જો ભારત આ પગલું ભરે તો PM મોદીને પાકિસ્તાનની ઉપરથી ઉડતા કોઇ રોકી ન શકે

પાકિસ્તાને વડાપ્રધાન નરેન્દ્ર મોદી માટે તેનો એરસ્પેસ ખોલવાનો ઇનકાર કરી દીધો છે. પાકિસ્તાનના વિદેશ પ્રધાન શાહ મેહમુદ કુરેશીએ કહ્યું છે કે પાકિસ્તાન PM મોદીને તેમના હવાઈ માર્ગનો ઉપયોગ કરવાની મંજૂરી નહીં આપે. પાકિસ્તાનના વિદેશ પ્રધાન શાહ મેહમુદ કુરેશીએ કહ્યું કે કાશ્મીરની પરિસ્થિતિને ધ્યાનમાં રાખીને આ નિર્ણય લેવામાં આવ્યો છે. પાકિસ્તાનના વિદેશ પ્રધાને કહ્યું કે, વડાપ્રધાન નરેન્દ્ર મોદીને 20 સપ્ટેમ્બરના રોજ જર્મની જવા અને 28 સપ્ટેમ્બરે પરત ફ્લાઇટ માટે એરસ્પેસ ખોલવા ભારત તરફથી અપીલ કરવામાં આવી હતી.

વિદેશ મંત્રાલયના પ્રવક્તા રવીશ કુમારે પાકિસ્તાનના આ પગલાની નિંદા કરી હતી. તેમણે કહ્યું કે, પાકિસ્તાને બે અઠવાડિયામાં બીજી વખત પોતાનું એરસ્પેસ બંધ કર્યું છે. તે કોઈપણ સામાન્ય દેશ દ્વારા નિયમિતરૂપે આપવામાં આવે છે. સપ્ટેમ્બરમાં પણ પાકિસ્તાને રાષ્ટ્રપતિ રામ નાથ કોવિંદની ફ્લાઇટ માટે પોતાનું એરસ્પેસ ખોલવાની ના પાડી દીધી હતી. અહેવાલો અનુસાર વડાપ્રધાન નરેન્દ્ર મોદી 20 સપ્ટેમ્બરના રોજ અમેરિકા પહોંચવા માટે પાકિસ્તાની એરસ્પેસનો ઉપયોગ કરવાના હતા. PM મોદી હ્યુસ્ટનમાં ભારતીય-અમેરિકન સમુદાયને પણ સંબોધન કરશે. આ પછી, PM મોદી 27 સપ્ટેમ્બરના રોજ સંયુક્ત રાષ્ટ્ર મહાસભામાં સંબોધન કરશે.

કાશ્મીર પરની તમામ કોશીશો નિષ્ફળ ગયા પછી, પાકિસ્તાન એરસ્પેસ બંધ કરવાની યુક્તિ અપનાવી રહ્યું છે. જો કે, આંતરરાષ્ટ્રીય નિયમો અનુસાર, પાકિસ્તાને વડા પ્રધાન નરેન્દ્ર મોદીને તેના હવાઈ ક્ષેત્રનો ઉપયોગ કરવાની મંજૂરી આપવી પડી શકે છે. જો પાકિસ્તાન ભારતની વિનંતીને નકારે તો ભારત આંતરરાષ્ટ્રીય નાગરિક ઉડ્ડયન સંગઠન સમક્ષ અપીલ દાખલ કરી શકે છે. આ પછી પાકિસ્તાને પણ ભારે દંડ ભરવો પડી શકે છે.

આંતરરાષ્ટ્રીય કાયદા મુજબ, કોઈ દેશ તેના ક્ષેત્રથી 12 નોટિકલ માઇલ અથવા 22.2 કિ.મી.ની અંતરે આવે છે અને તે દેશ તેના એરસ્પેસ પર સંપૂર્ણ નિયંત્રણ ધરાવે છે. સમુદ્ર ઉપર એરસ્પેસ પરના આંતરરાષ્ટ્રીય કરારો લાગુ પડે છે. આંતરરાષ્ટ્રીય હવાઈ ક્ષેત્રના નિયંત્રણ અને ઉપયોગ માટે કેટલાક આંતરરાષ્ટ્રીય કરારો અસ્તિત્વમાં છે. સંયુક્ત રાષ્ટ્રની વિશેષ એજન્સી આંતરરાષ્ટ્રીય નાગરિક ઉડ્ડયન સંગઠન (આઈસીએઓ) ની દેખરેખ હેઠળ તમામ કરારો અને નિયમો લાગુ કરવામાં આવે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.