ગુજરાતમાં શિક્ષણની સ્થિતિ કથળી રહી છે. રાજ્યમાં 6000 કરતા પણ વધારે શાળાઓ બંધ કરી દેવામાં આવી છે. ત્યારે દિલ્હીના આમ આદમી પાર્ટીના નેતા આતિશી માર્લેનાએ ગુજરાતના શિક્ષણને લઇને સરકાર પર આંકરા પ્રહારો કર્યા છે.
દિલ્હીના આમ આદમી પાર્ટીના નેતા આતિશી માર્લેનાએ જણાવ્યું હતું કે, ગુજરાતમાં અમે જોઈએ છીએ કે શિક્ષકોને પગાર મળતો નથી. થોડા દિવસો પહેલા જ હાઈકોર્ટે સરકારને ફટકારને લગાવી હતી કે, શિક્ષકોને પગાર સમયસર મળવો જોઈએ. બીજી તરફ જોઈએ છીએ કે સરકારી શાળાઓ બંધ થઈ રહી છે. 6 હજાર કરતા પણ વધારે સરકારી શાળામાં બંધ કરી દેવામાં આવી છે. આ શા માટે? આ એટલા માટે છે કે, સરકાર શાળા ચલાવી શક્તી નથી.
તેમને વધુમાં જણાવ્યું હતું કે, શાળા એટલી ખરાબ હાલતમાં છે કે, લોકો તેમના બાળકોને શાળામાં ભણવા માટે મોકલવા માગતા નથી. તમે શાળામાં જાવ તો 80થી 90% શાળાઓ એવી મળશે કે જ્યાં ટીચર ક્લાસરૂમની બહાર છે. જ્યાં પીવાનું પાણી કે બાળકોની માટે કોઈ સુવિધા નથી. આ બધામાં શિક્ષકો સરકારી કામોમાં લાગ્યા છે. ગુજરાતમાં સરકારી શાળામાં બાળકોના ભણતર સિવાય બધું થાય છે. આજ રીયાલીટી છે જેનાથી શાળાઓની હાલત આટલી વધારે ખરાબ છે.
તેમને વધુમાં જણાવ્યું હતું કે, આજ સત્યતા દિલ્હીમાં પણ હતી 2015 પહેલા આમ આદમી પાર્ટીની સરકાર આવી તે પહેલા. દિલ્હીમાં પણ સરકારી શાળાઓનું ઈન્ફ્રાસ્ટ્રક્ચર ખરાબ હતું. શિક્ષકોને અલગ-અલગ કામ આપવામાં આવતા હતા. બાળકોના પરિણામ ખરાબ આવતા હતા. પણ છેલ્લા 7 વર્ષમાં આમ આદમી પાર્ટીની સરકારે જે કામ કર્યું છે તેનાથી દિલ્હીની સરકારી શાળામાં ખૂબ મોટો બદલાવ આવ્યો છે.
આજે દિલ્હીની સરકારી શાળામાં વર્લ્ડ ક્લાસ ઈન્ફ્રાસ્ટ્રક્ચર છે અને આજે જે સરકારી શાળામાં સુવિધા છે તે કદાચ પ્રાઈવેટ શાળામાં પણ નથી. દિલ્હીની સરકારી શાળાના શિક્ષકોને દેશ-વિદેશમાં મોકલવામાં આવી રહ્યા છે. દિલ્હીના સરકારી શાળાના આચાર્ય હાવર્ડ ગયા છે, કેમ્બ્રિજ ગયા છે. ટ્રેનીંગ માટે IIM અમદાવાદમાં પણ આવ્યા છે. આ બધાના કારણે દિલ્હીમાં સરકારી શાળાનું પરિણામ સારું આવી રહ્યું છે. સરકારી શાળામાં ધોરણ 12નું પરિણામ પ્રાઈવેટ કરતા સારું આવે છે. દર વર્ષે 500થી 700 IIT અને NEETની પરીક્ષા ક્લીયર કરે છે અને મોટી-મોટી એન્જિનિયરીંગ અને મેડીકલ કોલેજોમાં જાય છે.
વિજય માલ્યા કેસઃ સિલેક્ટિવ ટારગેટિંગનું ઉદાહરણ? 
-copy57.jpg)
