જ્યારે વિશ્વના સૌથી મોટા વેપાર મંચ દાવોસ ૨૦૨૬માં સોમાલિયાના ડેપ્યુટી પ્રાઇમ મિનિસ્ટર સલાહ અહમદ જમા ઇન્ટરવ્યૂ દરમિયાન અચાનક શુદ્ધ અને પ્સ્પષ્ટ હિન્દીમાં વાત કરવા લાગ્યા ત્યારે સૌ કોઈ અને ખાસ કરીને ભારતીયોના હૃદયમાં ગર્વની લાગણી ઉભરી આવી છે. ઇન્ડિયા ટુડેના પત્રકાર રાજદીપ સરદેસાઈ સાથેની વાતચીતમાં તેમણે પ્રશ્નોના જવાબ આપ્યા ઉપરાંત ભારત સાથેના ઊંડા સંબંધો, પોતાના વિદ્યાર્થીજીવનની યાદો અને ડોનાલ્ડ ટ્રમ્પની ટિપ્પણીઓનો પણ સચોટ જવાબ આપ્યો અને આ બધું જ સ્વચ્છ હિન્દીમાં!
https://twitter.com/SalahJama/status/2014689279847391392
સલાહ જમાએ જણાવ્યું કે તેમણે પુણે, હૈદરાબાદ અને દિલ્હી જેવા શહેરોમાં અભ્યાસ કર્યો છે. ત્યાં વિતાવેલા સમયે તેમને ભારતીય સંસ્કૃતિ, ભાષા અને લોકો સાથે ગાઢ સંબંધ બંધાયો. આ સંદર્ભ એ બતાવે છે કે હિન્દી માત્ર ભારતની રાષ્ટ્રભાષા જ નથી રહી પરંતુ તે વૈશ્વિક સ્તરે પણ સંપર્કનું માધ્યમ બની છે. આફ્રિકાના એક દેશના ઉચ્ચ હોદ્દેદાર દ્વારા આ ભાષામાં વાત કરવી એ ભારતીય ભાષા અને સંસ્કૃતિની વૈશ્વિક પહોંચનું સચોટ પ્રમાણ છે.
જ્યારે આપણા દેશના નેતાઓ ક્યારેક પ્રાદેશિક ભાષાઓના મુદ્દે વિવાદમાં આવે છે ત્યારે વિદેશી નેતા હિન્દીને આટલી સરસ રીતે અપનાવે એ આપણી સાંસ્કૃતિક શક્તિનો પુરાવો છે. આ ઘટના ભારત સોમાલિયા વચ્ચેના ઐતિહાસિક અને શૈક્ષણિક સંબંધોને પણ નવી દિશા આપે છે અને યાદ અપાવે છે કે ભાષા માત્ર સંચારનું સાધન નથી પરંતુ તે હૃદયોને જોડનારી, સન્માન વધારનારી અને ગૌરવની ભાવના જગાડનારી ઊર્જા છે.
આવી ક્ષણો આપણને કહે છે કે હિન્દીનો ઉપયોગ વધુને વધુ વૈશ્વિક બની રહ્યો છે અને તેના માટે આપણે ખરેખર ગર્વ અનુભવી શકીએ છીએ. સલાહ જમાની આ હિન્દીએ ન માત્ર એક ઇન્ટરવ્યૂને યાદગાર બનાવ્યું પરંતુ ભારતીય ભાષાને વિશ્વમંચ પર નવું ગૌરવ પણ અર્પણ કર્યું.
7.jpg)
9.jpg)
