આપણી પૃથ્વીનું વજન કેટલું છે... જેને લઈને વૈજ્ઞાનિકોમાં વિવાદ છે

સેંકડો વર્ષોથી પૃથ્વીનું વજન જાણવાની કોશિશ કરી રહ્યા છીએ. આજે પણ વૈજ્ઞાનિકોને ચોક્કસ આંકડો મળ્યો નથી. પરંતુ આપણા સુંદર વાદળી ગ્રહનું વજન કેટલું છે. કારણ કે તેના પર ઘણી કુદરતી વસ્તુઓ છે. દરેકનું પોતાનું વજન હોય છે. આ સ્થિતિમાં, પૃથ્વીનું કુલ વજન કેટલું છે?

આપણી ધરતી પર પથ્થરો છે. ધાતુઓ છે. અસંખ્ય પ્રાણીઓની લાખો પ્રજાતિઓ છે. આ સિવાય અગણિત કુદરતી અને માનવસર્જિત રચનાઓ છે. ઈમારતો છે. પુલ છે. રસ્તાઓ છે. દર વર્ષે તેમની સંખ્યા વધી રહી છે. આવી સ્થિતિમાં આપણી પૃથ્વીનું કુલ વજન કેટલું છે? આનો કોઈ એક જ જવાબ નથી.

હકીકતમાં પૃથ્વીનું વજન તેના ગુરુત્વાકર્ષણ બળની શક્તિ પર આધારિત છે. એટલે કે તેનું વજન લાખો અને કરોડો કિલોગ્રામ હશે. જો નાસાનું માનીએ તો પૃથ્વીનું વજન 5.9722x1024 કિલો છે. તે 13.1 સેપ્ટિલિયન પાઉન્ડમાં પણ માપવામાં આવે છે. પૃથ્વીનું વજન સતત વધતું અને ઘટતું રહેતું હોય છે.

પૃથ્વીના વજનમાં તફાવતનું કારણ અવકાશમાંથી આવતી ધૂળ અને વાતાવરણમાંથી નીકળતા વિવિધ પ્રકારના વાયુઓ છે. પરંતુ આનાથી અબજો વર્ષો સુધી આપણા ગ્રહના વજનમાં બહુ ફરક પડશે નહીં. આજે પણ વિશ્વભરના ભૂસ્તરશાસ્ત્રીઓ પૃથ્વીના વજન અંગે એકમત નથી. કારણ કે કોઈ પણ કુલ વજનનો ચોક્કસ આંકડો હજુ સુધી આપી શક્યું નથી.

દશાંશ બિંદુ સુધીના વજનને લઈને વૈજ્ઞાનિકોમાં ઉગ્ર ચર્ચાઓ થતી રહે છે. ચોક્કસ વજનનો આંકડો આપી શકાતો જ નથી. અમેરિકાના નેશનલ ઇન્સ્ટિટ્યૂટ ઓફ સ્ટાન્ડર્ડ્સ એન્ડ ટેક્નોલોજીના મેટ્રોલોજિસ્ટ સ્ટીફન સ્લેમિંગર કહે છે કે, આમાં આઇઝેક ન્યૂટનનો સાર્વત્રિક ગુરુત્વાકર્ષણનો કાયદો લાગુ કરવામાં આવ્યો છે.

તેનો અર્થ એ કે, અહીં જે પણ અસ્તિત્વ ધરાવે છે તેનું વજન છે, તેનું પોતાનું ગુરુત્વાકર્ષણ બળ છે. આ ઉપરાંત, આ બળ બે અલગ અલગ પદાર્થો વચ્ચે પણ અસ્તિત્વ ધરાવે છે. આ સૂત્રનો ઉપયોગ કરીને બે પદાર્થો વચ્ચેના ગુરુત્વાકર્ષણ બળની ગણતરી કરવામાં આવે છે અને તેવી રીતે તેમનું વજન નક્કી કરવામાં આવે છે. આ જાણવા માટે, બંને પદાર્થોના અંતર અને ગુરુત્વાકર્ષણની ગણતરી કરવામાં આવે છે.

આ સૂત્ર અનુસાર, વૈજ્ઞાનિકોએ પૃથ્વીના વજનની ગણતરી કરી. પરંતુ સમસ્યા એ છે કે, આ વજન પૃથ્વીની સપાટી પરથી લેવામાં આવ્યું છે. પરંતુ G Numberની ચોક્કસ કિંમત કોઈને મળી નથી. 1797માં, ભૌતિકશાસ્ત્રી હેનરી કેવેન્ડિશે આ કાર્યમાં એક મોટી સિદ્ધિ મેળવી. આ પ્રમાણે પૃથ્વીનું વજન 13.1 સેપ્ટિલિયન પાઉન્ડ છે.

આજે પણ કેવેન્ડિશ સૂત્રનો ઉપયોગ કરીને પૃથ્વીનું વજન માપવામાં આવે છે. આમ છતાં પૃથ્વીના સાચા વજનને લઈને વૈજ્ઞાનિકો વચ્ચે વિવાદ ચાલી રહ્યો છે. મતભેદ છે. તેમ છતાં પણ જ્યાં સુધી ચોક્કસ વજન જાણી શકાય નહીં ત્યાં સુધી, માત્ર 5.9722x1024 kg જ પૃથ્વીનું વાસ્તવિક વજન માનવામાં આવે છે.

About The Author

Related Posts

Top News

ગુજરાતના ગામડામાં પ્લાસ્ટર વગરના મકાનમાં રહેતા છોકરાને IIMમાં પ્રવેશ મળ્યો

પડકારોને વીંધીને સફળતાના શિખરો સર કરનારા અનેક સફળ લોકોની ગાથા છે. 2 વર્ષ પહેલા 12th  ફેઇલ ફિલ્મ આવેલીIPS ...
Education 
ગુજરાતના ગામડામાં પ્લાસ્ટર વગરના મકાનમાં રહેતા છોકરાને IIMમાં પ્રવેશ મળ્યો

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 20-05-2025 દિવસ: મંગળવાર મેષ: આજે તમારે અતિશય ખર્ચ કરવાથી બચવું પડશે, નહીં તો તમે તમારી સંચિત સંપત્તિ પણ ખતમ...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

શશી થરૂર સરકારના લાડકા કેમ બની ગયા છે?

ઓપરેશન સિંદુરમાં ભારતે પાકિસ્તાન સાથે શું કર્યું તેની વાત દુનિયાના દેશો સુધી પહોંચાડવા માટે કેન્દ્ર સરકાર સર્વપક્ષીસ સાંસદોની ટીમ બનાવી...
Politics 
શશી થરૂર સરકારના લાડકા કેમ બની ગયા છે?

સેહવાગે IPLમાં ફ્લોપ ચાલી રહેલા રિષભ પંતને ધોની પાસેથી સલાહ લેવા કહ્યું

IPLના ઇતિહાસનો સૌથી મોંઘો ખેલાડી. આટલો વિસ્ફોટક ખેલાડી જેના માટે લખનઉ સુપર જાયન્ટ્સે 27 કરોડ રૂપિયાની બોલી લગાવી. ટીમ...
Sports 
સેહવાગે IPLમાં ફ્લોપ ચાલી રહેલા રિષભ પંતને ધોની પાસેથી સલાહ લેવા કહ્યું
Copyright (c) Khabarchhe All Rights Reserved.