પુતિને કહ્યું- યુક્રેનમાં સેના મોકલવા એટલે મજબૂર થવું પડ્યું કેમ કે પશ્ચિમે..

PC: politico.eu

રશિયાના રાષ્ટ્રપતિ વ્લાદિમીર પુતિનનું કહેવું છે કે, હવે જૂની વૈશ્વિક વ્યવસ્થા બદલાઈ ચૂકી છે. સેંટ પિટર્સબર્ગમાં ઇન્ટરનેશનલ ઇકોનોમી ફોરમને સંબોધિત કરતા વ્લાદિમીર પુતિને કહ્યું કે, તેમને યુક્રેનના યુરોપીય યુનિયનમાં સામેલ થવાથી કોઈ પરેશાની નથી. જ્યારે અમેરિકાએ કોલ્ડ વૉરમાં જીતની જાહેરાત કરી, તો તેમણે પોતાને ભગવાનના દૂત જાહેર કરી દીધું, મતલબ તેમના હિતોને પવિત્ર માનવામાં આવે છે અને તેમની કોઈ જવાબદારી પણ ન હોય, પરંતુ હવે નવા શક્તિ કેન્દ્ર ઊભરી આવ્યા છે અને તેમની પાસે પોતાના હિતોની રક્ષા કરવાનું તંત્ર, આર્થિક મોડલ અને સંપ્રભુતા ઉપસ્થિત છે. એટલે હવે જૂની વૈશ્વિક વ્યવસ્થા બદલાઈ રહી છે અને એક નવી દુનિયાનો ઉદય થઈ રહ્યો છે.

જ્યારે અમેરિકા અને તેના સાથીઓએ રશિયાને ઘેરવા માટે યુક્રેનનો સહારો લીધો, તો તેમને લાગતું હતું કે રશિયાની અર્થવ્યવસ્થા અને સમાજ તેની નીચે ઢળી જશે, પરંતુ આ પ્રતિબંધ, તેમને લગાવનારા પર જ ઉલ્ટા પડી ગયા. તેનાથી તેમના જ દેશમાં સામાજિક અને આર્થિક સમસ્યાઓ ઊભી થઈ ગઈ. તેનાથી ખાદ્યાન્ન કિંમતો, વીજળીની કિંમતો, ઈંધણની કિમતો વધી ગઈ. તેનાથી આખું પશ્ચિમ, ખાસ કરીને યુરોપ માઠી રીતે પ્રભાવિત થયું છે. યુરોપીય સંઘ પોતાની રાજનીતિ સંપ્રભુતાને સંપૂર્ણ રીતે ગુમાવી ચૂક્યું છે.

વ્લાદિમીર પુતિને આગળ કહ્યું કે, હવે તે કોઈ બીજાની આંગળીઓ પર નાચી રહ્યું છે. તેમને જે પણ કહેવામાં આવે છે, તેઓ તે કરી રહ્યા છે. તેનાથી તેમની પોતાની વસ્તી અને અર્થવ્યવસ્થાને નુકસાન થઈ રહ્યું છે. રશિયાને યુક્રેનમાં સેના મોકલવા માટે એટલે મજબૂર થવું પડ્યું કેમ કે પશ્ચિમે પોતાના વાયદા ન નિભાવ્યા. તેમની સાથે કોઈ પણ નવી સમજૂતી પર પહોંચવું મુશ્કેલ થઈ ચૂક્યું હતું. સેના મોકલવાનો એક દબાવમાં લીધેલું જરૂરી પગલું હતું કેમ કે, રશિયા પાસે સંપૂર્ણ અધિકાર છે કે તે પોતાની રક્ષા કરે અને ડોબાસના નાગરિકોને નરસંહારથી બચાવે, જે પશ્ચિમના સંપૂર્ણ સમર્થનવાળા કીવ અને નવ ઉદારવાદીઓ દ્વારા કરવામાં આવવાનું હતું.

રશિયા પર મોંઘવારીની જવાબદારી નાખવી મૂર્ખાઈ છે. જેમ અમેરિકા કરી રહ્યું છે. એ એ લોકો માટે છે જે ભણેલા ગણેલા નથી. અમારા પર જવાબદારી ન નાખો. તેના માટે તમે પોતે જવાબદાર છો. વ્લાદિમીર પુતિને કહ્યું કે, યુરોપી સંઘ આંધળી નવીનીકરણીય ઊર્જામાં વિશ્વાસ રાખે છે. જેના કારણે રશિયા સાથે દીર્ઘકાલિક પ્રાકૃતિક ગેસ સમજૂતી સમાપ્ત કાર પર લાગ્યું છે. જેના કારણે ગયા વર્ષે ઉર્જાની કિંમતમાં વૃદ્ધિ થઈ હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp