેતૃત્વ કરશે, જેમાં તિલક વર્મા ઉપ-કેપ્ટન રહેશે. ટીમમાં અભિષેક શર્મા, સંજૂ સેમસન, ઇશાન કિશન, શિવમ દુબે, વૈભવ સૂર્યવંશી, નીતિશ કુમાર રેડ્ડી, અક્ષર પટેલ, વોશિંગ્ટન સુંદર, વરુણ ચક્રવર્તી, રવિ બિશ્નોઈ, જસપ્રીત બૂમરાહ, હર્ષિત રાણા અને અર્શદીપ સિંહ જેવા ખેલાડીઓનો સમાવેશ થાય છે.

એશિયન ગેમ્સમાં ગોલ્ડ મેડલની આશા યથાવત રાખવી અને સાથે જ વેસ્ટ ઇન્ડીઝ સામેની વન-ડે સીરિઝમાં મજબૂત પ્રદર્શન કરવું, બંને જ BCCI માટે એક મોટો પડકાર હશે. એવામાં, પસંદગીકારો એવા ખેલાડીઓ પર નજીકથી નજર રાખશે જે લાંબા સમયથી ટીમ ઇન્ડિયાના દરવાજા ખખડાવી રહ્યા છે. જો આ તકનો સારી રીતે લાભ લેવામાં આવે, તો વેસ્ટ ઇન્ડીઝ સીરિઝ ભારતીય ક્રિકેટ માટે ઘણા નવા વન-ડે સ્ટાર્સ પણ આપી શકે છે.

ઈંગ્લેન્ડનો પ્રવાસ ભારતીય ટીમ માટે સારો નહોતો રહ્યો. ટીમને પહેલી T20Iમાં ક્લીન સ્વીપનો સામનો કરવો પડ્યો. પછી, તેઓ ODI શ્રેણી 2-1થી હારી ગયા. જોકે, આ પ્રવાસની સૌથી મોટી ચર્ચા ટીમનું પ્રદર્શન નહોતું; અહીં ચર્ચા થઇ હતી ભૂતપૂર્વ કેપ્ટન રોહિત શર્માના ભવિષ્યને લઈને. ઘણી ચર્ચા, અટકળો અને નિર્ણયો થયા. જોકે, રોહિતે લોર્ડ્સમાં સદી ફટકારીને બધા ટીકાકારોને ચૂપ કરી દીધા.

ભલે આ શ્રેણી પછી રોહિતના ભવિષ્ય વિશેની ચર્ચાનો અંત આવી ગયો હશે, પરંતુ દક્ષિણ આફ્રિકાના ભૂતપૂર્વ કેપ્ટન AB De વિલિયર્સે આ ચર્ચાનો કાયમ માટે અંત લાવવા માટે સલાહ આપી છે. હવે, એ જોવાનું બાકી છે કે, ટીમ ઈન્ડિયાના મુખ્ય પસંદગીકાર અજિત અગરકર તેમની સલાહ સાંભળે છે કે નહીં. દક્ષિણ આફ્રિકાના ભૂતપૂર્વ કેપ્ટનના મતે, ટીમ ઈન્ડિયાએ રોહિત વિના 2027 ODI વર્લ્ડ કપમાં રમવાનો વિચાર છોડી દેવો જોઈએ.

જોકે, AB De વિલિયર્સે એ પણ સ્વીકાર્યું કે રોહિતનું પ્રદર્શન સતત સારું રહ્યું નથી. પરંતુ, તેમના મતે, આ કંઈ નવું નથી. તેમના મતે, રોહિત અને આવું પ્રદર્શન એકસાથે ચાલે છે. આનો અર્થ એ નથી કે તેને ટીમમાં લેવાના વિચારમાંથી જ બાકાત રાખવો જોઈએ. તેમના મતે, રોહિત ODI વર્લ્ડ કપમાં ખૂબ અસરકારક સાબિત થઈ શકે છે.

AB De વિલિયર્સે કહ્યું, 'તમે જોઈ શકો છો કે વિરાટ અને રોહિત ટીમમાં કેટલો ફરક લાવે છે. ખાસ કરીને તેમની હાજરી ટીમમાં આત્મવિશ્વાસ જગાડે છે.'

આમ જોવા જઈએ તો, રોહિતે ઇંગ્લેન્ડ સામેની પહેલી 2 વનડેમાં ખાસ કંઈ કર્યું ન હતું. તેણે પહેલી વનડેમાં 11 રન અને બીજીમાં 26 રન બનાવ્યા. જોકે, ત્રીજી અને અંતિમ વનડેમાં તેનું બેટ જોરથી ચાલ્યું હતું. તેણે માત્ર 110 બોલમાં 138 રનની ઝડપી ઇનિંગ રમી. તેની સાથે વિરાટ કોહલીએ પણ અંતિમ વનડેમાં 74 રન બનાવ્યા હતા. જોકે, ટીમ ઇન્ડિયા 27 રનથી મેચ હારી ગઈ. પરંતુ, જ્યાં સુધી બંને દિગ્ગજ ખેલાડી ક્રીઝ પર હતા, ત્યાં સુધી 388 રનનો લક્ષ્યાંક પણ પીછો કરી શકાય તેવો લાગતો હતો.

AB De વિલિયર્સે વધુમાં કહ્યું, 'રોહિત ક્યારેય સૌથી સુસંગત ખેલાડી રહ્યો નથી. તેની સુસંગતતા હંમેશા ઉપર નીચે થતી રહી છે. પરંતુ જ્યારે પણ મોટા મંચ પર મોટી મેચ હોય છે, ત્યારે તમારે રોહિતને તમારી બાજુમાં રાખવાની જરૂર હોય છે. આવા અનુભવી ખેલાડીઓ સરળતાથી મળતા નથી. રોહિત અને વિરાટનો અનુભવ, ખાસ કરીને ઉચ્ચ દબાણવાળી મેચોમાં, બધો ફરક લાવી શકે છે.'

રોહિતે T20I અને ટેસ્ટ ક્રિકેટમાંથી નિવૃત્તિ લીધી છે. તે હવે ફક્ત ODI રમે છે. તેનું લક્ષ્ય 2027 વર્લ્ડ કપ સુધી પહોંચવાનું હતું. આ જ કારણ છે કે AB De વિલિયર્સ માને છે કે, ઉચ્ચ દબાણવાળી ટુર્નામેન્ટમાં રોહિત અને વિરાટનો અનુભવ ખૂબ ઉપયોગી થશે. તેમના મતે, વર્લ્ડ કપ કોઈ દ્વિપક્ષીય ટુર્નામેન્ટ નથી જ્યાં તમે એક જ ટીમ સામે વારંવાર રમો છો. અથવા તેની એટલી બધી ચર્ચા થઇ ન હોય. વર્લ્ડ કપમાં ઘણું વધારે દબાણ હોય છે, અને આવી પરિસ્થિતિમાં અનુભવ જ કામ લાગે છે. જો કે, એ જોવું રસપ્રદ રહેશે કે મુખ્ય પસંદગીકાર અગરકર અને તેમના સાથી પસંદગીકારો AB De વિલિયર્સની આ સલાહને કેટલી ગંભીરતાથી લે છે.

ભારતીય ક્રિકેટ ટીમમાં આ સમયે ઈજાઓનો મુદ્દો વધુને વધુ ગંભીર બની રહ્યો છે. અહેવાલો અનુસાર BCCIના સેન્ટર ઓફ એક્સેલન્સ (CoE)માં ખેલાડીઓની ફિટનેસ પર સારી રીતે કામ કરવામાં આવી રહ્યું નથી, જેના કારણે ભારતીય ખેલાડીઓમાં વારંવાર ઈજાઓ થઈ રહી છે. ટીમ ઈન્ડિયાના ઘણા ખેલાડીઓને ઈંગ્લેન્ડ સામેની T20 અને ODI શ્રેણી દરમિયાન ઈજાઓ થઈ હતી. ODI કેપ્ટન શુભમન ગિલે તો આને ખૂબ જ ગંભીર મુદ્દો ગણાવ્યો છે. નીતિશ રેડ્ડી, વોશિંગ્ટન સુંદર, હર્ષિત રાણા અને જસપ્રીત બૂમરાહ જેવા ખેલાડીઓ ઈંગ્લેન્ડ પ્રવાસ માટે ટીમનો ભાગ છે.

ધ ટાઈમ્સ ઓફ ઈન્ડિયાના એક અહેવાલ મુજબ, ટીમ ઈન્ડિયાના ખેલાડીઓને જે હેનસ્ટ્રિંગની ઈજાઓ થઇ રહી છે તેનું કારણે સંપૂર્ણ ફિટનેસનો અભાવ છે. એવું કહેવામાં આવી રહ્યું છે કે, જે ખેલાડીઓ મેદાનમાં ઉતર્યા હતા, તેઓ સંપૂર્ણપણે ફિટ નહોતો, છતા તેમને રમવાની તક આપવામાં આવી હતી. BCCIના સૂત્રોના જણાવ્યા મુજબ, એવું લાગી રહ્યું છે કે ટીમ ઈન્ડિયા અને સેન્ટર ઓફ એક્સેલન્સ વચ્ચે વાતચીતનો અભાવ છે. અહેવાલો મુજબ, નીતિન પટેલના ગયા પછી CoEએ ઓફ મેડિકલ સ્ટાફના વડાની નિમણૂક કરી નથી.

અહેવાલો મુજબ, BCCI હર્ષિત રાણા અને નીતિશ કુમાર રેડ્ડીને વારંવાર થતી ઈજાઓથી ખુશ નથી. સૌથી મોટો પ્રશ્ન એ છે કે હર્ષિત રાણાને રમવાની પરવાનગી કેવી રીતે આપી દેવામાં આવી. એવો આરોપ છે કે તેને ટીમ મેનેજમેન્ટના દબાણ હેઠળ રમવાની મંજૂરી આપવામાં આવી હતી. હર્ષિત રાણાએ ઘૂંટણની ઈજા પહેલાવાળું બોડી વેટ હાંસલ કર્યું ન હોવા છતા, તેને રમવાની મંજૂરી આપવામાં આવી હતી.

ધ ટાઇમ્સ ઓફ ઇન્ડિયાના અહેવાલ મુજબ, વોશિંગ્ટન સુંદરને પણ T20 વર્લ્ડ કપ માટે ઉતાવળમાં ટીમમાં સામેલ કરવામાં આવ્યો હતો. અહેવાલો અનુસાર, સુંદર ટીમમાં જોડાયા પછી મેચ રમવા માટે ફિટ થવામાં 10 દિવસ લાગ્યા. ટીમ મેનેજમેન્ટે તેને ટૂર્નામેન્ટ દરમિયાન જ તૈયાર થવા માટે દબાણ કર્યું.

BCCI મેરીલેબોન ક્રિકેટ ક્લબ (MCC) દ્વારા સ્થાનિક ક્રિકેટમાં પ્રસ્તાવિત નવા ક્રિકેટ નિયમો લાગૂ કરવા માટે તૈયાર છે. આ નિયમો રણજી ટ્રોફી, વિજય હજારે ટ્રોફી અને સૈયદ મુશ્તાક અલી ટ્રોફી જેવી ટૂર્નામેન્ટમાં લાગૂ થશે. આ ફેરફારો ફર્સ્ટ-ક્લાસ ક્રિકેટમાં દિવસના અંતિમ ઓવર સંબંધિત નિયમોથી લઈને હેડ કોચને મેદાનમાં આવવા દેવા સાથે જોડાયેલા છે. આટલું જ નહીં વિકેટકીપરના ગ્લવ્સ અને 'વાઈડ' બોલ કોલ સંબંધિત નવા નિયમો પણ રજૂ કરવામાં આવી રહ્યા છે. આવો જાણીએ ભારતીય સ્થાનિક ક્રિકેટમાં કયા કયા નવા નિયમો લાગૂ થવાના છે:

ભારતીય ક્રિકેટમાં લાગૂ થશે આ નવા નિયમો

નવા નિયમો હેઠળ, હવે ફર્સ્ટ-ક્લાસ ક્રિકેટમાં દિવસની અંતિમ ઓવર પૂર્ણ કરવી ફરજિયાત છે. આનો અર્થ એ છે કે જો છેલ્લી ઓવર દરમિયાન વિકેટ પડે છે, તો રમત ત્યાં જ બંધ થશે નહીં; નવા બેટ્સમેનને દિવસનો અંતિમ બોલ ફેંકાય ત્યાં સુધી રમવાનું ચાલુ રાખવું પડશે.

ODI મેચોમાં ડ્રિંક્સ બ્રેક દરમિયાન હેડ કોચને મેદાનમાં પ્રવેશવાની મંજૂરી આપવામાં આવશે.

જો કોઈ ખેલાડીએ જાણી જોઈને ઓછા રન લીધા, તો ફિલ્ડિંગ કેપ્ટન પાસે એ નક્કી કરવાનો અધિકાર રહેશે કે આગામી બોલનો સામનો કયો બેટ્સમેન કરશે.

બોલવે 'ડેડ' કરવાનો નિયમ પણ હવે બદલવામાં આવ્યો છે. હવે બોલને ડેડ માનવા માટે તે બોલર અથવા વિકેટકીપર પાસે હોવો જરૂરી નથી; જો બોલ ફિલ્ડરના હાથમાં હોય અથવા જમીન પર પડેલો હોય, તો તેને ડેડ માનવામાં આવશે.

ODI અને T20 મેચો માટે લેગ સાઈડ પર 'વાઈડ' કોલ અંગે માર્ગદર્શિકા જારી કરવામાં આવશે.

બોલ ફેંકવા દરમિયાન બધા ફિલ્ડરો બાઉન્ડ્રીની અંદર હોવા જરૂરી.