ગુજરાતના સુરતમાં 'સ્પેશિયલ 26' ફિલ્મની યાદ અપાવતી એક વાર્તા હકીકત બની ગઈ છે. આવકવેરા અધિકારી તરીકે ઓળખ આપીને એક માણસ કપડા વેપારીઓ પાસે પૈસા વસૂલવા પહોંચી ગયો. જ્યારે તે સુટ, ટાઈ, કાળા ચશ્મા પહેરીને અને હાથમાં ફાઈલો લઈને ગ્લોબલ ટેક્સટાઇલ માર્કેટમાં પ્રવેશ્યો, ત્યારે શરૂઆતમાં કોઈને તેના પર શંકા નહોતી ગઈ. પરંતુ તેની ઓવર એક્ટિંગથી તેનો ભાંડો ફૂટી ગયો, અને છેવટે તે પોલીસના હાથે ઝડપાઈ ગયો.

આ ઘટના સુરતના વરાછા પોલીસ સ્ટેશન વિસ્તારમાં આવેલા ગ્લોબલ ટેક્સટાઇલ માર્કેટમાં બની હતી. આરોપીએ ખુબ જ આત્મવિશ્વાસપૂર્વક પોતાને આવકવેરા વિભાગના ક્લાસ-1 અધિકારી તરીકે રજૂ કર્યો અને વેપારીઓને ડરાવવા લાગ્યો. કરચોરી અને છેતરપિંડી કર્યાના આરોપો લગાવીને, તેણે શરૂઆતમાં 30 લાખ રૂપિયા માંગ્યા, ત્યાર પછી પાછળથી તે 4 લાખ રૂપિયામાં સમાધાન કરવા સંમત થઇ ગયો.

પોલીસ દ્વારા પકડાયેલો આરોપી પહેલી નજરે બિલકુલ સરકારી અધિકારી જેવો જ દેખાતો હતો. બ્રાન્ડેડ એવિએટર ચશ્મા, કડક ઇસ્ત્રી કરેલો કોટ અને પેન્ટ, ગળામાં ટાઈ, અને હાથમાં આવકવેરાની ફાઇલો. તેનો દેખાવ એટલો ઓફિશ્યિલ હતો કે ઘણા વેપારીઓ છેતરાઈ ગયા. દુકાનમાં પ્રવેશતાની સાથે જ તે ટેબલ પર ફાઇલો પછાડતો અને મોટા અવાજથી ટેક્સમાં કરેલી અનિયમિતતાઓ વિશે વાત કરવાનું શરૂ કરતો, જેથી કરીને સામેની વ્યક્તિ ડરી જાય.

આરોપી એટલો આત્મવિશ્વાસુ દેખાતો હતો કે કોઈને તરત જ તેના પર શંકા ન થઈ. જોકે, જેમ જેમ વાતચીત આગળ વધતી ગઈ તેમ તેમ તેની ભાષા અને વર્તનમાં ગડબડી દેખાવા લાગી. આ દરમિયાન ત્યાં હજાર રહેલા એક વ્યક્તિએ તેને ઓળખી લીધો, ત્યાર પછી વેપારીઓની શંકા વધુ ઘેરી બની.

પોલીસ તપાસમાં આરોપી 51 વર્ષીય વિજય સિંહ રાવત સિંહ ચૌહાણ હોવાનું બહાર આવ્યું, જે રાજસ્થાનના પાલી જિલ્લાનો રહેવાસી છે. તે તેની ધરપકડના 24 કલાક પહેલા જ સુરત આવ્યો હતો અને કતારગામ વિસ્તારમાં ચાની દુકાન ચલાવતા એક સંબંધીના ઘરે રોકાયો હતો.

વિજય સિંહે પૂછપરછ દરમિયાન ખુલાસો કર્યો કે, તે પાલીમાં ટેક્સ સંબંધિત નાના-મોટા કામો કરતો હતો. પરિણામે, તે આવકવેરા વિભાગની પ્રક્રિયાઓ અને કાગળકામથી સારી રીતે વાકેફ હતો. આ જાણકારીનો ઉપયોગ કરીને, તેણે આવકવેરા અધિકારી તરીકે પોતાને રજૂ કરીને વેપારીઓને ડરાવવાનો પ્રયાસ કર્યો.

જ્યારે વેપારીઓએ તેની પાસેથી તેનું ઓળખપત્ર માંગ્યું, ત્યારે તે કોઈ માન્ય ઓળખપત્ર રજૂ કરી શક્યો નહીં. ત્યાર પછી વેપારીઓએ તાત્કાલિક વરાછા પોલીસને જાણ કરી. માહિતી મળતાં, પોલીસ ટીમ ઘટનાસ્થળે પહોંચી અને બ્લિસ હોટેલમાં આરોપીને રંગે હાથે પકડી લીધો.

તેની ધરપકડ દરમિયાન પણ, આરોપી પોતાને અધિકારી સાબિત કરવાનો પ્રયાસ કરતો રહ્યો, પરંતુ તેની આ ચાલાકી લાંબો સમય ટકી શકી નહીં. પોલીસે તેની સામે જબર્જસિ ઉઘરાણી (ખંડણી) હેઠળ કેસ નોંધ્યો છે.

DCP આલોક કુમારે જણાવ્યું હતું કે, આરોપીએ વેપારીઓને ધમકી આપી હતી અને 30 લાખ રૂપિયા માંગ્યા હતા અને ત્યાર પછી 4 લાખ રૂપિયામાં પતાવટ કરવાની ઓફર કરી હતી. પોલીસે સ્પષ્ટતા કરી હતી કે, કોઈ પણ સરકારી અધિકારી આ રીતે સીધી રોકડ લઇ શકતો નથી. કરવેરા અથવા કોઈપણ સરકારી કાર્યવાહી માટે હંમેશા કાનૂની પ્રક્રિયા હોય છે, નોટિસ મોકલવામાં આવે છે, અને તે પ્રક્રિયાના આધારે કાર્યવાહી કરવામાં આવે છે.

પોલીસે વેપારીઓ અને જાહેર જનતાને અપીલ કરી છે કે, જો કોઈ આવકવેરા, GST અથવા અન્ય સરકારી વિભાગના અધિકારી હોવાનો દાવો કરીને આવે છે, તો તેમણે પહેલા તેનું ઓળખપત્ર તપાસવું જોઈએ. જો કોઈ શંકા હોય તો તાત્કાલિક સ્થાનિક પોલીસ, ACP અથવા DCPને જાણ કરો. પોલીસ એ પણ તપાસ કરી રહી છે કે, આરોપીએ અગાઉ કોઈને આ રીતે પૈસાની ઉઘરાણી માટે નિશાન બનાવ્યા છે કે નહીં.

ગુજરાતની આર્થિક રાજધાની તરીકે ઓળખાતું સુરત શહેર માત્ર ટેક્સટાઈલ સિટી તરીકે જ નહીં પણ ડાયમંડ સિટી તરીકે પણ આખા ભારતમાં જાણીતું છે. ડાયમંડ સિટી તરીકે ઓળખાતા સુરતમાં હીરા ચોરીના ઘણા બનાવો નોંધાય છે. આવી જ એક ઘટના વરાછા પોલીસ સ્ટેશનના અધિકારક્ષેત્ર હેઠળ બની હતી. એક ચોર હીરા ફેક્ટરીની ઓફિસમાં ઘૂસી ગયો અને રૂ. 13.65 લાખના હીરા ચોરીને ભાગી ગયો.

ચોર હીરા ચોરી કરવા માટે ફેક્ટરીની ઓફિસમાં પ્રવેશ કરતી વખતે અને હીરાની ચોરી કરતી વખતે CCTV કેમેરામાં કેદ થઈ ગયો હતો. CCTVની નજરથી બચવા માટે, ચોરે કાળો રેઈનકોટ પહેર્યો હતો અને પોતાનું શરીર સંપૂર્ણપણે ઢાંકી દીધું હતું. પરંતુ તો પણ, તેનો ચહેરો થોડીક સેકન્ડ માટે CCTVમાં કેદ થઈ ગયો હતો.

https://twitter.com/TreeshiNewsKida/status/1974022263449268523

કરવામાં આવેલી ફરિયાદ મુજબ, સુરતના વરાછા પોલીસ સ્ટેશનની પોલીસે તપાસ કરીને ચોરની ધરપકડ કરી અને ચોરાયેલા હીરા કબજે કર્યા હતા. એવું કહેવામાં આવે છે કે, 24 સપ્ટેમ્બર, 2025ના રોજ રાત્રે લગભગ 10:00 વાગ્યે, કાળો રેઈનકોટ પહેરેલો એક અજાણ્યો માણસ હીરા ફેક્ટરીની ઓફિસમાં ઘૂસ્યો હતો. પ્રવેશ કરતી વખતે, તેણે પોતાનો ચહેરો છુપાવવા માટે રૂમાલ બાંધ્યો હતો.

તેણે કેટલાક CCTV કેમેરા પણ બંધ કરી દીધા હતા, પરંતુ તે ફેક્ટરીના કેટલાક CCTV કેમેરામાં કેદ થઈ ગયો હતો. CCTV ફૂટેજમાં ચોર ડેસ્કના ડ્રોઅરમાંથી હીરાના પેકેટ ચોરીને ભાગી જતો દેખાય છે. ચોરાયેલા હીરાની કિંમત રૂ. 13 લાખ 65 હજાર આંકવામાં આવી હતી.

સુરતના વરાછા પોલીસ સ્ટેશને જણાવ્યું હતું કે, ધરપકડ કરાયેલ વ્યક્તિનું નામ અલ્પેશ માધવજી ભાઈ રામાણી છે. આ જ અલ્પેશ રામાણી 24 સપ્ટેમ્બરના રોજ રાત્રે 10:00 થી 12:15 વાગ્યાની વચ્ચે ડાયમંડ ફેક્ટરીની ઓફિસમાં ઘૂસીને ચોરી કરી હતી. અલ્પેશે ઓફિસમાંથી રફ હીરા અને 6,129 કેરેટ ફિનિશ્ડ (તૈયાર) હીરાની ચોરી કરી હતી. જેની અંદાજિત કિંમત 13 લાખ 65 હજાર રૂપિયા હતી. ચોરીની ઘટનાને ઉકેલવા માટે વરાછા પોલીસ સ્ટેશનની અલગ અલગ ટીમો કામ કરી રહી હતી.

સુરત શહેર પોલીસ DCP આલોક કુમારે જણાવ્યું હતું કે, વરાછા પોલીસ સ્ટેશનના પોલીસ ઇન્સ્પેક્ટર R.B. ગોજિયાએ કાર્યવાહી કરી ચોરીની ઘટનાનો ખુલાસો કર્યો છે. 24 સપ્ટેમ્બરના રોજ રાત્રે 10:00 વાગ્યા પછી, એક અજાણ્યા ચોરે વરાછા મીની બજાર સ્થિત સરદાર આવાસની 108 નંબરની ઓફિસનું શટર ડુપ્લિકેટ ચાવીથી ખોલીને ઓફિસમાં પ્રવેશ કર્યો હતો. ત્યારપછી તેણે હીરાનું પેકેટ ચોરી લીધું હતું.

 સુરત-સુરતના ઘોડરોડ રોડ પર છેલ્લાં 2 વર્ષથી ચાલી રહેતા ટાટા ગ્રુપના તનૈરા શો-રૂમમાં ફેસ્ટિવ કલેકશન શરૂ થયું છે. કંપનીના સિનિયર માર્કેટીંગ મેનેજર આનંદ શ્રીનિવાસને કલેકશન વિશે માહિતી આપી હતી.

 ટાટા ગ્રુપની વિમેન્સ એથનિક વેર બ્રાન્ડ તનૈરાએ તેના ફેસ્ટિવ કલેક્શન Miara: Crafted by Hand, Rooted in Purity લોન્ચ કર્યું છે. આજના સમયની મહિલાઓ માટે હસ્તકલા દ્વારા બનાવાયેલી આ રેન્જ પરંપરાગત હસ્તકલા સાથે સમકાલિન ડિઝાઇનનું મિશ્રણ કરે છે જે બધાથી અલગ તરી આવે તેવી એક અનોખી ડિઝાઇન લેંગ્વેજ લાવે છે. વિવિધ વણાટ પરંપરામાં વિવિધ સિલ્ક અને કોટન રજૂ કરતી Miara દરેક ઉજવણીની ક્ષણોમાં વધારો કરવા માટે બનાવવામાં આવી છે, ચાહે તે વ્યક્તિગત આનંદ કે પછી પ્રિયજનોને ભેટ આપવા માટે પસંદ કરવામાં આવે. 

ઉજવણીની આ ભાવનામાં વધારો કરતા તનૈરાનું લેટેસ્ટ કેમ્પેઇન ‘The Gift of Pure Love’ તહેવારોની સિઝન દરમિયાન સાડીની પ્રેમના એક શાશ્વત પ્રતીક તરીકે ઉજવણી કરે છે. આ કેમ્પેઇન ભેટસોગાદો આપવાના આનંદ પર બ્રાન્ડનો દ્રષ્ટિકોણ છે જે આપણને યાદ અપાવે છે કે તનૈરા સાડીની ભેટ આપવી તે એ ભાવનાના જેવી જ દુર્લભ અને અમૂલ્ય વસ્તુ સાથે પ્રેમનું સન્માન કરવાની બાબત છે. અંતે તો શુદ્ધતા જ પ્રેમનો સૌથી સાચો માપદંડ છે. કારણ કે સાચો પ્રેમ માત્ર જોવામાં નથી આવતો, તેની અનુભૂતિ થતી હોય છે. 

દરેક ખરીદીને વધુ યાદગાર બનાવવા માટે બ્રાન્ડે ગિફ્ટ વાઉચર્સ અને સોનાના સિક્કા સાથે વિશેષ તહેવારોની ઓફર્સ રજૂ કરી છે. રૂ. 10,000ની દરેક ખરીદી માટે ગ્રાહકોને રૂ. 1,000નું વાઉચર મળશે જેને તેમની પછીની ખરીદી પર રીડિમ કરી શકાય છે, જ્યારે રૂ. 50,000 કે તેનાથી વધુની ખરીદી કરવા પર 0.2 ગ્રામનો તનિષ્કનો સોનાનો સિક્કો મળશે. આ મર્યાદિત સમય માટેની ઓફર 20 ઓક્ટોબર, 2025 સુધી માન્ય રહેશે. ભેટ આપવાની ક્ષણોથી આગળ વધતા તનૈરાએ ગ્રાહકો સમય જતા તેમના સ્વપ્નો સાકાર કરી શકે તે માટે મદદરૂપ થવા તેનો ગોલ્ડન કોકૂન પરચેઝ પ્લાન પણ રજૂ કર્યો છે.

આ લોન્ચ અંગે તનૈરાના સીઈઓ આનંદ શ્રીનિવાસ, સિનિયર માર્કેટિંગ મેનેજર હતું કે “આ સિઝનમાં, અમે Miara ને વર્સેટાઇલ ડ્રેપ્સમાં વ્યક્ત થતી કલ્પના અને વારસાના પ્રતિબિંબ તરીકે રજૂ કરીએ છીએ. તનૈરા ખાતે, અમે માનીએ છીએ કે સાડી ફક્ત પહેરવામાં આવતી નથી, તેની અનુભૂતિ થાય છે. તે ઉજવણીઓને પર્સનલ સ્ટેટમેન્ટ્સમાં અને ભેટસોગાદોને શુદ્ધ પ્રેમના હાવભાવમાં પરિવર્તિત કરે છે - એક એવી ભાવના જેને અમે અમારા ફેસ્ટિવ કેમ્પેઇન The Gift of Pure Love દ્વારા જીવંત કરી છે. અમારી વિશિષ્ટ ઓફર્સ અને ગોલ્ડન કોકૂન પ્લાન સાથે, અમે આ સિઝનમાં ગ્રાહકો માટે તનૈરા સાડીઓને સૌથી અર્થપૂર્ણ પસંદગી બનાવવાનું લક્ષ્ય રાખીએ છીએ. બજારની મજબૂત ભાવના સાથે, અમે આ ઉત્સવના સમયગાળા દરમિયાન ઉચ્ચ ડબલ ડિજિટલ વૃદ્ધિની અપેક્ષા રાખીએ છીએ.”

Miara સાથે તમારા તહેવારોને ખાસ બનાવો જેની કિંમત રૂ. 6,499થી શરૂ થાય છે. તેને ભેટસોગાદ તરીકે આપવા અથવા ખજાના તરીકે સાચવી રાખવા માટે બનાવવામાં આવી છે. સુરતમાં ઓફ ઘોડદોડ રોડ ખાતે કાકડિયા કોમ્પ્લેક્સ સ્થિત તનૈરા શોરૂમમાં હાથથી વણેલી સાડીઓનો અનુભવ કરવાની અને ખરીદવા માટેના નવી રીતો પણ ઉપલબ્ધ છે.

79મા સ્વતંત્રતા દિવસે ગુજરાતના હીરાનગરી તરીકે ઓળખાતા શહેર સુરતમાં મોટો ફેરફાર કરવામાં આવ્યો. આઝાદીના સમયથી પાકિસ્તાની મોહલ્લા તરીકે ઓળખાતા વિસ્તારને નવું નામ આપવામાં આવ્યું. સુરત શહેરના રાંદેર વિસ્તારના રામનગરમાં સ્થિત પાકિસ્તાન મોહલ્લાનું નામ સત્તાવાર રીતે બદલવામાં આવ્યું. BJPના ધારાસભ્ય અને પૂર્વ મંત્રી પૂર્ણેશ મોદીની હાજરીમાં, આ વિસ્તારનું નામ પાકિસ્તાન મોહલ્લાથી બદલીને હિન્દુસ્તાની મોહલ્લા કરવામાં આવ્યું. BJPના ધારાસભ્ય પૂર્ણેશ મોદીએ સ્થાનિક રહેવાસીઓની હાજરીમાં એક નવા સાઇનબોર્ડનું ઉદ્ઘાટન કર્યું. નવા ફેરફાર પછી, હવે લોકો તેમના દસ્તાવેજોમાં પાકિસ્તાની મોહલ્લાની જગ્યાએ નવું નામ અપડેટ કરવા માટે ઉત્સુક છે. સોમવારથી, લોકો આ માટે અરજીઓ સબમિટ કરશે, જેથી તેમના આધાર સરનામામાંથી પાકિસ્તાની શબ્દ દૂર થઈ જશે.

સુરતના આ મોહલ્લાના મૂળ ભાગલા સાથે જોડાયેલા હતા. જ્યારે ઘણા સિંધી શરણાર્થીઓ સુરતમાં આવ્યા અને સ્થાયી થયા. તેઓએ રામનગર નામની એક વસાહત સ્થાયી કરી હતી, જેમાં લગભગ 600 ઘર હતા. સમય જતાં, આ વસાહતનો એક ભાગ પાકિસ્તાન મોહલ્લા તરીકે લોકપ્રિય બન્યો. આ વિસ્તારનું નામ બદલવાના પહેલા પ્રયાસમાં, આંતરિક ચોકનું નામ હેમુ કલાણી ચોક રાખવામાં આવ્યું હતું, પરંતુ તે ખૂબ લોકપ્રિય બન્યું નહીં. ત્યાર પછી, પૂર્ણેશ મોદીએ આ વિસ્તારનું નામ પાકિસ્તાન મોહલ્લાથી બદલીને હિન્દુસ્તાની મોહલ્લા કરવાનો પ્રસ્તાવ મૂક્યો. જેને મ્યુનિસિપલ કોર્પોરેશનના અધિકારીઓએ મંજૂરી આપી.

BJPના ધારાસભ્ય પૂર્ણેશ મોદીએ નવા નામને લોકપ્રિય બનાવવા માટે સંપૂર્ણ તૈયારીઓ કરી લીધી છે. ધારાસભ્યએ આધાર કેમ્પ લગાવ્યો છે. જેથી લોકો નવું નામ અપડેટ કરાવી શકે. પૂર્ણેશ મોદીએ એક મહિલાના આધારમાં પાકિસ્તાન મોહલ્લાની જગ્યાએ હિન્દુસ્તાની મોહલ્લાની નોંધણી કરાવવા માટે અરજી ફોર્મ સબમિટ કરીને તેની શરૂઆત પણ કરી હતી. પૂર્ણેશ મોદીએ કહ્યું કે, હવે સુરતના પાકિસ્તાન મોહલ્લાનું નામ સમાપ્ત થશે. તેમણે એવી પણ જાહેરાત કરી કે, રહેવાસીઓને તેમના આધાર કાર્ડ, મતદાર ઓળખ કાર્ડ, રેશન કાર્ડ અને અન્ય મહત્વપૂર્ણ દસ્તાવેજોને જૂના નામ 'પાકિસ્તાન મોહલ્લા' તરીકે અપડેટ કરવામાં મદદ કરવા માટે સંપૂર્ણ વ્યવસ્થા કરવામાં આવશે, જેથી આ નામ એક પણ દસ્તાવેજ પર ન રહે.

છેલ્લાં લાંબા સમયથી ડાયમંડ ઉદ્યોગમા જોવા મળેલી મંદીને કારણે મુશ્કેલીમાં મુકાયેલા રત્નકલાકારો માટે સારા સમાચાર સામે આવ્યા છે. જેમ એન્ડ જ્વેલરી એક્સ્પોર્ટ પ્રમોશન કાઉન્સીલ (GJEPC) રિજિયોનલ ઓફિસ દ્રારા જેમ એન્ડ જ્વેલરી ઉદ્યોગ સાથે સંકળાયેલા કર્મચારીઓ માટે 35000 રૂપિયાનો મેડીક્લેઇમ મફત આપવામાં આવશે. આનું પ્રીમિયમ GJEPC ભરશે અને કેશલેશ સુવિધા મળશે.

GJEPCના રિજિયોનલ ચેરમેન જયંતિ સાવલિયાએ કહ્યું કે, સરકારી રાહત મેળવવા માટે ડેટા ભેગા કરવાના ભાગરૂપે યોજના રાખવામાં આવી છે. ડાયમંડ કે જ્વેલરી ઉદ્યોગ સાથે સંકળાયેલા કારીગરને પરિચય કાર્ડ આપવામાં આવશે અને જેમનો પરિચય કાર્ડ બનશે એમને 3 વર્ષ માટે મફત આરોગ્ય સેવા 35000 સુધી આપવામાં આવશે. GJEPCની વેબસાઇટ પર જઇને Online ફોર્મ ભરવું અને ડાયમંડ વર્કર યુનિયન કે સુરત ડાયમંડ એસોસિસેયન પાસેથી વેરિફેકેશન મળ્યા પછી વીમો મળી જશે.

બેંગલુરુ, 3 માર્ચ: દેશની અગ્રણી ક્રાઇસ્ટ યુનિવર્સિટી ખાતે 1 અને 2 માર્ચે ઇન્ટરનેશલ લેવલે બ્રોડવે પર ભજવાતા લર્નર અને લોયેની દ્વારા લિખિત માય ફેર લેડી નાટકનું ભવ્ય આયોજન કર્યું હતું જે દર્શકોને મંત્રમુગ્ધ કરી ગયું. આ નાટક ચાર આંતરરાષ્ટ્રીય નિષ્ણાતોના માર્ગદર્શન હેઠળ નિર્માણ પામ્યું હતું અને મ્યુઝિક થિયેટર ઇન્ટરનેશનલ (MTI)નું લાયસન્સ મેળવીને કરવામાં આવ્યું  હતું. શોના મુખ્ય આકર્ષણમાં વન્યા ભટ્ટની એલાઇઝા ડૂલિટલની ભૂમિકા હતી, જે દર્શકોના મન પર ગજબની છાપ છોડી ગઈ.

આ બંને દિવસો દરમિયાન ઓડિટોરિયમ લોકોથી ખચાખચ ભરેલું હતું. નાટકની મોહક વાર્તા, પાત્રનિર્માણ અને ભવ્ય મંચ વ્યવસ્થાએ સૌને પ્રભાવિત કર્યા. બન્ને દિવસોએ શોના અંતે પ્રેક્ષકોએ સ્ટેન્ડિંગ ઓવેશન આપ્યું હતું. 

વન્યા ભટ્ટ, જે ક્રાઇસ્ટ યુનિવર્સિટીની વિદ્યાર્થિની છે. તેણે વેસ્ટર્ન ક્લાસિકલ વોકલની તાલીમ લીધેલી છે. તે સૂરતની સાર્વજનિક યુનિવર્સિટીની સ્કોપા કોલેજમાંથી ડ્રામામાં ડિપ્લોમાં પણ કરી ચૂકી છે.  આ ઇન્ટરનેશનલ અનુભવ વિશે વન્યાએ જણાવ્યું, “મારા માટે આ જીવનની સૌથી મોટી તક હતી. આ માટે હું મારી યુનિવર્સિટી અને પ્રોફેસરોની આભારી છું, જેમના માર્ગદર્શનથી આ અનુભવ મારા માટે અવિસ્મરણીય બન્યો. એલાઇઝા ડૂલિટલનું પાત્ર નિભાવવું મારા માટે એક ચેલેન્જિંગ અને રોમાંચક અનુભવ રહ્યો.”

મૂળ સુરત, ગુજરાતની વતની વન્યા ભટ્ટ એક પ્રતિભાશાળી ગાયિકા અને સંગીતકાર છે. તેણે બાળપણથી સંગીતમાં રુચિ હતી અને અનેક સ્પર્ધાઓ અને શોઝમાં ભાગ લીધો છે. તેઓ શ્રીનાથજીના હવેલી સંગીતમાં પણ પરફોર્મ કરે છે. વન્યાનું બાજત આજ વધાઈ ગોકુલ માં સહિત પાંચ ભજનોનું આલબમ રીલીઝ થયું છે.

શિક્ષણ ક્ષેત્રના 46 વર્ષથી વધુના અનુભવ સાથે, સુરતમાં સ્થિત દેશની અગ્રણી એન્જિનિયરિંગ અને મેડિકલ કોચિંગ સંસ્થા નારાયણ કોચિંગ સેન્ટરે ફરી એકવાર JEE મેઇન 2025 (સત્ર - 1) માં અપાર સફળતા હાંસલ કરી છે. તુષાર પારેખ સર (ઝોનલ ડાયરેક્ટર), નારાયણ કોચિંગ સેન્ટર્સે જણાવ્યું હતું કે નારાયણના વિદ્યાર્થીઓએ ઓપન કેટેગરીમાં ઓલ ઈન્ડિયા કોમન રેન્ક લિસ્ટમાં ટોપ રેન્ક મેળવ્યો છે આગમ શાહ - 99.9968083 અને ગણિતમાં 100 પર્સેન્ટાઈલ (સુરત શહેરમાં સૌથી વધુ માર્કસ), મોક્ષ ભટ્ટ - 949-494 રાજ. ભૌતિકશાસ્ત્રમાં 99.9492059 અને 100 ટકા. JEE મેઇન 2025માં નારાયણ વિદ્યાર્થીઓના અસાધારણ પ્રદર્શનની જાહેરાત કરતાં અમને આનંદ થાય છે! અમારા વિદ્યાર્થીઓએ ફરી એકવાર તેમની શૈક્ષણિક શ્રેષ્ઠતાનું પ્રદર્શન કર્યું છે, રેકોર્ડબ્રેકિંગ સ્કોર સાથે બહુવિધ રાજ્યોમાં ટોચના રેન્ક મેળવ્યા છે.

અમારા JEE મેઇન 2025 ટોપર્સને અભિનંદન:  આયુષ સિંઘલ – રાજસ્થાન ટોપર | 100 પર્સેન્ટાઇલ, કુશાગ્ર ગુપ્તા – કર્ણાટક ટોપર | 100 પર્સેન્ટાઇલ, વિષાદ જૈન – મહારાષ્ટ્ર ટોપર | 100 પર્સેન્ટાઇલ, બાની બ્રતા માજી – તેલંગાણા ટોપર | 100 પર્સેન્ટાઇલ, શિવેન તોશનીવાલ – ગુજરાત ટોપર | 100 પર્સેન્ટાઇલ, પીયુસા દાસ – પંજાબ ટોપર | 99.99684 પર્સેન્ટાઇલ, અર્ણવ જિંદાલ – ચંદીગઢ ટોપર | 99.99681 ટકાવારી, સુનય યાદવ – તમિલનાડુ ટોપર | 99.99365 પર્સેન્ટાઇલ

આ ઉત્કૃષ્ટ સફળતા અમારા વિદ્યાર્થીઓના સમર્પણ, તેમના માતાપિતાના અવિશ્વસનીય સમર્થન અને અમારા અનુભવી શિક્ષકો દ્વારા પ્રદાન કરવામાં આવેલ અસાધારણ માર્ગદર્શનનો પુરાવો છે. નારાયણ શૈક્ષણિક સંસ્થાઓમાં, અમે વિદ્યાર્થીઓને તેમના સપના સાકાર કરવામાં મદદ કરવા માટે નવીન શિક્ષણ પદ્ધતિ, નિષ્ણાત માર્ગદર્શન અને પરિણામો આધારિત અભિગમ સાથે સશક્ત કરવાનું ચાલુ રાખીએ છીએ.

JEE મુખ્ય 2025 - પરિણામ: નારાયણ કોચિંગ સેન્ટરના વિદ્યાર્થીએ જેઇઇ મેઇન - 2025 (સત્ર 1)માં નેશનલ ટેસ્ટિંગ એજન્સી તરફથી જાહેર કરેલા પરિણામમાં જબરદસ્ત પરિણામ મેળવ્યું. પરિણામોમાં નારાયણ કોચિંગ સેન્ટરના વિદ્યાર્થીએ સમગ્ર ભારતમાં ટોચના પરિણામો મેળવ્યા છે. JEE મેઈન-2025 સત્ર પરીક્ષામાં કુલ 13.78 લાખ વિદ્યાર્થી નોંધાયા છે અને કુલ 13 લાખ વિદ્યાર્થીઓ હાજર છે. અને નારાયણસ સ્ટુડન્ટ ભારતમાં ટોપ મોસ્ટ કાઉન્ટમાં સામેલ છે.

મનીષ બાગરી સર (સેન્ટર ડાયરેક્ટર, સુરત બ્રાન્ચ) એ માહિતી આપી હતી કે સુરતની શાખાઓમાં કુલ 16 વિદ્યાર્થીઓએ 99 અને તેથી વધુ પર્સેન્ટાઈલ મેળવ્યા છે. સફળ વિદ્યાર્થીઓની યાદીમાં આગમ શાહ (99.9968083), મોક્ષ ભટ્ટ - (99.9944145), રાજ આર્યન - (99.9492059), આદિત્ય અગ્રવાલ - (99.9353680), સ્મીત વેસ્માવાલા - (99.905202028), વિ. જે વિદ્યાર્થીઓએ તેમની ડ્રીમ એન્જિનિયરિંગ કોલેજોમાં પ્રવેશ મેળવવા માટે સ્કોર હાંસલ કર્યો છે. નારાયણ સુરતમાં 99થી ઉપર પર્સન્ટાઈલ મેળવનાર વિદ્યાર્થીનો સૌથી વધુ સક્સેસ રેશિયો છે.

- એક નારાયણ વિદ્યાર્થી - આગમ શાહે સુરત શહેરમાં સૌથી વધુ માર્કસ સાથે 300માંથી 285 માર્ક્સ મેળવ્યા છે.
- રિપીટર્સ બેચમાંથી સુરત શહેરમાં શ્રેષ્ઠ પરિણામ સાથે વિહાન જૈન (99.900793 પર્સેન્ટાઇલ) મેળવ્યો.
- નારાયણ સુરતમાં 99.90 થી ઉપર પર્સન્ટાઈલ મેળવનારા વિદ્યાર્થીઓનો સૌથી વધુ સક્સેસ રેશિયો છે. (98.9 થી 99.90 સુધીનો નોંધપાત્ર સુધારો)

સુરત, 3 માર્ચ 2025 – વર્લ્ડ હીયરિંગ ડે 2025ના અવસરે, સ્વરસંગ્યા ચેરીટેબલ ટ્રસ્ટ દ્વારા સરકારી અને ખાનગી સંસ્થાઓના સહયોગથી મોટા પાયે જાગૃતિ અભિયાનનું આયોજન કરવામાં આવ્યું, જે નવજાત શિશુ હિયરીંગ સ્ક્રીનિંગ, શોર-પ્રેરિત હિયરીંગ લોસની રોકથામ અને સલામત સાંભળવાની મહત્વતા પર કેન્દ્રિત હતું.

વિચારધારા બદલો – પ્રારંભિક હિયરીંગ સ્ક્રીનિંગનું મહત્ત્વ: હિયરીંગ હેલ્થ પ્રત્યે અણગમતું વર્તન જોખમી સાબિત થઈ શકે છે. નવજાત શિશુ હિયરીંગ સ્ક્રીનિંગ દ્વારા સમયસર બોલચાલ, ભાષા અને માનસિક વિકાસ સુનિશ્ચિત કરી શકાય છે. અનડિટેક્ટેડ હિયરીંગ લોસ શૈક્ષણિક અને સામાજિક જીવનમાં અવરોધ ઉભા કરે છે, અને લાંબા ગાળે જોબ અપોર્ચ્યુનિટીઝ માટે પણ જોખમ ઉભું કરે છે. સ્વરસંગ્યા ચેરીટેબલ ટ્રસ્ટ વર્ષોથી હિયરીંગ હેલ્થ માટે કાર્યરત છે, અને દરેક બાળક માટે સમાન તક સુનિશ્ચિત કરવા માટે કાર્યરત છે.

સલામત સાંભળવું – જીવનભર માટે તમારા કાન સુરક્ષિત રાખો: આજના યુગમાં હેડફોન, પર્સનલ ઓડિયો ડિવાઈસ અને શોરવાળા વાતાવરણના વધતા ઉપયોગને કારણે શોર-પ્રેરિત હિયરીંગ લોસ એક ગંભીર સમસ્યા બની છે. વિશ્વ આરોગ્ય સંસ્થા (WHO) લોકોમાં સલામત સાંભળવાની ટેવ વિકાસિત કરવાની સલાહ આપે છે.

આ અભિયાનમાં ધ્યાન આપવામાં આવ્યું: હેડફોનનો સલામત ઉપયોગ – વોલ્યુમ 60% કરતા ઓછું રાખવું અને નિયમિત બ્રેક લેવી., લાંબા સમય સુધી હેડફોનનો ઉપયોગ – સતત ઉંચા અવાજથી કાનમાં કાયમી નુકસાન થાય છે, જે રોજિંદા જીવન અને મનોવિજ્ઞાનને અસર કરે છે., હિયરીંગ લોસ અને રોજગાર તકો – અજાણતા હિયરીંગ લોસવાળા લોકોને શિક્ષણ અને કારકિર્દીમાં મુશ્કેલીઓનો સામનો કરવો પડે છે., કાન માટે સુરક્ષાત્મક ઉપકરણો – ઇયરપ્લગ્સ અથવા નોઈઝ-કેન્સલિંગ હેડફોનનો ઉપયોગ ઉદ્યોગો, ટ્રાફિક અથવા મ્યુઝિક ઈવેન્ટ્સમાં કાનનું રક્ષણ કરવા માટે અનિવાર્ય છે.

એક નાનકડી જાગૃતિ, હજારો જીવ બચાવી શકે!
આજે એક નાનકડું પગલું ભવિષ્યમાં મોટો ફેરફાર કરી શકે છે. સ્વરસંગ્યા ચેરીટેબલ ટ્રસ્ટ વિશ્વાસ રાખે છે કે જાણકારી અને સમયસર સારવાર દ્વારા સાંભળવામાં તકલીફભોગવતા બાળકો અને લોકોનું ભવિષ્ય સુધારી શકાય. "સમાંતરે અને સલામત વોલ્યુમ પર સાંભળવાથી હિયરીંગ લોસ ટાળી શકાય છે!" 
ચાલો હામણી સુરક્ષિત રાખીએ, જાગૃતિ લાવીએ અને એક ફેરફાર લાવીએ! 

આ એક સત્ય ઘટના પર આધારિત કાલ્પનિક હાસ્ય નાટિકા છે. ગમન નાના મોટા વ્યાજ વટાવના ધંધાથી ગમે તે રીતે લોકોની જમીન દાગીના વગેરે પચાવી પાડી અમીર બને છે. તેને સતત યેન કેન પ્રકારે કરોડપતિ બનવાના કોડ છે.  મગન ગભરુ અને સામાન્ય બેન્કમાં નોકરી કરતો તેનો ખાસ મિત્ર છે. અને સતત તેની ચિંતા સેવતો ગભરાયા કરે છે. અને વિવિધ ગોટાળા કરતો ગમન અચાનક પોતે ગોટાળે ચડે છે તેની હાસ્ય પ્રસ્તુતિ અહીં વેધક રીતે રજૂ થઈ લોક જાગૃતિનું માધ્યમ બની સંદેશો આપે છે. આ નાટકનું કથાબીજ ડૉ.સ્નેહલ હેમંત કુમાર વકીલના દ્વારા આપવામાં આવ્યું છે જે આશરે 25 વર્ષથી સાયબર સિક્યુરિટી સાથે સંકળાયેલ છે. અને તમને નેશનલ તથા ઇન્ટરનેશનલ લૉ એન્ફોરસિમેન્ટ એજન્સીસને ટ્રેનિંગ આપી છે અને સાયબર કેસેસ સોલ્વ કરવામાં મદદ કરી છે. નાટકના અંતમાં ડો. વકીલનાના જણાવ્યા મુજબ વિશ્વમાં ૧૦.૫ ટ્રિલિયન USDનું વાર્ષિક નુકસાન સાયબર ક્રાઈમથી થાય છે તથા ખાલી ભારતમાં રોજના ૭૦૦૦ સાયબર ક્રાઇમ કોમ્પલેન નોંધાય છે. ગુજરાતની વાત કરીએ તો ૨૦૨૪ લગભગ રુપિયા ૨૮૫. ૭૨ કરોડ ક્રિમિનલના બેંક એકાઉન્ટમાં ફ્રીઝ કરવામાં આવ્યા હતા તથા ૧૦૮.૦૮ કરોડ વિક્ટિમને રિફંડ આપવામાં આવ્યા હતા. તથા સોશિયલ મીડિયામાં આપણે પાસવર્ડમાં હંમેશા એક સ્પેસ એડ કરાવી જોઈએ અને આપણી પાસે બચાવ માટે ૩ ચાવી છે સિક્યુરિટી એટલે મીનીમમ ટુ સ્ટેપ વર્ફીવિકેશન, પ્રાઈવસી જેમાં આપણે ચેક કરી શકીએ કે આપણા એકાઉન્ટમાં કયા ડીવાઈસથી લોગીન કરવામાં આવ્યું છે અને રિપોર્ટિંગ જેમાં અગર કોઈ પ્રોબ્લેમ હોઈ તો આપણે ડેવલપર્સ તથાં બેંકને રીપોર્ટ કરીએ અને ૧૯૩૦ અથવા www.cybercrime.gov.in પર કોમ્પલેન કરીયે.
હેમંત કુમાર હસમુખ લાલ વકીલના પરિવાર દ્વારા પ્રસ્તૂત નાટક ગમન નો ગોટાળો. આ નાટક સુરત પર્ફોર્મિંગ આર્ટિસ્ટ એસોસિયેશનના થિયેટર કાફે તરફથી 2 માર્ચ 2025ના રોજ ભજવાયું હતું.

કથા બીજ : ડૉ. સ્નેહલ હેમંતકુમાર વકીલના ( ઇન્ટરનેશનલ સાયબર લોયર, ડેટા પ્રોટેક્શન એન્ડ એ આઈ સ્પેશિયલ્સ્ટ)
લેખન દિગ્દર્શન: ભાવનાબેન હેમંતકુમાર વકીલના 
સહ લેખન : પીયૂષ ભટ્ટ 
પાત્રો : ગમન : યશ ઉપાધ્યાય 
મગન : પીયૂષ ભટ્ટ_ 
ચમન : દેવ આઠવલે 
રેવાબેન : ભાવના વકીલના 
મોંઘીબેન : શ્વેતા ચૌહાણ 
મહિમા મારફતિયા : ડૉ. પ્રિયલ શુક્લ 
ACP : ડૉ. સ્નેહલ વકીલના

સુરતના જાણીતા ઉદ્યોગકાર રાજહંસ દેસાઇ-જૈન ગ્રુપના ચેરમેન જયેશ દેસાઇ ગુરુવારે પોતાના પ્રાઇવેટ પ્લેનમાં સુરતથી અમદાવાદ ગયા હતા.મીડિયા અહેવાલોમાં કહેવામાં આવ્યુ હતું કે અમદાવાદ એરપોર્ટ પર જયેશ દેસાઇના પ્રાઇવેટ પ્લેન 260 GT VJ-DJB 7 સીટર પ્લેનના3 ટાયર ફાટી ગયા હતા અને તેમાં રાજહંસના માલિક જયેશ દેસાઇ સહિત 3 લોકો હતા. સદભાગ્યે મોટી દુર્ઘટના ટળી ગઇ હતી. આ બાબતે જ્યારે અમે જયેશ દેસાઇ સાથે વાત કરી તો તેમણે કહ્યું કે, પ્લેનમાં પંચર હતું એવી ખબર પહેલેથી ખબર પડી ગઇ હતી એટલે અમે બધા પ્લેનમાંથી ઉતરી ગયા હતા.

સુરત. જો મોટરકાર (યા કોઈપણ વાહન)નો ઇન્સ્યુરન્સ લેવામાં આવ્યો હોય અને આખા વર્ષ દરમ્યાન અકસ્માત/ચોરીનો કોઈ ક્લેઈમ ન થયો હોય તો બીજા વર્ષે  મોટરકારનો (વાહન)નો વીમો લેતી વખતે પ્રિમીયમની રકમમાંથી 25 ટકા રકમ No claim Bonus તરીકે બાદ મળતી હોય છે. એટલે કે વીમેદારે એટલા પ્રમાણમાં ઓછું પ્રિમીયમ ચૂકવવાનું હોય છે. પરંતુ કેટલીક વાર વીમેદારી પોતાની મોટરકારની રીપેર કરાવી પડી હોય અને તે સંબંધિત કલેઈમ વીમા કંપની પાસે લીધો હોય અને છતાં ત્યાર પછીના બીજા વર્ષે વીમો રીન્યુ કરાવતી વખતે શરતચુક/ભુલથી પાછલા વર્ષમાં અકસ્માત થયેલ હોવાની તથા પોતે કલેઈમ લીધેલ હોવાની હકીકત વીમા કંપનીને ન જણાવી હોય અને No claim Bonus નો લાભ મેળવ્યો હોય અને તેવા સંજોગોમાં વાહનને અકસ્માત થાય તો વીમા કંપનીઓ વીમેદારે સાચી અને મહત્વની હકીકત છુપાવી છે એવું જણાવી કલેઈમ નામંજુર કરી દેતી હોય છે. પરંતુ વીમા કંપનીનું વલણ યોગ્ય ન હોવાનું ગ્રાહક અદાલતોએ વખતો વખતના ચૂકદાઓ થકી ઠરાવ્યું છે. તાજેતરમાં સુરત જિલ્લા ગ્રાહક તકરાર નિવારણ કમિશન (એડીશનલ) દ્વારા એક ચૂકદામાં પણ વીમેદારે પાછલા વર્ષમાં મેળવેલ ક્લેઈમની હકીકત ન જણાવી No daim Bonus મેળવ્યું હોવા છતા મોટરકારને થયેલો અકસ્માતનો ક્લેઈલ નોન-સ્ટાન્ડર્ડ ધોરણે ચૂકવવા એટલે કે કલેઈમની રકમમાંથી 25% રકમ કાપી 75% રકમ ચૂકવવા વીમા કંપની જવાબદાર ઠરાવી છે. 

એક (ફરિયાદી)એ એડવોકેટ શ્રેયસ દેસાઈ/ પ્રાચી અર્પિત દેસાઈ/ ઇશાન દેસાઈ મારફત યુનિવર્સલ સોમ્પો જનરલ ઇન્સ્યુરન્સ કંપની લી. (સામાવાળા) વિરુધ્ધ સુરત જિલ્લા ગ્રાહક તકરાર નિવારણ કમિશન સમક્ષ કરેલ ફરિયાદની વિગતો એવી છે કે, ફરિયાદીએ પોતાની Ford મોટરકારનો વીમો IDV રૂા. ૫,૩૦,000/-નો સામાવાળા વીમા કંપની કનેથી મેળવેલ હતો.  વીમો અમલમાં હતો તે દરમ્યાન ફરિયાદી પોતાની મોટરકાર લઇને સુરતથી સચીન જતા હતા. ત્યારે હાઇવ પાસે સરથાણા ચારરસ્તા પર મોટરકારને એકસીડન્ટ થયેલ અકસ્માત અંગેની જાણ ફરિયાદીએ સામાવાળા વિમાકંપનીને કરેલી. અને મોટરકારને ટો કરીને મોટરકાર કંપનીના ડીલરની સુરતની વર્કશોપમાં રીપેર કરવા માટે આવેલી. સામાવાળા વિમાકંપની તરફે સર્વેયર દ્વારા મોટરકારના સર્વે કરાયેલ. વર્કશોપ દ્વારા  મોટરકારને રીપેર કરવાનો એસ્ટીમેટ રૂા. ૧,૫૦,૦૦૦/- નો આપવામાં આવેલો. ત્યારબાદ સર્વેયરની સંમતિ લઈને મોટરકાર રીપેર કરાવી લેવામાં આવેલી. સામાવાળા વિમા કંપની ફરિયાદીનો ઉપરોક્ત સાચો અને વાજબી કલેઈમ ચૂકવવા બંધાયેલા હતા. આમ છતાં સામાવાળા વિમા કંપનીએ તેમના તા. ૦૩/૦૯/૨૦૨૦ ના રોજના પત્ર દ્વારા ફરિયાદીનો ફરિયાદવાળો ક્લેઈમ નામંજૂર કરેલો. 

કલેઈમ નામંજુર કરવા અંગે સામાવાળા કારણ આપતા જણાવેલ હતુ કે ફરિયાદીએ ફરિયાદવાળી મોટરકારનો પાછલા વર્ષનો વીમો ICICI Lombard General Insurance કંપની પાસેથી લીધો હતો. અને પાછલા વર્ષમાં ફરિયાદીને અકસ્માત થયો હતો. જેનો ક્લેઈમ ફરિયાદીએ ICICI Lombard General Insurance કંપની કનેથી મેળવ્યો હતો. ત્યારબાદ ફરિયાદીએ ૨૦૨૦-૨૧ ના વર્ષ માટે મોટરકારનો વીમો સામાવાળા વીમા કંપની કનેથી લીધો હતો. પરંતુ વીમો લેતી વખતે પાછલા વર્ષમાં થયેલ અકસ્માત અને મેળવેલ ક્લેઈમની વીગતો ફરિયાદીએ સામાવાળા વીમા કંપનીએ જણાવી ન હતી. અને No claim Bonus નો લાભ લીધો હતો. જે હકીક્તમાં ફરિયાદીના પક્ષે મહત્વની હકીકત છુપાવી હોવાથી અને ગેરરજુઆત થઈ હોવાથી ક્લેઈમ ચૂકવી શકાય તેમ ન હોવાનું જણાવેલ હતું. જેથી ફરિયાદીએ ગ્રાહક કમિશન સમક્ષ કરિયાદ કરવી પડેલી. 

ફરિયાદી તરફે દલીલો કરતા એડવોકેટ શ્રેયસ દેસાઈ, પ્રાચી દેસાઈ, ઈશાન શ્રેયસ દેસાઈ એ ગ્રાહક કમિશન સમક્ષ જણાવેલ હતુ કે, ફરિયાદવાળી મોટરકાર સંબંધે ફરિયાદવાળા વીમો આપતી વખતે સામાવાળા વીમા કંપની તરફે મોટરકાર સંબંધે તથા તેના અગાઉના ICICI Lombard General insurance co ltd વીમા સંબંધે જરૂરી તમામ તપાસ સામાવાળા તરફે કરાવવામાં આવી હતી. અને તમામ વિગતો/માહિતી મેળવ્યા બાદ પોતાને સંતોષ થયા બાદ સામાવાળા વીમા કંપનીએ ફરિયાદવાળો વીમો ઉતારવાનું પસંદ કર્યું હતું. એવી તપાસ કરાવાની, વીમા કંપનીની જવાબદારી અને ફરજ પણ હતા અને છે, વળી સામાવાળા વીમા કંપની દ્વારા નિયત Rules and Regulation અને પ્રસ્થાપિત કાનૂની સિધ્ધાંતોનું પાલન પણ કરવામાં આવેલ ન હતું. જે સામાવાળા વીમા કંપનીના પક્ષે બેદરકારી, અનફેર ટ્રેડ પ્રેક્ટીસ અને સેવામાં ક્ષતિ દર્શાવે છે. વળી, ખુદ સામાવાળા વીમા કંપનીના જણાવ્યા પ્રમાણે ૨૫% No Claim Bonus ની રકમ માત્ર રૂા. ૨૧૧૩/- હતી. જેથી, માત્ર રૂા. ૨૧૧૩/- જેવી નાની રકમનો લાભ મેળવવા ફરિયાદી ઇરાદાપૂર્વક ખોટુ ડેક્લેરેશન કરે તેવો કોઈ પ્રશ્ન ન હતો. વધુમાં, No daim bonus મેળવેલ હોય તો પણ હાલનો જેન્યુન ક્લેઈમ પુરેપુરો નામંજુર ન કરી કલેઇમના ૭૫% રકમ વિમા કંપની એવી રજુઆતો કરી હતી. નોન સ્ટાન્ડર્ડ બેઝીઝ હેઠળ ચૂકવવા જવાબદાર છે. 
સુરત ગ્રાહક તકરાર નિવારણ કમિશન (એડીશનલ) ના તત્કાલીન પ્રમુખ ન્યાયાધીશ એમ.એચ.પટેલ અને સભ્ય પુર્વી જોષીએ આપેલા હુકમમાં ફરિયાદીની ફરિયાદ મંજુર કરી ફરિયાદીના ક્લેઈમની રકમ રૂા. ૧,૫૦,૦૦૦/-માંથી ૨૫% બાદ કરી ૭૫% રકમ એટલે કે રૂા. ૧,૧૨,૫૦૦/- નોન-સ્ટાન્ડર્ડ કલેઈમ તરીકે ફરિયાદીને વાર્ષિક ૭% ના વ્યાજ સહિત તેમજ વળતર/ખર્ચ માટે બીજા રૂા. ૫,૦૦૦/- સહિત ફરિયાદીને ચુકવી આપવાનો સામાવાળા વીમા કંપનીને આદેશ આપતો હુકમ કર્યો છે.

ગુજરાતના સુરતના રિંગ રોડ પર આવેલા શિવશક્તિ ટેક્સટાઇલ માર્કેટમાં લાગેલી ભીષણ આગ બુઝાઈ ગઈ છે, પરંતુ તેના પર ઘણા પ્રશ્નો ઉભા થઈ રહ્યા છે. ભોંયરામાં લાગેલી આગ બુઝાઈ ગયા પછી ફરીથી આગ કેવી રીતે લાગી તે અંગે શંકાઓ વ્યક્ત કરવામાં આવી રહી છે. આગ કેવી રીતે લાગી તેનું કારણ જાણી શકાયું નથી. હવે સરકારથી લઈને મેયર સુધી બધા તેની તપાસ કરાવવાની વાત કરી રહ્યા છે.

રાજ્યના ફાયર ડિરેક્ટર અનિલ ચાવડા ગુરુવારે ગાંધીનગરથી શિવશક્તિ માર્કેટ પહોંચ્યા. તેમણે કહ્યું કે, તેઓ તમામ પ્રકારની માહિતી એકત્રિત કર્યા પછી એક રિપોર્ટ તૈયાર કરશે. FSL તપાસ કરશે. 60થી વધુ ફાયર એન્જિન સાથે 200 ફાયર ફાઇટરોએ લગભગ 90 લાખ લિટર પાણીનો ઉપયોગ કરીને આગને કાબુમાં લીધી.

આગમાં ઇમારતની 450 દુકાનો બળીને ખાખ થઈ ગઈ છે, પરંતુ આગ હજુ પણ ઓલવાઈ નથી. આ આગમાં એક દુકાનમાં રાખેલા 20 કરોડ રૂપિયા બળીને ખાખ થઈ ગયા. વેપારીએ દલીલ કરી કે, તેણે દુકાનમાં 20 કરોડ રૂપિયા રાખ્યા હતા. આ રોકડ અલગ અલગ પક્ષોની છે. જો તે બળી ગઈ હશે તો હું બરબાદ થઈ જઈશ. પરંતુ દુકાન આગની જ્વાળાઓથી ઘેરાયેલી હોવાથી, તેને અંદર જવા દેવામાં આવ્યો નહીં. જોકે, અન્ય એક ઉદ્યોગપતિ 45 લાખ રૂપિયા ત્યાંથી નીકાળવામાં સફળ રહ્યો.

ઇમારતના ચોથા અને પાંચમા માળ પરની ઘણી દુકાનો ધરાશાયી થઈ ગઈ, સ્લેબ નીચે પડી ગયા. 1000 ડિગ્રીથી વધુ તાપમાનને કારણે ઇમારતના સમગ્ર માળખાને નુકસાન થયું છે. સલાબતપુરા પોલીસ સ્ટેશનના ઇન્સ્પેક્ટર K.D. જાડેજાએ જણાવ્યું હતું કે, તપાસ કર્યા પછી સાચું કારણ જાણી શકાશે. 700 દુકાનો બળી ગઈ હતી અને 850 કરોડ રૂપિયાનું નુકસાન થવાનો અંદાજ છે.

રાજસ્થાન યુવા સંગઠન, જિલ્લા કોંગ્રેસ સમિતિએ CM પાસેથી રાહતની માંગ કરી છે. SGTTA માર્કેટના વેપારીઓને શક્ય તમામ મદદ પૂરી પાડશે. એક બિલ્ડરે પોતાની માર્કેટમાં વેપારીઓને એક વર્ષ માટે મફત દુકાનો આપવાની જાહેરાત કરી છે. અન્ય માર્કેટો પણ દુકાનો પૂરી પાડવા માટે આગળ આવી છે.

મંગળવારે શિવશક્તિ માર્કેટના ભોંયરામાં આગ લાગી હતી, જેને અમે રાત્રે 9 વાગ્યા સુધીમાં સંપૂર્ણપણે કાબૂમાં લઈ લીધી હતી અને એ ખાતરી કરી કે આગ ફરી ન ફાટી નીકળે, પરંતુ બુધવારે સવારે અમને માહિતી મળી કે આગ ફરી ફાટી નીકળી છે. જ્યારે અમારી ટીમ ઘટનાસ્થળે પહોંચી ત્યારે જાણવા મળ્યું કે આ વખતે આગ પહેલા અને બીજા માળે ફેલાઈ ગઈ હતી.

આ આગ કેવી રીતે લાગી તે તપાસનો વિષય છે. બુધવારે, 5 ટીમોમાં 40 સૈનિકો મોકલવામાં આવ્યા હતા. અંદર ગાઢ ધુમાડો અને ભારે ગરમી હતી, જેના કારણે આગ બુઝાવવાનું કામ ખૂબ જ મુશ્કેલ બન્યું. દિવાલો ગરમ થઈ ગઈ હતી. દુકાનોમાં બે માળ બનાવવામાં આવ્યા હતા, જેના કારણે પ્રવેશ માર્ગો સંપૂર્ણપણે બંધ થઈ ગયા હતા. ઓક્સિજન સપોર્ટની મદદથી અમે શ્વાસ તો લઈ શકતા હતા, પરંતુ ગાઢ ધુમાડાને કારણે અમે કંઈપણ સ્પષ્ટ રીતે જોઈ શકતા ન હતા. અમારા એક ફાયર ઓફિસર, જયદીપ ઇસરાની લપસી ગયા અને તેમનો હાથ ફ્રેક્ચર થઈ ગયો. ઘણા ફાયર બ્રિગેડના જવાનોના હાથની હથેળીઓ પર ઉઝરડા પડી ગયા હતા.

આ પ્રશ્નના જવાબમાં મેયર દક્ષેશ મેવાણીએ કહ્યું કે, આગ લાગવાનો સમય શંકા પેદા કરે છે. મંગળવારે ભોંયરામાં લાગેલી આગ બુઝાઈ ગઈ હતી. જો ફરીથી આગ લાગી હોત, તો તે ભોંયરામાંથી લાગી હોતે. પરંતુ તે ત્રીજા-ચોથા માળે લાગી હતી. આખી રાત આગ લાગવાની કોઈ ઘટના બની ન હતી. સવારે વેપારીઓ પહોંચ્યા ત્યારે આખરે આગની જાણ કરવામાં આવી. એ પણ મોટી આગ લાગવાની માહિતી આપવામાં આવી હતી. આનાથી એવી શંકા ઊભી થઇ છે કે, કોઈએ કેટલીક દુકાનોનો વીમો મેળવવા માટે આગ લગાવી હશે. જેના કારણે આખા માર્કેટની દુકાનો બળી ગઈ હતી.