અત્યાર સુધી કોઈ વ્યક્તિનો DNA ટેસ્ટ કરવામાં આવશે એવું સાંભળ્યું હતું. પણ મહારાષ્ટ્રમાં હવે બળદનો DNA ટેસ્ટ થશે એવું જાણવા મળ્યું છે. પાડોશી રાજ્ય મહારાષ્ટ્રમાં બળદના માલિકી હકને લઈને વિવાદ થયો હતો. ત્યાર બાદ DNA ટેસ્ટ કરવવાનો મામલો સામે આવ્યો હતો. મહારાષ્ટ્રના બુલઢાણામાં આ વિવાદ થયો હતો.
જ્યાં એક બળદના માલિકી હકને લઈને લોકો અંદરોઅંદર બાખડી પડ્યા હતા. બળદના માલિકી હકને લઈને શરૂ થયેલી આ તકરાર એટલી વણસી ગઈ કે, વાસ્તવમાં માલિકી કોણ છે એ જાણવા માટે DNA ટેસ્ટની મદદ લેવી પડી. DNA ટેસ્ટ માટે મહારાષ્ટ્ર પોલીસે જે તે સંબંધિત અધિકારીઓને પત્ર લખીને સમગ્ર મામલાની જાણ કરી. સપ્ટેમ્બરના રોજ મોડી રાત્રે કેટલાક લોકો એક બળદને જબરદસ્તીથી પકડીને લઈ જતા હતા.
એ જ સમયે બીજા એક વ્યક્તિએ આ બળદ એનો છે એવો દાવો કર્યો. એવો પણ પ્રશ્ન કર્યો કે, આ બળદને ક્યાં અને શા માટે લઈ જવામાં આવી રહ્યો છે. ત્યાર બાદ સામસામા આક્ષેપો શરૂ થઈ ગયા હતા. મામલો એ હદ સુધી ચાલ્યો ગયો કે, પોલીસ સ્ટેશનમાં સામસામે ફરિયાદ પણ નોંધાઈ. પોલીસે આ કેસને ઉકેલવા માટે બળદનો DNA ટેસ્ટ કરવા માટેનો નિર્ણય લીધો. પશુ વિભાગના અધિકારીઓને ટેસ્ટ કરાવવા માટે ખાસ પત્ર પણ લખવામાં આવ્યો હતો. આમ બળદની માલિકી હકનો મામલો થાળે પડ્યો હતો.
-copy21.jpg)
-copy17.jpg)
