એક RTI પરથી એ માહિતી સામે આવી છે કે દેશમાં છેલ્લાં 5 વર્ષમાં ચાનો વપરાશ કેટલો થયો અને કયા રાજ્યમાં સૌથી વધારે વપરાશ થઇ રહ્યો છે.

2019થી 2023 સુધીમાં ભારતમાં 579 કરોડ કિલો ચાનો વપરાશ થયો છે એટલે કે 5 વર્ષમાં કુલ 28,000 કરોડ રૂપિયાની ચા પીવાઇ ગઇ છે. વર્ષની ગણતરી કરીએ તો લગભગ 5.50 હજાર કરોડની ચા દેશમાં પીવાઇ રહી છે.

ચાનો સૌથી વધારે વપરાશ મહારાષ્ટ્રમાં થાય છે. એક વર્ષમાં 13.9 કરોડ કિલો, બીજા નંબરે ઉત્તર પ્રદેશ જયાં વર્ષમાં 12.5 કરોડ કિલો અને ગુજરાત ત્રીજા નંબર પર છે જયાં 10.1 કરોડ કિલો ચાનો વપરાશ થાય છે. ચોથા નંબરે મધ્ય પ્રદેશ છે જયા 8.9 કરોડ કિલો અને પશ્ચિમ બંગાળ 5મા નંબરે જયા 8.7 કરોડ કિલો ચાની ખપત થાય છે.

જાણીતા યોગ ગુરુ બાબા રામદેવની કંપની પતંજલિ ફૂડ્સની મુશ્કેલી વધી છે.ફુડ સેફ્ટી એન્ડ સ્ટાન્ડર્ડ ઓથોરિટીઓફ ઇન્ડિયાએ કંપનીની પ્રોડક્ટસ રેડ ચીલી પાવડરનો આખો બેચ બજારમાંથી પાછો ખેંચી લેવાનો આદેશ આપ્યો છે.

કંપનીએ આ બાબતે શેરબજારોને જાણ કરી છે કે કંપનીને ઓથોરિટી તરફથી 16 જાન્યુઆરીએ આદેશ મળ્યો હતો એ પછી દેશભરના સ્ટોર્સમાંથી રેડ ચીલી પાવડર પાછો મંગાવવામાં આવી રહ્યો છે અને ગ્રાહકોને પણ જાણ કરી દેવામાં આવી છે. કંપનીએ કહ્યું કે, કુલ 4 ટન રેડ ચીલી પાવડર પાછો ખેંછી લેવાશે.

રેડ ચીલી પાવડરમાં જે માત્રામાં પેસ્ટિસાઇઝડનો ઉપયોગ થવો જોઇતો હતો તેના કરતા વધારે માત્રા જોવા મળી હતી એટલે ફુડ સેફ્ટી એન્ડ સ્ટાન્ડર્ડ ઓથોરિટી ઓફ ઇન્ડિયાએ આદેશ આપ્યો.

જો તમને હોટલોમાં ખાવાનો ચસકો હોય, મનપસંદ હોટલોમાં પનીરનો ટેસ્ટ કરતા હો તો તમારે હોસ્પિટલના બિલ ભરવા તૈયાર રહેવું પડશે. તમે જે પનીર આરોગી રહ્યા છો તે આરોગ્ય પ્રદ કે પ્રોટીનથી ભરપૂર ન પણ હોય શકે.રાજકોટમાં 800 કિલો પનીર એક ફેકટરીમાં પકડાયું જેમાં કેમિકલ મિક્સ કરવામાં આવતું હતું. નકલી પનીર ફેકટરીમાં બનતું હતું, જે મોટી મોટી હોટલોમાં સપ્લાય થતું હતું.

રાજકોટમાં ક્રાઇમ બ્રાન્ચે દરોડા પાડીને  એક ફેકટરીમાંથી 800 કિલો પનીરનો જથ્થો જપ્ત કરી લીધો છે. આ નકલી પનીરમાં દુધનો વાસી પાવડર, એસિટીક એસિડ અને હલકી કક્ષાનું પામ ઓઇલ મિક્સ કરવામાં આવતું હતું. સેમ્પલને વડોદરા એક લેબમાં ટેસ્ટ માટે મોકલાયું હતું , જેમાં અખાધ હોવાનું અને આરોગ્ય માટે હાનિકારક જણાયું હતું.

તમિલનાડુના એક પાણીપુરી વાળાની આવક અને GSTની નોટીસ ઇન્ટરનેટ પર ધૂમ મચાવી રહી છે. આ પાણીપુરી વાળો વર્ષે દિવસે 40 લાખ રૂપિયાની કમાણી કરતો હતો અને તમને જાણીને  નવાઇ લાગશે કે 40 લાખ રૂપિયાની રકમ તેણે માત્ર UPI ઓનલાઇન પેમેન્ટ સીસ્ટમ દ્રારા મેળવી હતી. મતલબ કે જે ગ્રાહકો રોકડેથી પાણીપુરી ખાધી તે આવક અલગ. વર્ષે 40 લાખ એટલે મહિને 3 લાખ કરતા વધારેની રકમ થઇ.

જ્યારે GST વિભાગને 40 લાખના ઓનલાઇન પેમેન્ટની જાણકારી મળી ત્યારે આ પાણીપુરી વાળાને નોટીસ મોકલવામાં આવી છે. ઇન્ટરનેટ પર પાણીપુરી અને GST નોટીસ ચર્ચામાં છે અને યૂઝરો વસવસો વ્યકત કરી રહ્યા છે કે, કોર્પોરેટ નોકરીમાં તનતોડ મહેનત પછી અને હાઇએજ્યુકેશન મેળવ્યા પછી પણ આટલી કમાણી થતી નથી એટલે હવે પાણીપુરીનો ધંધો જ કરવા જેવો છે.

ક્વીક કોમર્સ જાયન્ટ ઝેપ્ટો, ઝોમેટો, બિસ્ટ્રો જેવી ઓનલાઇન ફુડ ડીલીવરી કંપનીઓ વચ્ચે 10 મિનિટમાં ફુડ ડિલીવરી કરવાની ર્સ્પધા જામેલી છે. પરંતુ હવે આ અલ્ટ્રા ફાસ્ટ સેવાને કારણે આરોગ્ય પર અસર થઇ રહી હોવાની ચર્ચા શરૂ થઇ છે.

ઓર્થોપેડીક સર્જન અને ન્યુટ્રીબાઇટ વેલનેસના સહ સ્થાપક મનન વોરાએ લિંકડેન પર લોકોને સમજાવ્યું છે કે,  આટલો ઝડપી ખોરાક મળે તો કેન્સરનું જોખમ 12 ટકા અને હાર્ટ એટેકનું જોખમ 10 ટકા વધી જાય છે. આવો ઝડપી ખોરાક અલ્ટ્રા પ્રોસેસથી બનાવવામાં આવે છે.

ઉપરાંત ભારતના 27. ટકા વયસ્કને મોટાપાનું જોખમ ઉભું થઇ શકે છે. સુગર અને ડાયાબિટીસનું પ્રમાણ પણ વધી શકે છે.

આવા ફુડાં ટ્રાન્સ ચરબીનું પ્રમાણ ઉચ્ચ સ્તરે હોય છે એટલે હાર્ટ એટેકની શક્યતા વધી જાય છે.

ઉત્તર પ્રદેશના બુલંદ શહેરમાં ફુડ સેફ્ટી એન્ડ સ્ટાનડર્ડ ઓથોરિટી ઓફ ઇન્ડિયાના અધિકારીઓએ પોલીસને સાથે રાખીને એક વેપારીને ત્યાં દરોડા પાડ્યો તો અધિકારીઓ જોઇને ચોંકી ઉઠ્યા હતા. આ વેપારી 1 લીટર કેમિકલનો ઉપયોગ કરીને 500 લીટર સિન્થેટીક દુધ બનાવીને વેચતો હતો અને આ કામ એ 20 વર્ષથી કરતો આવ્યો છે.

અસલી દુધનો સ્વાદ આવે તેના માટે કૃત્રિમ મિઠાઇ અને કેમિકલ સાથે સ્વાદ મિશ્રણ કરતો હતો. વેપારીનું નામ અજય અગ્રવાલ છે અને અધિકારીઓએ કોસ્ટીક પોટાશ,છાશ પાવડર, સોર્બીટોલ, મિલ્ક પરમીટ પાવડર, રિફાઇન્ડ સોયા ફેટ જપ્ત કર્યું હતું જે અગ્રવાલ દુધમાં ભેળવતો હતો.

સોશિયલ મીડિયા પર આનો વીડિયો પણ વાયરલ થઇ રહ્યો છે. એકદમ સરળતાથી સિન્થેટીક દુધ બની જાય છે.ત્યારે સવાલ એ થાય છે કે ચાની લારીઓ પર લાખોલોકો ચા પીવે છે તો  સિન્થેટીક દુધનો ઉપયોગ થતો ન હોય એની શું ખાત્રી?

આજે દુનિયાભરમાં બીકાજી પેક્ડ ફુડ બ્રાન્ડ ફેમસ છે અને આ બ્રાન્ડ 8 ધોરણ ભણેલા માણસે ઉભી કરી છે. આજે આ કંપનીની વેલ્યુએશન 21000 કરોડ રૂપિયા પર પહોંચી ગઇ છે.બીકાજી બ્રાન્ડના માલિકનું નામ શિવરતન અગ્રવાલ છે અને 1986માં તેમણે બિકાનેરથી ભુજિયાની શરૂઆત કરી હતી.

શિવરતન અગ્રવાલ જાણીતી ફુડ બ્રાન્ડ હલ્દીરામના પૌત્ર થાય છે. જ્યારે હલ્દીરામે પરિવારમાં બિઝનેસ વ્હેંચી દીધો ત્યારે એક હિસ્સો હલ્દીરામના પુત્ર મુલચંદ અગ્રવાલને મળ્યો હતો. મુલચંદને 4 પુત્રો છે. શિવકિશન,મનોહર લાલ, મધુ અગ્રવાલ અને શિવરતન. આ ચારેય ભાઇઓ તેમની બહેન સરસ્વતી સાથે મળીને હલ્દીરામનો બિઝનેસ આગળ વધારતા હતા.

શિવરતને હલ્દીરામ છોડીને પોતાનો નવેસરથી બિઝનેસ સ્ટાર્ટ કર્યો અને બિકાનેર આવ્યા હતા. તેમણે બિકાનેરની સ્થાપના કરનાર બીકાના નામ પરથી પોતાની બ્રાન્ડનું નામ બીકાજી રાખ્યુ હતું.

આવતીકાલે,11 ઓકટોબરે દશેરો છે અને દશેરાના દિવસે ફાફડા અને જલેબીની જયાફત ઉડાવવાની ગુજરાતમાં વર્ષોથી પંરપરા છે. દશેરોના દિવસે ગુજરાતના લોકો કરોડો રૂપિયાના ફાફડા-જલેબી ઝાપટી જાય છે.

આ વખતે ફાફડા અને જલેબીના ભાવમાં 100 રૂપિયાનો વધારો થયો છે. સૌથી વધારે ફાફડા જલેબી અમદાવાદના લોકો ખાય છે એ પછી સુરતમાં પણ લોકો ફાફડા જલેબી માટે લાઇન લગાવી દે છે. એક અંદાજ મુજબ આખા ગુજરાતમાં 1 લાખ જેટલા ફાફડા અને જલેબીનું વેચાણ થશે એટલે અંદાજે 8થી 10 કરોડ રૂપિયાના ફાફડા-જલેબી એક જ દિવસમાં ખવાઇ જશે.

દશેરાના દિવસે ફાફડા જલેબી ખાવા પાછળનું કારણ એવું છે કે ભગવાનને રામને શશકુલી નામની મિઠાઇ બહુ ભાવતી હતી જેને આજે જલેબી કહેવામાં આવે છે. સમય જતા મિઠાઇને સાથે તીખી આઇટમ તરીકે ફાફડા પણ જોડાઇ ગયા.

બીજું એક કારણ એ છે કે સપ્ટેબર- ઓક્ટોબર મહિનામાં બેવડી  સિઝન હોવાને કારણે ઘણા લોકોને માઇગ્રેનનો અનુભવ થતો હોય છે. શરીરમાં સિરોટોરીન નામનું તત્વ ઓછું થઇ જાય છે અને જલેબીમાં ટિરામાઇનનું તત્વ હોય છે જે સિરોટોરીને અંકુશમાં રાખે છે, જલેબી ખાવાથી માઇગ્રેનમાં રાહત મળે છે એવું માનવામાં આવે છે.

ગુજરાતમાં છેલ્લાં કેટલાંક મહિનાઓથી ચિંતાજનક હદે વાનગીઓમાં મરેલી વસ્તુઓ મળી રહી છે. હવે અમદવાદના વસ્ત્રાપુર વિસ્તારમાં આવેલી ફાઇવ સ્ટાર હોટલમાં સંભારમાંથી મરેલો વાંદો નિકળ્યો છે. અમદાવાદ મ્યુનિસિપલ કોર્પોરેશને એક્શન લીધા છે.

 અમદાવાદની હયાત હોટલમાં એક કંપનીનો જમણવારનો કાર્યક્રમ હતો. હયાત હોટલમાં રચી હોસ્પીટાલિટી પ્રાઇવેટ લિમિટેડને ફુડ કોન્ટ્રાક્ટ આપવામાં આવ્યો છે. આક વ્યક્તિના સંભારમાંથી મરેલો વાંધો નિકળતા ભારે હોબાળો મચી ગયો. શેફે કહ્યુ કે, આવું તો બનતું રહે.

અમદાવાદ મ્યુનિસપલ કોર્પોરેશનના અધિકારી ડો. ભાવિન જોશીએ કહ્યું કે, હયાત હોટલના ખાવાનામાં વાંદો નિકળ્યો હોવાની ફરિયાદને આધારે તાત્કાલિક તપાસ કરીને હયાત હોટલના રસોડાને સીલ મારી દીધું છે.

ખાવાનામાંથી નિકળતી વસ્તુઓને કારણે લોકોમાં ચિંતા વધી છે.

બિગબોસ OTT સિઝન-3માં સામેલ થયેલી દિલ્હીની વડા પાવ ગર્લ નામથી જાણીતી ચંદ્રિકા દિક્ષીતે શોમાં સ્પષ્ટતા કરી કે તે વડા પાવના બિઝનેસમાં રોજના 40,000 રૂપિયાની કમાણી કરે છે. મતલબ કે મહિને તે 12 લાખ રૂપિયાની કમાણી કરે છે.

દિલ્હીના સૈનિક વિહાર વિસ્તારમાં વર્ષ 2022માં વડા પાવની લારી શરૂ કરનાર ચંદ્રિકા દિક્ષીતની જિંદગીમાં અનેક સંઘર્ષો આવ્યા. ઇંદોરમાં રહેતી ચંદ્રિકાએ નાનપણમાં જ તેણીએ માતા-પિતાની છત્ર છાયા ગુમાવી દીધી હતી અને નાનીના ઘરમાં રહીને મોટી થઇ.

આજીવિકા માટે દિલ્હી આવી હતી અને હલ્દીરામમાં નોકરી કરતી હતી એ પછી યુગમ નામના યુવાન સાથે તેના લગ્ન થયા. એક વર્ષનો દીકરા રૂદ્રાક્ષને જ્યારે ડેંગ્યું થયો ત્યારે પતિ-પત્ની બંનેએ નોકરી છોડીને દિલ્હીમાં વડા પાવની લારી શરૂ કરી હતી. એક બ્લોગરના વીડિયોને કારણે ચંદ્રિકા રાતોરાત ફેમસ થઇ ગઇ અને તેની લારી પર લાઇનો લાગવા માંડી. એ પછી ચંદ્રિકાએ 70 લાખ રૂપિયાની કાર ખરીદી અને પિતમપરા વિસ્તારમાં પોતાની વડા પાની દુકાન પણ શરૂ કરી.

ચંદીગઢના એક યુવાને આઇટીની લાખો રૂપિયાની નોકરી છોડીને પિઝાનું એક નાનકડુ આઉટલેટ શરૂ કર્યુ હતું, આજે આ યુવાનની દેશમાં 600 ફ્રેન્ચાઇઝી છે અને વર્ષે દિવસે 1,000 કરોડ રૂપિયાનું ટર્નઓવર કરે છે.

એમનું નામ છે સનમ કપુર. વર્ષ 2011માં સનમ કપુરે આઇટીની જોબ છોડીને ચંદીગઢમાં 120 સ્કેવર ફુટની નાનકડી જગ્યામાં પિઝા વેચવાનું શરૂ કર્યું હતું અને તે વખતે પીનોછીઓ પિઝા એવું નામ રાખેલું. એ સનમ કપુરે બાકીની કંપનીઓથી અલગ કરવા માટે આખા પિઝાને બદલે સ્લાઇઝ વેચવાનું શરૂ કર્યું અને એ પછી દેશી વાનગીઓની ફલેવર ઉમેરી. જૈન પિઝા પણ શરૂ કર્યા. આ પછી સનમ કપુરે નામ બદલીને લા – પિનોઝ પિઝા નામ રાખ્યું. સનમ કપુરની લા-પિનોઝ પિઝા નામથી 600 ફ્રેન્ચાઇઝી છે અને વર્ષે દિવસે 1,000 કરોડ રૂપિયાનું ટર્નઓવર કરે છે.

એશિયન ફૂડ સર્વ કરતી મુરાકામી એન્ડ કું. રેસ્ટોરન્ટનો ઉમેરો થયો છે. ઉધના મગદલ્લા રોડ ખાતે વેનેઝિઓનો બિઝનેસ ખાતે રેસ્ટોરન્ટનું ઇનોગ્રેશન થયું છે. આ પ્રસંગે મુરાકામી એન્ડ કું. રેસ્ટોરન્ટના મંથન જોશીએ જણાવ્યું હતું કે મુરાકામી એન્ડ કુ. રેસ્ટોરન્ટ એ પ્રોગેસિવ પેન એશિયન રેસ્ટોરન્ટ છે. જેમાં એશિયન ક્યુઝન એટલે કે જાપાનથી લઈને બર્મા, થાઇલેન્ડ, મલેશિયા, ચાઇના, ઇન્ડિયા, ભૂતનીયન આ સમગ્ર કોસ્ટલ એરિયાનું ફૂડ અને તે પણ પ્યોર વેજ ફૂડ મળશે. વિશેષ બાબત એ છે કે આ તમામ ફૂડ ઓથેંટિક છે અને 57 જેટલી વિવિધ એશિયન વાનગીઓ અહીં ગ્રાહકોને મળશે. સાથે ડેઝર્ટ, મોકટેલ અને કોફી પણ ઉપલબ્ધ છે. આ તમામ વાનગીઓમાં એશિયન સ્વાદ મળશે. મુરાકામી એન્ડ કુ. એટલે મુરાકામીનો અર્થ જોઈએ તો આ નામ જાપાનીઝ રાઈટર હરોકી મુરાકામીના નામથી પ્રેરિત છે. બીજું જોઈએ તો એશિયન પરિવારોમાં આ એક કોમન સરનેમ છે. જેનો મતલબ ગામનો પ્રમુખ એમ થાય છે.

વધુમાં આ રેસ્ટોરન્ટની ખાસિયત એ છે કે આ રેસ્ટોરન્ટ માસ્ટર શેફ અજય ચોપરા દ્વારા ડિઝાઇન કરવામાં આવી છે. એટલે કે મેનુથી માંડીને સ્ટાફને તેમના દ્વારા તૈયાર કરવામાં આવ્યા છે. માસ્ટર શેફ અજય ચોપરા છેલ્લા 28 વર્ષથી આ ઇન્ડસ્ટ્રીમાં સક્રિય છે. તેઓએ રાષ્ટ્રીય અને આંતરરાષ્ટ્રીય સ્તરે પોતાના અનેક રેસ્ટોરન્ટ ડિઝાઇન કર્યા છે. ત્યારે સુરતને એક ફાઈવ સ્ટાર સંપત્તિ આપવા માટે આ રેસ્ટોરન્ટ શરૂ કરવામાં આવી છે. ખાસ બાબત એ છે કે અહીં જ રો કિચન છે એટલે તમામ વાનગીઓનો મસાલો અહીં જ તૈયાર કરવામાં આવે છે. સ્વચ્છતાના મામલે પણ રેસ્ટોરન્ટ ખાસ ધ્યાન રાખે છે તમામ વાનગીઓ આરઓ પાણીથી જ બનવવામાં આવે છે. ત્યારે અહીં આવનારને ચોક્કસ જ ફાઇવ સ્ટાર ફેસિલિટીનો અનુભવ થશે એ નિશ્ચિત છે.