રણબીર કપૂર અને સાંઈ પલ્લવીની મોસ્ટ અવેટેડ ફિલ્મ 'રામાયણ'નો ફર્સ્ટ લુક આખરે રિલીઝ થઈ ગયો છે, જેણે આવતાની સાથે જ સોશિયલ મીડિયા પર ધમાલ મચાવી દીધી છે. આમાં રણબીર કપૂર ભગવાન રામના અવતારમાં દેખાઈ રહ્યા છે. તેમના હાથમાં ધનુષ્ય છે અને તેઓ એક યોદ્ધા જેવા દેખાય છે. પોસ્ટરની પૃષ્ઠભૂમિમાં સૂર્ય અને વાદળોનો એક દ્રશ્ય છે, જેને જોઈને તમારા રૂંવાડા ઉભા થઈ જશે.
આ ઉપરાંત, રાવણની ભૂમિકામાં જોવા મળતો કન્નડ સુપરસ્ટાર યશ પણ આ મોશન પોસ્ટરમાં જોવા મળી રહ્યો છે, જેના પર ભગવાન રામ એટલે કે રણબીર તીર ચલાવતા જોવા મળી રહ્યા છે. આ મોશન પોસ્ટર આ ફિલ્મના નિર્માતા નમિત મલ્હોત્રાએ પોતાના ઇન્સ્ટાગ્રામ પર શેર કર્યું છે, જેની સાથે તેમણે એક ક્યૂટ કેપ્શન પણ લખ્યું છે, જેને ખૂબ પસંદ કરવામાં આવી રહ્યું છે અને હવે ચાહકો આ ફિલ્મની રાહ જોઈ રહ્યા છે.
આ પોસ્ટર શેર કરતા નમિત મલ્હોત્રા કેપ્શનમાં લખે છે, 'દસ વર્ષની આકાંક્ષા. સર્વકાલીન મહાન મહાકાવ્યને દુનિયા સમક્ષ લાવવાનો અથાક સંકલ્પ. વિશ્વના કેટલાક શ્રેષ્ઠ લોકોના સહયોગથી રામાયણને અત્યંત શ્રદ્ધા અને આદર સાથે રજૂ કરવામાં આવે તેનું પરિણામ. શરૂઆતમાં આપનું સ્વાગત છે. ચાલો રામ વિરુદ્ધ રાવણની અમર વાર્તાની ઉજવણી કરીએ. આપણું સત્ય. આપણો ઇતિહાસ.'
https://www.instagram.com/reel/DLotVrjPbYs/
રણબીર કપૂર અને યશ ઉપરાંત, ફિલ્મમાં સાઈ પલ્લવી મા સીતાની ભૂમિકામાં જોવા મળશે. આ ફિલ્મ બે ભાગમાં રિલીઝ થશે. અહેવાલો અનુસાર, પહેલો ભાગ 2026માં અને બીજો ભાગ 2027માં આવવાની ધારણા છે. આ ત્રણ સ્ટાર્સ ઉપરાંત, ફિલ્મમાં ઘણા મોટા સ્ટાર્સ પણ છે. જેમ કે સની દેઓલ પવન પુત્ર હનુમાનની ભૂમિકામાં, રવિ દુબે લક્ષ્મણની ભૂમિકામાં અને રકુલ પ્રીત સિંહ શૂર્પનખાની ભૂમિકામાં જોવા મળશે.
https://www.instagram.com/p/DLovOwvPpb-/
કાજલ અગ્રવાલ મંદોદરીની ભૂમિકા ભજવી રહી છે અને લારા દત્તા કૈકેયીની ભૂમિકામાં જોવા મળશે. આ ફિલ્મનું દિગ્દર્શન નિતેશ તિવારી કરી રહ્યા છે, જ્યારે તેનું નિર્માણ નમિત મલ્હોત્રા કરી રહ્યા છે. એવું કહેવામાં આવી રહ્યું છે કે, આ ફિલ્મ ખૂબ જ મોટા બજેટમાં બની રહી છે, જેનો ખર્ચ લગભગ 500થી 600 કરોડ હોવાનું કહેવાય છે. ફક્ત એક સેટનો ખર્ચ જ લગભગ 11 કરોડ છે. આટલા મોટા બજેટ અને શાનદાર ટીમને કારણે દર્શકોને તેનાથી ઘણી અપેક્ષાઓ છે.
ફિલ્મના શૂટિંગ દરમિયાન, બધા કલાકારો ખૂબ જ મહેનત કરી રહ્યા છે, જેના ફોટા અને વીડિયો સેટ પરથી ઘણી વખત વાયરલ થયા છે. ફિલ્મમાં રાવણના પાત્ર વિશે, યશે એક ઇન્ટરવ્યુમાં કહ્યું હતું કે, તેને રાવણનું પાત્ર ખૂબ જ રસપ્રદ લાગે છે. તેણે કહ્યું હતું કે જો તેને રામાયણમાં અન્ય કોઈ પાત્ર ભજવવાનું કહેવામાં આવે, તો તે કદાચ તે નહીં કરે, કારણ કે રાવણ તેને સૌથી વધુ આકર્ષે છે.
ગમે તે કહો... ભાજપ પર ગુજરાતના મતદારોનો વિશ્વાસ અડીખમ છે! 
-copy17.jpg)
