46 કરોડ રૂપિયા, 3 કિલો સોનું, 152 કિલો ચાંદી… સાંવલિયા સેઠ મંદિરમાં તૂટ્યો દાનનો રેકોર્ડ, જાણો મંદિરની મહિમા

રાજસ્થાનના ચિત્તોડગઢ જિલ્લાના મંડફિયામાં સ્થિત પ્રખ્યાત સાંવલિયા સેઠ મંદિરમાં ફરી એકવાર શ્રદ્ધાળુઓ તરફથી આસ્થાનો વરસાદ જોવા મળ્યો. મંદિરના માસિક તિજોરીની ગણતરીના સાતમા અને અંતિમ ચરણની ગણતરી બાદ કરોડો રૂપિયાનું દાન સામે આવ્યું. મંદિર વહીવટીતંત્રના જણાવ્યા અનુસાર, આ વખતે તિજોરીમાંથી 36 કરોડ 57 લાખ 87 હજાર 642 રૂપિયા મળ્યા. આ ઉપરાંત, મંદિર વહીવટીતંત્રએ જણાવ્યું કે, દાન ખંડમાં અને ઓનલાઈન દાન દ્વારા 10 કરોડ 45 હજાર 282 રૂપિયા પ્રાપ્ત થયા છે.

Sanwaliya-Seth-Temple3
bhaskarenglish.in

સાથે જ શ્રદ્ધાળુઓએ મોટી માત્રામાં સોના અને ચાંદીનું પણ દાન કર્યું. ગણતરી દરમિયાન, 2 કિલો 967 ગ્રામ 480 મિલિગ્રામ સોનું અને 152 કિલો 609 ગ્રામ ચાંદી પણ ભેંટ તરીકે પ્રાપ્ત થયું છે, જેથી કુલ દાનની સંખ્યા 46 કરોડ 58 લાખ રૂપિયાથી વધુ થઈ ગઈ. ચાલો જાણીએ કે આ મંદિરમાં કયા ભગવાનની પૂજા થાય છે અને વ્યાપારી સમુદાય શા માટે તેમનામાં ઊંડી આસ્થા ધરાવે છે.

Sanwaliya-Seth-Temple4
bhaskarenglish.in

કયા ભગવાનનું મંદિર છે સાંવલિયા શેઠ?

સાંવલિયા શેઠ મંદિરમાં ભગવાન કૃષ્ણની પૂજા થાય છે. અહીં સ્થાપિત કૃષ્ણની મૂર્તિ શ્યામ રંગની છે, એટલે શ્રદ્ધાળુઓ તેમને પ્રેમથી સાંવલિયા શેઠ કહે છે. એવું માનવામાં આવે છે કે ભગવાન કૃષ્ણ અહીં પોતાના ભક્તોની બધી મનોકામનાઓ પૂર્ણ કરે છે અને તેમને સંપત્તિ અને સમૃદ્ધિનો આશીર્વાદ આપે છે.

સાંવલિયા શેઠ મંદિર કેવી રીતે બન્યું?

લોકવાયકા અનુસાર, 1840માં,ભોલારામ ગુર્જર નામના ગોવાળિયાએ સપનામાં ભગવાન કૃષ્ણનું સાંવલિયા સ્વરૂપના દર્શન કર્યા હતા. ભગવાને તેમને કહ્યું કે, તેઓ બાગુંડ ગામમાં એક જગ્યાએ જમીન નીચે દબાયેલા છે. ભોલારામે આ વાત ગ્રામજનોને કહી. જ્યારે આ સ્થળે ખોદકામ કરવામાં આવ્યું ત્યારે ભગવાન કૃષ્ણની 3 ખૂબ જ સુંદર અને મનમોહક મૂર્તિઓ મળી આવી. એવું કહેવામાં આવે છે કે 3 મૂર્તિઓમાંથી એક મંડફિયા ગામમાં સ્થાપિત કરવામાં આવી હતી. બાદમાં આ જ સ્થળે એક ભવ્ય મંદિર બનાવવામાં આવ્યું હતું, જે આજે સાંવલિયા સેઠ મંદિર તરીકે ઓળખાય છે.

Sanwaliya-Seth-Temple2
navbharatlive.com

મંદિરનું ધાર્મિક મહત્ત્વ

સાંવલિયા શેઠ મંદિર રાજસ્થાનના સૌથી પ્રખ્યાત કૃષ્ણ મંદિરોમાંથી એક માનવામાં આવે છે. ચિત્તોડગઢ-ઉદયપુર હાઇવે પર મંડફિયા ગામમાં સ્થિત આ મંદિરમાં માત્ર રાજસ્થાનથી જ નહીં, પરંતુ મધ્યપ્રદેશ, ગુજરાત, દિલ્હી અને અન્ય રાજ્યોમાંથી પણ મોટી સંખ્યામાં શ્રદ્ધાળુઓ દર્શન કરવા પહોંચે છે. મંદિર સંકુલમાં ખાસ પ્રસંગો અને તહેવારો પર ભીડ રહે છે.

Sanwaliya-Seth-Temple1
x.com/CineHind

ધાર્મિક માન્યતા અનુસાર, આ મંદિરમાં રહેલી મૂર્તિ ભગવાન કૃષ્ણની મૂર્તિને એ જ મૂર્તિ માનવામાં આવે છે, જેની પૂજા ભક્ત મીરાબાઈ કરતા હતા. બાદમાં આ મૂર્તિ જમીનમાંથી પ્રકટ થઇ અને અહીં મંદિરની સ્થાપના થઈ. ભક્તોનો વિશ્વાસ છે કે સાંવલિયા શેઠના દરબારમાં નિષ્ઠાપૂર્વક પ્રાર્થના કરવાથી વ્યવસાયમાં વૃદ્ધિ, આર્થિક સમૃદ્ધિ અને જીવનની મુશ્કેલીઓમાંથી રાહત મળે છે. આ જ કારણ છે કે વેપારી સમુદાયમાં આ મંદિર માટે ખાસ આસ્થા જોવા મળે છે.

About The Author

Top News

બેંકના લોકરમાં મુકેલા એક કરોડના સોનાના દાગીના ગાયબ! બે વર્ષ પછી લેવા ગયેલા ઓફિસરને લાગ્યો આઘાત

ઉત્તર પ્રદેશની રાજધાની લખનૌના ચોક વિસ્તારમાં આવેલી ઇન્ડિયન બેંક સિટી શાખાના લોકરમાંથી આશરે 1 કરોડ રૂપિયાના સોનાના દાગીના રહસ્યમય રીતે...
National 
બેંકના લોકરમાં મુકેલા એક કરોડના સોનાના દાગીના ગાયબ! બે વર્ષ પછી લેવા ગયેલા ઓફિસરને લાગ્યો આઘાત

નકલી દસ્તાવેજો બનાવીને લોન લઈ લેતા 'બંટી-બબલી'ની ધરપકડ; 15 વોરંટ છે, 50 કરોડથી વધુની છેતરપિંડી

પ્લોટ આપવાની આડમાં લોકોને 50 કરોડ રૂપિયાથી વધુની છેતરપિંડી કરનારા ચાલાક 'બંટી-બબલી', સંદીપ મામતાની અને સંગીતા મામતાનીની આખરે...
National 
નકલી દસ્તાવેજો બનાવીને લોન લઈ લેતા 'બંટી-બબલી'ની ધરપકડ; 15 વોરંટ છે, 50 કરોડથી વધુની છેતરપિંડી

અમદાવાદમાં પતિના અવસાન બાદ પુત્રવધૂએ સાસૂને ઘેનની દવા આપીને 1.84 કરોડ ટ્રાન્સફર કરી લીધા, આ રીતે ખુલી પોલ

અમદાવાદ શહેરના પાલડી વિસ્તારમાં માનવતા અને સંબંધોને શર્મસાર કરતી એક ચોંકાવનારી ઘટના પ્રકાશમાં આવી છે. 79 વર્ષીય વૃદ્ધાને પ્રતિબંધિત ઘેનની...
Gujarat 
અમદાવાદમાં પતિના અવસાન બાદ પુત્રવધૂએ સાસૂને ઘેનની દવા આપીને 1.84 કરોડ ટ્રાન્સફર કરી લીધા, આ રીતે ખુલી પોલ

શહીદના પત્ની શોભા યાદવે પતિને વિદાય આપતા કહ્યું, 'તે સિંહ હતો, તેણે આપેલા દરેક વચનને હું પૂર્ણ કરીશ...'

ઘરે પાછા ફરવાની રજા મંજૂર થઈ ગઈ... પરિવારને આશા હતી કે તેમનો દીકરો જલ્દી ઘરે પાછો આવશે, પરંતુ ભાગ્યની...
National 
શહીદના પત્ની શોભા યાદવે પતિને વિદાય આપતા કહ્યું, 'તે સિંહ હતો, તેણે આપેલા દરેક વચનને હું પૂર્ણ કરીશ...'
Copyright (c) Khabarchhe All Rights Reserved.