સાઉદી અરબે ભારત-પાકિસ્તાન સહિત 14 દેશો પર આ વીઝા પ્રતિબંધ લગાવ્યો

સાઉદી અરબે એક મોટો નિર્ણય લેતા ભારત અને પાકિસ્તાન સહિત 14 દેશો સામે મોટી કાર્યવાહી કરી છે. સાઉદી વિદેશ મંત્રાલયે આ 14 દેશો માટે કામચલાઉ વીઝા પર પ્રતિબંધ મૂક્યો છે. આ પ્રતિબંધ હેઠળ, ઉમરાહ, બિઝનેસ અને ફેમિલી વીઝા પર પ્રતિબંધ મૂકવામાં આવ્યો છે. આ પ્રતિબંધ જૂનના મધ્ય સુધી ચાલુ રહેશે. જોકે, જેમની પાસે ઉમરાહ વીઝા છે તેઓ 13 એપ્રિલ સુધી સાઉદી અરબમાં પ્રવેશ કરી શકે છે.

Saudi-Arabia-Visa-Ban1
aajtak.in

જે 14 દેશો પર આ વીઝા પ્રતિબંધ લાદવામાં આવ્યો છે, તેમાં ભારત, પાકિસ્તાન, બાંગ્લાદેશ, ઇજિપ્ત, ઇન્ડોનેશિયા, ઇરાક, નાઇજીરીયા, જોર્ડન, અલ્જેરિયા, સુદાન, ઇથોપિયા, ટ્યુનિશિયા અને યમનનો સમાવેશ થાય છે. આ કામચલાઉ પ્રતિબંધ પાછળના મુખ્ય કારણોમાં ગેરકાયદેસર રીતે હજમાં ભાગ લઈને વીઝા નિયમોનું ઉલ્લંઘન કરતા હોવાનું કહેવાય છે.

Saudi-Arabia-Visa-Ban4
Saudi Arabia Visa Ban

અગાઉ, ઘણા લોકો ઉમરાહ અથવા અન્ય કોઈ હેતુ માટે મલ્ટીપલ એન્ટ્રી વીઝા લઈને સાઉદી અરબ આવતા હતા, પરંતુ હજ સીઝન દરમિયાન ત્યાં રોકાઈ જતા હતા અને પરવાનગી વિના હજમાં ભાગ લેતા હતા. આના કારણે ભીડ અને સુરક્ષા સમસ્યાઓ ઊભી થઈ. આ ઉપરાંત, કેટલાક લોકો બિઝનેસ અને ફેમિલી વીઝા પર ત્યાં જતા હતા અને ગેરકાયદેસર રીતે નોકરી કરવાનું શરૂ કરી દેતા હતા, જેના કારણે સાઉદી અરબની શ્રમ વ્યવસ્થા ખોરવાઈ જતી હતી.

Saudi-Arabia-Visa-Ban3
tv9hindi.com

સાઉદી વિદેશ મંત્રાલયનું કહેવું છે કે, હજ માટે આવતા યાત્રાળુઓની સુરક્ષા સુનિશ્ચિત કરવા અને નિયમોનું પાલન સુનિશ્ચિત કરવા માટે આ નિર્ણય લેવામાં આવ્યો છે. સરકારે તમામ અસરગ્રસ્ત મુસાફરોને આ નિયમોનું પાલન કરવાની અપીલ કરી છે, જેથી ભવિષ્યમાં કોઈપણ પ્રકારના દંડથી બચી શકાય. આ સાથે, અધિકારીઓએ એ પણ સ્પષ્ટ કર્યું છે કે, આ વીઝા પ્રતિબંધ છતાં જે લોકો સાઉદી અરબમાં ગેરકાયદેસર રીતે રહે છે તેમને આગામી પાંચ વર્ષ સુધી દેશમાં પ્રવેશવાની મંજૂરી આપવામાં આવશે નહીં.

Saudi-Arabia-Visa-Ban5
financialexpress.com

હજ અને ઉમરાહ મંત્રાલયે તાજેતરમાં 16 ભાષાઓમાં ડિજિટલ માર્ગદર્શિકા પણ બહાર પાડી છે, જેમાં ઉર્દૂ, અંગ્રેજી, અરબી, ટર્કિશ, ફ્રેન્ચ, ફારસી અને ઇન્ડોનેશિયન જેવી ભાષાઓનો સમાવેશ થાય છે. આ માર્ગદર્શિકા PDF અને ઑડિઓ ફોર્મેટમાં ઉપલબ્ધ છે અને મંત્રાલયની વેબસાઇટ પરથી ડાઉનલોડ કરી શકાય છે. તેનો હેતુ વિવિધ દેશોમાંથી આવતા યાત્રાળુઓને હજના નિયમો અને પ્રક્રિયાઓ વિશે વધુ સારી માહિતી પૂરી પાડવાનો છે.

Related Posts

Top News

બૂમરાહને ન બનાવવો જોઇએ કેપ્ટન; રવિ શાસ્ત્રીએ આ 2 ખેલાડીઓનું નામ સૂચવ્યું

રોહિત શર્માની ટેસ્ટમાંથી સંન્યાસની જાહેરાત બાદ, ભારતીય ટીમ ઈન્ડિયાના આગામી ટેસ્ટ કેપ્ટનને લઈને ચર્ચા તેજ છે. આ દરમિયાન,...
Sports 
બૂમરાહને ન બનાવવો જોઇએ કેપ્ટન; રવિ શાસ્ત્રીએ આ 2 ખેલાડીઓનું નામ સૂચવ્યું

ગ્રાહક પાસે પાણીની બોટલ પર 1 રૂપિયો GST લેવાનું મોંઘું પડ્યું, હવે રેસ્ટોરાંએ ચૂકવવા પડશે આટલા રૂપિયા

રાજધાની ભોપાલમાં ઉપભોક્તા ફોરમે પોતાના નિર્ણય સંભળાવતા એક રેસ્ટોરાંને પાણીની બોટલ પર 1 રૂપિયાની GST લેવાના મામલે ગ્રાહકને 8000 રૂપિયા...
National 
ગ્રાહક પાસે પાણીની બોટલ પર 1 રૂપિયો GST લેવાનું મોંઘું પડ્યું, હવે રેસ્ટોરાંએ ચૂકવવા પડશે આટલા રૂપિયા

RBI જલદી જ જાહેર કરશે 20 રૂપિયાની નવી નોટ, કેવી દેખાશે અને શું થશે તમારી જૂની નોટોનું? જાણી લો

રિઝર્વ બેન્ક ઓફ ઇન્ડિયા (RBI) ટૂંક સમયમાં 20 રૂપિયાની નવી નોટ જાહેર કરશે. RBIએ કહ્યું છે કે,...
Business 
RBI જલદી જ જાહેર કરશે 20 રૂપિયાની નવી નોટ, કેવી દેખાશે અને શું થશે તમારી જૂની નોટોનું? જાણી લો

'ડિપ્રેશન ચરમસીમાએ, નોકરી નથી...', અમેરિકા જતા લોકોને ભારતીય વિદ્યાર્થીની ચેતવણી

ભારતમાંથી દર વર્ષે લાખો વિદ્યાર્થીઓ અમેરિકા ડિગ્રી મેળવવા માટે જાય છે. ઘણા દાયકાઓથી અમેરિકા ભારતીય વિદ્યાર્થીઓમાં વિદેશમાં અભ્યાસ માટેનું એક...
World 
'ડિપ્રેશન ચરમસીમાએ, નોકરી નથી...', અમેરિકા જતા લોકોને ભારતીય વિદ્યાર્થીની ચેતવણી
Copyright (c) Khabarchhe All Rights Reserved.