કંગના રણૌત અને ઈશા ગુપ્તા નવા સંસદ ભવન આવી, PM મોદીના કર્યા ભરપેટ વખાણ

મંગળવારે નવી સંસદની લોકસભામાં મહિલા અનામત બિલ રજૂ કરવામાં આવ્યું હતું. PM નરેન્દ્ર મોદીએ દેશવાસીઓને શુભેચ્છા પાઠવી છે. આ બિલને 'નારી શક્તિ વંદન એક્ટ' નામ આપવામાં આવ્યું છે. આ ઐતિહાસિક ક્ષણોના સાક્ષી બનવા માટે કંગના રનૌત અને એશા ગુપ્તા નવી સંસદ પહોંચી હતી. તેમને ખાસ આમંત્રણ આપવામાં આવ્યું હતું. બંને અભિનેત્રીઓએ આનો શ્રેય PM મોદીને આપ્યો અને તેમનો આભાર માન્યો. કંગના સવારે જ દિલ્હીથી મુંબઈ જવા રવાના થઈ ગઈ હતી. તેનો વીડિયો એરપોર્ટ પરથી સામે આવ્યો હતો જેમાં તે પાપારાઝી માટે પોઝ આપતી જોવા મળી હતી.

કંગનાએ કહ્યું, 'આ એક ખુબ જ સરસ વિચાર છે. આ મહિલાઓને આગળ વધારવા માટે આપણા PM મોદી અને આ સરકારની વિચારસરણી છે. આ દરમિયાન કંગનાએ ઓફ વ્હાઇટ કલરની સાડી પહેરી હતી. કંગના આ પહેલા પણ ઘણી વાર PM મોદીના વખાણ કરી ચુકી છે. તે સોશિયલ મીડિયા પર રાજકીય મુદ્દાઓ પર તેના ખુલ્લા વિચારો માટે જાણીતી છે.

મહિલા આરક્ષણ બિલ પર એશા ગુપ્તાએ કહ્યું, 'આ PM મોદીનો ખૂબ જ પ્રગતિશીલ વિચાર છે. અગાઉ ઘણી સરકારોએ આ માટે પ્રયાસ કર્યો હતો પરંતુ તેમ થયું નથી. હવે આ સરકારે સાબિત કર્યું છે. શરૂઆતથી જ ઘણી યોજનાઓ છે, 'બેટી બચાવો બેટી પઢાવો' તેમાંથી એક છે જે મહિલાઓ માટે છે. અનામત બિલનો અર્થ એ છે કે, આપણે સમાન બની ગયા છીએ.' ઈશા આગળ કહે છે, 'હંમેશા એવું કહેવામાં આવે છે કે ઘરની લક્ષ્મી ખુશ રહે, PM મોદીજીએ સંસદની શરૂઆત લક્ષ્મીથી કરીને એ જ કર્યું છે.' તેમનું કહેવું છે કે આ એક મોટું પગલું છે. PM મોદીજીએ એ કરીને બતાવ્યું, જે લોકો વિચારતા રહે છે. એશા ગુપ્તાએ રાજકારણમાં આવવાની ઈચ્છા વ્યક્ત કરી હતી. ચૂંટણી લડવાના સવાલ પર તેણે એમ પણ કહ્યું કે, 'હું ચોક્કસથી ચૂંટણી લડીશ.'

મહિલા આરક્ષણ બિલ પર લોકસભા સ્પીકર ઓમ બિરલાએ કહ્યું કે, આ બિલ આજે સંસદમાં રજૂ કરવામાં આવ્યું છે. હવે બુધવારે આ અંગે ચર્ચા થશે. આ પહેલા PM મોદીએ કહ્યું હતું કે 'મહિલા આરક્ષણ બિલ પર ઘણી ચર્ચા થઈ છે, ઘણા વાદ-વિવાદો પણ થયા છે. અટલ બિહારી વાજપેયીના શાસનકાળ દરમિયાન મહિલા આરક્ષણ બિલ ઘણી વખત રજૂ કરવામાં આવ્યું હતું પરંતુ તે સમયે પૂરતું સંખ્યાબળ એટલે કે બહુમત ન હોવાથી તે પસાર થઈ શક્યું ન હતું. કદાચ ભગવાને મને આવા કામ માટે પસંદ કર્યો છે.'

About The Author

Related Posts

Top News

ધોની, દીપિકા અને અશ્નીર ગ્રોવરના રૂપિયા ડૂબવાના? બધાએ એ કંપનીમાં લગાવેલા પૈસા જે...

ક્રિકેટર મહેન્દ્ર સિંહ ધોની, બોલિવુડ એક્ટ્રેસ દીપિકા પાદુકોણ અને શોર્ટ ટેન્કની પહેલી સીઝનમાં જજ રહેલા અશ્નીર ગ્રોવરના લાખો રૂપિયાના...
Business 
ધોની, દીપિકા અને અશ્નીર ગ્રોવરના રૂપિયા ડૂબવાના? બધાએ એ કંપનીમાં લગાવેલા પૈસા જે...

કોચિંગ વગર JEE મેઈન્સમાં 100 પર્સન્ટાઈલ, આ છે સાઈ મનોગનાનો ગોલ્ડન રુલ અને લક્ષ્ય!

JEE મેન્સ સત્ર-2 (એપ્રિલ સત્ર)નું પરિણામ જાહેર કરવામાં આવ્યું છે. આ સત્રમાં, વિવિધ રાજ્યોના કુલ 24 વિદ્યાર્થીઓએ ...
Education 
કોચિંગ વગર JEE મેઈન્સમાં 100 પર્સન્ટાઈલ, આ છે સાઈ મનોગનાનો ગોલ્ડન રુલ અને લક્ષ્ય!

જનોઈ પહેરીને વિદ્યાર્થીને એક્ઝામ હોલમાં જતા રોકાયો, પરીક્ષા અધિકારી સસ્પેન્ડ

કર્ણાટકના શિવમોગામાં આદિચુંચનગિરી સ્કૂલમાં કોમન એન્ટ્રન્સ ટેસ્ટ (CET) આપવા ગયેલા વિદ્યાર્થીઓ પાસેથી જનોઈ ઉતારવાના મામલો સામે આવ્યા બાદ, ...
National 
જનોઈ પહેરીને વિદ્યાર્થીને એક્ઝામ હોલમાં જતા રોકાયો, પરીક્ષા અધિકારી સસ્પેન્ડ

અંબાલાલ પટેલે જણાવ્યું- આ વર્ષે ગુજરાતમાં કેવી રહેશે વરસાદની ઋતુ

અત્યારે ઉનાળાની સીઝન ચાલી રહી છે, અને રાજ્યમાં મિશ્રા ઋતુનો અનુભવ થઈ રહ્યો છે. સવારે વાદળછાયું વાતાવરણ જોવા મળી...
Gujarat 
અંબાલાલ પટેલે જણાવ્યું- આ વર્ષે ગુજરાતમાં કેવી રહેશે વરસાદની ઋતુ
Copyright (c) Khabarchhe All Rights Reserved.