શાકાહારી રેસ્ટોરન્ટમાં પોલીસકર્મીએ ચિકન રાઇસની માગ કરી, ન મળ્યું તો મારામારી કરી

ચેન્નાઇની એક શાકાહારી રેસ્ટોરન્ટમાં જમવા ગયેલા 2 સશસ્ત્ર રિઝર્વ કોન્સ્ટેબલોએ ભારે હંગામો મચાવી દીધો હતો. વાત એમ હતી કે શાકાહારી રેસ્ટોરન્ટમાં ગયેલા આ બે પોલીસકર્મીએ રેસ્ટોરન્ટના સ્ટાફ પાસેથી ચિકન રાઇસની માંગ કરી હતી.કર્મચારીઓએ કહ્યું કે, આ શાકાહારી રેસ્ટોરન્ટ છે અમે નોનવેજ પિરસતા નથી. તો પોલીસે કહ્યું કે તો એગ રાઇસ લાવ. એના માટે પણ કર્મચારીઓએ ના પાડી એટલે પોલીસને ગુસ્સો આવ્યો હતો અને આખી રેસ્ટોરન્ટ માથે લીધી હતી. પોલીસે બંને પોલીસની ધરપકડ કરી હતી.

જાણવા મળેલી વિગત મુજબ ગુરુવારે રાત્રે સાદા પોશાકમાં બે કોન્સ્ટેબલ આગારામ મેઇન રોડ પર આવેલી એક શાકાહારી રેસ્ટોરન્ટમાં પહોંચ્યા હતા.બંને કોન્સ્ટેબલે રેસ્ટોરન્ટના સ્ટાફ પાસે ચિકન ફ્રાઇડ રાઇસની માંગ કરી હતી. સ્ટાફે તેમને વિનંતી કરી કે અહીં નોનવેજ શક્ય નથી. તો પોલીસે કહ્યું કે તો એગ રાઇસ લાવ, ઇંડો તો વેજિટેરિયન કહેવાય છે.બંને પોલીસ કોન્સ્ટેબલ નશામાં એટલા ધૂત હતા કે તેમના પગ પણ હાલકડોલક થતા હતા.

રેસ્ટોરન્ટના  કર્મચારીઓએ બે કોન્સ્ટેબલની માંગ પુરી ન કરી તો તેમણે આખી રેસ્ટોરન્ટ માથે લીધી હતી મારામારી કરી હતી. એક કર્મચારીની ભારે પિટાઇ કરી હતી. લોકોએ પોલીસને જાણ કરતા પોલીસ રેસ્ટોરન્ટ પહોંચી હતી અને બંને કોન્સ્ટેબરની ધરપકડ કરીને પોલીસ સ્ટેશન લઇ જવામાં આવ્યા હતા. જો કે રેસ્ટોરન્ટ સ્ટાફે ફરિયાદ નોંધાવવાનો ઇન્કાર કરી દેતા, પોલીસ કોન્સ્ટેબલોને છોડી મુકવામાં આવ્યા હતા.આ ઘટનાનો એક વીડિયો સોશિયલ મીડિયા પર વાયરલ થયો છે. અહેવાલો અનુસાર, તાંબરમ પોલીસ કમિશનરેટે બંને વિરુદ્ધ વિભાગીય કાર્યવાહી શરૂ કરી છે.

જાન્યુઆરીમાં, ચેન્નાઈ પોલીસે રેસ્ટોરન્ટના માલિકને મફતમાં ભોજન ન આપવા બદલ ગરમ તેલ રેડવાના આરોપમાં પાંચ લોકોની ધરપકડ કરી હતી. પોલીસના જણાવ્યા અનુસાર આરોપીઓ જ્યારે મદમબક્કમમાં અન્ના નગર મેઈન રોડ પર સ્થિત હોટલના માલિક પર હુમલો કર્યો ત્યારે તેઓ નશામાં હતા.

જ્યારે રેસ્ટોરન્ટના સ્ટાફે ફૂડ પેક કર્યા પછી ગ્રાહકો પાસેથી બિલની રકમ માંગી ત્યારે તેઓએ સ્ટાફને જાણ કરી કે તેઓ પછીથી ચૂકવશે. જ્યારે તેઓએ સ્થળ છોડવાનો પ્રયાસ કર્યો, ત્યારે તેમને માલિક દ્વારા અટકાવવામાં આવ્યા. જો કે તેઓ સ્થળ છોડવામાં સફળ થયા હતા, પરંતુ બંને એક ગેંગ સાથે પાછા આવ્યા હતા અને હોટેલ માલિક પર હુમલો કર્યો હતો અને તોડફોડ કરી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.