‘હું જયા અમિતાભ બચ્ચન..’, આખું સદન ખડખડાટ હસી ઉઠ્યું, ધનખડ પણ ખૂબ હસ્યા

રાજ્યસભામાં શુક્રવારે થોડા હલકી ફૂલકી પળ જોવા મળી, જ્યારે જયા બચ્ચનની વાત પર આખું સદન ખડખડાટ હસવા લાગ્યું. વાસ્તવમાં જે વાતને લઇને પહેલા પોતે જયા બચ્ચને આપત્તિ દર્શાવી હતી, હવે એ વાતનો ઉલ્લેખ કરીને તેઓ પોતે તો હસ્યાં જ, આખું સદન પણ ખડખડાટ હસવા લાગ્યું. થોડા દિવસ અગાઉ જ્યારે ચેર પર બેઠા ઉપસભાપતિએ જયા બચ્ચનને જયા અમિતાભ બચ્ચન બોલીને સંબોધિત કર્યા હતા તો તેઓ નારાજ થઇ ગયા હતા. તેમણે કહ્યું કે, માત્ર જયા બચ્ચનથી પણ કામ ચાલી શકતું હતું.

આખરે કેમ હસી પડ્યું સદન?

જયા અમિતાભ બચ્ચન બોલવા પર જયા બચ્ચન જ નારાજ થઇ ગયા હતા, પરંતુ શુક્રવારે પોતે જ જાય બચ્ચને પોતાનું આખું નામ લીધું. હવે સદનના બધા સાંસદ એ ઘટનાથી પરિચિત હતા, એવામાં કોઇ પણ પોતાની જાતને હસતા ન રોકી શક્યું અને આખું સદન ખડખડાટ હસવા લાગ્યું. મોટી વાત એ રહી કે ઉપરાષ્ટ્રપતિ જગદીપ ધનખડ પણ જયા બચ્ચનની વાત સાંભળીને જોર જોરથી હસવા લાગ્યા. ત્યારબાદ જયા બચ્ચને જ પૂછી લીધું કે સર તમને આજે લંચ બ્રેક નથી મળ્યો? ધનખડ જવાબ આપે છે નથી મળ્યો.

જયા બચ્ચન બોલે છે કે ત્યારે જ તમે વારંવાર જયરામજીનું નામ લઇ રહ્યા છો. તેમનું નામ લીધા વિના તમારું ખાવાનું જ પચતું નથી. ત્યારબાદ જયરામ રમેશ તરફ ઇશારો કરતા ધનખડે કહ્યું કે, લંચબ્રેકમાં લંચ નથી કર્યું, પરંતુ ત્યારબાદ જયરામ સાથે લંચ કર્યું. એ સાંભળીને પણ સદનમાં બધા હસવા લાગ્યા. હવે સમજવા જેવી વાત એ છે કે વાત ભલે રાજ્યસભાની હોય કે પછી લોકસભાની. સરકાર આવે વિપક્ષમાં એવી બાબતો રહે છે કે મહોલ મોટા ભાગે તણાવમાં જ જોવા મળે છે, પરંતુ આ દરમિયાન જ્યારે આ પ્રકારની ઘટનાઓ સામે આવે છે, તેના વીડિયો ન માત્ર વાયરલ થાય છે, પરંતુ ખૂબ પસંદ કરવામાં આવે છે.

શું હતો મામલો?

આમ જયા બચ્ચનનું થોડા દિવસ અગાઉ જ ગુસ્સાવાળું સ્વરૂપ જોવા મળ્યું હતું. સંદનમાં ઉપસભાપતિ હરિવંશ નારાયણ સિંહે બોલવા માટે જયા બચ્ચનનું નામ બોલ્યું તો તેમણે કહ્યું ‘શ્રીમતી જયા અમિતાભ બચ્ચન જી’. તેના પર આપત્તિ દર્શાવતા જયા બચ્ચને કહ્યું ‘સર માત્ર જયા બચ્ચન બોલતા તો પૂરતું હોત. હરિવંશ નારાયણે બતાવ્યું કે, રેકોર્ડમાં તેમનું આખું નામ લખેલું હતું એટલે આખું નામ બોલ્યો. જયા બચ્ચને કહ્યું કે આ એક નવી રીતે શોધી છે કે મહિલાઓ પોતાના પતિના નામથી ઓળખાશે. તેનું કોઇ અસ્તિત્વ નથી. તેની કોઇ ઉપલબ્ધિ નથી.

About The Author

Related Posts

Top News

સીઝફાયરમાં મહત્ત્વની ભૂમિકા ભજવનાર DGMO રાજીવ ઘઈ કાશ્મીરનો ચપ્પો-ચપ્પો જાણે છે, 33 વર્ષથી...

ઓપરેશન સિંદુર પછી ભારતના ડિરેકટર જનરલ ઓફ મિલિટરી ઓપરેશન્સ (DGMO) રાજીવ ઘઇ ચર્ચામાં છે. પાકિસ્તાનના DGMOએ રાજીવ ઘઇ...
National 
સીઝફાયરમાં મહત્ત્વની ભૂમિકા ભજવનાર DGMO રાજીવ ઘઈ કાશ્મીરનો ચપ્પો-ચપ્પો જાણે છે, 33 વર્ષથી...

સૌરાષ્ટ્રના આ ખેડૂત કોથિંબાની કાચરી થકી લાખોનો બિઝનેસ કરે છે

સૌરાષ્ટ્રના એક ખેડૂત કોથિંબાની કાયરીનો એવો ગૃહઉદ્યોગ ચલાવે છે જેનાથી તેઓ લાખો રૂપિયાની કમાણી કરી રહ્યા છે. ખેડૂતો અને આજના...
Gujarat 
સૌરાષ્ટ્રના આ ખેડૂત કોથિંબાની કાચરી થકી લાખોનો બિઝનેસ કરે છે

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 16-05-2025 દિવસ: શુક્રવાર મેષ: તમારી કેટલીક યોજનાઓ લાંબા સમયથી કાર્યસ્થળ પર લટકી રહી હતી, તેથી તમારે તેનું ધ્યાન રાખવું...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

સુરતમાં એક જ પરિવારની 2 દીકરી અને 1 દીકરો સેનામાં છે

સામાન્ય રીતે એવી છાપ છે કે ભારતીય આર્મીમાં ગુજરાતીઓ જોડાતા નથી, ગુજરાતીઓને માત્ર બિઝનેસમાં જ રસ છે. પરંતુ ઓપરેશન...
Gujarat 
સુરતમાં એક જ પરિવારની 2 દીકરી અને 1 દીકરો સેનામાં છે
Copyright (c) Khabarchhe All Rights Reserved.