ગિલ આઉટ તો ઇંગ્લિશ બેટ્સમેન કેમ નહીં? થર્ડ અમ્પાયર પર ફરી સવાલો ઉઠ્યા, જુઓ Video

ઈંગ્લેન્ડ અને ઓસ્ટ્રેલિયા વચ્ચે એશિઝ શ્રેણીની બીજી મેચ ક્રિકેટના મક્કા ગણાતા લોર્ડ્સમાં રમાઈ રહી છે. આ મેચના ચોથા દિવસે (1 જુલાઈ) જબરદસ્ત હંગામો જોવા મળ્યો હતો. સમગ્ર હંગામાના કેન્દ્રમાં મિચેલ સ્ટાર્ક હતો, જેણે ઈંગ્લિશ બેટ્સમેન બેન ડકેટનો કેચ લીધો હતો. જોકે, ત્યાર પછી ત્રીજા અમ્પાયરે મેદાન પરના અમ્પાયરના નિર્ણયને પલટી નાખ્યો હતો.

આ સમગ્ર ઘટના ઈંગ્લેન્ડની બીજી ઈનિંગની 29મી ઓવરમાં બની હતી. તે ઓવરમાં, કેમેરોન ગ્રીને પાંચમો બોલ શોટ નાખ્યો, જેના પર ડકેટે ફાઇન લેગ એરિયામાં રેમ્પ શોટ માર્યો. શોટની ટાઈમિંગ એટલી સારી ન હતી અને બોલ હવામાં આગળ વધ્યો હતો. તે જગ્યાએ હાજર મિચેલ સ્ટાર્કે ડાબી બાજુએ દોડીને કેચ પકડ્યો હતો. જોકે, જ્યારે કેચ લેતી વખતે મિચેલ સ્ટાર્ક સરકી ગયો ત્યારે બોલ જમીનને સ્પર્શી ગયો. મેદાન પરના અમ્પાયરને આ કેચ અંગે ખાતરી થઈ અને તેણે સ્ટાર્કની તરફેણમાં નિર્ણય આપ્યો.

બીજી તરફ, બેન ડકેટ ઇચ્છતા હતા કે થર્ડ અમ્પાયર મામલાની ક્રોસ-ચેક કરે. મામલો થર્ડ અમ્પાયર મરાઈસ ઈરાસ્મસ સુધી પહોંચ્યો પણ હતો. દક્ષિણ આફ્રિકાના રહેવાસી ઇરાસ્મસે રિપ્લે જોયા બાદ મેદાન પરના અમ્પાયરના નિર્ણયને પલટી નાખ્યો હતો. ઇરાસ્મસનું માનવું હતું કે જ્યારે મિચેલ સ્ટાર્કે કેચ તો પકડી લીધો હતો, જ્યારે બોલ જમીનને સ્પર્શી રહ્યો હતો ત્યારે તે પોતે સંપૂર્ણ નિયંત્રણમાં ન હતો. ઓસ્ટ્રેલિયન ખેલાડીઓ આ નિર્ણયથી ખૂબ જ નારાજ દેખાતા હતા અને મેદાન પરના અમ્પાયરો સાથે લાંબા સમય સુધી દલીલ કરી હતી.

થર્ડ અમ્પાયરના આ નિર્ણયે ગયા મહિને ભારત અને ઓસ્ટ્રેલિયા વચ્ચે રમાયેલી વર્લ્ડ ટેસ્ટ ચેમ્પિયનશિપની ફાઇનલ મેચની યાદ અપાવી. તે મેચમાં કેમરૂન ગ્રીને એક હાથે શુભમન ગિલનો ડાઇવિંગ કેચ લીધો હતો. ત્યારબાદ મામલો થર્ડ અમ્પાયર પાસે ગયો. તે સમયે, રિપ્લે જોયા પછી, પ્રથમ દૃષ્ટિએ એવું લાગતું હતું કે, બોલ જમીનને સ્પર્શ્યો હતો, પરંતુ થર્ડ અમ્પાયર રિચર્ડ કેટલબરોએ બેટ્સમેન વિરુદ્ધ નિર્ણય આપ્યો. જો આપણે સ્ટાર્ક અને કેમેરોન ગ્રીનના કેચની સરખામણી કરીએ તો, સ્ટાર્ક ગ્રીન કરતાં બોલ પર વધુ નિયંત્રણ રાખતો હતો. આવી સ્થિતિમાં થર્ડ અમ્પાયર પર સવાલ ઉઠાવવા યોગ્ય લાગે છે.

ક્રિકેટના નિયમો બનાવતી સંસ્થા મેરીલેબોન ક્રિકેટ ક્લબે પણ આ સમગ્ર મામલે સ્પષ્ટતા આપી છે. MCCએ પોતાના ટ્વિટમાં લખ્યું છે કે, 'નિયમ 33.3માં સ્પષ્ટ રીતે લખ્યું છે કે, કેચ ત્યારે જ પૂર્ણ માનવામાં આવે છે જ્યારે ફિલ્ડરનો બોલ અને તેની પોતાની ગતિ પર સંપૂર્ણ નિયંત્રણ હોય. આ પહેલા બોલ જમીનને સ્પર્શી શકતો નથી. આ કિસ્સામાં, જ્યારે બોલ જમીનને સ્પર્શી રહ્યો હતો, ત્યારે મિશેલ સ્ટાર્ક સરકી રહ્યો હતો અને તેથી તેની પોતાની ગતિ પર સંપૂર્ણ નિયંત્રણ નહોતું.'

ચાલો જવા દો એને, અમ્પાયરનો નિર્ણય જે પણ હોય, ઓસ્ટ્રેલિયન ટીમને કેટલું નુકસાન થાય છે, તે તો પાંચમા દિવસની રમત જ કહેશે. 371 રનના લક્ષ્યાંકનો પીછો કરતા ચોથા દિવસના અંતે ઇંગ્લેન્ડે તેની બીજી ઇનિંગમાં ચાર વિકેટે 114 રન બનાવી લીધા હતા. બેન ડકેટ છ ચોગ્ગાની મદદથી 50 અને કેપ્ટન બેન સ્ટોક્સ 29 રને રમી રહ્યા હતા.

 
 
 
View this post on Instagram

A post shared by ICC (@icc)

About The Author

Top News

બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન

પાકિસ્તાન અધિકૃત બલુચિસ્તાનમાં બલુચ લોકો રસ્તાઓ પર ઉતરી આવ્યા છે અને તેમનો રાષ્ટ્રીય ચુકાદો છે કે બલુચિસ્તાન પાકિસ્તાન નથી અને...
World 
બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન

આ 5 બેંકોમાં હિસ્સેદારી વેચશે મોદી સરકાર! હિસ્સેદારી ઘટાડતા પહેલી વખત થશે આ કામ

સરકાર આગામી સમયમાં બેન્કિંગ સિસ્ટમને લઈને કેટલાક મોટા ફેરફારની યોજના બનાવી રહી છે. એક તરફ, સરકાર IDBI બેન્કમાં લગભગ ...
Business 
આ 5 બેંકોમાં હિસ્સેદારી વેચશે મોદી સરકાર! હિસ્સેદારી ઘટાડતા પહેલી વખત થશે આ કામ

'પાકિસ્તાન ઝિંદાબાદ' લખી જેલમાં ગયો, બહાર આવ્યો ત્યારે 'ભારત માતા કી જય' કહેવાનું શરૂ કર્યું

ઉત્તર પ્રદેશના બરેલીથી એક વીડિયો સામે આવ્યો છે. વીડિયોમાં, ફખરુદ્દીન નામનો વ્યક્તિ પોલીસ કસ્ટડીમાં લંગડાતા ચાલતો જોવા મળે છે. ફખરુદ્દીન...
National 
'પાકિસ્તાન ઝિંદાબાદ' લખી જેલમાં ગયો, બહાર આવ્યો ત્યારે 'ભારત માતા કી જય' કહેવાનું શરૂ કર્યું

હિન્દી ન શીખવાથી થયું એક લાખ કરોડનું નુકસાન, દિગ્ગજ બિઝનેસમેને જણાવ્યુ કેમ ડૂબી ગયો બિઝનેસ

ટેલિકોમ સેક્ટરની સૌથી મોટી કંપનીઓમાં સામેલ રચી ચૂકેલી એરસેલના સંસ્થાપક ચિન્નાકન્નન શિવશંકરને તાજેતરમાં એક પોડકાસ્ટમાં પોતાની જિંદગી અને વ્યવસાયિક નિર્ણયો...
Business 
હિન્દી ન શીખવાથી થયું એક લાખ કરોડનું નુકસાન, દિગ્ગજ બિઝનેસમેને જણાવ્યુ કેમ ડૂબી ગયો બિઝનેસ
Copyright (c) Khabarchhe All Rights Reserved.