ટ્રમ્પ માટે આ NRI યુવાને 38 વર્ષની ઊંમરે કરી દીધો મોટો ત્યાગ

ભારતીય મૂળના વિવેક રામાસ્વામી અમેરિકાના રાષ્ટ્રપતિ બનવાની રેસમાંથી ખસી ગયા છે. તેઓ આ વર્ષના અંતમાં યોજાનારી અમેરિકી રાષ્ટ્રપતિની ચૂંટણી લડશે નહીં. 38 વર્ષીય રામાસ્વામીએ આ નિર્ણય આયોવાના રિપબ્લિકન કોકસમાં ખરાબ પ્રદર્શન પછી લીધો હતો. આ વોટિંગમાં પૂર્વ રાષ્ટ્રપતિ ડોનાલ્ડ ટ્રમ્પનો વિજય થયો છે. બાયોટેક ઉદ્યોગસાહસિક રામાસ્વામીએ જાહેરાત કરી કે, તેઓ ચૂંટણી પ્રચાર છોડી રહ્યા છે. આ અવસર પર તેમણે કહ્યું, 'મારા માટે રાષ્ટ્રપતિ બનવાનો કોઈ રસ્તો નથી, તેથી હું મારું પ્રચાર અહીં સમાપ્ત કરી રહ્યો છું. મેં ડોનાલ્ડ ટ્રમ્પને ફોન કરીને કહ્યું કે, હું તેમને તેમની જીત બદલ અભિનંદન આપું છું. તેણે ટ્રમ્પને પોતાનું સમર્થન પણ જાહેર કર્યું છે.

આ અગાઉ ટ્રમ્પે રામાસ્વામીની જાહેરમાં ટીકા કરી હતી. તેમણે આરોપ લગાવ્યો કે, ભારતીય-અમેરિકન ઉદ્યોગસાહસિકો નામાંકન મેળવવા માટે કપટી યુક્તિઓ અપનાવી રહ્યા છે. પૂર્વ રાષ્ટ્રપતિ ટ્રમ્પની આ ટિપ્પણી રામાસ્વામીના નિવેદન અને વાયરલ પોસ્ટ પછી આવી છે. રામસ્વામીના શબ્દોથી ટ્રમ્પ અને તેમની ટીમ ખૂબ નારાજ હોવાનું કહેવાય છે. રામાસ્વામીના ચૂંટણી પ્રચાર દરમિયાન લોકો દ્વારા પહેરવામાં આવેલા T-શર્ટ પર લખેલા સૂત્રોથી ટ્રમ્પ ગુસ્સે થયા હતા. T-શર્ટ પર લખ્યું હતું, 'ટ્રમ્પને બચાવો, વિવેકને મત આપો'. રામાસ્વામીએ શનિવારે આયોવાના રોક રેપિડ્સમાં તેમના કાર્યક્રમ પછી યુવાનો સાથેની એક તસવીર પોસ્ટ કરી હતી, જેણે પૂર્વ રાષ્ટ્રપતિનો ગુસ્સો વધુ વધાર્યો હતો.

રાજકીય નિષ્ણાતોનું માનવું હતું કે, રિપબ્લિકન પાર્ટીનું નોમિનેશન મેળવવા માટે રામાસ્વામી ટ્રમ્પને ટક્કર આપી શકે છે. પરંતુ હવે વસ્તુઓ ઝડપથી બદલાઈ ગઈ છે. રિપોર્ટ અનુસાર રામાસ્વામી હવે અમેરિકાના ન્યૂ હેમ્પશાયરમાં ટ્રમ્પ સાથે રેલી પણ કરશે. તે જાણીતું છે કે રામાસ્વામીએ ગયા વર્ષે ફેબ્રુઆરીમાં રિપબ્લિકન પાર્ટી તરફથી રાષ્ટ્રપતિ પદની રેસમાં ભાગ લેવાની જાહેરાત કરી હતી. તે સમય સુધી રાજકીય વર્તુળોમાં બહુ ઓછા લોકો તેમને ઓળખતા હતા. પરંતુ, તેમણે ઈમિગ્રેશન અને અમેરિકા-ફર્સ્ટ જેવા મુદ્દાઓ જોરદાર રીતે ઉઠાવ્યા. આનાથી તેમને રિપબ્લિકન મતદારોમાં પોતાની ઓળખ સ્થાપિત કરવામાં ઘણી મદદ મળી.

અહીં તમને જણાવી દઈએ કે, અત્યાર સુધી ડોનાલ્ડ ટ્રમ્પ અને રામાસ્વામી વચ્ચે સારી સમજણ હતી. કોલોરાડો સુપ્રીમ કોર્ટે ડોનાલ્ડ ટ્રમ્પના મતપત્ર પર પ્રતિબંધ મૂક્યા પછી રામાસ્વામીએ ત્યાં સુધી કહ્યું હતું કે, તમામ રિપબ્લિકન ઉમેદવારોએ પણ તેમનું મતદાન પાછું ખેંચી લેવું જોઈએ. ડોનાલ્ડ ટ્રમ્પે પણ ચોથી GOP ચર્ચા પછી રામાસ્વામીની પ્રશંસા કરી હતી.