7 ઓક્ટોબરે હમાસે ઈઝરાયલ પર હુમલો કર્યો ત્યારથી ઈઝરાયલી સૈનિકો આક્રમણ પર છે. ગાઝા પર ઈઝરાયલ અને પેલેસ્ટિનિયન આતંકવાદી સંગઠન હમાસ વચ્ચે યુદ્ધ ચાલુ છે. અત્યાર સુધીમાં બંને પક્ષે મળીને લગભગ ત્રણ હજાર લોકોના મોત થયા છે. આ ભીષણ યુદ્ધ વચ્ચે ગુજરાતી મૂળની બે યુવતીઓ પણ ચર્ચામાં છે. આ બંને યુવતીઓએ પણ હમાસ સામે હથિયાર ઉપાડ્યા હતા. આ બંને યુવતીઓ જૂનાગઢની છે અને હાલ લોકોમાં ચર્ચાનો વિષય બની છે.
આ બે બાળકીઓના પિતા જીવાભાઈ મુલિયાસિયા અને સવદાસભાઈ મુલિયાસિયા જૂનાગઢના માણાવદર તાલુકાના કોથડી ગામના રહેવાસી છે. આ બંને ઘણા વર્ષો પહેલા ઈઝરાયલ ગયા હતા અને ઈઝરાયલની નાગરિકતા મેળવી હતી. મુલિયાસિયા ભાઈઓ વર્ષોથી ઈઝરાયલમાં સ્થાયી થયા છે. તેમના કહેવા મુજબ દીકરીઓએ પોતાની ફરજ બજાવીને ઈઝરાયલના સંરક્ષણ દળોમાં સેવા આપી હતી. મીડિયા સૂત્રોના એક અહેવાલ મુજબ, બે પિતરાઈ ભાઈઓ પૈકીના એક જીવાભાઈ મુલિયાસિયા નિત્શાના પિતા છે. તેમણે જણાવ્યું કે નીતા 18 વર્ષથી વધુ ઉંમરના તમામ નાગરિકો માટે ઈઝરાયલની ફરજિયાત સૈન્ય સેવા હેઠળ ઈઝરાયલ ડિફેન્સ ફોર્સિસ (IDF)માં જોડાઇ હતી.
મુલિયાસિયાએ એ પણ ધ્યાન દોર્યું કે ઇઝરાયલની શિક્ષણ પ્રણાલી બાળકોમાં નેતૃત્વના ગુણોને પ્રોત્સાહન આપે છે. નિત્શા છેલ્લા બે વર્ષથી લેબનોન, સીરિયા, જોર્ડન અને ઇજિપ્તની સરહદો પર ફરજ બજાવી ચુકી છે. તેને ગેશ ડેનમાં પણ પોસ્ટ કરવામાં આવી હતી. આ તે જગ્યા છે જ્યાંથી વર્ષ 2021માં ઈઝરાયલની સેનાએ ગાઝામાં હમાસ પર હુમલો કર્યો હતો. હાલમાં તે બંને વિદેશમાં છે અને આ યુદ્ધનો હિસ્સો નથી. ઈઝરાયલમાં મોટી સંખ્યામાં ગુજરાતીઓ વસે છે. આ ગુજરાતીઓ ધંધા, શિક્ષણ અને રોજગાર જેવા અનેક કારણોસર દેશમાં આવે છે. ઈઝરાયલમાં, એવો નિયમ છે કે જેમાં પુરૂષો અને સ્ત્રીઓ બંનેએ ઓછામાં ઓછા 24 થી 32 મહિના માટે IDFમાં સેવા આપવી જરૂરી છે. ગુજરાતના કોઠડી ગામના ઘણા લોકો 30 થી 35 વર્ષથી ઈઝરાયલમાં રહે છે. આ સમયે તે તમામ સુરક્ષિત છે.
ઈઝરાયલ અને હમાસ વચ્ચેનું યુદ્ધ હવે ગંભીર બની રહ્યું છે. ઈઝરાયલી દળોએ હવે લેબનોન સરહદની બંને બાજુએ ફ્લેર બોમ્બ તૈનાત કર્યા છે. આ પશ્ચિમમાં મેસ અલ-જબાલથી પૂર્વમાં શેબા હાઇટ્સ અને કફારચૌબા સુધી વિસ્તરે છે. મશીનગનોએ ખિયામ શહેરની પશ્ચિમી ધાર પર હમામેસ હિલ તેમજ હૌલા અને મેસ અલ-જબાલ ગામોને જોડતા રસ્તાને નિશાન બનાવ્યા. લેબનીઝ આતંકવાદી સંગઠન હિઝબુલ્લા તરફથી પણ હુમલાઓ થવા લાગ્યા છે.
15.jpg)
