26th January selfie contest

કોંગ્રેસે PM મોદી અને અદાણીની જૂનો ફોટો શેર કર્યો, જાણો કેમ

PC: ndtv.in/india-news

ભાજપ અને કોંગ્રેસ વચ્ચે પેટ્રોલની કિંમતોને લઇને ફરી એકવાર જંગ છેડાઇ ગઇ છે. ખરેખર આ જંગ કેન્દ્રીય મંત્રી હરદીપસિંહ પૂરીના એક ટ્વિટ પછી શરૂ થઇ છે. પુરીએ મંગળવારે રાત્રે ટ્વિટર પર હવાઇ જંહાજના ઇંધણ એટીએફની કિંમતો સામાન્ય પેટ્રોલ કરતા ઓછી હોવા અંગે ખુલાસો કરતા ગાંધી પરિવાર પર શરસંધાન કર્યું હતું. તેમણે વિમાનમાં બેઠેલા ગાંધી પરિવારની તસ્વીર શેર કરીને કહ્યું કે- જે લોકો લક્ઝરી હવાઇયાત્રા કરે છે તેમને ખબર હોવી જોઇએ કે એટીએફની લાગતનો શું મતલબ છે. પૂરીની ટ્વિટ એવા સમયે આવી જ્યારે પેટ્રોલની કિંમતોની તુલના એટીએફ સાથે કરવામાં આવી રહી છે. એટીએફની કિંમત હાલમાં 30 ટકા ઓછી છે.

કેન્દ્રીય મંત્રી પર કટાક્ષ કરતા કોંગ્રેસ પ્રવક્તા પવન ખેડાએ બુધવારે સવારે વિમાનમાં બેઠેલા ગૌતમ અદાણી અને વિભવકાંત ઉપાધ્યાય સાથે બેઠેલા વડાપ્રધાન નરેન્દ્ર મોદીની એક જૂની તસ્વીર શેર કરીને જવાબ આપ્યો. તેમણે તસ્વીર સાથે લખ્યું હતું કે મોદીજી, હરદીપ પુરીજી આપકે બારે મેં બુરી બાતે કર રહે હૈ.

પૂરીએ ટ્વિટર પર તસ્વીર પોસ્ટ કરી હતી તેમાં રાહુલ ગાંધી અને પ્રિંયંકા વાડરાને એક વિમાનની અંદર સોનિયા ગાંધી અને ઇંદિરા ગાંધી સાથે બેઠેલા દેખાઇ રહ્યા છે. તેમણે આની સાથે લખ્યું હતું કે જે લોકો લકઝરી હવાઇ યાત્રા કરે છે તેમને ખબર હોવી જોઇએ કે એટીએફની કિંમત ઓછી હોય તો વિમાનની ટિકિટ સસ્તી થાય છે. ઉડાન યોજના દ્વારા મોદીજીની હવાઇ ચંપલ વાળાને હવાઇયાત્રા કરાવવા કરવાના સપનાની પૂરા કરે છે.

તેમણે જણાવ્યું કે એટીએફ હમેશા સામાન્ય પેટ્રોલ કરતા સસ્તું રહ્યું છે. કેન્દ્ર સરકાર ઉડાન એરપોર્ટ પર એટીએફ ઉપર માત્ર 2 ટકા એક્સાઇઝ લે છે. ઉડાન દ્વારા સરકાર સસ્તી હવાઇ સેવાઓ પૂરી પાડે છે. વધુમાં વધુ લોકોને તે મળી શકે તે માટે ઓછી સેવા વાળા હવાઇ માર્ગોને અપગ્રેડ કરે છે.

પૂરીએ કહ્યું કે એટીએફની ઓછી કિંમતો પર સવાલ ઉઠાવવાને બદલે તેમણે કોંગ્રેસ શાસિત રાજ્યોમાં ઇંધણ પર ટેક્સ અને લેવી ઓછી કરવી જોઇએ.

હાલમાં જ પેટ્રોલ ડિઝલની કિંમતોમાં સતત વધારો થઇ રહ્યો છે. પેટ્રોલ હવે બધા રાજ્યોના પાટનગરોમાં 100 રૂપિયા કે તેનાથી વધુ છે. જ્યારે ડિઝલના ભાવ એક ડઝનથી વધુ રાજ્યોમાં રૂ. 100 છે. દિલ્હીમાં એટીએફની કિંમત 79 રૂપિયા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp