પિતા ભાજપના સમર્થનથી બન્યા હતા રાજ્યસભાના સાંસદ; હવે આ પાર્ટીએ પુત્રને ઉમેદવાર બનાવ્યા, કોણ છે ધનરાજ નથવાણી?

રાજ્યસભાની ચૂંટણી માટે સમાજવાદી પાર્ટીના બંને ઉમેદવારો (રામ ગોપાલ યાદવ અને ધનરાજ નથવાણી)એ ઉમેદવારી પત્રો ભર્યા છે. બંને ઉમેદવારોએ અખિલેશની હાજરીમાં તેમના નામાંકન પત્રો દાખલ કર્યા. ઉત્તર પ્રદેશમાં રાજ્યસભાની 10 બેઠકો માટે ચૂંટણી યોજાવાની છે. આ માટે, સમાજવાદી પાર્ટી (SP)એ રામ ગોપાલ યાદવ અને ધનરાજ પરિમલ નથવાણીને પોતાના ઉમેદવાર બનાવ્યા છે. સોશિયલ મીડિયા પોસ્ટમાં SPએ કહ્યું કે બંને ઉમેદવારો આજે બુધવાર, 30 સપ્ટેમ્બર ઉમેદવારી પત્રો ભરશે.

SPએ તેની સોશિયલ મીડિયા પોસ્ટમાં જણાવ્યું હતું કે, રાજ્યસભા માટે સમાજવાદી પાર્ટીના અધિકૃત ઉમેદવારો, પ્રો. રામ ગોપાલ યાદવ અને ધનરાજ પરિમલ નથવાણી રાષ્ટ્રીય અધ્યક્ષ અખિલેશ યાદવની હાજરીમાં સવારે 11 વાગ્યે તેમના ઉમેદવારી પત્રો ભરશે.

કોણ છે ધનરાજ નથવાણી?

ધનરાજ નથવાણી કોર્પોરેટ જગત અને ક્રિકેટ વહીવટમાં એક જાણીતું નામ છે. તેઓ રિલાયન્સ ગ્રુપ સાથે સંકળાયેલા રહ્યા છે અને ગુજરાત ક્રિકેટ એસોસિએશન (GCA)ના પ્રમુખ તરીકે સેવા આપી ચૂક્યા છે. હાલમાં, તેઓ રિલાયન્સ ઇન્ડસ્ટ્રીઝમાં ગ્રુપ પ્રેસિડેન્ટના પદ પર કાર્યરત છે અને અંબાણી પરિવારની ખૂબ નજીક માનવામાં આવે છે.

ધનરાજ નથવાણી, રિલાયન્સ ઇન્ડસ્ટ્રીઝ સાથે સંકળાયેલા વરિષ્ઠ અધિકારી અને રાજ્યસભાના સાંસદ પરિમલ નથવાણીના પુત્ર છે છે. તેમનો જન્મ 5 ફેબ્રુઆરી, 1986ના રોજ થયો હતો. તેમણે લંડનની રીજન્ટ્સ બિઝનેસ સ્કૂલમાં ઇન્ટરનેશનલ બિઝનેસનો અભ્યાસ કર્યો અને ત્યારબાદ કોર્પોરેટ લૉ અને પબ્લિક રિલેશન્સ મેનેજમેન્ટમાં MBA કર્યું. કોર્પોરેટ ક્ષેત્રમાં તેઓ રિલાયન્સ ગ્રુપ સાથે સંકળાયેલા રહ્યા છે; આ ઉપરાંત, તેઓ રમતગમત, CSR અને સામાજિક પ્રવૃત્તિઓમાં પણ સક્રિય રહ્યા છે.

ધનરાજ નથવાણી લાંબા સમયથી ગુજરાત ક્રિકેટ એસોસિએશન સાથે સંકળાયેલા રહ્યા છે. તેઓ 2019માં GCAના ઉપપ્રમુખ તરીકે ચૂંટાયા હતા. ત્યારબાદ, નવેમ્બર 2022માં તેઓ ગુજરાત ક્રિકેટ એસોસિએશનના પ્રમુખ તરીકે ચૂંટાયા હતા. ક્રિકેટ વહીવટમાં તેમના કાર્યકાળ દરમિયાન, તેઓ ગુજરાતમાં ક્રિકેટના ઇન્ફ્રાસ્ટ્રક્ચર અને રમતગમતની પ્રવૃત્તિઓને લગતી અનેક પહેલોમાં સક્રિયપણે સામેલ રહ્યા હતા.

રમતગમત ઉપરાંત, ધનરાજ નથવાણીએ CS), સમાજસેવા, વન્યજીવ સંરક્ષણ અને પર્યાવરણીય મુદ્દાઓ જેવા ક્ષેત્રોમાં વિશેષ રસ દાખવ્યો છે. તેમની અધિકૃત પ્રોફાઇલમાં દ્વારકા દેવસ્થાન સમિતિ સાથેની તેમની જવાબદારીઓ પર પણ ઉલ્લેખ કરવામાં આવ્યો છે. આ ઉપરાંત, ભારત સરકારના 2023ના ગેઝેટ નોટિફિકેશન અનુસાર, તેમની અમદાવાદમાં હંગેરીના માનદ કોન્સલ (Honorary Consul) તરીકે નિમણૂક કરવામાં આવી હતી. તેમના કોન્સ્યુલર અધિકારક્ષેત્રમાં ગુજરાત તેમજ દમણ અને દીવ તથા દાદરા અને નગર હવેલીનો સમાવેશ થતો હતો.

ધનરાજ નથવાણીની સાર્વજનિક ઓળખ મુખ્યત્વે ત્રણ ક્ષેત્રો  સાથે જોડાયેલી છે- કોર્પોરેટ ક્ષેત્ર, ક્રિકેટ વહીવટ અને સામાજિક પ્રવૃત્તિઓ. તેમના પિતા, પરિમલ નથવાણી રિલાયન્સ ઇન્ડસ્ટ્રીઝમાં વરિષ્ઠ અધિકારી છે અને રાજ્યસભાના સભ્ય છે. પરિમલ નથવાણી ઝારખંડમાંથી રાજ્યસભામાં પુનઃ ચૂંટાયા હતા અને હાલમાં ગૃહના સભ્ય છે. ધનરાજ નથવાણી ગુજરાત ક્રિકેટ એસોસિએશન (GCA) સાથે પણ લાંબા સમયથી સંકળાયેલા છે; 2019માં GCAના ઉપપ્રમુખ તરીકે ચૂંટાયા બાદ તેમણે ત્યારબાદ અધ્યક્ષના રૂપમાં જવાબદારી સંભાળી હતી.