‘પ્રેમ તો પ્રેમ હોય છે! એ કંઈક જ જોતો નથી. એ નથી સારું-નરસું જાણતો, એ નથી અમીરી-ગરીબીની ભેદ જાણતો કે એ નથી જાત-પાતનો ભેદ નથી જાણતો. પ્રેમના ચક્કરમાં લોકો શું-શું નથી કરતા? બધુ જ કરે છે. કોઇ કોઇની હત્યા કરી નાખે છે, કોઈ બાળકો અને પતિને છોડીને પ્રેમી સાથે જતું રહે છે. કોઈ પોતાની પત્ની છોડીને બીજી મહિલા સાથે ચક્કરમાં પડી જાય છે. તો વળી કોઈ બોયફ્રેન્ડ કે ગર્લફ્રેન્ડ માટે મારામારી, ઝઘડા પર ઉતારી આવે છે. આવી જ ઘટના સામે આવી છે છત્તીસગઢથી.
રાયપુરના ખમ્હારડીહ પોલીસ સ્ટેશન વિસ્તારમાં એક સનસનીખેજ ઘટના સામે આવી છે. જ્યાં 6 યુવતીઓએ મળીને પોતાની જ બહેનપણીને નિર્દયતાથી માર માર્યો હતો. પીડિતા રહનુમા નઝીર ફેશન ડિઝાઈનર છે અને ભાવના નગરમાં ભાડાના મકાનમાં રહે છે. ઘટના દરમિયાન યુવતીઓએ રહનુમાના ઘરમાં તોડફોડ કરી હતી અને સોનાના ઘરેણા અને રોકડ પણ લૂંટ લીધી હતી. FIR મુજબ, રહનુમાની આ યુવતીઓ સાથે છેલ્લા 4 વર્ષથી મિત્રતા હતી. 3 એપ્રિલે કોમલ નામની યુવતીએ રહનુમાને ફોન કરીને કહ્યું કે, તે તેના ઘરે આવી રહી છે. ત્યારબાદ રહનુમા સ્નાન કરવા બાથરૂમમાં જતી રહી હતી.
આ દરમિયાન સાંજે 6:00 વાગ્યાના અરસામાં 6 યુવતીઓ અલીશા, દિવ્યા, મંજૂ, કોમલ, અલીશા એમ. અને રાની રહનુમાના ઘરમાં ઘૂસી ગઇ હતી. છોકરીઓના હાથમાં ચપ્પુ હતો. તેમણે બાથરૂમનો દરવાજો લાત મારીને તોડ્યો અને રહનુમાને વાળ પકડીને ધસડતા બહાર કાઢી. પીડિતા રહનુમાએ જણાવ્યું કે, આ મારામારી દરમિયાન તેની સોનાની ચેન પડી ગઈ. આ ઉપરાંત સોનાની 5 અંગૂઠી અને 30 હજાર રૂપિયાની રોકડ પણ ગાયબ છે. યુવતીઓએ રહનુમાનો iPhone પણ તોડી નાખ્યો હતો. રહનુમાએ આરોપી યુવતીઓ વિરુદ્ધ પોલીસ સ્ટેશનમાં FIR નોંધાવી છે.
મીડિયા રિપોર્ટ મુજબ, આ મારામારી બોયફ્રેન્ડને લઈને થઈ હતી. છોકરીઓ વચ્ચે કોઈ છોકરાને લઈને વિવાદ હતો. તેમાંથી એક યુવતીનું યુવક સાથે બ્રેકઅપ થઇ ચૂક્યું છે, પરંતુ તેમ છતા યુવકની પર્સનલ લાઇફમાં દખલઅંદાજીને લઈને વિવાદ થયો હતો. હાલમાં પોલીસ FIR નોંધીને મામલાની તપાસ કરી રહી છે. પોલીસ તમામ એંગલથી તપાસ કરી રહી છે. પોલીસ ટૂંક સમયમાં જ મારામારીના સાચા કારણનો ખુલાસો કરશે.
તિરંગા યાત્રાથી ઓપરેશન સિંદૂરનું ગર્વ ભાજપે લીધું પણ કોંગ્રેસ અને અન્ય પક્ષો કેમ બેઠા રહ્યા? 
-copy30.jpg)
