IPS ઓફિસરની એક્ટ્રેસ દીકરી 14 કિલો સોનું છૂપાવીને લાવતી હતી, પકડાઈ ગઈ

સોનાની દાણચોરીના કેસમાં કન્નડ ફિલ્મ ઉદ્યોગની પ્રખ્યાત અભિનેત્રી રાન્યા રાવની ધરપકડ કરવામાં આવી છે. સોનાની દાણચોરીના આરોપસર બેંગલુરુ આંતરરાષ્ટ્રીય એરપોર્ટ પર રાન્યા રાવની ધરપકડ કરવામાં આવી છે. નવાઈની વાત એ છે કે, રાન્યા રાવના સાવકા પિતા K રામચંદ્ર રાવ કર્ણાટકમાં એક IPS અધિકારી છે. રિપોર્ટ અનુસાર, રાન્યા રાવ 15 દિવસમાં ચાર વખત દુબઈ આવાગમન કર્યું હતું, તેના કારણે તે પોલીસના રડારમાં આવી હતી.

સોમવારે રાત્રે બેંગલુરુના કેમ્પેગૌડા આંતરરાષ્ટ્રીય એરપોર્ટ પર કન્નડ અભિનેત્રી રાન્યા રાવ પાસેથી 14.8 Kg સોનું મળી આવ્યા પછી તેની ધરપકડ કરવામાં આવી હતી. મીડિયા સૂત્રોના અહેવાલમાં અધિકારીઓનો ઉલ્લેખ કરીને કહેવામાં આવ્યું છે કે, ડિરેક્ટોરેટ ઓફ રેવન્યુ ઇન્ટેલિજન્સ (DRI)એ આ ધરપકડ કરી છે. રાન્યા રાવને આર્થિક ગુનાની અદાલતમાં રજૂ કરવામાં આવી હતી, જ્યાંથી તેને 14 દિવસની ન્યાયિક કસ્ટડીમાં મોકલી દેવામાં આવી હતી.

Ranya-Rao

રાન્યા રાવ કન્નડ સુપરસ્ટાર સુદીપ સાથે ફિલ્મ 'માણિક્ય' (2014)માં તેની ભૂમિકા માટે જાણીતી છે. તેણે દક્ષિણ ભારતની ઘણી ફિલ્મોમાં પણ અભિનય કર્યો છે. એવું કહેવામાં આવી રહ્યું છે કે, પોલીસ આ બાબતની તપાસ કરી રહી છે કે, શું તે આ કામમાં એકલી હતી કે, દુબઈ અને ભારત વચ્ચે કાર્યરત મોટા દાણચોરી નેટવર્કનો એક ભાગ છે. પોલીસના જણાવ્યા અનુસાર, 15 દિવસમાં ચાર વખત દુબઈની મુસાફરી કર્યા પછી અભિનેત્રી તેમના રડારમાં આવી હતી. ઘણી વખત દુબઈની મુલાકાત લેવા બદલ ટીકાનો ભોગ બનેલી રાન્યા રાવ સોમવારે પરત ફરી અને તેની સામે કાર્યવાહી શરૂ કરવામાં આવી.

Ranya-Rao2

અહીં તમને જણાવી દઈએ કે, 33 વર્ષીય રાન્યા રાવ કર્ણાટકના વરિષ્ઠ IPS અધિકારી K. રામચંદ્ર રાવની સાવકી પુત્રી છે. તેઓ કર્ણાટક રાજ્ય પોલીસ હાઉસિંગ કોર્પોરેશનમાં પોલીસ મહાનિર્દેશક (DGP)નું પદ સંભાળી રહ્યા છે. અધિકારીઓનો ઉલ્લેખ કરીને મીડિયા સૂત્રએ અહેવાલ આપ્યો છે કે, રાન્યા રાવ દુબઈથી અમીરાતની ફ્લાઇટમાં બેંગલુરુના કેમ્પેગૌડા આંતરરાષ્ટ્રીય એરપોર્ટ પર પહોંચી હતી. તેના વારંવારના આંતરરાષ્ટ્રીય પ્રવાસને કારણે તેના પર નજર રાખવામાં આવી રહી હતી.

Ranya-Rao5

રાન્યા રાવ 15 દિવસમાં ચાર વખત દુબઈ ગઈ હોવાનું જાણવા મળતાં પોલીસને શંકા ગઈ, જેના પગલે તેના પરત ફર્યા પછી કાર્યવાહી શરૂ કરવામાં આવી. શરૂઆતની તપાસમાં એવું જણાય છે કે, રાન્યા રાવે કસ્ટમ ચકાસણીને અવગણવા માટે પોતાના સંબંધોનો ઉપયોગ કરવાનો પ્રયાસ કર્યો હશે.

રિપોર્ટમાં કહેવામાં આવ્યું છે કે, ફ્લાઇટમાંથી ઉતરતી વખતે, તેણે કથિત રીતે કર્ણાટકના DGPની પુત્રી હોવાનો દાવો કર્યો હતો અને સ્થાનિક પોલીસ કર્મચારીઓનો સંપર્ક કર્યો હતો અને તેમને ઘરે મૂકવા કહ્યું હતું. તપાસકર્તાઓએ એમ પણ જણાવ્યું હતું કે, તેણે કથિત રીતે મોટી માત્રામાં સોનું પહેરીને અને સોનાના લગડીઓ પોતાના પહેરેલા કપડાંમાં છુપાવીને સોનાની દાણચોરી કરવાનો પ્રયાસ કર્યો હતો.

Related Posts

Top News

મનરેગા કૌભાંડ: મંત્રી બચુ ખાબડના 2 પુત્રો પછી હવે ભાણેજ પણ પકડાયો

દાહોદના દેવગઢ બારિયા અને ધનપુર તાલુકાના મનરેગા કૌભાંડમાં પરિવારવાદ જોવા મળ્યો છે. 71 કરોડ રૂપિયાના કૌભાંડમાં ગુજરાતના મંત્રી બચુ ખાબડના...
Gujarat 
મનરેગા કૌભાંડ: મંત્રી બચુ ખાબડના 2 પુત્રો પછી હવે ભાણેજ પણ પકડાયો

સાચવજો, 21મેથી ગુજરાતમાં તોફાની કમોસમી વરસાદનો બીજો રાઉન્ડ શરૂ થશે

ગુજરાતમાં તોફાની વરસાદનો બીજો રાઉન્ડ 21મેથી શરૂ થવાની સંભાવના છે. અરબી સમુદ્ધમાં અપરએર સાયક્લોનિક સર્ક્યુલેશન સીસ્ટમ સક્રીય બની છે કે...
Gujarat 
સાચવજો, 21મેથી ગુજરાતમાં તોફાની કમોસમી વરસાદનો બીજો રાઉન્ડ શરૂ થશે

'સમજૂતી પછી જ યુ*દ્ધવિરામ પર ચર્ચા થશે...', યુક્રેનમાં યુ*દ્ધવિરામ પર ટ્રમ્પ સાથેની વાતચીતમાં પુતિને કહ્યું

અમેરિકાના રાષ્ટ્રપતિ ડોનાલ્ડ ટ્રમ્પે રશિયાના રાષ્ટ્રપતિ વ્લાદિમીર પુતિનને ફોન કરીને યુક્રેનમાં યુદ્ધવિરામ અંગે ચર્ચા કરી. અહેવાલ મુજબ તેમને પૂછવામાં આવ્યું...
World 
'સમજૂતી પછી જ યુ*દ્ધવિરામ પર ચર્ચા થશે...', યુક્રેનમાં યુ*દ્ધવિરામ પર ટ્રમ્પ સાથેની વાતચીતમાં પુતિને કહ્યું

મસ્જિદને થયું નુકસાન, મદદ માટે આગળ આવી ભારતીય સેના; થઈ રહ્યા છે ભરપેટ વખાણ

પહેલગામમાં થયેલા હુમલા બાદ ભારતે ‘ઓપરેશન સિંદૂર’ લોન્ચ કરીને પાકિસ્તાન અને PoKમાં એર સ્ટ્રાઈક કરી દીધી અને...
National 
મસ્જિદને થયું નુકસાન, મદદ માટે આગળ આવી ભારતીય સેના; થઈ રહ્યા છે ભરપેટ વખાણ
Copyright (c) Khabarchhe All Rights Reserved.