સુરતના SMIMER (સુરત મ્યુનિસિપલ ઇન્સ્ટિટ્યૂટ ઓફ મેડિકલ એજ્યુકેશન એન્ડ રિસર્ચ) ખાતે BPNI (બ્રેસ્ટફીડિંગ પ્રમોશન નેટવર્ક ઓફ ઈન્ડિયા) અભિયાન હેઠળ ડૉ. ગરીમા મહેતાના જ્ઞાનવર્ધક અને પ્રેરણાદાયી સેમિનારનું આયોજન કરવામાં આવ્યું હતું. સેમિનારનો હેતુ હોસ્પિટલોને સ્તનપાન માટે અનુકૂળ બનાવવાનો રહ્યો હતો. કાર્યક્રમમાં પીડીયાટ્રિક વિભાગના પ્રમુખ ડૉ. પુનમ સિંહ, ઓબ્ઝ્ટેટ્રિક્સ એન્ડ ગાયનેક વિભાગના પ્રમુખ ડૉ. અશ્વિન વાછાણી અને નર્સિંગ વિભાગના પ્રમુખ સુરેન્દ્ર ત્રિવેદીનો મહત્વપૂર્ણ સહયોગ રહ્યો હતો.
મુખ્ય વક્તા તરીકે ઉપસ્થિત ગુજરાત સ્ટેટ બ્રાન્ડ એમ્બેસેડર ડૉ. ગરીમા મહેતાએ નવજાત શિશુ માટે સ્તનપાનના પ્રારંભિક મહત્વ, માતાઓને સહયોગ આપતી વખતે આરોગ્ય કર્મચારીઓની ભૂમિકા અને હોસ્પિટલમાં સ્તનપાનને અનુકૂળ વાતાવરણ કેવી રીતે સર્જી શકાય તે વિષય પર વિસ્તૃત ચર્ચા કરી.
તેમણે કહ્યું, “ફેકલ્ટી, નર્સ અને વિદ્યાર્થીઓની ઊર્જા અને પ્રતિબદ્ધતા ખરેખર પ્રેરણાદાયી છે. આપણે મળીને આવા હોસ્પિટલ બનાવી રહ્યા છીએ જે માતાઓને સશક્ત બનાવે અને દરેક બાળકને સ્વસ્થ જીવનશૈલીની શરૂઆત આપે.”
આ સેમિનારમાં મેડિકલ વિદ્યાર્થીઓ, ફેકલ્ટી અને નર્સિંગ સ્ટાફે ઉત્સાહભેર ભાગ લીધો અને માતા-શિશુના આરોગ્ય સુધાર માટે પોતાની પ્રતિબદ્ધતા દર્શાવી. SMIMERના મેનેજમેન્ટે આ પ્રકારના નવીન કાર્યક્રમનું આયોજન કરીને દાખલો બેસાડ્યો છે.
-copy17.jpg)
