કલ્પના કરો કે તમારી રજા મંજૂર થયા બાદ, તમે ખુશી-ખુશીથી વિદેશ પ્રવાસ માટે એરપોર્ટ પર પહોંચો છો, પરંતુ તમારા બોસ તરફથી મેસેજ મળે છે કે, ‘રજા કેન્સલ, ઓફિસ આવો!’ તમારી પહેલી પ્રતિક્રિયા શું હશે? સ્વાભાવિક રીતે તમારો મૂડ બગડી જશે. એ વિચારીને મગજની કઢી થઈ જશે કે, હવે શું કરવાનું? Gen-Z કર્મચારી સાથે પણ કંઈક આવું જ બન્યું. ચૂપચાપ બધું સહન કરવાને બદલે, તેણે તેના રિપોર્ટિંગ મેનેજરને એટલો જોરદાર જવાબ આપ્યો કે ઓનલાઈન લોકો હવે તેની બહાદુરીના દીવાના થઈ ગયા છે.

આ ઘટના સિમરન નામની એક કર્મચારીની છે, જે તેની વિયેતનામ યાત્રા માટે એરપોર્ટ પર તેની ફ્લાઇટની રાહ જોઈ રહી હતી. તે ખુશ હતી કે તેની રજા મંજૂર થઈ ગઈ છે. બધું બરાબર ચાલી રહ્યું હતું, પરંતુ બોર્ડિંગ કરતા પહેલા ઓફિસના વોટ્સએપ ગ્રુપ પર એક મેસેજ આવ્યો જેમાં કહેવામાં આવ્યું હતું કે એક મહત્ત્વપૂર્ણ પ્રોજેક્ટને કારણે તેની રજા અચાનક રદ કરવામાં આવી છે, અને તેણે ઓફિસ આવવું પડશે.

https://twitter.com/NewsAlgebraIND/status/2026838627204886642?s=20

પછી શું હતું? સિમરનનું મગજ ગરમ થઈ ગયું. તેણે એરપોર્ટ પરથી એક વીડિયો બનાવ્યો અને તેના બોસ પર પ્રહાર કર્યો. તેણે કહ્યું કે, ‘અરે પાગલ માણસ હું આ વખતે એરપોર્ટ પર આવી ગઈ છું મિત્રો સાથે. જો સવારે કહેતો તો આવી જતી, હું એટલે કમાતી નથી કે હું મારા કામને ખૂબ પ્રેમ કરું છું. પરંતુ એટલા માટે કમાઉં છું કે, હું એ પૈસાથી ફરી શકું અને પોતાની ફ્રીડમ એંન્જોઈ કરી શકું.’

તેણે કહ્યું કે, ‘મારી રજા મંજૂર થઈ ગઈ છે, અને હવે હું 10 દિવસ પછી મારા લેપટોપને ઓન કરીશ. કંપનીની ઈમરજન્સી મારી અંગત લાઈફથી વધુ મોટી નથી. મને મારી નોકરીની ચિંતા નથી. વધારેમાં વધારે શું થશે? બીજી મળી જશે. મેનેજર છે મેનેજર બનીને રહે. હું તો જઈ રહી છું. મને કોઈ ફરક પડતો નથી.’

ઘણા યુઝર્સનું કહેવું છે કે Gen-Z જિદ્દી નથી, પરંતુ એકપક્ષીય નિર્ણય સ્વીકારવાનો ઇનકાર કરે છે. એક યુઝરે ટિપ્પણી કરી કે, ‘છેલ્લી ઘડીએ કોઈની રજા રદ કરવી એ આયોજનના અભાવની નિશાની છે. જો કોઈ મહત્ત્વપૂર્ણ પ્રોજેક્ટ હતો, તો મેનેજરને તેના વિશે જાણ હોવી જોઈએ. આ તેની નિષ્ફળતા છે.’

બાગેશ્વર ધામનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં એક નાનો બાળક સ્ટેજ પર આવે છે અને પંડિત ધીરેન્દ્ર શાસ્ત્રીને કંઈક એવું કહે છે કે આખું પંડાલ હાસ્યથી ગુંજી ઉઠે છે. બાળક તેના તોતળા અવાજમાં પૂછે છે કે, ‘તમારી પાસે હનુમાનજી રહે છે?’ ધીરેન્દ્ર શાસ્ત્રી ‘હાx’ પાડે છે, તરત જ બાળક કહે છે, ‘બોલાવી લાવો ને, મારે મળવું છે.’ બાળકની નિર્દોષ માંગણી સાંભળીને લોકો હસ્યા વગર ન રહી શક્યા.

આ જ બાળકનો બીજો એક વીડિયો પણ વાયરલ થઈ રહ્યો છે, જેમાં તે ધીરેન્દ્ર શાસ્ત્રીને તેના પિતાની ફરિયાદ કરતો જોવા મળે છે. બાળક કહે છે કે, ‘મારા પિતા ખૂબ ગંદા છે, ખૂબ ઝઘડો કરે છે, મને ખવડાવતા નથી અને આખો દિવસ ફોન ચલાવતા રહે છે.’ આ સાંભળીને, ધીરેન્દ્ર શાસ્ત્રી હસીને પૂછે છે, ‘દીકરા, તું કોની ફરિયાદ કરી રહ્યો છે?’ બાળક નિર્દોષતાથી જવાબ આપે છે- ‘પપ્પા.’

https://twitter.com/priyarajputlive/status/2013087675910394184?s=20

ધીરેન્દ્ર શાસ્ત્રી બાળકને કહે છે, ‘માઈકથી તારા પિતાને બોલાવ.’ બાળક મોટેથી જવાબ આપે છે, ‘પપ્પા, આવો.’ જ્યારે પિતા દેખાતા નથી, ત્યારે ધીરેન્દ્ર શાસ્ત્રી મજાકમાં પૂછે છે, ‘તારા પિતા ક્યાં છે?’ ત્યારબાદ હાસ્યનો માહોલ વધી જાય છે. અંતે, બાળકના પિતા સ્ટેજ પર આવે છે, અને ધીરેન્દ્ર શાસ્ત્રી મજાક મજાકમાં તેનો ક્લાસ લઈ લે છે.

https://www.instagram.com/reel/DTpJ-YGk6Ht/?utm_source=ig_web_copy_link

શું તમે ક્યારેય પેન્સિલથી ઘરની દિવાલમાં કાણું પડતું જોયું છે? જો નહીં, તો એક શખ્સે ઉત્તર પ્રદેશના નોઈડામાં એક બહુમાળી એપાર્ટમેન્ટમાં આવું જ કર્યું છે. આ કોઈ સામાન્ય એપાર્ટમેન્ટ નથી, પરંતુ તેની કિંમત લગભગ 1.5 કરોડ રૂપિયા હોવાનું કહેવામાં આવી રહ્યું છે. એક ઇન્સ્ટાગ્રામ વીડિયોમાં આ શખ્સે દિવાલ પર પેન્સિલ મૂકી અને તેના પર હથોડી મારીને કાણું કરી દીધું.

વીડિયોમાં પેન્સિલથી જ કાણું પડતું દેખાઈ રહ્યું છે, પાવર ડ્રિલથી નહીં. આ વીડિયો હવે સોશિયલ મીડિયા પર વાયરલ થઈ રહ્યો છે. વીડિયોમાં દેખાતો શખ્સ દાવો કરે છે કે એપાર્ટમેન્ટ એટલો નબળો બન્યો છે કે પેન્સિલથી પણ કાણું થઈ જાય છે. ઘણા લોકો પોતાના જિંદગીની મહેનતના પૈસા ઘર ખરીદવા માટે ખર્ચ કરે છે. નોઈડા જેવા શહેરોમાં લક્ઝરી એપાર્ટમેન્ટની કિંમતનું તો શું કહેવાનું? પરંતુ જ્યારે આ કથિત 1.5 કરોડ રૂપિયાના એપાર્ટમેન્ટનો વીડિયો વાયરલ થયો, તો પછી ઇન્ટરનેટ પર હોબાળો મચવાનો જ હતો. લોકો આ વીડિયો પર જાત-જાતની પ્રતિક્રિયા આપી રહ્યા છે.

https://www.instagram.com/reel/DQzIKd1khwp/?utm_source=ig_web_copy_link&igsh=NTc4MTIwNjQ2YQ==

આ વીડિયોને ઇન્સ્ટાગ્રામ પર @kabeer.unfiltered નામના એકાઉન્ટ પર શેર કરવામાં આવ્યો છે.  તેને જોઈને ઇન્સ્ટગ્રામ પર મોંઘા હાઉસિંગ પ્રોજેક્ટ્સમાં વપરાતી સામગ્રીની ગુણવત્તા પર બહેસ શરૂ થઈ ગઈ છે. ત્યારબાદ વીડિયોમાં એક 'સ્ક્રુ' પર ચર્ચા શરૂ થઈ. કેટલાક યુઝર્સ નોલેજ અને દાવા સાથે આવ્યા કે આ સામાન્ય ઘરની દિવાલો નથી, પરંતુ ઓટોક્લેવ્ડ એરેટેડ કોંક્રિટ (AAC) બ્લોક્સથી બનેલી દિવાલો છે.

હનીશ યાદવ નામના યુઝરે વીડિયો પર કોમેન્ટ કરી કે, 'ભાઈ સ્પષ્ટપણે દેખાય છે કે તમારા મકાનમાં ખર્ચ ઘટાડવા માટે ઇંટોને બદલે AAC બ્લોક્સનો ઉપયોગ કરવામાં આવ્યો છે. જે ખોટું નથી, જો તેનો ઉપયોગ માત્ર પાર્ટિશન દિવાલો માટે કરવામાં આવ્યું છે, તો તે ખોટું નથી, પરંતુ તેનો ઉપયોગ લોડ-બેરિંગ દિવાલો પર ન થવો જોઈએ. તેનાથી તમારું ઘર નબળું થઈ જતું. તેના જેટલા નુકસાન છે, તેનાથી ફાયદા થોડા વધુ છે. ગૂગલ કરી લેજો...હા, ડ્રિલ જરા કાળજીપૂર્વક કરજો એટલે કે ખીલાને ફિક્સ કરવા માટે સિલિકોન અથવા સફેદ સિમેન્ટનો ઉપયોગ કરવો પડશે. તો જો આવું હોય, તો શાંત રહો.'

@runner_pahadi નામના એકાઉન્ટ યુઝરે લખ્યું કે, 'આટલા નબળા ઈન્ફ્રાસ્ટ્રક્ચર પર લગભગ એક કરોડ રૂપિયાનું રોકાણ કર્યા બાદ છેતરપિંડી થવાથી ખૂબ ખરાબ લાગે છે. હર્ષ દીવાન (@__12.10.am) નામના યુઝરે લખ્યું કે, 'ભાઈ, ભૂકંપ આવે ત્યારે તમારી સુરક્ષા માટે તમારા માથા પર બે પેન્સિલ મૂકી લેજો. આ દરમિયાન, ઇન્સ્ટાગ્રામ પર યુઝર, @the_mbishtએ એક જબરદસ્ત દાવો કરતા લખ્યું કે, 'આ અમેરિકન ટેક્નોલોજીની બિલ્ડિંગ છે.'

એક સારી એવી નોકરી છોડીને નવા પ્લાન પર કામ કરવું પડકારજનક કામ છે. એવામાં પરિવારથી લઈને સમાજ સુધી કોઈ પણ તમને પડકારજનક સમયમાં સાથ આપતું નથી. હાં, પરિવારજનોને જરૂર તમારા પ્રત્યે સહાનુભૂતિ હોય શકે છે, પરંતુ તમારે નક્કી કરેલા પસંદ કરાયેલા માર્ગ પર ચાલવું પડશે.

X પર એક વ્યક્તિએ પોતાના મિત્રના આવા જ નિર્ણય બાબતે જણાવતા પોસ્ટ લખી છે, જે Reddit પર પણ વાયરલ થઈ ગઈ. એક શખ્સના મિત્ર પોતાની 25 લાખની નોકરી છોડીને બજારમાં રોકાણ કરતા પહેલા મોટું ચિત્ર જોવા માટે ડિલિવરી બોય બન્યો છે. માતા-પિતાની નારાજગી અને તેના મિત્રોના ટોણા પણ તેને ન રોકી શક્યા.

25 લાખની નોકરી છોડનાર મિત્ર બાબતે જણાવતા @original_ngv નામનો X યુઝર લખે છે કે, ‘હું મજાક કરી રહ્યો નથી, આ સાચું છે. મારા મિત્રના માતા-પિતા રડી રહ્યા હતા અને તેમણે મને તેને સમજાવવા કહ્યું. તેના આગામી વર્ષે લગ્ન થવાના છે અને તેણે તાજેતરમાં એક કાર પણ ખરીદી હતી.

https://twitter.com/original_ngv/status/1996134783592927286?s=20

એ વ્યક્તિ જણાવે છે કે, જ્યારે મેં તેની સાથે વાત કરી, ત્યારે કારણ જાણીને ચોંકી ગયો. તે યુનિવર્સિટીની નજીક રહે છે, જ્યાં ઘણા વિદ્યાર્થીઓ અને ઓફિસ કર્મચારીઓ કામ કરે છે. તે પોતાની નોકરી છોડી રહ્યો છે કારણ કે તે 6 મહિનાના રનવે સાથે ક્લાઉડ કિચન શરૂ કરવા જઈ રહ્યો છે. પરંતુ તે લોન્ચ કરતા પહેલા મેનુ બાબતે જાણવા માગે છે. તેના માટે તે હવે થોડા અઠવાડિયા માટે ડિલિવરી બોય બન્યો છે જેથી તેના વિસ્તારમાં સૌથી લોકપ્રિય ખોરાક બાબતે જાણી શકાય. હવે તેના મનમાં 12 SKU (સ્ટોક-કીપિંગ યુનિટ) છે, જેને તે સસ્તી કિંમતે સારી માત્રામાં વેચી શકે છે. તેનું મોડેલ દર્શાવે છે કે તેને 3-4 મહિનામાં નફો મળવાનો ચાલુ થઈ શકે છે.

X યુઝર તેના મિત્રની પરિસ્થિતિનું વર્ણન કરતા લખે છે કે તેના માતા-પિતા હજુ પણ તેની વિરુદ્ધ છે અને દેખીતી રીતે તેના ઘણા મિત્રોએ તેના નિર્ણયની મજાક ઉડાવી છે. તે મને કહાનીઓ સંભળાવતો રહ્યો છે કે કેવી રીતે ગાર્ડ પણ સીડીને બદલે લિફ્ટનો ઉપયોગ કરવા બદલ તેના પર બૂમો પાડે છે, પરંતુ તે અત્યારે પણ આમ કરી રહ્યો છે, અને હું તેને 100% સપોર્ટ કરું છું. મને આશા છે કે તે તેના માટે સારું રહેશે.

આ પોસ્ટને ન માત્ર X પર, પરંતુ Reddit પર પણ સારી રીચ મળી છે. એક રેડિટ યુઝરે ટ્વીટનો સ્ક્રીનશૉટ શેર કર્યો, જેમાં સમગ્ર બાબત જણાવીને લોકોને પૂછ્યું કા, ‘શું આ એક સમજદારીભર્યું ઉદ્યોગસાહસિક પગલું છે કે બિનજરૂરી જોખમી નિર્ણય? શું તમે કોઈ મિત્રને આમ કરવામાં મદદ કરશો?’

કેટલાક યુઝર્સે આ પગલાને મૂર્ખતાપૂર્ણ હરકત ગણાવી છે અને કહી રહ્યા છે કે ઝોમેટો અને સ્વિગી જેવી કંપનીઓ વિસ્તાર મુજબ ફ્રીમાં ડેટા પ્રદાન કરે છે. આવું કરવાની કોઈ જરૂર નથી. તો કેટલાક લોકોનું કહેવું છે કે કેટલાક X યુઝર્સ આજકાલ વધુ રીચ અને વ્યૂ મેળવવા માટે કંઈપણ લખે છે, પરંતુ હવે વિશ્વાસ નથી થતો.

રેડિટ અને X યુઝર્સ આ બાબતે મિશ્ર પ્રતિક્રિયાઓ આપી રહ્યા છે. X પર પોસ્ટ 1 મિલિયન એટલે કે 10 લાખ વખત વખત જોવામાં આવી છે. એવામાં પોસ્ટ પર આવેલી કોમેન્ટની સંખ્યા પણ 550 થી વધુ છે. જ્યારે 20 હજાર યુઝર્સે તેને લાઈક પણ કરી છે. એક યુઝરે પોસ્ટ પર કોમેન્ટ કરતા લખ્યું કે, તમારા ભવિષ્યને સારું બનાવવા માટે પોતાના લાઈફટાઈમને ઓછો કરવા માટે હિંમતની જરૂર પડે છે.

અન્ય એક યુઝરે કહ્યું કે, એ વ્યક્તિને દિલથી સન્માન. બીજા એક યુઝરે લખ્યું કે, તેની બાબતે અપડેટ્સ આપતા રહેજો. મોટાભાગના યુઝર્સ પોસ્ટ પર કોમેન્ટ કરતાં ‘ઓલ ધ બેસ્ટ’ કહેતા જોવા મળે છે. તો અપડેટ આપતા  X યુઝર @original_ngvએ લખ્યું કે મારો મિત્ર એક શ્રીમંત પરિવારનો છે, તે કદાચ આ જોખમ લઈ રહ્યો છે, પરંતુ તે બીજા લોકોને આવા આવા જોખમો લેવાની સ્પષ્ટ ના પાડી રહ્યો છે.

દિવાળી એ રોશનીનો તહેવાર છે. આ દિવસે બધા લોકો પોતાના ઘરોને રંગબેરંગી રોશનીથી શણગારે છે, મીઠાઈઓ વહેંચે છે અને ફટાકડા પણ ફોડે છે. પરંતુ, હવાની ગુણવત્તા અને સ્વાસ્થ્યની ચિંતાઓને કારણે લોકો હવે ગ્રીન ફટાકડા પસંદ કરી રહ્યા છે. પરંતુ સવાલ ઊઠે છે કે શું ગ્રીન ફટાકડા ફોડવાથી ધુમાડો થતો નથી? ચાલો જાણીએ.

સામાન્ય ફટાકડામાં મોટાભાગે ભારે ધાતુઓ અને ઓક્સિડાઇઝર્સ જેમ કે બેરિયમ નાઇટ્રેટ, સીસાના સંયોજનો, લિથિયમ સાલ્ટ્સ અને બાકી પદાર્થો હોય છે, જે તેજસ્વી રંગો અને તીવ્ર પ્રભાવ પેદા કરે છે, પરંતુ તે સળગાવવામાં આવે ત્યારે ઝેરી અવશેષો પણ છોડે છે. જો કે, ગ્રીન ફટાકડામાં પોટેશિયમ નાઇટ્રેટ જેવા ઓછા પ્રદૂષણકારી ઓક્સિડાઈઝર અને એલ્યુમિનિયમ જેવા નિયંત્રિત માત્રામાં ઉપયોગ થાય છે.

ગ્રીન ફટાકડા સામાન્ય ફટાકડાની તુલનામાં હાનિકારક વાયુઓ અને કણોના દ્રવ્યને લગભગ 30 થી 35% ઓછા કરે છે. ગ્રીન ફટાકડામાં PM 2.5, PM 10 અને ધાતુનું ઓછું પ્રદૂષણ હોય છે. પરંતુ તે પૂરી રીતે પ્રદૂષણ મુક્ત નથી. એવું માનવામાં આવે છે કે ગ્રીન ફટાકડા ધુમાડો છોડતા નથી, પરંતુ આવું નથી. તે ધુમાડો છોડે છે, પરંતુ તફાવત એ છે કે ગ્રીન ફટાકડા ધૂળ નિરોધક અને પાણી છોડતા ઘટકોથી બનાવવામાં આવે છે જે નજરે પડતા ધુમાડા અને હવામાં ઉપસ્થિત ધૂળને ઓછી કરે છે.

સામાન્ય ફટાકડા ખૂબ મોટો અવાજ કરે છે, પરંતુ ગ્રીન ફટાકડા સામાન્ય ફટાકડા કરતા શાંત રહેવા માટે ડિઝાઇન કરવામાં આવ્યા છે અને  તે સામાન્ય ફટાકડાની તુલનમાં ઓછો અવાજ ઉત્પન્ન કરે છે. અસલી ગ્રીન ફટાકડામાં ઓળખ ચિહ્નો હોય છે, ખાસ કરીને CSIR-NEERI લોગો અને QR કોડ. તમે આ કોડ સ્કેન કરીને પ્રમાણિકતા ચકાસી શકો છો. ગ્રીન ફટાકડાના 3 પ્રકાર છે: સેફ પાણી છોડનારા, સેફ થર્માઇટ ફટાકડા અને સેફ મિનિમલ એલ્યુમિનિયમ. દરેક પ્રકાર પર્યાવરણને પ્રદૂષણથી બચાવવામાં મદદ કરે છે.

X પર એક પોસ્ટ આવી. પોસ્ટ કરનારે એક અજીબ તર્ક આપતા કહ્યું કે અંગ્રેજોએ ભારત પર શાસન કર્યું નહોતું અને ભારત અંગ્રેજોની કોલોની રહ્યું નથી. ફ્રીડોમેન નામનું હેન્ડલ ચલાવતા સ્ટીફન મોલિન્યૂક્સ નામના એક વ્યક્તિએ લખ્યું કે, ‘જો ભારતીય લોકો ઇંગ્લેન્ડ જઈને અંગ્રેજ બની શકે (જેમ ​​કે સ્થળાંતરના મધ્યમથી એક નવી ઓળખ અપનાવી), તો તેવી જ રીતે ભારતમાં આવેલા અંગ્રેજ લોકો પણ ભારતમાં આવ્યા અને તેઓ ભારતીય બની ગયા. આ આધારે, મોલિન્યૂક્સ તારણ કાઢે છે કે અંગ્રેજોએ ભારત પર શાસન કર્યું નહોતું, એટલે  ‘ઔપનિવેશવાદ’ જેવી કોઈ વસ્તુ નહોતી. ખાસ વાત એ રહી કે કરીને, Xના માલિક એલોન મસ્કે આ પોસ્ટ પર પ્રતિક્રિયા આપી. ભારતમાં બ્રિટીશ ઔપનિવેશવાદને નકારવાના આ પ્રયાસનો સીધો વિરોધ થવો જોઈતો હતો. જોકે, મસ્કે પોસ્ટમાં ‘થિંકિંગ’ ઇમોજી મૂકી દીધું.

મસ્કની પ્રતિક્રિયા પર સોશિયલ મીડિયા પર હોબાળો મચી ગયો. મસ્કની આ ટિપ્પણી લગભગ 2 કરોડ લોકો જોઈ ચૂક્યા છે, 150,000 લોકોએ પસંદ કરી છે અને 15,000 લોકોએ રીપોસ્ટ કરી છે. 10,000 લોકોએ મસ્કની ટિપ્પણીઓ પર સ્પષ્ટપણે સવાલ ઉઠાવ્યા છે અને તેમના પર બ્રિટિશ ઔપનિવેશવાદની ગંભીરતાને ઓછી આંકવાનો આરોપ લગાવ્યો છે, જ્યારે મોલિન્યૂક્સના મંતવ્યો ઘણીવાર વિવાદાસ્પદ હોય છે; તેમની પોસ્ટ્સમાં તેઓ જાતિવાદ અને ઔપનિવેશવાદને ઓછો આંકવાનો અને યોગ્ય ઠેરવવાનો પ્રયાસ કરે છે. અહીં પણ તેઓ ભારતમાં બ્રિટિશ ઔપનિવેશવાદને આધુનિક સ્થળાંતર સાથે જોડીને તેને યોગ્ય ઠેરવવાનો પ્રયાસ કરતા દેખાય છે.

https://twitter.com/elonmusk/status/1973713169261662663

જોકે, આ પોસ્ટ પર મસ્કના પ્રતિક્રિયાથી ભારતીયોમાં રોષ ફેલાયો છે. એલોન મસ્કની આ પોસ્ટ હવે કમ્યુનિટી ચેક થઈ ચૂકી છે. કમ્યુનિટી નોટમાં જણાવાયું છે કે, ‘બંનેની તુલના કરવી હાસ્યાસ્પદ છે. અંગ્રેજ ગેરકાયદેસર રીતે ભારતમાં આવ્યા, અહીની સંપત્તિ લૂંટી, લાખો લોકોને માર્યા, અને જ્યારે તેઓ ગયા ત્યારે ભારત સૌથી ગરીબ દેશોમાંથી એક હતો. તેનાથી વિપરીત UKમાં રહેતા ભારતીયો બ્રિટિશ સરકાર દ્વારા જાહેર કરાયેલા વિઝા પર કાયદેસર રીતે જાય છે. એક યુઝરે લખ્યું કે, ‘શ્વેત રાષ્ટ્રવાદીઓ હવે કાયદેસર ઇમિગ્રેશન અને નાગરિકતા સાથે ઔપનિવેશવાદ, લશ્કરી આક્રમણ, બળાત્કાર, લૂંટફાટ અને મૂળ નિવાસીઓના શોષણ  યોગ્ય પ્રવાસ અને નિયમો અનુસાર લીધેલી નાગરિકતા કહી રહ્યા છે. તેમનો ઉદ્દેશ્ય તેમના ઉપનિવેશિક અપરાધને છુપાવવાનો અને અપ્રવાસી લઘુમતીઓને ઔપનિવેશિક સામ્રાજ્યવાદીઓ સાથે સરખાવીને બદનામ કરવાનો છે.’

https://twitter.com/joysamcyborg/status/1973730432442151306

બીજા એક યુઝરે કહ્યું કે, ‘આ તર્કથી જ્યારે 1940માં જર્મનોએ ફ્રાન્સમાં પગ રાખ્યા ત્યારે તેઓ ફ્રાન્સીસી બની ગયા. આમ, ફ્રેન્ચોએ ફ્રાન્સ પર કબજો કર્યો. તેવી જ રીતે વર્ષ 2003માં અમેરિકનો અફઘાન અને ઇરાકી બની ગયા અને હવે યુક્રેન પર કબજો કરી રહેલા રશિયન સૈનિકો યુક્રેનિયન છે. તેમને પાછા જવાની કોઈ જરૂર નથી.’

https://twitter.com/Ahlawat2012/status/1973733231590809850

અન્ય એક યુઝરે લખ્યું કે, ‘બીજા દેશમાં રહેવાથી ઔપનિવેશિક વર્ચસ્વ ભૂંસાઈ જતું નથી. જ્યારે ભારતીયો બ્રિટન ગયા, ત્યારે તેઓ વિદેશી જ રહ્યા. જ્યારે અંગ્રેજો ભારતમાં આવ્યા, ત્યારે તેમણે રાજકીય, લશ્કરી અને આર્થિક નિયંત્રણ દ્વારા લાખો લોકો પર શાસન કર્યું. આજ ઔપનિવેશીકરણ છે.

https://twitter.com/thishivam/status/1973727522748862624

એક વ્યક્તિએ મસ્કને આડેહાથ લેતા લખ્યું કે, ‘આ એક હાસ્યાસ્પદ મૂર્ખતાપૂર્ણ પ્રસ્તાવ છે. હેરાનીની વાત છે કે તમને તેમાં રસ પણ છે. અંગ્રેજોએ દરેક દાયકામાં ભારતમાં દુકાળ પેદા કર્યા, જેના કારણે દેશ તેના સંસાધનોથી વંચિત રહ્યો હતો. હવે ભારતીય અર્થતંત્ર બ્રિટન કરતા પણ વધુ સારું છે, અને તેઓ ગયા પછી દુકાળ પડ્યો નથી. બ્રિટનમાં ભારતીયો એવા છે જેવા બૌદ્ધ યાત્રી જ્યારે ભારત આવવા પર રહેતા હતા. તેઓ શીખવા, કામ કરવા અને બ્રિટિશ કાયદા હેઠળ રહેવા આવે છે. અંગ્રેજોએ તેમના કાયદા લાદ્યા, સંપત્તિ લૂંટી અને લાખો લોકોને મારી નાખ્યા. એવું નથી કે કોઈને આ બધું સમજાવવાની જરૂર છે.’

https://twitter.com/Mathonymics/status/1973714791089971633

https://twitter.com/StefanMolyneux/status/1973931484336869701

સોશિયલ મીડિયાના આ જમાનામાં જોજ કંઈક ને કંઈક વાયરલ થતું રહેતું હોય છે, ક્યારેક સોશિયલ મીડિયા પર વાયરલ થઈ રહેલી સામગ્રીને લઈને લોકોમાં રોષ પણ વ્યાપી જતો હોય છે, તો ક્યારેક લોકો દંગ રહી જતા હોય છે. એવી જ રીતે હવે સોશિયલ મીડિયા પર એક ચોંકાવનારો વીડિયો વાયરલ થઈ રહ્યો છે જેમાં ટ્રેન કોચની અંદરનું દૃશ્ય જોઈને લોકો પોતાની આંખો પર વિશ્વાસ કરી શકતા નથી. વીડિયોમાં સ્પષ્ટ જોઈ શકાય છે કે એક મુસાફર પોતાની સીટ પર આરામથી સૂઈ રહ્યો છે અને તેની બાજુમાં એક મોટું કુલર રાખવામાં આવ્યું છે. જી હાં, તમે બરાબર સાંભળ્યું. ટ્રેનના ડબ્બામાં ન માત્ર કુલર લગાવવામાં આવ્યું છે, પરંતુ  તે તેને ચાલુ પણ કરી દેવામાં આવ્યું છે. અત્યાર સુધી લોકો રેલવેને ACની ફરિયાદ કરતા આવ્યા છે, પરંતુ આ મુસાફરે પોતાના જુગાડથી ટ્રેનને મિની AC કોચ બનાવી દીધી છે.

વીડિયોમાં જોઈ શકાય છે કે કુલરને વાયર સાથે જોડીને ચલાવવામાં આવ્યું છે અને તેની સામે બેઠેલા મુસાફરો મજા લઈ રહ્યા છે. આ દૃશ્ય એક સામાન્ય રેલવે કોચનું છે, પરંતુ કુલરને જોઈને એવું લાગે છે કે તે કોઈ ઘરનો ડ્રોઈંગ રૂમ બની ગયો હોય. કુલ મળીને આ વીડિયોએ ફરી એકવાર સાબિત કર્યું છે કે ભારતમાં જુગાડની કોઈ કમી નથી. પરિસ્થિતિ ગમે તેટલી મુશ્કેલ કેમ ન હોય. ભારતીય મુસાફરો પોતાની સુવિધાઓ જાતે બનાવવામાં નિષ્ણાત છે. હવે જોવાનું એ છે કે રેલવે આ બાબતે શું કાર્યવાહી કરે છે કે પછી મજાકમાં ટાળી દે છે. પરંતુ વિચારવા જેવી વાત એ છે કે મુસાફર કુલર સાથે ટ્રેનમાં કેવી રીતે ચઢ્યો? શું કોઈએ રોક-ટોક ન કરી? સામાન્ય રીતે ટ્રેનમાં લગાવવામાં આવતી સ્વીચ ફોન અને લેપટોપ ચાર્જ કરવા માટે હોય છે.

https://x.com/Taza_Tamacha/status/1962507781942153639

સોશિયલ મીડિયા પર વાયરલ થયેલા આ વીડિયો પર લોકોએ અલગ-અલગ પ્રતિક્રિયાઓ આપી છે. કેટલાકે તેને 'ભારતીય જુગાડ'નો શ્રેષ્ઠ નમૂનો ગણાવ્યો છે, જ્યારે કેટલાકે લખ્યું છે કે ‘આ ભારતીય રેલવેનું અસલી અપગ્રેડ છે.’ તો, કેટલાક યુઝર્સે સવાલ ઉઠાવ્યો કે રેલવેની મંજૂરી વિના કોચમાં આ રીતે કુલર કેવી રીતે લગાવવામાં આવ્યું. જો કોઈ શૉર્ટ સર્કિટ થઈ જતું કે વાયરિંગમાં સમસ્યા આવી હોત તો મોટી દુર્ઘટના થઈ શકતી હતી. આ વીડિયો @Taza_Tamacha નામના એકાઉન્ટ પરથી શેર કરવામાં આવ્યો છે, જેને અત્યાર સુધીમાં લાખો લોકોએ જોયો છે, જ્યારે ઘણા લોકોએ આ વીડિયોને લાઈક પણ કર્યો છે.

થોડા દિવસો અગાઉ, IPL ફાઇનલમાં રોયલ ચેલેન્જર્સ બેંગ્લોર (RCB)ની જીત બાદ, તેના પૂર્વ માલિક વિજય માલ્યાના પુત્ર સિદ્ધાર્થ માલ્યાએ જીતનું સેલિબ્રેશન માનવતો એક ભાવુક વીડિયો શેર કર્યો હતો. તેમાં તેને રડતો જોઈ શકાય છે. બાદમાં આ વીડિયો ઇન્સ્ટાગ્રામ પરથી હટાવી દેવામાં આવ્યો હતો. ત્યારબાદ, સિદ્ધાર્થ માલ્યાએ અન્ય એક વીડિયો શેર કરીને જણાવ્યું કે, આખરે પહેલાનો વીડિયો કેમ હટાવી દેવામાં આવ્યો હતો. 9 જૂનના રોજ, સિદ્ધાર્થ માલ્યાએ પોતાનાના સત્તાવાર ઇન્સ્ટાગ્રામ હેન્ડલ @sidmallya પરથી એક વીડિયો શેર કર્યો છે. જેમાં, તે કોઈ રસ્તા પર ચાલતો જોવા મળી રહ્યો છે. વીડિયોનું કેપ્શન છે- ‘IPLએ મારો વીડિયો હટાવડાવ્યો હતો. પછી અંડરબ્રેકેટ કરતા લખ્યું કે- ‘અને હું પોતાના શર્ટ પર ડાઘની કોઈ ચિંતા કરતો નથી.’

વીડિયો શરૂ થતા જ, સિદ્ધાર્થ તેના ફોલોઅર્સને ‘હેલો ગાય્ઝ’ કહીને સંબોધિત કરે છે. પછી તે બતાવે છે કે ઇન્સ્ટાગ્રામે તેનો પાછલો વીડિયો કેમ ડીલિટ કરી દીધો હતો. તેણે કહ્યું કે તમારામાંથી ઘણા લોકોએ મારો તે ભાવુક વીડિયો જોયો હશે, જે મેં મંગળવારે પોસ્ટ કર્યો હતો. જેના માધ્યમથી મેં પોતાના ફેન્સ અને ફોલોઅર્સ સાથે વાતચીત કરી. આ વીડિયો પર ઘણા લોકોની કમેન્ટ આવી હતી અને તેને રીપોસ્ટ પણ કરવામાં આવ્યો હતો.

https://www.instagram.com/reel/DKqqOmsuqRb/?utm_source=ig_web_copy_link&igsh=MWVvOWY4cHE0NHpoZg==

આ વીડિયોને  ઇન્સ્ટાગ્રામે હટાવી દીધો અને થોડા દિવસો માટે મને પોતાના પ્લેટફોર્મ પર બેન કરી દેવામાં આવ્યો હતો. 8 જૂનના રોજ, ઇન્સ્ટાગ્રામે બેન હટાવી લીધો હતો અને હવે હું ફરીથી આ વીડિયો પોસ્ટ કરી રહ્યો છું. હું તમને જણાવી દઉં કે IPLએ મારી એ પોસ્ટને લઈને કોપીરાઇટ ઉલ્લંઘનની ફરિયાદ કરી હતી. ત્યારબાદ આ કાર્યવાહી કરવામાં આવી અને મારો વીડિયો ઇન્સ્ટાગ્રામ પરથી હટાવી દેવામાં આવ્યો.

IPLએ કોપીરાઇટ પોલિસીના ઉલ્લંઘનની વાત વાત કરી હતી, પરંતુ તે વીડિયો એક મિનિટથી પણ ઓછા સમયનો હતો. તેમાં મેચને લઈને કંઈ નહોતું, પરંતુ મેં પોતાના ઇમોશનને દર્શાવવા માટે આ વીડિયો બનાવ્યો હતો. આ બધુ મને ખૂબ ક્રેઝી જેવું લાગ્યું. કેમ કે તે વીડિયોને હટાવવો, મારા માટે એક અવસર ગુમાવવા જેવું હતું, જેના દ્વારા હું મારા ફેન્સ અને ફોલોઅર્સ સાથે ઈન્ટ્રેક્ટર હતો અને તેમની સાથે જોડાઈ શકતો હતો.

ગુજરાતના ભુજ જિલ્લામાં એક અમેરિકન પ્રવાસી સ્ટેફ સાથે એક હૃદયસ્પર્શી ઘટના બની. સ્ટેફનું પાકીટ ટ્રેનમાં ખોવાઈ ગયું પણ એક સ્થાનિક દુકાનદાર, ચિરાગે તેને મદદ કરી. ચિરાગે પાકીટને શોધી કાઢ્યું અને તેણે તેને સ્ટેફને સુરક્ષિત રીતે પહોંચાડ્યું હતું. આ ઘટના ભારતના આતિથ્યના સિદ્ધાંત 'અતિથિ દેવો ભવ' ને પ્રતિબિંબિત કરે છે. ઇન્સ્ટાગ્રામ યુઝર @animuchxએ આ ઘટનાનો વીડિયો શેર કર્યો છે, જે હવે વાયરલ થઈ ગયો છે. વીડિયોમાં, સ્ટેફ ચિરાગને આભાર તરીકે થોડા પૈસા આપવા માંગે છે, પરંતુ ચિરાગ નમ્રતાથી ના પાડે છે.

સ્ટેફ અને પીટ દ્વારા ઇન્સ્ટાગ્રામ પર શેર કરાયેલા વાયરલ વીડિયોમાં, સ્ટેફ ચિરાગને મળવા અને તેનું પાકીટ પાછું મેળવવા જતી જોઈ શકાય છે. રેસ્ટોરન્ટમાં પહોંચતાં જ, ચિરાગે તેનું પાકીટ તેને આપ્યું અને તેને દયા બતાવવા બદલ અમુક રકમ ઇનામ આપવા માંગે છે પણ ચિરાગે તેને ના પાડી.

સ્ટેફે કહ્યું, 'આપણે ઘણીવાર ભારતમાંથી નકારાત્મક સમાચાર સાંભળીએ છીએ, પરંતુ અહીં ઘણી સારી બાબતો પણ બને છે. ચિરાગ જેવા વધુ લોકો હોવા જોઈએ.' તેમના આ શબ્દો લોકોના દિલને સ્પર્શી ગયા. 17 એપ્રિલે શેર કરાયેલા આ વીડિયો પર ઘણા લોકોએ પોતાની પ્રતિક્રિયા આપી હતી. એક યુઝરે લખ્યું, 'ભારતમાં, મદદ કરનાર વ્યક્તિ પૈસા લેવાથી ગુસ્સે થઈ શકે છે.' બીજા એક યુઝરે કહ્યું, 'મને ગર્વ છે કે મારો જન્મ કચ્છમાં થયો હતો. ચિરાગે કચ્છ અને ભારતની ખરી લાગણી બતાવી.'

https://www.instagram.com/reel/DIi0YvWPeW0/

ત્રીજા યુઝરે પોતાની વાર્તા શેર કરતા કહ્યું, 'થોડા દિવસ પહેલા મારા બાળકનું સોનાનું બ્રેસલેટ એક હોટલમાં ખોવાઈ ગયું હતું. જ્યારે મેં ફોન કર્યો ત્યારે હોટલના સ્ટાફે મને કહ્યું કે તે સુરક્ષિત છે. અમને તે બીજા દિવસે મળી ગયું. ભારતમાં દરેક જગ્યાએ સારા અને ખરાબ લોકો છે. મારા ભારતને સમજવામાં ગેરસમજ ન કરો.' એક યુઝરે લખ્યું, 'ચિરાગ જેવા લોકો માત્ર પ્રવાસીઓના દિલ ને જ જીતતા નથી પણ ભારતની સકારાત્મક છબી દુનિયા સમક્ષ લાવે છે. આવી વાર્તાઓ આપણને યાદ અપાવે છે કે, નાની નાની આવી સારી વાતો દુનિયાને વધુ સુંદર બનાવી શકે છે.'

આ વીડિયો 75 હજાર વખત જોવામાં આવ્યો છે, 6,700 લોકોએ લાઈક કર્યો છે અને ચિરાગના વિચારશીલ વર્તનની ખૂબ પ્રશંસા કરવામાં આવી છે. વીડિયો માટેના સ્ટેફના કેપ્શન બતાવે છે કે, તે ભારતમાં દયાળુ સ્વભાવના આવા કાર્યો કેટલા સામાન્ય છે અને અમેરિકાના વ્યવહારિક સંસ્કૃતિથી કેટલા અલગ છે તે જોઈને આશ્ચર્યચકિત છે.

ઘર બનાવતી વખતે સૌથી મોટી ચિંતા તેની મજબૂતાઈ, ખર્ચ અને ટકાઉપણું છે. છેલ્લા કેટલાક દાયકાઓથી બાંધકામ માટે સિમેન્ટ અને કોંક્રિટનો ઉપયોગ સામાન્ય રીતે થાય છે, પરંતુ શું સિમેન્ટ વિના ઘર બનાવી શકાય? બેંગલુરુમાં એક અનોખું ઘર બનાવવામાં આવ્યું છે. તે સંપૂર્ણપણે પથ્થરથી બનેલું છે. આમાં સિમેન્ટ કે કોઈ આધુનિક એડહેસિવનો ઉપયોગ કરવામાં આવ્યો નથી. ખાસ વાત એ છે કે આ ઘર ફક્ત મજબૂત જ નથી પણ પર્યાવરણને અનુકૂળ પણ છે. સોશિયલ મીડિયા પર વાયરલ થઈ રહેલા આ વીડિયોએ ટકાઉ બાંધકામ પર નવી ચર્ચા જગાવી છે.

હકીકતમાં, બેંગલુરુમાં એક વ્યક્તિએ આ ઘર બનાવ્યું છે. આ ઘર સંપૂર્ણપણે પથ્થરનું બનેલું છે. જેમાં સિમેન્ટ કે કોંક્રિટનો ઉપયોગ કરવામાં આવ્યો નથી. સોશિયલ મીડિયા પર વાયરલ થઈ રહેલ આ ઘર, કન્ટેન્ટ ક્રિએટર પ્રિયમ સારસ્વતે પોતાના વીડિયોમાં બતાવ્યું હતું, જેના કારણે તે ચર્ચાનો વિષય બન્યું હતું. ઘરના માલિકનો દાવો છે કે આ વિશ્વનું પહેલું ઝીરો-સિમેન્ટ પથ્થરનું ઘર છે. તેને પર્યાવરણને અનુકૂળ બનાવવામાં આવ્યું છે. તેની ઉંમર હજાર વર્ષથી વધુ હોઈ શકે છે.

એવું કહેવાય છે કે, આ ઘર બનાવવા માટે ગ્રે ગ્રેનાઈટ અને સેન્ડસ્ટોન જેવા કુદરતી ખડકોનો ઉપયોગ કરવામાં આવ્યો છે. તેને પરંપરાગત ઇન્ટરલોકિંગ ટેકનિક સાથે જોડવામાં આવે છે. જેમાં ન તો સિમેન્ટની જરૂર પડી. ન તો કોઈપણ પ્રકારના રાસાયણિક એડહેસિવ્સ અને બ્લાસ્ટિંગની જરૂર પડી. આ સંપૂર્ણપણે કૌશલ્ય આધારિત ઉત્પાદન છે.

આજના સમયમાં આ ટેકનિક ભલે નવી લાગે છે, પરંતુ વાસ્તવમાં તે સદીઓ જૂની ભારતીય સ્થાપત્ય પર આધારિત છે. આ ઇન્ટરલોકિંગ પદ્ધતિનો ઉપયોગ જૂના મંદિરો અને ઐતિહાસિક ઇમારતોમાં થતો હતો જેના કારણે આ રચનાઓ સેંકડો વર્ષો સુધી મજબૂત રીતે ઉભી રહે છે. આ પદ્ધતિ ફક્ત બાંધકામની મજબૂતાઈમાં વધારો કરતી નથી, પરંતુ સિમેન્ટ અને કોંક્રિટ જેવી આધુનિક સામગ્રીથી થતા કાર્બન ઉત્સર્જનને પણ અટકાવે છે.

https://www.instagram.com/reel/DHchD3lIYgx/

સોશિયલ મીડિયા પર લોકોએ આ ઘર વિશે મિશ્ર પ્રતિક્રિયાઓ આપી. કેટલાક લોકોએ તેની પ્રશંસા કરી અને તેને ભારતીય સ્થાપત્યનું પુનરાગમન ગણાવ્યું. તેમણે કહ્યું કે, જો આ ટેકનોલોજીને આખા શહેરમાં અપનાવવામાં આવે તો તે ખૂબ જ ટકાઉ સાબિત થઈ શકે છે. જ્યારે ઘણા યુઝર્સે પ્રશ્ન કર્યો કે તે ખૂબ સરસ લાગે છે, પણ ઉનાળા અને શિયાળામાં તે રહેવા માટે કેવું રહેશે.

થાઇલેન્ડના કિંગ કોંગે વિશ્વના સૌથી ઉંચા જીવંત પાણીમાં રહેતા પાડા (GWR) માટે ગિનિસ વર્લ્ડ રેકોર્ડ બનાવ્યો છે. આ પાડો, લગભગ પાંચ વર્ષનો, 6 ફૂટ 0.8 ઇંચની ઉંચાઈ ધરાવે છે. જે દુનિયાના સરેરાશ પાણીમાં રહેતા પાડા કરતા લગભગ 20 ઇંચ વધારે છે. કિંગ કોંગ થાઇલેન્ડના નાખોન રત્ચાસિમામાં નિનલાની ફાર્મમાં રહે છે. તેનો જન્મ 1 એપ્રિલ 2021ના રોજ થયો હતો, તેની ખાસિયત એ છે કે તેનો જન્મ થયો તે સમયે જ તે અન્ય વાછરડાઓ કરતા મોટો દેખાતો હતો.

ચેરપટ વુટી કિંગ કોંગનું સંપૂર્ણ ધ્યાન રાખે છે. તેમના મતે, કિંગ કોંગના માતા-પિતા પણ હજુ પણ નિનલાની ફાર્મમાં જ છે. આ પાડો દરરોજ સવારે 6 વાગ્યે ઉઠે છે અને તળાવના પાણીમાં રમે છે, પછી તેને નવડાવવામાં આવે છે. આ પછી તે 35 કિલો જેટલું ખાવાનું ખાઈ જાય છે. તેના ખોરાકમાં સૂકું ઘાસ અને મકાઈનો સમાવેશ થાય છે. ત્યાર પછી સાંજે 5:30 વાગ્યે ફરીથી સ્નાન કરાવવામાં આવે છે અને પછી તેને રાતનું ખાવાનું આપવામાં આવે છે.

ભારે શરીર અને વિશાળ કદ હોવા છતાં, કિંગ કોંગ ગુસ્સાવાળું પ્રાણી નહીં પણ એક સુંદર અને શાંત પ્રાણી માનવામાં આવે છે. ચેરપટ, જે તેની સંભાળ રાખે છે, તેના મતે, તે ખૂબ જ આજ્ઞાકારી અને મૈત્રીપૂર્ણ છે. તેને રમવાનું, ખંજવાળવાનું અને લોકો સાથે સમય વિતાવવાનું ખૂબ ગમે છે. તે એક મોટા, શક્તિશાળી પાલતુ પ્રાણી જેવો છે. એટલા માટે તેને મોટું પણ સૌમ્ય ઉપનામ આપવામાં આવ્યું છે.

વિશ્વના સૌથી ઉંચા પાણીમાં રમતા પાડા તરીકે રેકોર્ડ બનાવ્યા પછી, કિંગ કોંગ હવે સમગ્ર વિશ્વમાં પ્રખ્યાત થઈ ગયો છે. તેના ફોટા અને વીડિયો સોશિયલ મીડિયા પર વાયરલ થઈ રહ્યા છે. કિંગ કોંગની ખાસ સંભાળ અને વિશાળ કદને કારણે તે નિનલાની ફાર્મમાં સૌથી અનોખો અને પ્રિય પાડો બની ગયો છે.

નિષ્ણાતો માને છે કે, પાળેલી ભેંસોને સારા સ્વાસ્થ્ય અને વધુ દૂધ ઉત્પાદન માટે સંતુલિત આહાર, સ્વચ્છ પાણી અને યોગ્ય વાતાવરણની જરૂર હોય છે. તેમને લીલો ચારો, સૂકો ચારો અને ખનિજ મિશ્રણ આપવામાં આવે છે. નિયમિત રસીકરણ, સ્વચ્છતા અને કસરતથી તેમનું સ્વાસ્થ્ય સારું રહે છે. ખાસ કરીને ગરમીના હવામાનમાં, તેમને પાણીમાં ડૂબકી લગાવવાની અથવા છાંયડાવાળી જગ્યાએ રાખવાની સલાહ આપવામાં આવે છે, જેથી તેઓ ગરમીથી બચી શકે.