ફિલ્મ દબંગમાં તમે સલમાન ખાનની દબંગાઇ તો જોઇ જ હશે. પણ શું તમે વિચાર્યું હતું કે, દબંગની રજ્જો પણ સ્ક્રીન પર પોતાનો રૌબ બતાવશે. વેબ સીરિઝ દહાડમાં સોનાક્ષીની ‘દહાડ’ તેના ફેન્સને ચોંકાવી દેશે. સલમાન ખાન તો ફિલ્મમાં ચુલબુલો હતો, પણ અહીં સોનાક્ષી એન્ગ્રી વુમન રોલમાં છે. ક્રાઇમ, મિસ્ટ્રી, થ્રિલર સીરિઝ ‘દહાડ’ સ્ટ્રીમ થઇ રહી છે.
આ સ્ટોરી રાજસ્થાનના નાના ગામ મંડાવાની છે, જ્યાં કેટલાક ગરીબ ઘરની માસૂમ છોકરીઓને પ્રેમ જાળમાં ફસાવવામાં આવી છે. તેને લગ્નની વાત કરવામાં આવી છે, પછી શારિરિક સંબંધ બનાવ્યા બાદ મારી નાખવામાં આવે છે. અંજલી ભાટી આ કેસની ઇનવેસ્ટિગેટિંગ ઓફિસર છે. જે સીરિયલ કિલર આનંદ સ્વરણકરને કોઇ પણ હાલમાં જેલમાં નાખવા માગે છે. પણ પૂરાવા ન હોવાના કારણે તે સ્ટ્રગલ કરે છે. રાજસ્થાનની 1-2 છોકરીઓના મોતના કેસથી શરૂ થયેલી મર્ડર મિસ્ટ્રી 29 છોકરીઓનો કેસ બની જાય છે. વર્ષોથી આનંદ છોકરીઓને ફસાવી રહ્યો છે. તેનો ઉપયોગ કરીને તેના મોતને સ્યુસાઇડનો કેસ બનાવીને તે બચતો રહે છે. આરોપી અને પોલીસની આ પકડા પકડીમાં સ્ટોરીમાં ઘણા ટ્વીસ્ટ આવે છે. 29 છોકરીઓના મર્ડર કેસનું આખરે શું થાય છે. શું આનંદ પકડાય છે કે નહીં, તે જાણવા માટે તમારે સીરિઝ જોવી પડશે.
આ ડિપાર્ટમેન્ટમાં સોનાક્ષી સિન્હા સરપ્રાઇઝ કરશે. ફિલ્મી પડદા પર ફ્લોપ સોનાક્ષીએ દબંગ લેડી પોલીસ ઇન્સ્પેક્ટરનો રોલ સારો કર્યો છે. આ તેનું OTT ડેબ્યુ છે. કોમિક રોલ્સમાં જ્યાં તેને પસંદ કરવામાં નથી આવતી, ત્યાં તે ગંભીર રોલમાં તેનું કામ દમદાર છે. તેણે એક લેડી ઇન્સ્પેક્ટરનો રોલ ઓર્ગેનિકલી કર્યો છે. આ રોલ માટે તેણે કરેલી મહેનત દેખાઇ આવે છે. સીરિયલ કિલર બનેલા વિજય રાજના કામ પર શંકા ન કરી શકાય. તેનું તો નામ જ કાફી છે. ડાર્લિંગ્સનો હમઝા હોય કે પછી ‘દહાડ’નો આનંદ. ગ્રે શેડ રોલમાં તેનું કામ ઘણું સારું હોય છે. અન્ય કલાકારોમાં શામેલ ગુલશન દેવૈયા, સોહમ શાહે પણ સારું કામ કર્યું છે. વેબ સીરિઝની કાસ્ટિંગ જોરદાર છે. દરેક એક્ટરે પોતાનું 100 કામ આપ્યું છે.
આ સીરિઝ રાજસ્થાનમાં સેટ છે. એવામાં જો તમે વિચારશો કે તેમાં તમને રંગીલા રાજસ્થાનની વાઇબ્રંટ ઝલક જોવા મળશે તો એ ભૂલી જવું જોઇએ. આ સીરિઝ ઘણી પ્રીડિક્ટેબલ છે. પહેલા એપિસોડથી તમને ખબર પડી જાય છે કે, મર્ડરર કોણ છે. પોલીસની રડારમાં તે કેવી રીતે આવે છે, કઇ રીતે તેને પકડવામાં આવે છે, આ પ્રોસેસને તમે સીરિઝમાં જોઇ શકશો. આ જર્નીમાં દમદાર ટ્વીસ્ટ્સ જોવા મળતે તો વધુ મઝા આવતે. આગળ શું થવાનું છે તે તમને પહેલેથી જ ખબર પડી જાય છે. પંચ, ટ્વીસ્ટ્સ, વાઉ ફેક્ટર મિસિંગ છે. આ સીરિઝ ઘણી જગ્યા પર બોર કરે છે.
ક્રાઇમ ડ્રામાના શોખીન છો તો તમારે આ સીરિઝ જોવી જોઇએ. અમુક જગ્યા પર બોર થશો, પણ એક ચાન્સ આ સીરિઝને મળવો જોઇએ. સોનાક્ષીના ફેન્સ છો તો જરૂર જોવી જોઇએ. એક્ટ્રેસે સીરિઝમાં સારું કામ કર્યું છે. તેના કામને જોઇને તમે ખુશ થશો.
15.jpg)
