પાછલા ઘણાં દિવસોથી ભારતીય શેર બજારમાં ચાલી રહેલ ઘટાડાનો સિલસિલો ગુરુવારે થંભી ગયો. અમેરિકાથી એક ખબર આવ્યા પછી શેર માર્કેટ ઓપન થવાની સાથે જ તેજીમાં આવી ગયું. BSEનો 30 શેરવાળો ઈન્ડેક્સ સેંસેક્સ ઉછળીને 500 પોઈન્ટથી વધારે ચઢી ગયો. તો NSEમાં નિફ્ટી પણ રોકેટની ગતિએ ભાગ્યો. જણાવીએ કે, યૂએસ ફેડરલ રિઝર્વે પોતાની વ્યાજ દરોને સ્થિર રાખવાનો નિર્ણય લીધો છે.
સૌથી પહેલા વાત કરીએ ભારતીય શેર બજારમાં આવેલી તેજી વિશે. ગુરુવારે સવારે 9.15 વાગ્યા પર માર્કેટની શરૂઆત ગ્રીન રંગથી થઇ. BSE સેંસેક્સ 493.59 પોઈન્ટ કે 0.78 ટકાના વધારાની સાથે 64,084.92ના લેવલે ઓપન થયો અને થોડી જ મિનિટોમાં 64,200ના લેવલને પાર કરી ગયો. સમાચાર લખવા સુધીમાં સેંસેક્સ 520.30 પોઈન્ટથી ઉછળવાની સાથે 64111.63ની સપાટી પર ટ્રેડ કરી રહ્યો હતો. NSE નિફ્ટી પણ 151.50 પોઈન્ટના વધારાની સાથે 19140.70ના સ્તરે પહોંચી ગયો હતો.
US ફેડે સ્થિર રાખી વ્યાજ દરો
અમેરિકામાં થયેલી કોઇપણ હલચલની અસર ભારત સહિત આખી દુનિયામાં પડે છે. પછી તે સારી હોય કે ખરાબ. હાલની સ્થિતિની વાત કરીએ તો અમેરિકાથી રાહતના સમાચાર આવ્યા અને તે આવતાની સાથે જ ન માત્ર અમેરિકાનું શેર માર્કેટ બલ્કે ભારતીય શેર બજારોમાં પણ રોનક જોવા મળી. ઉલ્લેખનીય છે કે, અમેરિકાની કેન્દ્રીય બેંક ફેડરલ રિઝર્વે 2 દિવસીય બેઠક પછી વ્યાજ દરોમાં કોઇપણ રીતનો ફેરફાર ન કરવાનો નિર્ણય લીધો છે. ફેડે સતત બીજાવાર પોલિસી રેટ્સને સ્થિર રાખવાનો નિર્ણય લીધો છે. એટલે કે તે હજુ પણ 5.25%-5.50% ના લેવલે યથાવત છે.
અડાણી કંપનીનો શેર ચમક્યો
આ દરમિયાન માર્કેટના 2188 શેરોમાં તેજી જોવા મળી રહી છે. જ્યારે 666 શેર નેગેટિવમાં કારોબાર કરી રહ્યા છે. શરૂઆતી કારોબારમાં ગૌતમ અડાણીની કંપની અંબુજા સિમેન્ટના શેર જ્યાં 7 ટકાથી વધારે ઉછળ્યા, તો સ્ટેટ બેંક ઓફ ઈન્ડિયાના શેરોમાં પણ 5 ટકાથી વધારાની તેજી જોવા મળી હતી. ખબર લખવા સુધીમાં SBIના શેર 6.85 ટકાના ઉછાળાની સાથે 573.25 રૂપિયા પર, અંબુજા સિમેન્ટના શેર 3.16 ટકાના ઉછાળાની સાથે કારોબાર કરી રહ્યો હતો. આ ઉપરાંત બજાજ ફાયનાન્સ, સન ફાર્મા જેવા સ્ટોક્સ સતત ગ્રીન નિશાન પર કારોબાર કરી રહ્યા હતા.
અમેરિકામાં મોંઘવારી ઓછી થવાની આશંકા
બે દિવસીય બેઠકમાં લેવામાં આવેલા નિર્ણયોનું એલાન કરતા ફેડરલ રિઝર્વના ચેરમેન જેરોમ પોવેલે કહ્યું કે, પાછલા અમુક મહિનામાં જે નાણાકીય ડેટા સામે આવ્યા છે, તેનાથી મોંઘવારી ઓછી થવાનો ભરોસો વધ્યો છે. મોંઘવારીને લઇ આપણે જે ટાર્ગેટ રાખ્યો છે, તેને હાંસલ કરી લેશું. જોકે તે 2 ટકાથી નીચેના લેવલે લઇ જવામાં હજુ લાંબો સમય લાગી શકે છે. US ફેડે માન્યુ કે પડકારજન્ય સ્થિતિની વચ્ચે પણ અમેરિકાની ઈકોનોમીમાં ફ્લેક્સિબિલિટી નોંધવામાં આવી રહી છે.
