પૃથ્વી માટે અત્યંત ખતરનાક ગણાતા એસ્ટરોઇડ હંમેશા વૈજ્ઞાનિકો અને અવકાશ પ્રેમીઓ માટે જિજ્ઞાસા અને ચિંતાનો વિષય રહ્યા છે. એસ્ટરોઇડ્સ, જેને એક નાના ગ્રહ તરીકે પણ ઓળખવામાં આવે છે, તે થોડા મીટરથી લઈને કેટલાક કિલોમીટર સુધીના કદમાં હોઈ શકે છે અને, સૌરમંડળના અન્ય ગ્રહોની જેમ, એસ્ટરોઇડ્સ સૂર્યની પરિક્રમા કરે છે. ક્યારેક એસ્ટરોઇડ આપણી પૃથ્વીની એટલા નજીક આવી જાય છે કે, તેમના અથડાવાનો ભય રહે છે. આવી સ્થિતિમાં, આજે આપણે એક એવા એસ્ટરોઇડ વિશે જાણીશું જેની ચેતવણી અમેરિકન અવકાશ એજન્સી નાસા દ્વારા બહાર પાડવામાં આવી છે.
અવકાશની દુનિયા જેટલી રસપ્રદ છે તેટલી જ આશ્ચર્યજનક પણ છે. આ સંદર્ભમાં, અમેરિકન અવકાશ એજન્સી નાસાએ ચેતવણી આપી છે કે, આગામી દિવસોમાં ચાર વિશાળ એસ્ટરોઇડ એટલે કે અવકાશ ખડકો પૃથ્વીની નજીકથી પસાર થશે. જોકે, એવું પણ કહેવામાં આવ્યું હતું કે, આનાથી કોઈ ખતરો નથી. નાસાના રિપોર્ટ મુજબ, 23 થી 25 મે 2025ની વચ્ચે, આ એસ્ટરોઇડ પૃથ્વીની ખૂબ નજીક આવશે. આમાંથી સૌથી મોટો એસ્ટરોઇડ 387746 (2003 MH4) છે. જે આશરે 1100 ફૂટ લાંબો છે. એનો અર્થ એ કે તે સ્ટેડિયમ જેટલું મોટું છે.
નાસાના રિપોર્ટ મુજબ, 23 મેના રોજ, સૌ પ્રથમ, 2025 KC નામનો એક એસ્ટરોઇડ પૃથ્વીથી લગભગ 6.36 લાખ કિલોમીટરના અંતરે પસાર થશે. તેનું કદ એક ઘર જેટલું છે. આ પછી, 24 મેના રોજ, બે લઘુગ્રહો 2025 KL અને 2003 MH4 પૃથ્વીની નજીક આવશે. KL લગભગ 19.10 લાખ કિલોમીટરઅને MH4 લગભગ 41.5 લાખ કિલોમીટરના અંતરથી પસાર થશે. આખરે, 25 મેના રોજ, 2025 KM નામનો એક એસ્ટરોઇડ પૃથ્વી પાસેથી 9.6 લાખ કિલોમીટરના અંતરેથી પસાર થશે.
એસ્ટરોઇડ એ ખડકાળ પદાર્થો છે, જે સૂર્યની આસપાસ ફરે છે. મોટાભાગના એસ્ટરોઇડ મંગળ અને ગુરુ ગ્રહ વચ્ચેના 'એસ્ટરોઇડ બેલ્ટ'માં જોવા મળે છે. જોકે તેઓ ઘણીવાર પૃથ્વીની નજીકથી પસાર થાય છે. પરંતુ મોટાભાગના નુકસાન પહોંચાડતા નથી. નાસા અને અન્ય અવકાશ એજન્સીઓ આવા એસ્ટરોઇડ્સ પર સતત નજર રાખે છે, જેથી કોઈપણ ભયને સમયસર ઓળખી શકાય.
પૃથ્વી સાથે અથડાતા લઘુગ્રહો ખૂબ જ દુર્લભ હોય છે. નાસાના મતે, કારના કદ જેટલી ઉલ્કાઓ વર્ષમાં એકવાર પૃથ્વી પર અથડાય છે. જ્યારે ફૂટબોલના મેદાન જેટલા મોટા લઘુગ્રહો લગભગ દર 2000 વર્ષે પસાર થાય છે. મોટાભાગના એસ્ટરોઇડ ક્યાં તો સમુદ્રમાં પડે છે અથવા તો ખાલી જગ્યાઓમાં પડે છે. આ વખતે જે ઘટના બનવા જઈ રહી છે તેમાં પણ કંઈક આવું જ બનવાનું છે.
7.jpg)
