બનાસકાંઠામાં એક નેતાની 10 ખાનગી એપીએમસીને સરકારે મંજૂરી આપી?

ગુજરાત વિધાનસભા કોંગ્રેસ પક્ષના 11 ધારાસભ્યોએ 4 માર્ચ 2021ના રોજ આકરાં પ્રશ્નો પૂછીને સહકારી અને ખાનગી એપીએમસી અંગે માહિતી કઢાવી છે.

રાજ્‍યમાં 227 ખેડૂત સહકારી APMCનો મૃત્યુ ઘંટ વગાડે એ રીતે થોડા મહિનામાં 39 APMCને મંજૂરી આપી દેવામાં આવેલી છે. એગ્રીકલ્ચર પ્રોડક્ટ માર્કેટ કમિટી - ખેત ઉત્પાદન બજાર સમિતિ માટે છેલ્લા બે વર્ષમાં રાજ્‍ય સરકાર દ્વારા એક પણ ખેડૂત સહકારી APMCને મંજૂરી આપવામાં આવી નથી. કૃષિ ક્ષેત્રના કરોડરજૂ સમાન APMCના સહકારી ક્ષેત્રને તોડવાનું કામ કરીને ખાનગી ક્ષેત્રની APMC ખૂલે તેવા પ્રયાસો કરી રહી છે. જેનાથી ભવિષ્‍યમાં ખેડૂતોને મોટું આર્થિક નુકશાન થવાનું છે, એવું લોકોના પ્રતિનિધિઓ માને છે. બનાસકાંઠામાં ભાજપના એક નેતાની 10 બજારો મંજૂર કરી દીધી હોવાનું કોંગ્રેસનો આરોપ છે. જોકે, તેના કોઇ પુરાવા અપાયા નથી.