2026ની તમિલનાડુ વિધાનસભા ચૂંટણીઓને લઈને ચાલી રહેલી રાજકીય ગરમી વચ્ચે, એક મીડિયા ચેનલે કાર્યક્રમનું આયોજન કર્યું હતું. ધ લીલા પેલેસ હોટેલમાં આયોજિત આ કાર્યક્રમમાં રાજકીય અને સામાજિક હસ્તીઓએ ભાગ લીધો હતો. તમિલનાડુના CM M.K. સ્ટાલિન પ્રથમ વક્તા હતા.
આ દરમિયાન તેમણે તમિલનાડુના વિકાસ માટેની પોતાની યોજનાઓ શેર કરી, સાથે સાથે તેમણે NDA પર પણ હુમલો કર્યો. તેમણે આગામી ચૂંટણીઓને 'આર્યો અને દ્રવિડો વચ્ચેની લડાઈ' તરીકે પણ બતાવી હતી.
તમિલનાડુના CM M.K. સ્ટાલિને BJPની આગેવાની હેઠળના NDA પર આકરા પ્રહારો કર્યા, તેને 'ડબલ એન્જિન' નહીં પણ 'ડબ્બા એન્જિન', જેનો અર્થ ખાલી વાસણ થાય છે. એક ચેનલના કાર્યક્રમમાં બોલતા, CM MK સ્ટાલિને કહ્યું કે, તેઓ સતત બીજા કાર્યકાળ માટે CM બનવાની તૈયારી કરી રહ્યા છે. વાતચીત દરમિયાન, તેમણે DMK સામેના પડકારો, રાહુલ ગાંધી સાથેના તેમના સંબંધો અને 2026ની ચૂંટણીમાં ગઠબંધનની જીતની સ્થિતિમાં કોંગ્રેસ સાથે સત્તા વહેંચણીના પ્રશ્ન પર પણ ચર્ચા કરી.
શાંત અને સીધા સ્વરમાં બોલતા, DMK વડાએ આગામી ચૂંટણીઓને 'આર્યન-દ્રવિડ સંઘર્ષ'ની વધુ એક લડાઈ તરીકે રજૂ કરી. તેમણે NDA પર ચૂંટણી પહેલા 'જૂઠાણું, નફરત અને સાંપ્રદાયિક તણાવ' ફેલાવવાનો આરોપ લગાવ્યો. CM MK સ્ટાલિને કહ્યું, 'જેને ડબલ એન્જિન કહેવામાં આવી રહ્યું છે તે હકીકતમાં ખાલી વાસણ છે. તે ડબલ એન્જિન નથી, પરંતુ ડબ્બા એન્જિન છે.'
CM MK સ્ટાલિને આરોપ લગાવ્યો કે, NDA ઇરાદાપૂર્વક રાજ્યમાં લઘુમતીઓને વિભાજીત કરવાનો પ્રયાસ કરી રહ્યું છે. તેમણે ભારપૂર્વક જણાવ્યું કે, તમિલનાડુના લોકો NDAને તેના ઉશ્કેરણીજનક રાજકારણ માટે 'યોગ્ય જવાબ' આપશે. CM MK સ્ટાલિને કહ્યું કે, આવી વિભાજનકારી રાજનીતિનું રાજ્યમાં કોઈ સ્થાન નથી.
આ ઘટનાક્રમ ત્યારે આવ્યો છે, જ્યારે BJP આગામી ચૂંટણી પહેલા વિપક્ષી દળોને એકીકૃત કરવાનો અને દક્ષિણ રાજ્યમાં તેની પકડ મજબૂત કરવાનો પ્રયાસ કરી રહી છે. BJPએ એડાપ્પાડી K. પલાનીસ્વામીના નેતૃત્વ હેઠળના AIADMK અને TTV દિનાકરનના નેતૃત્વ હેઠળના AMMKને ફરીથી NDAમાં સામેલ કર્યા છે. PMK પણ NDAનો ભાગ છે.
2021ની તમિલનાડુ વિધાનસભા ચૂંટણીમાં, DMKએ 234માંથી 133 બેઠકો જીતી અને પોતાના દમ પર સરકાર બનાવી. કોંગ્રેસ, જે તેના સાથી તરીકે ચૂંટણી લડી હતી, તેણે 25માંથી 18 બેઠકો જીતી હતી પરંતુ સરકારમાં કોઈ મંત્રી પદ આપવામાં આવ્યું ન હતું.
14.jpg)
5.jpg)