ગુજરાતમાં સંપૂર્ણ દારૂબંદી છે, પરંતુ દારૂબંદીની પોલ અવારનવાર ખૂલતી રહે છે. ગુજરાતમાં ડ્રિંક અને ડ્રાઈવના કેસો પણ છેલ્લા કેટલાક સમયથી વધારે જોવા મળી રહ્યા છે. તાજેતરમાં જ અમદાવાદમાં કોંગ્રેસના પૂર્વ ધારાસભ્યનો પુત્ર પીધેલી હાલતમાં ઝડપાયો હતો અને તેણે પોલીસકર્મીઓ સાથે મગજમારી પણ કરી હતી. ત્યારે હવે બારડોલીથી દારૂબંદીના લીરેલીરા ઉડાવાતો કિસ્સો જોવા મળ્યો છે.
બારડોલીમાં બારડોલીમાં સરદાર પટેલ ક્રિકેટ સ્ટેડિયમમાં ‘ગુજરાત ટેનિસ ક્રિકેટ ટૂર્નામેન્ટ’ ચાલી રહી હતી. અને તે હવે વિવાદોમાં ફસાઈ ગઈ છે, ચાલુ મેચમાં જાહેરમાં બીયર પીતા યુવકનો વીડિયો વાયરલ થયો છે. સંદેશના અહેવાલ મુજબ, આ યુવકનો પિતા બુટલેગર છે, એટલે તેને પોલીસનો કોઈ ડર નથી. આ સાથે જ બીયર જેવી વસ્તુ સ્ટેડિયમમાં અંદર કેવી રીતે આવી તેને લઈ સવાલ ઉભા થઇ રહ્યા છે.
યુવક બીયર પીતો હતો ત્યારે ત્યા બાઉન્સર પણ ઊભો હતો છતા બાઉન્સરને ખબર ના પડી. શું આ બાઉન્સર તેને ઓળખતો હતો, જેને કારણે તેને જાહેરમાં બીયર પીવા દેવાયો? મળતી માહિતી મુજબ, તરસ છિપાવવા લોકો પાણી પી રહ્યા હતા તો, બુટલેગરના પુત્ર જાહેરમાં બીયર પીધો હોવાની વાત સામે આવી છે. ટૂર્નામેન્ટ, ચાલુ મેચમાં જાહેરમાં બીયર પીતા યુવકનો વીડિયો વાયરલ થતા પોલીસના કાયદના પણ લીરેલીરા ઉડ્યા છે, બારડોલીના બુટલેગરનો પુત્ર જાહેરમાં પ્રેક્ષક બોક્સમાં બિયર પીતો વીડિયો વાયરલ થયો છે, બિયર પીતો હતો ત્યાજ બાઉન્સર પણ ઊભો હતો છતા બાઉનસરને ખબર ના પડી. ટૂર્નામેન્ટના નામે ચાલતા આવા આયોજનો સામે પોલીસ કાર્યવાહી કરે તે જરૂરી છે.
વીડિયો વાયરલ થયા બાદ ટૂર્નામેન્ટના આયોજકો સામે સવાલ ઉભા થઈ રહ્યા છે, આ મામલે પોલીસે હજી સુધી યુવક સામે કોઈ ફરિયાદ નોંધી નથી, ત્યારે વીડિયો સોશિયલ મીડિયામાં વાયરલ થતા સ્થાનિકોનું કહેવું છે કે, આ યુવક વિરુદ્ધ પોલીસે ફરિયાદ નોંધવી જોઈએ. હવે જોવાનું એ રહેશે કે શું બારડોલી પોલીસ દારૂબંદીના લીરેલીરા ઉડાવનારા આ યુવક સામે ફરિયાદ નોંધીને કાર્યવાહી હાથ ધરશે ખરી?
27.jpg)
