હાર્દિક આ શરતે રમી શકશે, સિલેક્શનને લઈને રોહિત, રાહુલ અને અજીત અગરકરે બેઠક યોજી

T20 વર્લ્ડ કપ માટે હાર્દિક પંડ્યાની ભારતીય ટીમમાં વાપસીનો આધાર IPLની બાકીની મેચોમાં તે કેટલી સારી અને કેટલી વાર બોલિંગ કરે છે તેના પર રહેશે. ગયા અઠવાડિયે, ભારતના મુખ્ય કોચ રાહુલ દ્રવિડ, પસંદગી સમિતિના અધ્યક્ષ અજીત અગરકર અને કેપ્ટન રોહિત શર્મા વચ્ચે મુંબઈમાં BCCI મુખ્યાલયમાં બેઠક યોજાઈ હતી.

તે બેઠકમાં નિર્ણય લેવામાં આવ્યો હતો કે, જો હાર્દિક પંડ્યાને T20 ટીમમાં પાછું ફરવું હોય તો તેણે નિયમિત બોલિંગ કરવી પડશે. મીડિયા સૂત્રોના અહેવાલ મુજબ, બે કલાક ચાલેલી બેઠકમાં ચર્ચાનો મુખ્ય ભાગ સીમ બોલિંગ ઓલરાઉન્ડરને લઈને હતો. T20 વર્લ્ડ કપ 2024 યુનાઇટેડ સ્ટેટ્સ અને વેસ્ટ ઇન્ડિઝમાં યોજાવાનો છે. આ જ કારણ છે કે, ટીમ સીમ બોલિંગ ઓલરાઉન્ડરની શોધમાં છે.

IPLમાં હાર્દિક પંડ્યાનું પ્રદર્શન ખરાબ રહ્યું છે અને દર્શકો તરફથી પ્રતિકૂળ પ્રતિક્રિયાઓ આવી રહી છે. રોહિત શર્માની જગ્યાએ હાર્દિક પંડ્યાને મુંબઈ ઈન્ડિયન્સનો કેપ્ટન બનાવવામાં આવતા દર્શકો નાખુશ છે. ઇન્ડિયન પ્રીમિયર લીગ (IPL) 2024માં અત્યાર સુધી બેટ અને બોલ બંને સાથે હાર્દિક પંડ્યાનું પ્રદર્શન સારું રહ્યું નથી.

રવિવારે રાત્રે ચેન્નાઈ સુપર કિંગ્સની ઈનિંગની છેલ્લી ઓવરમાં MS ધોનીએ તેને સતત ત્રણ સિક્સર ફટકારી હતી. આ કારણે લોકો તેના પર વધુ ગુસ્સે છે. ભારતીય ટીમ મેનેજમેન્ટ હાર્દિકને T20 વર્લ્ડ કપ 2024માં ઓલરાઉન્ડર તરીકે જોવા માંગે છે, કારણ કે તેનાથી તેને જરૂરી સંતુલન મળશે. આમ પણ, ટીમ ઈન્ડિયા નિષ્ણાત બેટ્સમેનથી ભરેલી છે.

IPLમાંથી પરત ફર્યા પછી હાર્દિક પંડ્યાએ 6માંથી 4 મેચમાં બોલિંગ કરી છે. તેણે ગુજરાત ટાઇટન્સ અને સનરાઇઝર્સ હૈદરાબાદ સામેની પ્રથમ બે મેચમાં બોલિંગની શરૂઆત કરી હતી. તેઓએ અનુક્રમે 3 અને 4 ઓવર ફેંકી. ત્યાર પછીની બે મેચમાં બોલિંગ કરી ન હતી.

આ પછી તેણે રોયલ ચેલેન્જર્સ બેંગ્લોર સામે એક ઓવર નાખી. હાર્દિક પંડ્યાએ રવિવારે ચેન્નાઈ સુપર કિંગ્સ સામે ત્રણ ઓવર ફેંકી હતી. ચિંતાની વાત એ છે કે, આ IPLમાં હાર્દિક પંડ્યાનો ઈકોનોમી રેટ 12.00 હતો અને તેના નામે માત્ર ત્રણ વિકેટ છે.

IPL 2024માં હાર્દિક પંડ્યાનું બોલિંગ પ્રદર્શન: પાવરપ્લે (1-6)માં-4 ઓવર બોલ કરી 44 રન આપ્યા-1 વિકેટ-11નો ઈકોનોમી રેટ. મધ્ય ઓવરો (7-16)-6 ઓવર ફેંકી-62 રન આપ્યા-1 વિકેટ-10.33નો ઈકોનોમી રેટ. ડેથ ઓવર્સમાં (16-20)-1 ઓવર ફેંકી-26 રન આપ્યા-1 વિકેટ-26નો ઇકોનોમી રેટ.

બેટિંગની વાત કરીએ તો અહીં પણ હાર્દિક પંડ્યાનું ફોર્મ ચિંતાનો વિષય છે. તેણે આ IPLમાં અત્યાર સુધી માત્ર 131 રન બનાવ્યા છે. જાણવા મળ્યું છે કે, પસંદગીકારો શિવમ દુબેથી પણ ખૂબ જ પ્રભાવિત છે. ડાબોડી બેટ્સમેન હોવા ઉપરાંત શિવમ દુબે સ્પિનરોની ઈચ્છા મુજબ ધોલાઈ કરવામાં સક્ષમ છે. આ સિઝનમાં, એક ઓવરમાં બે બાઉન્સર હોવા છતાં, શિવમ દુબેએ ઝડપી બોલરો સામે તેની રમતમાં સુધારો કર્યો છે.

મિડલ ઓર્ડરમાં શિવમ દુબેની પાવર-હિટિંગ ટીમને ખાસ તાકાત પૂરી પાડે છે. પરંતુ શિવમ દુબેની સમસ્યા એ છે કે ચેન્નાઈ સુપર કિંગ્સ મુખ્યત્વે તેનો ઉપયોગ ઈમ્પેક્ટ પ્લેયર તરીકે કરે છે. જ્યાં તેણે બોલ સાથે યોગદાન આપવાની જરૂર નથી. આવી સ્થિતિમાં પસંદગીકારો તેને પસંદ કરશે તો પણ તેનો ઉપયોગ માત્ર પાર્ટ ટાઈમ બોલર તરીકે જ થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.