સોમવાર, 13 ઓક્ટોબર, 2025ના રોજ, ગાઝા યુદ્ધનો અંત લાવવા માટે ઇજિપ્તના અલ-શેખ રિસોર્ટમાં એક આંતરરાષ્ટ્રીય શાંતિ પરિષદ યોજાઈ હતી. તુર્કીના રાષ્ટ્રપતિ એર્દોગન, ઇટાલીના PM જ્યોર્જિયા મેલોની, કતારના અમીર, જર્મન ચાન્સેલર અને US પ્રમુખ ડોનાલ્ડ ટ્રમ્પ, પાકિસ્તાનના PM શાહબાઝ શરીફ સાથે, આ પરિષદમાં હાજરી આપી હતી. પરિષદમાં, તુર્કીના રાષ્ટ્રપતિ રેસેપ તૈયપ એર્દોગનએ મજાકમાં PM મેલોનીને તેની ધૂમ્રપાનની આદત વિશે ટિપ્પણી કરી હતી.
કોન્ફરન્સ દરમિયાન, એર્દોગનએ મજાકમાં PM જ્યોર્જિયા મેલોનીને કહ્યું, 'તમે ખૂબ જ સુંદર દેખાવ છો, પણ મારે તમારી ધૂમ્રપાનની આદત છોડાવવી પડશે.' બંને નેતાઓની વાતચીતનો એક વીડિયો સોશિયલ મીડિયા પર વાયરલ થઈ રહ્યો છે.
વીડિયોમાં, ફ્રાન્સના રાષ્ટ્રપતિ ઇમેન્યુઅલ મેક્રોન પણ નજીકમાં ઉભા રહેલા દેખાય છે, તેઓ એર્દોગનના આ નિવેદન પર જોરથી હાસ્ય અને કહેતા જોવા મળે છે કે, તે અશક્ય છે. આના પર PM મેલોનીએ હસીને જવાબ આપ્યો, 'મને ખબર છે, પણ જો હું ધૂમ્રપાન છોડી દઉં, તો હું કદાચ ઓછી સામાજિક બની જઈશ. હું કોઈને મારવા માંગતી નથી.'
https://twitter.com/ihacomtr/status/1977740392708678131
અત્રે ઉલ્લેખનીય છે કે ઇટાલીના PM જ્યોર્જિયા મેલોનીએ પત્રકારોના લેખોની શ્રેણી પર આધારિત પુસ્તકમાં કહ્યું છે કે, આ ધૂમ્રપાનને કારણે તેમને ટ્યુનિશિયાના રાષ્ટ્રપતિ કૈસ સૈયદ સહિત વૈશ્વિક નેતાઓ સાથે જોડાવામાં મદદ મળી છે.
મીડિયા રિપોર્ટ્સ અનુસાર, એર્દોગને આ મજાક ની વચ્ચે એમ પણ કહ્યું હતું કે, તેમનો દેશ તુર્કી, ધૂમ્રપાન મુક્ત ભવિષ્ય તરફ કામ કરી રહ્યો છે. તેથી, તેઓ જ્યાં પણ જાય છે ત્યાં તેઓ લોકોને ધૂમ્રપાન છોડવા માટે પ્રોત્સાહિત કરે છે. ઇઝરાયલી PM બેન્જામિન નેતન્યાહૂ આ પરિષદમાં ગેરહાજર રહ્યા હતા. તેમના કાર્યાલયે પહેલાથી જ સ્પષ્ટ કરી દીધું હતું કે, PM નેતન્યાહૂ આ સંમેલનમાં હાજરી આપી શકશે નહીં.
US પ્રમુખ ડોનાલ્ડ ટ્રમ્પ અને ઇજિપ્તના રાષ્ટ્રપતિ અબ્દેલ ફત્તાહ અલ-સીસીએ પણ ઓનલાઈન સંદેશાઓ મોકલીને તમામ પક્ષોને સંયમ રાખવા અને માનવતાવાદી સહાય વધારવા વિનંતી કરી. ઇજિપ્તના શર્મ અલ-શેખમાં યોજાયેલી બેઠક મધ્ય પૂર્વમાં ચાલી રહેલા સંકટ વચ્ચે એક મહત્વપૂર્ણ રાજદ્વારી પ્લેટફોર્મ સાબિત થઈ છે. ઘણા દેશો સંમત થયા છે કે ગાઝામાં કાયમી શાંતિ ફક્ત ત્યારે જ પ્રાપ્ત થઈ શકે છે, જ્યારે બધા પક્ષો હિંસા છોડી દે અને વાતચીતનો માર્ગ અપનાવે.
15.jpg)
