ગુજરાતના દાહોદમાંથી ચોંકાવનારો મામલો સામે આવ્યો છે. જ્યાં એક પિતાને દીકરીના પ્રેમ લગ્ન કરવા જરા પણ પસંદ ના આવ્યા અને તેમણે જીવતા જીવ તેના અંતિમ સંસ્કાર કરી દીધા. મામલો ગરબાડા ગામનો છે. અહીં એક મહિના પહેલા એક બ્રાહ્મણ સમાજની છોકરીએ બીજી જાતિના યુવક સાથે ભાગીને લવ મેરેજ કરી લીધા. માતા-પિતાને પહેલા આ વાતની જાણ નહોતી. એક મહિના પહેલા છોકરી અચાનક ઘરેથી ગૂમ થઈ ગઈ. માતા-પિતાએ ગ્રામજનો સાથે મળીને દીકરીની શોધખોળ કરી પરંતુ, તે ના મળી. પછી તેમણે પોલીસમાં તેના ગૂમ થવાની ફરિયાદ દાખલ કરાવી. પોલીસે જ્યારે તેને શોધી તો પરિવારજનોને જાણકારી મળી કે તેમની દીકરીએ બીજી જાતિના છોકરા સાથે લગ્ન કરી લીધા છે.
તેમણે દીકરીને મનાવી કે તે પાછી આવી જાય. પરંતુ, દીકરી પોતાની જીદ પર અડી રહી. તેણે માતા-પિતા સાથે જવાનો ઇન્કાર કરી દીધો. છોકરી વયસ્ક હતી. આથી, પોલીસ પણ આ મામલામાં કોઈ એક્શન ના લઇ શકી. કારણ કે, છોકરીએ કહ્યું કે તેણે પોતાની મરજીથી યુવક સાથે લગ્ન કર્યા છે અને તે તેની સાથે જ રહેવા માંગે છે. આ બધુ સાંભળીને માતા-પિતાને ખૂબ જ આઘાત લાગ્યો. તે સમયે તો તેઓ પાછા ઘરે આવી ગયા પરંતુ, ગામમાં આવતા જ તેમણે દીકરી સાથે બધા સંબંધો તોડી નાંખ્યા. ત્યાં સુધી કે, તેના જીવતા જીવ અંતિમ સંસ્કાર પણ કરી દીધા. પિતાએ કહ્યું કે, તેમના માટે તેમની દીકરી મરી ચુકી છે. હવે તેમની દીકરી સાથે કોઈ સંબંધ નથી.
જણાવી દઇએ કે, આ અગાઉ આવો જ એક મામલો ઉત્તર પ્રદેશના ઔરૈયામાંથી સામે આવ્યો હતો. અહીં એક દીકરીના પ્રેમ સાથે લવ મેરેજ કરવા પર પિતાએ તેની સાથેના બધા સંબંધો તોડી નાંખ્યા હતા. પછી તેના જીવતા જીવ અંતિમ સંસ્કાર કરી દીધા હતા. અંતિમ સંસ્કારની રસ્મો નિભાવતા પિતાએ માથે ટાલ કરાવવાની સાથે સાંકેતિક પિંડદાન પણ કરી દીધુ. ત્યારબાદ, પિતા બોલ્યા કે હવે મારી દીકરી મારા માટે મરી ચુકી છે.
ત્યાં જ, બહેનને પ્રેમી સાથે જવા દેવા પર ઘરે આવીને ભાઈએ ઝેરી પદાર્થ ખાઇને જીવ આપવાનો પ્રયત્ન કર્યો હતો. જેને ગંભીર હાલતમાં પ્રાઇવેટ હોસ્પિટલમાં દાખલ કરવામાં આવ્યો હતો. જોકે, તેનો જીવ બચી ગયો. મામલો દિબિયાપુરનો છે. અહીં 19 વર્ષીય યુવતીને શેરીમાં રહેતા વેપારીના દીકરા સાથે પ્રેમ થઈ ગયો. બે વર્ષથી તેમનો પ્રેમ પ્રસંગ ચાલી રહ્યો હતો. બંનેએ એકસાથે રહેવાનો નિર્ણય કરી લીધો. બંનેના પ્રેમ પ્રસંગની જાણકારી પરિવારજનો તેમજ ભાઇઓને પણ ના થઈ શકી.
ગ્રામજનો અને પરિવારજનોથી છૂપાઇને બંનેએ આર્ય સમાજમાં જઇને લગ્ન કરી લીધા. ત્યારબાદ બંનેએ કોર્ટ મેરેજ કરી લીધા. જ્યારે છોકરીએ કોર્ટ મેરેજ કરવાની જાણકારી પોતાના ઘરના સભ્યોને આપી તો ઘરના સભ્યોએ તેનો વિરોધ કર્યો. તેણે કહ્યું કે, તેઓ આ લગ્નનો સ્વીકાર નહીં કરશે. છતા છોકરી ના માની અને પતિ સાથે સાસરે જતી રહી.
15.jpg)
