ગરબામાં મુસ્લિમોના પ્રવેશ અંગે ભાજપમાં જ બે ભાગલા, મુખ્યમંત્રી દેવેન્દ્ર ફડણવીસની પત્નીનું નિવેદન ચર્ચામાં

મહારાષ્ટ્રમાં નવરાત્રી પહેલા ગરબા અને દાંડિયા આયોજનોમાં મુસ્લિમોના પ્રવેશ અંગે વિવાદ વધુ તીવ્ર બન્યો છે. વિશ્વ હિન્દુ પરિષદ (VHP)એ મુસ્લિમોને ગરબા આયોજનોથી દૂર રાખવાની અપીલ કરી છે. સંગઠને આયોજકો માટે ઓળખ કાર્ડ તપાસ અને તિલક અને કલાવા જેવી શરતો પણ સૂચવી છે. ભાજપના નેતા અને મહારાષ્ટ્ર સરકારમાં મંત્રી નિતેશ રાણેએ VHPની આ માંગને ટેકો આપ્યો છે. આ દરમિયાન, મુખ્યમંત્રી દેવેન્દ્ર ફડણવીસના પત્ની અમૃતા ફડણવીસે ગરબામાં મુસ્લિમોના પ્રવેશને ટેકો આપ્યો છે. ચાલો સમગ્ર વિવાદ સમજીએ.

નિતેશ રાણેનો તર્ક છે કે ગરબા અને અન્ય હિન્દુ તહેવારો 'લવ જેહાદ'ની ઘટનાઓ દ્વારા કથિત થાય છે. રાણેએ એમ પણ કહ્યું કે જે લોકો મૂર્તિ પૂજામાં માનતા નથી તેમને હિન્દુ ધાર્મિક કાર્યક્રમોમાં ભાગ લેવાનો અધિકાર ન હોવો જોઈએ. તેમણે આયોજનોમાં પ્રવેશ માટે આધાર કાર્ડ સાથેહનુમાન ચાલીસાનો પાઠ કરવા જેવી શરતો પણ સૂચવી.

મહારાષ્ટ્રના મુખ્યમંત્રી દેવેન્દ્ર ફડણવીસના પત્ની અમૃતા ફડણવીસે જણાવ્યું હતું કે તહેવારો બધાને એકસાથે લઇને ચાલનારા માટે હોય છે, અને જો કોઈ મુસ્લિમ વ્યક્તિ ઉત્સવમાં ભાગ લે છે તો તેમાં કંઈ ખોટું નથી. તેમણે કોઈપણ ધર્મના વ્યક્તિઓને ગરબામાં હાજરી આપવા પર પ્રતિબંધ મૂકવાનું સમર્થન ન કર્યું. જોકે, તેમણે એમ પણ કહ્યું હતું કે જાહેર કાર્યક્રમોમાં નિયમોનું પાલન થવું જોઈએ અને કોઈ બીજી વ્યક્તિને પરેશાની ન થવી જોઇએ.

ગયા અઠવાડિયે, VHPએ જાહેરાત કરી હતી કે 11 ઓક્ટોબરથી શરૂ થઈ રહેલા નવરાત્રી ઉત્સવ દરમિયાન રાજ્યભરમાં યોજાતા ગરબા અને દાંડિયા કાર્યક્રમોમાં મુસ્લિમોને પ્રવેશની મંજૂરી આપવામાં આવશે નહીં. સોમવારે VHPના વલણને સમર્થન આપતા, રાજ્ય મંત્રી નિતેશ રાણેએ આરોપ લગાવ્યો હતો કે આવા તહેવારો દરમિયાન 'લવ જેહાદ'ના કિસ્સાઓ વધે છે. તેમણે ભારપૂર્વક જણાવ્યું હતું કે જે લોકો મૂર્તિ પૂજા કરતા નથી, તેમણે હિન્દુ ધાર્મિક કાર્યક્રમોમાં ભાગ લેવો જોઈએ નહીં.

https://twitter.com/ANI/status/2097380356110660065?s=20

રાણેની ટિપ્પણી વિશે પૂછવામાં આવતા અમૃતા ફડણવીસે જણાવ્યું હતું કે તેમનું માનવું છે કે તહેવારો બધાને એકસાથે લઇને ચાલનારા અને સામૂહિક રીતે ઉજવવા માટે હોય છે. તેમણે પત્રકારોને કહ્યું કે, જો કોઈ મુસ્લિમ વ્યક્તિ ત્યાં આવે અને તહેવારનો યોગ્ય રીતે આનંદ માણે, તો મને તેમાં કંઈ ખોટું દેખાતું નથી. ગરબા આપણો રાષ્ટ્રીય સ્તરે ઉજવાતો તહેવાર છે તેને આંતરરાષ્ટ્રી રીતે મનાવવામાં આવે છે. જો કોઈ પણ જાતિ-ધર્મનો વ્યક્તિ આવીને શાંતિપૂર્ણ રીતે, કોઈ પણ પ્રકારના હોબાળા વિના તેને જોવા આવવા માંગે છે, તો મને લાગે છે કે તે ઠીક છે.

https://twitter.com/PTI_News/status/2097172374361948427?s=20

VHPએ આયોજકો માટે કેટલાક દિશા-નિર્દેશ જાહેર કર્યા છે. આમાં નવરાત્રી ગરબા અને દાંડિયા કાર્યક્રમોમાં ભાગ લેનારાઓના આધાર કાર્ડની ચકાસણી કરવી અને તેમની ઓળખની પુષ્ટિ કરવા માટે તેમના કપાળ પર તિલક લગાવવાનો સમાવેશ થાય છે.

શું ભાજપમાં પણ મતભેદો દેખાવા લાગ્યા છે?

આ વિવાદનું રાજકીય મહત્ત્વ એટલે વધી ગયું છે કારણ કે તે ફક્ત ભાજપ વિરુદ્ધ વિપક્ષનો મુદ્દો નથી. જ્યારે ભાજપના નેતા નિતેશ રાણે VHPની માંગને સમર્થન આપે છે, ત્યારે અમૃતા ફડણવીસે જાહેરમાં અલગ મત વ્યક્ત કર્યો છે. મહારાષ્ટ્રના સાંસ્કૃતિક બાબતોના મંત્રી આશિષ શેલારે પણ ગરબાને સમાવેશી રાખવાની તરફેણમાં વાત કરી છે.

'લવ જેહાદ'નો દૃષ્ટિકોણ શું છે?

રાણેએ આરોપ લગાવ્યો કે આવા તહેવારો દરમિયાન 'લવ જેહાદ'ની ઘટનાઓ વધે છે. તેમણે માંગ કરી કે, આયોજનમાં આવનારા લોકોની ઓળખ ચકાસવામાં આવે અને પ્રવેશ મેળવતા પહેલા તેમની પાસે હનુમાન ચાલીસાનો પાઠ કરાવવો જોઇએ. 'લવ જેહાદ' શબ્દનો ઉપયોગ દક્ષિણપંથી કાર્યકરો દ્વારા કરવામાં આવે છે. તે હેઠળ આરોપ લગાવવામાં આવે છે કે મુસ્લિમ પુરુષો હિન્દુ સમુદાયની મહિલાઓને પ્રેમજાળમાં ફસાવીને ધર્મ પરિવર્તન કરાવવાનું કાવતરું રચે છે.