'પગાર પૂર્ણિમાના ચંદ્ર જેવો છે, જે એક દિવસ માટે દેખાય છે અને પછી ધીમે ધીમે ગાયબ થઈ જાય છે. વધારાની આવક એક એવું વહેતુ ઝરણું છે, જે હંમેશા તરસ છીપાવે છે.'
'નમક કા દરોગા' વાર્તામાં, ઇન્સ્પેક્ટર મુનશી વંશીધરના પિતા તેને આ પાઠ શીખવવામાં નિષ્ફળ જાય છે. પરંતુ લાગે છે કે, ઝારખંડમાં નવા નવા નિમણૂંક પામેલા ઇન્સ્પેક્ટર આ માર્ગને અનુસરવાનો પ્રયાસ કરી રહ્યા છે. પરંતુ લાગે છે કે, 'તેણે માથાના વાળ કપાવતાની સાથે જ બરફના કરા પડ્યા.' જેવું તેની સાથે થઇ ગયું. તેને નોકરીમાં જોઈન્ટ થયાના માત્ર 96 કલાકમાં જ, તેની ભ્રષ્ટાચારના આરોપમાં ધરપકડ કરવામાં આવી હતી.
ઝારખંડના ગુમલા જિલ્લાના ચૈનપુર પોલીસ સ્ટેશનમાં નિમણૂંક કરાયેલા સ્ટેશન હાઉસ ઓફિસર (SI) શૈલેષ કુમારને ભ્રષ્ટાચાર વિરોધી બ્યુરો (ACB) ટીમ દ્વારા 30,000 રૂપિયાની લાંચ લેતા રંગે હાથે પકડવામાં આવ્યો હતો. ચૈનપુર પોલીસ સ્ટેશનના ઇન્ચાર્જ શૈલેષ કુમારે 18 જાન્યુઆરીએ ચૈનપુર પોલીસ સ્ટેશનનો ચાર્જ સંભાળ્યો હતો અને 21 જાન્યુઆરીએ લાંચ લેતી વખતે તેમની ધરપકડ કરવામાં આવી હતી.
એવો આરોપ છે કે, શૈલેષ કુમાર અને ભૂતપૂર્વ સ્ટેશન ઇન્ચાર્જ અશોક કુમારે જયપાલ નાયક નામના ગ્રામજન પાસેથી તેમના ઘર માટે ઇંટો બનાવવાની પરવાનગી માટે લાંચ માંગી હતી. પીડિત જયપાલ નાયક લાંચ આપવા તૈયાર ન હતા, પરંતુ પોલીસ અધિકારીઓએ તેમના પર લાંચ આપવા દબાણ કર્યું. ચૈનપુર પોલીસ સ્ટેશનના અધિકારીઓ દ્વારા કરવામાં આવતી હેરાનગતિથી કંટાળીને, જયપાલ નાયકે રાંચીમાં ભ્રષ્ટાચાર વિરોધી બ્યુરો (ACB) કાર્યાલયમાં ફરિયાદ નોંધાવી.
તેમની ફરિયાદના આધારે, 21 જાન્યુઆરીએ, ACBએ એક આયોજનબદ્ધ કાર્યવાહી હાથ ધરી અને શૈલેષ કુમારને 30,000 રૂપિયા સ્વીકારતા રંગે હાથ પકડી લીધો. ધરપકડ બાદ, ACBએ તેના ઘરે લગભગ 15 મિનિટ સુધી સર્ચ ઓપરેશન હાથ ધર્યું. શોધખોળ પછી, આરોપી સ્ટેશન ઇન્ચાર્જને પૂછપરછ માટે રાંચી લઈ જવામાં આવ્યો.
ગુમલા જિલ્લામાં આ ઘટના પહેલા, ભ્રષ્ટાચાર વિરોધી બ્યુરોએ 2 જાન્યુઆરીએ આવી જ કાર્યવાહી હાથ ધરી હતી. એક મોટી કાર્યવાહીમાં, ટીમે રાંચી સદર CO મુનશી રામને રૂ. 37,000ની લાંચ લેતા રંગે હાથ ધરપકડ કરી હતી. ત્યારપછી, મુનશી રામના ઘરે દરોડો પાડવામાં આવ્યો, જેમાં રૂ. 11.42 લાખ રોકડા મળી આવ્યા.
5.jpg)
