સાયબર ફ્રોડનો એક નવો કિસ્સો પ્રકાશમાં આવ્યો છે, જેમાં પુણેની એક મહિલાને છેતરપિંડી કરનારાઓએ શિકાર બનાવી છે. જેમાં 1000 રૂપિયા પર 300 રૂપિયાના નફાના લોભને કારણે મહિલાએ પોતાની મહેનતની કમાણી પણ ગુમાવી દીધી હતી. આ કૌભાંડનો ખેલ લગભગ 12 દિવસ સુધી ચાલ્યો હતો.
હકીકતમાં, 33 વર્ષીય મહિલા ઇન્ટિરિયર ડિઝાઇનર તરીકે કામ કરે છે. તેણે પોલીસ ફરિયાદ નોંધાવી છે અને કહ્યું છે કે, તે સાયબર ફ્રોડનો શિકાર બની છે. આ છેતરપિંડીમાં તેણે 36 લાખ રૂપિયા ગુમાવ્યા છે.
ખરેખર, પુણેમાં રહેતી પીડિત મહિલાને ઇન્સ્ટન્ટ મેસેજિંગ એપ પર અજાણ્યા નંબર પરથી મેસેજ આવ્યો હતો. આ મેસેજમાં ઊંચી આવક ધરાવતી પાર્ટ ટાઈમ નોકરીની ઓફર કરવામાં આવી હતી. તે વ્યક્તિ સાથે 26 સપ્ટેમ્બરે પ્રથમ વખત સંપર્ક થયો હતો. આ સંદેશ આંતરરાષ્ટ્રીય નંબર પરથી આવ્યો હતો અને તેણે પોતાને એવી કંપનીનો પ્રતિનિધિ ગણાવ્યો હતો જે સોશિયલ મીડિયા એકાઉન્ટ્સની પહોંચ વધારવામાં મદદ કરે છે.
કેટલાક સવાલ જવાબો કર્યા પછી, સ્કેમર્સે પીડિતને એક ઇન્સ્ટાગ્રામ હેન્ડલ મોકલ્યું અને તેને તે એકાઉન્ટને અનુસરવાનું કહ્યું. આ પછી, મહિલાને કેટલાક ટાસ્ક આપવામાં આવ્યા, જે પીડિતાએ પૂર્ણ કર્યા અને તેના સ્ક્રીનશોટ શેર કર્યા. આ પછી પીડિતાએ તેની બેંક વિગતો શેર કરી. શરૂઆતમાં કેટલાક કામ પૂરા કર્યા પછી મહિલાને થોડા પૈસા પણ મળ્યા.
થોડા દિવસો પછી, અન્ય વ્યક્તિનો ફોન આવ્યો અને તેણે ઉચ્ચ વળતર આપવાની યોજના વિશે જણાવ્યું. આ પછી, પીડિતાને પ્રીપેડ કાર્ય પસંદ કરવાનું કહેવામાં આવ્યું, જેમાં તેને વધુ વળતરની લાલચ આપવામાં આવી. આ યોજનાને 'મર્ચન્ટ ટાસ્ક' નામ આપવામાં આવ્યું હતું, જેના બદલામાં ઊંચા વળતરનું વચન આપવામાં આવ્યું હતું.
હકીકતમાં, ફરિયાદીએ જણાવ્યું કે પહેલા તેણે 1000 રૂપિયાનું રોકાણ કર્યું, તેના બદલામાં તેને 1300 રૂપિયાનું વળતર મળ્યું. આ પછી, 3000 રૂપિયાનું રોકાણ કરવામાં આવ્યું અને 3900 રૂપિયાનું વળતર મળ્યું.
આ પછી પીડિતાને 25 હજાર રૂપિયા, 1 લાખ રૂપિયા, 3 લાખ અને 5 લાખ રૂપિયાનું રોકાણ કરવાનું કહેવામાં આવ્યું. દરેકમાં એક જેવું જ કાર્ય પૂર્ણ કરવા માટે કહેવામાં આવ્યું હતું. આ પછી, જ્યારે પીડિતાએ રિટર્ન માંગ્યું, ત્યારે કૌભાંડીઓએ એવું નાટક કર્યું કે, સિસ્ટમ ડાઉન છે અને એમ પણ કહ્યું કે એક-બે દિવસમાં ચુકવણી થઈ જશે.
આ પછી પીડિતાને કહેવામાં આવ્યું કે, તેનો પરફોર્મન્સ સ્કોર ઘણો ઓછો હતો. આ માટે તેઓએ નવા કાર્યો લેવા પડશે અને તેને ઝડપથી પૂર્ણ કરવા પડશે. જો તમે આમ નહીં કરો તો પીડિતાને તેની જૂની રકમ બ્લોક થવાનું જોખમ છે. આ સમયગાળા દરમિયાન મહિલાએ 500 રૂપિયાથી લઈને 4 લાખ રૂપિયા સુધીના અનેક વ્યવહારો કર્યા હતા. આ પછી, જ્યારે મહિલાને ખબર પડી કે તે સાયબર ફ્રોડનો શિકાર બની છે, ત્યાં સુધીમાં તો તેના બેંક ખાતામાંથી 36.5 લાખ રૂપિયા ટ્રાન્સફર થઇ ચુક્યા હતા.
5.jpg)
