કાલની ફાઇનલમાં ભારત-ઓસ્ટ્રેલિયા ટકરાશે, પરંતુ BJP-કોંગ્રેસ વચ્ચે અલગ જ રેસ

રવિવારે અમદાવાદના નરેન્દ્ર મોદી સ્ટેડિયમમાં ક્રિકેટ વર્લ્ડ કપની ફાઈનલ રમાશે. ફાઇનલમાં ભારત અને ઓસ્ટ્રેલિયાની ટીમો ટકરાશે. દેશભરમાં ફાઈનલ મેચને લઈને એક અલગ જ ઉત્તેજના છે. દેશના વિવિધ ભાગોમાંથી લાખો લોકો અમદાવાદ પહોંચશે. હમણાંથી જ ભારતીય ખેલાડીઓને મેચ માટે પ્રાર્થનાઓ કરવામાં આવી રહી છે. વિશ્વકપ ફાઈનલને લઈને સામાન્ય લોકોમાં પણ એટલો જ ઉત્સાહ છે, જેટલો દેશના રાજકીય પક્ષોમાં છે. વર્લ્ડ કપની ફાઈનલ જોવા માટે PM નરેન્દ્ર મોદી ખુદ અમદાવાદ પહોંચ્યા હતા. BJPના તમામ નેતાઓ પણ સ્ટેડિયમમાં હાજર રહેશે, જ્યારે કોંગ્રેસ પણ આમાં પાછળ નથી. કોંગ્રેસ ટીમ ઈન્ડિયાને સતત અભિનંદન આપી રહી છે. વર્લ્ડ કપ ફાઈનલને લઈને BJP અને કોંગ્રેસ બંનેમાં અલગ જ પ્રકારની દોડધામ ચાલી રહી છે.

કોંગ્રેસે તેના સત્તાવાર X (Twitter) એકાઉન્ટ પરથી એક વીડિયો શેર કરીને ભારતીય ટીમને પ્રોત્સાહિત કરી છે. આ વીડિયોમાં 1983ના વર્લ્ડ કપ ફાઈનલની તસવીરો છે. પૂર્વ PM ઈન્દિરા ગાંધી અને ભારતીય ક્રિકેટ ટીમના પૂર્વ કેપ્ટન કપિલ દેવ વર્લ્ડ કપ ટ્રોફી સાથે જોવા મળી રહ્યા છે. 2007 અને 2011ની વર્લ્ડ કપની ટ્રોફી સાથે ધોની અને તત્કાલીન PM મનમોહન સિંહની તસવીરો પણ શેર કરવામાં આવી છે. કેપ્શનમાં લખ્યું છે, 'દેખેગા ભારત, જીતેગા ઈન્ડિયા'.

JITEGA INDIA ?? pic.twitter.com/mclTl5F7Vh

— Congress (@INCIndia) November 18, 2023

આ તરફ BJP પણ વર્લ્ડ કપને લઈને ખૂબ જ ઉત્સાહિત જોવા મળી રહ્યું છે. બીજી એક જ્યાં PM નરેન્દ્ર મોદીથી લઈને તમામ BJP નેતાઓ મેચ જોવા સ્ટેડિયમમાં આવશે. તો પાર્ટીના ટ્વિટર એકાઉન્ટ પરથી ટીમ ઈન્ડિયાને અભિનંદન આપવામાં આવી રહ્યા છે. PM મોદી સહિત ઘણા નેતાઓ અને મંત્રીઓએ સેમિફાઇનલમાં ભારતની જીત પર ખેલાડીઓને અભિનંદન પાઠવ્યા હતા. PM મોદીએ ટ્વિટર પર વિરાટ કોહલીને 50 સદી પૂર્ણ કરવા પર અભિનંદન પાઠવ્યા હતા. આ સિવાય અનુરાગ ઠાકુર, પીયૂષ ગોયલ અને અન્ય નેતાઓ પણ ટીમ ઈન્ડિયાને અભિનંદન આપતા જોવા મળ્યા હતા.

Heartiest congratulations to our Indian Cricket Team on storming into the World Cup final! ?? pic.twitter.com/SI0c8ZiY6Q

— BJP (@BJP4India) November 15, 2023

અહીં તમને જણાવી દઈએ કે, આ વર્લ્ડ કપમાં ભારતે અત્યાર સુધીની તમામ મેચો જીતી છે. ટીમ ઈન્ડિયાના તમામ ખેલાડીઓ શાનદાર પ્રદર્શન કરી રહ્યા છે અને નવા રેકોર્ડ બનાવી રહ્યા છે. હવે રવિવારે યોજાનારી ફાઇનલમાં ભારતનો સામનો ઓસ્ટ્રેલિયા સામે થશે. આ મેચ પહેલા દેશભરમાં ટીમ ઈન્ડિયા માટે પ્રાર્થના કરવામાં આવી રહી છે. રમતના જાણકારોનું પણ માનવું છે કે, ભારત અને ઓસ્ટ્રેલિયા વચ્ચેની મેચ રસપ્રદ બની શકે છે. જો કે ભારતીય ટીમના તમામ ખેલાડીઓ ફોર્મમાં છે, આવી સ્થિતિમાં ભારત ઓસ્ટ્રેલિયા સામે જીત મેળવી શકે છે.