પશ્ચિમ બંગાળમાં આગામી ચૂંટણીઓ પહેલા રાજકીય ગરમાવો ચરમસીમાએ પહોંચ્યો છે. ગુરુવારે વહેલી સવારે એન્ફોર્સમેન્ટ ડિરેક્ટોરેટ (ED) એ તૃણમૂલ કોંગ્રેસ (TMC) ની સહયોગી પોલિટિકલ કન્સલ્ટન્સી ફર્મ IPAC (ઈન્ડિયન પોલિટિકલ એક્શન કમિટી) સાથે જોડાયેલા સ્થળો પર દરોડા પાડતા ખળભળાટ મચી ગયો છે. આ કાર્યવાહી દરમિયાન મુખ્યમંત્રી મમતા બેનર્જી પોતે ઘટનાસ્થળે પહોંચી જતાં ભારે હોબાળો થયો હતો.
https://twitter.com/ANI/status/2009192487060164852
EDની કાર્યવાહી અને મમતા બેનર્જીની એન્ટ્રી
નાણાકીય અનિયમિતતાઓના આરોપમાં EDની ટીમે દિલ્હીથી કોલકાતા પહોંચીને બે સ્થળોએ તપાસ શરૂ કરી હતી:
જ્યારે પ્રતીક જૈનના ઘરે દરોડા ચાલુ હતા, ત્યારે સવારે 11.30 વાગ્યે મુખ્યમંત્રી મમતા બેનર્જી અચાનક ત્યાં પહોંચી ગયા હતા. તેમની સાથે કોલકાતા પોલીસ કમિશનર પણ હાજર હતા. મમતા બેનર્જીએ આ કાર્યવાહીને રાજકીય ષડયંત્ર ગણાવ્યું છે. તેમણે કહ્યુ હતું કે ભાજપ અમારી વ્યૂહરચના ચોરવા માંગે છે.
https://twitter.com/priyarajputlive/status/2009165378795245958
દરોડાના સ્થળેથી બહાર નીકળતી વખતે મમતા બેનર્જીના હાથમાં એક લીલી ફાઈલ જોવા મળી હતી. મીડિયા સાથે વાત કરતા તેમણે ગંભીર આરોપ લગાવ્યા કે આ દરોડા ગૃહમંત્રી અમિત શાહના ઈશારે કરવામાં આવ્યા છે. ભાજપ ED દ્વારા TMC ની ચૂંટણી વ્યૂહરચના અને ઉમેદવારોની યાદી 'હાઈજેક' કરવાની કોશિશ કરી રહ્યું છે. મમતાએ દાવો કર્યો કે ભાજપ તેમની મહત્વની ફાઈલો ચોરવા માંગે છે જેથી ચૂંટણીમાં લાભ મેળવી શકાય.
મમતા બેનર્જીએ કહ્યું- ભાજપ અમારી ચૂંટણી રણનીતિ અને ઉમેદવારોના નામ ચોરવાનો પ્રયાસ કરી રહી છે. આ લોકશાહીની હત્યા છે.
મમતા બેનર્જીએ કેન્દ્રીય ગૃહમંત્રી અમિત શાહ પર સીધો નિશાન સાધ્યો અને આ કાર્યવાહીનો આરોપ લગાવ્યો. તેમણે કહ્યું, આ બધું તે તોફાની ગૃહમંત્રી દ્વારા કરવામાં આવ્યું છે જે દેશને સુરક્ષિત રાખી શકતા નથી. અમિત શાહ અમારી પાર્ટીના ઉમેદવારોની યાદી એકત્રિત કરવા માંગે છે. તેમણે ઉમેર્યું, તેઓ મારી પાર્ટીના દસ્તાવેજો લઈ રહ્યા છે; ત્યાં કોઈ સુરક્ષા ગાર્ડ નહોતા. એક તરફ, SIR કેસ છે, જ્યાં નામો દૂર કરવામાં આવી રહ્યા છે, અને બીજી તરફ, તેઓ દસ્તાવેજો એકત્રિત કરી રહ્યા છે. આ પગલાની કાયદેસરતા પર પ્રશ્ન ઉઠાવતા, બેનર્જીએ પ્રશ્ન કર્યો કે શું રાજકીય સામગ્રી જપ્ત કરવાનું EDનું કામ છે. તેમણે પૂછ્યું, શું ઉમેદવારોની યાદી, પાર્ટીની વ્યૂહરચના અને પાર્ટીની યોજનાઓ એકત્રિત કરવાનું ED અને ગૃહમંત્રીનું કામ છે?
સોલ્ટ લેક ઓફિસમાં પણ દોડધામ
પ્રતીક જૈનના ઘરેથી નીકળ્યા બાદ મુખ્યમંત્રી સીધા સોલ્ટ લેક સ્થિત IPAC ઓફિસે પહોંચ્યા હતા. અહેવાલો મુજબ, તેઓ પાછળના દરવાજેથી ઓફિસમાં દાખલ થયા હતા. થોડી વાર પછી, મુખ્યમંત્રી કાર્યાલય (CMO) ના અધિકારીઓ કેટલીક ફાઈલો લઈને બહાર આવતા જોવા મળ્યા હતા, જેને મુખ્યમંત્રીના વાહનમાં રાખવામાં આવી હતી. જોકે, આ ફાઈલો ED એ જપ્ત કરી હતી કે કેમ તે અંગે હજુ સ્પષ્ટતા થઈ નથી.
IPAC નું મહત્વ
IPAC એ સંસ્થા છે જે વર્ષોથી પશ્ચિમ બંગાળમાં TMC માટે ચૂંટણી વ્યૂહરચના, નારા અને ઉમેદવારોની પસંદગીમાં મહત્વની ભૂમિકા ભજવે છે. અગાઉ પ્રશાંત કિશોર આ સંસ્થા સાથે જોડાયેલા હતા, પરંતુ હાલમાં તેની જવાબદારી પ્રતીક જૈન સંભાળી રહ્યા છે. 2021ની વિધાનસભા ચૂંટણીમાં TMC ની જીતમાં આ સંસ્થાનો મોટો ફાળો માનવામાં આવે છે.
3.jpg)
