કેપ્ટન બનતા જ રાણાના બદલાયા તેવર, કહ્યું- હું ધોની, રોહિત કે કોહલીની કેપ્ટનશિપ..

IPL 2023ની શરૂઆત 31 માર્ચથી થવાની છે. પહેલી મેચ ચેન્નઈ સુપર કિંગ્સ અને ગુજરાત ટાઇટન્સની વચ્ચે રમાશે. કોલકાતા નાઇટ રાઇડર્સે આ અઠવાડિયે પોતાની ટીમના શ્રેષ્ઠ ખેલાડી નિતીશ રાણાને નવો કેપ્ટન બનાવ્યો. તેણે ઇજાગ્રસ્ત શ્રેયસ ઐય્યરની જગ્યા લઈ લીધી, જે પીઠની ઈજાના કારણે ટીમમાંથી બહાર થઈ ગયો છે. નિતીશ રાણાએ કેપ્ટનશિપ મળતા જ પોતાના તેવર બતાવ્યા. તેણે જણાવ્યું કે, તે ધોની, રોહિત અથવા વિરાટની કેપ્ટનશિપને ફોલો નથી કરવા માંગતો.

એક પ્રેસ કોન્ફ્રેન્સ દરમિયાન KKRના નવા કેપ્ટન નિતીશ રાણાને પૂછવામાં આવ્યું કે, ઘરેલૂં ક્રિકેટમાં પોતાની ટીમની કેપ્ટનશિપ કરી છે પરંતુ, જો ઇન્ટરનેશનલ ક્રિકેટમાં જોઈએ તો તું મહેન્દ્ર સિંહ ધોની, રોહિત શર્મા અને વિરાટ કોહલીમાંથી કોને આદર્શ માને છે અથવા તું તેમાંથી કોને ફોલો કરે છે?

તેનો જવાબ આપતા નિતીશ રાણાએ કહ્યું, હું તેમાંથી કોઇને પણ ફોલો નથી કરતો અને તેમને ફોલો કરવા પણ નથી માંગતો. હું પોતાની રીતે ગેમને ચલાવવા માગુ છું. મને ખબર છે કે, જો કોઈને ફોલો કરવાનું શરૂ કર્યું તો હું પોતે પાછળ રહી જઈ શકું છું. હું આ વર્ષે પોતાની રીતે કેપ્ટનશિપ કરીશ.

જણાવી દઈએ કે, છેલ્લી 3 સિઝનથી નિતીશ રાણા કોલકાતા નાઈટ રાઇડર્સનો ચોથો કેપ્ટન બન્યો છે. નિતીશ કરતા પહેલા દિનેશ કાર્તિક, શ્રેયસ ઐય્યર અને ઇયોન મોર્ગન KKRની કેપ્ટનશિપ સંભાળી ચુક્યા છે. નિતીશ રાણાને IPL માં કેપ્ટનશિપ કરવાનો કોઈ અનુભવ નથી. તેણે આજ સુધી કોઈપણ IPL ટીમ માટે કેપ્ટનશિપ નથી કરી.

કોલકાતા નાઇટ રાઇડર્સની કમાન સંભાળ્યા બાદ નિતીશ રાણાએ મોટું નિવેદન આપ્યું છે. નિતીશ રાણાએ કહ્યું કે, 2018થી KKR મારા માટે એક ઘર જેવુ છે. આ ટીમનું નેતૃત્વ કરવું મારા માટે ગર્વની વાત છે. કેપ્ટનશિપની જવાબદારી મને પરફોર્મન્સ કરવા માટે વધુ વિશ્વાસ અપાવશે. તેમજ પોતાના લીડરશિપ સ્કીલને બતાવવાની આ મારા માટે એક સારી તક હશે. હું પોતાના તમામ અનુભવોનો ઉપયોગ કરીશે જેનાથી મારું અને મારી ટીમનું બેસ્ટ થઈ શકે. તેમજ હું શ્રેયસ ઐય્યરની ફાસ્ટ રિકવરીની પણ કામના કરું છું. મને કેપ્ટનશિપના અતિરિક્ત જવાબદારીથી કોઈ ડર નથી.

તમને જણાવી દઈએ કે, કોલકાતા નાઇટ રાઇડર્સનો સ્ટાર ફાસ્ટ બોલર લોકી ફર્ગ્યૂસન ટીમ સાથે જોડાઇ ગયો છે. KKRએ તેના ટીમ સાથે જોડાવાનો મજેદાર વીડિયો સોશિયલ મીડિયા પર પોસ્ટ કર્યો છે જે ઝડપથી વાયરલ થઈ રહ્યો છે. લોકી ફર્ગ્યૂસન ટીમ માટે ખૂબ જ મહત્ત્વપૂર્ણ બોલર છે. તે હાલ દુનિયાના સૌથી ફાસ્ટ બોલર્સમાં સામેલ છે. IPL દરમિયાન આ વખતે તેનું અને ભારતના પેસ બેટર ઉમરાન મલિકની વચ્ચે સૌથી ફાસ્ટ બોલ ફેંકવાની રેસ થતી જોવા મળશે. બંને બોલર્સની વચ્ચે સ્પીડની આ જંગ ખૂબ જ રોમાંચક હશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.