આ ફોટોમાં હાર્દિક પંડ્યાએ 83 લાખની વસ્તુઓ પહેરી છે

ક્રિકેટર્સમાં જ્યારે સ્ટાઈલની વાત આવે ત્યારે હાર્દિક પંડ્યાનું નામ તેમાં સૌથી ઉપર હોય છે. તે મોટાભાગે રિલેક્સ્ડ અવતારમાં જ જોવા મળે છે. પરંતુ, તે જે પણ કપડાં પહેરે છે તેની પ્રાઈઝ આશ્ચર્યજનકરીતે ખૂબ જ વધારે હોય છે, અને જ્યારે તેની મહેનતની કમાણી ખર્ચવાનો મામલો આવે ત્યારે તે ક્યારેય પાછું વળીને જોતો નથી, પછી ભલે તેનો પાયજામા સૂટ હોય કે પછી તેના સ્નીકર્સ. એટલું જ નહીં, તે પોતાના કમ્ફર્ટેબલ કપડાંની સાથે આઉટ ઓફ ધ બોક્સ એસેસરીઝ પહેરીને પોતાના આઉટફિટને વધુ મજેદાર બનાવે છે. સાથે જ દરેક આઉટફિટને પોતાનો એક અલગ ટ્વિસ્ટ આપે છે, જેમકે કે નેકપિસ, ડાયમંડ સ્ટડેડ જ્વેલરી અને હાં તેની સુપર એક્સપેન્સિવ ઘડિયાળને કઈ રીતે ભૂલાય.

ટૂંક સમયમાં જ IPL 2020 ટૂર્નામેન્ટ શરૂ થવાની છે અને તેને માટે બધા જ ક્રિકેટર્સ દુબઈ પહોંચી ગયા છે અને પોતાની ગેમની તૈયારી કરી રહ્યા છે. આ સમય દરમિયાન હાર્દિક કોઈ કુલ અવતારમાં જ દેખાશે એવી સૌને આશા હતી અને બધાની આશાઓથી વિરુદ્ધ તે એકદમ સિમ્પલ આઉટફિટમાં એરપોર્ટ પર સ્પોટ થયો હતો. પરંતુ આ બધામાં એક વાત ખૂબ જ ખાસ હતી અને એ છે તેના આ આઉટફિટ પાછળ હાર્દિકે ખર્ચેલા પૈસા. જ્યારે તેના આઉટફિટ, સ્નીકર્સ, ઘડિયાળ અને બેગની કિંમતનો સરવાળો કર્યો તો તે આશરે 83 લાખ રૂપિયાની આસપાસ થાય છે અને હાં, અમે કંઈ આ અંગે મજાક નથી કરી રહ્યા.

એરપોર્ટ પર હાર્દિક બેઝિક સ્ટ્રાઈપ્ડ પોલો ટી-શર્ટ અને ડેનિમમાં સ્પોટ થયો હતો. સાથે જ તેણે પહેરેલા સનગ્લાસીસ વધુ અપીલિંગ હતા. કોઈપણ સાદા આઉટફિટને પણ વધુ સારું બનાવવાનો રસ્તો એસેસરીઝ છે અને હાર્દિકે ટી-શર્ટ અને જીન્સની સાથે પેટેક ફિલિપની ઘડિયાળ પહેરી હતી. હાર્દિક મોંઘી ઘડિયાળોનો ખૂબ જ શોખિન છે અને તે અવારનવાર આ પ્રકારની ઘડિયાળ સાથે દેખાઈ ચુક્યો છે. હાલ હાર્દિકે જે ઘડિયાળ પહેરી હતી તે તેના એલિગન્ટ લુક અને હાઈ ડિમાન્ડને કારણે ખૂબ જ મોંઘી છે અને તેની કિંમત 80 લાખ રૂપિયા છે. વાત અહીંથી નથી અટકતી.

હાર્દિકે જે સ્નીકર્સ પહેર્યા હતા તે એલેક્ઝાન્ડર મેક્વીનના ઓવરસાઈઝ્ડ ટ્રેઈનર્સ સ્નીકર્સ હતા. આ સ્નીકર્સમાં ચંકી રબર સોલ અને તેનો આકાર ઓવરસાઈઝ્ડ છે. તેના આ સ્નીકર્સની પ્રાઈઝ 64000 રૂપિયા છે. તેની બીજી આઈટમની વાત કરીએ તો તેણે ફ્લેશી ડફલ બેગ કેરી કર્યું હતું. આ કમ્ફર્ટેબલ હેન્ડલની સાથે રેઈન્બો કલરની પ્રિન્ટવાળા બેગની કિંમત જાણીને તમે ચોંકી જશો. હાર્દિકના આ લક્ઝરી બેગની કિંમત 2 લાખ રૂપિયા છે. આ બધી જ વસ્તુઓનો જ્યારે સરવાળો કરીએ તો તેનું ટોટલ 83 લાખ રૂપિયા જેટલું થાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.