યૌન શોષણ કેસમાં આજીવન કેસની સજા કાપી રહેલા આસારામને કોર્ટે તબિયતના આધાર પર વચગાળાના જામીન આપ્યા છે અને આસારામ મંગળવારે અમદાવાદમાં મોટેરા આશ્રમમાં આવ્યો હતો. ત્યારે ભક્તોની ભીડ ભેગા થવા માંડતા પોલીસ ટેન્શનમાં આવી ગઇ હતી.

આસારામને કોર્ટે જામીન આપ્યા છે તેમાં કેટલીક શરતો રાખવામાં આવી છે. આસારામ તેના અનુયાયીઓને મળી શકશે નહી, સાધકો સાથે મુલાકાત કરી શકશે નહીં, મીડિયા સાથે વાતચીત કરી શકશે નહી અને આસારામની સાથે જે 3 પોલીસ ગાર્ડ રહેશે તેનો ખર્ચ આસારામે ચૂકવવો પડશે. આસારામને 31 માર્ચ 2025 સુધીના જામીન મળ્યા છે.

આસારામ જોધપુરની જેલમાં હતો ત્યારે તેને અનેક બિમારીઓ થઇ હતી અને કોર્ટને જામીન માટે અરજી કરી હતી. આસારામ આરોપી હોવા છતા ભક્તોને હજુ આસારામમાં આસ્થા છે.

ગુજરાતના વિકાસ માટે અનેક પ્રોજેક્ટ હાથ ધરવામાં આવી રહ્યા છે અને વિકાસ પાછળ કરોડો રૂપિયાનો ખર્ચ થઇ રહ્યો છે. આ સારી વાત છે, પરંતુ કેટલાંક અધિકારીઓ અણઘણ પ્લાનીંગ કરીને પ્રજાને કરોડો રૂપિયા વેડફી નાંખે છે.

અમદાવાદમાં બોપલ-ઘુમાને જોડતો પુલ અમદવાદ અર્બન ડેવલપમેન્ટ ઓથોરીટી (AUDA)અને રેલવેએ 80 કરોડ રૂપિયાના ખર્ચે 16.5 મીટર પહોળો અને 900 મીટર લાંબો બ્રીજ બનાવી દીધો અને 80 ટકા કામ પુરુ થઇ ગયું. 5 વર્ષથી આ બ્રિજ બની રહ્યો હતો. હવે તમને જાણીને નવાઇ લાગશે કે શીલજ તરફ પુરો થતો રેલવે બ્રિજ પછી કોઇ રસ્તો જ નથી. અણઘણ અધિકારીઓએ જાણ્યા વગર જ બ્રિજ તાણી દીધો છે. બ્રીજના છેવાડે તો દિવાલ છે.

એન્ફોર્સમેન્ટ ડિરેક્ટોરેટની ગુજરાતની ઝોનલ ઓફિસે તાજેતરમાં અમદાવાદની ઇલેકટ્રોથર્મ ઇન્ડિયા લિમિટેડ વિરુદ્ધ બેંક છેતરપિંડીના કેસમાં અનેક સ્થળોએ સર્ચ ઓપરેશન હાર્થ ધર્યુ હતું. જેમાં બે મર્સિડીઝ કાર અને 37 બેંક ખાતાની 33.67 કરોડ રૂપિયાની રકમ સ્થિગત કરી દેવામાં આવી છે.

ગુરુવારે EDએ નિવેદન આપ્યું હતું કે અમદાવાદ અને ગાંધીનગરમાં 10 અને 11 જાન્યુઆરીએ ઇલેકટ્રોથર્મ ઇન્ડિયાની ઓફિસો પર દરોડા પાડવામાં આવ્યા હતા. આ કંપનીના ડિરેક્ટર્સ મુકેશ ભંડારી અને શૈલેષ ભંડારી અને અન્યો વિરુદ્ધ બેંક ઓફ ઇન્ડિયાએ 631.97 કરોડ ડુબાડી દીધા હોવાની ફરિયાદ કરી હતી.

 ED પોતે પણ મુકેશ અને શૈલેષ ભંડારી સામે બે બેંક કૌભાંડની તપાસ કરી રહી છે. જેમાં સેન્ટ્રલ બેંકની રૂપિયા 388 કરોડ રૂપિયાની લોન આ બંધુઓએ ચૂકવી નથી.

સોશિયલ મીડિયામાં એક વીડિયો વાયરલ થઇ રહ્યો છે, જેમાં એક ઓફિસમાં અધિકારી પર લોકો ચિલ્લાઇને રજૂઆત કરી રહ્યા છે અને તેમની પર નોટોનો વરસાદ કરીને બોલી રહ્યા છે, લે, ખા, કેટલા રૂપિયા ખાશે? વીડિયોમાં લોકો ગુજરાતી ભાષામાં વાત કરી રહ્યા છે એટલે વીડિયો ગુજરાતનું હોવાનું માનવામાં આવે છે.

ले खा ! कितनी हराम की कमाई खायेगा, जनता ने दिया उसी भाषा में जवाब

अब अधिकारी भी क्या करे उन्हें जॉब पाने के लिए कितनी रिश्वत दी होगी ? अब अपने आका(उच्च अधिकारियों) को दे रहा होगा ? इसका अंदाजा भी लगाना जरूरी है #viralvideo गुजरात का बताया जा रहा है। pic.twitter.com/Zru5e2TYZk

— कलम की चोट (@kalamkeechot) January 12, 2025

એક ચેનલે જ્યારે આ વીડિયોની તપાસ કરી તો ખબર પડી કે વીડિયો સાચો છે અને અમદાવાદના ધોળકા વિસ્તારની નગર પાલિકાનો છે. ધોળકા નગર પાલિકામાં નેતા વિપક્ષ અને કોંગ્રેસ નેતા નુરજહાં સૈયદના નેતૃત્વમાં કેટલાંક લોકો રોડ રસ્તા, ગટરની મુશ્કેલી માટે આવેદન પત્ર આપવા ગયા હતા. પાલિકા અધિકારી પર નોટોનો વરસાદ કરવામાં આવ્યો. જો કે આ નકલી નોટો હોવાનું સામે આવ્યું છે.

હવામાનની આગાહી માટે જાણીતા અંબાલાલ પટેલે આ વખતે રાજકારણની આગાહી કરી છે. મકર સંક્રાતિનું સ્વરૂપ અને ફળના આધારે પટેલે કહ્યું છે કે, રાજકીય પક્ષોમાં હુંસાતુસી થશે, મોટા પાયે પક્ષ પલટો થશે અને સરકારો માટે પણ મુસીબતનો સમય રહેશે.

પટેલે કહ્યું કે, આ વખતે સંક્રાતિ બાલવ કરણમાં હતી જેનું વાહન વાઘ હતું અને પેટા વાહન ઘોડો હતો. સંક્રાતિએ પીળા વસ્ત્રો ધારણ કર્યા હતા અને હાથમાં ગદા હતી, કપાલ પર તિલક હતું. જાસ્મીનના ફુલોને મોતીના શણગાર સથે પકડી રાખ્યા હતા.

સંક્રાતિ પૂર્વથી પશ્ચિમ તરફ આગળ વધી રહી છે અને ઉત્તર-પશ્ચિમ તરફ જઇ રહી છે. જેને કારણે ફેબ્રુઆરી- માર્ચ મહિનામાં રાજકારણમાં મોટી ઉથલ-પાથલ થશે.અંબાલાલ પટેલના નિવેદનને કારણે રાજકારણીઓની ઉંઘ હરામ થઇ ગઇ છે.

લોકો પાસે ટ્રાફિક નિયમન કરવાનું કામ પોલીસનું છે અને પોલીસ જ જો એનું પાલન ન કરે તો પછી પ્રજાનો વાંક કેવી રીતે કાઢી શકાય? જુનાગઢમાં એક ટ્રાફીક બ્રિગેડે ટ્રાફિકના નિયમોના ઉલ્લંઘન બદલ એક મહિલાને અટકાવ્યા તો મહિલાએ રોફ ઝાડીને કહ્યું કે, હું પણ પોલીસમાં જ છું મને જવા દે.

મહિલાએ કહ્યું કે, હું બી ડિવિઝન પોલીસ સ્ટેશનમાં સેકન્ડ PI છુ, એટલે તું માપમાં રહેજે. મહિલાએ પોતાનું ઓળખકાર્ડ પણ બતાવ્યું હતું.

ટ્રાફીક બ્રિગ્રેડે કહ્યું કે, બહેન, નિયમનું પાલન તો કરવું પડે ને,પબ્લિક જોશે તો શું વિચારશે? મહિલાએ કહ્યું કે, પબ્લિકને કહી દેવાનું કે મારા સાહેબ હતા એટલે જવા દીધા. મહિલાએ કહ્યું કે, બહેન બહેન બોલમાં હું તારી સાહેબ છું.

ગૃહ રાજ્ય મંત્રી હર્ષ સંઘવી દક્ષિણ ગુજરાત ઉમિયા મહિલા મંડળના એક કાર્યક્રમમાં હાજર રહ્યા હતા, જ્યાં તેમણે મહિલાઓને ધોકો લઇને સોસાયટીમાં ઉતરવાની સલાહ આપી હતી. સંઘવીએ કહ્યું કે, સોસાયટીની નીચે અને ગલીના નુક્કડ પર ઘણા લોકો ભેગા થઇને મોટી મોટી ફેંકતા હોય છે અને સાથે પાનની કે માવાની પિચકારી મારીને સોસાયટીને ગંદી કરતા હોય છે.

 હર્ષ સંઘવીએ કહ્યું કે, જો આ અટકાવવું હોય તો બહેનોએ ધોકો લઇને નીચે ઉતરવું એટલે પાન-પિચકારી બંધ થઇ જશે અને ભાઇઓ વહેલા ઘરે આવતા થઇ જશે. ધીમે ધીમે માવા-ગુટકાની આદત પણ છુટી જશે.

સંઘવીએ કહ્ય કે, બાળકોને મોબાઇલથી છુટકારો આપવો હોય તો તેમને અડધો- પોણો કલાક રમવા માટે લઇ જાઓ.

ઉત્તરાયણ ગુજરાતનો સૌથી મોટો તહેવાર માનવમાં આવે છે અને કેન્દ્રીય ગૃહ મંત્રી અમિત શાહ ગુજરાતના છે એટલ ઉત્તરાયણના પર્વમાં 3 દિવસની મુલાકાતે આવી રહ્યા છે.14 જાન્યુઆરીથી 16 જાન્યુઆરી સુધી અમિત શાહના કાર્યક્રમો છે. ઉત્તરાયણ વખતે મોટેભાગે અમિત શાહ ગુજરાત આવતા હોય છે.

અમિત શાહ 13 જાન્યુઆરી સાંજે અમદાવાદ આવી પહોંચશે. 14 જાન્યુઆરી તેમના સંસદીય વિસ્તારોમાં ભાજપના કાર્યકરો અને નેતાઓ સાથે પતંગની મજા માણશે. એ પછી ઘોટલોડીયામાં પોલીસ સ્ટેશનું ઉદઘાટન અને આવાસ વિતરણના કાર્યક્રમમાં હાજરી આપશે.

15 જાન્યુઆરીએ અમિત શાહ કડી, માણસામાં સરકારી કાર્યક્રમોમાં હાજરી આપશે. 16 જાન્યુઆરીએ પ્રધાનમંત્રી નરેન્દ્ર મોદી વડનગરની જે શાળામાં ભણ્યા હતા ત્યાં પ્રેરણા સંકુલનું ઉદઘાટન કરશે.

 પછી દિલ્હી જવા રવાના થશે.

અમદાવાદની એક શાળામાંથી આઘાતજનક અને ચોંકાવનારા સમાચાર સામે આવ્યા છે. એક 8 વર્ષની વિદ્યાર્થીની શાળામાં આવી, ચેર પર બેઠી અને થોડી જ વારમાં ઢળી પડી. ત્રીજા ધોરણમાં ભણતી આ દીકરીને હોસ્પિટલમાં દાખલ કરવામાં આવી, પરંતુ તબીબો જીવ બચાવી શક્યો નહીં.

 અમદાવાદના થલતેજ વિસ્તારમાં આવેલી ઝેબર સ્કુલમાં ત્રીજા ધોરણમાં ભણતી ગાર્ગી તુષારભાઇ રાણપરા શુક્રવારે શાળાએ આવી તે સીડી ચઢીને થાકી ગઇ હતી અને ખુરશી પર બેઠી પછી ઢળી પડી. તબીબોએ પ્રાથમિક રીતે કાર્ડિયાક અરેસ્ટથી મોત થયું હોવાનું કારણ આપ્યું છે. જો કે પોસ્ટમોર્મટ રિપોર્ટ આવશે પછી મોતનું સાચું કારણ સામે આવશે.

ગાર્ગી અમદાવાદમાં તેના દાદા-દાદી સાથે રહેતી હતી તેના માતા-પિતા મુંબઇ રહે છે.

ઉત્તરાયણને હવે 3 દિવસની વાર છે અને ગુજરાતનો આ સૌથી મોટો પર્વ માનવામાં આવે છે. ગુજરાત હાઇકોર્ટે શુક્રવારે એક મોટો નિર્ણય લીધો છે. હાઇકોર્ટે રાજ્યભરમાં કાચ પાયેલા દોરા પર તાત્કાલિક અસરથી પ્રતિબંધ મુકી દીધો છે.

ગુજરાતમાં ચાઇનીઝ દોરો, નાયલોન દોરા પર પ્રતિબંધ છે જ, પરંતુ હવે કાચથી ઘસેલા દોરા પર પણ પ્રતિબંધ મુકી દેવામાં આવ્યો છે.

ગુજરાત સરકારે કોર્ટને ખાત્રી આપી છે કે 11 તારીખથી 15 જાન્યુઆરી સુધી કડક એકશન લેવામાં આવશે

ચાઇનીઝ, નાયલોન જેવા દોરા  અનેક વખત ઘાતક સાબિત થયા છે અને લોકોના ગળા કપાઇ જવાના અને મોતના બનાવો બનતા હોય છે. પશુ-પક્ષીઓના પણ દોરાને કારણે મોત થાય છે.

લોકોની સુરક્ષાને ધ્યાનમાં રાખીને હાઇકોર્ટે નિર્ણય લીધો છે.

ગુજરાતમાં પોન્ઝી સ્કીમ ચલાવીને 6000 કરોડનું કૌભાંડ કરનાર ભાજપના કાર્યકર ભૂપેન્દ્રસિંહ ઝાલાની ધરપકડ પછી ઘણી ચોંકાવનારી વાત સામે આવી છે. ઝાલાના પોન્ઝી સ્કીમના કૌભાંડનો આંકડો 422 કરોડ રૂપિયા પર પહોંચ્યો છે.

CID ક્રાઇમ બ્રાન્ચે ધરપકડ કરી પછી આ કેસ આર્થિક અપરાધ નિવારણ શાખાને સોંપાયો છે. પોલીસને આખો કેસ ઉકેલવમાં મુંઝવણ ઉભી થઇ છે અને તેના માટે C.Aની ટીમ બેસાડવામાં આવી છે. ઝાલાએ 5 બેંકોમાં 20 ખાતા જુદા જુદા નામે ખોલાવ્યા છે અને આ બધા ખાતાઓમાં તે રકમની હેરાફેરી કરતો રહેતો હતો. મલ્ટી લેવલ માર્કેટીંગ ચેઇનની જેમ એણે સ્કીમ બનાવી હતી. પહેલી વ્યકિત બીજાને ગ્રાહક બનાવે તો કમિશન મળે એ રીતે બધાને લાલચ આપતો હતો.

દેશમાં અત્યારે હિમવર્ષા, કરા અને કમોસમી વરસાદને કારણે જનજીવન પર તો અસર પડી છે, પરંતુ ખેડુતોની ચિંતા વધારી દીધી છે. જમ્મુ-કાશ્મીર, હિમાચલ પ્રદેશ અને ઉત્તરાખંડના પર્વતીય વિસ્તારોમાં ભારે હિમવર્ષા જોવા મળી રહી છે. ત્યાંના બર્ફીલા પવનો ગુજરાત તરફ આવી રહ્યા હોવાથી ગુજરાત ઠંડીમાં ઠુંઠવાય રહ્યું છે. માઉન્ટ આબુમાં માઇનસ 4 ડીગ્રી તાપમાન પહોંચી ગયું છે અને સહેલાણીઓ ઠંડીની મજા માણવા આબુ ઉપડી રહ્યા છે.

ગુજરાતના હવામાનના જાણકાર અંબાલાલ પટેલે કહ્યું છે કે, ગુજરાતમાં ફરી 4 જાન્યુઆરીથી કાતિલ ઠંડી શરૂ થશે. ઉપરાંત 13 જાન્યુઆરી અને 18થી 19 જાન્યુઆરીમાં ગુજરાતમાં કેટલાંક વિસ્તારોમાં કમોસમી વરસાદ પડશે.

ગુજરાતમાં સૌથી ઓછું લઘુત્તમ તાપમાન નલિયામાં 5.6 ડીગ્રી નોંધાયું છે.